Жаңалықтар

Бразилия президенті Луис Инасиу Лула да Силва АҚШ президентінің тарифті көтеру туралы мәлімдемесіне жауап берді. Ол Дональд Трампты ешкім әлем императоры етіп сайлаған жоқ деп мәлімдеді. Бұл туралы CNN телеарнасы хабарлайды.

Өткен аптада Дональд Трамп 1 тамыздан бастап Бразилияға баж салығын 50%-ға көтеретінін айтқан. Ол Лулаға жазған хатын өзінің Truth Social әлеуметтік желісіне жариялаған. Трамп Бразилияның экс-президенті Жаир Болсонаруды соттап жатқанына ренжіген.

Болсонару, Трамптың жақын одақтасы, Бразилияда билікті күшпен тайдыруға оқталды деген айыппен сот алдында жауап береді. Саясаткер қырық жылға сотталуы мүмкін.

Бразилия президенді да Сильва бейсенбі күні CNN телеарнасына сұхбат берді. Ол Трамптың қоқан-лоққысы «шектен шығып кетт...

Қонаев қаласындағы тіркелген компания келісімшарт міндеттемесін желеу етіп етіп, 2 млн долларды шетелге заңсыз шығарған.

Алматы облысының прокуратурасы сыртқы экономикалық келісім аясында шетелге заңсыз қаржы аудару дерегін анықтады. Тергеу материалдарына сәйкес, Қазақстаннан келісімшарт міндеттемесін формалды түрде пайдаланып, 2 млн АҚШ доллары шетелге заңсыз аударылған.

Тексеру нәтижесінде белгілі болғандай, жергілікті «Т» жауапкершілігі шектеулі серіктестігі шетелдік компаниямен жалпы құны 6 млн доллар болатын тауар жеткізу туралы келісім жасасқан. Алайда толық көлемде ақша аударылғанымен, Қазақстанға 3,7 млн доллардың ғана тауары келген. Қалған сома елден тауар жеткізілген болып көрінгенімен, іс жүзінде қайтарылмаған.

Компания жеткізілмеген тауарға жұмсалған қаржыны қайтару үшін ешқандай шара қолданбаған...

Geely компаниясы Monjaro кроссоверінің жаңартылған нұсқасын дайындап жатыр. Автокөлік 272 ат күшіне ие қозғалтқышпен жабдықталады. Бұл — қазіргі нұсқадан 34 ат күшіне артық. Сондай-ақ дизайн да өзгерген, көлік сәл ұзындау болады. Бұл туралы Autohome басылымы хабарлады.

Geely компаниясы Monjaro кроссоверінің жаңа нұсқасын ресми түрде тіркеді. Автокөлікке жаңартылған қозғалтқыш орнатылып, сыртқы келбетіне де шамалы өзгерістер енгізілген. Бұл өзгерістер Қытай Өнеркәсіп министрлігінің жаңартылған сертификаттау каталогында көрсетілген. Сол құжатта модификацияланған модель жайлы ақпарат пайда болды. Көліктің Қытайдағы сатылымы 2025 жылдың соңына дейін басталады деп күтілуде.

Geely Monjaro-ның техникалық қуаты

Қазіргі қолданыстағы Geely Monjaro кроссовері 238 ат күшіне ие 2.0 литрлік...

Алматы қаласының әкімі Дархан Сатыбалды жұмыс сапары барысында Орталық стадион мен басқа да маңызды спорт нысандарын аралап, олардың қазіргі жағдайымен танысты.

1958 жылы пайдалануға берілген Орталық стадион бүгінде ескірген және күрделі жаңғыртуды қажет етеді. Әкім стадионды заман талабына сай қайта жөндеу, жеңіл атлетика инфрақұрылымын сақтау, М.Әуезов театры мен Қазақ мемлекеттік циркіне жаяу жүргінші байланысын қалпына келтіру жөнінде тапсырма берді. Сонымен қатар, электронды билет жүйесін енгізу міндеті қойылды.

Бұдан бөлек, Балуан Шолақ атындағы спорт сарайы мен дарынды балаларға арналған спорт мектеп-интернатының жай-күйі де назардан тыс қалмады. 1935 жылы салынған мектеп ғимаратының орнына жаңа оқу-жаттығу кешені салынбақ. Құрылыс 2025 жылдың күзіне жоспарланған.

Қазақстанда Сингапур тәжірибесі бойынша цифрлық трансформация карталары әзірленеді. Бұл туралы Үкіметте ЖИ-ді дамытуға қатысты өткен жиында айтылды.

Үкімет үйінің хабарлауынша, суперкомпьютермен ЖИ экожүйесін құру бойынша Олжас Бектенов Цифрландыру мәселелері жөніндегі комиссияның отырысын өткізген.

Жиында іске қосылған суперкомпьютер негізінде жасанды интеллект экожүйесін дамыту мәселелері қаралып, QazTech платформасы базасында мемлекеттік органдардың жұмысын одан әрі цифрлық трансформациялау бағыттары талқыланған.

Қазақстанда қабылданған 2024-2029 жылдарға арналған ЖИ-ді дамыту Тұжырымдамасы негізінде «Жасанды интеллект туралы» заң жобасы әзірленген. Оның аясында ЖИ саласында кадрлар даярланып, AI Corporate, TUMO Center, AI People сынды бағдарламалар әзірленіп жатыр. Бұдан бөлек E-agent, egov AI, AI-терапевт, tax helper, SDU және...

Перизат Қайрат ісі бойынша өткен сот отырысында куә Толғанай Боралқұл қатысты. Ол сотта екеуінің қалай танысқаны және дипломға қатысты жазған хаттары туралы айтты.

Куә Боралқұлдың айтуынша, Перизатпен алғаш рет 2021 жылы карантин кезінде танысқан. 2022 жылдың қыркүйегінен бастап жақын араласқан. Анасы Ғайни Алашбаевамен куә 2022 жылдың желтоқсанында өткен Biz Birgemiz Qazaqstan фестивалінде танысқан. Сол кезде Перизат Қайрат қайырымдылық қорының құрылтайшысы болды.

Толғанай екеуінің қарым-қатынасы іскерлік бағытта емес, достық негізде болғанын айтты.

Сотта Перизат пен Толғанайдың екеуара хаттары да оқылды.

Ол жерде Перизат «Диплом жасап бере алатын таныстарың бар ма?» деп сұраған.

Толғанай бұл хатты растады. Сөзінше, мұндай әңгіме екі жыл...

17 шілде күні кешке Шымкенттегі қауіпсіздігі барынша жоғары №78 мекемеден рақымшылыққа ілінген 5 әйел бостандыққа шықты. Олар «Алаяқтық» бабы және «Ұрлық» бабымен сотталып, жазасын өтеп жүрген. Мекеменің дерегінше, жалпы рақымшылыққа 15 жазасын өтеуші ілінген. Оның ішінде 10 сотталуышының жаза мерзімі қысқартылған.

Түрмеден шыққан әйелдердің өкініші

Рақымшылыққа ілінген әйелдердің ісін қалалық қылмыстық істер жөніндегі мамандандырылған ауданаралық соты қарады. Сот оларды дереу босатуға қаулы еткен.
Мекеме қызметкерлері әуелі әйелдерді мұқият тексерді. Сыртқа шыққанына сенбей, дел-сал күйде болған олардың кейбірі қуаныштан көзіне жас алып жатты.

«Сенбей тұрмын әлі, – дейді «Ұрлық» бабымен 4 жыл 1 айға сотталған...

Қазақ ақыны, драматург, сазгер Исраил Сапарбай 85 жасқа қараған шағында дүние салды. Қаралы хабарды Жазушылар одағы төрағасының орынбасары Қасымхан Бегманов әлеуметтік желіде жариялады.

«Таңғы сағат төрт шамасында 85 жасына қараған шағында Қазақстанның халық жазушысы, Тәуелсіз «Платиналы Тарлан» сыйлығының лауреаты, аса көрнекті ұлт ақыны, белгілі драматург, талантты сазгер Исраил Сапарбай ағамыз дүниеден өтті. Иә, сағат тілі қасиетті жұмаға қарай ауғанда ақынның соңғы демі үзілді», – деп жазды Бегман.

Төраға орынбасарының айтуынша, ұлы ақынның Қаскелеңдегі қара шаңырағында, бала-шағасының алдында «ауыр науқастан қайтқаны жайлы хабарды» марқұмның ұлы Нұрлан Исраилұлы хабарлаған.

«Аса көрнекті лирик ақын...

Сингапур үшінші жыл қатарынан ауқатты азаматтар үшін өмір сүруге ең қымбат қала болып танылды.

Швейцариялық Julius Baer банк тобының есебіне сүйенсек, рейтингте екінші орынды Лондон, үшінші орынды Гонконг иеленді. Ең қымбат мегаполистердің алғашқы бестігіне сонымен қатар Монако мен Цюрих кірді. Шанхай, Дубай, Нью-Йорк, Париж және Милан да бұл тізімді жалғап тұр.

Рейтинг 20 түрлі тауар мен қызметтің бағасы негізінде жасалды. Яғни ауқатты адамдар пайдаланатын заттардың қамтиды: қымбат автокөліктер, зергерлік бұйымдар, заңгерлік қызметтер және жекеменшік мектептердегі білім беру.

360 долларлық миллионерлер арасында жүргізілген сауалнама да ескерілді. Julius Baer талдаушыларының айтуынша, люкс сегментіндегі тауарлар мен қызметтердің бағасы көбіне жалпы инфляция деңгейінен ек...

АҚШ Сенатында республикалықтар демократтар мен ішкі қарсылықтарға қарамастан, президент Дональд Трамп ұсынған 9 млрд долларды қайтару туралы бастаманы қолдап, дауыс берді. Бұл туралы FOX News хабарлады.

Сенат 51 дауыс қолдау тапса, 48 дауыс қарсы берді. Енді құжат палата өкілдеріне жолданады.

Құжатқа сәйкес, АҚШ-тың Халықаралық даму агенттігіне (USAID) бөлінетін қаражат шамамен 8 млрд долларға, NPR және PBS секілді мемлекеттік хабар таратушы ұйымдарды қаржыландыратын Қоғамдық хабар тарату корпорациясына бөлінетін қаржы 1 млрд долларға қысқартылмақ.

Республикашылдар бұл бастаманы федералды үкіметтегі ысырапшылдықпен, алаяқтықпен және теріс пайдаланушылықпен күрестің жалғасы ретінде таныстырып отыр.

Еске сала кетейік, USAID жұмысына қазақстандық депутаттар да алаңдаушылық білдірген еді.

Жұма, 18 шілдеде K-pop стиліндегі жаңа жігіттер тобы өзін бүкіл әлемге таныстырды. Бес әншіден тұратын топтың екі мүшесі кезінде Солтүстік Кореядан қашып келген. Бұл туралы Reuters хабарлайды.

«Ғалам» деген мағынаны білдіретін 1VERSE тобының альбомында әлемдегі ең жабық мемлекеттердің бірінен қашу туралы бір ән бар. Топ шамамен 20 жастағы бес жігіттен құралған. Олардың есімдері: Хёк, Сок, Айто, Натан және Кенни.

Топтың алғашқы албомы 18 шілдеге қараған түні жарияланды. Шағын альбом «The 1st Verse» деп аталады. Оған үш трек кірді. Басты сингл «Shattered» деп аталады. Әннің бейнебаяны бір сағат бұрын жарияланды. Ән ағылшын тілінде.

25 жастағы Ю Хёк Солтүстік Кореяның солтүстік-шығысындағы...

17 шілде күні қазақстандық клубтар Еурокубок додаларында сәтсіз нәтижелер көрсетіп, жанкүйерлерін қапаландырып қойды. «Ақтөбе» Еуропа лигасының бірінші раундында Польшаның «Легиясынан» екі матчта да 0:1 есебімен жеңіліп қалды. Ал «Ордабасы» Конференциялар лигасының бірінші айналымында Грузияның «Торпедо» (Кутаиси) командасынан жалпы есепте ұтылып, жарысты ерте аяқтады.

«Ақтөбе» өз алаңындағы кездесуде 92-минутта колумбиялық футболшы Юрген Элитима гол салып, «Легияға» жеңіс әкелді. Алайда «Ақтөбенің» еуромаусымы бұнымен тоқтаған жоқ: команда Еуропа лигасынан шығып, Конференциялар лигасының екінші кезеңіне өтеді. Онда 24 және 31 шілде күндері чехиялық «Спартаға» қарсы ойнайды.

Ал «Ордабасы» өз еврокубок маусымын аяқтады. Бірінші ойында шымкенттік команда Кутаисиде өткен матчта 3:4 есебімен жеңіліп қалды, ек...

18 шілдеге қараған түні Астанада «Орда» базарының жанында орналасқан үш қабатты сауда үйі өртенді. Ғимарат Алаш тас жолы бойындағы Байқоңыр ауданында орналасқан.

Төтенше жағдайлар министрлігінің хабарлауынша, өрт туралы хабар түнгі сағат 3-те түскен. Өрт сөндірушілер келген кезде от тарап кеткен.

«Өрт туралы хабар кеш берілгендіктен, өрт бүкіл ғимарат аумағына тарады. Жанғыш заттардың көп болуы өртті сөндіру жұмыстарын қиындатты», – деп хабарлады министрлік.

100 қызметкер және шамамен 60 бірлік техника жұмылдырылды. Өрт сағат 07:10-да оқшауланды.

Құтқарушылар өрттің жақын орналасқан ғимараттарға таралуына жол бермеді. Сауда орталығының жанында «Орда» базары орналасқан.

Министрлік мәліметінше, базар әкімшіліг...

Ақмола облысында Мемлекеттік кірістер департаментінің басқарма басшысы пара алды деген күдікпен ұсталды. Бұл туралы Сыбайлас жемқорлыққа қарсы қызметтің баспасөз қызметі хабарлады.

Күдіктіге қатысты сотқа дейінгі тергеу басталды. Қазір бұлтартпау шарасы қарастырылып жатыр, — делінген хабарламада.

Қазіргі уақытта тергеу мүддесіне байланысты өзге мәліметтер жария етілмейді.

«Ұлттық ақпараттық технологиялар» АҚ 2025 жылғы 19 шілде күні жоспарлы техникалық жұмыстар жүргізілетінін хабарлады. Жөндеу жұмыстары түнгі сағат 02:00-ден таңғы 08:00-ге дейін жалғасады. Бұл уақыт аралығы азаматтардың белсенділігі ең төмен кезеңге сай таңдалған, сондықтан келтірілетін қолайсыздықтар барынша аз болады деп күтіліп отыр.

Аталған уақыт ішінде келесі мемлекеттік электрондық сервистер уақытша қолжетімсіз болады:

«ҚазАвтоЖол» ұлттық компаниясының Жамбыл облысындағы филиалына қатысты полиция сотқа шағым түсірді. Бұған себеп – «Алматы–Ташкент–Термез-2» автожолының «Күйік ескі асуы» бөлігіндегі жол қауіпсіздігі талаптарының сақталмауы, деп хабарлайды Тараз қаласының соты.

2025 жылғы ақпанда әкімшілік полиция инспекторы аталған жол учаскесінің техникалық жағдайын тексерген. Тексеру нәтижесінде жол қауіпсіздігіне қатысты 13 заңбұзушылық анықталып, оларды жою туралы нұсқама берілген. Алайда, аталған кемшіліктер жойылмаған.

Сот отырысында «ҚазАвтоЖол» филиалының өкілі өздеріне тағылған айыппен келіспейтінін мәлімдеді. Оның айтуынша, бұл жол учаскесіне жауапты мердігер ұйым, ал ұлттық компания бұл құқықбұзушылыққа жауапты субъект емес. Осыған байланысты іс жүргізуді тоқтатуды сұрады.

Алайда әкімшілік полиция инспекторы жолда жиі жол-көлік оқиғалары тіркелетінін, жүргізушілер...

Перизат Қайрат Biz Birgemiz Qazaqstan 2030 қорына түскен қаражатты ала дорбамен алып кетіп отырған. Бұл туралы куә Әділхан Мусин айтты.

Бұған дейін ол қор қаражатты қалай қолма-қол ақшаға айналдырып отырғанын айтқан.

Айтуынша, Biz Birgemiz Qazaqstan 2030 қорына түскен қаражат жеке кәсіпкерлердің есепшотына аударылған.

«Барлық ақша алдымен маған жиналатын. Кейін мен оны Перизат Қайратқа тапсыратынмын», – деді куә.

Оның сөзінше, орта есеппен бір жеке кәсіпкердің шотына 70 млн теңгеден аударылған. Іске шамамен 12-13 жеке кәсіпкер тартылған.

«Бірінші транш кезінде 2-3 жеке кәсіпкер арқылы шамамен 200 млн теңге қолма-қол алынды. Бұл қаржыны...

Қазақстан үкіметі кейінгі 20 жылда ел экономикасын әртараптандыру (диверсификация) басты мақсаты екенін айтудай-ақ айтып келеді. Алайда нақты нәтиже мардымсыз. Оған себеп не? Бұл мәселені экономист, DESHT зерттеу орталығының жетекшісі Қуаныш Жайықов пен Kursiv Research жетекшісі Сергей Домнин Kursiv Talks подкасында талқылады.

Сарапшылар «Самұрық-Қазынаның» рөлі, индустриялық саясаттағы қателіктер, монополиялардың ықпалы және институттардың тиімді жұмыс істемеуі сияқты негізгі мәселелерге тоқталды.

Қуаныш Жайықовтың айтуынша, қазір экономиканың қаншалықты әртараптандырылғанын өлшей алмаймыз. Арнайы әдіснамасы да жоқ.

Сарапшы подкаст барысында Қазақстан экономикасы енді тек шизаттық емес сектор есебінен ғана өсім көрсете алатынына назар аударады. Шикізаттық емес сектор өскен сайын, экономиканың әртараптануы арта түспек.

Бұл ретте...

Агромаман Кирилл Павлов киік санын реттеу мақсатында атылып, ет комбинаттарына өткізілетін жануар етінде түрлі ауру болуы мүмкін екенін ескертті.

Ол Ауыл шаруашылығы министрлігі киік етінің бағасын келісіне 1600 теңге деңгейінде ұсынғаны сиыр етінен әлдеқайда арзан болғанымен, ол ет қауіпті болуы ықтимал деп санайды. Маман киік етінде кездесетін ауру түрлерін санамалап шыққан:

Бруцеллёз – буындарды, ішкі ағзалар мен жүйке жүйесін зақымдайтын созылмалы жұқпалы ауру. Ол жабайы тұяқтылардың еті арқылы жұғады, ал киік – осы аурудың басты тасымалдаушыларының бірі. Қазақстанда жыл сайын жүздеген адам осы дертке шалдығады.

Гельминттер (құрттар) – киік ондаған паразиттің тасымалдаушысы болуы мүмкін:

Қазақстанда атом электр станциясын салу жобасы жаңа серпін алмақ. 2025 жылғы 28 сәуірдегі Мемлекет басшысының №861 Жарлығына сәйкес, «Қазақстандық атом электр станциялары» жауапкершілігі шектеулі серіктестігі (ҚАЭС) Атомдық энергия жөніндегі агенттікке ведомстволық бағынысты ұйым ретінде берілді.

Бүгінде ҚАЭС-тің жарғылық капиталындағы 100% үлесі «Самұрық-Қазына» ұлттық әл-ауқат қорына тиесілі болып қала бермек. Дегенмен, жобаны жедел жүзеге асыру және серіктестіктің жұмысын уақыт создырмай бастау мақсатында Қор мен Агенттік арасында сенімгерлік басқару шарты жасалды.

Аталған шарт бойынша, ҚАЭС-ті стратегиялық және операциялық тұрғыдан басқару құқығы Агенттікке берілді. Яғни, енді атом энергетикасы саласындағы негізгі шешімдер осы құрылымның құзырында болады.

Агенттік мәліметінше, ҚАЭС-тің республикалық меншікке өтуі бойынша да...

Перизат Қайрат пен анасына қатысты сот процесі барысында куә Әділхан Мусин Biz Birgemiz Qazaqstan 2030 қайырымдылық қорына түскен қаражатты қалай қолма-қол ақшаға айналдырғаны туралы мәлімет берді. Айтуынша, ол мұны Перизат Қайраттың өтініші бойынша орындаған.

Мусин Перизат Қайратты 2014 жылдан бері өзінің әйелі арқылы танитынын айтты. Перизат Қайрат оның әйелімен дос болған. Ол қор туралы әлеуметтік желіден емес, сотталушымен әңгіме барысында естіген. Нақты айтқанда, қордың пандемиядан кейін құрылып, қайырымдылықпен айналысқанын білген.

«2023 жылдың соңы мен 2024 жылдың басында Газа секторындағы жағдайға байланысты Қазақстан тарапынан гуманитарлық көмек көрсетілді. Ақпан-наурыз айында біз Палестина, Газа туралы сөйлестік. Рамазан айы келе...

Маусым айында көптеген қазақстандық кәсіпкерлер мен бухгалтерлер Мемлекеттік кірістер органдарынан мәтінсіз, бос хабарламалар ала бастады. Хабарламаларда ешқандай мәтін болмаған және оларға жауап беру мүмкін емес болған. Көпшілік бұл жағдайды салық төлеушілердің жаңа кабинетін іске қосуға байланысты туындаған техникалық қате деп ойлап, хабарламаларға мән бермеген.

Алайда шілде айында бизнес күтпеген салдарға тап болды. Осындай «бос» хабарламалар негізінде Мемлекеттік кірістер органдары кәсіпкерлердің есепшоттарын бұғаттай бастаған. Бұл туралы аудитор әрі салық кеңесшісі Рабиям Серікбаева әлеуметтік желіде хабарлады.

«Егер салық органдары негізсіз бұғаттаған әрбір күн үшін айыппұл төлейтін болса, мұндай немқұрайлылық пен бизнеске деген бейжай қатынас болмас ед...

Алматыдағы Достық даңғылының бойында ашылғалы жатқан шағын кафенің атауы желіде шу тудырды. Мекеме Lenina 36 деген атау алған.

Кафеге мұндай атау берілгеніне қарсы тарап мекеме орналасқан даңғыл көптен бері «Достық» деп аталатынын басшылыққа алған.

Қолдаушы тараптың пікірі мекеме даңғылдың бұрынғы атауын алғанда тұрған не бар дегенге саяды.

Одан бөлек тараптар Владимир Лениннің тарихи тұлға ретіндегі маңызы мен оның әрекеттерінің зардабын айтып, кафе басшылығының шешімі төңірегінде дауласып жатыр.

Шешімді қолдаушылар мекемеге баруға шақырса, наразы жақ аяқ аттап баспауға үндейді.

Қолдаушылардың дені даңғылды бұрынғыша айтуға үйреніп қалғандықтан, бұдан еш әбестік көрмейтінін жеткізген.

«Алматылық жергілікті тұрғындар үшін бұрын...

Алматыда Райымбек көшесінің бір бөлігі жабылады. Бұл туралы Алматы қаласы әкімдігінің баспасөз қызметі хабарлады.

«18 шілде сағат 22:00-ден 19 шілде сағат 08:00-ге дейін Райымбек даңғылының бойымен Сейфуллин даңғылынан бастап Бөкейханов көшесіне дейін екі бағытқа қарай автокөлік қозғалысы жартылай шектеледі», – делінген әкімдік хабарламасында.

Көшелер магистральді құбыр желісін жөндеу жұмыстарына байланысты жабылады. Бұл маңайдағы құбыр желілері 1990 жылы пайдалануға берілген. Әкімдік қаланы жылыту маусымына дайындап, апаттық жағдайлардың алдын алу үшін құбырларды жөндеу туралы шешім қабылдаған.

Жөндеу жұмыстарын «Алматы жылу жүйесі» ЖШС жүргізіп жатыр.

Басқа қандай көшелер жабылады?

Айта кетейік, компания қаланы...