Жаңалықтар

Қазақстандағы «Теңіз» және «Королев» мұнай кен орындарында мұнай өндіру уақытша тоқтады. Бұған өндірістік нысандардағы электр энергиясын тарату жүйелерінде туындаған техникалық ақау себеп болған. Бұл туралы Reuters «Теңізшевройл» (ТШО) компаниясының баспасөз қызметіне сілтеме жасап хабарлады.

ТШО мәліметінше, сақтық шарасы ретінде «Теңіз» және «Королев» кен орындарындағы өндіру жұмыстары уақытша тоқтатылған. Шешім мұнай зауытындағы өрттің кейбір электр тарату жүйелеріне әсер еткеніне байланысты қабылданды.

Компания өкілдері қызметкерлер арасында зардап шеккендер жоқ дейді. Қазіргі уақытта техникалық қызметтер ақаудың себептерін анықтап жатыр. Компания мемлекеттік органдармен тығыз байланыста жұмыс істеп, ықтимал салдардың алдын алуға күш салып жатыр.

Сонымен қатар ТШО Теңіз кен орны...

Олжас Абай мен Дариға Бадықованың «Сен керексің» әніне түсірілген бейнебаянының кадрлары желіде жұрт талқысына түсіп жатыр. Әсіресе, Бадықованың сырт-келбеті мен киген киіміне қарап, кейбірі «Дариғаның аяғы ауыр сияқты» деп жазды. Оған қоса, клипте Олжас артқа бұрылып, үш саусағын көрсетеді. Оның да астарын көпшілік әрқалай талдап жатыр. 

ТикТок желісінде Бадықованың продакшнына тиесілі Dbadykova_production парақшасына «Сен керексің» бейнебаянының үзінділері жиі салынып жүр. Мұнысы, әрине, жаңа шыққан ән мен көктемде жарық көретін фильмді таныту мақсатында жасалып жатқан маркетиң амалы екені белгілі. Әнге түсіріліп жатқан видео саны да аз емес. Осы ретте парақшадағы посттардың астына жазылатын пікірлерде де қызу талқы жасалатынын байқадық. Атап айтқанда...

Ресей президенті Владимир Путин Газа бойынша «Бейбітшілік кеңесінің» құрамына қатысу жөнінде АҚШ тарапынан шақырту алған. Қазір ұсыныс қарастырылып жатыр. Ресей президентінің баспасөз хатшысы Дмитрий Песков журналистерге осылай деп мәлімет берген.

Песковтың сөзінше, Путинге дипломатиялық арналар арқылы аталған кеңес құрамына кіру ұсынысы түскен.

«Қазір біз ұсыныстың барлық егжей-тегжейін зерделеп жатырмыз», – деді ол.

Сондай-ақ Песков барлық жайтты нақтылап алу үшін америкалық тараппен байланыс орнатуға үміттенетінін айтқан.

Айта кетейік, бұған дейін Қазақстан президенті Қасым-Жомарт Тоқаев АҚШ президенті Дональд Трамптан Газа бойынша Бейбітшілік кеңесінің құрамына кіруге ресми шақыру алған еді. Ал Қазақстанға осы кеңестің құрылтайшы...

27 қаңтардан бастап Қазақстан азаматтығын алу үшін өткізілетін тестілеудің жаңа ережелері күшіне енеді. Бұл туралы Ғылым және жоғары білім министрі Саясат Нұрбектің бұйрығында көрсетілген.

Бұрын азаматтық беру үшін адамның қазақ тілін қаншалықты білетініне назар аударылса, енді Конституция негіздерін түсінуге көбірек мән беріледі.

Азаматтық алу үшін үміткер кемі 50 балл жинауға тиіс. Жаңа ережеде жергілікті құқық негіздері мен Қазақстан тарихын білу деңгейіне көңіл бөлінген. Мәселен, бұрын мемлекеттік тіл бойынша 36 балл жинау қажет болса, енді 15 балл жеткілікті. Ал Конституцияны білу бойынша бұрынғы 9 балл орнына 20 балл жинау талап етіледі. Қазақстан тарихынан кемі 15 балл алуға тиіс.

Жалпы...

ForteBank басқарма құрамынан Ернар Тәшенов пен Нариман Жарқынбаев шығарылды. Бұл шешім 16 қаңтардағы директорлар кеңесінің қаулысымен қабылданды.

Ернар Ташенов басқармадан өз өкілеттігі аяқталғаны үшін, ал Нариман Жарқынбаев шетелдік жұмыс күшін тарту бойынша рұқсат алынған соң кеткен.

Олардың орнына басқармаға чех Зденек Фоукал қосылды. Зденек Фоукал бұрын Home Credit Bank-тың басқарма мүшесі болған және 2021 жылдан бастап өнімдерді дамыту мен клиенттермен жұмыс жөніндегі директор болған.

2025 жылдың желтоқсанында Зденек Фоукал мен казахстандық Виктор Батрак Home Credit Bank басқармасынан шығарылған. Сол уақыттан кейін ол ForteBank-қа ауысып, жаңа лауазымға тағайындалды.

2025 жылдың соңында Миллиардер Болат Өтемұратов Home Credit...

Астана прокуратурасы қылмыстық-атқару жүйесі мекемелерінде еңбек заңнамасының бұзылғанын анықтады. Тексеру барысында бір колонияда сотталғандар белгіленген нормадан артық, күніне 12 сағаттан астам жұмыс істеген.

Сонымен қатар кейбір сотталғандарға еңбекақы уақытында төленбеген, ал олардың еңбек шарттары да бұзу жасалған.

Тексеру нәтижесі бойынша 13 сотталғанға артық жұмыс сағаттары үшін Еңбек кодексінің 108-бабына сәйкес өтемақы төленді.

Жауапты қызметкерлер «Еңбекақы төлеу талаптарын бұзу» деп көрсетілген Әкімшілік құқық бұзушылықтар кодексінің 87-бабы бойынша әкімшілік жауапкершілікке тартылды.

Еске салсақ, Алматы қаласында кәмелетке толмаған сотталғандарды ұстауға арналған қылмыстық-атқару жүйесінің жаңа мекемесі ашылды.

Applied Economics Research Centre (AERC) сарапшылары бастапқы тұрғын үй нарығында баға төмендеуі болмайтынын және баға әрі қарай өсе беретінін мәлімдеді.

«Аймақтар бойынша жаңа тұрғын үй бағаларының өсуі теріс көрсеткіштен 20%-дан жоғары мәнге дейін өзгеріп отырады. Бұл сұраныс пен ұсыныстың жергілікті жағдайларындағы айырмашылықтарды көрсетеді. Дегенмен жалпы көрініс тұрақты өсу трендін көрсетеді. Қысқа мерзімде бағаны төмендетуге негіз жоқ», – деп атап өтті сарапшылар.

Сарапшылардың пікірінше, жаңа тұрғын үй бағалары біртіндеп өседі, алайда аймақтарда өсім әртүрлі болады.

«Жеңілдетілген ипотекалық бағдарламалар мен мемлекеттік шаралар тұрғын үй нарығына сұранысты ынталандыруда және халықтың тұрғын...

Қазақстан Ұлттық Банкі «Қазақстанның жер қойнауы» сериясынан жаңа коллекциялық монетаны сатылымға шығарады. Монета «Zn (Мырыш)» деп аталады. Банк баспасөз қызметінің хабарлауынша, сатылым 20 қаңтарда басталады.

Жаңа монета 925 сынамалы күмістен соғылған, ішкі бөлігінде мырыш қондырмасы бар. Салмағы – 32,5 грамм, диаметрі 38,61 мм. Монета black-proof сапасында дайынлаған, яғни ерекше жылтыр және сапалы. Номиналы 1 000 теңге, ал жалпы таралымы – 2 000 дана.

Қайдан сатып алуға болады

Монетаны Ұлттық банктің ресми интернет-дүкені  –  kazcoins.nationalbank.kz
арқылы сатып алуға болады. Дүкенде күмістен соғылған OTYRAR, GRIFFIN, QAZAQ KÚRESI сынды монеталар 36-47 мың теңге аралығында сатылып жатыр. Аталмыш сайтқа тіркелген со...

Бүгін премьер-министр Олжас Бектенов арнайы жиын өткізіп, мал шаруашылығын дамытудың 2026-2030 жылдарға арналған кешенді жоспарын мақұлдады.

Мал басын көбейтеді

Ауыл шаруашылығы министрлігінің мәліметінше, елдегі ауыл шаруашылығы жалпы өнімінің 39%-ын мал шаруашылығы құрайды. Ірі қара мал саны 7,9 млн, ал ұсақ мал – 20,2 млн.

Енді кешенді жоспар аясында ірі қара малды 12 млн басқа, ұсақ малды 28 млн басқа дейін ұлғайтпақшы. Ет өндірісін 1,2 млн-нан 1,8 млн тоннаға дейін, ал экспортын 82 мыңнан 165 мың тоннаға дейін көбейту жоспары бар.

Жеңілдікпен несие беріледі

Асыл тұқымды мал басын сатып алуға 6% жеңілдікпен несие беру бағдарламасы...

Қасым-Жомарт Тоқаев конституциялық реформаның талқылана бастағанына жарты жыл болғанын, осы уақытта қоғамда елдің жоғары заң шығарушы органын трансформациялаудың мақсатына қатысты дұрыс түсінік қалыптасқанын айтты.

Сондай-ақ Ұлттық құрылтай отырысында парламенттік реформа бойынша нақты пікір айтатынын жеткізді.

Астанада президент қатысуымен Парламенттік реформа жөніндегі жұмыс тобының отырысы өтті. Ресми ақпаратқа сәйкес, жұмыс тобына азаматтардан мемлекеттік құрылымның жалпы мәселелері мен саяси және қоғамдық институттарды жетілдіруге қатысты 1,6 мыңға жуық ұсыныс келіп түскен.

Ақорданың хабарлауынша, президент талқылау нәтижесін, сараптама қорытындыларын, ұсынылған түзетулер жобасын, сондай-ақ конституциялық реформаға қатысты азаматтардан келіп түскен ұсыныстарды егжей-тегжейлі зерделеп жатыр.

Президенттің сөзінше, заң шығарушы билік тармағын жүйел...

Бельгияның атақты «Брюге» футбол клубы Астана қаласына ұшып келді. Команда сапарының бір сәтін әлеуметтік желіде жариялап, «Бельгиядан Қазақстанға бір минутта» деген жазумен қысқа видео бөлісті.

Бельгиялық клуб ертең, 20 қаңтар күні сағат 20:30-да Астана аренада алматылық «Қайрат» командасымен Чемпиондар лигасы аясында кездеседі.

«Қайрат» үшін бұл кездесу еурокубок аясында өз алаңында өткізетіни соңғы ойын болмақ. Бұдан кейін алматылық ұжым 28 қаңтар күні Англияның «Арсенал» командасымен ойнау үшін Лондонға аттанады.

E.kamik деген атпен белгілі блогер Камила Әділхан біраз уақыттан бері белі ауырып, кейде талып қалып жүргені жайлы жазып жүрген. Дәрігерлердің өзі себебін таба алмай, анализдер таза шықты деген. Күні кеше блогер Instagram парақшасының stories бөліміне «мұның себебі көреалмаушылық пен қызғаныштан жақын адамдардың бірі сиқыр жасағаннан» деп сыр бөлісті.   

Камиланың айтуынша, нағыз жұмысы қызып жатқан маңызды сәттерде үнемі ауырып қала беретінін байқаған. Ойластырған жобасына қанша күш салып жатса да, әлі жарыққа шыға алмай жатқаны содан дейді-мыс. Оған қоса қайта-қайта шаршай беретінін, бір жарым жылдан бері күнде мағынасы бірдей түс көріп келе жатқанын да жазған.

«Адам...

Қазақстанда кофе бағасы қымбаттады. Бағаның күрт өсуіне Бразилиядағы құрғақшылық пен Вьетнамдағы аптап ыстық себеп болып отыр. 2025 жылдың желтоқсанында таңғы сусынның бағасы жылдық есеппен 26,2%-ға артты.

Қазақстан үшін кофе толығымен импортталатын өнім. Елге бұл тауар 47 елден жеткізіледі, ал негізгі жеткізуші – Бразилия. Өткен жылдың қаңтар–қазан айларында Бразилияның үлесі Қазақстанға импортталған кофенің жалпы көлемінің шамамен 40%-ын құрады. Осы 10 айда Бразилияның арабика плантацияларынан шамамен 1,5 мың тонна кофе жеткізілген, бұл бір жыл бұрынғы көрсеткіштен 1,5 есе көп.

Қазақстандағы кофе импорты бойынша екінші орында Ресей тұр, 2025 жылғы қаңтар–қазан аралығында шамамен 938 тонна кофе (жылдық өсім +18%) жеткізілген.

Энергетика министрлігі мен Siemens энергонысандардағы цифрлық басқару жүйелерін бағалау бойынша пилоттық жобаны іске асырып жатыр.

Министрліктің мәліметінше, Siemens компаниясы «Астана-Энергия» АҚ энергия нысандарында (1-ЖЭО, 2-ЖЭО, 3-ЖЭО) SCADA-жүйелеріне пилоттық зерттеу жүргізген. Аталған жүйе энергетика саласындағы  жаңғыртудың кешенді тәсілін қалыптастыруға бағытталған.

«Жұмыс шеңберінде SCADA жылу жүйелерінің жай-күйіне бағалау жүргізіп, оның технологиялық және ақпараттық тәуекелдер анықтайды. Сондай-ақ энергия нысандары жұмысының сенімділігі мен тұрақтылығына әсер ететін түйткілді тұстар айқындалады. Пилоттық зерттеудің нәтижелері SCADA-жүйелерін жаңғырту, өнеркәсіптік және ақпараттық қауіпсіздік деңгейін арттыру бойынша бірыңғай талаптар мен ұсынымдарды қалыптастыруға мүмкіндік береді. Сондай-ақ еліміздің басқа да энергия және жылу өндіруші нысандарына озы...

Қасым-Жомарт Тоқаев Дональд Трамптан Газа бойынша Бейбітшілік кеңесінің құрамына кіруге ресми шақыру алды, ал Қазақстанға осы кеңестің құрылтайшы мемлекеттерінің бірі болу ұсынылды. Бұл жайлы президенттің баспасөз хатшысы Руслан Желдібай айтты.

Осыған дейін АҚШ Президенті Газа бойынша Бейбітшілік кеңесін құратынын жариялаған еді. Ол кеңеске құрылтайшы мемлекет ретінде қатысуға бірқатар елдің басшыларына шақыру жолданған. Аргентина, Мажарстан, Түркия, Пәкістан, Мысыр, Иордания, Қатар және Италия шақырту алғандарын растап, оны қабылдағандарын да жария етті.

Дәл осындай шақырту Қазақстанға да жіберілген және Ақорда оны қабылдаған.

«Бірқатар елдің көшбасшыларының Президент Дональд Трамптан мұндай ресми шақыру алғаны туралы мәлімдемелерінен кейін бұл...

Қазақстанда ағымдағы шоттардағы қаражатқа пайыз есептеуге рұқсат берілді. Енді қазақстандықтар ақшасын депозитте ғана емес, қарапайым ағымдағы шотта сақтаса да, банк тарапынан сыйақы алу мүмкіндігіне ие болады.

Алайда заңды және жеке тұлғалардың ағымдағы шоты бойынша бар-жоғы 1 пайыз сыйақы төленуі мүмкін. Қаржыгер Ғалым Құсайыновтың жазуынша, мұндай шешімнен үлкен өзгеріс болмайды, тек сырт көзге арналған қадам болып отыр.

Қаржыгердің айтуынша, бұған дейін бизнес пен жеке тұлғалардың ағымдағы шоттарындағы қалдық банктер үшін «тегін ресурс» болып келді. Банктер бұл қаражатты ақысыз дерлік пайдаланып, Ұлттық банктің жоғары базалық мөлшерлемесі жағдайында қомақты табыс тапты.

Оның есептеуінше, базалық мөлшерлеме 18% болған кезде банктер...

Ұлттық экономика министрлігі елдегі азық-түлік бағасының динамикасына мониторинг жүргізді. Жыл басынан бері елде сүт өнімдері мен кейбір көкөністер бағасы төмендеген. Бірақ күнбағыс пен сары май бағасы көтерілген. Бұл жайлы Қызылордада Ұлттық экономика министрі Серік Жұманғариннің төрағалығымен өткен кеңесте айтылды.

Сауда және интеграция бірінші вице-министрі Айжан Бижанованың айтуынша, баға төмендеуіне әлеуметтік маңызы бар азық-түлік тауарларының тізімін кеңейту әсер еткен. Еске салсақ, жаңа тізім осы жылдың қаңтарынан бастап күшіне енді. Тізімге енген 33 тауар бағасын мемлекет назарда ұстайды және сауда орындары олардың үстіне 15%-дан артық үстемақы қоса алмайды.

Соның нәтижесінде елде қаймақ 0,2 %-ға, сүт 0,3%-ға, ірімшік 0,6 %-ға арзандады...

2025 жылы әлемегі ең бай миллиардерлердің жалпы дәулеті тарихи рекордты жаңартып 18,3 трлн долларға жетті.

Ақпаратты Oxfam ұйымына сілтеме жасаған немістің Deutsche Welle қызметі жариялады. Ұйым мұндай жағдайды демократияға төнген қауіп деп санайды.

Былтыр әлемдегі миллиардерлердің жиынтық байлығы 2,5 трлн АҚШ долларынан асқан. Oxfam баяндамасы Швейцарияның Давос қаласында өтетін Дүниежүзілік экономикалық форум қарсаңында дайындалған.

Ұйымның дерегінше, миллиардерлердің жалпы дәулеті 2020 жылдың наурыз айынан бері 81%-ға өсіп, 18,3 трлн долларға (15,8 трлн еуро) жеткен. Әлемдегі ең бай адам Илон Маск төрт секундтың ішінде әлемдегі орташа жылдық табысқа тең соманы тапқан.

Әлемдегі орташа жылдық табыс шамамен ...

Мельбурн қаласында маусымдағы алғашқы «Үлкен дулыға» турнирі – Australian Open ресми түрде басталды.

Турнирдің бірінші айналымында қазақстандық теннисші Зарина Дияс (WTA рейтингінде №285) әлемнің бұрынғы екінші ракеткасы, Испания өкілі Паула Бадосамен (WTA №26) кездеседі.

Кездесу Қазақстан уақытымен сағат 12:00-де басталады. Ойынды тікелей эфирде осы сілтеме арқылы көруге болады.

Айта кетейік, Зарина Дияс Australian Open турниріне Қытайда өткен The Australian Open Asia-Pacific іріктеу жарысы арқылы жолдама алды. Іріктеу кезеңінің финалында Тайбэй теннисшісі Лян Эньшуоны 6:3, 6:4 есебімен жеңген.

Зарина Диястың Australian Open жарысындағы ең үздік нәтижелері – 2014, 2015, 2020 және 2021 жылдардағы үшінші айналымға дейін жеткен.

Қазақстанның автонарығы 2025 жылды тарихи рекордпен аяқтады. Елімізде жеңіл темір тұлпар сатылымы 14,4%-ға өсіп, 234,8 мың бірлікке жетті. Бұл тарихи рекордтық көрсеткіш. Қазақстан автокөлік одағының (ҚАО) мәліметінше, көшбасында әдеттегідей Chevrolet Cobalt шықты. Бұл модель елде ең көп сатылып, кореялық кроссоверлерді артта қалдырды.

Қандай маркалар рекорд орнатты?

Екі жаңа автозауыттың іске қосылуының арқасында елде құрастырылған көліктердің үлесі айтарлықтай артқан. Мәселен желтоқсан айында сатылған әр 10 автокөліктің 8-і Қазақстанда өндірілген.

Жыл қорытындысында ең танымал ТОП-10 модельдің барлығы Қазақстанда шығарылған. Жеке есепте көшбасында халықтық седан атанған Chevrolet Cobalt тұр, 31,8 мың бірлігі сатылған. Бұл модель өзіне ең жақын бәсекелестер...

Мемлекет басшысы Қасым-Жомарт Тоқаев Қаңтар оқиғасы кезінде астыртын әрекет еткендер президент орнын кімге бергісі келгенін біледі. Бұл туралы президент ресейлік журналист әрі тарихшы Леонид Млечинге айтып берген. Президенттің сөздері «Курсив» редакциясының қолында бар «Президент Токаев. Искусство менять мир» кітабында жазылған.

Қаңтар оқиғасы

Мемлекет басшысының айтуынша, Қаңтар оқиғасы – мемлекеттік төңкеріс жасауға бағытталған әрекет. Айыпталушылар арасында ҰҚК бұрынғы төрағасы, бұрынғы қорғаныс министрі және бұрынғы ішкі істер министрінің болуы бұған дәлел бола алады.

«ҰҚК-нің бұрынғы төрағасы президентті орнынан алып, бұл лауазымды басқа бір адамға беруді қамтамасыз етпек болғанын мойындады. Әңгіме кім туралы екенін де білемін. Бұл іс...

«ҚазМұнайГаз» құрамындағы KMG International компаниясы 2025 жылы 128 млн доллар таза табыс тапқан. Бұл – KMGI тарихындағы ең жоғары көрсеткіш. Бұл туралы «ҚазМұнайГаз» баспасөз қызметі хабарлады.

Шоғырландырылған EBITDA көрсеткіші 424 млн долларды құрады. Бұл 2024 жылғы деңгейден 61%-ға жоғары.

Мұндай нәтиже өндіріс көлемінің сақталуы, сатылымның өсуі және операциялық тиімділіктің артуының арқасында мүмкін болды. Компания өз қызметін тұрақты жүргізіп, негізгі нарықтардағы позициясын нығайтты.

2025 жылы Румыниядағы Petromidia мұнай өңдеу зауытында 5,88 млн тонна шикізат өңделген. Зауыттың орташа нақты өңдеу өнімділігі тәулігіне 14,9 мың тонна деңгейінде қалыптасты.

KMGI еншілес ритейл компанияларының сату көлемі 2024 жылмен салыстырғанда 14%-ға...

Қаржы мониторингі агенттігінің Шымкент қаласы бойынша департаменті М.Әуезов атындағы Оңтүстік Қазақстан университетінде бюджет қаражатын жымқыру ісін тергеуді аяқтады.

ҚМА мәліметінше, күдіктілер қатарында бұрынғы бірінші проректор, қаржы және әкімшілік департаменттердің директорлары, өндірістік-техникалық бөлімнің қойма меңгерушісі, сондай-ақ мердігер ұйымдардың басшылары бар.

«Күдіктілер тауарлар іс жүзінде жеткізілмеген немесе жасанды түрде қымбат бағамен сатып алынған, жалған мемлекеттік сатып алу шарттарын жасасқан. Байланысы бар жеке кәсіпкерлер мен коммерциялық ұйымдардың шоттарына аударылған қаражат кейінен қолма-қол ақшаға айналдырылып, қылмыстық қатысушылар арасында бөлінген. Мысалы, осы схема аясында университет басшылығы нарықтық құны 200 мың теңгеден аспайтын бір креслоны 20 млн теңгеге сатып алған...

Әлеуметтік желілер мен мессенджерлерде Алматының бірқатар мектептерінде террористік актілер дайындалып жатқаны жайлы ақпарат тарады. Полиция департаменті ақпарат шындыққа жанаспайтынын мәлімдеп, терістеді.

Қазіргі уақытта қаладағы оқу орындарындағы жағдай толық бақылауда дейді құзырлы органдар. Полиция және басқа да жедел қызметтер күшейтілген режимде жұмыс істеп жатыр. Балалар мен педагогтардың қауіпсіздігін қамтамасыз ету үшін қажетті шаралар қабылданды.

«Жалған ақпарат тарату дерегі бойынша жедел-іздестіру шаралары басталды. Фейк хабарламаның авторы мен дереккөзі анықталуда. Оны таратуға қатысы бар тұлға заңнамаға сәйкес жауапкершілікке тартылады», – деп ескертеді полиция департаментінен.

Ескерте кетейік, жалған ақпарат тарату, әсіресе ол балалар қауіпсіздігіне қатысты болса, ауыр құқық бұзушылық деп есептеледі. Ол...