Жаңалықтар

Әлемдік жұлдыз Дженнифер Лопес Астанадағы киген сахналық образдарын отандық дизайнерлер дайындады. Бұл жаңалықты дизайнер Зияда Бекбасова мен Алтынай Ракишева Jibek Joly арнасындағы «Бүгін LIVE» бағдарламасында айтты.

Концерт ұйымдастырушылары бізге Джей Ло командасымен жұмыс істеуді ұсынды. Бұл біз үшін үлкен мәртебе. Ұсынысты бірден қабылдадық, – деді Зияда Бекбасова.

Джей Ло командасы қазақстандықтардың кәсібилігіне көз жеткізген соң, тек бишілер мен музыканттарға ғана емес, әншінің өзіне арналған сахналық костюмдерді де сеніп тапсырған.

Барлық образдарды толықтай дайындадық. Бэк-вокалистер, бишілер мен музыканттарда әрқайсысында 5–6 костюм болды. Кейін олар бізге Джей Лоның костюмдерін де сеніп тапсырды...

Атыраулық ардагер ұстаз 14 жыл бұрын өзіне берілген пәтерді сот арқылы жекешелендіру құқығына ие болды. Бұл туралы Жоғарғы соттың баспасөз қызметі хабарлады.

Оқиғаның мән-жайы

2011 жылы педагогке мемлекеттік тұрғын үй қорынан көлемі 68,3 шаршы метр болатын екі бөлмелі пәтер жалға берілген. Кейін пәтерді жекешелендіру кезінде Тұрғын үй инспекциясы бөлімі оның бұрын басқа тұлғаға аударылған мүлкі болғанын алға тартып, пәтерді жекешелендіруден бас тартқан.

Балалар үйінің түлегі болып саналатын педагог Тұрғын үй инспекциясының бұл шешіміне шағымданып, сотқа жүгінген. Белгілі болғандай, оған бұрын жер телімі беріліп, ол жерге 20 шаршы метр болатын шағын үй салған. Бірақ үйді салып бітіруге ақшасы...

2025 жылғы 1 тамыздан бастап Қазақстанда сұйытылған мұнай газының (автогаз) бөлшек саудадағы төменгі бағасы қымбаттады. Бұл туралы Энергетика министрлігінің бұйрығында айтылды. Құжат Үкіметтің заңнама банкінде жарияланды.

Энергетика министрі Ерлан Ақкенженов қол қойған құжатқа сәйкес, автогаз бағасы Астана мен Алматы қалалары үшін 9,8%-ға қымбаттап, бір литрі 102 теңгеден 112 теңгеге дейін көтерілді. Шымкент қаласы үшін 13,3%-ға артып, 102 теңге болды. Ақтөбе, Атырау және Батыс Қазақстанда автогаздың литрі 85 теңге тұрады. Ең арзан баға Маңғыстау облысында – 72 теңге.

Қазақстанның ірі қалалары мен өңірлеріндегі автогаз бағасы қалай өзгергенін төмендегі кестеден біліңіз:

Сонымен бірге Энергетика министрлігі сұйытылған мұнай газының көтерме бағасын...

Қазақстанда шағын және орта бизнестің (ШОБ) тауарды шетелден көтерме бағамен сатып алуын жеңілдететін жаңа онлайн-платформа іске қосылады. Бұл туралы Үкімет отырысында Сауда және интеграция министрі Арман Шаққалиев мәлімдеді.

Министрдің айтуынша, жаңа платформа шетелдік ірі жеткізушілермен, соның ішінде JD.com мен Alibaba Group компанияларымен тікелей байланыс орнатуға мүмкіндік бермек. Сол үшін цифрлық шешімдер енгізіледі.

Жобаны толық іске асыру үшін Қазақстан мен Қытай үкіметтері арасындағы келісімге өзгерістер енгізу мәселесі қаралып жатыр. Сонымен қатар, шетелден әкелінетін тауарларды сертификаттауға байланысты техникалық кедергілерді жою жоспарланған.

«Платформаны толық іске асыру үшін сертификаттау рәсімдеріндегі техникалық кедергілерді жою мәселесі пысықталуда және Қазақстан мен...

Түркістан облысы әкімдігіне қарайтын Түркістан халықаралық әуежайының жылдық шығыны – 3 млрд теңге болса, кірісі 1,4 млрд теңге. Әуежай әзірге өз шығынын өзі өтей алмай тұр. Әкімдік әуежайды дамыту мен табысын арттыру мақсатында сенімгерлік басқаруға компания іздеп жатыр. Бұған дейінгі вьетнамдық «Sovico Group» компаниясы өз еркімен басқарудан бас тартқан.

Түркістан облыстық жолаушылар көлігі және автомобиль жолдары басқармасы қоғамдық тасымалды дамыту бөлімінің басшысы Байдәулет Байкөзиевтің айтуынша, Kursiv.Media вьетнамдық «Sovico Group» компаниясы әкімдікке өз компаниясын дамытатынын, Түркістан халықаралық әуежайын сенімгерлік басқаруға алудан өз еркімен бас тартатыны туралы хабарлама берген. Қазір қосымша сенімгерлік басқаруға беру үшін бірнеше компаниялармен келіссөздер жүргізіліп жатыр. Олардың ішінде...

Маңғыстау облысының орталығы – Ақтау қаласында халықаралық стандартқа сай жаңа стадион салынады. Бұған қоса, Кендірліде әуежай пайда болады. Премьер-министрі Олжас Бектенов өңірде туризмді дамытуды көздейдін қаулыға қол қойды.

Үкімет «Маңғыстау» туристік аймағын дамытудың 2025–2029 жылдарға арналған кешенді жоспарын бекітті.

Құжатта 9 бағыт бойынша салалық мәселелерді жүйелі шешу қарастырылған. Оның ішінде: инфрақұрылымды дамыту, логистика, цифрландыру, қауіпсіздікті қамтамасыз ету, кадр даярлау, инвестициялық жобаларды ілгерілету және басқа да бағыттар бар. Жоспарды жүзеге асыру кезеңінде жүзден астам іс-шара ұйымдастырылады.

Кендірліде әуежай салынады

Болашағы зор 12 нысанның ішінде өңірдегі туризмді дамытудың негізгі бағыттарының бірі деп Кендірлі аймағы белгіленді. Инфрақұрылым мәселелерін шешу...

Алматы полициясы 83 жастағы Амантай қажыға қатысты қылмыстық іс қозғады, деп хабарлайды KursivMedia.

Бұған дейін әлеуметтік желіде Амантай қажы Асылбековтің әйелді баспалдақтан итеріп жіберген видеосы тарады.

Сол жағдай бойынша Алмалы ауданы полиция басқармасы қылмыстық кодекстің 107-бабы (денсаулыққа қасақана ауырлығы орташа зиян келтiру) бойынша қылмыстық іс жүргізіп жатыр.

Дене жарақаттарының ауырлық дәрежесін анықтау мақсатында сот-медициналық сараптама тағайындалды.

Қылмыстық іс бойынша тергеу шаралары жүргізілгеннен кейін процессуалдық шешім қабылданады.

Айта кетейік, күдіктінің кінәсі дәлелденсе, оған 1000 АЕК-ке дейін айыппұл салады не 2 жылға дейінгі мерзімге бас бостандығынан айырылады.

4 шілде күні Жандосов көшесі мен Абай даңғылының арасындағы аумақта Қарғалы өзеніндегі судың түсі өзгергені байқалды. Алдын ала мәліметке сүйенсек, көпірден өзенге жасыл түсті химиялық зат төгілген болуы ықтимал. Бұл туралы қала әкімдігі хабарлады.

Алматы қаласының Экология және қоршаған ортаны қорғау басқармасының мамандары оқиға орнын тексеріп шықты. Заттың құрамын анықтап, өзеннің қаншалықты ластанғанын білу үшін Экология департаменті мен Санитариялық-эпидемиологиялық бақылау департаментінің мамандары су сынамасын алып, зертханаға жіберді.

2025 жылы 5 тамыз күні Алматы қаласының Экология басқармасы, Наурызбай ауданы әкімдігі, Экология департаменті, Санитариялық-эпидемиологиялық бақылау департаменті және Балқаш-Алакөл бассейндік инспекциясы бірлесіп, бұл жағдайдың себебін және кінәлі тұлғаларды анықтау бойынша жұмыстар жүргізбек.

WBO және IBF нұсқалары бойынша орта салмақтағы әлем чемпионы, қазақстандық боксшы Жәнібек Әлімханұлы келесі жекпе-жегін 2025 жылдың қараша айының басында өткізуді жоспарлап отыр. Бұл туралы спортшы өзінің X әлеуметтік желісінде хабарлады.

Жәнібек Әлімханұлы әлі де доминикандық боксшы, WBC белбеуінің иегері Карлос Адамеспен біріктіруші жекпе-жек өткізуді көздеп отыр.

Америкаға жол тарттым. Қарашада жекпе-жекке дайын боламын! Бұл Адаместің соңғы мүмкіндігі. Егер келіспесе, титулдарымды басқа қарсыластармен қорғауға тура келеді. Сондықтан оған және менеджерлеріне айтарым — уақыттарың аз қалды! – деп жазды боксшы X әлеуметтік желісінде.

Айта кетейік, Жәнібек өзінің соңғы жекпе-жегін 2025 жылдың 5 сәуірінде Астанада өткізіп...

Президент Қасым-Жомарт Тоқаев теңізге шыға алмайтын дамушы елдердің үшінші БҰҰ конференциясына қатысу үшін «Аваза» конгресс-орталығына келді. Бұл туралы Ақорда хабарлады.

Мемлекет басшысын Түрікменстан Халк Маслахатының төрағасы Гурбангулы Бердымұхамедов салтанатты түрде қарсы алды. Осы жерде делегация басшыларын ресми қарсы алу рәсімі өтті.

Форум жұмысына Біріккен Ұлттар Ұйымының Бас хатшысы Антониу Гутерриш пен бірқатар елдердің жоғары деңгейдегі өкілдері қатысуда. Конференцияның басты мақсаты – теңізге шыға алмайтын мемлекеттердің жаһандық экономикаға ықпалын арттырып, олардың даму жолдарын айқындау.

Президент Қазақстан мен Түрікменстан арасындағы ынтымақтастықтың үдемелі дамып келе жатқанын және оң динамика көрсетіп отырғанын атап өтті.

Құрметті Гурбангулы Мяликгулыевич, сізді қасиетт...

Қазақстандық теннисші Елена Рыбакина Монреаль қаласында өтіп жатқан беделді WTA 1000 турнирінің жартылай финалына шықты. Бұл туралы Қазақстан теннис федерациясы хабарлады.

Ширек финалда Рыбакина украиналық Марта Костюкты жеңіп, келесі кезеңге жолдама алды. Кездесу барысында есеп 6:1, 2:1 болғанда қарсыласы жарақатына байланысты матчты жалғастыра алмады. Осылайша, Лена автоматты түрде жеңіске жетті.

Бұл – Еленаның Монреальдегі турнирдің жартылай финалына қатарынан екінші мәрте шығуы. Соңғы рет мұндай нәтижеге осы турнирде дат теннисшісі Каролин Возняцки 2010–2012 жылдары жеткен болатын.

Жартылай финалда Елена Рыбакина канадалық Виктория Мбокомен кездеседі. Еске сала кетейік, бұған дейін Рыбакина Мбоконы Вашингтондағы турнирде ойсырата жеңген еді.

17 жастағы алматылық Рамазан Әбдірахман әлемнің сегіз жетекші университетінен шақырту алды. «Білім Инновация лицейінің» түлегі жетінші сыныптан бері химия ғылымын терең зерттеп жүр. Енді ол өзі аңсаған оқу орнына түсті.

Мақсатқа жету жолы

Бес жыл бұрын Алматы қаласындағы жекеменшік лицейлердің біріне оқуға түскен Рамазан химия пәнінен олимпиадаға дайындық іріктеуінен өтеді. Бағыт таңдауына химия пәнінің мұғалімі Нұрбек Серіков көмектеседі.

Дәл осы сәттен бастап жетінші сынып оқушысы Рамазан химияны тереңдетіп оқып, білім олимпиадаларына дайындалады. Оның бағыты дұрыс екені көп уақыт өтпей-ақ мәлім болды. Ынталы оқушы химия пәнінен облыстық және республикалық олимпиадалардың бірнеше дүркін жүлдегері атанды. Ол түрлі байқаулар мен жобаларға...

2024 жылы шілде айында Шымкент қаласының әкімі Ғабит Сыздықбеков әріптестерімен бірге ашқан серуен аймағынан веложол алынып тасталды. Веложол Қажымұқан стадионынан Дендрологиялық саябаққа дейін созылып жатқан. Шымкент қалалық жолаушылар көлігі және автомобиль жолдары басқармасының хабарлауынша, бұл қадам жолаушылар қауіпсіздігі үшін жасалған. Ал велосипедшілерге жаңа жол салынып жатқанын айтады. Бұл шешімге тұрғындардың пікірі әрқилы.

«Велосипедшілер мен жаяу жүргіншілер біріне-бірі кедергі етеді. Жаяу жүргіншілер өте көп. Қауіпсіздік үшін дұрыс. Балаларды қағып кетсе, қиын ғой», – дейді. Екіншісі велосипедке арналған жолақты қалдыру керек деп санайды. «Енді велосипедшілер қалай жүреді?», – дейді тұрғындардың бірі.

Серуен аймағы Қажымұқан Мұңайтпасов атындағы...

5 тамыз, сейсенбі күні, Қазақстан аумағында ауа райы құбылмалы болады. «Қазгидромет» мәліметінше, республиканың басым бөлігінде жауын-шашынсыз ауа райы күтілсе, солтүстік пен батыс өңірлерде жаңбыр жаууы мүмкін. Сонымен қатар ел аумағында жел күшейіп, оңтүстік пен батыста шаңды дауылдар болуы ықтимал.

«Қазгидромет» мамандары, әсіресе, ашық далада, жолда жүрген жандарды күшті жел мен шаңды дауылдарға сақ болуға шақырады.

4 шілде күні Алматы маңындағы Сорбұлақ су қоймасында тікұшақтың жоғалып кеткеніне 11 күн болды. Осы уақыт ішінде іздеу-құтқару жұмыстары тоқтаусыз жүргізіліп жатыр. Бұл туралы Қорғаныс министрлігі хабарлады.

Құтқару операциясына 330-дан астам маман, 59 арнайы автокөлік, 23 жүзу құралы, 12 ұшқышсыз ұшу аппараты, сондай-ақ эхолоттар, георадарлар, авиация және кинологиялық топтар жұмылдырылған.

Іздестіру жұмыстары Қорғаныс министрлігінің мамандарымен қатар, Төтенше жағдайлар және Ішкі істер министрліктерінің, басқа да мемлекеттік органдардың қызметкерлерінің қатысуымен жүзеге асырылып жатыр.

Қорғаныс министрі, авиация генерал-лейтенанты Дәурен Қосановтың бұйрығымен арнайы комиссия құрылып, оның құрамына Мемлекеттік авиацияның ұшу қауіпсіздігі департаментінің білікті сарапшылары енгізілген. Комиссия мүшелері екі бағытта жұмыс істеуде: бір...

Мәскеуде 2024 жылы «Крокус Сити Холлда» болған жаппай лаңкестік шабуылға қатысты қылмыстық іс бойынша сот процесі басталды. Аталған оқиғада ресми дерекке сәйкес, 147 адам қаза тауып, 300-ден астамы жарақат алған еді. Ресей тарихындағы ең қанды шабуылдардың біріне қатысты іс жабық режимде қаралып жатыр. Бұл туралы BBC хабарлады.

Сот алдында 19 адам жауап беруде

Сот алдына 19 адам шығарылды: төрт негізгі айыпталушы және 15 «көмекші тұлға». Көмекшілердің қатарында пәтер иесі де бар — шабуылдаушылар сол жерде тұрған.

Тергеу ісі екі нұсқаны біріктіріп отыр: лаңкестікті «Ислам мемлекеті — Хорасан уалаяты» тобы ұйымдастырған деген ресми нұсқа, сонымен қатар шетелдік арнайы...

2025 жылғы 4–12 тамыз аралығында Алматы облысының Алмалыбақ ауылындағы Олимпиадалық даярлық орталығында халықаралық деңгейдегі ірі шахмат додасы – «Almaty Region Open. Qonaev Cup 2025» фестивалі өтіп жатыр. Бұл шара Қазақстан Кубогының үшінші әрі шешуші кезеңі болып саналады және классикалық шахматтағы ең беделді турнирлердің біріне айналып келеді.

Қазақстан Кубогы: жаңа формат, жаңа деңгей

KazChess (Қазақстан шахмат федерациясы) 2023 жылдан бастап классикалық шахмат бойынша ел Кубогын жаңа форматта – швейцар жүйесі бойынша өтетін үш кезең және айналмалы жүйедегі финал арқылы ұйымдастырып келеді. Финалда 12 үздік шахматшы бақ сынайды. Биылғы маусымда Ақтөбе мен Өскеменде өткен алғашқы екі кезеңде гроссмейстерлер Алексей Сарана...

Қостанай облысында алкогольге тәуелділікті азайтуға, құқық бұзушылықтың алдын алуға бағытталған «Мәдени қоғам» жобасы аясында 17 ауыл алкогольден толық бас тартты. Бұл туралы Рolisia.kz порталы хабарлады.

Қоғамдық қолдау негізінде іске асып жатқан жоба аясында қалалар мен ауылдарда құрметті ақсақалдар, дін өкілдері, белсенді азаматтардан құралған қоғамдық комиссиялар құрылған. Олар алкогольге тәуелді адамдарға көмектесіп, рухани қолдау көрсетіп, түсіндіру жұмыстарын жүргізеді.

Сондай-ақ «Мәдени қоғам» аясында ішімдік сататын орындарға рейдтер ұйымдастырылған. Рейдке полиция, еріктілер мен БАҚ өкілдері қатысады.

«Түнгі уақытта немесе кәмелетке толмағандарға алкоголь өнімін сату бойынша биыл жыл басынан бері 217 заң бұзушылық анықталған. Облыстық ПД бастығының орынбасары Аманжол...

Астана қаласының әкімшілік істер жөніндегі соты Каспий теңізіндегі ірі Қашаған кен орнын игеріп жатқан North Caspian Operating Company (NCOC) консорциумына салынған $4,2 млрд көлеміндегі экологиялық айыппұлды жойғанына қатысты түсініктеме берді.

Соттың мәліметінше, Атырау облысының Экология департаменті тарапынан берілген экологиялық заңбұзушылықтар туралы нұсқама процедуралық қателіктерге байланысты заңсыз деп танылған. Бұл ретте, сот шешімі экологиялық заңбұзушылықтың болмағанын білдірмейді.

«Нұсқаманың күшін жою оның мазмұнына қатысты емес, оны рәсімдеу кезінде әкімшілік процестік кодекстің талаптары сақталмаған. Сондықтан сот экологиялық заңбұзушылық фактісін бағалаған жоқ», – деп нақтылады Астана қаласының соты.

Соттың айтуынша, Экология департаменті процессуалдық қателіктерді түзеп, NCOC компаниясына қатысты...

3 тамыз күні АҚШ-тың Вирджиния штатындағы Александрия қаласында мектеп оқушылары арасындағы шахматтан әлем чемпионаты басталды. Бұл айтулы додаға 48 елден 55 команда, яғни 286 жас шахматшы жиналды. Қазақстан атынан алты команда қатысып жатыр. Чемпионат 6 тамызға дейін жалғасады және FIDE World Schools Team Championship 2025 атауымен өтіп жатыр.

Жарыс Episcopal High School кампусында өтуде. Бұл — АҚШ астанасы Вашингтонмен шекаралас қаладағы беделді оқу орны. Турнир 4 ойыншыдан тұратын құраммен, рапид уақыт бақылауында (45 минут + 10 секунд) өтуде. Барлығы 8 тур жоспарланған.

Қазақстанның үздік командалары

Қатысушы командалар орташа рейтинг бойынша тізімделген. Қазақстаннан қатысқан мектептер рейтингке қарай төмендегідей орындарда...

Энергетика вице-министрі Сұңғат Есімханов Түркістандағы 1 мың мегаваттық электр станциясының құрылыс барысымен танысты.

Кентау қаласында ол «Кентау сервис» мекемесіне қарасты ЖЭО-5-ке барды. Мұнда №5 және №6 қазандықтарға күрделі жөндеу жүргізіліп жатыр. №6 қазандықтағы жұмыс аяқталған.

Сондай-ақ вице-министр Түркістан облысында салынып жатқан қуаты 1000 МВт-қа дейін жететін бу-газ электр станциясының құрылысын қарап шықты. Жобаны «ПГУ Туркестан» ЖШС мен оңтүстіккореялық Doosan Enerbility компаниясы іске асырып жатыр.

«Самұрық-Қазына» қоры Түркістан облысындағы электр станциясы жобасын 2022 жылы қолға алған. Қор осы электр станциясы құрылысы жобасын бір еншілес компаниясынан алып, екіншісіне бергені белгілі.

Қуаты 1000 МВт  электр станциясы құрылысымен айналысатын...

Елордада 5-10 тамыз аралығында жергілікті атқарушы органдардың мемлекеттік білім беру тапсырысы аясында ЖОО-ларға құжат қабылдау өтеді, деп хабарлады Астана қаласы әкімдігінің ресми сайты.

Конкурсқа қатысу үшін үміткер өтінішін жоғары оқу орнының қабылдау комиссиясына төмендегі бағыттар бойынша тапсырады:

Л.Н. Гумилев атындағы Еуразия ұлттық университеті:
• Педагогика және психология;
• Мектепке дейінгі оқыту және тәрбиелеу;
• Физика пәні мұғалімдерін даярлау;
• Психология.

А. Құсайынов атындағы Еуразия гуманитарлық институты:
• Педагогика және психология;
• Мектепке дейінгі оқыту және тәрбиелеу;
• Бастауышта оқытудың педагогикасы мен әдістемесі.

Astana халықаралық университеті:
• Педагогика және психология;
• Мектепке дейінгі оқыту және тәрбиелеу;
• Бастауышта оқытудың педагогикасы мен әдістемесі;
• Математика пәні мұғалімдерін даярлау;
• Информатика пәні мұғалімдерін даярлау;
...

Қазақстан Хорватия арқылы Мажарстанға 85 мың тонна алғашқы мұнай партиясын экспорттады. Бұл туралы «ҚазМұнайГаз» компаниясы хабарлады.

Мұнай Новороссийск портынан Хорватияның Омишаль портына дейін «Қазақтеңізкөлікфлотының» «Alatau» танкерімен тасымалданған. Ал бұл порттан шикізат Мажарстанның Сазхаломбатта мұнай өңдеу зауытына дейін Адрия мұнай құбыры арқылы жеткізіледі. Бұл мұнай құбырын Хорватияның Jadranski naftovod компаниясы (JANAF) басқарады.

ҚМГ хабарлауынша, Танкер Хорватияға келгеннен кейін ҚМГ, MOL Group және JANAF өкілдерінің кездесуі өткен. Тараптар алдағы өзара тиімді ынтымақтастық мәселелерін талқылады. Келіссөз нәтижесінде ҚМГ мен MOL Group арасында мұнай жеткізу мәселелеріне қатысты Негіздемелік келісімге қол қойылды.

Бұл бастама Қазақстанға ҚМГ мұнайы экспортының географиясын ЕуроОдақ нарығында едәуір кеңейтуге...

Биыл 39 мыңнан астам адам магистратураға түсу үшін кешенді тестілеу тапсырды. Бұл туралы ғылым және жоғары білім министрлігі хабарлады.

Нәтижесінде ғылыми-педагогикалық бағыт бойынша түсушілердің 52%-ы, бейінді бағыт бойынша 21%-ы шекті балл жинады. Ғылыми-педагогикалық бағыт бойынша орташа көрсеткіш – 78 балл, бейінді бағыт бойынша 23 балл болды. Ең жоғары балл – 139.

«Тестілеу басталғалы 99 қатысушының нәтижесі жойылды. Оның ішінде 67 оқуға түсуші смартфон, шпаргалка және басқа да тыйым салынған заттарды алып өтуге тырысқаны үшін тест тапсыру мүмкіндігінен айырылды. Кешенді тестілеу кезінде ережелерді бұзғаны үшін аудиториядан 31 адам шығарылып, нәтижелері жойылды», – делінген ақпаратта.

Тағы бір жағдайда бір адам...