Жаңалықтар

БҰҰ-ның Орталық Азиядағы адам құқықтары жөніндегі басқармасы Астанада азаптау мен қатыгез қарым-қатынастың алдын алу мәселелеріне арналған тақырыптық консультация өткізді. Бұл туралы БҰҰ кеңсесінің релизінде жазылған.

Кездесуді ашқан адам құқықтары жөніндегі аға кеңесші Элизабет да Коста азаптау қаупі «адам өмірінің қадір-қасиетін бұзады» және мемлекет пен азаматтар арасындағы сенімге нұқсан келтіретінін атап өтті.

«Азаптауды толығымен жоймай, ешқандай реформа сәтті бола алмайды», – деді ол.

20 қарашада Әділет министрлігінің және БҰҰ-ның Қазақстандағы Тұрақты үйлестірушісі кеңсесінің қатысуымен өткен консультация азаптаудың алдын алу саласындағы БҰҰ ұсынымдарын іске асыру жөніндегі нақты шараларды талқылау үшін жиналды. Диалогқа СІМ, ІІМ, Бас прокуратура, Жоғары...

Мәулен Әшімбаев машина жасау саласындағы сын-қатерлер мен перспективаларға арналған дөңгелек үстелге қатысты. Ол саланың осал тұстарына тоқталып, қалпына келтіру бойынша бірқатар шараны ұсынды.

Сенат Төрағасы Қарағанды облысы қуатты индустриялық базаның және металлургия саласымен тығыз интеграцияның арқасында еліміздегі машина жасау кешенінде көшбасшы орынға ие екенін атап өтті. Ол соған қарамастан, бірқатар өзекті мәселелер де бар екенін тілге тиек етті. Бұл қатарда импортқа тәуелділік, кадр тапшылығы, техникалық және цифрлық олқылықтар сияқты түйткілдер бар.

«Бүгінде елімізде Мемлекет Басшысы Қасым-Жомарт Кемелұлы Тоқаевтың бастамасымен машина жасау саласы белсенді дамып келеді. Осыған байланысты қазір бірқатар мәселені шешу маңызды. Олардың ең маңыздыларының бірі – қолжетімді қаржыландыруды қамтамасыз...

Қаржы нарығын реттеу және дамыту агенттігінің (ҚНРДА) басшысы Мәдина Әбілқасымова Kursiv.Media-ға заңнамалық түзетулер қабылданғаннан кейін, Қазақстанда жаңа банктер пайда болатынын айтты.

Kursiv.Media Әбілқасымовадан ForteBank-тің Home Credit Bank-ті жақында сатып алуы секілді мәмілелер бәсекелестіктің әлсіреуіне әкеліп соққанын түсіндіруді сұрады.

«ForteBank пен Home Credit BANK арасындағы мәміле туралы айтатын болсақ, бұл нарықтағы шоғырланудың белгілі бір өсуіне әкеледі. Қазір банк нарығында үлкен шоғырлану байқалады және өсуде деп айттық. Яғни бізде бес банк қазір банк жүйесі активтерінің 65%-дан астамын шоғырландырды», – деп атап өтті Әбілқасымова.

Сонымен бірге ҚНРДА басшысы шетелдік банктің Шығыс Еуропадан елге келуі бәсекелестікке қауіп төндірмейтінін айтады...

Экс-президент Нұрсұлтан Назарбаевтың бұрынғы күйеу баласы марқұм Рахат Әлиевтің есімі АҚШ-тағы даулы қаржыгер Джеффри Эпштейннің жақында жарияланған хаттарында аталды, деп хабарлайды Kursiv.Media. Құжаттарда Рахат Әлиев АҚШ-қа қашып кету үшін көмек және шамамен 2 млрд доллар сұрағаны белгілі болды. Ол Қазақстанда бизнесі тәркілегеннен кейін, отбасы дәл осы соманы жоғалтқанын мәлімдеген.

Мәселенің мәні

Жазбаларға сәйкес, Әлиев 2007-2008 жылдары Қазақстанда ықпалын жоғалтқаннан кейін, Еуропаға қашып жасырынған. Ол өзінің активтеріне қатысты қудалау экс-президент Назарбаевты батыс елдерінің алдында ыңғайсыз жағдайға қалдырады деп үміттенген. Ол сондай-ақ Вашингтонда RJI Government Strategies фирмасын жалдап, 20 конгрессменнің кеңсесіне жүгініп, олардың Қазақстанға сапарлауын насихаттаған. Компания Әлиевті саяси қуғын-сүргін...

Астанада мөлдір қабырғалы қоғамдық әжетханалар орнатылды. Кенесары және Мәмбетов көшелерінің қиылысында орналасқан ерекше әжетхананы блогер Нұрсұлтан Камзебаев әлеуметтік желіде таныстырды.

Жаңашылдықтың басты ерекшелігі – әжетхана бос кезде оның қабырғалары толықтай мөлдір болады. Ал келуші ішке кіріп, батырманы басқан сәтте мөлдір шыны бірден ішкі кеңістікті толық жасырады.

Блогердің сөзінше, қалалықтар әжетханаға QR-код арқылы кіре алады. Жүйе символикалық төлем қабылдайды. Әжетхананың ішінде тазалық сақталған, жылыту жүйесі жұмыс істейді. Интерьер минималистік ақ түсте жасалған.

Желі қолданушылары жаңалықты қызу талқылап жатыр.

Көпшілігі әзіл-сықақпен пікір білдірсе де, жалпы идеяны қолдайтындарын жазған.

Мөлдір қабырғалы әжетханалар концепциясы алғаш Жапонияда пайда болған. 2020 жылы Токиода архитектор...

Талғар ауданы Тұздыбастау ауылының тұрғыны қызын өлтірді деген күдікке ілінді. Бұл туралы Алматы облысы полициясы хабарлады.

«Туыстарының бірі полицияға 15 жастағы қыздың мәйіті табылғаны туралы хабарлаған. Полиция оқиға орнынан мас күдіктіні ұстады, үйден қылмыс құралы тәркіленді», – деп хабарлады полиция.

Адам өлтіру фактісі бойынша қылмыстық іс қозғалды. Күдікті қамауға алынды.

Болған оқиғаның барлық мән-жайын анықтауға бағытталған тергеу жүргізіліп жатыр. Тергеу Алматы облысы полиция департаменті басшылығының бақылауына алынды.

Өзін отбасының туысымын деп таныстырған Әсел Сағатова есімді желі қолданушысының жазуынша, қайғылы жағдай 10 қарашада болған. Әкесі кешкісін мас болып келіп, тамақ істеп жүрген қызымен сөзге...

Қасым-Жомарт Тоқаев Геннадий Головкинді World Boxing халықаралық федерациясының президенті болып сайлануымен құттықтады.

Ақорданың ақпаратынша, президент бұл шешімді даңқты спортшының әлемдік боксты дамытуға қосқан үлесінің, кәсібилігі мен мінсіз абырой-беделінің мойындалғаны деп бағалады.

«Сіз әлемдік спорттың дамуына зор үлес қостыңыз. Қазақ бокс мектебінің бай дәстүрін лайықты деңгейде танытып, дүние жүзінің елімізді бокс державасы ретінде мойындауына ықпал еттіңіз. Өмір жолыңыз көптеген жарқын жеңіске толы. Оған күш-қуат, рух, табандылық, ішкі тәртіп секілді қасиеттеріңіз арқылы жеттіңіз. Бұл елімізде ғана емес, шет мемлекеттердегі миллиондаған жастың жігерін жаниды. Есіміңіз әлемдік бокс тарихына алтын әріппен жазылғанына еш күмән жоқ», – деді президент.

Тоқаев...

Қазақстандағы ресми автодилерлер қараша айының ортасынан бастап қомақты жеңілдіктер мен арнайы ұсыныстар әзірледі. Сатып алушылар үшін тартымды акциялар, тиімді несие бағдарламалары іске қосылды. Бұл – маусымдық шара ғана емес, нарықтағы бәсекелестікті күшейту және сұранысты ынталандыру стратегиясының көрінісі.

Kia: Sportage және басқа модельдерге қомақты жеңілдіктер

Kia жеңілдіктер бойынша көшбасшы болды. Қазіргі кезде Sportage кроссоверін 4 162 000 теңгеге дейінгі жеңілдікпен сатып алуға болады. Арнайы бағалар тек қарашаның соңына дейін қолданылады. Comfort комплектациясы – 12,9 млн теңге, Lux – 13,6 млн теңге тұрады.

Сонымен қатар Kia арнайы несие бағдарламаларын ұсынды. 4%-дық мөлшерлеме, 50% алғашқы жарна, жалпы мерзімі 7 жыл. Жеңілдік пен жеңілдетілген...

Мәжіліс депутаты Ермұрат Бапи Қызылордада абақтыда отырған журналист Думан Мұхамедкәріммен кездескен. Бұл жайлы ол фейсбуктегі парақшасында хабарлады.

«Екеуара екі сағатқа жуық әңгімелестік. Сол баяғы Думан: бірбеткей, тікмінез, турашыл. Сот үкімімен таңылған жазаны мойындамайды.Өр мінезінен айнымаған. Ұнжырғасы түспеген. Басты айнадай ғып, ұстарамен қырып тастаған. «Неге қырдың?» десем, «Гигиена, кичада душ жоқ қой…» деп тағы да әзілдейді», – деп жазды ол.

Айтуынша, белсендінің қазір денсаулығы нашарлаған, бүйрегі төмендеген, асқазаны ауырады. Бірақ соған қарамастан, журналист наразылығын білдіру формасы ретінде аштық жариялаудан бас тартпай отыр.

Думан Мұхамедкәрім өзін тұрғылықты жері Алматының төңірегіне немесе таяудағы Талдықорғанға ауыстыруды сұрап отыр. Біра...

Қазақстан басқа елдердің экономикасын қаржыландырып отыр. Бұл – ұлттық қауіпсіздікке зор нұқсан келтіреді. Мәжіліс депутаты Еділ Жаңбыршин комитет отырысында осылай деп мәлімдеді.

25 қарашада Астанада мұнай-газ компанияларының жергілікті қамту деңгейін дамыту туралы комитет отырысы өтті. Депутаттар, шенеуніктер, сарапшылар қатысқан жиынға төрағалық еткен Жаңбыршин талқыланатын мәселелердің өзектілігін былайша сипаттады:

«Импорт тауарлар үлесі 60 млрд долларға жеткен. 2021 жылы 42 млрд доллар болатын. Бізде оның үлесі өте жоғары. Мұнай-газ ғана емес, барлық сала бар. Бұл біздің ұлттық қауіпсіздігімізге зор нұқсан келтіреді. Себебі біздің экономика басқа елдердің экономикасын қаржыландырып отыр», – деп есептейді төменгі палата депутаты.

Алматыда пәтер құны қымбаттауын тоқтатар емес. Krisha.kz мамандары индекс деректерін зерттеп, 2015 және 2025 жылдар аралығында екінші нарықтағы пәтерлердің бір шаршы метрінің құнын салыстырды.

Тұрғын үй бағасы 10 жылда екі есе қымбаттады

Дәл 10 жыл бұрын, 2015 жылғы 25 қарашада, Алматыдағы қайталама нарықта 1 шаршы метрдің орташа бағасы 433 070 теңге болған. Ол кезде бұл шамамен 1410 долларға тең еді. Долларға шаққандағы бағам 307 теңге болған.

2015 жылы нарықта бағаның төмендеуі байқалды. Бір жыл ішінде шаршы метрдің орташа құны шамамен 30%-ға төмендеді. Қаңтарда доллар курсы 182 теңге болса, желтоқсанға қарай 349 теңгеге дейін өсті. Баға өзгеріс...

Ресейдің Екатеринбург қаласындағы №52 мектепте мұғалім 7-сынып оқушысымен төбелесті.

Ural Mash ақпаратынша,  физика пәні мұғалімі жетінші сынып оқушысымен жұдырықтасқан. Олардың арасындағы жанжал видеоға түсіп, Telegram-да тараған.

Видеодан ресейлік мұғалім оқушыны қабырғаға тақап, қысып тұрғаны байқалады.

Алдын ала мәлімет бойынша, жанжалға жасөспірімнің сыныпта балағат сөз айтқаны түрткі болған. Білім ордасы қызметтік тексеріс жүргізіп жатқанын хабарлады.

Екатеринбургтың білім басқармасы да жағдайдан хабардар.

Бұған дейін Мәскеудегі бір мектептің мұғалімі жоғары сынып оқушысының соққысынан кейін ауруханаға түскені хабарланған. Сол кезде қалалық білім басқармасы «оқушының әрекетін мораль мен заңға қайшы, қабылдауға болмайтын қылық» деп бағалаған.

Одан бұрын Нижегород облысында тоғызыншы сынып оқушысы ағылшын тіл...

25-тен 26 қарашаға қараған түні Чемпиондар лигасының жалпы кезеңіндегі бесінші тур аясында Лондонның «Челси» командасы өз алаңында каталониялық «Барселонаны» қабылдайды. Кездесу Лондонда орналасқан «Стэмфорд Бридж» стадионында өтеді.

Трансляция Қазақстан уақытымен 00:55-те басталады. Ойынды Qazsport телеарнасы тікелей эфирде көрсетеді. Сонымен қатар матчтың онлайн-көрсетілімі арнаның ресми сайтында қолжетімді.

Төрт турдан кейін екі команда да жеті ұпай жинаған. «Челси» жалпы турнирлік кестеде 12-орында тұр, ал «Барселона» 11-орыға жайғасты.

Еске сала кетейік, ертең 26 қараша күні алматылық «Қайрат» Данияда «Копенгаген» командасына қарсы ойнайды.

Түрікменстанда қазақстандық жоғары оқу орындарының бірінің филиалы ашылуы мүмкін. Ресми кездесуде Тоқаев Түркіменстан президенті Бердімұхамедовқа осындай ұсыныс айтты.

Фестивальдер, гастрольдер және басқа да бірлескен іс-шаралар өткізу арқылы мәдениет саласында жан-жақты ықпалдастық орнату қажет екеніне тоқталдық. Ғылым-білім беру және жастар арасындағы байланысты дамыту перспективасы жан-жақты талқыланды. Түрікменстанда қазақстандық жоғары оқу орындарының бірінің филиалын ашу мүмкіндігін қарастыруды ұсындық, – деді ол

Келіссөздер барысында екі тарап Каспий мәселесін де көтерді.

– Өңірлік, сондай-ақ жаһандық ауқымда тұрақтылық, қауіпсіздік және орнықты дамуды қамтамасыз ету үшін түрікмен тарапымен тығыз ықпалдастық орнатуға әзірміз. Консультативтік кездесулер өткізу, сондай-а...

Қазақстанда сәби өлімі азайып келе жатыр. Биылғы жылдың 9 айында нәресте өлімі 19,3%-ға төмендеді. Бұл туралы Денсаулық сақтау министрлігі хабарлады.

«2025 жылдың 9 айында нәресте өлімінің көрсеткіші өткен жылдың сәйкес кезеңімен салыстырғанда 19,3% -ға төмендеп, 1000 тірі туылғанға 5,84 құрады (2024 жылы – 7,24). Мұндай нәтижелер алғашқы медициналық көмекті дамыту, ана мен бала денсаулығын сақтау қызметтерін нығайту, жаңа туған нәрестелерді бақылаудың заманауи хаттамаларын енгізу бойынша жүйелі жұмыстардың арқасында мүмкін болды»,–  деді Денсаулық сақтау министрлігінің бірінші вице-министр Тимур Сұлтанғазиев.

Бірінші вице-министрдің айтуынша, үш өңірде: Атырау, Абай және Жетісу облыстарында неонаталдық өлім көрсеткіштерін жақсарту үшін әлеует...

25 қарашада парламенттің төменгі палатасы комитетінің отырысына жиналған депутаттар медициналық маска тағып келді. Соған байланысты Kursiv.Media бас санитар осындай талап қойған-қоймағанын анықтап білді.

Мәжіліс комитетінде «Мұнай-газ компанияларының жергілікті қамту деңгейін дамыту туралы» дөңгелек үстел өтіп жатыр. Оған шақырылған депуттар, шенеуніктер, сонымен бірге БАҚ өкілдері мен сарапшыларға маска тағып келу керек екені ескертілген.

Жиналысқа қатысып жатқан елу шақты адамның бәрі дерлік маскамен отырғанын көруге болады.

Осыған орай Kursiv.Media Денсаулық сақтау министрлігі Санитариялық-эпидемиологиялық бақылау комитетіне сұрау жолдады.

«Біз медициналық маска тағып жүру туралы ешқандай міндеттеме берген жоқпыз. Шектеу енгізілген жоқ. Бірақ халыққа адам көп...

Каспий құбыры концорциумы Теңіз терминалы ғимараты зақымданғанын хабарлады.

Концорциум 25 қараша күні түнде Новороссийск маңындағы дрон соққысы Теңіз терминалының әкімшілік корпусына залал келтірген. Қазақстан мен Ресейдегі Теңіз – Новороссийск мұнай құбыры жүйесінің жұмысын басқаратын КҚК Бас басқару орталығы Оңтүстік Озереевкада орналасқан.

«Зардап шеккендер жоқ. Қала бойынша жарияланған «Ұшқышсыз аппарат қаупі» дабылынан кейін, қызметкерлер бірден паналау орындарына эвакуацияланды. Жүк операциялары айлақтағы қашықтағы тиеу құрылғыларында уақытша тоқтатылды. Краснодар өлкесінің губернаторы Вениамин Кондратьев түнгі шабуылды соңғы уақыттағы ең ұзақ әрі жаппай азаматтық нысандарға жасалған соққылардың бірі деп атады», – делінген ақпаратта.

КҚК 2025 жылы 24 қыркүйекте...

Өзбекстанда биылғы күз маусымы жауын-шашынсыз өтіп жатыр әрі алдағы күндері де жаңбыр жауады деген болжам жоқ.

Kun.uz ақпаратына қарағанда, Өзбекстан мүфтиінің бастамасымен 28 қараша күні жұма намазынан кейін елдегі барлық мешітте Алладан жаңбыр жаууын сұрап, екі рәкәттан тұратын ұжымдық истисқа намазы оқылмақ. Сондай-ақ умрадағы имамдарға да өз тобымен бірге Қос Қасиетті Мешітте истисқа намазын оқу ұсынылды.

Бұл бастаманы Өзбекстан Мұсылмандар басқармасының төрағасы, мүфти Нуриддин Халықназар көтерді. Оның шешіміне сәйкес, 2025 жылғы 28 қарашада жұма намазынан кейін елдің барлық мешітінде Алладан жаңбыр тіленіп, тәубе, ықылас және кешірім сұраумен бірге екі рәкет ұжымдық истисқа намазы оқылады. Бұл туралы басқарманың баспасөз қызмет...

Астанада өзеннен оқушының мәйіті табылды. Бұл туралы қала полициясы хабарлады.

Ресми ақпарат бойынша, 24 қарашада сағат 21:00-де полицияға елорда тұрғынынан 18:30 шамасында қызының үйден шығып кетіп, байланысқа шықпай қойғаны туралы арыз түскен.

«Қызды іздеуге жедел түрде полицияның жеке құрамы, еріктілер және өзге де күштер жұмылдырылды. Іздестіру іс-шараларының нәтижесінде мектеп оқушысының мәйіті өзеннен табылды», – делінген ақпаратта.

Өз-өзіне қол жұмсау фактісі бойынша қылмыстық іс қозғалды. Оқиғаның барлық мән-жайы анықталып жатыр.

Астанада елдегі тұрмыстық зорлық-зомбылыққа қатысты жүргізілген сауалнама нәтижесі жарияланды. Қазақстанның қоғамдық даму институты жүргізген зерттеу қазақстандықтардың 69%-ы тұрмыстық зорлық-зомбылықты күрделі әлеуметтік проблема деп санайтынын көрсеткен.

Алайда әр бесінші адам бұл мәселені әсірелеп жіберген деп санайды. Енді бір бөлігі (7%) елде мұндай мәселе барын жоққа шығарған.

«Әйелдер, қала тұрғындары, жоғары білімі бар респонденттер және орыстілді тұрғындар бұл мәселеге анағұрлым басымдық береді. Ал оңтүстік пен ауылдық жердегілер табу тақырып деп, «әр отбасының ішкі мәселесі» деп санайды», – деп мәлімдеді институт мамандары.

Ал ұлттық баяндаманың алғашқы бөлімін жазған әлеуметтанушы Ботагөз Төреханова қыз алып қашуға қатысты мәселені көтерді.

2021 жылдан бері Lada көліктерінің бағасы Ресейде орта есеппен 72%-ға қымбаттады. Бағаның өсуі әлі де жалғасады.

«Ресейдің көлік форумы» кезінде АВТОВАЗ басшысы Максим Соколов журналистерге Lada бағасы тағы өсетінін мәлімдеді. Оның айтуынша, бұл шешім нарық жағдайы мен макроэкономикалық факторлармен байланысты.

«Соңғы рет бізде баға индексациясы шамамен бір жыл бұрын, қаңтар айында болды. Ол кезде баға 2%-дан да аз өсті, яғни ресми инфляция деңгейінен бірнеше есе төмен. Бұлай ұзақ уақыт бойы бағаны ұстап тұру мүмкін емес, импорт артты, қытайлық стоктардың агрессивті демпингі нарыққа қысым көрсетті. Бағалар нақты өзіндік құнға сәйкес көтерілуі тиіс», –  деді Соколов.

26 қарашада «Шымбұлақ» тау-шаңғы курорты жаңа маусымды техникалық форматта ашатынын хабарлады.

26 қараша мен 6 желтоқсан аралығында скипасстар Low Season бағасымен сатылмақ. Ал жаңадан бастаушылар күні бойына небәрі 8 000 теңгеге «Бастаушы» тарифін ала алады. Тарифке жаңадан үйренушілерге арналған трассаларға кіру құны қосылған. Бұл тау шаңғысы мен сноубордты алғаш рет теуіп көргісі келетіндерге, сондай-ақ жаңа маусымға біртіндеп кірісіп, дағдыларын жетілдіргісі келетіндерге ыңғайлы.

Курорт әкімшілігі негізгі жалға беру аймағы мен маусымдық локерлер Медеу базалық станциясына көшірілгенін де еске салды. Ал «Шымбұлақ» станциясында күнделікті форматтағы зат сақтайтын ұяшықтар жұмыс істейді.

Еске сала кетейік, былтыр «Шымбұлақ» тау-шаңғы курортында шаңғы тебу бағасы...

Түркістан облысы Бәйдібек ауданында қасқыр мен шибөрілер қорадағы малға түсіп, болмай тұр. Малшылар, әсіресе, қасқыр жылдағыдан ерте әрі үйірімен шапты деп отыр. Дәл қазір Қаратаудың етегінде жағалай орналасқан Майбұлақ, Жарықбас, Қарағай, Ақтас, Жаңаталап және Ағыбет ауылының тұрғындары бетіне қарап отырған малын ит-құстан қорғағанымен, қайта-қайта қасқыр талап жатыр. Олар жергілікті әкімдіктен көмек сұрайды.

Мал асырап, жан бағып отырған Әтірхан Кемелбековтің қыс түспей қорадағы 7 тайы мен 2 құлынын қасқыр шауып, жеп кеткен. Амалы құрыған шаруа бар малын тай-тұяғымен жинап, қорасын күндіз-түні қарауылдап отыруға мәжбүр. Түнде жабық қорада ұстайды. Ол биыл қасқыр ерте шықты деп отыр. Айтуынша, жылда қаңтар, ақпан, наурыз айында...

Қырғызстанның Ош қаласында жөндеуден өткен екі көше біріктіріліп, оларға қазақтың ұлы ақыны Абай Құнанбайұлының есімі берілді.

Мэрияның баспасөз қызметінің хабарлауынша, бүгін қазақ әдебиетінің классигіне арналған жаңа сквер, музей және ескерткіштің салтанатты ашылуы өтті. Бұл туралы 24.kg хабарлады.

Салтанатты шараға қала мэрі Женишбек Токторбаев, президенттің Ош облысындағы өкілдігінің басшылығы, Қазақстанның Мәдениет және ақпарат министрі Аида Балаева, Оштағы ҚР бас консулы Мұхтар Кәрібай және қала тұрғындары қатысты.

Жаңа гүлзардың аумағы – 2 858 шаршы метр. Онда Абайдың ескерткіші мен музейі орналасады. Демалыс аймақтары жасалып, тротуар плиткалары төселіп, жарықтандыру және көгалдандыру жүргізілді.

Абайдың бюсті мен гүлзары екі халықтың достығын бейнелейтін нышан әр...