Жаңалықтар

2025 жылы Қазақстанның қор нарығы нақты экономикадан әлдеқайда жылдам өскен. KASE индексіне кіретін компаниялардың нарықтық капитализациясы бір жылда 23,3%-ға артып, 70 млрд АҚШ долларынан асты. Ал ел экономикасының өсімі осы кезеңде 6,5%-ды құрап, биржа өсімі одан төрт есе жоғары болды. Бұл туралы Жеке инвесторлар қауымдастығы жазады.

Нарықтық капитализацияның ұлғаюы KASE индексінің динамикасымен тығыз қабысып жатыр: индекс 2025 жылы номиналды түрде 26,4%-ға өсіп, 7031,31 пунктке жеткен.

2025 жығы инфляцияны (12,3%) шегеріп тастаса да, нақты өсім 13,7%- ды құрайды. Бұл ең өтімді қазақстандық акциялардың инвесторлар үшін айрықша тартымды болғанын көрсетеді.

QAMS есебіне сәйкес, 2025 жылды...

Өнеркәсіп және құрылыс вице-министрі Қуандық Қажкенов 2025 жылдың соңына дейін халықты толығымен ауызсумен қамтамасыз ету жөніндегі тапсырмасы толық орындалғанын айтты. Алайда соған қарамастан, елдегі 19 ауыл бірнеше жылдан бері тіршілік нәрінен тарығып отыр. 

Вице-министрдің айтуынша, елде 6 087 ауыл мен 90 қала ауызсумен қамтамасыз етілген. Соңғы жылдары (2021 жылдан бастап) бұл бағытта 835 млрд теңге бөлініп, 1,6 мыңнан астам жоба жүзеге асқан. Қажкенов үкімет тарапынан қаржыландыру мәселесі толығымен шешілді деп сендірді.

«Жүргізілген жұмыстар нәтижесінде 34 қала мен 756 ауыл орталық су жүйесімен қамтылды. Сонымен қатар, жергілікті бюджет есебінен 699 ауылда кешенді блок-модульдер орнатылды. Салыстырмалы...

Абайтанушы, қоғамда жиі пікірталас тудырып жүрген Омар Жәлелдің жеке өміріне қатысты даулы әңгіме шықты. Бұл жолы Омар Жәлелдің екінші әйелі, психолог әрі аудармашы Ләззат Мырзаш «Әңгіме бар» подкастында көпшілікке бұрын беймәлім жайттарды ашық айтты.

Подкаст барысында Ләззат Мырзаш Омар Жәлелмен арадағы отбасылық қарым-қатынастың қалай аяқталғанын, қазіргі жағдайдың қандай екенін баяндады. Оның айтуынша, бүгінде Омар Жәлел оны барлық жерде блокқа тығып, 1 жылдан бері мүлде байланысқа шықпай отыр.

Қазір мен төрт баламды жалғыз өзім тәрбиелеп отырмын. Әкелері тарапынан ешқандай араласу жоқ, – дейді Ләззат.

Оның сөзінше, балалардың жағдайы да алаңдатарлық. Ана ретінде бар жауапкершілік...

Кассациялық сот «Қазақмыста» оң қолының саусақтарынан айырылған ер адамға қатысты шешім шығарды.

Оқиғаның мән-жайы

2023 жылдың 22 сәуірінде «Корпорация Казахмыс» ЖШС нысанында ер адам оң қолының саусақтарынан айырылып, III топтағы мүгедектік алған. Сондай-ақ 35 пайыз кәсіби еңбекке қабілетін жоғалтқан.

Арнайы тергеп-тексеру комиссиясы кінәнің бір бөлігін жәбірленушінің өзіне жүктеген. Бірінші сатыда сот пен апелляциялық сот та бұл шешімге келісіп, қызметкерді кінәлі деп тапқан.

Кассациялық сот бұл соттардағы шешімге келіспеді.

Жаңа шешім

Ер адам 1951 жылы шығарылған, нормативтік пайдалану мерзімі өтіп кеткен әрі міндетті сараптамадан өткізілмеген станокта жұмыс істеген. Ол адам жарақат алуы мүмкін құрылғы саналады.

Жұмысты өзіне...

Үкімет басшысы Олжас Бектенов Қазақстандағы шетелдік ірі мұнай компанияларына айыппұлды доллармен төлету «құқықтық табиғатқа» сай келмейтінін мәлім етті.

Жалпы әкімшілік айыппұлдар экологиялық кодекс пен әкімшілік кодекске сәйкес ұлттық валютада салынады.

«Осыған байланысты аталған айыппұлдарды шетел валютасына теңестіру, сондай-ақ осыдан туындайтын валюталық мәндегі «шығындар» туралы тұжырымдар мұндай өндіріп алулардың құқықтық табиғатына сәйкес келмейді және құқық қолдану тәжірибесінде қолданылмайды», – дейді Премьер-министр.

Оның мәліметінше, 2022 жылы Атырау облысы бойынша экология департаменті Солтүстік Каспий жобасында тексеру жүргізген. Тексеру барысында экологиялық заңнаманың бұзылғанын анықтаған.

Сот талқылауларының қорытындысы бойынша айыппұлдар төленген. Сот процестері барысында Астана қаласының әкімшілік...

Түркістан қаласында боксшы Бекзат Саттарханов атындағы футбол балалар мектебі ашылады. Құрылыс аяқталуға жақын. Бұл туралы Kursiv.Media өңір әкімдігінің мәліметіне сүйене отырып хабарлады.

Жаңа орталық балалар мен жасөспірімдер арасында футболды кеңінен насихаттап, болашақ кәсіби спортшыларды тәрбиелейді.

Спорт кешенінің жалпы ауданы – 6 мың шаршы метр. Ол үш гектар аумақта орналасқан. Ашық футбол алаңының құрылысы аяқталуға жақын. 200 орынға арналған жатақхана мен 550 адамға лайықталған оқу ғимаратының құрылысы толық аяқталған. Алдағы уақытта қосымша ашық алаң мен спорт кешенін салу жоспарланып отыр.

Бекзат Саттарханов – Сидней-2000 Олимпида ойындарының чемпионы. Боксшы осы биікті 20 жасында бағындырды. Ол 2000 жылғы...

Қаржы нарығын реттеу және дамыту агенттігі (ҚНРДА) мемлекеттен қаржылай қолдау алған банктердің акционерлеріне дивиденд төлеу, акцияларды кері сатып алу және ірі акционерлердің үлесін қысқарту тәртібін қатаңдатты. Тиісті қаулы 2026 жылғы 22 қаңтардан бастап күшіне енеді.

Жаңа талапқа сәйкес, мемлекетке қарыз банктер дивиденд төлеу немесе акцияларды кері сатып алу туралы шешім қабылдамас бұрын, жоспарланған төлемнің кемінде 66%-ына тең қарызды мемлекетке қайтаруға міндетті. Бұған дейін бұл көрсеткіш 10%-дан 66%-ға дейін болған. Дәл осындай шектеу акцияларды кері сатып алу операцияларына да қолданылады.

Қаражат шешім қабылданған күннен бастап үш ай ішінде, ал мерзімінен бұрын өтеу көзделмеген жағдайда кредитордың келісімінен кейін бір...

Шымкент қалалық полиция департаментінің дерегінше, 11 қаңтар күні кешке 21 жастағы қызды пышақтап, өлтірді деген күдікпен 28 жастағы ер адам ұсталған.

«Іздеу жұмыстарына қалалық полиция департаментінің жеке құрамы толықтай жұмылдырылды. Қаланың кіреберіс және шығаберіс бағыттарында бақылау күшейтіліп, аумақты жан-жақты тексеру жүргізілді. Күдікті қала аумағынан шамамен 10 шақырым қашықтықтағы ашық жерде анықталып, ұсталды» делінген полиция хабарламасында.

Күдікті уақытша ұстау изоляторына қамалған. Алдын ала мәліметке сәйкес, ол марқұммен бұрын таныс болған.

«Қылмыстың себептері мен мән-жайы тергеу барысында анықталады. Аталған жайт бойынша қылмыстық іс қозғалып, кешенді жедел-тергеу шаралары жүргізілуде» деп хабарлады полиция.

Айта...

АҚШ пен Ұлыбритания санкцияларына іліккен ресейлік «Лукойл» компаниясының Қазақстандағы активтерін америкалық Chevron сатып алуы мүмкін. Бұған қоса, Carlyle жеке инвестициялық компания мен Quantum араб компаниясы да үлестен дәмелі. Бұл туралы Reuters хабарлады.

Агенттік «Лукойлға» активтерін сатуға берілген уақыт осы аптада, яғни 17 қаңтарда түгесілетінін ескертті. Reuters дерегінше, қазір мұнай-газ үлесіне таласта Carlyle, сонымен бірге Chevron мен Quantum жұбы алда келе жатқанын атап өтті.

АҚШ пен Ұлыбритания 2025 жылғы қазанда «Лукойлға» шектеу қойып, 22 млрд долларға бағаланған активтерін сатуға мұрсат берген. Олардың ішінде Қазақстан, Әзербайжан және Ирактағы мұнай кен орындары, сонымен бірге Еуропа...

2025 жылы «Газпром» алғаш рет Еуропаға қарағанда Қытайға көбірек газ жеткізді.

Ресейлік компанияның хабарлауынша, алдын ала мәліметтер бойынша, 2025 жылы «Газпром» «Сібір күші» газ құбыры арқылы Қытайға 38,8 млрд текше метр газ жеткізген. Бұл – 2024 жылғы көрсеткіштен 24,8%-ға жоғары. Осылайша, компания Қытайға экспорттаған құбыр арқылы тасымалданатын газ көлемі Еуропаның алыс шетел елдеріне (Түркияны қоса алғанда) жиынтық жеткізілімнен асып түсті.

««Газпром» таяу шетелге газды сенімді түрде жеткізуді жалғастырып келеді. 2025 жылы Орталық Азия мен Закавказьеге экспорт көлемі артты. Атап айтқанда, компания Қазақстанға, Өзбекстанға және Қырғызстанға ресейлік газ жеткізілімін 22,2 пайызға, ал Грузияға 40,4 пайызға...

Каспий құбыры консорциумы (КҚК) арқылы әлемдік нарыққа тасымалданатын қазақ мұнайының экспорты осы жылдың қаңтарында күрт қысқарды. Bloomberg хабарлауынша, тиеп жөнелту шамамен 45%-ға азайған.

Трейдерлер мәліметінше, осы айда CPC Blend сортының экспорты тәулігіне бар болғаны 800–900 мың баррель болады. Бастапқыда 45 партия жөнелту керек болғанымен, қазір тек 21-і ғана жіберілген. Бұл нарыққа да әсер етіп, Қазақстан мұнайы соңғы бір жылда алғаш рет үстеме бағамен саудаланып жатыр. Негізгі эталон саналатын Dated Brent сортының бағасы барреліне 1,2 доллар үстемақымен жасалды.

Мұнай экспорты неге азайды

Басты себеп – Новороссийск теңіз терминалының жұмысындағы ақау. Қазақстан мұнай жөнелтуді толық орындау...

Елде әскери қызметкерлердің жалақысы өсті. Қорғаныс министрлігінің хабарлауынша, бір жылда офицерлердің жалақысы 23 пайызға көбейді.

2025 жылдың қаңтардан бастап офицерлік құрамның жалақысы орта есеппен 20,3 пайызға, ал қатардағы және сержанттардың жалақысы 33,9 пайызға артқан. 1 шілдеден бастап әскери қызметшілерге даладағы жаттығу, теңіз жорығы және оқу-жаттығуға қатысқан әрбір тәулік үшін іссапар рәсімдемей-ақ 1,2 АЕК мөлшерінде төлене бастады.

Жаңа 2026 жылда жалақы арттырудың екінші кезеңі басталды. Офицерлер жалақысы тағы 23 пайызға, ал қатардағы және сержант құрамы жалақысы 10 пайызға өседі.

Одан бөлек «Отбасы банк» тұрғын үй төлемдерін алатын әскери қызметшілерге арналған арнайы ипотеканы іске қосты. Бастапқы жарнасы 20 пайыз «Әскери...

Аты шулы блогер Қайсар Камза 7 жылға дейін бас бостандығынан айырылуы мүмкін. Бұл туралы заңгер Нұрсұлтан Орынбеков айтты.

Заңгердің айтуынша, Қайсар Камза 2025 жыл бойы өзінің жабық Telegram-арнасында онлайн-казиноларды жүйелі түрде жарнамалаған. Аталған арнаның аудиториясы шамамен 400 мың адамға жуық. Айта кетейік, Қазақстан аумағында онлайн-казино қызметіне ресми түрде тыйым салынған.

Сондай-ақ, заңгер блогердің бұл қызметі үшін төлемді криптовалюта арқылы алғанын айтты.

Көпшілік криптоактивтерді бақылау мүмкін емес деп ойлағанымен, құқық қорғау органдары мұндай қаржылық ағындарды қадағалау тетіктерін әлдеқашан енгізген. Болжам бойынша, Камза заңсыз жарнама арқылы шамамен 200 мың АҚШ доллары көлемінде табыс тапқан. Қазірг...

Танымал қазақстандық әнші Айдана Меденова жақында сахнаға қайта оралды. KeshYou герлз-бендінің алтын құрамында ән салған өнер иесі біраз уақытқа неге «жоғалып» кеткені туралы алғаш рет тіл қатты. Бұл туралы ол GakkuTV Youtube-арнасына берген сұхбатында баяндады. 

Меденованың айтуынша, сахнадан кетуіне бірнеше жайт себеп болған. Соның ішінде отбасылық сынақтар кездескен.

«Күйеуіміз екеуміз бірлесіп өте белсенді жұмыс істедік. Қаншама туынды жаздық, бейнебаян түсірдік. Сол кезде трансформациядан өтіп жаттық, өмірімізде көп нәрсе болып жатты. Бірақ не болып жатса да, сыртқа көрсетпейтінбіз», – деді ол сұхбат барысында.

Шығармашылық жолын аяқтардан бір жыл бұрын әншінің әкесі өмірден өткен. Сол кездер...

«ҚазМұнайГаз» ұлттық компаниясының басшысы Асхат Хасенов Жаңаөзен қаласында салынып жатқан жаңа газ өңдеу зауытының құрылысын аралады.

Компания мәліметінше, қосалқы станцияға арналған жабдық құрылыс алаңына жеткізілді. Бұған қоса, қуаты 25 МВА болатын трансформаторлар Қазақстанға келе жатыр.

Бұдан бөлек, жеті нысанның құрылысы жүріп жатыр. Олар: өрт бекеті, зертхана, қойма, әкімшілік-тұрмыстық кешен, операторларға арналған бөлме, өртке қарсы резервуарлар және химиялық реагенттер қоймасы.

Салқындату блоктарының модульдерін құрастыра бастады. Сонымен бірге Siemens газ турбинасының қозғалтқышы, сфералық және вертикалды болат резервуарларының бөлшектері жасалып бітті. Қазіргі уақытта логистикаға қатысты іс-шаралар пысықталып жатыр.

Ұлттық компания газ өңдеу зауытының құрылысы кестеге сай жүріп жатыр деп таратты. Хасенов...

Өзін еліміздегі ең үлкен қазақша бизнес-клубтың негізін қалаушысы деп атап жүрген коуч Бақытбай Сабырбектің трансформациялық трениңдерінің бірінде айтқан сөзі желіде қызу талқыланып жатыр. Атап айтқанда, ол «балалардың ерекше (дамуы тежелген балалар туралы – авт.) болып туатын себебінің бірі ретінде еркектерді менсінбегендік жатыр» деп мәлімдеме жасайды. Белгілі коучтың көпшілік жиналған жерде айтқан сол сөзіне талдау жасап шықтық.

Жараны емдеудің орнына жара салуға болмайды

Әлқисса, ол трениңде жүздеген адам жиналған, барлығы сол жерде басындағы мәселесі туралы айтады. Проблемасын айтпақ болған әйелмен диалог былайша өрбиді:

Молдова президенті Майя Санду референдум болса, өз елінің Румынияға қосылғанына қолдап, дауыс береді. Оның сөзінше, осы арқылы Ресейдің қысымынан құтылып, Молдовадағы демократияны қорғай алады.

«Егер бізде референдум болса, Румынияға қосылуымыз үшін дауыс беремін», – деді ол британдық The Rest is Politics подкастына берген сұхбатында.

Санду бұған дейін де бірнеше рет Мәскеу елдің ішкі ісіне кірісуге тырысып жатыр деп айыптаған еді.

«Қазір әлемде не болып жатқанын қараңыз. Молдова сияқты кішкентай ел үшін демократиялық әрі егемен мемлекет ретінде аман қалу, сондай-ақ Ресейге қарсы тұру барған сайын қиындап барады...

2025 жылы азаматтар жеке үй салуды күрт доғарды. Бұл туралы Kursiv.Media Өнеркәсіп және құрылыс министрлігінің мәліметіне сүйене отырып хабарлады.

Министрліктің хабарлауынша, былтыр құрылыс саласы 15,9%-ға өсті. Оны ақшамен есептегенде, 10,7 трлн теңгеге жетті.

Мұнда жайлы мектептер, ауруханалар және спорт кешендер сияқты әлеуметтік нысандар көп. Сонымен бірге құрылысы саласының дамуына көлік және коммуналдық инфрақұрылымды кеңейту де әсер етті. Құрылыс елдің 19 аймағында өсті деп таратты министрлік.

2025 жылы пайдалануға берілген тұрғын үй ауданы 20,1 млн шаршы метрге жетті. Бұл 2024 жылмен салыстырғанда 5,1%-ға көп. Аймақтардағы көрсеткіш:

АҚШ конгрессмені Ренди Файн Гренландияны аннексиялап, штат статусын беретін заң жобасын ұсынды. Бұл құжат АҚШ-тың Арктикадағы ұлттық қауіпсіздігін күшейтіп, Қытай мен Ресей тарапынан өсіп жатқан қауіпке қарсы тұру мақсатында жазылған.

«Гренландия – біз елеусіз қалдыра салатын айдала жатқан бекініс емес. Ол ұлттық қауіпсіздіктің өте маңызды активі. Гренландияны бақылауында ұстаған тарап Арктиканың негізгі теңіз жолдары мен Америка Құрама Штаттарын қорғайтын қауіпсіздік архитектурасына да иелік етеді», – деді ол.

Заң жобасы АҚШ президентіне Гренландияны аннексиялау немесе оны АҚШ аумағы ретінде иелену үшін қажетті қадамдар жасауға өкілеттік береді. Сонымен қатар, құжат Конгрестен Гренландияны ресми штат...

Сейсенбі күні жұмысқа, жауапкершілікке және ұзақ мерзімді мақсаттарға шоғырлануға көмектеседі. Kursiv LifeStyle Geocult.ru деректеріне сүйене отырып, 13 қаңтарға арналған жұлдызнаманы ұсынады.

Тоқты

Күн мен Марстың қосылысы күрделі келісімдерді жабуға және басшылық алдында өз мүддеңізді қорғауға күш береді. Қаржы саласында табысты бизнесті кеңейтуге қайта инвестициялау үшін қолайлы кезең. Жеке өмірде жұмыс пен үй тіршілігін тең ұстау қарым-қатынасты нығайтады.

Торпақ

Бүінгі күн келіссөздер мен маңызды шешімдер қабылдауға қолайлы. Қаржылық мәселеде асығыс қадам жасамаған жөн. Сезіміңізді сөзбен емес, іс-әрекетпен көрсетіңіз.

Егіздер

Егіздер үшін бүгінгі күн тәртіп пен нақты есепті талап етеді. Шығындарды талдап, қаржылық жоспарды оңтайландыруға көңіл бөліңіз. Жеке қатынастарда...

АҚШ президенті Дональд Трамп Иранмен байланыс орнатқан елдерге қосымша баж салығын енгізетінін ескертті. Бұл уақытта көтерілісте қаза тапқандар саны 512-ге жетті.

«Бүгіннен бастап Иран Ислам Республикасымен кәсіп жүргізетін кез келген ел АҚШ-пен іскерлік операциясы үшін 25% көлемінде баж салығын төлейді. Жарлық өзгермейді, бұлжытпай орындалады», – деп жазды Трамп өзіне тиесілі Truth Social әлеуметтік желісіне.

Трамп қосымша тарифтерді тура бір жыл бұрын билікке екінші мәрте келгелі бері қысым көрсетудің бір әдісі ретінде жиі қолданып жүр. Әсіресе сауда соғысы барысында оның баж салығын бірнеше есе өсіріп жібере алатынына бәрі куә болды.

Алайда Трамп Иранның достарына...

Украина 2025 жылы Ресейдің ірі энергетикалық нысандарына бірнеше рет соққы жасады. Бұл шабуылдан қазақ мұнайын Еуропа елдеріне тасымалдайтын «Каспий құбыр консорциумынаның» (КҚК) нысандары да зақымданды. Геосаяси жағдай шиеленісіп, тағы да шабуылға ұшырау қаупі жоғары болса да, инвесторлар үшін ең тиімді бағыт КҚҚ болып тұр. Өйткені мұнай-газ саласының сарапшысы, Energy Monitor қоғамдық қорының атқарушы директоры Нұрлан Жұмағұловтың айтуынша, шикізатты «Каспий құбыр консорциумынан» (КҚК) басқа бағытпен тасымалдау тым қымбат, инвесторларға тиімсіз. Сондықтан ірі компаниялар тәуекелі көп болса да КҚК-ны таңдайды.

Дерек пен дәйек

Қазақстан мұнайын жалпы 95 компания өндіреді, соның ішінде 30-ы – таза қазақстандық мекеме. Сонымен...

Мадридтік «Реал» футбол клубы өзінің ресми сайтында испандық Хаби Алонсоның бас жаттықтырушы қызметінен босатылғанын жариялады.

Отставкаға кету туралы шешім тараптардың өзара келісімі бойынша қабылданған. Жаңа бас жаттықтырушы Альваро Арбелоа болды. Келісімнің мерзімі туралы ақпарат жария болмады.

«Хаби Алонсо әрқашан «Реалдың» барлық жанкүйерінің сүйіспеншілігі мен құрметіне ие болады. «Реал» әрқашан оның үйі болады. Біздің клуб Хаби Алонсоға және оның бүкіл командасына жұмысы мен адалдығы үшін алғыс айтады және оларға өмірінің жаңа кезеңінде сәттілік тілейді», – делінген Реал Мадридте.

Алонсо итальяндық Карло Анчелоттидің орнына 2025 жылдың мамырында үш жылдық келісімшартқа қол қойды. Оның басшылығымен клуб...

StavkaBet букмекерлік кеңсесінің құрылтайшысы және ұйымдасқан қылмыстық топтың болжамды көшбасшысы ретінде халықаралық іздеу салынған Сейсенбаев Грузияда қазақстандық әзілкеш Александр Меркулдің стендап шоуына келді, деп хабарлайды NewTimes.kz. Кеште сөз сөйлеген ер азамат өзіне тағылған айыпты елдің көзінше айтқан.

Шоудың видеосы әлеуметтік желіде белсенді түрде таратылады. Әзілкештің залмен сөйлесуі барысында ер адам өзін Нұрдәулет деп таныстырып, өз қызметі туралы сұраққа жауап бере отырып, «ештеңе істемейтінін» айтқан. Сондай-ақ Сейсенбаев «шетелдегі қазақтар бір-бірін қолдайды» деп атап өткен.

Меркуль Сейсенбаевтан Грузияда не себепті тұрып жатқанын сұрағанда, Сейсенбаев Қазақстанда ұйымдасқан қылмыстық топ құрып, заңсыз ойын бизнесін жүргізді деп айыпталғанын айтты. Оның айтуынша, кінәні мойындаған жағдайда, ол...