Жаңалықтар

Елде жылқы етін сырттан әкелу көлемі екі есе артты. 2025 жылдың 11 айының қорытындысы бойынша елге 3,8 мың тонна жылқы еті импортталды. Импорт көлемі 10,7 млн долларды құрап, бұл соңғы 10 жылдағы ең жоғары көрсеткіш болды.

Сарапшылардың айтуынша, статистикаға жаңа, салқындатылған және мұздатылған ет түрлері жиынтық түрде енгізілген.

Тонна және қаржылық мәндегі қазіргі көрсеткіштер кемінде соңғы он жылдағы ең жоғары деңгейге жетті. Бұл рекордтар 2022 жылдың қаңтар–қараша айларындағы деректермен салыстырғанда, табиғи көлем бойынша 12%-ға, ал ақшалай мәнде 17%-ға жоғары.

Жылқы еті қай елден келеді

Қазақстанға жылқы етін жеткізген негізгі ел Моңғолия болып отыр. Жалпы импорт көлемінің 60%-ы...

Еуропада америкалық акциялар мен облигацияларды сатуға қатысты пікірталас күшейіп келеді. Bloomberg агенттігінің жазуынша, бұл қадам АҚШ президенті Дональд Трамптың ЕуроОдаққа қарсы сауда соғысын қайта жандандыру ниетіне жауап болуы мүмкін.

Мұндай сценарий іске асса, америкалық қор нарығында акциялар арзандап, АҚШ үшін қарыз алу құны өсуі ықтимал.

Deutsche Bank есебіне сәйкес, Еуропа инвесторлары АҚШ-тың акциялары мен облигацияларына шамамен 8 трлн доллар инвестициялаған. Ал кейбір деректерде Еуропа елдерінің иелігіндегі америкалық активтердің жалпы көлемі 10 трлн доллардан асатыны айтылады.

Бұл қаражаттың едәуір бөлігі мемлекеттік инвестициялық қорлардың басқаруында. Сарапшылардың айтуынша, осындай активтерді жаппай сату доллар бағамының әлсіреуіне де әкеп соғады.

Bloomberg...

20 қаңтарда Қызылордада президент Қасым-Жомарт Тоқаевтың төрағалығымен Ұлттық құрылтайдың бесінші отырысы өтеді. Бұл жиыннан Kursiv.Media тілшілері де ақпарат таратады.

Президент Қасым-Жомарт Тоқаев қатысатын осы жиында саяси реформалар, соның ішінде бір палаталы парламент құру мәселесі сөз болады.

Съезд подиумындағы президенттің екі жағында мемлекеттік кеңесші Ерлан Қарин мен сенатор Бибігүл Жексенбай отыр.

V  Ұлттық құрылтайдың жұмысын мемлекеттік кеңесші Ерлан Қарин бастады. Ол екі күндік форумның алғашқы күні төрт панельдік секция отырысы форматында өткенін еске салды.

«Аталған секциялар аясында құрылтайдың 70-ке жуық мүшесі сөз сөйледі. Талқылау барысында 200-ден астам ұсыныс пен кеңес айтылды. Бұл бастамалардың барлығы қазірдің өзінде жинақталды. Олардың кейбірімен бүгін...

Жаркент қаласында баласын батареяға байлап қойып ұрған әйел ата-ана құқығынан айрылып жатса, әке екі баласына қайта қосылу үшін шұғыл түрде баспана іздеп жүр: комиссия оған жарты ай уақыт берген. Kursiv.Media осы отбасының қиын жағдайымен танысып, өткір әлеуметтік мәселеге назар аударды.

Мал баққан

30 жастағы Тайыр Құрбанжанов пен 28 жастағы Мария Белекова 2020 жылдан бері бірге тұрады. Олардың екі баласы бар: 5 жастағы Рафаэль мен 2 жастағы Юсуф. Тайыр мен Мария қаладағы интеллектуалдық дамуы кешеуілдеген балалар оқитын мектепте білім алған.

Әлеуметтік желілерге тез тарап, көпшілік сынаған даулы оқиға 17 қаңтарда Жетісу облысы Панфилов ауданына қарасты Жаркент қаласында болған...

Қазақстан күнбағыс майын өндіруден әлемнің үштігіне кіруді, май-тоңмай саласы өнімдерінің экспорт көлемін 1 млрд доллардан асыруды жоспарлап отыр. Бұл туралы Сауда және интеграция министрлігі мәлімдеді.

Астанада өткен Экспорттық штабтың алғашқы отырысында агроөнеркәсіп кешені өнімдерінің экспортын дамытуға арналған жаңа тәсілдер және қазақстандық өндірушілердің сыртқы нарыққа шығу барысында кездесетін жүйелі кедергілерді жою мәселелері талқыланған.

«Бұл жұмыстың негізгі нәтижесі 2026 – 2028 жылдарға арналған май-тоңмай саласы өнімдері экспортының даму жөніндегі Жол картасының әзірленуі болды. Құжатты әзірлеу барысында еліміздің солтүстік, шығыс және оңтүстік-шығыс өңірлерінде майлы дақылдарды өсірумен, сондай-ақ Абай, Шығыс Қазақстан, Ақмола, Жетісу және Алматы облыстарында оларды өңдеумен...

Әлемнің бесінші ракеткасы, қазақстандық теннисші Елена Рыбакина Australian Open–2026 турнирін жеңіспен бастады.

Алғашқы айналымда Рыбакина словениялық теннисші Кая Юванмен кездесіп, матчты 2:0 есебімен сенімді түрде өз пайдасына шешті.

Australian Open – теннистегі ең беделді «Үлкен дұлыға» турнирлерінің бірі. Бұған дейін, қазақтандық теннисшілер Александр Бублик, Александр Шевченко, Юлия Путинцева келесі кезеңге өтсе, Зарина Дияс испаниялық Паула Бадосаға ұтылып, жарыс жолын аяқтады.

2025 жылы Қазақстандағы 23 екінші деңгейлі банк 2,7 трлн теңге таза пайда тапты. Бұл 2024 жылдағы 2,55 трлн теңге таза пайдадан 6 пайызға артық. Ол кезде Қазақстан банктерінің таза пайдасы 17%-ға өскен болатын.

Банктердің кірісі мен шығысы туралы есепке сәйкес, былтыр банк жүйесінің жалпы кірісі 98,7 трлн теңгеден асты. Ал осы кірістерді қалыптастыруға кеткен барлық шығын мен салықтарды шегергеннен кейін, банктердің қолында 2,7 трлн теңгеге жуық таза пайда қалды.

Банктер табысының өзегі саналатын сыйақы алуға байланысты кіріс көлемі 9,4 трлн теңгені құраған. Оның негізгі бөлігі клиенттерге берілген несиеден түскен табысқа тиесілі.

24 жастағы қызды интимдік фотоларын жариялаймын деп қорқытып, 1 миллион теңге талап еткен екі жаңаөзендік ұсталды.

Lada.kz хабарлауынша, 17 қаңтар күні полиция бопсалауға күдікті екі ер адамды ұстады.

Құқық қорғау органдарының мәліметінше, 2000 жылы туған жәбірленуші полицияға арызбен жүгінген. Оның айтуынша, 1997 жылы туған ер адам әлеуметтік желілерде және туыстары арасында интимді фотосуреттерін таратамын деп қорқытып, одан 1 миллион теңге көлемінде ақша талап еткен.

Тергеу материалдарына сәйкес, күдікті WhatsApp арқылы «алдымен 200 мың теңге аударуды, ал қалған 800 мың теңгені 2026 жылғы 20 қаңтарға дейін беруді» талап еткен. Ақшаны өзі көрсеткен есепшотқа аударуды сұраған.

Тінту барысында күдіктілердің бірінен...

Польша ресми құжаттардан «күйеу» және «әйел» деген терминдерді алып тастамақшы. Оны «бірінші жұбай» және «екінші жұбайы» деп ауыстырады. Бұл туралы елдің цифрландыру министрлігі хабарлады.

Ведомство атап өтуінше, қазір арнайы бұйрық дайындалып жатыр. Бұл шешім ЕО Сотының талабына сай болу үшін жасалып отыр.

Осыған дейін Польша заңнамасына сәйкес бір жынысты одақтар ресми отбасы деп саналмайтын. Неке деп тек ер мен әйелдің одағын айтатын еді. Бірақ былтыр Польшада екі азаматшаның ісіне қатысты дау туып, Еуроодақ сотына дейін жетті. 2025 жылы 25 қарашада сот Польша билігі тіпті шекара сыртында қосылған бір жынысты некені де ресми түрде мойындауы керек деген шешім шығарды.

Желіде банкоматтан қолма-қол ақша алғандар туралы дерек бір жерге жинақталып жатыр деген ақпарат тараған. Жалған ақпаратқа қарсы іс-қимыл орталығы мұны жоққа шығарып, банкоматтарда бейнебақылау камералары қауіпсіздік мақсатында орнатылғанын мәлімдеді.

Ұлттық банк те елде мұндай тізім жасалмайтынын мәлімдеген.

«Банкоматтағы камералар қылмыстың (алаяқтық немесе ұрлық) алдын алуға, сондай-ақ клиенттердің және құқық бұзушылардың әрекетін тіркеу арқылы оқиғаны тергеп-тексеру барысында пайдалануға мүмкіндік береді», – делінген ақпаратта.

Банкоматта түсірілген видеолар даулы жағдайда дәлел бола алады, ол банк клиенттері мен қаржы ұйымдары мүддесін қорғау мақсатында орнатылған.

Мұндай талап 2016 жылы бекітілген. Құжатқа сәйкес банктер банкоматтарда кемі бір...

Қазақстанда жол-көлік оқиғаларының саны артып келеді

Қазақстанда жол-көлік оқиғалары саны азаяр емес, керісінше өсу үрдісі байқалады. Бас прокуратураның Құқықтық статистика және арнайы есепке алу комитетінің дерегінше, өткен жылы елде адамдар зардап шеккен 36,1 мың жол апаты тіркелген. Бұл көрсеткіш 2024 жылмен салыстырғанда 14,4%-ға көп, ал 2015 жылмен салыстырғанда шамамен екі есе жоғары.

Ең көп жол апаты Алматыда тіркелді

Автокөлік санының артуы бұл өсімге белгілі бір деңгейде әсер еткенімен, негізгі себеп деуге келмейді. Себебі 2015 жылдан кейінгі бірнеше жыл бойы (2020 жылды қоспағанда) көлік саны көбейгеніне қарамастан, жолдарғы оқиғалар саны жыл сайын азайып отырған. Апаттар санының тұрақты өсу...

Мемлекеттік сатып алулар саласының сарапшысы Бибек Жүнісов мемлекет басшысы Қасым-Жомарт Тоқаевқа үндеу жасады. Ол бюджеттен бөлінетін қаражат мұғалімдердің мектептегі керек-жарағына іс жүзінде жетпейтінін мәлімдеді.

Сарапшы бұл пікірін әлеуметтік желідегі парақшасында жариялады. Президентке жүгінді.

«Жыл сайын мемлекеттік бюджеттен білім саласына триллиондаған теңге бөлінеді. Соның шамамен 300 млрд теңгесі балабақшаларға, мектептер мен жоғары оқу орындарын қамтамасыз етуге бағытталады. Бұл қаражатқа кеңсе тауарлары, шаруашылық және спорттық жабдықтар, құрылыс материалдары және өзге де қажетті заттар сатып алынады. Алайда оның мардымсыз бөлігі ғана түпкілікті алушыларға жетеді. Көп жағдайда мұғалімдер барлық қажеттілікті өз қалтасынан, кейде ата-аналардың есебінен алуға мәжбүр. Бұл...

Бүгін, 20 қаңтарда, Алматының «Қайрат» футбол клубы Чемпиондар лигасының 7-тур аясында бельгиялық «Брюгге» командасымен кездеседі.

Ойын сағат 20:30 да «Астана Арена» стадионында өтеді.

Қайдан көруге болады

«Қайрат» – «Брюге» арасындағы ойынды Qazaqstan телеарнасы тікелей эфирде көрсетеді. Сонымен қатар матчты телеарнаның ресми сайтынан онлайн көруге мүмкіндік бар.

Командалардың турнирлік жағдайы

Алты турдан кейін алматылық «Қайрат» бар болғаны 1 ұпай жинап, Чемпиондар лигасының жалпы кезеңіндегі турнирлік кестеде 36-орында тұр.
Ал «Брюгге» командасының еншісінде 4 ұпай бар, бельгиялық клуб қазіргі таңда 30-орынды иеленіп отыр.

Бұған дейін, «Қайрат» футбол клубының бас бапкері Рафаель Уразбахтин команданың дайындығы мен қақпашы Темірлан Анарбековтің болашағы...

2026 жылдың 1 қаңтарынан Қазақстанда жаңа Салық кодексі күшіне енді. Соған байланысты кәсіпкерлер үшін салық режимдері үшке дейін қысқарды. Егер сіз бизнес жүргізсеңіз, 1 наурыз 2026 жылға дейін өзіңізге қолайлы салық режимін таңдауыңыз қажет. Уақытында хабарлама берілмесе, салық органдары автоматты түрде жалпыға бірдей белгіленген режимге көшіреді.

2026 жылдан арнайы салық режимдерінің (АСР) саны жетіден үшке дейін азайды. Мемлекеттік кірістер комитетінің түсіндіруінше, бұл өзгеріс салықтық әкімшілендіруді жеңілдету үшін жасалған. Енді кәсіпкерлер төмендегі үш режимнің бірін ғана таңдай алады:

? Өзін-өзі жұмыспен қамтығандарға арналған АСР
? Оңайлатылған декларация негізіндегі АСР
? Шаруа және фермер қожалықтарына арналған АСР

Комитеттің арнайы салық режимдерін әкімшілендіру басқармасының басшысы

Қаңтар айында қазақстандықтар Халыққа қызмет көрсету орталықтарына қандай қызмет үшін барды? Қазақпарат жазуынша, тұрғын үй тіркеу мен зейнетақы алу бағыты ең танымалдардың қатарында болған.

ХҚКО-дағы танымал бес бағыт:

Ескерте кетейік, ХҚКО-лар дүйсенбіден жұмаға дейін сағат 9:00-ден 18:00-ге дейін жұмыс істейді. Кезекші және мамандандырылған орталықтар азаматтарды жұмыс күндері 20:00-ге дейін, ал сенбі күндері 13:00-ге дейін қабылдайды. Сондықтан қажетті құжаттарды тіпті жұмыстан кейін де рәсімдеп үлгеруге болады.

Жақында ЖИ және цифрлық даму министрі Жаслан Мәдиев ХҚКО-ның форматы өзгеретінін...

Дональд Трамп 22 қаңтарда Давоста «Бейбітшілік кеңесінің» жарғысына қол қоймақшы. Бұл туралы дереккөздеріне сілтеме жасаған Bloomberg  жазады.

Спикердің айтуынша, Газа секторындағы жағдайды реттеу үшін құрылатын ұйымның нақты жарғысы Дүниежүзілік экономикалық форум аясында бекітілуі керек. Ал Трамп шақырылған елдер құжатқа сол күні қол қойғанын қалап, ресми түрде өзгелерді де қатарға қосуға ниеттеніп отырған көрінеді.

Жарғы жобасына сәйкес, АҚШ Президенті «Бейбітшілік кеңесінің» алғашқы төрағасы болады және жаңа қатысушыларды шақыру туралы жеке өзі шешім қабылдау құқығын сақтап қалады.

Ұйымның тұрақты мүшесі мәртебесін алу үшін АҚШ әкімшілігі мемлекеттерден бірінші жылы кемінде 1 млрд доллар көлемінде жарна төлеуді талап етеді.

Бұл «Бейбітшілік...

Бүгінгі күн өзгерістер, цифрлық үдерістер және жеке жауапкершілік тақырыптарын күшейтеді. Kursiv LifeStyle Geocult.ru деректеріне сүйене отырып, жұлдызнама болжамын ұсынады.

Тоқты

Күш-қуатыңызды бұрынғы қаржылық міндеттемелерді аяқтауға бағыттаңыз. Бизнесте өткен қателіктерді түзейтін кезең туады. Жеке қарым-қатынаста артық дау-дамайдан қашу үшін жұмсақтық танытқан жөн.

Торпақ

Жұмыста икемдірек болып, жаңа форматтардан қорықпаңыз. Күтпеген мансаптық шешімдер болашақта тұрақтылық әкелуі мүмкін. Кешті жақындармен тыныш әңгімеге арнауға болады.

Егіздер

Бүгінгі күн есеп-қисап пен құжаттарға мұқият болуға шақырады. Кенеттен жасалатын сатып алулар мен күмәнді инвестициялардан аулақ болыңыз. Махаббатта ишарадан гөрі ашық әрі адал диалог маңызды.

Шаян

Юпитер сенімділікті арттырып, жаңа мүмкіндіктер ашады. Бүгін тексерілген...

Қазақстанда банктер тек қаржы институты ғана емес, саясатқа, бизнеске және қоғамға тікелей әсер ететін ықпалды құрылымдар. Әр банк артында белгілі бір топ, әулет немесе халықаралық қаржы алыбы тұр. Сондықтан «банктердің қожайындары кім?» деген сұрақ – жай қызығушылық емес, ел экономикасын кімдер басқарып отырғанын түсінудің кілті.

Бұл материалда Қазақстан банктерін меншік құрылымы бойынша бөліп, нақты акционерлерін, олардың ықпалын және мүддесін талдаймыз.

Инфографика: Банк акционерлері меншік сипаты бойынша

Отандық жеке банктер – ұлттық капиталдың тірегі

Halyk Bank

Активі: 19,8 трлн теңге – Қазақстандағы №1 банк

Halyk Bank – елдегі ең ірі әрі ең ықпалды қаржы институты. Банк акциялары Лондон және Қазақстан...

Ақтөбе облысының Хромтау қаласындағы қоғамдық тамақтану ғимаратында газ жарылып, бес адам зардап шекті, деп хабарлайды «Диапазон«. 

Өңірлік Төтенше жағдайлар департаментінің мәліметінше, оқиға 19 қаңтарда сағат 17.45 шамасында болған.

«Ғимаратта ыстық сумен қамтамасыз ету үшін пайдаланылатын газ жабдықтары болды. 12 литрлік газ баллонынан кенеттен от шығып, соның салдарынан ғимарат қирады», – деп хабарлады ТЖД. 

Әлеуметтік желіде оқиғаның видеосы тарады. Көп қабатты үйлердің арасында орналасқан бір қабатты шағын ғимаратта жарылыс болды. Куәгерлердің хабарлауынша, жарылыс күшті болып, ол көпқабатты үйдің бірнеше кіреберісіндегі терезелер шағылған.

Денсаулық сақтау басқармасы күйікпен аудандық ауруханаға бес адам жеткізілгенін хабарлады. Бір жәбірленуші реанимацияда...

Футболдан Қазақстан Ұлттық құрамасы FIFA series 2026 жолдастық матчтарының жаңа халықаралық турниріндегі қарсыластарының тізімін білді.

Ұлттық құраманың қарсыластары Намибия, Комор аралдары және Кувейт құрамасы болатыны анықталды. Матчтар Астанада 2026 жылғы 23-31 наурыз аралығында «Астана Арена» стадионында өтеді.

Қазақстан ерлер ұлттық құрамалары арасында FIFA Series 2026 матчтарын өткізу сеніп тапсырылған елдердің қатарына енді. Қазақстаннан басқа, турнирдің қожайыны Австралия, Әзербайжан, Индонезия, Маврикий, Пуэрто-Рико, Руанда және Өзбекстан болады. Турнир аясында әйелдер ұлттық командаларының кездесулерін Бразилия, Кот-д’Ивуар және Тайланд өткізеді.

FIFA series форматы әр топқа әртүрлі конфедерациядан төрт құраманың қатысуын қарастырады. Әр команда «төрт финал» форматында екі жолдастық матч өткізеді, бұл ұлттық құрамалар күнтізбесінде...

Израиль авиациясы Ливанның оңтүстігіндегі Ансар және Зарария елді мекендерінің арасында орналасқан аумаққа, сондай-ақ, Серире және Баруз елді мекендерінің жанындағы Литани өзенінің арнасына соққы берді, деп хабарлайды Anadolu Ajansı.

Сонымен қатар Израильдің жауынгерлік ұшақтары Басалия, Кафр-Малки және Махмудия елдімекендеріне, сондай-ақ Лувейз елдімекенінің маңындағы Шетта өзенінің арнасына шабуыл жасады.

Әлеуметтік желіде жарияланған бейнежазбалар мен фотосуреттер зардап шеккен аудандардың үстінен түтін көтеріліп жатқанын көрсетеді.

Ливан билігі шабуылдар туралы әлі түсініктеме берген жоқ, құрбандар туралы да хабарламады.

Өз кезегінде Израиль армиясының баспасөз қызметі Ливанның оңтүстігіндегі әртүрлі аудандарда «Хезболлаға» тиесілі нысандар соққы жасағанын хабарлады.

Зардап шеккен нысандардың ішінде «Хезболла» жаттығу лагерлері, қару-жарақ сақтауға арналған...

Чемпиондар Лигасындағы ертеңгі «Қайрат»-«Брюгге» матчының алдындағы баспасөз мәслихаты барысында «Қайраттың» бас бапкері Рафаэль Уразбахтин қақпашы Темірлан Анарбеков алдағы маусымда командада қалатынын растады.

«Иә, иә, әрине, ол командада. Ол бойынша ресми ұсыныстар жоқ. Қазіргі уақытта ол біздің негізгі қақпашымыз», – деді Алматы клубының бапкері.

Айта кетейік, Анарбеков шотландиялық «Селтикке» қарсы ойында «Қайрат» қақпасын қорғап, алматылық клубтың Чемпиондар Лигасының негізгі кезеңіне өтуіне жол ашқан еді.

Естеріңізге сала кетейік, «Қайрат» пен «Брюгге» арасындағы кездесу ертең, 20 қаңтарда «Астана Аренада» өтеді. Чемпиондар Лигасының алты турынан кейін Уразбахтиннің шәкірттері кестеде соңғы 36-шы орында (1 ұпай).

Қазақстанның батысы мен оңтүстігінде көктайғақ пен тұман, оңтүстігінде боран мен қар болады. «Қазгидромет» 20 қаңтарға ауа райы болжамын ұсынды.

Қазақстан миллиардерлерінің дені байлықты қаржы және табиғи ресурстарды игеру саласындағы қызметі арқасында жинаған. Төменде елдегі ең бай адамдардың Forbes тізіміндегі орнына сай (2025 жыл) әзірленген инфографика берілген.

Инфографиканы зерттеуші, деректерді өңдеу және талдау саласының маманы Нұрасыл Әбдіразақұлы жасаған. 

Байлық көрнекі форматта

Қазақстанның ең бай 10 адамы көрсетілген мына визуализациядағы суретті шеңберлер сол тұлғаның байлығы (капиталы) көлеміне сәйкестендіре салынып, жанына соған тиесілі ең танымал компанияның логотипі жазылған. Бұл адамдарға қарасты бір емес, бірнеше компания бары анық, алайда мына инфографикаға олардың бұқараға таныс, көпшілік біледі деген компаниялары ғана қосылған. 

Қазақстанның доллар миллиардерлері

Жоғарыдағы тізімге енген алты азамат...