Жаңалықтар

Мәжіліс депутаты Айдос Сарым Қазақстан мұнайын таситын танкерлерге жасалған шабуылдан кейін Украина тарапымен дипломатиялық бағытта жұмыс жүргізу керек деп мәлім етті.

Мәжіліс кулуарында журналистердің сұрағына жауап берген депутат Каспий құбыры концорциумы акционерлерінің бірі – АҚШ-тың алпауыт «Шеврон» компаниясы екенін атап өтті. Айдос Сарым Украина қазіргі соғыс жағдайында АҚШ пен Еуропа елдеріне тәуелді екенін айтты.

«Украина қаржылық және қару-жарақ жағынан көмектерге тәуелді. Осыны ескеру керек. «Шеврон» өте белсенді компания. Оның лоббистік мүмкіндіктері өте жоғары. Конгресс пен сенаттың демеушісі. Осының бәрін ескере келе «Шевронның» мүмкіндігін пайдалану керек сияқты. «Сіздер өз үкіметтеріңізге айтып, Украинаға біздің концорциумның мекемелері мен мүлкіне...

Halyk Finance сарапшыларының бағалауынша, 2026 жылы Қазақстандағы тұрғын үй нарығы өсім аймағында сақталады. Алайда былтырмен салыстырғанда қарқыны бәсеңдейді. 2025 жылы тұрғын үй бағасы қатты қымбаттаған болса, ал биыл заң талаптары мен салық факторы сұранысты біршама тежейді.

Сарапшылардың пікірінше, 2025 жылы бастапқы және қайталама нарықтағы шаршы метр бағасы тиісінше 15,7% және 14,6% қымбаттап, елдегі 12,3% инфляциядан асып түскен.

Бұл өсімге бірнеше фактор әсер етті: ҚҚС мөлшерлемесі өсуі мүмкін деген ой, тұрғын үй жағдайын жақсарту үшін зейнетақы қорынан алынған төлемдердің 83%-ға артуы және жалпы инфляциялық қысым.

Ал 2026 жылы нарықтағы ахуал өзгере бастайды. Halyk Finance болжамына сәйкес...

Threads желісінде түрлі өсек-аяңды белсене жазып отыратын Balqadiwaa парақшасының авторының үстінен Тұрсынбек Қабатовтың екінші әйелі атанып жүрген Айман сотқа арыз жазған. Нақты айтқанда, ол «парақша авторы абыройыма нұқсан келтірді» деген шағым түсірген. Осыдан соң паблик иесі кешірім сұрап, бұған дейін жазылған постарды өшірген.

Заңгер Дильназ Мұхамедова Instagram-парақшасының stories бөліміне Айман ханымның заңды өкілі ретінде ар-намысы мен қадір-қасиетін сот тәртібінде қорғауға кіріскенін жазды. Сол мәлімдемеге репост жасап, @t_a_d_d_s_ қосымша бірнеше скриншот жариялады.

Ол жерде Threads желісінде жұлдыздар туралы өсек-аяң жазып жүрген Balqadiwaa парақшасының авторынан жекеге келген хаттың үзіндісі бар. Сотқа арыз жазғаннан кейін фейк-парақша авторының жеке басы анықталған. Содан соң Айманны...

Chery маркасының Қазақстандағы модельдік қатары кеңейді. Жаңа C8 кроссоверінің премьерасы Chery брендінің Қазақстан нарығындағы 4 жылдығына орай өтті.

C8 моделі негізінде Tiggo 8 нұсқаларының бірі саналады. Көліктің ұзындығы – 4722 мм, ал дөңгелек базасының өлшемі – 2710 мм. Шын мәнінде, C8 өлшемдері елімізде ұсынылған Tiggo 8 Pro үлгісімен бірдей. Сондай-ақ, дизайны жағынан да екі көлік арасында ұқсастық көп.

Көлік 147 ат күшіне және 210 Нм айналу моментіне ие 1.5 литрлік турбоқуатталған қозғалтқышпен келеді. Ол 6 сатылы DCT роботтандырылған қораппен жұптастырылған. Жетек тек алдыңғы дөңгелектерге беріледі, яғни бұл кроссоверде толық жетекті жүйе қарастырылмаған.

C8 автокөлігі әзірге жалғыз Classic жинақтамасында...

Halyk Bank-тың еншілес компаниясы Halyk Global Markets зейнетақы активтерін басқарудан бас тартпақ. Бұл туралы компания Бірыңғай жнақтаушы зейнетақы қорына хабарлама жіберген.

Келісім ресми түрде 1 қаңтар 2027 жылдан кейін ғана аяқталады, ал сол уақытқа дейін жинақтар бұрынғы шарттармен компания басқаруында қалады.

Келісім тоқтағаннан кейін активтер толық көлемде Ұлтты банктың басқаруына өтеді. Егер кірістілік тым төмен болса, Halyk Global Markets айырмашылықты өтейтін болады.

Салымшылар бір жылдан кейін жинақтарын қайтадан Ұлттық банк немесе басқа басқарушыға өткізе алады.

БЖЗҚ деректеріне сүйенсек, 2025 жылғы 1 желтоқсанда жалпы зейнетақы активтері 25,8 трлн теңгеге жетті. Оның шамамен 25 трлн теңгесі Ұлттық банк басқаруында, ал...

Көпшілік алдында ерекше баласы бар аналарды кемсіткен коуч Бақытбай Сабырбек кешірім сұрады. Сөзінше, оның әңгімесін дұрыс түсінбей қалған. Айыбы ретінде әйелге және отбасына қажылыққа екі билет сыйлады. Бұл туралы коучтың өзі парақшасында жариялады.

«Кеше ерекше баласы бар әйелмен әңгіме болған. Балжан ханым, ауыр сөздер айтқаным үшін сізден бүкіл халықтың алдында иіліп тұрып кешірім сұраймын. Негізі ерекше баланың анасы болу батырлық қой. Ол 30 минуттық әңгіменің тек 3 минуты ғана. Бізді көріп отырған адамдардың да көңіліне кірбің түсірсек, кешірім сұраймыз. Ниетіміз түзу болған еді», – деді ол.

Кешірімі ретінде ерекше баласы бар әйелге және отбасына Меккеге жолдама сыйлады.

Қостанай облысындағы мемориалды қабырғадан марқұм Салтанат Нүкенованың аты жазылған тақта алынды. Бұл туралы журналист Вадим Курамшин жазды, деп хабарлайды Kursiv.Media.

Сөзінше, Нүкеноваға арнайы тақта орнатылғанын сынағаннан кейін, әкімдік мамандары хабарласқан. Олар тақтаның алынып тасталғанын айтқан.

«Маған хабарласқан кісінің айтуынша, пантеонның негізін қалаған Сапар Ысқақов есімді меценат, саяхатшы, тарихшы, өлкетанушы. Ол демеуші қаражатына осы пантеонды тұрғызған, мұнда, шын мәнінде, құрметке лайық, есімі ел жадында сақталуға тиіс адамдардың есімдері жазылған», – деді Курамшин.

Видео иесі меценат Ысқақовты келешекте мұндай шешім қабылдарда көпшіліктің пікірін білуге шақырды.

Мемориалды қабырға қайда орналасқан?

Бастапқыда Салтанат...

Енді пойызға пышақ секілді суық қару алып өткен жолаушылар қылмыстық жауапқа тартылуы мүмкін. Бұл туралы Kursiv.Media «Қазақстан темір жолы» (ҚТЖ) таратқан мәліметке сүйене отырып хабарлайды.

Пойызда не алып жүруге болмайды?

«Жолаушылар тасымалы» мекемесі теміржол көлігінде тасымалдауға тыйым салынған заттарды атап, тәртіп бұзғандар жауапқа тартылатынын ескертті.

Пойызға мына заттарды алып өтуге болмайды:

●     Жарылғыш заттар мен құрылғылар. Сонымен бірге пиротехникалық бұйымдар: салюттер, фейерверктер және жарылыс қаупі бар өзге де заттар;
●     Радиоактивті, есірткілік және психотроптық заттар. Бұған қоса тез тұтанатын сұйықтықтар мен химиялық қоспалар: мысалы, бензин, метил эфирі, метанол және сол сияқты қауіпті заттар;
●     Тұтанғыш қатты заттар...

Мәжіліс депутаттары «Алатау қаласының арнаулы мәртебесі туралы» Конституциялық заңының жобасын жұмысқа алды.

Заң жобасы Алатау қаласының экономикалық, тенхнологиялық, ғылыми білім беру, сауда және инвестициялық орталық ретінде қалыптасуына жағдай жасауға бағытталған.

«Алатау қаласын дамытуға салынатын инвестициялардың кепілдіктері мен құқықтық қорғалуын арттыруға, «ақылды қала» құру және Алатау қаласының экономикалық дамуы мақсатында ғылым мен техниканың озық жетістіктерін, технологиялық инновацияларды заманауи тәсілдер мен тәжірибелерді қолдануға бағытталған», –деді Нұртай Сабильянов Мәжілістің жалпы отырысында.

Заң жобасы 5 тараудан, 65 баптан тұрады. Депутат Мәжілістің экономикалық реформа және өңірлік даму комитеті заң жобасын қарауға дайын екенін айтты.

Еске салса...

«Қазақстан Республикасындағы сайлау туралы» заңға өзгеріс енгізіледі. Мәжіліс депутаттары Парламент Палаталарының бірлескен комиссиясының құрамын жасақтады.

Мәжіліс депутаты Снежанна Имашева бірлескен комиссия құрамында кімдер болатынын мәлім етті.

«Мәжілістің жалпы отырысында дауыс беру қорытындысы бойынша бірлескен комиссия құрамына депутаттар Марат Башимов, Мұрат Ергешбаев, Снежанна Имашева және Үнзила Шапақ енді», – деп мәлімдеді депутат.

Еске салсақ, 2025 жылдың құркүйегінде депутаттар тиісті заң жобасын жұмыс тобына қабылдаған болатын.

Заң жобасы мынадай өзгерістерді көздейді:

Қазақстандағы ең бай бизнесмендер арасында 21-орында тұрған миллиардер Владимир Жұманбаев алтын компаниясынан қомақты дивиденд алады. «Алтыналмас» компаниясы 2025 жылдың ІІІ тоқсаны үшін акционерлеріне 127,7 млрд теңге сыйақы төлейді. Жұманбев оның 25 пайыз акциясын иеленеді.

Бұл шешім «АК Алтыналмас» компаниясы акционерлерінің кезектен тыс жалпы жиналысында қабылданған.

Соған сәйкес, қоғамның 2025 жылдың III тоқсаны бойынша таза табысының бір бөлігі акционерлер арасында бөлінеді. Дивиденд төлеуге 127 742 668 167 теңге көлеміндегі қаражат (салықтар ұсталғанға дейін) бағытталады. Таза табыстың қалған бөлігі бөлінбей, қоғамның қарамағында қалады.

Бір қарапайым акцияға шаққандағы дивиденд мөлшері 13 047 теңге (салық ұсталғанға дейін) болып бекітілген.

Танымал опера әншісі Майра Мұхамедқызы жаңа жылдан бастап Түркістан қаласында дәріс оқиды. Халық әртісін Ахмет Ясауи университеті шақыртты. Бұл туралы Kursiv.Media оқу орны таратқан мәліметке сүйене отырып хабарлайды.

Әнші университеттің Өнер, медиа және дизайн факультеті «Орындаушылық өнер» кафедрасында студенттерге сабақ береді. Майра жастарға кәсіби орындаушылық шеберліктің қыр-сырын үйретеді. Бұған қоса, шеберлік сағаттар өткізеді.

«Бұл – оқу ордамызда білім алушы өнерпаздардың шығармашылық әлеуетін дамытуға үлес қосары анық», – деп таратты университет.

Түркістандағы университет ректоры Жанар Темірбекова опера әншісінің халықаралық деңгейдегі маман дайындап шығатынына сенімді. Ол Майраны ұжыммен таныстырып, жұмысына сәттілік тіледі.

Майра...

Мәжілісте Еуразиялық экономикалық одақ елдеріндегі өзара сауда мәселелері талқыланып жатыр. Депутаттардың сұрақтарына дұрыс жауап бере алмаған Сауда және интеграция министрінің міндетін атқарушы Айдар Әбілдабеков Мәжіліс төрағасы Ерлан Қошановтан ескерту естіді.

Айдар Әбілдабеков сұрақ-жауап барысында бір сұрақты жөнді түсінбей, екіншісіне дұрыс жауап бере алмай тосылды. Депутат Ерболат Саурықовтың кезегі келгенде, «ЕАЭО ішкі келісімдері бойынша верификациялаушы органның талаптары бойынша құжаттарды ұсынбаған жағдайда тараптарда қандай да бір жауапкершілік көзделген бе» деп сұрады. Алайда бұл сұраққа да Айдар Әбілдабеков жауап бере алмай, кейін жазбаша жауап жолдайтынын айтты. Осы кезде сөзге араласқан Ерлан Қошанов вице-министрге ескерту жасады.

«Министр қазір шетелде іссапарда...

Шенеуніктер мен олардың әйелдерінің байлығы қоғамда наразылық тудырып жатыр. Бұл жағдайды қалай бағалау керек? Бүгін Мәжіліс кулуарында тілшілер депутат Мұрат Әбеновке осындай сұрақ қойды.

«Олар да азаматтар, егер кәсіппен айналысса, айналыса берсін. Тек екі шарт орындалуы тиіс: біріншісі – іс заңды болуы керек, екіншісі – салықтар толық төленуі тиіс», – деді ол тілшілер сұрағына. 

Депутаттың сөзінше, бұл ақпараттан кейін адамдарда белгілі бір «жағымсыз сезім» болғаны рас.

«Сондықтан шенеуніктер де, біз, депутаттар да, көпшілік алдында жүрген адамдар болғандықтан, тек сөзімізге емес, жалпы өмір салтымызға өте ұқыпты қарауымыз керек», – деп түйіндеді депутат.

Курчатов қаласында қуаты 700 МВт болатын жаңа жылу электр станциясын салатын компания белгілі болды. Тиісті тендердің жеңімпазы ретінде «ГРЭС Курчатов» ЖШС танылған.

E-gov дерегіне сәйкес, компанияның құрылтайшысы – Темірлан Өтегенов. Ол сонымен қатар Kazakmys Energy ЖШС-ның бас директоры қызметін атқарады. Бұл компания Kazakhmys Power Projects B.V. құрылымына кіреді және бұған дейін «Қазақмыс» тобының энергетикалық активтерімен байланысты болған.

Сарапшы Нұрлан Жұмағұловтың жазуынша, «Қазақмыстың» жаңа иесі Нұрлан Артықбаевқа энергия өндіруші ұйымдар өтпеген. Осыған байланысты Курчатовтағы жаңа ЖЭС құрылысы бұрынғы акционер Владимир Кимнің бақылауында қалған немесе энергетикалық активтер жаңа иесіне берілген болуы мүмкін. Жобаның болжамды...

Шымкенттегі Асқаров көшесі мен Мангелдин көшесінің қиылысында орналасқан көпқабатты тұрғын үйдегі пәтерден зейнеткердің мәйіті табылды.

Бейресми мәліметке қарағанда, қария шылым тұқылы төсекке тиіп, одан шыққан түтінге тұншығып қайтыс болуы мүмкін. Оқиға орнына полициямен бірге төтеншеліктер де шақырылған.

Аталған жайтқа қатысты қалалық полиция департаменті қылмыстық іс қозғады.

«Адамның қайтыс болу фактісі бойынша қылмыстық іс қозғалды. Қазіргі уақытта істің мән-жайын анықтауға бағытталған тергеу шаралары жүргізілуде» делінген полиция хабарламасында.

Бұған дейін, Жезқазған қаласында театр ғимараты өртенгенін жазғанбыз.

2025 жылдың қорытындысы бойынша Қазақстанда жеке гигиена заттары мен тұрмыстық химия бағасы айтарлықтай өскені байқалды. Ұлттық статистика бюросының дерегінше, кейбір тауар санаттарында жылдық өсім 11,2%-ға жетіп, азық-түлікке жатпайтын тауарлар инфляциясынан әлдеқайда жоғары болған.

Тіс пастасы мен сабын бағасы шарықтады

Осы аптада Францияда фермерлер наразылыққа шықты. FNSEA және Jeunes Agriculteurs ұйымдарының шаруалары 350 трактормен Парижге кірді, деп жазады Euronews.

Тракторлар таңғы сағат 6-ы шамасында батыстан Парижге кіріп, полиция көліктерінің сүйемелдеуімен Фош авенюі арқылы Салтанат қақпасына бет алған. Содан кейін Элисей алаңы мен Георг-V авенюі арқылы Альма көпірінен өтіп, Орсе жағалауындағы митингіге барған. Тіпті жүк көліктері Францияның Ұлттық жиналысының алдына шамамен 30 тонна картоп төгіп тастаған.

Бұл наразылық – ел үкіметінің саясатына қарсылық. Осыған дейін ЕО мен МЕРКОСУР (Аргентина, Бразилия, Уругвай және Парагвай) арасындағы еркін сауда аймағын құру туралы келісім жасалған еді. Оны одаққа мүше мемлекеттердің басым көпшілігі мақұлдаған. Бірақ Франция, Польша, Аустрия, Венгрия...

Қара теңізде мұнай тасымалдайтын танкерлерге Украина дрондары шабуыл жасаған соң, теңіз тасымалына қатысты тәуекел айтарлықтай артты. Соның салдарынан осы бағытта жүзетін кемелерді сақтандыру құны екі есеге жуық өсті. Бұл туралы Reuters басылымы жазады.

Сарапшылардың айтуынша, сақтандыру тарифінің қымбаттауы Қара теңіз арқылы жүк тасымалдау құнына тікелей әсер етеді. Себебі бұл аймақ әлемдік мұнай тасымалы үшін маңызды бағыттардың бірі саналады. Қара теңіздегі Ресей терминалдары арқылы әлемдік мұнай көлемінің 2 пайызы жөнелтіледі.

Жуырда орын алған шабуыл салдарынан сақтандыру компаниялары аймаққа қатынайтын танкерлер үшін тарифті қайта қарап, бағасын көтеруге мәжбүр болған.

Қара теңіз тек мұнай тасымалы үшін ғана емес...

Қаржы мониторингі агенттігі блогер Қайсар Қамзаға халықаралық іздеу жариялады. Оған қатысты «қамауда ұстау» түріндегі бұлтартпау шарасы санкцияланған. Блогер заңсыз ойын бизнесіне жәрдемдесті деген күдікке ілінген.

Сондай-ақ Қамзаның 182 мың доллар криптоактивіне тыйым салынды.

Агенттік ақпаратына сүйенсек, күдікті 5 жыл бойы Instagram әлеуметтік желісінде @qais_arr аккаунтын жүргізген. Telegram-дағы «Қора энтертейнмэнт» жабық арнасы да (368 мың жазылушы) Қамзаға тиесілі болған.

Күдікті әлеуметтік желілердегі жеке аккаунттарын пайдаланып, Қазақстан азаматтарына «Pinco» сайтында тіркелуге және құмар ойындарға қатысуға бағытталған тікелей сілтемелерді, графикалық элементтерді және үндеулерді қамтитын бейнематериалдар жариялаған. Видеода бонус беретін жеке промокодын көрсеткен.

«Осылайша, Қайсар Қамза азаматтарды құмар...

Ауа температурасының күрт төмендеуіне және қолайсыз ауа райына байланысты Қостанай облысының бірқатар қалалары мен аудандарында мектеп оқушылары қашықтан оқыту форматына көшірілді. Бұл Қазақпарат жазады.

Бейімбет Майлин ауданы: Барлық мектептердің 1–11 сынып оқушылары қашықтан оқуға көшті. Ауа температурасы: –30°C-тан –33°C-қа дейін.
Қостанай қаласы: 1–9 сынып оқушылары қашықтан оқыту форматына ауыстырылды.
Рудный қаласы: Бірінші ауысымдағы 0–9 сынып оқушылары қашықтан оқиды.
Жітіқара ауданы: Ауа температурасы –26,1°C және желдің жылдамдығы 5 м/с болуына байланысты, бірінші ауысымдағы мектепалды даярлық тобы мен 1–7 сынып оқушылары қашықтан оқытуға көшірілді.
Алтынсарин ауданы: Температура –27°C болғандықтан, бірінші ауысымдағы 0–9 сынып оқушылары онлайн форматқа ауысты.
Қарабалық ауданы: Температура –29°C және жел 12 м/с болуына байланысты 1–11 сынып оқушылары қашықтан...

АҚШ Мемлекеттік хатшысы Марко Рубио Ақ үйде Дания Сыртқы істер министрі Ларс Лёкке Расмуссенмен және Гренландия Сыртқы істер министрі Вивиан Моцфельдтпен кездеседі.

Дания Сыртқы істер министрі хабарлағандай, кездесуге АҚШ вице-президенті Джей Ди Вэнс те қосылады.

Ақ үйдегі кездесуден кейін, 19 қаңтарда Дания Қорғаныс министрі Троэльс Лунд Поульсеннің, Гренландия Сыртқы істер министрінің және НАТО Бас хатшысы Марк Рюттенің қатысуымен келіссөздер жүргізіледі деп жоспарланған.

Бұл кездесулердің барлығы Арктика аймағындағы қауіпсіздікті және Гренландияның мәртебесіне қатысты мәселелерді талқылау үшін өтпекші.

Еске салайық, күні кеше АҚШ Конгресі Гренландияны күштеп қосып алу туралы заң жобасын ұсынған. Құжат авторы, конгрессмен Ренди Файн, елді АҚШ-тың бір штатына айналдыру керек деген идеяны айтты.

Миллиардер Илон Маск қазір байланыссыз отырған Иран халқы үшін Starlink спутниктік интернетті тегін таратпақ. Бұл туралы Bloomberg жазды.

Иран билігі халық көтерілісі күшейген тұста елде интернет пен байланысты сөндірген. Тұрғындар 120 сағаттан бері сыртқы әлеммен хабарласа алмай отыр.

Илон Маскінің SpaceX компаниясы ирандықтар үшін спутник көмегімен байланысу қызметін тегін ұсынып отыр.

Компания осы елде Starlink қызметіне төленетін ақыны алып тастады. Спутникпен байланыс орната алатын құрылғылары бар азаматтар оны тегін қолдана алады, деп мәлімдеді америкалық ұйымның атқарушы директоры Ахмад Ахмадиан.

Bloomberg-тің компания қызметімен таныс бір дереккөзі де қызмет тегін екенін растады.

Естеріңізге сала кетейік, 2025 жылғы 28 желтоқсанда Иранда...

Назарбаев Зияткерлік мектептеріне оқуға түсу үшін өтінішті енді eGov.kz порталында беруге болады. Сондай-ақ қызмет eGov mobile мобильді қосымшасында да қолжетімді.

Өтінішті онлайн түрде 6-сыныпта оқитын балалардың ата-анасы немесе заңды өкілі бере алады.

Құжаттар 2026 жылдың 9 ақпанына дейін қабылданады.

Конкурс 7-сыныпқа қабылдау үшін ғана өткізіледі. Оған жалпы білім беретін ұйымдардың 6-сыныбында оқып жатқан оқушылар қатысады. Қазір 7-9 сыныпта оқып жатқан оқушылар, бұрын өтініш тапсырған немесе қолданыстағы рұқсаттамасы бар үміткерлер конкурсқа қатыса алмайды.

Айта кетейік, құжатты офлайн форматта Назарбаев Зияткерлік мектептері филиалдарының қабылдау комиссиялары арқылы да тапсыруға болады.

Ақы төлеудің қажеті жоқ

Құжат тапсырғаны үшін ақы төлеудің қажет...