Жаңалықтар

Өзбекстанда қазан айының қорытындысы бойынша инфляция 0,6% болды. Ал жылдық инфляция деңгейі 7,7% деп хабарлады елдің Ұлттық статистика комитеті.

Осылайша жылдық инфляция деңгейі 2016 жылғы мамырдан бергі ең төменгі деңгейге дейін түсті. Қазіргі уақытта бұл көрсеткіш Өзбекстан Орталық банкінің 2025 жылға арналған 8%-дық инфляция болжамынан төмен.

Қазан айында елдегі азық-түлік тауарлары орта есеппен 0,9%-ға (бұрын 1,1%) қымбаттаған, азық-түлікке жатпайтын тауарлар – 0,4%-ға (0,7%), ал қызметтер – 0,3%-ға (0,8%) өскен. Бір жыл ішінде азық-түлік бағасы 5,9%-ға, азық-түлікке жатпайтын тауарлар 5,8%-ға, ал қызметтер 14,4%-ға қымбаттаған.

Жылдық инфляцияның ең жоғары деңгейі Ферғана облысында – 8,6%, Қарақалпақстанда – 8,2%, және Сырдария облысында...

2025 жылғы 1 қазанға дейінгі деректер бойынша екінші деңгейлі банктердің жиынтық активтері 67,0 трлн теңгеге жетті. Бұл ретте ссудалық портфельдің көлемі 41,6 трлн теңгені, ал жиынтық таза пайдасы 2,05 трлн теңгені құрады.

Таза пайданың 60%-ы ірі ойыншыларға тиесілі

Halyk Bank жыл басынан бері 727,2 млрд теңге таза пайда тапқан. Банк нарықтағы үлесін сақтап қана қоймай, өткен аймен салыстырғанда табысын арттырған санаулы институттардың бірі. Міндеттемелері 16,5 трлн теңге болса, ал жеке тұлғалар салымдары 7,5 трлн теңге.

Kaspi Bank те жоғары нәтижесін жалғастырды: таза пайдасы 422,6 млрд теңгеге, активтері 8,7 трлн теңгеге жетті. Бұл банк бөлшек нарықтағы несие мен...

Құрақшы-блогер Әсел Батырбекова (Аселина Батыр) кондитер Нұршат Ақбергенованың әрекетіне қатысты сотқа талап арыз түсірді, деп хабарлайды Kursiv.Media.

Бұған дейін кондитер Ақбергенова блогер Аселина Батырдан 3,5 млн теңге өндіріп алу үшін сотқа жүгінген еді. Дау 600 мың теңгелік тортқа байланысты туған. Азаматтық іс бойынша сот шешімін мына жерден оқи аласыз.

Торт дауы 2.0

Әсел Батырбекова туған күніне арнап торт пісірген кондитер Нұршат Ақбергеновадан 7 млн теңге өндіріп алғысы келеді. Талап арыз мәніне келсек, блогер соттан Ақбергенованың әрекетінде жала жабу, кибербуллинг, авторлық құқықты және тұтынушы құқығын бұзу белгілері бар деп тануды сұрап отыр.

Сондай-ақ Әсел Батырбекова және...

Нұрлан имам көзге шөп салған адамды қалай кешіру керек екенін айтты. Ол мұны әлеуметтік желі арқылы оқырманның сауалына жауап бергенінде жеткізген.

«Көзге шөп салуды кешіру үшін кішкене тәкаппарлықты басу қажет. Алла Тағаладан біз пенде екенімізді түсінуіміз керек. Мейлі еркегіңнің, мейлі әйеліңнің адам екенін түсіну ләзім. Одан кейін оның жақсылығын көбірек ойлаған дұрыс. Содан кейін Аллаға табыстап үйреніңіз. Ең жақсысы осы», – деді Нұрлан имам.

Ал мүфтияттың сайтында зинаның үлкен күнә екені айтылған.

«Зина» сөзінің шариғи мағынасы бойынша ер немесе әйелдің некесіз бөгде біреумен төсек қатынасына түсуін меңзейді. Алла Тағала...

«Қазгидромет» қараша айына консультативтік ауа райы болжамын ұсынды. Күздің соңғы айында қазақстандықтарды жиі жауын-шашын, боран мен құбылмалы ауа температурасы күтіп тұр.

Қарашада орташа температура климаттық нормадан 1°С-қа жоғары болады деп күтілуде, дегенмен қыстың лебі сезіле бастайды.

Қарашаның бірінші аптасы – циклон мен қар

Ай басында солтүстік циклонның әсерінен жаңбыр мен қар түріндегі жауын-шашын, күшті жел мен көктайғақ болады.

Солтүстік, орталық және шығыс өңірлерде боран соғады, ал батыс аймақтарда қарашаның алғашқы күндерінде жауын-шашын түседі.

Бірінші онкүндіктегі ауа температурасы:

Сауда және интеграция министрлігі мемлекеттік қолдау алған кәсіпкерлерге жалдау ақысының өсуіне шектеу қоюды көздеп отыр. Бұл туралы Сауда және интеграция министрлігі хабарлады.

Министрлік тиісті бұйрық жобасын әзірледі, ол 18 қарашаға дейін «Ашық НҚА» порталында қоғамдық талқылауға ұсынылады.

Жобаға сәйкес, мемлекеттен қолдау алғаннан кейін бір жыл ішінде жалға беруші сауда орнының жалдау құнын өзгерте алмайды.

«Бұл, әсіресе, шағын және орта бизнес өкілдері мен жалға алынған нысандарда жұмыс істейтін жеке кәсіпкерлер үшін маңызды. Олар өз шығындарын алдын ала жоспарлап, жалдау ақысын күтпеген және негізсіз өсіруден қорғана алады», – делінген министрлік хабарламасында.

Айта кетейік, бұған дейін...

Маңғыстауда Каспий жағалауынан өлі итбалықтардың денесі табылды. Екі мақұлық та теңізде қалған ауға оралып, өлгені байқалып отыр.

Lada.kz ақпаратына қарағанда, Ақтау тұрғыны хабарласып, Баутино елдімекені маңында теңіз жағалауынан бірнеше өлі итбалықтың денесін көргенін жеткізген.

Куәгердің айтуынша, теңіз жағалауында алты өлі итбалықтың денесі табылған.

«Кеше Баутино жағалауында алты өлі итбалық табылды. Олардың екеуінің үстінде ау болды», – деді ол.

Айта кету керек, бұған дейін экологтар Каспий итбалықтарының қырылуының бірнеше себебі болуы мүмкін екенін айтқан. Олар – браконьерлердің ауына шырмалу, теңіз экожүйесіндегі өзгерістер және адам факторынан туындайтын әсер.

Мысалы, өткен жылдың қараша айында теңіз жағалауында өлі итбалықтарды...

ОПЕК+ альянсы 2026 жылдың қаңтар–наурыз айларында мұнай өндіру көлемін арттыруды тоқтатпақ. Бұл шешім маусымдық сұраныстың төмендеуі мен нарықта мұнайдың артық ұсынысы қалыптасуы мүмкін деген болжам аясында қабылданған. Бұл туралы Bloomberg басылымы жазады.

Brent маркалы мұнай бағасы жыл басынан бері 13%-ға төмендеп, баррелі 65 доллардан төмен деңгейге түсті. JPMorgan мен Goldman Sachs сарапшылары баға тағы да арзандауы мүмкін деген болжам жасап отыр. Ал Халықаралық энергетика агенттігі 2026 жылы мұнай нарығында ұсыныс сұраныстан асып түседі деген пікірде.

Дерекке сәйкес, биыл желтоқсанда өндіріс бар болғаны 137 мың баррельге артады. Оның ішінде Қазақстанға қосымша 7 мың баррель тәуліктік...

Шымкентте тағы бір оқушы жол-көлік оқиғасына түсіп, мерт жолды. Бұл жолы қайғылы оқиға Нұрсәт ықшамауданында болды. Жаяу жүргіншілер жолынан өтіп бара жатқан оқушы алған жарақатынан оқиға орнында көз жұмған.

Бүгін, 3 қараша күні таңда Шымкенттегі Нұрсәт ықшамауданында Назарбеков көшесі мен Шанин көшесінің қиылысында 1-сынып оқушысын көлік қағып кетті. Оқушы оқиға орнында тіл келместен қайтыс болған. Куәгерлердің сөзінше, марқұм жол жүру жолағынан өтіп бара жатқан кезде жеңіл көлік келіп қалған.

Бейресми ақпаратқа қарағанда, көлікті әйел тізгіндеген. Ол тежегіштің орнына газды басып жіберген. Марқұм оқиға орнына жақын маңдағы №80 мектеп-лицейдің 1 «Д» сыныбында оқыған. Мектепке Қайтпас-2 ықшамауданынан келіп, білім алған. Оның жанында...

Жер сілкінісі кезінде хабарлау жүйесінің жұмыс істемеуіне кінәлі шенеуніктер сотталды. Бұл туралы Алматы қаласы прокуратурасынан хабарлайды.

Қылмыстық жағдай былтыр Алматыда болған жер сілкінісіне қатысты. Еске салсақ, 2024 жылы 23 қаңтарда Алматыда жер асты дүмпулері сезілді. Бірақ ол жайлы халыққа дер кезінде хабарланбады. Оған дейін сатып алынған автоматтандырылған алдын ала ескерту жүйесі (ААЕЖ) дұрыс жұмыс істемеді.

Осыдан кейін прокуратура Алматы қаласы бойынша төтенше жағдайлар департаментінің қызметіне тексеру бастады.

«Тергеу барысында «TNS-INTEC» ЖШС бас директорының жеке пайда табу ниетімен сапасыз жабдықты жеткізіп, орындалған жұмыстардың жалған актілерін рәсімдегені және осылайша аса ірі мөлшерде бюджет қаражатын жымқырғаны анықталды...

Қазақстанда 232 жаңа мектеп салынып жатыр. Білім беру саласында ауқымды инфрақұрылымдық жобалар жүзеге асырылуда.

Оқу-ағарту министрлігінің ақпаратына қарағанда,  бұл – Президенттің  тапсырмасы. Негізгі мақсат – үш ауысымды оқыту мәселесін шешу, оқушы орындарының тапшылығы мен апатты мектептерді жою.

«Еліміздің өңірлерінде 267 мың оқушы орнына арналған 232 жаңа мектептің құрылысы жүргізілуде. Биыл 157 мың оқушы орнына арналған 105 жаңа мектеп пайдалануға берілді», – делінген министрліктің хабарламасында.  

Айта кететін жайт, 135 мың оқушы орнына арналған 71 мектеп «Келешек мектептері» ұлттық жобасы аясында салынған.

Жаңа мектептердің басым бөлігі Түркістан, Маңғыстау, Алматы, Ақтөбе және Жамбыл облыстарында орналасқан.

Ұлтты...

2025 жылы қазан айында Қазақстандағы айлық инфляция деңгейі 0,5% болды. Ал жылдық деңгейде инфляция 2025 жылы қазанда 12,6%-ды құрады. Бұл ақпаратты Ұлттық статистика бюросы таратты.

Арзандаған азық-түлік түрлері

Азық-түлік тауарларының ішінде пияз (7,7%), алма (6,1%), қызылша (5,1%), қырыққабат (4,7%), сәбіз (4,4%), қант (2%), жүзім (1,1%), лимон (0,8%) арзандаған. Баға өсімі шоколад (2,3%), кофе, дайын дәмдеуіштер мен тұздықтар (әрқайсысы 1,8%-дан), құрма (1,6%), жарма өнімдерінде (0,7%) байқалды.

Азық-түлік емес тауарлар арасында биыл қазанда отандық құрастырылған жаңа автокөліктердің бағасы 1,5%-ға төмендеді. Қолшатыр 4,2%-ға, электр жылытқыш 2,5%-ға, цемент 0,4%-ға қымбаттады. Жуу және тазалау құралдардың, жеке қолданылатын тауарлардың баға деңгейі әрқайсысына 1% -дан...

Ұлттық қауіпсіздік комитеті қазан айында пара алу фактілерінің күрт өскенін анықтады. Бір ай ішінде 26 азамат пара алып, заңсыз ақшаны қалтаға басқан.

Құзырлы орган қазан айында барлығы 83 құқықбұзушылықты тіркеген. Оның ішінде:

Пара беріп, пара алған…

Сондай-ақ пара беру бойынша 11, пара алу бойынша 26 дерек тіркелді. ҰҚК есебіне сәйкес, осы екі көрсеткіш қазан айында күрт өскен. Салыстырмалы түрде алса...

Астанада Л.Н. Гумилев атындағы Еуразия ұлттық университеті базасында Мәскеу мемлекеттік халықаралық қатынастар институтының (ММХҚИ) филиалы жұмысын бастады.

Ғылым және жоғары білім министрлігінің мәліметінше, 2025 жылғы 1 қарашада алғашқы 103 студентке Ғылым және жоғары білім министрі Саясат Нұрбек пен ММХҚИ ректоры Анатолий Торкунов студенттік билет табыс еткен.

Анатолий Торкуновтың сөзінше, филиалдағы білім беру бағдарламалары Қазақстан экономикасы мен сыртқы байланыстарын дамытуға бағытталған.

«Біздің міндетіміз – аймақтық және жаһандық деңгейде бәсекеге қабілетті, кәсіби тұрғыдан дайын мамандарды даярлау», – дейді ол.

Филиал Қазақстан мен Ресей үкіметаралық комиссиясының шешімімен құрылды. Алғашқы студенттер оқуын биылғы қыркүйекте бастаған.

Білім...

2025 жылдың қазан айында Қазақстанның өңдеу өнеркәсібіндегі іскерлік белсенділік күрт төмендеді. Freedom Holding Corp. және S&P Global деректеріне сәйкес, PMI индексі қыркүйектегі 49,2-ден 48,3-ке дейін түсіп, соңғы бес ай қатарынан іскерлік ахуалдың нашарлағанын көрсетті. Бұл көрсеткіш 2023 жылдың соңынан бергі ең төмен деңгей болып отыр.

Өндіріс көлемі қатарынан бесінші ай азайып келеді. Сарапшылар мұны жаңа тапсырыстар көлемінің төмендеуі және тұтынушылық сұраныстың әлсіреуімен байланыстырады. Кейбір кәсіпорындар өндірістік жабдықтарды жөндеу мен техникалық үзілістерге байланысты жаңа тапсырыстарды қабылдауды уақытша шектеген.

Сауалнама нәтижелері көрсеткендей, жаңа тапсырыстардың азаюы жұмыспен қамту және сатып алудағы белсенділіктің төмендеуіне әкелген. Қызметкерлер саны да азайып отыр, алайда қысқару қарқыны баяулады...

Тұрсынбек Қабатов Мөлдір Мұқанованың сұхбатынан кейін, балаларын блоктағанын жоққа шығарып жазба қалдырды.

Ол балаларын жақсы көретінін айтты.

«Ардақты ағайын, мен балаларымды ешқашан блокқа қойған емеспін. Мен балаларыммен біргемін. Жақсы көремін. Осы күнге дейін балаларым үшін еңбек еттім. Әлі де еңбек етемін. Алла денсаулық берсін», – деп жазды Тұрсынбек Қабатов.

Десе де, Мөлдір Мұқанованың ашық сұхбатын қоғам қызу талқылап жатыр. Әлеуметтік желілерде әзілкештің бірнеше парақшасы бар. Онда қолданушылар Тұрсынбек Қабатовты жерден алып, жерге салып жатқаны көрінеді.

«Балаларыңды ойламайсың ба?», «Жек көріп кеттім. Қандай жиіркенішті», «Халықтың бетіне қалай қарайсың?» деген айыптау мен пікірден аяқ алып

Алтын өндіретін Solidcore Resources компаниясы 2025 жылдың ІІІ тоқсанында өндіріс көлемін өткен жылмен салыстырғанда 5%-ға арттырып, 125 мың унция деңгейіне жеткізді. Оған Абай облысындағы концентратты қайта өңдеу мәселелерінің шешілуі себеп.

Компанияның мәліметінше, III тоқсандағы сатылым көлемі де 28%-ға өсіп, 156 мың унция алтын баламасына жетті. Бұл көрсеткіш «Қызыл» кен орнындағы концентрат қорын өткізу есебінен қамтамасыз етілген.

Қаңтар-қыркүйек айлары аралығында Solidcore кәсіпорындарындағы металл өндірісі 395 мың унция алтын баламасын құрады. Бұл өткен жылмен шамалас деңгей, алайда жыл басындағы Қызыл концентратын өңдеудегі кідірістер салдарынан дайын өнім көлемі 248 мың унция ғана болды. Сол кезеңдегі сатылым көлемі 260 мың унцияны құрады.

Компанияны...

Ұлтаралық алауыздықты қоздырды деп айыпталған блогер Алика Мұхамадиева сотта соңғы сөзін айтты. Ол жасаған әрекеті үшін кешірім сұрады.

«Мен ренжіткен барлық адамнан кешірім сұрағым келеді. Өте қатты ұялып тұрмын, не айтарымды білмеймін, қатты өкінемін. Соттан менің кінәмды толық мойындағанымды, кішкентай қызым бар екенін ескеруді өтінемін», – деді Мұхамадиева.

Ол қазір кішкентай баласын қатты сағынып жүргенін, бәрінен айырылып, темір тордың ар жағында барғанда ғана қадірін түсінгенін айтты.

«Жетістікке жетемін, мақсатқа жетемін деп шапқылап жүргенімді ғана ұқтым. Кейде жоспарыңды тезірек іске асыру үшін өмір сүруге де үлгермейсің, қызыңды ата-анаға арта саласы...

Жоғары аудиторлық палата Алматыдағы крематорийді қала әкімдігінің тиісті ұйымының балансына беру процесі аяқталғанын хабарлады. Енді крематорий Денсаулық сақтау басқармасының «Қалалық патологиялық-анатомиялық бюро» ШЖҚ КМК балансында болады.

Аудиторлық палатаның мәліметінше, Алматы қаласының әкімдігі 2021 жылы салынған крематорийді қала әкімдігіне қарасты бейінді ұйымның балансына берген.

«Объект бұдан бұрын жүргізілген мемлекеттік аудит негізінде берілді, оның нәтижелері бойынша Алматы әкіміне баланс ұстаушыны белгілеу тапсырылған болатын. Нәтижесінде әкімдіктің 2025 жылғы 17 қазандағы қаулысымен объект Құрылыс басқармасының балансынан Қоғамдық денсаулық сақтау басқармасының «Қалалық патологиялық-анатомиялық бюро» ШЖҚ КМК балансына берілді»,– делінген хабарламада.

Крематорий жұмысы қашан басталатыны барлық нормативтік рәсім аяқталғаннан кейін...

Шығыс Қазақстан облысында «Таза Өскемен» кәсіпорнының бұрынғы басшысы мен оның орынбасары 120 млн теңге бюджет қаржысын жымқырды деп айыпталып отыр.

Қаржылық мониторинг агенттігінің мәліметінше, олар қала аумағын күтіп-ұстауға бөлінген қаражатты өз пайдасына жаратқан.

«Лауазымдық өкілеттіктерін пайдалана отырып, күдіктілер 2022-2023 жылдар аралығында мемлекеттік сатып алу рәсімдерін өткізбестен, қаражатты сыбайластарының есепшотына заңсыз аударған. Атап айтқанда, құжаттарда жолдарды жөндеуге арналған битум мен құм сатып алу, суды соруға арналған арнайы техника жалдау, сондай-ақ бұған дейін орнатылған 23 аялдама павильонын жасауға қажетті материалдар сатып алу туралы жалған деректер көрсетілген. Кейін бұл қаражат жеке кәсіпкер арқылы қолма-қол ақшаға айналдырылып, схемаға қатысушылар арасында...

2025 жылғы қыркүйек айында екінші деңгейлі банктер экономикаға беретін кредит көлемін ұлғайтуды жалғастырды. Қаржы нарығын реттеу және дамыту агенттігінің шолуында жалпы несие көлемі 1,8%-ға өсіп, 38,7 трлн теңгеге жетті. Бұл көрсеткіш жыл басынан бері 14,6%-ға артқан. Яғни, банк жүйесі экономиканы қаржыландыруды белсенді жалғастырып отыр.

Экономикадағы несие құрылымы

Жалпы кредит көлемінде халыққа берілген тұтынушылық және өзге де қарыздардың үлесі жоғары: 44,8%. Бизнес субъектілеріне бағытталған несие 37,9%-ды, ал ипотекалық кредиттер 17,3%-ды құрады. Бұл құрылым халықтың тұтынушылық белсенділігі мен шағын және орта бизнестің несиеге деген сұранысының артқанын көрсетеді.

Несиенің 91,2%-ы теңгемен берілген. Ұлттық валютадағы кредит 1,3%-ға өсіп, 35,3 трлн теңгеге жетсе, шетел...

Қаржы нарығын реттеу және дамыту агенттігі «ForteBank» акционерлік қоғамына «Home Credit Bank» пен банк экожүйесіне қызмет көрсететін технологиялық компания – «HomeITTech» ұйымдарын еншілес компания ретінде сатып алуға ресми рұқсат берді.

ForteBank басқарма төрағасы Талғат Қуанышевтың айтуынша, алынған рұқсат мәмілені толық аяқтауға жол ашады.

«Бұл келісім екі банк үшін де тиімді болмақ. ForteBank өз технологиялық әлеуетін арттырып, нарықтағы орнын бекітеді, ал Home Credit Bank қаржылық тұрақтылығын күшейтіп, жаңа даму мүмкіндіктерін ашады», – деді ол.

«Home Credit Bank» әдеттегідей жұмысын жалғастыра береді. Клиенттер алдындағы барлық міндеттемелер толық орындалып, қызметтер мен өнімдер бұрынғы шарттарда қолжетімді болып қалады.

Президент Қасым-Жомарт Тоқаевтың тапсырмасымен Астана мен Белград арасындағы тікелей әуе қатынасы іске қосылды. Алғашқы рейс Қазақстан мен Сербия өкілдерінің қатысуымен орындалды.

Салтанатты шараға ҚР Көлік вице-министрі Талғат Ластаев, SCAT әуе компаниясының президенті Владимир Денисов, Сербия Республикасының Қазақстандағы Төтенше және Өкілетті елшісі Владимир Йовчич және Н.Назарбаев атындағы халықаралық әуежай басқарма төрағасының бірінші орынбасары Руслан Пыштанов қатысты.

«Астана мен Белград арасындағы тікелей рейстердің ашылуы Қазақстан мен Сербия арасындағы байланысты нығайтудағы маңызды қадам болып табылады. Жаңа бағыт екі ел арасындағы бизнес, туризм және мәдени ынтымақтастық үшін жаңа жол ашады», – деп атап өтті Талғат Ластаев.

Айта кетейік...

Сенаторлардың ресми сауалына берген жауабында Үкімет басшысы Олжас Бектенов ипотекалық несие 2-5% мөлшерлемемен қандай санаттағы азаматтарға берілетінін айтты.

Олжас Бектеновтің сөзінше, ауылдарда мамандарды ұстап қалу үшін қосымша әлеуметтік қолдау шараларын енгізу көзделген. Халықты тұрғын үймен қамтамасыз ету мақсатында Үкімет мемлекеттік қолдаудың бірнеше тетігін іске асырып жатыр.

«Кезекте тұрған азаматтар жеңілдетілген ипотекалық кредитті «Отбасы» банк арқылы ала алады (2 және 5 % төмендетілген мөлшерлемемен). Кредит 2%-бен келесі санаттағы азаматтарға беріледі – Ұлы Отан соғысының ардагерлері, жетім балалар, көпбалалы аналар мен көпбалалы отбасылар, бірінші және екінші топтардағы мүгедектігі бар адамдар, мүгедектігі бар балалары бар отбасылар, жеңілдіктер бойынша Ұлы...