Жаңалықтар

Қазақстанның курорттық аймақтарына 3,8 миллионнан астам турист келді

2025 жылдың қаңтар-қыркүйек айлары аралығында Қазақстанның курорттық өңірлерінде 3,8 млн адам демалып, өткен жылдың сәйкес кезеңімен салыстырғанда туристер саны 14%-ға артты. Бұл туралы Ұлттық статистика бюросы хабарлады.

Жалпы келушілердің 16,5%-ын шетелдік туристер құрады, бұл қазақстандық курорттардың халықаралық деңгейде де сұранысқа ие екенін көрсетеді.

Ең танымал курорт – Алматы тау кластері

Туристер арасында ең көп сұранысқа ие орын – Алматы тау кластері болды. 2025 жылдың алғашқы тоғыз айында бұл аймаққа 2,2 млн адам келген. Бұл өңірдің экотуризм, тау шаңғысы және қала маңындағы демалыс бағыттарымен танымал екені белгілі.

Бурабай мен Маңғыстау...

Бішкектің Ленин аудандық сотында аутизм диагнозы бар қыздың қолын сындырған жеке психолог Илья Ананьевке үкім шығарылды.

Kaktus.media ақпаратына қарағанда, ол бас бостандығынан айырылып, жалпы режимдегі колонияда алты жыл отырмақ.

Бұл туралы «Балалар құқығын қорғаушылар лигасы» ҚҚ жетекшісі Назгүл Турдубекова хабарлады. Оның айтуынша, айыпталушы сот залында қамауға алынған.

Бұған дейін ұйымға Чынара Жүнүсова жүгінген. Ол ұзақ уақыт бойы сабақ барысында оның қызы Наристе Нұрлановаға ауырсыну тудыратын әдістер қолданылғанын айтқан.

Ал 2024 жылғы 23 желтоқсанда жеке сабақ кезінде тәрбиеші-психолог баланың қолын сындырып жіберген.

«Бес операция, үздіксіз ауырсыну және қазір созылмалы остеомиелит. Наристе бірнеше айға созылған...

Астана қаласының әкімі Жеңіс Қасымбек қалалық мәслихаттың отырысында Астананы қылмыс жағынан Каракасқа теңеген депутатқа қатаң түрде тоқтау қойды.

Астана қалалық мәслихатының отырысында депутат Талғат Ерғалиев елорданың Сарыарқа ауданында қылмыс ең көп тіркелетінін мәлімдеген. Оның айтуынша, аталған ауданда әр 10 күн сайын бір адам өлтіру дерегі, әр 15 күн сайын бір зорлау фактісі орын алады. Сонымен қатар күн сайын алты ұрлық және есірткіге байланысты екі қылмыс тіркеледі.

Осы деректерді алға тартқан депутат жағдайды «соғыс кезіндегі ахуалмен» салыстырып, Каракас қаласындағы қылмыс деңгейіне қатысты мәліметтерді келтіре бастаған. Осы сәтте Астана қаласының әкімі Жеңіс Қасымбектің шыдамы таусылғаны байқалды.

Қала басшысы депутатты келтірген...

Еnbek.kz платформасындағы кәсіби стандарт негізінде сертификатталған коуч-тренерлердің тізілімі (реестрі) жасалады. Депутаттық сауалға жауап берген премьер-министр Олжас Бектенов осылай деді.

«Кәсіптік стандарт 9 қызметті қамтиды: бизнес-коуч, мансаптық коуч, лайф-коуч, командалық коуч, көшбасшылық коуч, денсаулық және сауықтыру коучі, кәсіпкерлерге арналған коуч, білім беру коучі, спорттық дайындық коучі. Кәсіптік стандарттың негізінде Ұлттық біліктілік жүйесінің цифрлық платформасында (career.enbek.kz) сертификатталған коуч-жаттықтырушылар тізілімі жасақталады», – деп жазылған премьер жауабында.

Сондай-ақ коучтардың адал жұмыс істеуін қамтамасыз ету үшін «Тұтынушылардың құқықтарын қорғау туралы» Заңға түзетулер әзірленді. Онда коучтардың өзінің кәсіби біліктілігін тану туралы сертификатқа ие болуын, оны тұтынушыға таныстыруды міндеттейтін, сондай-ақ тұтынушыға өзі көрсететін...

Алтын өндіруші Solidcore Resources plc компаниясы Костанай облысында күн электр станциясын салды. «Варваринское» өндіріс аумағында орналасқан станцияның қуаты -22,6 МВт. Бұл – Солтүстік Қазақстандағы жаңартылатын энергия саласындағы ең ірі жобалардың бірі.

Күн электор станциясында 36 мыңнан астам күн панелі орнатылған, жалпы ауданы шамамен 98 мың шаршы метрді құрайды. Жоба жылына 28,5 млн кВт·сағ электр энергиясын өндіреді.

Компанияның мәліметінше, КЭС енгізілуі «Варваринское» кәсіпорнындағы жанама парникті газ шығарындыларын 50%-ға қысқартуға ықпал етеді. Ал бүкіл Solidcore Resources тобы бойынша бұл көрсеткіш шамамен 16% деңгейінде төмендейді. Жобаға күн және газ генерациясын қоса есептегенде жалпы 29 млрд теңге инвестция салынған.

Solidcore...

Алматы қаласының әкімі Дархан Сатыбалды 1986 жылғы Желтоқсан көтерілісіне қатысқан азаматтармен кездесті. Бұл туралы Kursiv.Media мегаполис әкімдігінің мәліметіне сүйене отырып хабарлады.

Тәуелсіздік күні және Желтоқсан оқиғасының 39 жылдығы қарсаңында өткен кездесуге Талғат Рысқұлбек, Гүлбахрам Жүніс және басқа да ондаған желтоқсаншы қатысты.

«Әкім Алматының қоғамдық өміріне белсене үлес қосып жүрген желтоқсаншылардың патриоттық ұстанымын, азаматтық позициясын және ұлттық құндылықтарға беріктігін атап өтті», – деп таратты әкімдіктің баспасөз хатшысы.

Ресми мәліметке қарағанда, жүздесуде әлеуметтік-тұрмыстық мәселелер көтеріліп, қосымша әлеуметтік қолдау шаралары талқыланды. Сонымен бірге Желтоқсан оқиғасының 40 жылдығын атап өтуге қатысты ұсыныстар айтылды.

Кездесу соңында...

Қазақстаннан алдағы уақытта Қытайға ірі қара етінің экспорты артуы мүмкін. Ауыл шаруашылығы вице-министрі Аманғали Бердалиннің айтуынша, жауапты ведомство қазір ет сапасын анықтайтын зертхана қызметкерлерінің жалақысын арттырып, зерттеуді көбейтіп, халықаралық сертификаттарды алуға тырысып жатыр.

Бердалиннің сөзінше, биыл солтүстік-батыс өңірдегі ауылдан таза аумақтың мәртебесін тану үшін Дүниежүзілік жануарлар саулығы ұйымына дерекнеме жіберілген. Алынған саламаттылық мәртебесі отандық өндірушілердің экспорттық әлеуетін арттыруға мүмкіндік берген.

«Биыл 16 ветеринариялық сертификат келісіліп, қол қойылды, бұл мал шаруашылығы өнімдерін экспорттауға мүмкіндік береді. Жалпы қазақстандық мал шаруашылығы өнімін Еуропалық Одақ елдеріне, Ұлыбритания, Ирак, Иран, АҚШ, Канада және басқа да бағыттарды қоса алғанда, 42 елге жеткізуге...

Қазақстандық UFC жауынгері, аса жеңіл салмақтағы рейтингтің жетінші сатысында тұрған Асу Алмабаев 1 наурыз күні Мексикада өтетін UFC турнирінде октагонға шығады. Қарсыласы промоушеннің бұрынғы чемпионы, мексикалық Брэндон Морено. Бұл туралы «Вестник ММА» Telegram-арнасы хабарлады.

Жекпе-жек UFC-дің Мексикадағы турнирі аясында өтеді. Қазіргі таңда бұл кездесудің кештің басты айқасы бола ма, жоқ па – әзірге белгісіз.

Асу Алмабаев соңғы жекпе-жегін 22 қараша күні UFC-дің Катарда өткен алғашқы турнирінде өткізді. Америкалық Алекс Пересті (рейтингте 11-орын) тұншықтыру әдісімен жеңіп, кезекті сенімді жеңісіне қол жеткізді. 31 жастағы спортшы ММА-де жалпы 26 жекпе-жек өткізіп, 23 рет жеңіске жеткен. UFC аясында алты жеңіс...

Қыс мезгілінің басталуымен тау шаңғысы курорттарында демалуға деген қызығушылық арта түседі. Қазақстанның әр өңірінде туристерге арналған шаңғы, сноуборд және өзге де қысқы белсенділіктерді ұсынатын демалыс орындары бар. Kursiv LifeStyle ел аумағындағы 7 өңірде орналасқан танымал тау-шаңғы локацияларын назарға ұсынады.

Алматы қаласы

Шымбұлақ

Еліміздегі ең танымал тау-шаңғы курорты. Ұзындығы 20 шақырымға жуық әртүрлі деңгейдегі трассалар, заманауи аспалы жолдар және жабдықтарды жалға беру пункттері жұмыс істейді. Сонымен қатар, курорт Гиннестің рекордтар кітабына енген әлемдегі ең биік түнгі шаңғы трассасымен белгілі.

Қосымша белсенділіктер: zipline, атқа міну, коньки тебу, парапланмен ұшу.

Pioneer отбасылық тау курорты

Ұлттық саябақ аумағында, теңіз деңгейінен...

Президент Трамп пен мемлекеттік хатшы Ноэм саясатынан АҚШ-тан 2,5 миллионнан астам заңсыз иммигрант кеткен.

Елдің Ішкі қауіпсіздік министрлігі рекорд жаңартты. 605 000-нан астам адам депортацияланса, олардың 1,9%-ы өз еркімен елден шығуды ұйғарған.

Ішкі қауіпсіздік министрлігі (DHS) елдің қауіпсіздігін қамтамасыз ету бойынша тарихи прогресс туралы хабарлады.

«Биыл 2,5 миллионнан астам заңсыз иммигрант АҚШ аумағын тастап шыққан. 2025 жылғы 20 қаңтардан бастап Ішкі қауіпсіздік министрлігінің операциялары нәтижесінде 605 000-нан астам адам депортацияланды», – делінген хабарламада.

Ведомствоның ақпаратына қарағанда, Трамп әкімшілігінің АҚШ-та заңдылықты қалпына келтіру жұмыстары аясында министрлік ауыр қылмыс жасаған ең қауіпті заңсыз иммигранттарды елден шығару

Қазақстандықтардың инфляцияға қатысты алаңдаушылығы күшейіп келеді. Күз соңына қарай халықтың бағаға қатысты күтулері айтарлықтай нашарлағаны байқалады. Ұлттық банктің сауалнамасына сәйкес, респонденттердің 13,9%-ы алдағы 12 айда инфляция 20%-дан да жоғары болады деп есептейді.

Қазан айында мұндай пікірдегі азаматтар 11,4% ғана болған еді. Сондай-ақ 16–20% аралығындағы инфляцияны күтетіндер тобы да ұлғайып, бір айда 10,1%-дан 11,9%-ға дейін өсті.

Сонымен бірге халық болжам айтуда өз пікіріне сенімді бола бастады: «жауап беруге қиналамын» дегендер үлесі 54,3%-дан 47,8%-ға дейін азайған. Бұл белгісіздік бәсеңдеп, баға одан әрі өсуі мүмкін деген түсінік күшейгенін көрсетеді.

Осы көңіл-күй қазіргі ресми мәліметтермен де байланысты. 2025 жылдың қараша...

Алматыдағы Халықаралық жас ғалымдар конгресінде сөз сөйлеген Оқу-ағарту министрі Жұлдыз Сүлейменова қоғамда жиі көтеріліп жүрген өзекті мәселе – пәндерді біріктіріп оқыту жөніндегі бастама тоқтатылатынын айтты.

«Қазіргі таңда біздің қоғамда жаратылыстану пәндерін қосып оқытуға байланысты, яғни, химия, физика, биология пәндерін бір пәнге біріктіру туралы қызу талқы жүріп жатыр. Енді бұл пәндер кіріктірілмейтін болды. Физика физика ретінде, химия химия ретінде, биология биология ретінде бөлек оқытылатын болады. Әрқайсысы жеке пән ретінде өз мәртебесін сақтап, пәндерді біріктіру реформасы бүгіннен бастап тоқтатылатын болады»,  –  деді Сүлейменова.

Министрлік ұстанымынша, жаратылыстану пәндерін жеке оқыту мектеп жасында оқушылардың фундаменталдық ғылымды терең, жүйелі меңгеруге...

Еуразиялық экономикалық одақ (ЕАЭО) елдерінің үкімет басшылары кеңесінде Қазақстан азаматтар аукциондар арқылы сатып алған көліктерді, сондай-ақ көлік қауіпсіздігі сертификаттарының көшірмелерімен әкелінген автокөліктерді елге кіргізуге тыйым салуды ұсынды. Бұл туралы «Коммерсантъ» басылымы хабарлады.

Кеңес барысында ЕАЭО елдері арасындағы сауданы заңдастыру мәселелері талқыланды. Ең даулы ұсыныстардың бірі –  Қазақстан тарапының онлайн-аукциондар арқылы сатып алынған және сертификат көшірмесімен әкелінетін көліктерді импорттауға тыйым салу туралы бастамасы болды. Бұл бастамаға Қырғызстан қарсылық білдірді, себебі ол елде дәл осы тәсілмен көлік әкелу кең таралған.

Бұл мәселені мемлекет басшыларының деңгейінде талқылау туралы шешім қабылданды.

Сондай-ақ Қазақстан премьер-министрі Олжас Бектенов өнеркәсіптік кооперация механизмін жетілдіруді ұсынды...

Украина 11 желтоқсан, бейсенбі күні Каспий теңізіндегі ірі мұнай платформасына соққы жасағанын мәлімдеді. Украин әуе күштері Ресейдің осы теңіздегі өндіріс инфрақұрылымдарына алғаш рет шабуылдап отыр, дейді CNN дереккөзі.

Қазақстанға өте жақын

Дрондар нысанына айналған «Филановский» мұнай платформасы санкциялар қысымына ұшыраған «Лукойл» компаниясына тиесілі. Ол Ресейдің Каспий теңізі секторындағы ең ірі мұнай кен орны. Ол Қазақстанның Қашаған, Құрманғазы және Хазар кен орындарына өте жақын маңда орналасқан.

Телеарна 2024 жылдан бері Киевтің ресейлік энергетика нысандарына шабуылын үдеткеніне мән беріп отыр. Енді украин әуе күштері мұнай өңдеуші зауыттарды ғана емес, мұнай-газ экспорттайтын инфрақұрылымға, құбырларға, танкерлерге, сонымен бірге теңіздегі бұрғыларға...

Ресейлік Wildberries маркетплейсі платформасындағы сатушыларды жалпыға бірдей белгіленген режимге ауысуға міндеттеді. Бұл жайлы Uchet.kz жазады.

Жаңа Салық кодексі бойынша, жеңілдетілген салық режимін қолданатын тұлғалардан алынған тауарларға, жұмыстарға және қызметтерге жұмсалған шығындарды корпоративтік табыс салығын есептеу кезінде ескеруге болмайды.

Яғни бұрын компания жеңілдетілген режимдегі кәсіпкерден қызмет немесе тауар алса, оған салық салмайтын. Мәселен, 10 млн теңге табыс тауып, оның 2 млн теңгесі шығын болса, онда салық тек 8 млн теңгеден есептелетін.

Ал енді компания жеңілдетілген режимдегі кәсіпкерден тауар немесе қызмет сатып алса да, оны шығын деп есептемей салық салынады. Яғни 8 емес 10 млн теңгеге тұтас салық алады.

Freedom Holding Corp. бас директоры Тимур Турловқа қарсы кезекті PR-шабуыл 2025 жылғы 11 желтоқсанда анонимді Telegram-арналарында басталды.

Бұл арналар әдетте жағымсыз материалдар жариялаумен және біреудің ізіне түсумен айналысады. «Фридом Финанс» брокерлік компаниясы жөнінде әдейі жалған ақпарат таратқаны үшін «KazTAG» агенттігіне қатысты қозғалған қылмыстық істің аясында шабуыл өршіп отыр.

Ресейлік анонимді Telegram-арналар желісінде бірдей мәтін мен агрессивті риторика қолданылған ондаған жазба жарияланды. Бұл олардың ұйымдастырылған науқан екенін көрсетеді. Материалдарды «Компромат ГРУПП», FBI Russia, Dossier RU, «Компроматор», Spootnick, «Власть KG», «Зодчий», «Компромат СПБ», «Тимур и его команда», «Павел Корчагин», «Генераль Лебедь», «Глеб Жеглов», «Москвач Компромат Москвы», «K1», «Sputnik Russia», «Досье RU», «ОСТОРОЖНО...

Француз киносының аңызы Ален Делонның кіші ұлы Ален-Фабьен швейцариялық сотқа жүгініп, әпкесі Анушканы әкесінің өсиетінен алып тастауды талап етті. Бұл туралы RTL хабарлады.

Іс бойынша сот отырысы 2026 жылдың наурыз айына белгіленген. Ален-Фабьеннің айтуынша, әкесі 2019 жылы инсульт алғаннан кейін когнитивтік қабілеттерінің әлсіреуіне тап болған, мұны бірнеше дәрігер растаған.

Оның сөзінше, актер 2022 жылы жаңа өсиетке қол қойған кезде әрекетке қабілетсіз болған. Дәл сол өсиетте Ален Делон брендін басқаратын компанияның бақылау пакеті – 51% акция қызы Анушкаға берілген. Ал 2015 жылы жасалған алғашқы өсиетті Ален-Фабьен даулауға ниетті емес екенін айтты.

Кіші ұл Анушканың нотариусқа баруды өзі талап етіп, әкесінің шешімдеріне...

ERG холдингіне кіретін «Қазақстан электролиз зауыты» 2024 жылғы тапқан табысынан акционерлеріне қомақты дивиденд төлеуді жоспарлап отыр. Бұл кәсіпорын – Қазақстандағы бастапқы алюминий өндіретін жалғыз зауыт.

Қазақстан қор биржасында жарияланған мәліметке сәйкес, әрбір жай акцияға 7,5 мың теңгеден бөлу қарастырылған.

Бұл қаржының бәрін зауыттың жалғыз акционері – EKT Holding алады. Ал EKT Holding-тің түпкі иесі Eurasian Resources Group S.a.r.l. (ERG ) компаниясы.

Ал ERG тобының 40 пайыз акциясын Қаржы министрлігі иеленеді. Қалған акциялары Forbes тізіміндегі байлардың отбасыларына тиесілі. Ибрагимовтар әулеті 20,7% акциясын иеленсе, марқұм Александр Машкевичтың мұрагерлері де 20,7% үлесті меншіктеген. Сонымен қатар компанияны...

2025 жылдың қараша айында қазақстандықтар 39 973 тұрғын үй сату-сатып алу келісімшартын рәсімдеген. Бұл қазан айымен салыстырғанда 3,1%-ға аз.

krisha.kz мәліметінше, сұраныстың төмендеуі ең алдымен пәтер нарығына әсер еткен және дәл осы сегментте құлдырау байқалды.

Ұлттық статистика бюросының дерегінше, жалпы мәміле санының ішінде:

Тұрғын үй ең көп сатып алынған өңірлер:

Ең аз тіркелген өңір– Ұлытау облысы:
барлығы 339 мәміле (0,8%).

Сұраныс қай өңірде артты, қай өңірде төмендеді

Айтарлықтай өсім байқалған...

Astana Motors компаниясы мен Қазақстан автомобиль одағы Алматының индустриалдық аймағында орналасқан автокөлік өндірісі орындарына «Қазақстандықтар жасаған» атауымен ауқымды пресc-тур ұйымдастырды. Оның барысында мультимедиалық жүйелер мен автомобиль орындықтарын өндіретін автокомпоненттер технопаркі, Hyundai Trans Kazakhstan және Astana Motors Manufacturing Kazakhstan зауыттарының тыныс-тіршілігі таныстырылды.

Ауқым. Қауіпсіздік. Қатаң стандарт

Astana Motors компаниясына кіретін өндіріс ошақтары Алматының индустриялдық аймағында орын тепкен зауыттардың ең үлкені. Аймаққа беттегеннен-ақ ауқымымен көзге түседі. Зауытқа кіру әуелі қауіпсіздік талаптарын тәптіштеп түсіндірумен басталды. Арнайы форма таратылып, ережелерді ұстану, белгіленген жермен ғана жүру керегі айтылды. Бұл әрі қауіпсіздік үшін, әрі өндіріс процесіне кедергі келтірмеу үшін жасалған. Себебі жұмыс дамылсыз жүріп жатады. Әр...

OpenAI тапсырмаларды шешуде модельдің жұмысы айтарлықтай жетілдірілген ChatGPT 5.2 нұсқасы шыққанын жариялады. Компания деректеріне сәйкес, жаңа нұсқа 5.1-мен салыстырғанда екі есеге жуық жақсы нәтиже көрсетеді.

5.2 қатары үш қолдану нұсқасын қамтиды:

5.2 нұсқасында кескіндерді өңдеу жақсартылған, яғни визуалды талдауға түрлі тапсырмалар орындауға болады. Сонымен қатар, модельдің білім базасы жаңартылды: енді ол 2025 жылдың 31 тамызына дейінгі деректерді қамтиды.

Бұл чат-боттың жұмысын жетілдіру үшін OpenAI компаниясы «Қызыл код» деген режим енгізді. Яғни басқа жобаларды ысыра тұрып, қызметкерлердің басым бөлігі 5.2 нұсқаны жетілдіруге атсалысты.

Еске салайық, 2026 жылдан бастап ChatGPT-мен төлем...

Алматыда полиция нәресте саудасымен айналысты деген күдікке ілінген ұйымдасқан топтың әрекетінің жолын кесті. Ішкі істер министрлігі әлеуметтік осал азаматтарды, оның ішінде кәмелетке толмағандарды да қамтыған қылмыстық схемалардың жолы кесілгенін хабарлады.

Елде адам саудасына қарсы жүргізілген «STOP-трафик» жедел іс-шарасы аясында жалпы 39 факті анықталған. Соның ішінде ең резонансты оқиғалардың бірі – Алматыда жаңа туған нәрестелерді сату фактілеріне қатысы бар қылмыстық топтың әшкере болуы.

ІІМ дерегінше, топ ұйымдастырушылары қиын жағдайға тап болған жас аналарды материалдық сыйақы үшін сәбилерін бөгде адамдарға беруге итермелеген.

«Барлық қатысушылар ұсталды. Қазір 20-дан астам қылмыстық іс тергелуде. Күдіктілерге мүлкін тәркілей отырып, 18

Қазақстандағы екінші деңгейлі банктер (ЕДБ) секторы жыл сайын өзгерістер мен жаңалықтарға толы. Биыл Қазақстанның банктік нарығына тағы екі жаңа ойыншы қосылды: КМФ Банк пен БНК (Би Эн Кей) банктері. Енді елімізде 23 екінші деңгейлі банк бар, бұл нарықтағы бәсекелестікті одан әрі күшейтуі мүмкін.

Шолу: банк секторының негізгі көрсеткіштері

Қазіргі уақытта Қазақстанның екінші деңгейлі банктерінің активтері жыл басынан бері 10,2%-ға өсіп, 67 806 млрд теңгені құрады. Бұл өсім банктердің экономикадағы рөлін нығайтып, несие портфелінің ұлғаюына ықпал етті. Жалпы, банктердің несие портфелі 17,4%-ға өсіп, 42 074 млрд теңгеге жетті.

Банктердің негізгі табысы 811,6 млрд теңгені құрағанымен, таза табыс 12,1%-ға өсіп...

Еуразиялық экономикалық одақ құрылғалы бері Қазақстан мен одақққа мүше елдер арасындағы саудаөсаттық 90 пайызға артқан. Бұл туралы Премьер-министр Олжас Бектенов Еуразиялық үкіметаралық кеңестің кезекті отырысында мәлімдеді.

Оның айтуынша, Қазақстан интеграцияны тереңдетуге, экономикалық ынтымақтастықты кеңейтуге және үшінші елдермен сауда байланыстарын күшейтуге мүдделі.

Биыл ЕАЭО елдері экономикалық өсімге серпін беруі тиіс бірқатар келісімге қол қойған. Солардың бірі – «IV Үлкен» Хаттама. Құжат одақтың базалық шартын жаңғыртып, оның институттарын жетілдіруге бағытталған.

Сонымен қатар БАӘ, Моңғолия және Индонезиямен жасалған халықаралық келісімдер ЕАЭО-ның сыртқы экономикалық кеңістігін кеңейте түспек.

ЕАЭС аясындағы электронды сауда көлемі 80 миллиард...