Жаңалықтар

Атырау қаласы әкімдігінің кәсіпкерлік және ауыл шаруашылығы бөлімі мемлекеттік сатып алу порталында тендер жариялаған.

Онда 10 калькуляторды 3 млн 925 мың теңгеге сатып алмақ болған.

Kazinform ақпаратына қарағанда, тендерге қатысуға екі кәсіпкер қызығушылық танытқан.

Порталда жарияланған техникалық сипаттамада калькуляторлардың нақты ерекшеліктері көрсетілмеген. Тек олардың бухгалтерлік калькулятор екені ғана жазылған. Жеңімпаз компания тауарды тапсырыс берушіге 15 күн ішінде жеткізуі тиіс болған.

Алайда тендер кейіннен тоқтатылды. Белгілі болғандай, тауардың құнын көрсету кезінде мамандар қателік жіберген. Бөлім қызметкері 8 сәуірде жарияланған хабарландырудағы қателікті келесі күні байқап, тендерді кері қайтарып алған.

«Қазіргі уақытта жіберілген қателіктер түзетілді. Мемлекеттік...

15 сәуірден халықтың мобильді аударымдарын тексеру басталды. Тұрмыстық шығын, туыс, достар арасындағы көмек, сыйлық немесе бірреттік түсімдер бақылауға ілінбейді.

Банктер азаматтардың ақша аударымдары туралы 2026 жылдың бірінші тоқсанындағы мәліметті салық органдарына жолдады.

Қаржы вице-министрі Ержан Біржановтың айтуынша, енді қадағалау басталып, күмәнді жағдай анықталса, арнайы хабарламалар жіберіледі. Жаңа талапқа сәйкес, кез келген адамды бірден тексермейді.

Тексеру үшін үш ай ішінде 100 немесе одан да көп түрлі адамнан ақша түсуге тиіс.

Сондай-ақ аударымдардың тұрақты түрде үш ай бойы жалғасуы және жалпы сома шамамен 1 млн 20 мың теңгеден асуға тиіс.

Сонымен қатар туыстар, достар арасындағы көмек, сыйлық немесе бірреттік түсімдер бұл бақылауға...

Қазақстандағы ірі әуе компаниялары әкімшілік жауапкершілікке тартылды. Бұл туралы Азаматтық авиация комитеті хабарлады.

ҚР Көлік министрлігі авиаотынмен қамтамасыз ету мәселелерін тексеру барысында «Air Astana» және «FlyArystan» АҚ-ның отын көлеміне қатысты бұрмаланған мәліметтер ұсынғаны анықталған.

Қазақстан Республикасының Әкімшілік құқық бұзушылық туралы кодексіне сәйкес, аталған әуе компанияларға әкімшілік шара қолданылып, 100 АЕК көлемінде айыппұл салынды. Азаматтық авиация комитеті саланың ашықтығын қамтамасыз ету бағытындағы жұмыстарды жалғастыратынын жеткізді.

2025 жылы желтоқсанда отын бағасын негізсіз көтергені үшін Қостанай мен Қызылорда әуежайына айыппұл салынған еді.

Түркістан облысы прокуратурасы мемлекеттік және жекеменшік медициналық ұйымдарды тексеріп, заңсыздықтарды анықтады.

Оның ішінде міндетті әлеуметтік медициналық сақтандыру жүйесінде қаражатты заңсыз алу және жұмсау фактілері де бар.

«Лицензиясыз консультациялық-диагностикалық қызметтерді сапасыз әрі тиісті деңгейде көрсетпеу жағдайлары белгілі болды», – делінген хабарламада.

Жалған консультацияға – 91 млн теңге

Прокуратураның мәліметінше, облыстағы жекеменшік клиникалардың бірінде рұқсат құжаттарынсыз «офтальмолог», «гастроэнтеролог», «аллерголог», «уролог», «психиатр», «гематолог», «генетик», «қан тамырлары хирургы», «нейрохирург», «нефролог», «инфекционист», «невропатолог», «эндокринолог», «хирург», «кардиолог», «фтизиатр», «рентгенолог», «ревматолог», «онколог» мамандарының атынан 28 мыңнан астам консультация көрсетіліп, 91 млн теңге көлемінде қаражат алынған.

Емделмеген тіске...

Қазіргі ірі банктер тек ақша сақтаумен шектелмей, өз айналасына сақтандыру компаниялары, брокерлер, маркетплейс пен IT-фирмаларды жинап, үлкен топқа (экосистемаларға) айналды. Осыған байланысты, 2025 жылдан бастап Қаржы нарығын реттеу және дамыту агенттігі банк конгломератын бақылауды барынша күшейткен.

Бұрын тексерушілер негізінен тек банктің өз жұмысына мән берсе, енді банктің құрамына кіретін барлық компанияны бір құрылым ретінде қарайды. Мұны «шоғырландырылған қадағалау» деп атайды.

Енді банкке тиесілі кез келген қосалқы фирмада мәселе туындаса, реттеуші оны бірден көріп отырады. Бұл банк ішіндегі компаниялардың бір-біріне ақша аударып, өздерінің қаржы жағдайын қағаз жүзінде жақсартып көрсетуіне жол бермейді.

Бұл банктердің нақты тұрақтылығын білу үшін жасалып...

Оқу-ағарту және ішкі істер министрлігі мектеп бітіру кешін ұйымдастыруға болмайтынын мәлімдеді. Алайда түлектер арасында «таңертең аттестат аламыз, кешке мектеп оқушысы емеспіз» деген пікір тараған.

Мәжіліс депутаты Ирина Смирнова бұрын мектеп директоры болғанын, бұрыннан бітіру кешін өткізуге қарсы екенін айтты.

«Мектеп банкет өткізуді үйретпейді. Күндіз құжат беру рәсімін ұйымдастыруға болады. Ал түнде балаға ата-анасы жауапты. Кей бала кешкі отырыс өткізуге де қарсы. Ал барғысы келетін оқушыларға ата-анасы жауап береді. Заңға сәйкес, оқу орны мектептен тыс уақыттағы әрекетке жауап бермейді», – дейді депутат Смирнова.

Айта кетейік, бұған дейін Алматы қаласы Алмалы аудандында орналасқан Ыбырай Алтынсарин атындағы...

Нұрбанк тұрғын үй жинақтарына қосылу мәселесін қарастырып жатыр. Қаржы ұйымы 2026 жылы арнайы жинақ шотын ашып, ипотекалық өнім әзірлеуді жоспарлап отыр.

Нұрбанк ұсынатын шарттар қандай?

Finratings.kz жазуынша, жоба бастапқы пысықтау кезеңінде тұр. Қазіргі уақытта бұл жобаның негізгі талабы мен ережесі дайындалып, оның қаншалықты тиімді болатыны айқындалып жатыр.

Сонымен қатар қаржы ұйымы «Отбасы банкімен» бәсекелестік мәселесіне ерекше көңіл бөліп отыр. Өйткені мемлекеттен 20% сыйақы алатын жалғыз банк – «Отбасы банкі». Сондықтан «Нұрбанк» клиенттерді тартудың басқа да тиімді жолдарын қарастырып жатыр.

«Алдын ала тұрғын үй жинақ депозиті бойынша мөлшерлемені Отбасы банкке қарағанда жоғары ету мүмкіндігі қарастырылып жатыр...

Kursiv Media еліміздің кинотеатрлар нарығына зерттеу жүргізіп, билет бағасының өңірлер бойынша қалай өзгергенін саралады. Ұлттық статистика бюросының мәліметтеріне сүйенсек, соңғы үш жылда демалыс пен мәдениет саласындағы бұл қызмет түрінің құны айтарлықтай қымбаттаған.

Егер 2024 жылы республика бойынша орташа билет бағасы 2068 теңге болса, 2026 жылға қарай бұл көрсеткіш 2601 теңгеге жетіп, жалпы өсім 25,8%-ды құрады. Әсіресе 2025 жылдан 2026 жылға дейінгі кезеңде баға күрт өскені байқалады, бұл инфляция және кинопрокат нарығындағы шығынның артуымен байланысты болуы мүмкін.

Мегаполистер арасындағы баға ауытқуы

Ірі қалалар арасындағы бәсекеде баға саясаты әртүрлі бағытта дамып келеді. Алматы қаласында 2024 жылы билет...

«Алтын ханым» атанған мектеп директоры Ақмоншақ Нұртазақызы жаңа әнге клип түсірді.

Ән «Мықты әйелдер көбейіп бара жатыр» деп аталады. Әнін Айдын Сәндібай, сөзін Рамазан Амантай жазған.

Ақмоншақ Нұртазақызы әнге қатысты пікірін де білдірген. Оның айтуынша, мықты әйел – тек қиындыққа мойымайтын жан емес, қандай сынақ келсе де, өз қадірін сақтай білетін ерекше жан.

«Ол үндемей көп нәрсені көтереді. Бірақ керек кезінде өз ойын батыл айтады. Мықты әйел – отбасының шуағы. Жақындарының тірегі. Армандарынан бас тартпайтын қайсар жан. Оны шынайы күші сабырында. Ақылында. Мейірімге толы жүрегінде», – деп жазды мектеп директоры.

Ән қазақстандық тыңдармандардың жүрек қылын қозғаған.

Қазақстанда медициналық қызметтер мен дәрі-дәрмек сатып алғанда берілетін кассалық чекте пациенттің ЖСН-і көрсетілуі мүмкін. Қаржы министрлігі тиісті бұйрықтың жобасы «Ашық НҚА» порталында жарияланды.

Құжатты жария талқылау 2026 жылғы 29 сәуірге дейін жалғасады. Егер жоба мақұлданса, медициналық қызмет пен дәрі-дәрмек үшін төлем жасалғанда берілетін кассалық чектің міндетті деректемелеріне тағы бір тармақ – пациенттің ЖСН-і қосылады.

Бұл не үшін қажет?

Жоба авторларының айтуынша, бұл бастама Премьер-Министр Олжас Бектеновтың Әлеуметтік медициналық сақтандыру қорының (ӘМСҚ) қызметін реттеу жөніндегі тапсырмасы аясында қолға алынған.

Бұйрық жобасының мақсаты – медициналық сақтандыру қорының (ӘМСҚ) ақшасы нақты қайда және қалай жұмсалып жатқанын ашық көрсету. Чекте...

Былтыр табысын еселеп арттырған Bereke Bank 2025 жыл үшін дивиденд төлемейді. Мұндай шешімді қаржы ұйымының жалғыз акционері – Lesha Bank қабылдаған. Осылайша банктің 2025 жылғы 63,1 млрд теңге таза пайдасы банк иелігінде қалатын болды.

Bereke Bank үшін 2025 жыл айтарлықтай табысты болды. Қаржы ұйымының таза пайдасы бір жыл ішінде төрт есе өсіп, 63,1 млрд теңгені құрады. Салыстырмалы түрде айтсақ, бұл көрсеткіш алдыңғы жылы 16,2 млрд теңге болған.

Банктің түпкілікті бенефициарлары – қатарлық кәсіпкерлер Мутаз мен Рамез Аль-Хаяттарға тиесілі Power International Holding компаниясы. Олар бұрынғы ресейлік «Сбербанкт...

Сәкен Майғазиевты Ұлан-Батордың әуежайында отыз жыл көрмеген моңғолиялық досы қарсы алды.

Қазір «МузАрт» тобы гастрольдік сапармен Моңғолияда жүр. Моңғолия қазақтары танымал топты домбыраның үнімен және қазақ салты бойынша шашу шашып күтіп алды.

Әуежайға Сәкен Майғазиевтың 30 жыл көрмеген моңғолиялық курстасы Қыдырбек те келген. Сағынысқан достар ұзақ құшақтасып қауышты.

«Отыз жылдан кейін екі достың кездесіп тұрғаны осы. Аллаға мың да бір тәубе», – деді Қыдырбек.

Сәкеннің моңғолиялық курстасының достыққа адал екені көрінеді. Айталық, Қыдырбектің ұлының аты ерекше – Есмет. Сәкен Майғазиевтың айтуынша, бұл бірге оқыған бес достың есімдерінің алғашқы әріптерінен құралған ат екен.

«Ералы, Сәкен, Мақсат, Еркін...

Қаржы министрлігі Ұлттық қор қаржысы бір айда неге 2,3 трлн теңгеге азайғанын түсіндірді. Министрліктің Kursiv.Media ресми сауалына берген жауабына сәйкес, қазір қордың теңгедегі актив көлемі 37,3 трлн теңгені құрап отыр.

Көрсеткіштердің өзгеруіне не себеп

Министрлік мәліметінде, қор көлемі динамикасына бірнеше техникалық және экономикалық фактор әсер еткен.

2026 жылдың басындағы есепте қор көлемі 2025 жылдың тек 9 айындағы инвестициялық кірісті ғана қамтыған болатын. Ал 1 сәуірдегі деректерде 2025 жылдың толық 12 айының қорытындысы ескеріліп, көрсеткіштер қайта есептелген.

Екіншіден, 2025 жылдың IV тоқсанында ұлттық валюта – теңге бағамы нығайған. Ұлттық қор активтері негізінен шетелдік валютада...

Бүгін 15 сәуірден бастап, Астанада 6 қалалық және 7 экспресс-маршрутқа қосымша 37 автобус қосылды. Бұл туралы City Transportation Systems (CTS) компаниясы хабарлады.

Жаңа автобустардың келуі күту уақытын қысқартып, жолаушылар үшін сапарды жайлы ете түспек.

Қалалық бағыттардағы өзгерістер:

Экспресс-бағыттардағы өзгерістер:

«Маршруттардағы автобустар...

Қырғызстан билігі жуырда ел аумағында Starlink спутниктік интернеті қосылатынын жариялады. SpaceX компаниясы өкілдерімен келіссөздер Вашингтонда өтті. Бұл туралы қырғыз үкіметі хабарлады.

Ресми кездесу

Қырғызстан Орталық Азияда Starlink спутниктік интернетін қосқан үшінші ел атанады. Бұған дейін оған Қазақстан мен Тәжікстан қосылған. Өзбекстан мен Түркіменстан да 2026 жылы кіруге тиіс.

Қырғыз үкіметінің мәліметінше, үкімет басшысы Адылбек Касымалиев 14 сәуір күні АҚШ-та SpaceX компаниясының Starlink бойынша аға директоры Райан Гуднайтпен кездесті. Олар ел аумағында спутниктік интернетті іске қосу жұмыстарын аяқтау мәселесін талқылады.

Атап айтқанда, Starlink компаниясы тиісті талаптардың бәрін орындап, құзырлы мемлекеттік органдармен келісімдерге қол қойған.

Вашингтондағы кездесу барысында спутниктік...

Ресейдің Мемлекеттік Думасы бірінші оқылымда «Азаматтық туралы» және «Қорғаныс туралы» заңдарға түзетулер енгізу жобасын бірауыздан мақұлдады. Ол Ресей президентіне халықаралық, ұлттық сот шешімімен ұсталған ресейліктерді «қорғау» үшін өзге елдерге әскер кіргізуге мүмкіндік береді деп жазады ВВС. Бұл құжат ресми түрде шетелде қудаланған ресейліктерді қорғауға бағытталғанымен, сарапшылар оны АҚШ-тың «Гаагаға басып кіру туралы заңының» баламасы ретінде сипаттайды.

Ресей Қорғаныс министрінің орынбасары Анна Цивилеваның айтуынша, құжат президенттің шешімімен ресейліктерді шетелдегі қылмыстық және өзге де қудалаулардан қорғау мақсатында әзірленген. Мемлекеттік Дума спикері Вячеслав Володин бұл қадамды «дос емес мемлекеттердің әрекетінен азаматтардың құқықтары мен бостандықтарын қорғауды күшейту» деп түсіндірді.

Әскери күш...

Қазақстанның Ішкі істер министрлігі азаматтарға концерттер мен бұқаралық іс-шараларға билет сатып алу кезінде барынша сақ болуды ескертеді. Соңғы уақытта интернетте билеттерді сату немесе алып-сату бойынша күмәнді ұсыныстар жиілеп кеткен.

Алаяқтардың негізгі айла-тәсілдері:

«Алаяқтар билеттерді сатып алуда көмек ұсынады немесе оларды қымбат бағаға сатады. Одан бөлек, жалған билеттер таратуы да мүмкін. Оларға сенген адамдар ақша аударып, соңында билетсіз қалуы ықтимал», – деп атап өтті ІІМ баспасөз хатшысы Шұғыла Тұрлыбек.

«Ғашықпын саған» фильмі бізге қатты әсер етті. Себебі күйеуім екеуміз ол ракпен ауырып жүргенде таныстық…» – Threads желісінде тараған Аружанның бұл қысқа жазбасы мыңдаған адамның жүрегін елжіретті. Желі қолданушыларын жат елде, аурухана төсегінде басталған махаббат хикаясы бей-жай қалдырмады.

Кейде әлеуметтік желідегі бір ғана сторис адам тағдырын күрт өзгертуі мүмкін. Аружанның Райымбек есімді жігіттің парақшасына кездейсоқ кіруі үлкен махаббат пен ерліктің бастауына айналды.

«Райымбек екеуміздің ортақ досымыз бар. Сол Райымбек ауырып жатқанын сториске салған еді. Оның аккаунтына кіріп, ескі фотоларын қарап отырып, «сондай әдемі, жап-жас жігіт неге ауырып қалды екен, тезірек сауығып кетсе екен» деп жүрегім ауырды...

Ресейдің Қазан қаласындағы оқ-дәрі зауытында өрт шығып, салдарынан ғимарат қираған, деп хабарлайды РИА Новости.

«Қазандағы оқ-дәрі зауытындағы өрт салдарынан құрылымның бір бөлігі қирады», – делінген Татарстан басшысының баспасөз қызметінің хабарламасында.

Екі адам зардап шегіп, олар республикалық клиникалық ауруханаға және Қазан қалалық №7 ауруханасына жатқызылды. Күйік шалған бір әйелдің жағдайы ауыр.

«1989 жылы туған зардап шегуші ауыр халде жатыр, ол жансақтау бөліміне жатқызылды. Әйел адамның денесін күйік шалған және қосалқы жарақаттары бар», — деп хабарлады ауруханадан.

Татарстан басшысының баспасөз қызметінің мәліметінше, оқиғаның себебі техногендік сипатқа ие. Өндірістің технологиялы...

Ақмола облысында сот суррогат ана болу процедурасының бұзылуына байланысты әйелге ерлі-зайыптыларға ақшаны қайтаруға міндеттеді.

Іс материалдарына сәйкес, 2024 жылы ерлі-зайыпты Е. азаматша Д.-мен суррогат ана болу туралы келісімшарт жасаған. Құжатта бала бітудің (ұрықтандырудың) екі әрекеті қарастырылған. Бірінші әрекет сәтсіз аяқталған соң, ерлі-зайыптылар екінші әрекетке дайындықты жалғастырып, әйелге тексерулерге, медициналық препараттарға, жол жүру мен тамақтануға 500 мың теңгеден астам қаражат аударған.

Алайда 2025 жылғы наурызда процедура өтпей қалды – суррогат ана клиникаға келмеген. Кейін ол бас тартуын кардиолог пен терапевтің қорытындыларын ұсына отырып, медициналық қарсы көрсетілімдермен түсіндіруге тырысты.

Сот бұл уәждерге сын көзбен қарап, тексерулердің келісімшартта қарастырылмаған бөтен ұйымдарда...

Қазақстандық шахматшы Бибісара Асаубаева Кипрде өтіп жатқан 2026 жылғы үміткерлер турнирінде қатарынан екінші жеңісіне қол жеткізіп, көш бастады.

22 жастағы спортшы осының алдындағы 13-турда украиналық Анна Музычукпен кездесті. Аралық кестеде олар 3-4 орындарды бөлісіп тұрған болатын. Асаубаева ақ фигуралармен ойнап, жеңіске жетті. Бұл оның турнирдегі төртінші жеңісі болды.

Қазақстандық шахматшы 7,5 ұпай жинап, Үндістан өкілі Вайшали Рамешбабумен бірге 1-2 орындарды бөлісіп тұр. Қытайлық Чжу Цзиньэрдің еншісінде жеті ұпай бар, ол жарияланым шыққан сәтте 13-турдағы матчын әлі аяқтамаған еді. Келесі кездесулер 15 сәуірге жоспарланған.

Асаубаева соңғы турда үндістандық Дивья Дешмукхпен ойнайды. Олардың алтыншы турдағы матчы қазақстандықтың жеңілуімен аяқталған болатын. Бірінш...

Астаналық мектеп директоры Ақмоншақ Нұртазақызы продюсер Баян Алагөзованың «Алтын ханым» жобасында үздік атанып, «Алтын ханым – 2026» титулын иемденді.

Ақмоншақ Нұртазақызы өзі ұтып алған 3 млн теңгенің әйелдерді қолдайтын әлеуметтік жобаға жұмсайтынын айтты.

«Маған осы мүмкіндікті берген Баян Мақсатқызына, қолдау көрсеткен отбасыма, ата-ана мен ата-енеме алғыс білдіремін», – деді ол өз сөзінде.

Байқаудың ұсынған ақпаратына сүйенсек, Ақмоншақ Нұртазақызы – төрт дипломы бар ұстаз, мектеп директоры және блогер. 

Бұған дейін Ақмоншақ Нұртаза Айнұр Асанбердіге берген сұхбатында жобаға дайындық барысында өзіне қатаң талап қойып, қысқа уақыт ішінде 10 келі салмақ тастағанын айтқан. Оның айтуынша, бұл...

Қазақстанның басым бөлігінде жаңбыр жауып, найзағай ойнап, күн күрт суытады. Осыған орай алдын ала ескерту жарияланды. «Қазгидромет» 15 сәуірге ауа райы болжамын ұсынды.

Астанада көшпелі бұлт, қар аралас жаңбыр, жел 9-14, екпіні 15-20 м/с., түнде ауа температурасы +4..+ 6°C, күндіз + 7…+9°C.
Алматыда бұлтты, жаңбыр, найзағай, жел 3-8, екпіні 13-18 м/с., түнде …+11°C, күндіз + 22…+24°C. 
Шымкентте көшпелі бұлт, жаңбыр, жел 8-13, екпіні 15-20 м/с., түнде ауа температурасы +11…+13°C, күндіз + 19…+21°C. 
Ақтауда бұлтты, жаңбыр, найзағай, жел 9-14, екпіні 25 м/с., ауа температурасы түнде және күндіз +10…+12°C. 
Ақтөбеде бұлтты, жаңбыр, найзағай, жел 7-12, екпіні 23 м/с., түнде ауа температурасы +12…+14°C...

Астанада құрылыс алаңында мұнаралы кран өртенді, деп хабарлады ТЖМ. Оқиға Айтматов көшесінің бойында болған.

Әлеуметтік желілерде кран кабинасынан қою қара түтін шығып жатқан видео тарады. Оқиға орнына құтқарушылар жедел жетті. Алғашқы бөлімшелер келген бойда мұнаралы кранның кабинасы өртеніп жатқаны анықталды.

«Өрт сөндірушілер өртті қысқа мерзімде жедел түрде ауыздықтады. Зардап шеккендер жоқ», – деп хабарлады ведомство.

Кадрлардан кабинаны түтін басқанын, кей жерлерде бықсу ошақтары сақталғанын көруге болады. Өрт сөндірушілер биіктікте жұмыс істей отырып, өртті сөндіру шараларын жүргізді.

12 сәуірге қараған түні Астанада Түркістан көшесіндегі көпқабатты үйдің 15-қабатында орналасқан пәтерден шыққан өрт үш баланы...