Жаңалықтар

150 мың шетелдік студент 2029 жылға дейін Қазақстанда білім алуы мүмкін. Бұл қазіргі көрсеткіштен бес есе көп.

Еuronews ақпаратына қарағанда, Қазақстан алдына аймақтық білім беру хабына айналуды мақсат етіп қойған.

Орталық Азиядағы білім сұранысы

Шетелдік студенттерді тарту үшін жаһандық университеттермен серіктестік орнатып, ИИ мен инновацияларды қолданып жатыр.

Қазақстан жоғары білімге деген сұранысты өтеуді мақсат етеді. Оның үстіне, Орталық Азия мен Еуразиядағы жастар санының артып келеді.

Қазақстан билігі осыны пайдаланып, елге төрт жылға дейін 150 мың шетелдік студент тартуды көздеп отыр.

Қай елдерден студенттер келеді?

Қазірдің өзінде шетелдік студенттердің басым бөлігі Үндістаннан келіп оқуда...

Калифорния соты азаматтардың деректерін заңсыз жинағаны үшін Google-ға 314 млн доллар көлемінде айыппұл салды. Бұл туралы Bloomberg басылымы хабарлады.

Басылымның хабарлауынша, Google компаниясы Android қолданушыларының ұялы деректерін пайдаланушылардың келісімінсіз жинаған. Бұл шешімді Калифорнияның Сан-Хосе қаласындағы алқабилер соты тұтынушылардың ұжымдық шағымы бойынша қабылдаған.

Сот келтірген мәліметтерде Google компаниясы Android құрылғыларының пайдаланушыларынан Wi-Fi желісіне қосылмаған сәттерде де деректерді жинақтап отырған. Ақпарат компания серверлеріне жіберіліп отырған. Деректердеі жинақтау кезінде пайдаланушылардың мобильді интернет трафигі жұмсалған. Яғни компания тұтынушыларының ақшасы есебінен деректер жинап отырған.

Бұл деректерді компания қандай мақсатта пайдаланған?

Google бұл деректерді коммерциялық мақсатта пайдаланған. Әсіресе нысаналы жарнама қызметін...

ҰҚШҰ ұйымға мүше елдердегі кез-келген қауіпке тойтарыс береді. Бұл туралы ҰҚШҰ бас хатшысы Иманғали Тасмағамбетов Sputnik Қырғызстан тілшісіне берген сұхбатында айтан.

«ҰҚШҰ-ның әскери әлеуетіне жедел ден қою күштері, бітімгершілік және авиациялық бөлімшелер, сондай-ақ өңірлік топтар кіреді. Бұл кез келген агрессияны тойтарып, ықтимал тәуекелдерді жедел тоқтатуға жеткілікті», – деді Тасмағамбетов.

Сонымен бірге ұйының бас хатшысы қандай бағыттардағы сын-қатерлерге үйым тарапынан жауап берілетінін тізіп шыққан. Айтуынша, терроризм, экстремизм, есірткі бизнесі, заңсыз көші-қон, азық-түлік пен ресурстар тапшылығы, биоқауіпсіздік және киберқауіпсіздік сынды сын-қатерлерге қарсы ұйымда жаттыығулар өтіп тұрады.

«Бұл сын-қатерлерге қарсы тұру үшін...

Исламдық қаржыландыру – шариғат талаптарына сай келетін экономикалық қатынастар жүйесі. Дәстүрлі несие беруден айырмашылығы – исламдық модельде бірнеше талап бар. Біріншісі, риба (пайыздық мөлшерлеме) тыйым салынған, белгілі бір уақыт үшін қосымша табыс алуға болмайды. Екіншісі, спекуляция болмауы керек. Үшіншісі, негізгі принциптер сақталуы керек. Ол адал сауда, әріптестік және пайда мен тәуекелді әділ бөлу.

Автокөлік сатып алу кезінде жиі қолданылатын құрал – мурабаха. Бұл қаржы ұйымы автокөлікті өзі сатып алып, клиентке алдын ала келісілген үстеме бағамен бөліп сату механизмі.

Ол қалай жұмыс істейді?

Алматыда Қазақстан төтенше жағдайлар министрлігінің авиациясы Ресей және Беларусь ТЖМ бақылаушыларының қатысуымен ауқымды өрт-тактикалық оқу-жаттығу өткізді.

Оқу-жаттығудың мақсаты:

Оқу-жаттығу жоспарына сәйкес шартты өрт 35 қабатты тұрғын үй кешенінде болған.

«Жедел ден қою және төтенше жағдайды жою мақсатында әртүрлі тактикалық құралдар, соның ішінде өнімділігі жоғары сорғылары бар мамандандырылған автомобильдер, өрт мотоцикл экипаждары, сондай-ақ әуе күштері-өрт тікұшағы тартылды...

Елде жаңа көлік саудасы қызып тұр. Бұған Қазақстан автокөлік одағының ай сайынғы ақпараты айғақ.

Ресми дилерлермен қатар, сұр дилерлер де Қытайдан түрлі модельдерді тасып, нарықтан өз үлесін алуда. Солардың қатарында елде ресми сатылмайтын Toyota Corolla Cross моделінің көбейгені аңғарылады.

Kolesa.kz сайтында бүгінгі күні аталған модельді сату бойынша 27 хабарландыру жарияланған. Көбі көлікті әкеліп, рәсімдеу процестерінен өткізіп, қолға кілтті беруге дайын. Қазақ нөмір алған Corolla Cross құны 11 млн теңгеден басталып, жиынтығы мен сатушының тәбетіне қарай 14 млн теңге дейін саудаланып жатыр. Арасында тапсырыс арқылы істейтіндер де бар.

Сенімділігінің арқасында аталған жапон бренді көптің көңілінің төрінен орын тапқалы қашан. Ал...

Ақын Төреәлі Төлепов ұлы Төреғали Төрәліге әлеуметтік желіде үндеу жолдағандай жазба жариялап, әнші баласын өнерге оралуға шақырды.

Өнерлі әке тілегін өлең жолдары арқылы жеткізген. Оның мән-мағынасына қарағанда ұлының әншілікті доғалғалы жатқанын жаңалықтан естігенге ұқсайды.

«Жаңалықты оқып ап, не дерімді?
Сенбесімді білмедім сенерімді.
Бірдеңені тоқтатам деп қойыпсың
Көп жастар алар еді сенен үлгі.
Ақылыңды тоқтатсаң жарар ұлым
Мен саған беріп келем берерімді.
Алла берген тоқтатпа өлеңіңді
Алла берген тоқтатпа өнеріңді!!!», – делінген әкенің балаға жолдаған үндеуінде.

Бұған дейін, әнші Төреғали Төреәлі өзінің Instagram парақшасында әншілік мансабына нүкте қойғанын меңзейтін жазба жариялаған. Ол қара фонда жазылған қысқа ғана мәтінде «…Болды. Мен бәрін тоқтаттым. Сахна. Камера. Ән. Жарық. Келес...

Ресейдің атом энергетикасы саласындағы мемлекеттік компаниясы – «Росатом» Түркияда салынып жатқан құны 25 миллиард доллар болатын атом электр станциясындағы 49% үлесін сатуға қатысты келіссөздер жүргізіп жатыр, деп хабарлады Bloomberg агенттігі.

Бұл туралы «Росатомның» Аккую станциясына жауапты еншілес компаниясының директорлар кеңесінің төрағасы Антон Дедусенко Стамбулда өткен Атом электр станциялары көрмесі мен саммиті аясында агенттікке берген сұхбатында айтқан.

«Электр энергиясын өндіретін алғашқы блокқа жақындаған сайын, бізге қызығушылық танытқан инвесторлар саны арта түсуде», – деді ол.

2018 жылы «Росатом» үлесін сату әрекеті сәтсіз аяқталған. Ол кезде түрік консорциумы Cengiz Holding AS, Kolin Insaat Turizm Sanayi ve Ticaret AS және Kalyon Insaat Sanayi ve Ticaret AS келісімшарттың коммерциялық шарттары бойынша ортақ мәмілеге келе...

Әлемдегі ең ірі мұнай өндіруші 10 елдің бірі саналатын Қазақстанда мұнай өндірісі өткен айда қайтадан өсе бастап рекордтық деңгеймен теңесті. Бұл туралы Reuters агенттігі өзінің дереккөзіне сілтеме жасай отырып мәлім етті.

Басылым Chevron компаниясы басқаратын Теңіз кен орнында өндіріс артқанын, бұл өсімнің негізгі себебі болғанын атап өткен.

«Қазақстан ОПЕК+ белгілеген өндіріс квоталарын жиі асыра өндіріп жатыр. Бұл жағдай кейбір қатысушы елдердің наразылығын тудырып отыр. Дереккөздердің айтуынша, мұндай әрекеттер ОПЕК+ өндірісін жоспардан тыс жедел арттыруға итермелеген, өйткені ұйым нарықтағы үлес үшін күресіп, ережені бұзғандарды төмен баға арқылы «жазалауға» тырысуда», – деп жазады басылым.

Басылым дерегінше маусым айында Қазақстанда шикі мұнай өндірісі мамырмен салыстырғанда 7,5%-ға өсіп, тәулігіне 1,88 миллион баррельге жеткен. Бұл наурыз...

Жаркенттегі әскери гарнизонда қайтыс болған капитан Дархан Дәулеттің анасы Назгүл Дошибекова мемлекеттік айыптаушының жарыссөзде айтқанына келіспейді. Әйел майор мен үш сарбазды өмір бойына бас бостандығынан айыру қажет деп санайды.

Айта кетейік, бұған дейін мемлекеттік айыптаушы Саят Баймұсаев сотталушыларды 12 жылдан 16 жылға дейінгі мерзімге бас бостандығынан айыруды сұрады.

«Ұйымдасқан қылмысты мойындамай отыр. Ұлым таза, адал бала болды. Өте қарапайым болатын. Ұлымды не үшін азаптап өлтіргенін білмейміз. Майор ұйымдастырып отыр. Жіп алып шығыңдар, лауазымына қарамаңдар, тысқары жерге тастаңдар деген. Соны сарбаздар асыра орындап отыр. Жастардың бойында аса қатыгездік бар. Бұл – қоғамның кінәсі. Прокурор сарбаздарды 12-13 жылға, майорды...

2025 жылғы маусымда Қазақстанда жылдық инфляция деңгейі 11,8% болды. Бұл — мамырдағы 11,3%-дан жоғары. Яғни, елдегі баға өсімі бір ай ішінде тағы да үдеген.

Ұлттық статистика бюросының дерегі бойынша, маусым айында тауар мен қызмет бағасы орта есеппен 0,8%-ға қымбаттаған.

Жыл ішінде ең қатты қымбаттаған – ақылы қызметтер. Бұл санатқа коммуналдық төлемдер, көлік, білім беру, денсаулық сақтау сияқты қызметтер кіреді. Маусымда олар 16,1%-ға өсті. Салыстыру үшін, мамырда бұл көрсеткіш 16% болған.

Азық-түлік бағасы да шарықтап барады. Маусымда олардың жылдық өсімі 10,6% болды (мамырда — 9,6%). Ал азық-түлік емес тауарлар (киім-кешек, тұрмыстық техника және т.б.) 9,4%-ға қымбаттады.

Республика бойынша жет...

Егістігі аптап ыстықта қурап кетудің аз алдында тұрған Талғар шаруалары мен тұрғындардың шағымына Су ресурстары министрі Нұржан Нұржігітов жауап берді.

Үкімет сағатынан кейін өткен брифингте KursivMedia журналисі екі айдан бері суармалы сусыз қалып отырған Талғар маңындағы ауыл тұрғындарының шағымын жеткізді. Шаруалар Р2 каналындағы апатқа байланысты егістіктерін суғара алмай отырғанын, апап ыстықта егістіктері қурап кетуді аз алдында тұрғанын айтып, БАҚ-тарға хат жолдаған болатын.

Министр шаруаларға баламалы арналар арқылы су жіберіліп жатқанын мәлімдеді.

«Алматы облысында жергілікті атқарушы органдар Р1 және Р2 каналдарын жаңғырту жұмыстарын жүргізіп жатыр. Бүгінгі күні шаруа қожалықтарына айналма канал арқылы су беріліп...

Ақтөбе облысының қылмыстық істер жөніндегі мамандандырылған ауданаралық сотында жаппай төбелес фактісі бойынша сотталушыларға ауыр жазалар шығарылды.

Істің мән-жайы

2024 жылғы 27 мамырда Ақтөбе қаласында айыпталушылар Н., Қ. және Д. кәмелетке толмаған інілерінің арасындағы жанжалды желеу етіп, жәбірленуші М.-нен және басқалардан 300 мың теңге немесе iPhone 13 талап еткен. Олар бас тартқан жағдайда қару қолданып, пышақ жарақатын саламыз деп қорқытқан.
 
2024 жылғы 28 мамыр күні түн ортасында «М» базарының автотұрағында айыпталушылар мен жәбірленушілер – барлығы 32 адам кездескен. Әңгімелесу барысында сотталушылардың бірі жәбірленушілер жаққа үш рет оқ атқан.
Содан кейін С., С-1 және Б. есімді сотталушылар екі ВАЗ автокөлігімен қашып...

Toyota Motor компаниясы 1 шілдеде Жапонияның ішкі нарығына Toyota Prius PHEV гибридінің жаңа арнайы нұсқасын ұсынды.

News.drom ақпаратына қарағанда, үлгінің атауында Night Shade деген белгі бар. Қазақша – «Түнгі көлеңке» деген сөз.

Стильдік ерекшелігі

Жаңа нұсқаның стандартты үлгісінен бірнеше стильдік ерекшелігі бар.

Сыртқы көрінісіне келсек:

– бамперлерге орнатылған жылтыр қара жапсырмалар,

– дәл сол түстегі жеңіл қорытпалы дискілер,

– қара түсті эмблемалар мен шильдиктер,

– есік тұтқалары.

Ғарыш түсі

Жүксалғыш есігінде арнайы серияның белгісі орналасқан. Ол ғарыштан қарағандағы Жердің қара-көк бейнесі түрінде жасалыпты.

Атап айтқанда Toyota Prius PHEV салонында:

– алдыңғы спорттық орындықтар (механикалық реттеу),

Өзбекстан инвесторларға бірегей мүмкіндік ұсынады Бұл туралы инвестиция тарту жөніндегі агенттіктің басшысы Мансуржон Расулаев Kursiv Uzbekistan ұйымдастырған «Капитал нарығы: инвестициялаудың жаңа мүмкіндіктері» конференциясында мәлімдеді.

Оның айтуынша, геосаяси тұрақсыздық аясында инвесторлар портфельдерін әртараптандыру үшін жаңа бағыттар іздеп жатыр. Олар тұрақтылық пен тартымды жағдайлар ұсынатын елдерді таңдайды. Алайда, дәстүрлі макроэкономикалық көрсеткіштерді талдау Өзбекстанның басты артықшылығын бірден көрсете алмайды.

«Біздің басты ерекшелігіміз – Өзбекстан экономикасын ашу үдерісін жақында ғана бастады. Біз әлі де Дүниежүзілік сауда ұйымының мүшесі емеспіз, бұл инвесторлар үшін бірегей мүмкіндік терезесін ашады. Бүгінде жаһандық картада ұқсас мәртебесі мен келешегі бар елдер жоқ деуге болады...

«Қазақстан темір жолы» ұлттық компаниясын уақытша Ерлан Қойшыбаев басқарады. Ол басқарма төрағасының міндетін атқарушы болды.

ҚТЖ басшысын әлі ресми түрде тағайындау болған жоқ.

«Ішкі нормативтік құжаттарға сәйкес, логистика жөніндегі басқарма төрағасының орынбасары ҚТЖ басшысының міндетін уақытша атқарады», – деп хабарлайды баспасөз қызметінен.

ҚТЖ-ның бұрынғы басқарма төрағасы Нұрлан Сауранбаев маусымда көлік министрі болып тағайындалған еді. Бұрынғы көлік министрі Марат Қарабаев мемлекет басшысы Қасым-Жомарт Тоқаевтың сынынан кейін қызметінен босады.

Ал «ҚТЖ» қазіргі басшысы Ерлан Қойшыбаев саясаткер Даниал Ахметовтың қызы Аделя Ахметоваға үйленген. Даниал Ахметов 2014-2023 жылдар аралығында Шығыс Қазақстан өңірінің әкімі болған ед...

Әлеуметтік желіде ойын алаңында әйелдің балаға қоқан-лоқы көрсеткен сәті түсірілген видео тарады. Оқу-ағарту министрлігі Балалардың құқықтарын қорғау комитеті болған оқиғаға байланысты пікір білдірді.

Ведомствоның хабарлауынша, балаға тиісті медициналық көмек көрсетілді. Қазір оның жағдайы тұрақты.

«Оқиғаның барлық мән-жайын анықтап, тәрбиелік сипаттағы шаралар қабылдау мақсатында Кәмелетке толмағандардың істері жөніндегі комиссияның отырысы өткізілмек. Аталған факті бойынша қылмыстық іс қозғалды. Әйел адамның жеке басы анықталып, полиция тарапынан кәмелетке толмаған балаға...

Russia Today медиахолдингіне қарасты «Sputnik Әзербайжанның» Бакудегі кеңсесі тінтіліп, тағы жеті адам ұсталды. Бұл туралы жергілікті АПА агенттігі хабарлады.

Редакциядағы тінтуді Әзербайжан ішкі істер министрлігінің қызметкерлері жүргізген. Бұған қоса, ұсталған азаматтардың үстінен қылмыстық іс қозғалған.

«АПА-ға түскен мәліметке сәйкес, заңсыз кәсіпкерлік, алаяқтық, қылмыстан түскен пайданы заңдастыру баптары негізінде қылмыстық іс қозғалды. Екі адам ұсталды, тағы бес адам қылмыстық жауапқа тартылды», – деп жазды басылым.

Жергілікті полиция бір күн бұрын осы редакцияны тексеруге барған. Өйткені филиал аккредитациясы 2025 жылғы ақпанда тоқтаған. Соған қарамастан, медиа жұмыс істеп жатқаны тексеру барысында анықталған. Бір күн бұрын редакция...

1 шілдеден бастап Ресей Федерациясында биометриялық деректерін тапсырмаған шетел азаматтарының SIM-карталарын жаппай өшіру басталды. Бұл шектеу қазақстандықтарға да әсер етуде.

Ресейдің Цифрлық даму, байланыс және бұқаралық коммуникациялар министрлігінің баспасөз қызметінің мәлімдеуінше, қаулы күшіне енді. Енді біріңғай биометриялық жүйеде (ББЖ) тіркеуден өтпеген азаматтар ресейлік байланыс қызметтерін пайдалана алмайды.

«Егер сіз – шетел азаматы болсаңыз және 2024 жылға дейін рәсімделген ресейлік SIM-картаңыз болса, онда 2025 жылғы 1 шілдеге дейін биометрия тапсыруыңыз керек еді. Үлгермегендер байланыстан айырылу қаупінде тұр», – делінген ресейлік ведомствоның хабарламасында.

Өшіру кезең-кезеңмен жүзеге асырылады:

Қонаевта 15 млрд теңгеге ірі агроөнеркәсіптік кластер салынып жатыр. Жоба аясында ұн, май, жем өндірісі және экспорт жоспарланған.

Инвестициялық жобаны 2010 жылдан бері ұн, мал азығы және өсімдік майларын өндірумен айналысып келе жатқан «Қапшағай Бидай Өнімдері» ЖШС іске асырады.

Өндірістік қуаты

Agropress ақпаратына қарағанда, жобаның жалпы құны – 15 млрд теңге. Кластер құрамына бірнеше өндірістік бағыт еніп отыр. Атап айтқанда, ұн тарту өндірісі, май өндіру, құрама жем зауыты, қапшық шығаратын кәсіпорын.  Өндірістік қуаты – тәулігіне 1 500 тонна астық.

Жоба экспортқа бағытталған. Компания жыл сайын Қытайға 1 млн тоннаға дейін дайын өнім жеткізуді көздеп отыр.

Жыл басынан бері сақтандыру компаниялары 74,4 млрд теңге пайда тапқан. Дәл осы аралықта сақтандыру төлемі 40,7%-ға өсіп, 166,7 млрд теңгені құрады. Бұл Қаржы нарығын реттеу және дамыту агенттігінің хабарламасында жазылған.

Қазір елімізде сақтандыру секторында 25 сақтандыру ұйымы бар. Оның ішінде оны өмірді сақтандыру бойынша, 15-і жалпы сақтандыру бойынша жұмыс істейді.

2025 жылғы мамыр қорытындысы бойынша сақтандыру ұйымдарының активтері 0,8%-ға 3,4 трлн теңгеге ұлғайды.

Ең көп үлес бағалы қағаздарға – 71,8% (2,4 трлн теңге), екінші деңгейдегі банктердегі ақшалай қаражат пен салымдарға – 6,7% (225,1 млрд теңге), сақтандыру дебиторлық берешекке – 4,5% (151,2 млрд теңге) тиесілі.

«Сақтандыру...

Көшкін қаупі жоғары Алматының таулы аймақтарында инженерлік жұмыстар басталды. Бұл туралы Алматы қалалық әкімдігінің баспасөз қызметі хабарлады.

Баспасөз қызметінің мәліметінше, Алматы әкімі Дархан Сатыбалды қаланың көшкін қаупі бар учаскелерінде жүргізіліп жатқан жұмыстармен танысу үшін жауапты басқармалардың өкілдерімен жиын өткізген.

Сейсмикалық қауіпсіздік және жұмылдыру дайындығы басқармасының басшысы Ерік Жұмабай қала шегінде көшкін қаупі бар учаскелер анықталғанын, ол жерлерде төтенше жағдайлардың алдын алу үшін инженерлік жұмыстар басталғанынан айтты.

Жиынға қатысқан жауапты органдар мәліметінше, 2024 жылы Алматыда 28 көшкін қаупі бар учаске анықталып, оның 14-де аудан әкімдіктерінің қаржысы есебінен нығайту жұмыстары жүргізілген. Сонымен бірге басқа төртеуінде меншік иелері қала құрылысын бақылау...

Қазақстан қор биржасы (KASE) ниндекс екі күн қатарынан өсіп, 6018 пунктке жетті. Бұл – тарихи рекордқа (6026 пункт) өте жақын көрсеткіш. Индекстің көтерілуіне Halyk Bank, Kaspi.kz және «Қазақтелеком» акциялары негізгі үлес қосты.

Мысалы, бір күн ішінде:

Freedom Broker сарапшыларының айтуынша, Halyk Bank акциялары «үшбұрыш» деп аталатын техникалық шеңберден сенімді түрде шығып, жаңа биіктікке жеткен. Бұл ұзақ мерзімді өсуге жақсы белгі саналады. Сондай-ақ Банк ЦентрКредит акциялары да бір күнде 0,65%-ға өсті.

Соған қарамастан сарапшылар индекс алдағы күндері 5940–6030 пункт аралығындағы тар диапазонда қалыптасуы мүмкін дейді. Себебі баға өсуіне кедерг...

Сәрсенбі, 2 шілдеге валюта бағамы анықталды. Қазақстан қор биржасының (KASE) мәліметінше, 1 АҚШ доллары 519,29 теңге тұрады. Ұлттық валюта екі күннен бері аздап болса да нығайып жатыр.

Доллар қымбаттады

Үш апта бойы тұрақты түрде өсіп, шамамен 10 долларға көтерілген доллар бағасы өткен аптаның соңынан бері біршама тұрақтанды. Теңге бір тәулікте бар болғаны 0,43 тиынға нығайды. Ұлттық банк сәрсенбі үшін 1 долларды 519,29 теңге деп бекітті. Салыстырар болсақ, ай басында АҚШ валютасы 508 теңге болған.

Kurs.kz сайтының мәліметінше, Алматы қаласындағы ақша айырбастау пункттерінде бір доллар 519,7 теңгеден сатылып, 520,4 теңгеден қабылданып жатыр. Астана қаласындағы валюта саудасы – 522 және 516.

Криптовалюта

Bitcoin (BTC) қайтадан арзандап...