Жаңалықтар

Ирандағы халық көтерілісі барысында қаза тапқандар саны 500-ден асып кетті. Бас кеңсесі АҚШ-та орналасқан HRANA адам құқықтарын қорғау ұйымы осындай мәлімет таратты.

Ұйым дерегінше, Иранда екі аптаға созылған қақтығыстар барысында 490 ереуілдеуші мен қауіпсіздік күштерінің 48 қызметкері мерт болды. Бұған қоса 10 600-ден астам адам ұсталды.

Иран билігі елдегі толқулар кезінде нақты қанша адам өлгені туралы ресми мәлімет таратпай отыр. Дегенмен, CNN телеарнасының дерегінше, Тегеран үш тәулікке созылатын аза тұту күндерін жариялады. Жергілікті билік Ирандағы толқуларды елге қарсы жасалған жаппай тәртіпсіздік деп бағалайды. Мемлекеттік Tasnim ақпарат агенттігі көтеріліс басталғалы бері қауіпсіздік күштерінің 100-ден астам қызметкері қаза тапты деп...

Қоғамдық көлік – қалалық инфрақұрылымның негізгі тіректерінің бірі. Миллиондаған азамат күн сайын автобус қызметін пайдаланып, жұмысқа, оқуға, емханаға және басқа да әлеуметтік нысандарға қатынайды. Сондықтан жолақы бағасы тек көлік саласының емес, әлеуметтік саясаттың да маңызды элементі саналады. Қазақстанда қалалар арасында жолақы тарифтерінің әртүрлі болуы ел экономикасындағы өңірлік теңсіздікті және әкімдіктердің жүргізіп отырған саясатындағы айырмашылықтарды көрсетеді.

2025 жылдың желтоқсанындағы деректерге сәйкес, Қазақстан қалаларында автобуспен жүру ақысы 70 теңгеден 120 теңгеге дейін өзгеріп отыр. Орташа тариф – 99 теңге.

Ең төмен тариф қолданылатын қалалар

Ақтау мен Түркістан қалаларында жолақы 70 теңге деңгейінде сақталып отыр. Бұл – республика бойынша ең төмен көрсеткіш...

Футболдан Испания Суперкубогының финалдық матчында «Барселона» мен «Реал Мадрид» командалары кездесті. Сауд Арабиясының Джидда қаласындағы «Король Абдалла Спортс Сити» стадионында өткен ойын каталониялық клубтың 3:2 есебімен жеңісімен аяқталды.

«Барселона» сапында Рафинья екі гол соғып, дубль авторы атанса, тағы бір голды Роберт Левандовский өз еншісіне жазды. Ал «Реал Мадрид» құрамынан Винисиус Жуниор мен Гонсало Гарсия мергендік танытты.

Кездесудің қосымша уақытында, 90+1-минутта, «Барселона» жартылай қорғаушысы Френки де Йонг дөрекі ойыны үшін қызыл қағаз алып, алаңнан қуылды.

Бұл жеңіс арқылы «Барселона» Испания Суперкубогын 16-рет жеңіп алып, турнирдегі ең табысты клуб мәртебесін нығайтты. Ал «Реал Мадрид» бұл трофейді бұған дейін 13 рет иеленген.

Қайсар Қамзаға іздестіру жарияланғаннан кейін, блогер әлеуметтік желіде алғашқы реакциясын білдірді.

Қайсар Instagram парақшасындағы сторисінде «бәрі дұрыс» деген қысқа жазба қалдырған. Сондай-ақ жарияланған суретте Қайсар Қамзаның еш алаңсыз, дастарқан басында ішімдік ішіп отырғаны көрінеді.

Еске сала кетейік, бұған дейін Қазақстан Республикасының Қаржы мониторингі агенттігі Қайсар Қамзаға ресми түрде іздестіру жариялаған еді.

Қазақстан Республикасы Қаржы мониторингі агенттігі (ҚМА) блогер Қамза Қайсар Бақытжанұлына (qais_arr) іздеу жариялады.

Мәліметке сәйкес, 1995 жылғы 18 қыркүйекте дүниеге келген Қамза Қайсар Бақытжанұлына іздестіру ісі 2026 жылғы 10 қаңтарда Астана қаласында тіркелген.

Іздестіру шараларын Қазақстан Республикасы Қаржы мониторингі агенттігінің Астана қаласы бойынша экономикалық тергеу департаменті жүргізіп жатыр.

Іс бойынша өзге ақпарат әзірге жарияланған жоқ.

Еске сала кетейік, 2025 жылы әлеуметтік желіде заңсыз ұтыс ойынын ұйымдастырған 121 адам жауапқа тартылды.

АҚШ президенті Дональд Трамп арнайы операциялар қолбасшылығына Гренландияға ықтимал басып кіру жоспарын әзірлеуді тапсырды. Бұл туралы Daily Mail басылымы дереккөздеріне сілтеме жасап хабарлады.

Басылымның мәліметінше, бұл бастама мемлекет басшысына жақын саяси кеңесшілерден, соның ішінде Стивен Миллерден шыққан. Венесуэла басшысы Николас Мадуроны биліктен тайдыру операциясы сәтті аяқталғаннан кейін, АҚШ Ресей немесе Қытай араласпай тұрғанда, Гренландияны тез арада бақылауға алуы тиіс деп есептейді.

Эскалация сценарийі және НАТО үшін қауіп

Daily Mail дерегінше, британдық дипломаттар Гренландия төңірегіндегі жағдайдың ушығу сценарийін алдын ала пысықтаған. Құжаттарда Трамп Даниямен арадағы байланысты үзу үшін күш қолдануы немесе «саяси қысым» көрсетуі мүмкін екені айтылған. Дипломатиялық жеделхаттарды...

Сауд Арабиясының Эр-Рияд қаласында өтіп жатқан Испания Суперкубогының финалында футбол әлеміндегі басты қарсыластардың бірі «Барселона» мен «Реал Мадрид» кездеседі.

Каталониялық клуб жартылай финалда «Атлетик Бильбао» командасын ірі есеппен жеңсе, мадридтік ұжым қалааралық дербиде «Атлетико» клубынан басым түсті.

Биылғы маусымда қос команда Испания чемпионаты аясында бір рет жолығып, сол кездесуде «Реал Мадрид» 2:1 есебімен жеңіске жеткен болатын. Енді «Барселонаның» сол жеңілістің қарымтасын қайтаруға мүмкіндігі бар.

Испания Суперкубогының финалдық ойыны 11 қаңтардан 12 қаңтарға қараған түні, сағат 00:00-де басталады. Кездесудің тікелей трансляциясы Sport+ телеарнасынан және sportplustv.kz сайтынан көрсетіледі.

Қазақстаныдық теннисші Александр Бублик Hong Kong Open турнирінде жеңіске жетті.

Финалдық кездесуде қазақстандық спортшы италиялық Лоренцо Музеттимен кездесіп, екі сетте де сенімді ойын көрсетіп, жеңіске жетті.

Осылайша Александр Бублик маусым басында алғашқы турнирінде топ жарды.

Бұған дейін, Елена Рыбакина Аустралида Брисбен турнирінің ширек финалында чехиялық теннисші Муховадан жеңіліп, жарыс жолын аяқтаған еді.

Қазақстан Республикасының Ұлттық ұланы Тараз қаласынан шақырылған мерзімді әскери қызметшінің өліміне қатысты ресми мәлімдеме жасады. 21 жастағы сарбаз Шымкент қаласындағы ауруханалардың бірінде көз жұмып, әскери ант қабылдап үлгермегені хабарланған болатын.

Ұлттық ұланның мәліметінше, Жамбыл облысының қорғаныс істері жөніндегі департаменті арқылы әскерге шақырылған сарбаз 2025 жылғы 9 желтоқсанда әскери бөлімге келген.

Ресми ақпаратқа сәйкес, алғаш рет 17 желтоқсанда медициналық көмекке жүгінген. Осы сәттен бастап сарбазға қажетті медициналық көмек көрсетіліп, тиісті талдаулар алынып, тексерулер жүргізілген және дәрігерлердің бақылауында болған.

29 желтоқсанда денсаулығының күрт нашарлауына байланысты оны Шымкент қаласындағы медициналық мекемелердің біріне жатқызу қажеттілігі туындаған. Алайда көрсетілген барлық медициналық шараға қарамастан, 2026 жылғы 6 қаңтарда сарбаздың жүрегі тоқтағаны...

2026 жылдың қаңтар айы Қазақстан киноиндустриясы үшін мазмұны терең, ой салатын драмалық фильмдермен ерекшеленбек. Ал шетелдік прокатта триллер мен қорқынышты жанрдағы ауқымды жобалар көрермен назарын аударуға дайын. Кинотеатрларда бірқатар жаңа туындылар үлкен экранға жол тартады.

«Жұмақтан билет»

Премьерасы: 15 қаңтар 2026
Жанры: драма

Фильм адам тағдыры, өткінші өмір мен ар-ождан мәселелерін қозғайды. Кейіпкердің ішкі жан күйзелісі, өмірлік таңдаулары мен моральдық дилеммалары әлеуметтік-психологиялық қырынан терең бейнеленеді. Туынды көрерменді өз өміріне сын көзбен қарауға жетелейді.

«Гипноз»

Премьерасы: 15 қаңтар 2026
Жанры: триллер, драма

Шынайы оқиғалар желісімен түсірілген фильм гипноз бен сенімді теріс пайдалану арқылы жасалатын қылмыстарды суреттейді. Қылмыскерлер адамдарды өз сезімдері мен айналасындағы шындыққа күмәнмен қарауға...

Қазақстанның Кәсіпқой бокс федерациясы Жәнібек Әлімханұлының допинг дауы бойынша тәртіптік тыңдаудың өткізілетін күнін ресми түрде хабарлады. Федерацияның мәліметінше, тыңдау 2026 жылғы 19 қаңтарға белгіленген.

Тыңдаудың нақты уақыты мен өтетін орны қолданыстағы тәртіпке сәйкес барлық мүдделі тарапқа қосымша түрде хабарланатын болады.

Федерация істің қаралуы қолданыстағы регламенттерге, процестік әділдік қағидаттарына, кінәсіздік презумпциясына және халықаралық антидопингтік стандарттарға толық сай жүргізілетінін атап өтті. Сонымен қатар түпкілікті шешім қабылданғанға дейін кез келген алыпсатарлыққа және жария түрде алдын ала қорытынды жасауға жол берілмейтіні баса айтылды.

Қазақстан Кәсіпқой бокс федерациясы өз қызметінде бірқатар негізгі қағидаттарды дәйекті түрде қорғайтынын мәлімдеді. Федерация алдағы барлық процестік қадамдар туралы қоғамды тек...

Қазақстандық саяхатшы әрі блогер Дастан Мұхамедрахым америкалық актер Уилл Смитке қазақтың ұлттық шапанын кигізді.

Әлеуметтік желіде тараған ақпаратқа сәйкес, Дастан Мұхамедрахым Instagram ұйымдастырған Дубайдағы әлемге әйгілі блогерлер мен жұлдыздар жиналған ауқымды шараға арнайы шақырту алған. Басқосуда Голливуд жұлдызы Уилл Смитпен жүздесіп, қазақтың ұлттық шапанын сыйға тартқан.

Шара барысында Уилл Смит шапанды иығына жауып, естелік суретке түскен.

Қазақстан ұлттық құрамасының жартылай қорғаушысы Ғалымжан Кенжебек ресми түрде грозныйлық «Ахмат» командасының қатарын толықтырды. Қос тарап 4,5 жылға жарамды келісімшартқа қол қойды.

2003 жылы Тараз қаласында дүниеге келген футболшы алматылық «Қайрат» клубының академиясында тәрбиеленді. Үлкен футболдағы алғашқы қадамын 2020 жылы дәл осы «Қайрат» сапында бастаған. Кейін мансабын «Мақтарал» (Түркістан облысы), «Жеңіс» (Астана) клубтарында жалғастырып, шетелде де бақ сынады. Кипрдің «Акритас Хлоракас» және Словакияның «Кошице» командаларында өнер көрсетті. Соңғы уақытта семейлік «Елімай» клубының намысын қорғады.

Ғалымжан Кенжебек Қазақстан ұлттық құрамасындағы алғашқы ойынын 2024 жылы өткізді. Қазіргі таңда ұлттық құрама сапында 6 матчқа қатысып, бір гол соқты. Сонымен қатар футболшы...

Қазақстан Президенті Қасым-Жомарт Тоқаев Израиль премьер-министрі Биньямин Нетаньяхумен телефон арқылы әңгімелесті. Ақорданың баспасөз қызметінің хабарлауынша, сөйлесу Израиль тарапының бастамасымен өткен.

Тараптар Қазақстан мен Израиль арасындағы көпжылдық ынтымақтастықтың тұрақты дамып келе жатқанын атап өтіп, екіжақты және халықаралық күн тәртібіндегі кең ауқымды мәселелер бойынша өзара іс-қимылды одан әрі кеңейтуге дайын екендерін білдірді.

Әңгіме барысында Биньямин Нетаньяху Қазақстанның Авраам келісімдеріне қосылғаны үшін Қасым-Жомарт Тоқаевқа алғысын айтты. Израиль премьерінің сөзінше, бұл қадам батыл әрі көреген шешім болып табылады және аймақтағы бейбітшілікке, тұрақтылыққа, сондай-ақ халықаралық диалогты нығайтуға ықпал етеді.

Сонымен қатар, тараптар жоғары деңгейдегі сапарларды ұйымдастыруды қоса алғанда, белсенді байланыстарды қолдап отыру туралы уағдаластыққа қол...

«Қазгидромет» мамандары 11 қаңтар, жексенбіге Қазақстан аумағы бойынша жалпы ауа райы болжамын жариялады.

Болжамға сәйкес, батыстан ығысқан циклон және атмосфералық фронттар Қазақстанның көп өңіріне қар, бұрқасын әкеледі. Күндіз кей аймақтарда жауын-шашын мен жаңбыр түседі. Көктайғақ болады.

Тек елдің шығысы мен оңтүстік-шығысында антициклон ықпалымен, жауын-шашынсыз ауа райы сақталады.

11 қаңтарда солтүстік-батыс, солтүстік және орталық өңірлерде түнде қар жауып, бұрқасын мен көктайғақ күтіледі. Қостанай және Солтүстік Қазақстан облыстарында қалың қар жаууы мүмкін.

12 қаңтарда шығыс өңірлерде түнде қар, ал күндіз жаңбыр жаууы мүмкін. Сонымен қатар елдің оңтүстігінде 10–12 қаңтар аралығында, ал 12 қаңтарда оңтүстік-шығысында жаңбыр жауады.

Республика...

Әлеуметтік желілерде екінші деңгейдегі банктер кейбір азаматтардың несиесін кешіріп жатыр деген ақпарат таралып жатыр. Алайда Қаржы нарығын реттеу және дамыту агенттігі бұл мәлімет шындыққа жанаспайды деп мәлімдеді.

Мекеме өкілдерінің айтуынша, банктер жаппай кредитті толық немесе белгілі бір санаттағы азаматтар үшін есептен шығаруды жоспарлап отырған жоқ.

Агенттік азаматтарды жалған ақпаратқа сенбей, тек ресми дереккөздерге ғана сүйенуге шақырды. Сонымен қатар түрлі делдалдар мен «кредитті жойып береміз» деп уәде ететін адамдардың көмегіне жүгінбеуге кеңес берді.

Одан бөлек жалған ақпарат таратудың заң алдында жауапкершілікке әкеп соғатынын да еске салды.

Қазіргі уақытта Қазақстанда қарыз алушылардың банктер, микроқаржы ұйымдары және коллекторлы...

АҚШ президенті Дональд Трамп Ақ үйде ірі энергетикалық компаниялардың басшыларымен кездесіп, Венесуэланың мұнай өнеркәсібін қалпына келтіру мәселесін талқылады, деп хабарлайды Reuters.

Кездесуден бұрын Трамп өзінің әлеуметтік желісінде Венесуэланың мұнай секторына кемінде 100 млрд доллар инвестиция салуды көздейтінін жариялаған.

Трамп жоспарына сәйкес, инвестиция салатын компаниялар өздері қаржы жұмсап, ал Венесуэланың нарығына шығу жөніндегі келіссөзді тек АҚШ үкіметімен жүргізетін болады.

«Сіздер келіссөздерді тікелей бізбен жүргізесіздер, Венесуэламен ешқандай келіссөзге бармайсыздар. Біз мұны қаламаймыз», – деді президент.

Ақ үйге Chevron, Exxon, Conoco Phillips, Shell, Marathon, Valero, Repsol, Eni, Trafigura, Vitol Americas сияқты әлемдік...

2025 жылғы номинал ЖІӨ деректері әлемдік экономиканың аймақтық асимметриясын айқын көрсетіп отыр. Әлем картасына қарасақ, экономикалық қуат бірнеше орталыққа шоғырланған: Солтүстік Америка, Шығыс Азия және Батыс Еуропа. Ал Қазақстан осы құрылымда орта деңгейлі, бірақ стратегиялық маңызы бар экономика ретінде көрінеді.

Қазақстанның 2025 жылғы болжамды номинал ЖІӨ көлемі –300 млрд доллар. Бұл көрсеткіш елді әлемде шамамен 55-60 орын аралығына орналастырады. Kursiv Media Халықаралық валюта қоры ұсынған әлем елдерінің болжамды ЖІӨ-і арқылы салыстырып көрейік.

Үш тірек, қалғаны – көлеңке

Әлем экономикасы үш алыптың айналасында шоғырланған: Солтүстік Америка, Шығыс Азия және Батыс Еуропа. АҚШ, Қытай және ЕО-ның ірі елдері картада «экономикалық гравитация» тудырады...

Иранда 28 желтоқсаннан бері жалғасып келе жатқан наразылық соңғы жылдардағы ең ірі демонстрацияға айналды. Ол бастапқыда экономикалық қиындықтар мен валютаның құнсыздануына наразылық ретінде басталған болса, қазір кейбір тұрғындар Ислам Республикасы қызметі тоқтатылуын және монархияны қалпына келтіруді талап етіп жатыр.

Иранның қауіпсіздік органдары наразылыққа шыққандарға қарсы қатаң ескерту жасап, оларды «қарулы вандалдар» және «бейбітшілік пен қауіпсіздікті бұзушылар» деп атады. IRGC (Иран Ислам революциясы сақшылар корпусы) кез келген «террористік әрекеттерге» төзбейтінін білтірген.

BBC басылымының хабарлауынша, Иран Біріккен Ұлттар Ұйымына хат жолдап, АҚШ пен Израильді ел ішіндегі жағдайды ушықтырды деп айыптады.

Құқық қорғау орындарының дерегінше, наразылық барысында кемінде...

10 қаңтарда осы айда өтетін Ұлттық бірыңғай тестілеу (ҰБТ) басталды. Тестілеу 10 ақпанға дейін жалғасады. Биыл шамамен 187 мың адам тестілеуге қатысуға өтініш берген, бұл өткен жылмен салыстырғанда 20 мыңға көп. Бұл туралы Ғылым және жоғары білім министрлігі хабарлады.

Мектеп бітірушілердің 75,2%-ы тесті қазақ тілінде, 24,6%-ы орыс тілінде, ал 189 адам ағылшын тілінде тапсырады.

Талапкерлер тестілеу күні мен уақытын, сондай-ақ емтихан пунктін өздері таңдаған. Ең көп таңдалған пәндер комбинациясы – математика-физика (19,2%). Бұл бағытқа болашақ мұғалімдер, инженерлер, энергетиктер, құрылысшылар дайындалады. Биология-химия комбинациясын талапкерлердің 16,9%-ы таңдаса, 9,7%-ы шығармашылық бағыт бойынша тест тапсырады.

ҰБТ кезінде калькулятор, Менделеев...

АҚШ-тың жағалау күзеті Кариб теңізінде Ресейдің санкцияға іліккен Olina танкерін ұстады. Операция Тринидад аралының маңында өткен. Танкерді ұстауға USS Gerald R. Ford арнайы жасағы қатысқан.

Мәлімет бойынша, Olina бұрын Minerva M деп тіркелген және 2025 жылы АҚШ санкциясына ілінген. Ол Венесуэладан мұнай таситын «тасадағы флотқа» тиесілі. Флот Венесуэла мұнайы экспортының 70%-ын қамтамасыз етіп отыр.

Бұл — АҚШ-тың Венесуэладан мұнай таситын танкерлерді қадағалау бағдарламасы аясында ұсталған бесінші танкер. Бұған дейін Marinera және Bella 1 танкерлері ұсталды.

Алдында ұсталған кемелер де ұзақ уақыт бойы АҚШ әскерінен қашқан, кейбіріне Ұлыбритания, Франция және Ирландия әуе қызметі қатысқан деген мәлімет бар. АҚШ...

Алматы қаласында ТЖМ қызметкерлері көпқабатты тұрғын үйден шыққан өрттен екі адамды аман алып қалды.

Оқиға 10 қаңтарға қараған түні Алмалы ауданындағы Клочков көшесінде орналасқан бес қабатты тұрғын үйде болған. Өрт үйдің үшінші қабатындағы пәтерде шыққан.

Құтқарушылар келген сәтте пәтердің кіреберісі мен санитарлық торабы шамамен 15 шаршы метр аумақта ашық жалынмен жанып жатқаны анықталды. Қалың түтін подъезд ішіне тарап, тұрғындардың өмірі мен денсаулығына қауіп төндірген.

Өртті барлау кезінде төтеншеліктер есігі жабық тұрған пәтерді ашып, түтін басқан бөлмелер арқылы өтіп, балконға шыққан. Сол жерде 96 жастағы әжей балкон терезесі арқылы тыныс алып тұрған. Мамандар қарт...

Қайрат Сатыбалды Алматының орталығындағы зәулім қонақүйін мемлекетке сыйға тартқан. Осылайша Есентай өзенінің жағасында орналасқан ғимарат мемлекет меншігіне өтті. Бұл туралы «Власть» басылымы Мемлекеттік мүлік және жекешелендіру департаментіне сілтеме жасай отырып хабарлады.

Департаменттің мәліметінше, Қайрат Сатыбалды мен Алматы қаласы бойынша департамент арасында 2023 жылғы 1 тамызда №15 сыйға тарту шарты жасалған. Келісім Қаржы министрлігіне қарасты Мемлекеттік мүлік және жекешелендіру комитетінің бұйрығы негізінде рәсімделген. Сыйға тартылған нысан — жалпы аумағы 9 461,6 шаршы метр болатын жылжымайтын мүлік. Нысан Алматы қаласының Бостандық ауданында, Көктем-3 шағынауданында орналасқан.

Қонақүй ғимараты 2017 жылы пайдалануға берілгенімен, ішкі әрлеу жұмыстары толық аяқталмаған...

«ҚазМұнайГаз» ұлттық компаниясының лауазымды тұлғалары 2024 жылғы кірістері туралы декларация мәліметтерін жариялады. Құжатта басқарушы қызметкерлер мен олардың жұбайларының табысы көрсетілген.

Айта кетейік, заң талабы бойынша декларацияда шенеуніктер жұмыс орнынан алатын жалақысынан тыс, дербес салық салынатын табыстарын көрсетеді. Айлық жалақыларынан бірден жеке табыс салығы ұсталатындықтан, ол бұл құжатта жазылмайды.

Атап айтқанда, компания басқармасының төрағасы Асхат Хасеновтің жұбайы Гүлназ Хасенованың 2024 жылғы жалпы табысы 7 млн теңгені құраған. Ал Хасенов жалақы ғана алатын болса керек, басқа табысын декларацияламаған.

Басқарма төрағасының орынбасары Диана Арысова 2024 жылы жалақысынан бөлек, 18,9 млн теңге табыс тапқан. Ал жолдасы Серік...