Жаңалықтар

Twitter-дің негізін қалаушылардың бірі Джек Дарси интернетсіз жұмыс істейтін Bitchat мессенджерін іске қосты.

Көпшілік қолданып жүрген мессенджерлер интернетпен ғана жұмыс істесе, Bitchat mesh-желі технологиясын пайдаланады. Смартфондар Bluetooth желісі арқылы тікелей байланысып, бір-бірімен бірнеше жүз метр жерден хабар алмаса алады.

Мұндай мессенджерді байланыс жоқта немесе бұғатталған уақытта пайдалануға болады. Мәселен, көп адам жиналған іс-шара, концерт, футбол, митинг, табиғи апат болған кезде, сонымен бірге шалғайдағы аудандарда соның көмегімен хабар алмаса аласыз.

Bitchat телефон нөмірімен немесе email көмегімен тіркелуді талап етпейді. Чаттардың бәрі құпия сақталады. Мәліметтер смартфонның өзінде қалады.

Қолданушы хабар алмасу аймағынан тыс жерге шығып кеткен күннің өзінде оның хабары кейінірек...

Қаржылық мониторинг агенттігі «UILI BOLAYIK» (Үйлі болайық) атты қаржы пирамидасының қызметін тоқтатқанын хабарлады.

Агенттіктің мәліметінше, ұйымдастырушылар әлеуметтік тұрғын үй бағдарламасы ретінде бүркемеленіп қатысушыларды мүлікті пайызсыз бөліп төлеу арқылы сатып алуға болады деп сендірген.

Қатысушыларға салған қаражаты үшін ай сайын 15–30% көлемінде табыс және әр жаңа тартылған адам үшін 10% бонус уәде еткен.

Азаматтардың қаражаты екінші деңгейлі банктердегі ұйымдастырушылардың жеке шоттарына аударылып отырған, ал «UILI BOLAYIK қайырымдылық қорының» есепшоттары іс жүзінде пайдаланылмаған.

«Нәтижесінде бұл қаржы пирамидасына 515 салымшы тартылып, 50 млн теңгеден астам қаражат жиналған. Сот санкциясымен күдіктінің банктік шоттарына тыйым салынды«, – делінген ақпарат агенттігі

Жамбыл облысында жер сілкінді. Бұл туралы «Сейсмологиялық зерттеулер мен ақпараттың ұлттық ғылыми орталығы» ЖШС сейсмикалық станциялар желісі хабарлады.

«Қазақстан Республикасы Төтенше жағдайлар министрлігі Сейсмологиялық зерттеулер және ақпарат ұлттық ғылыми орталығы» ММ сейсмикалық стансалар желісі 2025 жылғы 8 шілдеде Астана уақыты бойынша сағат 14:30-да жер сілкінісін тіркеді», – делінген баспасөз хабарламасында.

ТЖМ хабарлауынша, жер сілкінісінің ошағы Алматыдан оңтүстік-батысқа қарай 334 км жерде, Қазақстан аумағында орналасқан.

Жер сілкінісінің қуаты мынадай болған:

Кұлан ауылы – 6 балл;

Меркі ауылы – 5 балл;

Шу қаласы – 3 балл;

Сарыкемер ауылы – 3 балл;

Төле би ауылы...

Ұлыбританияда өтіп жатқан жасөспірімдер арасындағы Уимблдон–2025 турнирінде жұптық сайыста қазақстандық спортшылар сәтті өнер көрсетіп жатыр. Жекелей сында бірде-бір теннисшіміз ірі жетістікке жете алмаса да, жұптық бәсекеде еліміздің атынан үш ойыншы 1/8 финалға жолдама алды.

Зангар Нұрланұлы мен Дамир Жалғасбай америкалық Райан Козад / Максимус Дюссо дуэтіне қарсы тең дәрежелі әрі тартысты матч өткізді. Бірінші сетте 7:5 есебімен жеңіске жеткен қазақстандықтар екінші сетті тай-брейкте 3:7 есебімен беріп қойды. Алайда шешуші супертай-брейкте 10:7 есебімен басым түсіп, келесі кезеңге өтті.

Ширек финал жолдамасы үшін Нұрланұлы мен Жалғасбай британиялық Оливер Бондинг және америкалық Джаггер Личке қарсы ойнайды. Бұл жұп бірінші айналымда марокколық Карим...

Нарықтағы бағасы қымбат және әлеуметтің маңызы бар препараттар бағасы төмендей түседі. Денсаулық сақтау министрлігі «Химфарм» АҚ, «Johnson & Johnson Kazakhstan» ЖШС және «АстраЗенека Қазақстан» ЖШС сияқты жетекші фармацевтикалық компаниялармен ынтымақтастық туралы меморандумға қол қойғанын хабарлады.

«Жетекші отандық және шетелдік фармацевтикалық компаниялармен меморандумдар жасасу біздің сындарлы өзара іс-қимыл мен әлеуметтік жауапкершілікке жалпы дайындығымызды көрсетеді. Мұндай бастамалар фармацевтикалық нарықтағы тұрақтылықты нығайтуға, пациенттердің қазіргі заманғы препараттарға қолжетімділігін кеңейтуге, сондай-ақ инвестициялық ахуалды дамытуға және өндірісті оқшаулауға ықпал ететініне сенімдіміз», – деп атап өтті Денсаулық сақтау министрі Ақмарал Әлназарова.

Осы келісім аясында бірқатар өмірлік маңызды препараттардың бағасын төмендеу...

Солтүстік Қазақстан облысында өндірістік мақсатта қарасора егіледі. Бұл туралы үкімет сағатынан кейін өткен брифингте Ауыл шаруашылығы вице-министрі Азат Сұлтанов айтты.

«Қарасора өндірісіне қатысты айтар болсақ, әлі өндіру жұмыстары басталған жоқ. Қазіргі таңда инвестор жер таңдап жатыр. Кәсіпорында өндіріс технологиясы тұтастай қамтылады. Бізде өндірістік мақсатта қарасораны егуге рұқсат етілген. Мұнда есірткі құрамы болмайды. Қарасорадан қағаз және май шығару көзделіп отыр. Бұл шикізаттан дайындалған қағаз қауіпсіз әрі сапалы болады», – деді министрлік өкілі.

Сұлтанов кәсіпорынның нарық сұранысына сай өнімдер шығаратынын, қарасорадан әзірленген өнім түрлері экспортталатынын да айтты. Вице-министр қарасора егуге жайлы орын ретінде Солтүстік...

Freedom Holding Corp. құрамындағы Freedom Ticketon мен Freedom Travel компанияларының басшылары ауысты. Бұл компаниялар холдингтің Freedom Lifestyle бағытына кіреді.

Freedom Ticketon компаниясының бас директоры болып өнімдерді басқару және технологиялық шешімдерді енгізу саласында тәжірибесі бар Ксения Соколова тағайындалды. Ал Freedom Travel басшылығына саяхат саласындағы кәсіпкерлік және менеджмент саласында мол тәжірибе жинақтаған Игорь Бойко келді.

Freedom Lifestyle бағытының басшысы Алексей Ли бұл өзгерістер тұтынушылар үшін қызметтерді заманауи деңгейге көтеруге бағытталған кешенді трансформация аясында жасалып отырғанын атап өтті.

«Қазір біз Freedom Ticketon платформасын жаңартып, билет сату нарығында жаңа буын сервисін құруды көздеп отырмыз. Ал 2013 жылдан бер...

Германия Қазақстаннан артта қалған. Баварияда тұратын қазақстандық неміс Дан Верхоланец осындай пікір білдірді.

Ол өзін «Германияға Қазақстаннан емес, болашақтан келгендей» сезінетінін айтып отыр. Бұрынғы қазақстандық Қазақстанның Германияға қарағанда артықшылықтары көп екенін атап өтті.

Қазақстанның артықшылықтары

«Кейде Германияға Қазақстаннан емес, болашақтан келгендей сезінемін. Алматыда такси төрт минуттан кейін жетіп келеді. Ішінде Wi-Fi-ы, суы, Қайрат Нұртастың әні болады. Маркетплейстер арқылы тапсырыс берсеңіз, курьер 12 минуттан келеді десе, ол 12 минуттан кейін есігіңізді қағып тұрады», – дейді Дан Верхоланец.

Оның пікірінше, Каспийді алсақ, аударған ақшаң сол сәтте түседі. Алғыс аласың. Өмір керемет. Даяшылар күліп қарсы алады. Тамағы анаң әзірлегендей. Ешкім бір...

Шымкенттегі Тұран-2 ықшам ауданында 6-қабаттан 2 жасар бала құлап қайтыс болды. Қалалық төтенше жағдайлар департаментінің мәліметінше, бұл жыл басын бергі төртінші жазатайым оқиға. Мамандар ата-аналарға қауіпсіздік шараларын қатаң сақтауға шақырады.

Кеше әлеуметтік желіде көпқабатты тұрғын үйдің ауласында былқ-сылқ жатқан баласын құшақтап, аңыраған әйелдің видеосы тарады.

Шымкент қалалық төтенше жағдайлар департаментінің мәліметінше, қайғылы оқиға 6 шілде күні түске жақын қаладағы Тұран-2 ықшам ауданында болған. 9 қабатты тұрғын үйдің 6-қабатында жалдамалы пәтерде тұратын отбасының 2 жасар баласы қонақ бөлмедегі терезе торына сүйеніп, тормен бірге құлап кеткен. Оқиға болған уақытта анасы үйде, әкесі жұмысқа кеткен. Ас бөлмеге шығып кеткен анасы қас-қағым сәтте баласынан...

2025 жылғы 23-26 қыркүйекте Алматы қаласында Орталық депозитарийлердің Дүниежүзілік форумы (WFC) өтеді. Оны ұйымдастыруға 315 млн теңгеден аса қаражат бөлінді. Мәлімет Ұлттық банк пен соның ұйымдарының сатып алу порталында жарияланды.

World Forum of Central Securities Depositories биыл Қазақстанда өтетіні екі жыл бұрын мәлім болған. Мұндай шешім 2023 жылғы мамырда Прага қаласындағы форум барысында қабылданған.

WFC әдетте екі жылда бір мәрте ұйымдастырылады. Ауқымды іс-шара Орталық Азия елдерінің бірінде алғаш рет өткелі отыр. Форум орталық депозитарийлердің бес аймақтағы қауымдастығын біріктіреді. Олар: Азия-Тынық Мұхит тобы (ACG), Америка (ACSDA), Еуразия (AECSD), Еуропа (ECSDA) және Африка мен Таяу Шығыс (AMEDA).

«Бағалы қағаздар орталық депозитарий...

Ауыл шаруашылығы министрі Айдарбек Сапаров жыл соңына дейін Қазақстанда картоп бағасы төмендей ме деген сұраққа жауап берді.

Министрдің айтуынша, бұл мәселе бойынша ведомство Сауда министрлігімен бірлесіп жұмыс жүргізіп жатыр.

«Егер қандай да бір жерде баға шекті мөлшерден асып кетсе, сауда орталықтарының сатушыларына белгілі бір көлемде айыппұл салынады. Бұл бағытта жұмыстар атқарылуда. Биыл егіс алқаптарының құрылымында картоп егу алаңы 20 мың гектарға ұлғайтылды. Біздің болжауымызша, биыл  өнім жақсы және картоп жеткілікті көлемде болады. Сондықтан күзде баға төмендейді деп есептеймін», – деді Сапаров үкіметтегі брифинг барысында.

Айта кетейік, Үкімет бірінші жартыжылдықтағы инфляция қорытындысын қарады. Ондағы мәліметке сүйенсек...

Маңғыстау облысының экс-әкімі Алик Айдарбаев «Kalamkas-Khazar Operating» ЖШС-ның бас директоры қызметіне тағайындалды.

Алик Айдарбаев – Қазақстанда мұнай-газ саласында және мемлекеттік басқару жүйесінде ұзақ жылдық тәжірибесі бар тұлға. Бұған дейін ол «ҚазМұнайГаз» ұлттық компаниясы, «Маңғыстаумұнайгаз» АҚ, ҚР Инвестициялар және даму министрлігінде жұмыс істеген. Маңғыстау облысының экс-әкімі болған.

Соңғы уақытта Айдарбаев «Лукойл Лубрикантс Орталық Азия» компаниясында теңіз жобалары жөніндегі директордың орынбасары қызметін атқарған.

Kalamkas-Khazar Operating – Каспий теңізіндегі Қаламқас-Хазар кен орындарын игеру жобасына жауапты оператор.

Ауыл шаруашылығы министрі Айдарбек Сапаров шаруалар мен ауыл тұрғындарынан мал терісі мен жүнін далаға лақтырмауды сұрады.

Министрдің айтуынша, кедендік баж салығын енгізген соң, тері мен жүнді сыртқа экспорттайтын компаниялардың жұмысы тоқтап қалған. Ал елдегі кәсіпорындар тері мен жүнді өңдеуге дайын болмаған. Салдарынан шарулар тері мен жүнді лақтыруға мәжбүр болған. Бұл мәселені министрлік елде жаңа кәсіпорындар ашу арқылы шешуді қолға алған.

«Қазіргі таңда тері мен жүн өңдейтін жаңа кәсіпорындар ашуды жоспарлап отырмыз. Ақтөбе облысында жүннің қарасы мен ағын бірдей қабылдай беретін кәсіпорын ашылады», – деді министр.

Баж салығы алынды

Сонымен...

Бүгін, 8 шілде күні, алматылық «Қайрат» футбол клубы УЕФА Чемпиондар лигасында жорығын бастайды. Алғашқы іріктеу кезеңде «Қайрат» Словенияның «Олимпия» командасымен кездеседі.

Матч Словения уақытымен 19:00-де, ал Алматы уақытымен 22:00-де басталады. Ойын Люблянадағы «Стожице» стадионында өтеді. Кездесуді грек төрешісі Христос Вергетис жүргізеді.

Қазақстандық жанкүйерлер ойынды Кинопоиск платформасынан (сайт немесе мобильді қосымша арқылы), сондай-ақ Q League телеарнасынан тамашалай алады.

Ал қарымта ойын 15 шілде күні сағат 20:00 де...

Мемлекеттік KEGOC Қазақстан, Әзербайжанмен бірге құрылған компанияның 33,3% үлесіне ие болды. Жаңа компания Green Corridor Alliance деп аталады және Орталық Азиядағы жасыл энергия өндірісі мен тасымалына жауап береді.

Жобаға Әзербайжанның «Азерэенержи» ААҚ және өзбектің «Өзбекстан ұлттық электрлік желілері» АҚ да қатысады. Компания осы айдың басында Бакуде тіркелген.

«Жаңа кәсіпорын жаңартылатын энергия көздерін дамытуға және халықаралық ынтымақтастықты нығайтуға бағытталады. Бұл Орталық Азия мен Оңтүстік Кавказ өңірлерінде көміртек шығарындыларын азайтуға және тұрақты энергиямен қамтуды қамтамасыз етуге ықпал етеді», – деп жазылған компания сайтында.

Әзірге жасыл энергия елдегі жалпы электр энергиясы өндірісінің 6,43%-ын...

Қазақстанда фермерлерге арналған екі жаңа несие бағдарламасы іске қосылмақ. Бұл туралы Үкімет отырысында Ауыл шаруашылығы министрі Айдарбек Сапаров айтты.

Жаңа бағдарламалар арқылы ауыл шаруашылығын қолдауға жалпы 100 млрд теңге бөлінеді. Министрдің айтуынша, бұл қаржы мал шаруашылығын дамытуға және фермерлерге жұмыс істеуге қажет айналым қаражатын алуға көмектеседі. Бірақ бағдарламалар нақты қашан басталатыны әзірге белгісіз.

Бірінші бағдарлама бойынша 50 млрд теңге асыл тұқымды ірі қара мен ұсақ мал сатып алуға беріледі. Фермерлер бұл қаржыны жылына 5% мөлшерлемемен ұзақ мерзімге несие ретінде ала алады.

Екінші бағдарлама аясында тағы 50 млрд теңге шаруаларға айналым қаражатын (мысалы, жем-шөп, жанармай, дәрі-дәрмек сатып алуға) жеңілдетілген несие түрінде...

Израиль Иран ядролық бағдарламасын қайта жандандыруға тырысқан жағдайда әскери қимылдарын жалғастырады. Израиль шенеуніктерінің айтуынша, АҚШ президенті Тель-Авивтің әрекетіне рұқсат беруі мүмкін. Бұл туралы дереккөздеріне сілтеп Axios басылым жазды.

Ядролық дағдарысқа қатысты болашақ жоспар Трамп пен Израиль премьер-министрі Биньямин Нетаньяхудың Ақ Үйдегі кешкі асы кезінде басты тақырып болады деп күтіліп отыр.

Израиль шенеуніктері Нетаньяху Трамппен АҚШ пен Иран арасындағы болашақ ядролық келіссөздер мен әскери шабуылдарды қайта бастауға негіз бола алатын сценарийлер жөнінде өзара түсіністікке келгісі келетінін айтқан.

Дереккөздер Нетаньяхудың бас кеңесшісі Рон Дермер Вашингтонға жақында жасаған сапарынан кейін Трамп әкімшілігі белгілі бір жағдайларда Израильдің Иранға жаңа шабуылдарын қолдауға дайын деген...

Енді мал етін ветеринариялық құжатсыз сатқандар қылмыстық жазаға тартылуы мүмкін. Ауыл шаруашылығы министрі Айдарбек Сапаров осындай заңсыз әрекетке барған шаруалар мен делдалдарға жазаны күшейтуді ұсынып отыр.

Министр ауыл шаруашылығы жануарларын тіркеуге қатысты бақылауды күшейту қажет деп санайды.

 «Жеткізушілер мен ветеринариялық құжаттарсыз өнім сатып алушыларға қатысты жауапкершілікті қылмыстық жауапкершілікке дейін қатаңдату қажет. Ветеринарияны одан әрі трансформациялау – цифрландыруды жетілдіруді, тауарлар қозғалысының қауіпсіздігі мен қадағалануы бойынша заңнаманы жақсартуды, жүкке ветеринариялық-санитариялық бақылауды күшейтуді, ЖАО өкілеттіктерін кеңейтуді, сондай-ақ сырғаларды ұйымдасқан шаруашылықтардың өз бетінше сатып алуы арқылы бюджет қаражатын азайтуды көздейді»,– деді министр үкімет отырсында.

Бүгінде ветеринариялық құжатсыз мал етін сатқандарға айыппұл...

Енді банктен несие алу уақыты созыла түседі. Несиеге рұқсат берген күннің өзінде оны тек 24 сағаттан кейін ғана аударады. Қаржы нарығын реттеу және дамыту агенттігі осындай заң жобасын жариялады. Бұл құжат қазақстандықтарды алаяқтар сырттай рәсімдеп жіберетін несиелерден қорғау үшін жасалған.

Егер азамат интернет арқылы 150 АЕК-тен жоғары сомаға (2025 жылғы есеппен 589 мың) тұтынушылық несие алса, банк «күту кезеңін» енгізуге міндетті. Оған сәйкес, банк ақшаны келісімге қол қойған сәтте емес, тек 24 сағаттан кейін ғана аударады. Ол үшін клиент egov арқылы қол қоюы керек.

Микроқаржы ұйымдарына да осындай талап қойылады. Егер қарыз алушы бір күн ішінде бірнеше микроқаржылы...

Осыдан біраз уақыт бұрын Астана базарларына «Сібір күйдіргісі» жұққан мал етінің сатылғаны туралы ақпарат тарады. Мұның анық-қанығын KursivMedia тілшісі Ауыл шаруашылығы министрі Айдарбек Сапаровтан сұрап білді. Министр Атбасар ауданында «Сібір күйдіргісін» жұқтырған мал табылғанын растады.

«Расымен, осындай жағдай болды. Ақмола облысы, Атбасар ауданында далада, ауылдан 7 км жерде екі ауылдың малын баққан. Ол жерде «Сібір күйдіргісімен» ауырған малды көмген жер болған. Малды сол маңайда баққан соң, 10 шақты мал ауру жұқтырған. Қазіргі таңда барлық ауру мал табылып, өртелді. Мал баққан кісілерді таптық. Қауіпті жерді жерді қоршауға алып, сақтық шараларын қабылдадық», – деді министр.

Қазақстандық көрермендер арасында өткен аптада голливудтық блокбастерлерге сұраныс артты. Алайда ел аузында жүрген Брэд Питт ойнаған Formula 1 туралы спорттық драма екінші орынға жайғасты. Көш басында — динозаврлармен оралған әйгілі «Юра дәуірінің әлемі» франшизасының жаңа бөлімі.

1. «Юра дәуірі: Қайта өрлеу» — 316 млн теңге (1 апта)

Динозаврлар экранды қайта жаулап алды. Танымал франшизаның жалғасы — «Юра дәуірі: Қайта өрлеу» еліміздегі прокатта ең көп касса жинап, бір апта ішінде 316 636 112 теңге тапты.

2. F1 — 251 млн теңге (2 апта)

Танымал голливудтық актер Брэд Питт ойнайтын F1 фильмі екінші аптада...

Қарағанды облысында экологиялық талаптарды бұзған кәсіпорынға 55 млн теңге айыппұл салынды. Бұл туралы Бас прокуратура хабарлайды.

«Топар ГРЭС» кәсіпорны Топар кентіндегі күл үйіндісін қайта қалпына келтіру (рекультивация) жұмыстарын жүргізген. Алайда бұл жұмыстар экологиялық талаптарды сақтамай орындалғандықтан, қоршаған ортаға айтарлықтай зиян келді.

Күл үйіндісіндегі учаскелерді дұрыс суармау мен кезең-кезеңімен құрғату ауада шаң-тозаңның таралуына себеп болған. Бұл жағдай экологияға және жергілікті тұрғындардың денсаулығына қауіп төндірді.

Қарағанды облысының мамандандырылған табиғат қорғау прокуратурасы экологиялық жағдайға жүргізілген мониторинг барысында осыны анықтады.

Тексеру барысында күл үйіндісін қалпына келтіру жұмыстары қоршаған ортаға эмиссияларға рұқсатсыз және мемлекеттік экологиялық сараптаманың оң қорытындысынсыз жүргізілгені анықталды.

Бұған дейін...

Алматыда теріден желатин шығаратын зауыт салынып жатыр. Ал Ақтөбе облысында жүннен жылу оқшаулағыш материалдар әзірлейтін жоба жүзеге асырылуда. Бұл туралы Ауыл шаруашылығы министрі Айдарбек Сапаров мәлімдеді.  

Ведомство басшысы шетел валютасындағы түсімді арттыру мақсатында тері мен жүнге салынатын экспорттық кедендік баж салығы алынып тасталғанын атап өтті. Бүгінде тері мен жүн экспорттайтын 15 кәсіпорын шикізат сатып алу көлемін арттырған.  

Сондай-ақ, Айдарбек Сапаров елдің екі өңірінде тері мен жүн өңдеу жобалары іске асырылып жатқанын айтты.

 «Атап айтқанда, Ақтөбе облысындағы «КАЗФЕЛТЕК» ЖШС жүннен жылу оқшаулағыш материалдар өндіру жобасын жүзеге асыруда, ал Алматы қаласында «Iskefe Holding» ЖШС ауыл шаруашылығы...

Кеше кешке қарай Қапшағайдағы жағажайлардың бірінде әйел адам суға батып кетті. Мәжіліс депутаты Бақытжан Базарбек кездейсоқ жағдайдың куәсі болып қалған.

Instagram-дағы taldykorganec_kolesa парақшасында жарияланған видеода депутат жағажайда медициналық қызмет болмағанын, құтқарушылар кешігіп келгенін айтады.

Видеода құтқарушылардың «әйел адам суға түсуге рұхсат етілген аймақтан асып кетті» деп жатқаны естіледі.

Алматы облысының полиция департаменті аталған оқиғаға қатысты қылмыстық іс қозғалғанын мәлімдеді.

Департамент жағажайда құтқару техникасы мен кезекші құтқарушылардың бар-жоғы, демалыс аймағының белгіленген қауіпсіздік талаптарына сәйкестігі анықталып жатқанын жеткізді.

Полиция азаматтарды су айдынында демалу кезінде өте сақ болуға және шомылу үшін толық жабдықталған әрі күзетілетін орындарды ғана таңдауға шақырады.

Бұған дейін, Түркістан облысы...