Жаңалықтар

Қазақстанда 2025 жылы заңсыз ұтыс ойындарын ұйымдастырғаны үшін 121 адам әкімшілік жауапкершілікке тартылды. Бұл туралы Туризм және спорт министрлігіне қарасты ойын бизнесі мен лотереяны реттеу комитеті хабарлады.

Айыппұлдың жалпы сомасы 49,9 млн теңге. Заңсыз қызметпен айналысқандарға ескерту хаттары жіберілген.

«Хаттама шешімімен келіскен жағдайда құқық бұзушылар айыппұлды өз еркімен төлейді. Келіспеген жағдайда іс сотқа жолданып, белгіленген тәртіппен қаралады», – деп түсіндірді комитет өкілдері.

Комитет заңсыз ұтыс ойындарын ұйымдастырған тұлғаларға ескерту хаттары жолданып, офлайн және онлайн форматтарда түсіндіру кездесулері өткізкенін мәлімдеді. Сондай-ақ, министрліктің ресми сайтында әлеуметтік желілерде ұтыс ойындарын өткізген аккаунттардың тізімі де...

Дональд Трамп Мексикадағы есірткі картельдеріне соққы бермекші. Бұл жайлы ол Fox News арнасына берген сұхбатында хабарлады.

«Біз қазір картельдерге қатысты құрлықта соққы бере бастаймыз. Картельдер Мексиканы басқарып отыр», -деді Трамп. Бірақ алдағы жоспарлар туралы егжей-тегжейлі мәлімет бермеді.

Басылымның дерегінше, АҚШ президентінің бұл сөздері Солтүстік Американың Кариб теңізі мен басқа да аймақтарда жасалған бірнеше айлық әскери науқан барысында айтылды.

Бірақ Мексика президенті Клаудия Шейнбаум бұл идеяны теріске шығарып, «АҚШ-тың Венесуэла істеріне араласуын» қатаң айыптады.

«Біз басқа елдердің ішкі ісіне араласуды үзілді-кесілді айыптаймыз. Латын Америкасының тарихы анық әрі дәлелді: араласу...

9 қаңтарда президент Қасым-Жомарт Тоқаев Құрылыс кодексіне қол қойды. Бұл туралы Ақорда хабарлады. Заң мәтіні баспасөзде жарияланады.

Сонымен бірге, мемлекет басшысы заңнамаға сәулет, қала құрылысы және құрылыс мәселелері бойынша өзгерістер мен толықтырулар енгізуді көздейтін заңға да қол қойды. Осы құжаттың мәтіні де баспасөзде басылады.

Заңдар бүкіл құрылыс саласына ортақ тәртіп енгізуді көздейді. Енді құрылыс жүргізетін компаниялардың жауапкершілігі мен нысан сапасы артуы тиіс. Әсіресе, сейсмикалық белсенді аймақтардағы құрылысқа талап күшейтіледі.

Бұған қоса, құрылыс барысы E-Qurylys арқылы жүзеге асады. Жер сатып алудан бастап, нысанды қолданысқа беруге дейінгі жұмыстардың бәрі осында көрініп тұруға тиіс.

Азаматтардың құқықтарын қорғауға да көңіл...

2027 жылы жанар-жағармай бағасы күрт қымбаттауы мүмкін. Сарапшы Олег Червинскийдің жазуынша, оған сол жылдың 1 қаңтарынан бастап Еуразиялық экономикалық одақ (ЕАЭО) аясында мұнай мен мұнай өнімдерінің ортақ нарығы туралы келісімнің күшіне енуі себеп болмақ.

2025 жылдың желтоқсанында Санкт-Петербургте өткен Жоғары Еуразиялық экономикалық кеңес отырысында одаққа мүше мемлекеттердің басшылары осы келісімді іске қосу жөнінде уағдаласқан.

Ресми хабарламада ортақ нарықтың мақсаты – мұнай өнімдері саудасына ортақ әрі ашық ережелер енгізу, жеткізілім мен бағаны тұрақтандыру және энергетикалық қауіпсіздікті күшейту деп жазылған.

Алайда бұл келісім Қазақстан үшін жанар-жағармай бағасының өсуіне алып келуі мүмкін. Журналист Олег Червинскийдің пікірінше, 2027 жылдан...

Glencore тау-кен алыбы Rio Tinto компаниясымен қосылуы мүмкін. Сол кезде екеуінің нарықтағы капиталы 260 млрд долларға жетеді. Екі ірі компания арасында келіссөздер қайта басталғанын Financial Times жазды.

Glencore «Қазмырыш» компаниясы акцияларының 70%-ына иелік етеді. Швейцариялық компанияның Қазақстандағы активін сату жөнінде бейресми келіссөз жүргізіп жатқаны 2025 жылдың ақпанында мәлім болған. Сол кезде мырыш, қорғасын және алтын өндірумен айналысатын кәсіпорын шамамен 5,1 млрд долларға бағаланған.

2024 жылдың қорытындысы бойынша Glencore 1,6 млрд доллар шығынға батқаны мәлім. Бір жыл бұрын компания көрсеткіштердің төмендеп кетуін көмірдің арзандауымен түсіндірген.

Жақында ғана мәжіліс депутаты Ерлан Сайыров үкіметтің трансұлттық компанияны қолдау себебін сұрап, Glencore-ға шүйліккен...

Azerbaijan Airlines (AZAL) жаңа жыл мерекесіне байланысты халықаралық бағыттар бойынша арнайы жеңілдік жариялады. Акция шеңберінде әуе билеттерін 18 қаңтарға дейін сатып алуға болады.

Авиакомпанияның мәліметінше, жолаушылар әлемнің 50-ден астам қаласына қатынайтын рейстерге 45 пайызға дейінгі жеңілдікпен билет рәсімдей алады. Науқан жаңа жылдағы алғашқы сапарларын жоспарлап отырған жолаушыларға арналған.

Айта кетейік, бұған дейін Қазақстан темір жолы пойыздарында және Air Astana ұшақтарында спутниктік интернет іске қосылатыны жайлы жазғанбыз.

Қазақстанның кәсіби бокс федерациясының президенті Рақымжан Ерденбеков Жәнібек Әлімханұлына қатысты допинг сынамасының B-пробасы ашылғанын мәлімдеді.

Бұл ақпаратты әлем чемпионының (WBO және IBF нұсқалары бойынша) менеджері Берік Сұлтан да растады. Оның айтуынша, допинг-сынамасын ашу рәсімі АҚШ-та өткен.

Берік Сұлтанның «Спорт Шредингеріне» берген мәліметі бойынша, сынаманы ашу барысында Жәнібек Әлімханұлының команда өкілдері толық қатысқан және барлық процесс халықаралық регламентке сай жүргізілді.

Менеджердің сөзінше, қазіргі таңда алынған сынама арнайы зертханаға жіберілді. Енді команда ресми қорытындыны күтіп отыр, алайда нәтижелердің нақты қашан жарияланатыны әзірге белгісіз.

Команда өкілдері Жәнібек Әлімханұлының спорттық жолының тазалығына толық сенімді екенін атап өтті. Берік...

Ұлттық статистика бюросының мәліметінше, 2025 жылы жаңа салынған тұрғын үйдегі пәтер бағасы ел бойынша орта есеппен 15,7%-ға өсті. Бұл үрдіс, әсіресе, ірі қалаларда айқын сезілді.

Елордада жаңа пәтерлер бір жылда 17,4%-ға, ал Алматыда 19,8%-ға қымбаттады. Алайда баға мегаполистерде ғана емес, өңірлерде де өскен: Павлодар мен Қонаевта жаңа тұрғын үй бағасы бірден 22,9%-ға көтерілді. Бұл өңірдегі нарық та қызып келе жатқанын аңғартады.

Қайталама нарықтағы пәтерлер де қымбаттай түсті. Республика бойынша орташа өсім 14,6%-ды құрады. Алматы бұл сегментте де алда: екінші нарықтағы тұрғын үй бағасы мұнда бір жылда 25,4% көтерілді. Бұл – елдегі ең жоғары көрсеткіш. Ал Астанада қайталама нарықтағы өсім салыстырмалы...

2025–2026 оқу жылының үшінші тоқсанынан бастап Алматы қаласындағы барлық мектеп BilimClass тегін электронды журналына көшеді. Қалалық білім басқармасы мұндай шешімді платформа 15 мектепте пилоттық сынақтан сәтті өтіп, жан-жақты талдау жүргізген соң қабылдаған.

Платформа жайлы

BilimClass – Bilim Group компаниясының толықтай қазақстандық өнімi. Серверлері Қазақстан аумағында орналасқан, бұл – пайдаланушылар деректерінің қауіпсіздігі мен құпиялылығын қамтамасыз етеді. Платформа Қазақстан заңнамасының барлық талабына сай келеді.

«Қазіргі уақытта BilimClass платформасын еліміздің 11 өңірінде – Алматы, Ақмола, Батыс Қазақстан, Қостанай, Ақтөбе, Ұлытау, Абай, Қызылорда, Жетісу, Түркістан және Солтүстік Қазақстан облыстарында 2,5 млн оқушы мен 350 мың мұғалім пайдаланып...

Алматыда мектепке дейінгі білім беру саласын ваучерлік қаржыландыру пилоттық жобасы жүзеге асырылып жатыр. Бағдарламаның негізгі мақсаты – мектепке дейінгі білім берудегі мемлекеттік қаржыландырудың ашықтығын, тиімділігін және нысаналы бағытын арттыру болып отыр.

Әкімдік осы ретте ваучер деген не, оны кім ала алады, өтінішті қалай рәсімдеу керек және қандай құжаттар қажет деген сұрақтарға жауап берді.

Ваучер – мемлекеттік білім беру тапсырысы есебінен баланың балабақшадағы орнына бөлінетін қаржыландыруды растайтын электрондық құжат. Ол ата-аналарға мемлекеттік және жеке мектепке дейінгі ұйымдардың арасынан таңдау жасауға мүмкіндік береді.

Ваучер алу үшін не істеу керек?

Шымкент қаласының бұрынғы әкімі Ғабидолла Әбдірахымов «Самұрық-Қазына» Ұлттық әл-ауқат қорында басшылық қызметке орналасты.

Атышулы шенеунік Әбдірахымов енді «Samruk-Kazyna Construction» АҚ Басқарма төрағасының пайдалану жөніндегі орынбасары қызметін атқарады. Топ-менеджердің жаңа жұмысқа шыққаны шенеуніктің Түркістан облысына жасаған сапары кезінде мәлім болды. «Түркістан БГҚ» сайтында ол туралы материал жарияланды.

Экс-әкімнің инвестициялық холдингке қызметке орналасқанын мекеменің баспасөз қызметіндегілер Kursiv.Media-ға растады.

Түркістанға сапары барысында Әбдірахымов осы өңірдегі электр станциясы құрылысының барысын тексерген.

Естеріңізге сала кетейік, Әбдірахымов Шымкент қаласын 2018-2019 жылдары бір жылдан астам уақыт басқарған. Алты жыл бұрын шенеунік Лондондағы Ritz қонақүйінде видео түсіріп, Instagram-дағы парағына жариялаған. Әкім қаланы «әлемнің астанасы» деп...

9 қаңтарда президент Қасым-Жомарт Тоқаев АҚШ-тың Қазақстандағы жаңа елшісі Джули Стаффтқа сенім грамотасын тапсырды. Бұл туралы Ақорда хабарлады.

АҚШ Сенаты дипломатты Астанаға елші ретінде жіберу жөніндегі шешімді 2025 жылғы қазанда бекіткен. Стаффт Мемлекеттік департаментте 25 жылдан астам уақыт қызмет атқарған. Ол ағылшын, орыс, румын, француз және поляк тілдерін меңгерген.

«Президент Дональд Трамп мырзамен достық рәуіште мазмұнды әңгіме өрбітіп, келіссөздер жүргіздік. Таяуда біз телефон арқылы емен-жарқын сөйлесіп, екіжақты ынтымақтастығымызға қатысты көптеген мәселені талқыладық. Мені жыл соңында Құрама Штаттарда өтетін G20 саммитіне қатысуға шақырғаны үшін алғыс айтамын. Біз көптеген саладағы стратегиялық серіктестігімізді дамытып, нығайтуға күш саламыз...

Қазақстанда кореялық дорамаларды көретін көрермен аз емес. Желіде сериалдарды талқылайтындар да жетеді. Kursiv.Media 2026 жылы Оңтүстік Кореядан шығатын ең тартымды әрі көрермен көп күтетін дорамалар легін оқырман назарына ұсынады.

«Баяу әрі қарқынды»

Әйгілі актриса Сон Хе Гё өзінің келесі жобасын – Netflix платформасына арналған «Баяу әрі қарқынды» сериалын ресми түрде растады. Дорама 1960–1980 жылдар аралығындағы Корея соғысынан кейін қарқынды дамыған шоу-бизнес әлемін бейнелейді. Бұл сериал қолында ештеңесі болмаса да, табысты болуды армандаған жандардың жүрген жолын көрсетеді.

«XXI ғасыр ханзадасының әйелі»

Оқиға монархия сақталған кездегі Оңтүстік Кореяда өрбиді. Сон Хи Джу (АйЮ) – ықпалды чебольдер әулетінің екінші қызы. Ол...

2026 жылы автокөлікті бастапқы тіркеуге дейін төленуі тиіс утилизациялық алым айлық есептік көрсеткіш мөлшерінің өсуіне байланысты көбейеді. Яғни, утилизациялық алымның базалық мөлшерлемесі (50 АЕК) көтеріліп, 196 600 теңгеден 216 250 теңгеге дейін өседі. Бұл туралы Kursiv.Media kolesa.kz-ке сілтеме жасап хабарлайды.

Соның нәтижесінде көлік құралдарының әртүрлі санаттары бойынша төленетін сома мынадай болады:

Утилизациялық алымды қалай төлеуге болады

Утильалымды Recycle.kz сайтында төлеуге болады. Ол үшін көлік иесі ретінде өтінімді өзінің электрондық цифрлық қолтаңбасымен (ЭЦҚ) растауы қажет.

ЕАЭО-ға мүше емес елдерден Қазақстанға әкелінген көліктер үшін өтінімге келесі құжаттардың көшірмесі қоса берілуі керек:

Астана сотында ұлының еміне деп халықтан 1,45 млрд теңге жинаған ерлі-зайыпты Дәулет пен Толқын Тотақановтарға сот үкімі шықты.

Толқын Тотақанова түпкілікті 7 жылға сотталды. Алайда кішкентай баласының болуына байланысты жазасын екі жылдан кейін өтейді.

«Толқын Тотақанова қылмыстық кодекстің 190-бабы 4-бөлігі 2-тармағы бойынша 6 жыл мерзімге бас бостандығынан айырылсын.

Қылмыстық кодекстің 218-бабы 2-бөлігі 1-тармағы бойынша 4 жыл 8 ай мерзімге бас бостандығынан айырылып, мүлкі тәркіленсін.

Қылмыстық кодекстің 58-бабы 3-бөлігіне сәйкес жазаны ішінара қосу арқылы түпкілікті жаза ретінде 7 жыл мерзімге бас бостандығынан айыру, қайырымдылыққа қаражат жинауға байланысты қызметпен 10 жыл мерзімге айналысу құқығынан айырылып, мүлкі тәркіленсін...

2025 жылы Қазақстандағы ақылы жолдар арқылы шамамен 74 млн рет сапар жасалған. «ҚазАвтоЖол» 26 жолдың қайсысында көлік көп жүретіні туралы мәлімет таратты.

Рейтингте Алматы-Қонаев ақылы жолы көш бастап тұр. Былтыр дәл осы жолмен 11,8 млн мәрте сапар жасалған. Екінші орында Шымкент-Өзбекстан шекарасы (9,3 млн), ал үшінші орында Шымкент-Тараз (6,5 млн) тас жолы тұр.

Мекеменің мәліметінше, қазір ел аумағында жалпы ұзындығы 4 883 шақырымға созылып жатқан 26 ақылы жол жұмыс істейді. Олардың 12-сі бірінші техникалық санаттағы сапалы жолға жатады. Рейтингке қарағанда, сапарлардың 51%-ы алғашқы бес жолда жасалған.

2025 жылғы қаңтар-қазан айларында елдегі ақылы жолдардан 79 млрд теңге

Актер Еркебұлан Тоқтар Threads әлеуметтік желісінде өзі туралы тараған кезекті қауесетке пікір білдірді. Бұл жолы желі қолданушылары оны актриса Әсел Сағатовамен байланыстырып қойған.

Еркебұлан Тоқтар жазбасында мұндай әңгімелерге таңғалатынын жасырмады.

«Мені кіммен қоспады осы уақытқа дейін, бірақ Асель Сағатоваға қосып қойғандарың не, ұят-ай. Мен онымен съемкада «сәлеметсіз бе» деп амандасам ғой», – деп жазды актер.

Айта кетейік, Еркебұлан Тоқтар мен Әсел Сағатова бірге «Научи меня жить» және «Бишарашки в Таиланде» фильмдеріне түскен.

Бұған дейін де оқырмандар Еркебұлан Тоқтарды блогер Бота Миямен байланыстырып, түрлі пікір қалдырған еді. Актер бұл әңгімелерге де жауап...

АҚШ президенті Дональд Трамп Ресейге қарсы қосымша санкция енгізуді қолдады. Дегенмен Ақ үй басшысы оның қажеті бола қоймас деп үміттенеді.

«Мен шектеуді қолдаймын. Бірақ бізге оған жүгінудің қажеті бола қоймас деп үміттенемін», – деп мәлімдеді Трамп Fox News телеарнасына берген сұхбатында.

Ол Ресей экономикасын «өте ауыр жағдайда» деп сипаттап, Вашингтон қазірдің өзінде федерацияға қарсы «ауқымды санкция» қолданып отырғанын айтқан.

Бір күн бұрын сенатор Линдси Грэм Ресейге қарсы санкциялар жобасы дайын екенін, Мәскеу Киевпен бейбітшілік келісімге отырудан бас тартқан уақытта қолданылатынын мәлімдеген. Шектеулер Ресей мұнай-газын, уранын сатып алып отырған елдерге де 500% баж салығын...

АҚШ-тың екі бірдей ірі қаласында федералдық агенттер тұрғындарға оқ атқан. Миннеаполисте атыс болып, әйел адам қаза тапты. Ал Портлендте ерлі-зайыптылар ауруханаға түсті. Осыдан кейін елде наразылық басталып, америкалықтар көшеге шықты.

37 жастағы Рене Николь Гуд кім

7 қаңтарда АҚШ-тың Иммиграциялық және кедендік полиция (ICE) қызметкері 37 жастағы Рене Николь Гудты өлтірді. CNN журналистері атыс болған маңайдағы видеоларды зерттеп шығады. Олардың жазуынша, официер жолда көлденең тұрған көлікке жақындап, әйелге сыртқы шығуды бұйырады. Осыдан кейін машина ақырын алға-артқа қозғала бастайды. Көлік алдында тұрған ICE қызметкерлерінің бірі тапаншасын алып атып жібереді. Машина жанында тұрған басқа көлік пен бағанаға соғылады. Жедел-жәрдемд...

2025 жылы елде 171,1 мың көлік құрастырылды, осылайша отандық автокөлік өндірісі рекордтық көрсеткішке жетті. Қазақстандық автокөлік одағының (ҚАО) мәліметінше, шығарылған көліктердің жалпы құны 2,3 трлн теңгеден асты. 2024 жылмен салыстырғанда өндіріс көлемі 17,8%-ға артқан. Бұл Қазақстан автоөндірісі тарихындағы ең үздік нәтиже.

Рекордтық көрсеткіш

Жыл қорытындысы бойынша сала өңдеу өнеркәсібі жалпы көлемінің 8%-ын қамтып отыр, ал машина жасау саласындағы үлесі – 41,7%. Бүгінде автокөлік өндірісі өңдеу өнеркәсібінің жалпы көлемінің шамамен 8%-ын қамтамасыз етіп отыр. Ал машина жасау сияқты тар сегментте автокөлік өндірісінің үлесі 41,7%-ға жетті.

ҚАО мәліметінше, мұндай серпіліс 2025 жылы 113,6 млрд теңгені құраған ауқымды инвестициялардың арқасында...

Түркістан облысы Шардара ауданы Қоссейіт ауылында әкесін ұрып-соғып, қинаған 41 жастағы Алмас Садақбаевтың әйелі қылмыстық жауапкершіліктен босатылды. Бұл туралы Шардара ауданы прокурорының орынбасары Нұрмахан Елшібаев мәлім етті.

Нұрмахан Елшібаевтің айтуынша, Алмас Садақбаевтың әйелі Қылмыстық кодекстің «Ұрып-соғу» бабымен күдікке ілінген. Бірақ тергеуде оның айыбы дәлелденбеген.

Елшібаев айыпталушының қайтыс болған әкесінің мәйітінен оның дене жарақаттары анықталғанын жеткізді. Нақтырақ айтқанда, қабырғасы, мұрны сынған. Дегенмен мәйіттің шіріп кетуіне байланысты оның өлу себебі анықтау мүмкін болмаған.

«Бұл – қоғамдық резонанс тудырған іс. Оған түрткі болған бейнежазба. Іске тіркелген 3 бейнежазба бойынша сотқа дейінгі тергеп-тексеру жүрді. Негізі айыбы бейнежазбамен дәлелденді. Онда қандай...

FlyArystan лоукостеріндегі ұрлыққа қатысты іс сотта қаралып жатыр. Істегі үш сотталушының бірі Ренат Абулхановтың ашық хаты әлеуметтік желілерде жарияланды. Онда сотталушы Air Astana әуе компаниясының өзін айыптады.

Алты бет параққа қолмен жазылып, астына қол қойылған хатты өзін сотталушының досымын деп таныстырған Бекзат Құлманов есімді азамат Threads әлеуметтік желісінде жариялады. Тергеу изоляторында жазылған ашық хат қана емес, әуе компаниясы қызметкерлері мен басшылық туыстарының мессенджердегі әңгімелерінің бірнеше скриншоты да көпшілік назарына ұсынылды.

2024 жылдың аяғында Air Astana әуе компаниясының кассасында миллиардтан астам теңге жетіспейтініне қатысты қылмыстық іс қозғалғаны мәлім. Ақша жетіспейтінін «Эрнст энд Янг» аудиторлары екі жыл бұрын анықтаған. Ал...

Ұлттық қауіпсіздік комитеті 2025 жылы ұйымдасқан қылмыспен күресу бойынша ауқымды жұмыс жүргізгенін хабарлады. Полициямен бірлесіп, прокуратураның үйлестіруімен 20 қылмыстық топтың іс-әрекетіне тосқауыл қойылған.

Кісі өлтіру, бопсалау, есірткі мен қаруды заңсыз сақтау күдігімен 70-тен астам адам ұсталған. Олардың арасында Қазақстанда және шетелде іздеуде жүрген адамдар да бар.

«Жасалған қылмыстарды тергеу барысында 30 бірлік атыс қаруы және 11 травматикалық қару тәркіленді», – деп атап өтті баспасөз қызметі.

Барлық деректер бойынша сотқа дейінгі тергеп-тексеру амалдары жүріп жатыр.

Сондай-ақ былтыр елде сыбайлас жемқорлыққа қатысы бар 900-ге жуық адам әшкереленді. Бір жыл ішінде 1 052 қылмыстық іс...

Әлем чемпионы әрі Токио Олимпиадасының қатысушысы Бекзат Нұрдәулетов спорттық мансабын аяқтап, Маңғыстау облысының бокс бойынша мамандандырылған балалар-жасөспірімдер олимпиадалық резерв мектебін басқаруға кірісті. Бұл туралы Lada.kz жазды.

Спортшы бұл шешімін әлеуметтік желідегі ресми парақшасында жариялап, жаңа қызметтегі басты мақсаты жастарға мүмкіндік ашу және өңірде боксты дамыту екенін атап өтті.

«Бұл қызметке атақ үшін емес, жас спортшыларға жол ашу және бокстың дамуына үлес қосу үшін келдім. Алдымда нақты мақсаттар тұр, жұмыс енді басталды», – деп жазды Нұрдаулетов.

Айта кетейік, бұған дейін аталған мектепті Олимпиада ойындарының екі дүркін күміс жүлдегері Әділбек Ниязымбетов басқарған.

Бекзат Нұрдәулетов...