Жаңалықтар

Астанада стоматология кабинетінде үш жастағы қыз қайтыс болғаннан кейін, үстінен іс қозғалған анестезиолог бас бостандығынан айырылмауы мүмкін. Қылмыстық істегі прокурор жарыссөз барысында сотталушыға рақымшылық туралы заңды қолдануды сұрады.

Айта кетейік, қайғылы жағдай 2024 жылдың 30 қазанында Dental Park Ortho стоматологиясында болған. 

Сотталушы анестезиолог Аида Жұмағалиева – Ресей азаматы. Оған қылмыстық кодекстің 317-бабы 3-бөлігі бойынша айып тағылып отыр. Бұл бапта медицина қызметкерінің кәсіби міндеттерін тиісінше орындамауы абайсызда адам өліміне әкеп соққан жағдай көрсетілген.

«Аида Жұмағалиеваны қылмыстық кодекстің 317-бабының 3-бөлігінде көзделген қылмыстық құқық бұзушылықты жасағаны үшін кінәлі деп тануды және оны 4 жыл мерзімге бас бостандығынан айыруды, сондай-а...

Сенат кулуарында Оқу-ағарту бірінші вице-министрі Майра Мелдебекова сабақ кезінде ұялы телефон ұстағаны үшін ата-аналар қаншалықты жазаланып жатқаны жайлы тілшілердің сұрағына жауап берді.

Елде сабақ кезінде ұялы телефонды қолдануға тыйым салынған. Егер оқу процесінде ақпараттық технологиялар аясында түрлі контентті пайдалану, электронды оқулықтар немесе түрлі қосымшаларды ашу керек болса, мұғалімнің жоспарымен смартфонды қолдануға болады.

Майра Мелдебекованың айтуынша, оқушылардың осы талаптарды орындамауына қатысты мұғалімдерден шағым түспеген.

«Тиісті шектеуге қарамастан оқушылардың сабақ кезінде смартфон ұстауына қатысты ата-аналарына айыппұл салу деректері тіркелмеді», – деді вице-министр.

Бұған дейін Оқу-ағарту бірінші вице-министрі заңнамадағы тиісті шектеуге қарамастан оқушылар мектепте смартфон пайдаланса, ата-анасына...

Сенат кулуарында тілшілердің сұрағына жауап берген Ішкі істер министрінің орынбасары Игорь Лепеха Жаңа жыл мерекесі кезінде фейерверктерді қолдану тәртібі бұзылса, айыппұл салынатынын айтты.

Айыппұл көлемі

Лепеха фейерверктерге қатысты айыппұл мөлшерлерін түсіндіріп берді. Оның сөзінше:

ІІМ орынбасары жыл сайын пиротехникадан жарақат алу және өрт шығу жағдайлары қайталанатынын айтты. Сондай-ақ ол фейерверктерді балалардың қолына бермей, қауіпсіз...

Жаңа Салық кодексіне енгізілген кейбір нормалар экономикалық тұрақтылық пен шағын кәсіпкерлердің жұмысына тікелей қауіп төндіруі мүмкін. Ең басты мәселелердің бірі – арнайы салық режимі (АСР) мен жалпыға белгіленген режимдегі(ЖБР) компаниялар арасындағы шығынды есептеуге тыйым салу, сонымен қатар жеке кәсіпкерлер (ИП) мен ЖШС-лардың бір уақытта арнайы салық режимін қолдануына шектеу қою. Салық альянсының мамандары бұл нормалар елдегі шағын кәсіпкерлердің қызметіне кедергі келтіреді деп есептейді.

Салық альянсы сарапшыларының айтуынша, бұл норма әртүрлі салық режимінде жұмыс істейтін кәсіпкерлердің құқықтарын тең дәрежеде қарамайды. Соның салдарынан салық саясаты тек фискальды әкімшілікке бағынады, ал кәсіпкерлер арасындағы адал экономикалық байланыс бұзылады.

Өзгерістің мән...

Шымкентте 3 жасар баланың ішінен 16 магнит табылды. Қалалық денсаулық сақтау басқармасының мәліметінше, бала қалалық балалар клиникалық ауруханасына іші қатты ауырып түскен. Ата-анасы баланың магнит жұтып қойғанын айтқан.

«Қабылдау бөлімінде науқасқа шұғыл медициналық шаралар жүргізіліп, одан кейін хирургия бөлімшесіне жатқызылды. Рентгенологиялық зерттеудің тікелей проекциясында баланың ішінен бөгде зат анықталды» делінген басқарма хабарламасында.

Тиісті медициналық тексерулерден кейін дәрігерлер балаға жедел ота жасаған. Ішіне видеоэзофагогастроскопия жүргізіліп, асқазан қуысында диаметрі шамамен 0,5 сантиметр болатын 16 магнит бар екені анықталды. Бөгде заттар эндоскопиялық граспердің көмегімен ағзадан толық алынған.

Басқарма мәліметінше, қазір баланың жағдайы қанағаттанарлық. Дәрігерлер оның өміріне төнген қауіпт...

Сенат «Қазақстан Республикасының кейбір заңнамалық актілеріне архив ісі және құқыққа қайшы контенттің таралуын шектеу мәселелері бойынша өзгерістер мен толықтырулар енгізу туралы» Заңды екі оқылымда қарап, мақұлдады.

Заңда төмендегідей новеллалар қарастырылған:

Түзетулер екі оқылымда да мақұлданды.

Қазақстанның мәдениет және ақпарат вице-министрі Евгений Кочетов түзетулерді әзірлеудің барлық кезеңі ашық өткенін мәлім етті. Оның сөзінше, жұмыс тобы үкіметтік...

Bloomberg Қырғызстанды Орталық Азияның жаңа «жолбарыс экономикасы» деп атады. Бұл елдегі жалпы ішкі өнімінің қарқынды өсуі және сыртқы сауда байланысының кеңеюімен байланысты. Агенттік бұл туралы Қырғызстан Ұлттық банкінің болжамы мен оның төрағасы Мелис Тұрғынбаевтың пікіріне сүйене отырып жазды.

Реттеуші органның бағалауынша, 2025 жылы Қырғызстан экономикасы 10%-дан көп өседі. Соңғы үш жылда елдің нақты ЖІӨ өсімі жылына 9%-дан төмен түскен емес.

Bloomberg мәліметінше, Қырғыз экономикасының негізгі қозғаушы күштері – туризм мен құрылыстың қарқынды дамуы, ішкі тұтынудың артуы және ең бастысы, Қытайдан көрші елдерге тауарларды реэкспорттау.

«Соңғы жылдардағы геосаяси оқиғалар аясында өңірдің сауда құрылымы...

Өнерлі жұп Жанболат пен Жазира Байырбекова келін түсіруге дайындалып жатыр. Жақында олар тәтті шай өткізіп, болашақ құдаларымен танысқан.

«Болашақ құдаларымызбен танысу шәйі. Қасымыздан табылған достарымызға рахмет», – деп жазды Жазира Байырбекова.

Келінімен танысқан сәтін Жазира Байырбекова инстаграмға салды. Жастар мен ата-аналары, олардың жақындары бірге бас қосқан. Тәтті шайға келгендер арасында Сәкен Майғазиев пен оның жары Динара Майғазиева, Тоқтар мен Бейбіт, Нұрлан Еспанов та бар.

Жанболат пен Жазира Байырбекованың Қазбек есімді ұлы, Дара есімді қызы бар.

Осы жылы жазда Сәкен Майғазиев үлкен ұлы Әділетті үйлендіріп, келін түсірген. Үйлену тойын тікелей эфирде өткізіп, он мыңға жуы...

Түркістан облысында жыл аяғына дейін мақта-мата өндірісіне қатысты үш бірдей ірі кәсіпорын іске қосылады. Солардың бәрін Lihua Group қытай компаниясы жүзеге асырады. Kursiv.Media оңтүстікте мақта өндірісіне жан бітіріп қана қоймай, оны жаңа деңгейге көтерген ірі топтың өңірге кіру себебі туралы баяндайды.

Он күнде үш өндіріс

2025 жылғы 22 желтоқсаннан бастап жыл аяғына дейін Түркістан облысында үш ірі өндіріс ашылады. Аз уақыттың ішінде мұндай ауқымды шаруаны атқару екінің бірінің қолынан келе бермейді, бірақ қытайлар үшін үйреншікті іс. Lihua өңірге 200 млрд теңгенің инвестициясымен кірген.

Жыл аяғына дейін ашылатын өндірістер:

Адвокат Ерлан Ғазымжанов 24 жылға сотталған бұрынғы ұлттық экономика министрі Қуандық Бишімбаевқа қазір құқықтық қызмет көрсетпейтінін айтты. Оның сөзінше, 2025 жылдың жазынан бастап арадағы байланыс үзілген.

«Бишімбаевтың жағдайынан тек ата-анасы арқылы хабардармын. Қазір Бишімбаевтың құқығын қорғаумен айналыспаймын. Жаздан бері ол кісімен хабарласқан жоқпын», – дейді Ерлан Ғазымжанов.

Бұған дейін Қуандық Бишімбаевтың бұрынғы әйелі Назым Қахарман видео жариялады. Сөзінше, Бишімбаев ортақ балаларын шетелге шығаруға қатысты сенімхатын қайтарып алу туралы ескерту жіберген.

Адвокат Ғазымжанов бұл туралы БАҚ беттерінен білгенін, Бишімбаевтың қазір басқа адвокаты барын айтты.

Қазір адвокат сотта Қуандық Бишімбаевтың анасы Альмира Нұрлыбекованың құқығын қорғаумен...

2025 жылдың қаңтар–қазан айларында экспорттан түсетін табыс азайып, импорт керісінше, тарихи рекорд жаңартты. Экономист Руслан Сұлтановтың жазуынша, бұл жағдайды уақытша құбылыс деп айту қиын, өйткені мәселе тереңде жатыр.

Осы кезеңде Қазақстанның сыртқы сауда айналымы 116,3 млрд долларды құрады. Бұл көрсеткіш бір жыл бұрынғы деңгейден сәл төмен. Жалпы көлем азайғанымен, ішкі құрылымдағы өзгерістер әлдеқайда маңызды белгі беріп отыр.

Біріншіден, экспорт төмендеп, импорт өсе түсті. Экспорттық түсім 4,6%-ға қысқарса, импорт 4,7%-ға артты. Соның салдарынан оң сауда сальдосы шамамен үштен біріне азайды. Бұл – соңғы жылдардағы ең әлсіз көрсеткіштердің бірі.

Экономиканың басым салаларында импорт өскен

Сарашының айтуынша, сауда...

2029 жылдан бастап YouTube америкалық киноакадемия сыйлығын табыстау рәсімінің эксклюзивті көрсетушісі болады. Ең беделді киносыйлық тарихындағы маңызды бетбұрыс жайлы академияның өзі Х желісінде хабарлады.

Екі тараптың келісімі бойынша, салтанатты шараның негізгі рәсімі, қызыл кілем мен сахна сыртындағы оқиғалар және Governors Ball  ютубта көрсетіледі. Көрермендер барлық контентті тегін көре алады.

Жаңа келісім «Оскар» және ABC телеарнасының 1976 жылдан бері жалғасып келе жатқан ұзақ мерзімді серіктестігі аяқталды деген сөз. Бұрын салтанатты рәсім тек телеарнадан көрсетілетін. Енді киноакадемия YouTube-тің 2,5 миллиард пайдаланушысы арқылы жаһандық аудиторияны кеңейтуді көздеп отыр.

«Біз YouTube-пен көпқырлы жаһандық серіктестік орнатқанымызға қуаныштымыз. Бұл серіктестік Академия...

Taste Atlas сайты әлемдегі ең дәмді 100 дастарқанын тізімін жариялады. Ол рейтингке Қазақстанда еніп, 98-орынға тұрақтады. Бұл жайлы журналист Руслан Меделбек телеграм арнасында жазды.

Тізімде Италия, Грекия, Перу мен Португалия дастарханы көш бастап тұр. Наполитано пиццасы, Крит зәйтүн майы, Криоль ащи соусы және Баррозан сиыр еті әлемдегі дәмді тағамдар деп саналды.

Одан бөлек тізімде жапон сушиі, түрік таңғы асы, үнділердің сарымсақ пен сары май қосылған наны, америкалық барбекю, медовик торт пен тұшпара да бар.

Қазақ дастарқанына самса, ет, бауырсақ пен қазы, жеті шелпекті ең дәмді тағамдар деп тапқан.

Қазақстанның ең дәмді тамақтары: самса, шұжық, асылған...

Хромтау әкімі Сағындық Шабықбаев пара алғаны үшін 12 млн теңге айыппұл төлеуге міндеттелді. Ол мердігерден пара алып, мемлекеттік сатып алу бойынша жұмысын қабылдауға уәде берген.

«Диапазон» басылымының жазуынша, айыптау қорытындысына сәйкес, аудан орталығының әкімі мемлекеттік сатып алу аясында орындалған жұмыстарды еш кедергісіз қабылдағаны үшін мердігерден 400 мың теңге көлемінде пара алған.

Пара алуға делдалдық жасаған әкімнің досы Нұрбек Қазбек есімді азамат. Ол мердігермен келіссөз жүргізген. Қазбекке тек делдалдық емес, сонымен қатар бопсалау арқылы ақша алу бабы да тағылған, алайда бұл эпизод бойынша мердігер оны кешірген.

Сотта қос айыпталушы өз кінәсін толық мойындап, Хромтау аудандық сотының судьясы Ерлан Бақытжан

Қазақстан мен Қатар арасындағы Қазақстан азаматтарын жұмысқа орналастыру туралы келісім ресми түрде күшіне енді. Бұл жайлы Еңбек және халықты әлеуметтік қорғау министрлігі хабарлады.

Министрліктің мәліметінше, Қатар тарапы келісімге қатысты барлық ішкі мемлекеттік рәсімдерді аяқтағанын растайтын жазбаша хабарлама жолдаған.

Құжатқа 2024 жылғы 14 ақпанда Мемлекет басшысының Дохаға ресми сапары барысында қол қойылды. 2025 жылы келісімді ратификациялау туралы Заң жобасын ҚР Парламентінің қос палатасы (10 қыркүйек – Мәжілісте, 9 қазан – Сенатта) мақұлдады, 20 қазанда Заңға Қазақстан Республикасының Президенті қол қойды.

Құжат қазақстандық мамандарды іріктеу мен жұмысқа орналастыру тәртібін реттейді және олардың әлеуметтік әрі еңбек құқықтарын толық көлемде қорғауға кепілдік...

Астана сотында Dental Park Ortho стоматологиясында қайтыс болған үш жастағы Зере Есентайдың ісі қаралып жатыр.  Сотталушы – анестезиолог Аида Жұмағалиева.

2025 жылдың 18 желтоқсанындағы сот отырысында сотталушының адвокаты Сағынғали Елеуов қылмыстық іс бойынша сот тергеуін қайта бастау туралы өтінішхат жолдады.

Сондай-ақ қылмыстық істі қарап жатқан судья Қажымұқан Мекемтасқа қарсылық білдірді.

Өтінішхатты судья Қанат Тобағалиұлы қарады. Сот қаулысымен судья ауыспайтын болды. Осылайша сот тергеуі аяқталып, сот жарыссөзі басталады.

Анестезиолог туралы не белгілі?

Аида Жұмағалиева – Ресей азаматы, екі баласы бар. Қазақстанға 2019 жылы келген. Бастапқыда Батыс Қазақстан облысындағы балалар ауруханасында жұмыс істеген. Содан кейін Астанадағы Ұлттық ғылыми...

Еуропа Одағы (ЕО) Ресейден келетін газдан кезең-кезеңімен бас тарту жөнінде келісімге қол жеткізді. Бұл туралы ақпарат Еуропарламенттің Threads желісіндегі ресми парақшасында жарияланды.

Келісім REPowerEU жоспары аясында әзірленген регламентке негізделген. Құжатқа сәйкес, Ресейден жеткізілетін сұйытылған табиғи газды (СТГ) импорттау 2026 жылдың басынан біртіндеп тоқтатылады.

Ал 2027 жылдың қыркүйегінен кейін құбыр арқылы тасымалданатын газды сатып алмайды. Жалпы алғанда, 2027 жылдың соңына дейін ЕО Ресей газынан толық бас тартпақ.

Бұл шешімді ЕО-ға мүше 27 елдің 25-і қолдап, Венгрия мен Словакия Ресей газына тәуелді болғандықтан қарсы шыққан.

Еуропарламент Ресейдің ұзақ жылдар бойы энергетика ресурстарын, әсіресе 2022 жылы Украинаға қарсы соғыс ашқан...

Оқу-ағарту министрлігі жетім және ата-анасының қамқорлығынсыз қалған балалардың құқықтарын қорғау жүйесін жетілдіруге бағытталған бірқатар кешенді шешімдер қабылданғанын хабарлады. Оның қатарында 2026 жылғы 4 ақпанда күшіне енетін жаңа заң бар.

Жаңа заң нормаларына сәйкес, қамқоршы, қорғаншы немесе асырап алған ата-анаға қатысты соттылық анықталса, не олар психикалық немесе наркологиялық диспансерде есепте тұрғаны белгілі болса, мұндай тұлғалар бала тәрбиелеу құқығынан дереу айырылады.

«Сондай-ақ, үстінен қылмыстық іс қозғалған азаматтарға бала асырап алуға, қамқоршы немесе патронат тәрбиеші болуға тыйым салынады. Бұл шектеулер балаларды қауіп-қатерден қорғап, қауіпсіз орта қалыптастыруды көздейді», – делінген хабарламада.

Бұдан бөлек, заңнамаға алғаш рет қамқоршылар...

Bank of America (BofA) сарапшыларының болжамынша, Қазақстанда инфляция 2026 жылдың қаңтарында шегіне жетіп, шамамен 15% деңгейінде қалыптасады. Осы кезеңнен кейін, яғни екінші тоқсанының соңынан бастап ел экономикасы ұзақмерзімді дезинфляция фазасына өтеді.

BofA есебіне сәйкес, 2026 жылдың соңына қарай инфляция 9%-ға дейін төмендейді, ал ақша-несие саясаты біртіндеп жұмсарып, базалық мөлшерлеме 3–4 пайыздық тармаққа төмендеуі мүмкін.

Сарапшылардың пікірінше, Ұлттық банк теңге бағамы күрт әлсіреген жағдайда ғана базалық мөлшерлемені көтеруі ықтимал. Егер валюталық нарықта айтарлықтай күйзеліс болмаса, реттеуші қатаң саясаттан бас тартуға дайын.

BofA жүргізген салыстырмалы талдау Қазақстан экономикасының екіұшты көрінісін көрсетеді. Бір жағынан, макроэкономикалық іргетас берік. Екінші жағынан, сыртқы...

Тәжікстан Сыртқы істер министрлігі Ресейдің елдегі елшісін шақырып, нота тапсырды. Онда Мәскеу облысының Горки-2 кентіндегі мектептің 4-сынып оқушысына жасалған «ұлт араздық негізіндегі шабуылды» қатаң айыптайтыны туралы мәлімдеме жариялады. Шабуыл салдарынан 10 жасар тәжік баласы оқиға орнында көз жұмған.

Құжатта Ресей тарапынан қайғылы оқиғаны тез арада әрі объективті түрде тергеп, кінәлілердің барлығын заң бойынша қатаң жауапқа тарту талап етілген. Сондай-ақ, Тәжікстан Ішкі істер министрі Рамазон Рахимзода Ресей ІІМ басшысы Владимир Колокольцевпен телефон арқылы сөйлесіп, тергеудің дұрыс жүргізілуін сұрады. Колокольцев өз кезегінде тергеу жұмыстары қатаң бақылауда екеніне сендірді.

16 желтоқсан күні таңертең Одинцово ауданындағы Горки-2 кентіндегі мектептердің бірінде 9-сынып оқушысы мектепке...

Қасым-Жомарт Тоқаевтың Жапонияға ресми сапары аясында қол қойылатын коммерциялық келісімдердің жалпы құны 3,7 млрд доллардан асады. Бұл туралы Президент баспасөз хатшысы Руслан Желдібай мәлім етті.

Мемлекет басшысы осы мақсатта Токиода жапониялық ірі бизнес өкілдерімен кездесулер өткізбек. Барлығы 40-тан астам құжатқа қол қою жоспарланған. Келісімдер энергетика, жаңартылатын қуат көздері, цифрландыру, тау-кен, көлік секілді негізгі салаларды қамтиды.

«Қазақстан тарапынан құжаттарға «Самұрық-Қазына», KEGOC, «Қазатомөнеркәсіп», «Тау-кен Самұрық», «Қазпошта», «Қазақстан темір жолы» компаниялары, ал Жапония тарапынан Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power және RIKEN KOGYO сияқты компаниялардың өкілдері қол қояды...

Қыркүйек айында Қаржы министрі Мәди Такиев алдағы жылдары «Отбасы банк» салымшыларына мемлекеттік сыйлықақы төлеуге бюджеттен қаржы қарастырылмаған деп мәлімдеді. Министр банк салымшыларына сыйлықақыны банктің өз қаражатынан төлейді деген. Осы ретте Kursiv.Media «Отбасы банкке» сауал жолдап, клиенттердің депозитіне сыйлықақы қалай төленетінін сұрап білді.

Банктің баспасөз қызметі жолдаған ресми жауапқа сәйкес, мемлекет тұрғын үй құрылыс жинақ жүйесіне ақша салып жүрген азаматтарды қолдауды жалғастырып отыр. 2025 жылы бұл жүйеге қатысатындар 157 280 теңгеге дейін мемлекеттік сыйлықақы ала алады.

Бұл талап Қазақстан Республикасының «Тұрғын үй құрылыс жинақтары туралы» заңында нақты көрсетілген. Заң бойынша, тұрғын үй жинақ банкіндегі депозиті бар Қазақстан азаматтарына...

Air Astana әуе компаниясының «техникалық себеппен» Дели әуежайына қонуға мәжбүр болған ұшағындағы жолаушылар шағымданып жатыр. Олар компания таратқан ресми мәліметті жоққа шығарды.

Естеріңізге сала кетейік, 18 желтоқсанда Air Astana-ның Алматы-Бангкок бағыты бойынша KC931 рейсін орындайтын ұшағы сапарын жарты жолда тоқтатты. Ресми мәліметке қарағанда, бортында 138 жолаушы бар ұшақ Алматы қаласынан түнгі сағат 01: 00-де ұшып шығып, таңертең сағат 05:51-де Делиге қонуға мәжбүр болған. Таңертең сағат 8:50-де әуе компаниясы былай деп таратты:

«Жолаушылардың бәріне тамақ беріледі. Уақытша визалар ресімделді. Әуе компаниясы жолаушыларды қонақ үйге орналастыру мәселесін шешіп жатыр».

Алайда ұшақ бортындағы жолаушылар...

18 желтоқсанда «Air Astana» әуе компаниясының Алматы – Бангкок бағыты бойынша KC931 рейсін орындаған ұшағы Дели әуежайына шұғыл қонды. Бағыттың өзгеруіне техникалық ақау себеп болған.

Әуе компаниясының хабарлауынша, 138 жолаушысы бар борт Алматыдан түнгі сағат 01:00-де ұшып шығып, Үндістан астанасына 05:51-де қонған. Әуе көлігінің жерге қонуы штаттық режимде өткен.

Қазіргі уақытта жолаушыларға тамақ беріліп, уақытша визалар рәсімделді және оларды қонақүйге орналастыру мәселесі шешіліп жатыр. Сонымен қатар тасымалдаушы адамдарды діттеген жеріне жеткізу үшін резервтік ұшақ дайындамақшы.

17 желтоқсанда дәл осы компанияның Алматыдан Астанаға бет алған ұшағынан түтін шығып, апаттық дабыл соғылған. Жолаушылар мен экипаж мүшелері арасында зардап шеккендер жоқ