Жаңалықтар

Түркістан облысында ірі күн электр станциясының құрылысы басталды. Қытай компаниясы жүзеге асыратын жоба құны – шамамен 160 млрд теңге. Бұл туралы Kursiv.Media өңір әкімдігінің мәліметіне сүйене отырып хабарлады.

Қуаты 300 МВт болатын үлкен станция Сауран ауданы Оранғай ауылында салынып жатыр. Кәсіпорында 500-ге жуық жұмыс орны ашылады.

Құрылысты бастау салтанатында сөйлеген облыс әкімі Нұралхан Көшеров қытай инвесторларына алғыс айтты.

«Бүгінгі бастама – экологиялық таза, тұрақты даму жолына түскен Түркістанның болашағына салынған инвестиция», – деді өңір басшысы.

Қымбат жобаны China Energy қытай компаниясы жүзеге асырады. Ол әлемдегі ең ір энергетикалық корпорациялардың бірі.

Түркістан...

Қазақстан үкіметінің Қарашығанақ кен орны операторына қатысты түсірген шағымы Лондон арбитраж сотында қаралып жатыр. Жыл соңына дейін сот шешімі шығып, дауға нүкте қойылуы мүмкін. Бұл туралы Энергетика министрі Ерлан Ақкенженов мәлімдеді.

Оның айтуынша, Лондондағы халықаралық арбитражда қаралып жатқан істің шешімі Қазақстан үкіметі мен жоба акционерлері үшін алдағы келіссөздерге бағыт-бағдар болады. Министр қабылданатын шешім тараптардың өзара келісімге келуіне мүмкіндік беретін сигнал болатынын атап өтті.

Дау неден басталды

Қарашығанақ пен Қашаған жобаларына қатысты дау Қазақстанның 2023 жылғы сәуірде халықаралық консорциумдарға қарсы шағым түсіруінен басталған.

Тараптар арасындағы негізгі келіспеушілік шығынды өтеу және оларды есептен шығару мәселесіне қатысты. Осы шеңберде Қарашығана...

Мәжіліс депутаты Бақытжан Базарбек Мәжілістің ресми парақшасында тікелей эфирге шығып, азаматтарға тегін жер алу тетігі қандай екенін түсіндіріп берді.

Базарбектің айтуынша, жер кодексінің 50-бабы бойынша Қазақстанның кез келген азаматы үш жағдайда жерді ақысыз ала алады. Атап айтқанда, азаматтар жеке тұрғын үй құрылысына 0,10 сотық, жеке қосалқы үй шаруашылығын жүргізуге құнарлы алқаптардан 0,12, құнарсыз алқаптардан 0,25 сотық жер алады. Сонымен қатар саяжайға, бағбан жұмыстарын жүргізу үшін 0,14 сотық көлемінде жер ақысыз беріледі.

«Бірақ өкінішке қарай жер кодексінің 43-бабына сәйкес, жеке тұрғын үй құрылысын жүргізу үшін жер тізім бойынша беріледі. Ол тізімді арнайы есеп деп атайды. Арнайы...

19 желтоқсанда Астанадағы EXPO көрме орталығында «Жаңа жыл Fest» мерекелік жәрмеңкесі басталады. Елдің түрлі өңірлерінен сәнгерлер, қолөнершілер және зергерлер келіп, өнімдерін сатады. Kursiv.Media жәрмеңке бағдарламасын назарыңызға ұсынады.

Үш күнге созылатын сауда мерекесі таңертең сағат 10-нан кешкі 20-ге дейін жұмыс істейді.

Жәрмеңке аясында қонақтарға ауқымды мәдени-ойын-сауық бағдарламасы ұсынылады: жаңа жылдық фотоаймақ, шеберлік кластары, балалардың қатысуымен өтетін сұлулық байқаулары, Аяз Ата мен Ақшақар, ертеңгіліктер және тағы басқа мерекелік іс-шаралар.

Қолөнершілер мен зергерлер Жаңа жылға арналған сыйлықтар, кәдесыйлар, ойыншықтар, декор, зергерлік бұйымдар, киім, тоқыма заттары, тәттілер және тағы басқа өнімдер ұсынады.

Сонымен бірге жәрмеңкеге келушілер елдің барлық өңірінен келген сәнгерлердің киімдерін...

Немістің Volkswagen автоконцерні Дрездендегі зауыт өндірісін тоқтатуға шешім қабылдады. Financial Times мәліметінше, бұл компанияның 88 жылдық тарихында алғаш рет болып отырған жағдай.

Зауытты тоқтату концерннің қаржылық қиындықтарына байланысты туындаған.

Дрездендегі алғашқы автокөліктер 2002 жылы конвейерден шыққан. Бұл зауыт Volkswagen жүйесіндегі ең шағын кәсіпорындардың бірі саналады. 23 жыл ішінде небәрі 200 мыңға жуық көлік құрастырылған.

Алаң енді автозауыт ретінде жұмыс істемейді, дегенмен қызметі осы салаға жақын бағытта жалғасады. Зауыттың жаңа иесі Дрезден техникалық университеті. Мұнда робототехника, микроэлектроника және заманауи технологияларды зерттейтін ғылыми орталық ашу жоспарланып отыр. Сонымен қатар зауыт аумағына экскурсиялар ұйымдастыру көзделген.

Қараша айының ортасында неміс басылымдары Volkswagen...

Қолданбалы зерттеулер мен стратегиялық талдаумен айналысатын Назарбаев Университеті жанындағы Ұлттық талдау орталығы жылды қорытындылайтын әлеуметтік сауалнама мәліметін жариялады.

Орталық сауалнама елдің барлық өңірін қамтығанын, оған 1000 респондент қатысқанын атап өтті.

«Зерттеу нәтижелері азаматтардың өтіп бара жатқан жылды оң бағалайтынын байқатады. Жаһандық тұрақсыздық жағдайында мұндай нәтиже қоғамның болып жатқан өзгерістерге бейімделу деңгейінің жоғары екенін көрсетеді», – делінген хабарламада.

Сауалнама қорытындылары оң баға теріс пікірден 3,5 есе басым екенін көрсеткен. Атап айтқанда, респонденттердің 11%-ы 2025 жылды сәтсіз деп бағаласа, 37%-ы оны табысты жыл ретінде атаған. Респонденттердің басым бөлігі (52%) жылды айқын оң немесе теріс үрдістердің басымдығы...

Алматы полициясы 14 желтоқсанда ашылған жаңа BRT желісінде жол қозғалысы ережелерінің сақталуын мұқият бақылайды. Ереже бұзғандарға айыппұл сала бастағаны мәлім болды. Бұл туралы Kursiv.Media ІІМ мәліметіне сүйене отырып хабарлады.

Әуелі ескертеді

Естеріңізге сала кетейік, жексенбі күні мегаполистің Желтоқсан көшесіндегі BRT желісі ашылды. Ол Тимирязев көшесі мен Райымбек даңғылындағы желілерді жалғап, оңтүстіктен солтүстікке дейін үздіксіз автобус қатынасын қамтамасыз етеді.

Соған байланысты қалалық полиция жол бойындағы күзетті күшейтті. Бастапқыда полиция қызметкерлері жүргізушілерге өзгерісті түсіндіріп, жаңа жол таңбалары мен белгілерді көрсетеді.

Сосын айыппұл салады

Алматылықтар мен қала қонақтары қозғалыстың жаңа тәртібіне бейімделуі керек. Содан кейін ғана айыппұл...

14 желтоқсан күні түстен кейін Түркістан облысы Отырар ауданы Темір ауылындағы мақта пунктінде өрт шығып, 260 тонна мақта жанып кетті. Қызыл жалын 360 шаршы метрді шарпыған.

«Өрт сөндірушілер 4240 тонна мақтаның жануына жол бермеді. Өрт сағат 06:54-те толық сөндірілді. Зардап шеккендер жоқ» делінген облыстық төтенше жағдайлар департаментінің хабарламасында.

Өрттің неден болғаны анықталып жатыр. Отты сөндіруге облыстық төтенше жағдайлар департаменті қызметкерлерімен бірге орман шаруашылығы және жергілікті атқарушы органдардың жұмысшылары атсалысқан. Жалпы 14 техника жұмыс істеген.

Еске сала кетсек, қараша айында Түркістан облысы Жетісай ауданы Алғабас ауылында үлкен өрт болып, 12 адамның өмірін қиған еді. Кейін аман қалған...

2025 жылдың 10 айында қазақстандықтардың алған несиесі 3,7 трлн теңгеге өскен. Жыл басындан халықтың мойнындағы кредиті 22,4 трлн теңге болса, 1 қарашада 26,1 трлн теңгеге жеткен. Ұлттық банк дерегіне сәйкес, жыл басынан бергі өсім 14,1 пайызды құраған.

Жалпы 10 айда экономикаға берілген несие көлемі 41,9 трлн теңгеден 49,1 трлн теңгеге жеткен.

Соның ішінде 23,0 трлн теңге немесе жалпы кредиттің 46,8%-ы – бизнеске берілген кредиттер. Бұған қаржылық емес заңды тұлғалар мен жеке кәсіпкерлердің бизнес мақсаттарына алған қарыздары кіреді. Биыл бизнестің шетел валютасында алған кредитінің көлемі өсіп, 4,2 трлн теңгеден 5,3 трлн теңгеге жеткен.

Ал...

Қайрат Нұртас TikTok әлеуметтік желісінде қызы Алауымен бірге трендке айналған видео жариялады. Әке мен қыздың әзіл-қалжыңға құрылған бейнеролигі желі қолданушылары арасында қызу талқыланып жатыр.

Видеода Алау әкесіне түрлі қызықты сұрақтар қояды. Соның бірі: «Қандай жағдайда менен бас тартасыз?» деген сауал болды. Қайрат Нұртас бұл сұраққа ашық әрі шынайы жауап берді.

Алау: «Егер мен 18 жасымда аяғым ауыр болып, күйеуге шықсам, не істейсіз?» деп сұрағанда, әнші ойланбастан: «Ондай жағдайда бас тартамын», деп жауап қайтарды.

Алайда Қайрат Нұртас бұл сөзін әзіл мен тәрбиелік мағынада айтқанын да жасырмады. Қызы әлі жас екенін, ең алдымен білім алып...

Астаналық Айбек Оралбай 2025 жылдың үздік боксшысы атанды. 25 жастағы боксшы биыл World Boxing нұсқасы бойынша әлем чемпионы атанған.

Айбек 90 келіден жоғары салмақта өнер көрсетеді. Ол қыркүйекте Ливерпульде өткен әлем біріншілігінде қарсыластарының бәрін жеңіп, чемпион атанды. Ал шілде айында Астанада Әлем кубогының финалына дейін жетті.

Ұлттық құрама 2025 жылғы желтоқсанда Дубайда IBA өткізген Әлем чемпионатына Айбекті алған жоқ. Федерация жас боксшыларға мүмкіндік берді. Алайда 92 келіге дейінгі салмақ дәрежесінде өнер көрсеткен Нұрмагамед Жүсіпов кубалық боксшыға есе жіберді.

Бұған қоса, Оралбай Азияның екі дүркін чемпионы (2022, 2024 жылдар). 2024 жылы Парижде өткен Олимпиада ойындарына қатысып, ширек финалға дейін жетті. 2018 жылы...

Инстаграмда 1,2 млн оқырманы бар блогер Бота Нұрақын танымал инфлюенсерлердің басын қосып, туған күнін дүркіретіп тойлады. Ерекше кеште жиналған қыздарға тойбастар есебінде бриллиант сақина сыйға тартылды.

Ботаның туған күніне танымал блогерлер, инфлюенсерлер жиналды. Олардың арасында жүргізуші Диана Сқатова, Айдай Исаева, Аружан Абилова, әнші Жарқынай бар. Инстаграм парақшасын өшіріп, көптен көрінбей кеткен блогер Дамеля да осы кеште бой көрсетті.

Кеште әнші Илхан өнер көрсетті. Ал жиналған қыздарға Бота бриллиант сақина тақты.

Осыған дейін блогер қыздар арасындағы тренд жайлы жазған едік. Ерекше сыйлық алғандар қатарында Бота Нұрақын да болды. Бейтаныс жігіт Ботамен танысу үшін 2 млн теңге сыйлаған.

Қазақстандағы ең бай бизнесмендер рейтингінде 18-орында тұрған Дінмұхамет Ыдырысовқа тиесілі компания 9 айда 35,5 млрд теңге таза пайда тапқан. «Қазақстанның коммуналдық жүйелері» (ККС) – Қарағанды, Түркістан, Шығыс Қазақстан, Маңғыстау облысы және Шымкент қаласында жылу мен электр энергиясын жеткізетін ірі оператор саналады.

Сонымен қатар компания құрамына Қарағанды және Өскемен ЖЭО-лары, электр желі және энергия тарату ұйымдары, сондай-ақ жаңартылатын энергетика жобалары кіреді.

Осы кезеңде түсім көлемі 307,4 млрд теңгеге жетіп, бір жылда бірден 32%-ға артты. Мұндай серпінге электр энергиясын сату мен оны тарату қызметінің қымбаттауы себеп.

Алайда өндірістік шығындар кіріске қарағанда жылдам көбейіп, компанияның жалпы маржасын...

Грузияда Батуми мұнай терминалының лауазымы жоғары үш қызметкері ұсталғаны бұған дейін хабарланған. Істің қалай тергеліп, не болып жатқанын Kursiv.Media тілшісі Энергетика министрі Ерлан Ақкенженовтен сұрап көрді.

«Мен коммерциялық жағынан ақпарат бере алмаймын. «Қазтрансойл» компаниясына сұрағыңызды бағыттасаңыз болады. Олар сізге нақты жауабын береді. Білуімше, қазір үш азамат жұмыстарында. Өз жұмысын атқарып жатыр», – дейді Ақкенженов.

Еске сала кетейік, Қазақстанның Батумиде жұмыс істейтін үш азаматы 2025 жылғы 3 желтоқсанда ұсталған. Күдіктілердің аты-жөні аталмады, бірақ олардың жоғары лауазым иелері екені мәлім.

Грузияның құзырлы органдары терминал резервуарындағы 10 мың тоннадан астам шикізат заңсыз сатылып кеткенін әшкерелеген...

Көлік министрлігі ақылы жолдарда төлем жасау тәртібін өзгертуге кірісті. Жаңа ереже төлем жасау әдісін мейлінше жеңілдетеді. Бұл туралы Kursiv.Media министрлік мәліметіне сүйене отырып хабарлады.

Не өзгереді?

Үкімет жүргізушілерге төлемді уақытылы жүзеге асыру үшін қосымша уақыт пен мүмкіндік ұсынады.

Қазір жүргізуші жолақысын жеті күн ішінде төлемесе, материалдар көлік бақылау органдарына жолданып жүр. Енді жеке тұлға отыз күн ішінде төлем жасамаса, іс соның ертесіне тиісті мекемелерге түседі.

Заңды тұлғалар үшін

Осы уақытқа дейін жеке және заңды тұлғаларге бөлек талап болмаған. Енді жеке механизм енгізіледі. Жаңа талапқа сәйкес, заңды тұлға есептік кезеңнен кейінгі айдың 20-сына дейін төлем...

Энергетика министрі Ерлан Ақкенженов санкцияға ұшыраған ресейлік «Лукойл» компаниясының Қазақстандағы активтері жайлы сұраққа жауап берді.

«Лукойл» компаниясының активтерін сату мерзімін АҚШ тарапы 2025 жылдың 13 желтоқсанына дейін белгілеген. Артынша мерзімді қарашаның ортасына дейін ұзартты. Сол себепті бұл мерзімдердің аяқталуын біз де күтіп отырмыз», – деді Ерлан Ақкенженов БАҚ өкілдерімен өткен брифингте.

Министрдің айтуынша, қазір Қазақстан тарапы «Лукойлдың» елдегі активтерін сатып алу бағытында ешқандай келіссөздерді жүргізіп жатқан жоқ.

«Бірақ білерім, әлемде өте көп компания қызығып отыр. Оның ішінде АҚШ-тың да, көрші елдердің де компаниялары бар. Сондықтан артын күтейік. Қазақстанда табиғат пайдалану туралы...

Биыл көлік саудасының көрігі қызып тұр. «Қазақстанның Автокөлік Одағының» (ҚАО) мәліметіне сәйкес, қараша айында елде 25 804 жаңа жеңіл автокөлік пен коммерциялық техника сатылған. Бұл өткен жылдың осындай кезеңімен салыстырғанда 22,7%-ға жоғары көрсеткіш. Сонымен қатар айлық сатылым жағынан абсолюттік рекорд орнатып отыр.

Жалпы 2025 жылдың 11 айында қазақстандық дилерлер 207 616 жаңа автокөлік сатқан. Бұл өткен жылмен салыстырғанда 15,6%-ға көп және елдегі ресми авторитейл тарихындағы ең жоғары нәтиже болып отыр.

ҚАО президенті Анар Мақашеваның айтуынша, қарашада тіркелген сатылымға назар салсақ, отандық автонарықтың қарқынды дамып келе жатқанын көрсетеді.

«Қараша айында ресми дилерлер 25 мыңнан астам жаңа автокөлікт...

«Шахтер» футбол клубы ресми түрде жекешелендірілді. 15 желтоқсанда Қарағанды қаласында Freedom Holding Corp. пен Қарағанды облысының әкімдігі арасында өңірде кәсіби футболды дамытуға бағытталған меморандумға қол қойылды.

Іс-шараға Freedom Holding Corp. бас атқарушы директоры Тимур Турлов пен Қарағанды облысының әкімі Ермағанбет Бөлекпаев қатысты. Бұған дейін Freedom Holding Corp. компаниясының «Шахтер» футбол клубын сатып алғаны белгілі болған еді.

Футбол клубтарын жекешелендіру президент Қасым-Жомарт Тоқаевтың тапсырмаларын іске асыру аясында жүзеге асырылып отыр. «Шахтер» клубын Freedom Holding Corp. меншігіне беру барлық заң талаптарына сәйкес өтті. Атап айтқанда, мүлікті кешенді бағалау жүргізіліп, қоғамдық тыңдаулар ұйымдастырылғаннан кейін ғана клуб сауда-саттыққа шығарылған.

Құттықтау сөзінде Тимур...

«ҚазТрансОйл» 2025 жылдың аяғына дейін Қырғызстанға 30 мың тонна мұнай экспорттауды көздеп отыр. Көрші ел қараша айында ғана қазақ мұнайын сатып ала бастады. Бұл туралы Kusiv.Media ҚТО мәліметіне сүйене отырып хабарлады.

Ресейдің орнына Қазақстанды таңдады

Қырғыз үкіметі соңғы рет Қазақстаннан шикі мұнайды 2017 жылы сатып алған. Сегіз жылға созылған үзілістен кейін көршілер қазақ мұнайын пайдалана бастады.

Осы уақытқа дейін Қырғызстанның мұнай өнімдеріне ішкі сұранысының шамамен 90%-ын Ресей өтеп келген. Енді Бішкек Қазақстаннан шикі мұнай сатып алу арқылы өз елінде өңдеу көлемін арттыруды көздеп отыр.

Шикізат қытай зауытында өңделеді

Қырғызстанның бірнеше мұнай өңдеу зауыты бар...

Қырғызстан ресейлік әнші Валерий Меладзенің концертін өткізуге тыйым салды. Бұл шешімге Ресеймен қатынасты бұзып алмау себеп болған деп жазады Kaktus.Media.

Концерттің өтпейтіні жайлы медиаменеджер, продюссер Павел Рудченко айтқан.

«Кейбір елдер, бұл жағдайда Қырғызстан Ресеймен саяси шиеленістің ушығуын қаламайды. Сахнадан саяси ұран айтып қалуы немесе көпшілік алдында сол ұранды қолдауы мүмкін әртістермен жұмыс істеуге олар ниетті емес. Мұның бәрі Ресеймен қарым-қатынасты ушықтырмау үшін жасалады», – деді ол.

Бірақ бұл ақпарат ресми түрде расталған жоқ. Азаттықтың хабарынша, Қырғызстанның Мәдениет министрлігі концерт өтпейтіні жайлы ақпаратты білмейтінін мәлімдеді.

Әртістің өзі де бұл...

2025 жылдың қаңтар-қараша айларында Қазақстандағы ішкі сауда өсімі баяулады. Halyk Finance сарапшылары сауда қарқыны одан әрі баяулайды деген болжам жасайды.

Ұлттық статистика бюросының деректеріне сәйкес, саладағы жылдық өсім 8,8%-ды құрады. Көтерме және бөлшек сауданың да қарқыны бірдей баяулады. Бұл үрдіс нақты табыстың төмендеуі, тұтынушылық кредиттің баяулауы және Ұлттық қордан бөлінетін трансферттердің қысқаруымен тікелей байланысты.

Ішкі сауданың экономикадағы орны қандай?

Ішкі сауда Қазақстан экономикасындағы ірі секторлардың бірі саналады. Оның жалпы ішкі өнімдегі үлесі 16,7%-ға жетеді. Сондықтан бұл саладағы динамика елдің жалпы экономикалық өсіміне тікелей әсер етеді және макроэкономикалық болжамдар үшін маңызды индикатор болып отыр.

...

Испанияның атақты «Барселона» футбол клубының жаңа иесі пайда болуы мүмкін. Бұл туралы испандық журналист Франсуа Галлардо әлеуметтік желіде хабарлады. Дереккөздің мәліметінше, каталондық клубты Сауд Арабиясының тақ мұрагері Мұхаммед ибн Салман сатып алғысы келді.

Мәміленің болжамды құны шамамен 10 млрд еуроға бағаланып отыр. Егер бұл келісім жүзеге асса, «Барселона» қазіргі таңда 2,5 млрд еуроны құрайтын қарызын толық өтеуге мүмкіндік алады.

Айта кетейік, Испания чемпионатының 17-турында «Осасунаны» 2:0 есебімен жеңген «Барселона» турнир кестесіндегі көшбасшылығын нығайта түсті. Қазіргі таңда команда қоржынында 43 ұпай бар.

Энергетика министрі Ерлан Ақкенженов Украина әскерінің Каспий құбыры концорциумына жасалған шабуылдан Қазақстан тарапы 100 млн долларға жуық шығынға ұшырағанын мәлімдеді.

Kursiv.Media тілшісінің сұрағына берген жауабында министр шығындар жайлы былай жауап берді.

«Көлемі жағын мен айттым. Ол – 500 мың тоннаға жуық. Ал шығындар жайлы айтар болсақ, республикада 100 млн долларға жуықтайды. Серіктестерден шығындар 70 млн доллардай, бірақ ол ақпаратты нақтылау керек», – дейді министр.

Министр мұнай тасымалының балама бағыттары қарастырып жатқанын мәлімдеді. Қосымша бағыттар ретінде бәрі білетін Қазақстан-Қытай мен Атырау-Самара бағыттары барын, қосымша Германияға да мұнай жеткізілетінін мәлімдеді.

Айта кетейік, бұған дейін Үкімет Каспий құбыр...

15 желтоқсанда Астана қаласындағы мектептерде екінші ауысымда оқитын 0-9 сынып оқушылары қашықтан оқуға жіберілді. Бұл туралы Kursiv.Media елорда әкімдігінің мәліметіне сүйене отырып хабарлады.

Түстен кейін мектепке жоғары сынып оқушылары ғана келетіні туралы хабарламаны қалалық білім басқармасы таратқан.

«2025 жылғы 15 желтоқсан күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады», – делінген басқарма мәліметінде.

«Қазгидромет» мәліметінше, Астана қаласында дүйсенбі күні жел екпіні 30 м/с-қа дейін күшейіп, боран болады.

Елорда оқушылары бұған дейін де бірнеше мәрте сабақты қашықтан оқыған. Оған қолайсыз ауа райы мен тұмаудың өршуі себеп...