Жаңалықтар

Қазақстандықтар әлемге танымал әнші Димаш Құдайбергеннің қауіпсіздігіне алаңдай бастады. Бұған оның ұшақта жалғыз ұшуы түрткі болған.

Соның бірі – Сәуле Түркия.

«Жалпы, Димаштың ешқандай қорғаушысыз жалғыз жүруі өте алаңдайтын жағдай. Оны қарапайым болған соң солай деп мақтанудың қажеті жоқ. Димаш – қазақтың атын әлемге танытқан өте талантты әнші. Неге Димашта жеке қауіпсіздігін қорғайтын қорғаушысы жоқ?! Осы қазақ неге сондай қамсыз?! Мәлкілдеген шалдарға бюджеттен қанша ақша шығарып қорғаушы ұстаймыз. Олардың қасында Димаш кім? Ойланатын жағдай!» – деп жазды Сәуле әлеуметтік желіге.

Кейбіреулер Димаштың оққағарсыз, күзетсіз, қарапайым адамдардай ел арасында жүргеніне қатты таңырқап отыр. Мұны «ғажайыпқа...

Әлеуметтік желіде бірнеше күннен бері «Сұлтан Бейбарыс» қойылымының кадрлары қызу талқыға түсіп жатыр.

Кадрларда Қазақстанға белгілі актерлер жартылай жалаңаш сахнаға шығып, өнер көрсеткен. Желі қолданушылары актерлердің физикалық дене-бітіміне, актерлік шеберліктеріне тамсанып, пікір қалдырып жатыр.

«Азамат Сатыбалдының жасы 48-де деп кім айтады? Денесі жақсы сақталған екен», – дейді бір қолданушы.

«Еркебұлан Дайыров шымыр екен», «Киноға барғым келмей қалды, қызықтың бәрі театрда екен ғой» – дейді енді біреулер.

Қойылымды Алматыдағы Мұхтар Әуезов атындағы театр қойған. Қойылым екі сағатқа созылады. Оған 14 жастан асқандар да кіруіне болады. Қойылымның авторы – Рахымжан Отарбаев. Режиссер...

Ұлттық қауіпсіздік комитеті қарашада деструктивті діни ағымдардың 6 жақтаушысын ұстады. Олар Алматы, Ақтөбе, Қонаев және Шымкент қалаларында терроризмді насихаттады деген күдікке ілінген.

Тергеу болжамына сәйкес, олар діни негізде шабуыл жасап, кісі өлтіруге шақырған.

«Тінту барысында олардан атыс және суық қару, сондай-ақ көптеген діни әдебиет тәркіленді. Сот санкциясымен олар қамауға алынды», – делінген ақпаратта.

Сондай-ақ 3 қарашада терроризмге шақыру материалдарын таратқан Ақтөбе облысының тұрғыны 7 жылға бас бостандығынан айырылған. Ал жыл басынан бері террористік және экстремистік әрекеті үшін 83 адам ұсталып, 97 адам сотталды.

Алмазбек Атамбаевтің ұлы Қадырбек Атамбаев жаппай тәртіпсіздікке шақыру ісі бойынша ұсталып, 22 және 23 қарашада тергеу изоляторынан екі хат жариялады. Ол хатта күш құрылымдары тарапынан қысым көрсетілгенін және тағылған айыптардың жала екенін мәлімдеген. Оған «билікті күшпен басып алуға оқталу» бабы бойынша айып тағылған. Бұл туралы Kaktus.media басылымы хабарлады.

22 қарашадағы хат

Қадырбек Атамбаев 22 қарашада жазған хатында өзі мен әріптестерінің ешкімді жаппай тәртіпсіздікке шақырмағанын, тек Свердлов сайлау округінде депутаттыққа үміткер Қыял Токторбаеваға қолдау көрсету мақсатында үгіт-насихатпен айналысқанын мәлімдеген.

«22 қараша күні таңғы сағат 07:00-де менің және анамның пәтеріне он шақты арнайы жаса...

23 қарашада кешке Алматы облысы аумағында жер сілкінді. Бұл туралы Kursiv.Media Қазақ Ұлттық дерекдер орталығы мәліметіне сүйене отырып хабарлайды.

Сейсмикалық станциялар жексенбі күні кешкі сағат 18:12-де Алматы облысы аумағында жер сілкінісін тіркеді. Дүмпу ошағы Жалаңаш ауылынан оңтүстік-шығысқа қарай 11 км жерде орналасқан.

Жергілікті мамандар дүмпу магнитудасын 3,7 балл деп бағалады.

Сонымен бірге, 24 қарашада Астана уақытымен түнгі сағат 02:44-те Қытай аумағында қуаты 4,5 балл болатын жер сілкінісі тіркелді. Дүмпу ошағы Шыңжаң Ұйғыр автономиялы өлкесінде, Қазақстан мен Қырғызстан шекарасына жақын маңда орналасқан. Жер сілкінісі Алматы қаласынан шамамен 450-500 км жерде болған.

Қаржылық мониторинг агенттігінің  Абай облысы бойынша департаменті тағы бір қаржы пирамидасын тоқтатты.

Бұл ұйым тұтыну кооперативі түрінде жасырылған – «ELL QUATY» қаржы пирамидасы.

ҚМА ақпаратынша, ұйымдастырушылар азаматтарды «HALYK QUATY» кооперативіне мүше болуға шақырып, тұрғын үй мен автокөліктерді пайызсыз бөліп төлеу арқылы алуға болады деп сендірген. Пайлық жарналарды енгізуді ұсынған.

«halykquaty.kz сайты және әлеуметтік желілер арқылы өз қызметін жарнамалап, «Әр отбасыға бақыт!» деген ұранды пайдаланып, «халықтық кооператив» деген жалған бейне қалыптастырған», –деліген хабарламада.

«HALYK» тауарлық белгісін заңсыз пайдаланғаны үшін әкімшілік жауапкершілікке тартылғаннан кейін кооператив атауы «ELL QUATY» болып өзгертілген.

Жаңа салымшыларды тарту үшін басшылы...

Желіде жедел жәрдем қызметкерлері науқасқа медициналық көмек көрсетпей, көшеде жатқан адамды тепкен видео тарады. Денсаулық сақтау министрлігі видеоға қатысты пікір білдірді.

Әлеуметтік желідегі видеода жедел жәрдем қызметкерлері далада жатқан ер адамды тебеді және қарап тұрады. Олардың қазақстандық мамандар екені айтылып жатыр.

«Роликке жүргізілген талдау видеодағы адамдардың қазақстандық жедел жәрдем қызметкерлері емес екенін көрсетті. Киімдерінде Қазақстандағы жедел медициналық көмек бригадалары үшін міндетті мемлекеттік және ведомстволық белгілер жоқ. Киімнің түс гаммасы мен үлгісі Қазақстанда қолданылатын бірыңғай стандартқа сәйкес келмейді», – деп мәлімдеді министрлік.

Видеода автор көрген адамда жағымсыз эмоциялар тудыратын аудионы мақсатты түрде қолданған.

Джеки Чан әйгілі «Құдай сауыты: Ультиматум» фильмінің келесі бөлімін Маңғыстау облысында түсіруі мүмкін.

Маңғыстау облысында әйгілі Джеки Чан қатысатын фильмнің түсіріліміне дайындық басталды. Жоба тобы Ақтауға келіп, қазірдің өзінде өңірдің қала көшелері мен табиғи локацияларын зерттей бастаған.

Бұл туралы Маңғыстау облысының туризм басқармасына сілтеме жасап жергілікті сайт Lada.kz хабарлайды.

«Құдай сауыты: Ультиматум» франшизасы 1986 жылы жарық көрді. Бұл Джеки Чан фильмографиясындағы ең айшықты жобалардың бірі ретінде бағаланды. Оның ондаған жыл өткен соң қайта оралуы әлемдегі миллиондаған жанкүйердің қызығушылығын оятып отыр. Ал Маңғыстаудың түсірілім орны ретінде таңдалуы – Қазақстан кино индустриясы үшін айрықша маңызды оқиға болуы ықтимал.

Түсірілім тобы...

2025 жылдың басынан бері Қазақстанда көпбалалы отбасылар мен наградталған аналарға арналған мемлекеттік жәрдемақылар жалпы 846,5 мыңнан астам отбасыны қамтып, оларға 501,8 млрд теңгеден аса қаржы төленді. Бұл туралы Еңбек және халықты әлеуметтік қорғау министрлігі хабарлады.

Министрліктің дерегінше, көпбалалы отбасыларға арналған жәрдемақымен 603 мың отбасы қамтылып, оларға 436,5 млрд теңге төленген. Ал наградталған аналарға (Алтын алқа, Күміс алқа, Батыр ана және «Ана даңқы» ордендерінің иегерлері) 243,4 мың адам ие болған. Бұл санатқа жалпы 65,2 млрд теңге бағытталған.

Кімдер жәрдемақы ала алады?

Көпбалалы отбасыларға берілетін жәрдемақыға 4 және одан да көп кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар үміткер бола алады. Айта кету керек, олардың табысы назарға алынбайды.

2025 жылғы төлем мөлшері:

АҚШ пен Украина Ресеймен арадағы соғысты доғару жөніндегі келіссөздерді 24 қараша, дүйсенбі күні де жалғастырады. Бұл уақытта Еуропа одағы атысты доғарудың өз ұсынысын дайындады.

Жексенбі күні Құрама Штаттар мен Украина президент Дональд Трамп әкімшілігі ұсынған жобаны талқылады. Reuters мәліметінше, тараптар ұсынысты өзгертуге келісті.

АҚШ ұсынысы: «Ресейдің арманы жазылған тізім»

Ақ үйдің мәлімдеуінше, украин делегациясы ұсыныс олардың «ұлттық мүддесіне сай» келетінін айтқан. Бұған қоса, Украина президенті Владимир Зеленский келісөздер барысына көңілі толатынын мәлімдеп үлгерді.

«Америкалықтармен диалог жүріп жатқанының өзі маңызды. Президент Трамп командасы біздің уәжімізге құлақ асатын сыңайлы», – деді украин президенті.

Кеше ғана Халықаралық бокс федерациясының президенті болып сайланған Геннадий Головкин елдегі ұлттық олимпиадалық комитетті басқаруын тоқтата ма? Tengrinews-ке берген сұхбатында ол осы жайлы пікірін айтты.

«Мен ҰОК-тен кететін ойым жоқ. Мұны бәрі түсінуі керек. Қазақстан – менің Отаным, мен отаным үшін күресемін. Бұл мен үшін – мәртебе. Елдің спорттық беделін көтеру үшін өз танымалдылығымды барынша пайдаланамын. Осымен бұл тақырыптың айналасында жүрген қауесеттің бәрі тоқтасын», – дейді спортшы

Головкин әрі қарай комитеттегі жұмысын жалғастырып, оны жаңа деңгейге шығармақшы.

«Өзім де комитеттен кеткім келмейді, оны жоспарлап та жүргенім жоқ. Алдыма өте үлкен мақсат...

Қазақ теннисшісі Әмір Омарханов алғаш рет ересектер арасындағы жарыстың жеңімпазы атанды. Ол Монастир (Тунис) қаласында ITF M15 санатындағы турнирде топ жарды.

Бір апта бұрын ғана 18 жасқа толған Омарханов туған күніне ерекше сыйлық жасады – алғаш рет ірі турнирдің ақтық сынына дейін сүрінбей өтіп, финалда неміс теннісшісі Макс Шонхаусты жеңді. Үш сетке созылған тартысты ойын 6:3, 3:6, 6:4 есебімен аяқталды.

Қазақстан теннис федерациясы Әмірдің финалдағы қарсыласы өткен аптада ғана  ITF M25 санатындағы турнирдің жеңімпазы атанған мықты теннисші екенін атап өтті.

Қарағанды теннис мектебінің түлегі қазір Риккардо Пьятти академиясында шеберлігін шыңдап жүр.

Әмір Омарханов пен ресейлік Егор Плешивцев жұбы биыл Уимблдон турнирін...

Соңғы 5 жылда Түркістан облысында аутизм диагнозы қойылған бала саны 5 есеге артқан. Дәрігерлер бұл ойланатын жағдай екенін айтып отыр. Әсіресе, Түркістан және Кентау қаласында тіркелген бала саны көбейген. Мамандар әлі де баласының диагнозын қабылдай алмай, тіркеуге қоймай жүрген ата-аналар барын айтады.

8 жаста болғанымен, 2 жасар бала сияқты

Бексұлтанның (аты-жөні өзгертілді) жасы 8-де. Анасының айтуынша, әлі күнге сөйлей алмайды. Өзімен-өзі ойнайды. Санай алмайды, түстерді ажыратуды білмейді. Тіпті айтқан сөзді ұмытып, сол мезетте қайталап айта алмайды. Қойған сұраққа жауап бермейді.

Анасы Бексұлтанды психиатрға енді ғана әкелген. Баланың жайын білген соң, мектеп оны үйден оқытуға жіберген. Ассистент бөлген.

Silk Way Star халықаралық ән байқауы 2026 жылы Қытайда өтеді. Бұл жайында ОКҚ алаңында Jibek Joly телеарнасының басқарушы директоры Еркежан Күнтуған мәлімдеді.

Оның айтуынша, жоба 12 елмен шектеліп қалмайды. Алдағы жылдары басқа елдер қызығушылық танытса, байқау жеңімпаздың елінде өткізілуі мүмкін.

«Азия елдері көп. Оларды біріктіретін мәдени жоба жоқ. Индонезия, Вьетнам, Үндістан, Пәкістан елдері хабарласты. Биыл Жапония қатыспады. Күзде араб елдері байланысқа шыға бастады. Бұл жобаның ауқымы өседі, Silk Way Star Азия елдерін қамтитын жоба болады деп ойлаймын», – деді спикер ОКҚ алаңында өткен баспасөз конференциясында.

Еске салайық Қазақстанда өтіп жатқан...

Төтенше жағдайлар департаменті Астанада ауа райы күрт өзгеретінін айтып, қала қонақтары мен тұрғындарына ескерту жасады.

Қазгидромет дерегіне сүйенсек, 24 қарашада дүйсенбіде елордада тұман мен көктайғақ күтіледі.

«Жел оңтүстік‑батыстан бастап, кейін солтүстік‑шығыс бағытқа ауысады. Түнде және таңертең желдің екпіні сағатына 15‑20 метрге дейін күшейеді», — деп хабарлады департамент.

Еске салайық елдің солтүстік, шығыс және орталық өңірлерінде бұрқасын мен көктайғақ күтіледі. Жалпы ел аумағында желдің екпіні күшейіп, тұман болжанып отыр.

Өнеркәсіп және құрылыс министрлігі Қазақстанда риэлторлық қызмет нарығын реттеуге жауапты орган болып тағайындалды.

Үкімет міндетті өзін-өзі реттеуді қолдады

Риэлторлық саланы қадағалауды ұйымдастыру туралы шешім Respublica партиясынан депутат Олжас Құспековтің бастамасымен қабылданды. Ол міндетті өзін-өзі реттеу механизмін енгізуді ұсынды, бұл кәсіби стандарттарды қалыптастырады.

Бұл ұсыныс Серік Жұманғариннің төрағалығымен өткен Үкіметаралық комиссия отырысында қолдау тапты. Үкімет лицензиялаудың алты реттеу нұсқасын қарастырып, өзін-өзі реттеу үлгісі саланың ашықтығын, жауапкершілігін және тұрақтылығын қамтамасыз ететініне көз жеткізді.

Ұсыныс

Қазіргі таңда Қазақстанда кез келген адам риэлтор атана алады, тіпті кәсіби дайындық пен клиент алдындағы жауапкершілігі болмауы мүмкін. Осы мәселені шешу үшін Құспеков кешенді реформаны...

Toyota нарықта жаңа қадам жасайды / Фото: shutterstock.com

Toyota АҚШ-тағы электромобильдер нарығына тың қарқын беретін маңызды қадам жасады. Компания Солтүстік Каролина штатындағы Либерти қаласына жақын орналасқан TBMNC (Toyota Battery Manufacturing, North Carolina) атты жаңа батарея зауытын ресми түрде іске қосты. Бұл – Жапониядан тыс жерде салынған Toyota-ның алғашқы аккумуляторлық кәсіпорны және АҚШ-тағы 11-ші зауыты.

13,9 млрд доллар инвестиция және жаңа стратегиялық вектор

TBMNC құрылысына Toyota 13,9 млрд доллар салған. Жапон алпауыты мұнымен тоқтап қалмай, алдағы бес жылда АҚШ-тағы бизнесті дамытуға қосымша 10 млрд доллар құятынын мәлімдеді. Осылайша, компанияның АҚШ-тағы жалпы инвестиция көлемі 60 млрд долларға жуықтайды.

Бұл шешім АҚШ-та...

АҚШ-та әлемде алғаш рет H5N5 штамы бойынша құс тұмауынан адам қайтыс болды, Бұл туралы Kursiv.Media Euronews-ке сілтеме жасап хабарлайды.

Оқиға Вашингтон штатында болды. Қаза болған адам егде жастағы және денсаулығы ауыр науқас болған.

Штаттағы Денсаулық сақтау департаментінің мәліметінше, науқастың үйінің артқы ауласында әртүрлі үй құсы табылған. Отбасы мүшелерінің жеке мәліметтері жарияланбады.

АҚШ-та соңғы бір жарым жылдағы барлық адамға жұғу жағдайлары H5N1 штамына байланысты болған еді. Вашингтондағы қайғылы жағдай – H5N5 вирусы, бұған дейін тек жануарларда кездескен, алғаш рет адамда анықталды.

Десе де, денсаулық сақтау органдары халық үшін қауіптілік төмен екенін мәлімдеп отыр. Өйткені науқаспен байланыста болған адамдардан инфекция...

Адам ауыр дертке душар болғанда, не істеу керектігін білмей, абдырап қалады. Ол үрейге беріліп, қайда жүгінерін түсінбей, дел-сал күй кешеді. Ақпарат не тым аз, не керісінше, шамадан тыс көп болады. Сенімді деректі жарнамасы күмәнді клиникалар мен емдеу әдістерінің ағынынан табу мүмкін емес сияқты көрінеді.

Кейде медициналық білімі бар адамдарға ауыру оңайырақ сияқты көрінеді, бәрін біледі, таныстары бар дегендей. Бұл ішінара рас та шығар, бірақ әріптестерінің қолдауы олардың эмоциялық ауыртпалықтан құтылуына әрдайым көмектесе бермейді. Бұл жағынан олар қарапайым науқастардан еш айырмашылығы жоқ.

Біз үш медицина қызметкерінің оқиғасын бөлісуді жөн көрдік. Олар ауыр диагноз қойылған кезде өздерін науқас ретінде сезініп, дәрігер мен...

Вьетнамның орталық аймақтарында болған ірі және ұзаққа созылған су тасқыны салдарынан 90 адам қаза тауып, тағы 12 адам хабар-ошарсыз кеткен.

Bloomberg агенттігінің ақпаратына сәйкес, елдің ауыл шаруашылығы және қоршаған ортаны қорғау министрлігі су тасқынының ең қарқынды сәтінде 1 154-тен астам үй зақымданып, шамамен 186 000 тұрғын үй су астында қалған. Сонымен қатар кемі 80 000 гектар күріш пен басқа да ауылшаруашылық дақылдары зақымданған.

Даклак және Ханьхоа провинцияларының кейбір аудандарында су деңгейі әлі де жоғары. Бұл жерде жолдар мен көпірлер құлап, жүздеген отбасылар оқшауланған. Басқа жерлерде су деңгейі төмендей бастады. Билік қалпына келтіру жұмыстарын жүргізіп, жолдарды ашып, зиянды...

«Қазгидромет» бүгін, 23 қарашада, Алматы, Атырау және Шымкент қалаларында қолайсыз метеорологиялық жағдай болатынын ескертті. Ауа сапасы айтарлықтай нашарлайды, сондықтан тұрғындарға далада серуендеуді шектеуді ұсынды.

Мұндай күндер баяу жел екпіні, тұман немесе тынық күн мен температуралық инверсия болады, соның салдарынан ластаушы заттар ауа қабатының төменгі бөлігінде шоғырланады.

Қолайсыз метеожағдайлардың қаупі неде

Мұндай кезде зиянды қоспалардың концентрациясы артады, бұл, әсіресе, созылмалы аурулары бар адамдар үшін қауіпті. Мұндай кезде ауа тез ластанып, улы бөлшектердің таралуы қиындай түседі.

Дәрігерлер мұндай күндері халдің нашарлауы, жиі кездесетін құбылыс екенін айтады.

Мамандар не ұсынады

Қала тұрғындарына мынадай кеңестер беріледі:

АҚШ президенті Дональд Трамп Вашингтон ұсынған Украина бойынша жоспарды түпкілікті ұсыныс емес деп атады. Ол АҚШ-тың басты мақсаты – бейбітшілікке қол жеткізу екенін мәлімдеді.

«Мен бейбітшілікке қол жеткізгім келеді. Біз мұны тоқтатуға тырысып жатырмыз. Қалай болғанда да, біз бұған нүкте қоюымыз керек»,– деді Трамп.

Журналистер Трамптан Украина президенті Владимир Зеленский келісімнен бас тартса, АҚШ қандай ұстанымда болатынын сұрады.

«Онда ол бар күшін салып соғыса берсін», – деп жауап берді АҚШ президенті.

Сонымен қатар АҚШ шенеуніктері Солтүстік Атлантикалық альянс бойынша одақтастарына егер Украина алдағы күндері қақтығысты реттеу жөніндег...

Қазан айында Қазақстанда қызанақ, фарш, сүйексіз сиыр еті, жылқы еті, қияр, балық және банан өнімдерінің бағасы қымбаттап кетті. Осы азық-түлік өнімдері азық-түлік инфляциясының өсуіне ең көп әсер етті. Бұл туралы Ұлттық экономика министрі Серік Жұманғариннің төрағалығымен өткен баға тұрақтандыру жөніндегі кеңесте хабарланды.

Жиында азық-түлік себетінің алдын ала талдауы және әлеуметтік маңызды тауарлар тізімін кеңейту мүмкіндіктері ұсынылды.

Үкімет дерегіне сәйкес, қарашаның үшінші аптасында алғашқы қажетті тауарлар бағасы өспеген. Сондай-ақ жылдық көрсеткіш бойынша қызанақ бағасы 36,6%-ға, ал қияр 43,4%-ға арзандаған.

«Барлық өңірдің азық-түлік инфляциясына қатысты талдауы нәтижесінде баға өсіміне ең көп ықпал етіп отырған, алайда әлеуметтік...

Алматыда Энергетика министрі Ерлан Ақкенженовтің төрағалығымен Қазақстан, Қырғызстан және Өзбекстанның су-энергетика саласына жауапты ведомстволары басшыларының отырысы өтті. Бұл туралы Энергетика министрлігінің баспасөз қызметі хабарлады.

Жиынға Қазақстанның Су ресурстары және ирригация министрі Нұржан Нұржігітов, Қырғызстанның Энергетика министрі Таалайбек Ибраев, Өзбекстанның Энергетика министрі Журабек Мирзамахмудов, Өзбекстанның Су шаруашылығы министрі Шавкат Хамраев, сондай-ақ Қырғызстанның Су ресурстары, ауыл шаруашылығы және қайта өңдеу өнеркәсібі министрінің орынбасары Алмаз Жээналиев қатысты.

Қандай келісім болды

Тараптар Тоқтоғұл су қоймасындағы күрделі гидрологиялық жағдайды ескере отырып, алдағы ынтымақтастықтың негізгі параметрлерін келісті. Кездесу қатысушылары бір-біріне электр энергиясымен өзара көмек көрсетуге және жылыту маусымын өткізу мен көктемгі егін егу...