Жаңалықтар

Қызылордадағы колониядан Астанадағы Ұлттық нейрохирургия орталығына жіберілген ер адам аурухананың әрекеті заңсыз екенін дәлелдеп шықты. Жоғарғы соттың хабарлауынша, сот актісі күшіне енген жоқ.

Оқиға қалай басталды?

Түзеу мекемесінде жазасын өтеп жатқан сотталушы нейрохирургтың қорытындысы бойынша бел омыртқасына ота жасау үшін Астанаға жіберілген.

Орталық «Емдеуге жатқызу бюросы» порталы арқылы жоспарланған ауруханаға жатқызуды мақұлдап, операция жасайтын болған.

Сотталушы ем алу үшін конвоймен Астанаға жеткізілген. Алайда медициналық мекемеге келгеннен кейін, сотталғандарға мамандандырылған палата болмауына байланысты оны ауруханаға жатқызудан бас тартқан.

Сотталушы аурухананың бұл әрекетіне қатысты сотқа шағым түсірген.

Орталықтың әрекеті заңсыз

Бірінші сатыдағы сот істі қарап, Орталықтың бұл...

Душанбеде электросамокат пен электроскутерлердің автомобиль жолдары мен жаяу жүргіншілер аймақтарында жүруіне уақытша шектеу қойылды. Бұл шешім Душанбе халық депутаттары мәжілісінің шешіміне сәйкес қабылданған.

Қалалық милицияның хабарлауынша, шектеу Душанбенің барлық ауданына қатысты, тек арнайы белгіленген аймақтар ғана бұл тыйымнан босатылады.

Ресми мәліметте айтылғандай, мұндай шара электросамокаттар мен электроскутерлердің ретсіз қолданылуын азайту, олардың қатысуымен болатын жол апаттарын төмендету, сондай-ақ көлік қозғалысына және жаяу жүргіншілерге кедергіні жасамау мақсатында қабылданған. Бұл шектеу тиісті инфрақұрылым толық жасалғанға дейін күшінде болады.

Полицияның дерегінше, жыл басынан бері Душанбеде электроскутер мен электросамокат қатысқан 26 жол-көлік оқиғасы тіркелген. Нәтижесінде 3 адам қаза тауып, 24 адам әртүрлі дене жарақатын алған.

ЕуроОдақ елдерінің елшілері Ресейден мұнай мен газ импорттауға тыйым салу жөніндегі Еурокомиссия жоспарын мақұлдап, оны сыртқы істер министрлеріне қарауға жіберді. Reuters агенттігінің хабарлауынша, бұл мәселе 20 қазанда ЕО сыртқы істер министрлерінің отырысында талқыланады.

Негізгі мақсат — 2028 жылға дейін Ресей энергия ресурстарынан бас тарту
Құжатқа сәйкес, барлық ЕО елдері, оның ішінде Ресеймен энергетикалық тұрғыда тығыз байланысты Венгрия мен Словакия, ұлттық жоспарын жасап, ресейлік мұнай мен газдан біртіндеп бас тартуы тиіс. Бұл үшін Еуропалық заңнамаға өзгерістер енгізіледі.

Алғашқы ұсыныс бойынша толық бас тарту мерзімі 2028 жыл деп белгіленген, бірақ Bloomberg дерегінше, кей елдер бұл процесті 2027 жылдың басына дейін жеделдетуді талқылаған...

Netflix «Өте қызық жайттар» сериалын көріп болған соң Boggle  немесе Tetris ойнауды ұсынады. Компания сериал ғана емес, видеоойындар да болуы керек деп шешті. Бұл туралы Bloomberg хабарлайды.

Осы уақытқа дейін тұтынушылар видеойындарды смартфондармен ғана ойнай алатын. Ал Netflix оларды үлкен экранға шығарғалы отыр.

Компанияның бас директоры Грег Питерс стриминг сервисі алғаш рет ойындарды телевизорда да ойнауға мүмкіндік жасайтынын мәлімдеді. Netflix топ болып ойнауға болатын ойындарды ұсына алады. Олардың арасында Boggle Party , Pictionary: Game Night , Tetris Time Warp және Lego Party секілді танымал видеоойындар бар.

Бастапқыда ойындардың бәрі тегін болады. Lego Party әдетте 40 доллар тұрады, деп жазды агенттік.

Компания болашақта ойындарға да...

Қазақстанның бірінші ракеткасы Елена Рыбакина (WTA рейтингінде – 10-орын) Қытайдың Ухань қаласында өтіп жатқан WTA-1000 турнирінің алғашқы кездесуінде жеңіске жетті. Румыниялық Жаклин Кристианды (48-орын) сенімді түрде ұтып, келесі кезеңге өтті — 6:4, 6:3.

Бұл екі теннисшінің биылғы маусымдағы екінші кездесуi болды. Бұған дейін Рыбакина Кристианнан Монреаль турнирінде айқын басымдықпен басым түскен еді — 6:0, 7:6 (7:5). Бұл жолы есеп тартыстырақ болғанымен, Еленаның артықшылығы айқын сезілді.

Еске сала кетейік, бұған дейін Алматыда теннистен өтетін Almaty open турниріне қазақстандық теннисші Александр Бубликтің қатыспайтынын жазған едік.

Алтынның бір унциясы 4 мың доллардан асып кетсе, артынша күміс те қымбаттап, тарихи рекорд орнатты. 8 қазан, сәрсенбі күні күміс құны 3,5%-ға артып, бір унциясының бағасы  49,54 долларға дейін жетті.

Дегенмен 9 қазан, бейсенбіде, күміс бағасы біршама түсті. Қазір ол шамамен 48,88 доллардан саудаланып жатыр. Алтынның бір унциясы шамамен 4 025 доллардан сатылады.

Естеріңізге сала кетейік, 8 қазанда алтынның бір унциясының бағасы тарихта алғаш рет 4 мың доллардан асты. Қауіпсіз актив іздеген инвесторлар алтынды көптеп сатып алуға көшті. Әлемнің бас банктері де ертеңгі күнді ойлап, алтын қорын көбейтіп жатыр. Осының бәрі бағаға әсер етпей қоймайды.

Нарық заңы: сұраныс артқан...

9 қазан, бейсенбі күні, Израиль мен ХАМАС Газа секторында атысты доғаруға келіскен соң, әлем нарығында мұнай арзандай бастады. Brent маркалы мұнай фьючерстері 0,77%-ға төмендеп, бір баррелінің құны 65,86 долларға дейін түсті.

Америкалық West Texas Intermediate маркалы мұнай фьючерстері де 0,88%-ға арзандап, оның бір баррелінің бағасы 62 долларға дейін төмендеді.

АҚШ президенті Дональд Трамп Израиль мен ХАМАС атысты жоғаруға, кепілге алынған адамдарды босатуға келісті деп мәлімдеді. Ал Израиль премьер-министрі Биньямин Нетаньяху бейбіт келісімді мақұлдау үшін бейсенбі күні үкімет отырысын өткізетінін айтты.

Reuters мәліметінше, Газа секторындағы соғыс мұнай бағасының жоғары болуына әсер етіп келген. Өйткені инвесторлар соғыстың бүкіл Таяу...

Соңғы бір аптада қазақстандық медиа кеңістікте басы дауға қалған екі әйел болса, бірі – актриса Дариға Бадықова, екіншісі – кәсіпкер Жанна Кан. Киноның табысын бөліспеді деген күйеуінің айыбын Бадықова жоққа шығарды. Ал елге путиншіл спикерді әкелді деген Жанна Кан әлі үнсіз. Өзінің атына төгілген хейтке жауап қатпады. Даулы спикерлерді елге жинаған Жанна ханым кім? Қандай бизнесі бар? Толығырақ Kursiv.Media материалында.

Даудың басы неден басталды?

26 қыркүйекте Алматыдағы Республика сарайында өткен форумға ұйымдастырушылар спикер ретінде ресейлік Владимир Познер мен ментор, профессор Александр Ситниковты шақырды. Бар дау осыдан басталды.

Алматының төрінде отырған Ситниковтың «Путин 55 елге қарсы...

АҚШ Президенті Дональд Трамп Египетте өткен келіссөздер нәтижесінде Израиль мен ХАМАС Газа секторындағы қақтығысты тоқтату және тұтқындарды босату жөніндегі бейбіт жоспардың бірінші фазасын жүзеге асыруға келіскенін мәлімдеді.

«Израиль мен ХАМАС біздің бейбіт жоспарымыздың алғашқы кезеңіне қол қойды. Бұл дегеніміз, барлық тұтқындар жақын күндері босатылады, ал Израиль келісілген сызыққа өз әскерін қайтарады. Бұл ұзақ мерзімді және мәңгілік бейбітшілікке алғашқы қадам», — деп жазды Трамп өзінің Truth Social желісінде.

Трамп бұл күнді араб және мұсылман әлемі, Израиль мен АҚШ үшін «ҰЛЫ күн» деп атап, келіссөздерге атсалысқан Катар, Египет және Түркия биліктеріне алғыс білдірді.

Келіссөздерге Трамптың арнайы өкіл...

Шарттары қатаңдағанына қарамастан, «7-20-25» жеңілдетілген ипотекаға сұраныс әлі де жоғары.

Еске салайық,2025 жылдан бастап бағдарламаға қатысушы мен оның жұбайының (жұбайының) атында соңғы 18 айда тұрғын үйдің болмауы туралы шектеу күшіне енген болатын.

Жыл басынан бері қазақстандықтар 75,5 млрд теңгеге 4293 жеңілдетілген несие рәсімдеген, бұл жылдық лимиттің шамамен 75%-ын құрайды.

«Бағдарлама кестеге сай жүріп жатыр. 1 қазаннан бастап IV тоқсанға арналған лимит күшіне енді. Келесі жылы қатысушылар үшін оң өзгерістер күтілуде«, — деді Қазақстан тұрақтылық қорының бас менеджері Айбар Олжаев.

Бағдарлама бойынша тұрғын үйдің ең жоғары бағасы:

Швейцариядағы Халықаралық менеджментті дамыту институты (IMD) 2025 жылғы Дүниежүзілік бәсекеге қабілеттілік рейтингін жариялады. Бұл тізімде Қазақстан оң динамика көрсетіп, 69 елдің ішінде өз позициясын нығайтты.

IMD зерттеуі ұлттық экономикалардың тиімділігін төрт негізгі бағыт бойынша бағалап отыр. Оған экономиканың жағдайы, үкіметтің тиімділігі, бизнестің тиімділігі және инфрақұрылым кіреді.

Рейтинг мәліметтеріне сәйкес, Қазақстан іскерлік ортаны нығайту, мемлекеттік басқарудың ашықтығын арттыру және адами капиталды дамыту бағытында сенімді түрде алға жылжып келеді. Сарапшылардың айтуынша, соңғы жылдары елде саяси жүйенің болжамдылығын және ашықтығын арттыруға, кәсіпкерлікті қолдауға және мемлекеттік қызметтерді цифрландыруға бағытталған ауқымды реформалар жүргізілуде.

Аналитикалық қауымдастық өкілдері Қазақстанның IMD рейтингіндегі позицияларының жақсаруы жүйелі өзгерістердің нәтижесін көрсететінін атап...

Кәсіпкер Дана Қарағұсова американдық Blue Origin компаниясы ұйымдастырған New Shepard кемесімен суборбиталық ұшуға шықты.

Онымен бірге бортта бизнесмен Джефф Элгин, инженер Клинт Келли III, бірнеше стартаптардың негізін қалаушы Аарон Ньюман, украин кәсіпкері Виталий Островский және аты-жөнін жасырғысы келген тағы бір жолаушы бар.

Зымыран Астана уақытымен сағат 18:40-та Батыс Техастағы ғарыш айлағынан ұшты. Ұшу шамамен 10–12 минутқа созылады, кеме шамамен 100 километр биіктікке көтеріледі, бұл ғарыштың шартты шекарасы болып есептеледі.

Дана Қарағұсова Қазақстаннан ғарышқа турист ретінде ұшатын алғашқы әйел атанады. Кәсіпкер New Shepard кемесінің экипажы құрамына кірді. Америкалық Blue Origin компаниясы осымен 36-мәрте туристерді орбитаға алып шығады. 

11 қазанда Қытайда BYD Han Intelligent Driving Pilot Edition электр көлігінің таныстырылымы өтеді. Автокөлік жаңартылған дизайнмен және бұрынғыға қарағанда қуаттырақ қозғалтқыш жүйесімен жабдықталған.

BYD Han жаңа нұсқасы электрмен жүру қашықтығын екі есе арттырды

BYD Han Intelligent Driving Pilot Edition үлгісінің жаңартылған нұсқасы толық электр режиміндегі жүріс қорын 125 шақырымнан 245 шақырымға дейін ұлғайтты. Сонымен қатар аралас режимдегі отын шығыны бар болғаны 3,5 литрді құрайды (100 км-ге).

Электр қуатымен жүретін нұсқаның да көрсеткіштері жақсарды, енді ол 635 шақырымға дейін жете алады. Электр энергиясының шығыны 100 шақырымға 10,6 кВт/сағ.

Қазіргі үлгінің қозғалтқышы 115 кВт қуат пен 225 Нм айналдыру моментін беред...

Қазақстандықтар Италияға виза алу үшін құжат тапсыру мүмкін еместігін айтып. жаппай шағымдануда. Әсіресе, Алматы мен Астанадағы визалық орталықтарда бірнеше ай бойы бос слоттар жоқ екенін айтады. Бұл туралы Италияның бұрынғы вице-консулы, тіл мектебінің негізін қалаушы Әділ Руслан хабарлады.

Слоттар тек Атырауда ашылады

Оның айтуынша, көптеген студенттер мен оқытушылар құжат тапсыруға жазыла алмай жүр. Бос күндер пайда болған жағдайда, олар тек Атырауда ашылады, ал ол ірі мегаполистегілер үшін тым қашық.

«Адамдар жолға көп қаражат жұмсайды, ал кейбіреулер слоттар «таныс арқылы» сатылады дейді. Бұл – жай өсек емес, жүздеген отбасы бастан кешіп жатқан жағдай», — деп...

134 мыңға жуық қазақстандық қайтыс болғаннан кейін ағза доноры болу туралы шешім қабылдаған. Олардың ішінде шамамен 10 мың адам ғана келісім берген. 2025 жылы донор бола алатын 131 жағдайдың тек онында ғана туыстары ағзаны алуға рұқсат берген.

«Қазіргі уақытта халықтың қамтылуы 3%-ды құрап отыр. Өз еркін білдіре алатын азаматтар — 18 бен 62–65 жас аралығындағы адамдар. Бұл санатқа шамамен 10 миллион адам кіреді, яғни тағы осынша азамат таңдау жасау керек», — деді Республикалық трансплантация және жоғары технологиялы қызметтерді үйлестіру орталығының уақытша директоры Назгүл Жәнгелдина Орталық коммуникациялар алаңындағы брифингте.

Оның айтуынша, eGov.kz порталы арқылы шешім қабылдағандарды...

Қасым-Жомарт Тоқаев қаржы министрі Мәди Такиевті қабылдады. Ақорданың хабарлауынша, президентке республикалық бюджеттің орындалуы және мемлекет қаржысын цифрландыруды ілгерілету жұмыстары жөнінде баяндалды.

Мәди Такиевтің айтуынша, биыл республикалық бюджетке 21,6 трлн теңге көлемінде кіріс түскен.

Оның 15,2 трлн теңгесі – салық түсімі. Бұл өткен жылмен салыстырғанда 23,4% жоғары. Тоғыз айдың қорытындысы бойынша бюджет 101,6% орындалып, әлеуметтік бағыты сақталып отыр.

Мемлекеттік аудиттің нәтижелеріне келсек, 8 айда 791 тексеру жүргізіліп, 337,5 млрд теңгенің заңсыз жұмсалғаны анықталды.

«Президент мемлекеттік қаржының орнықтылығын қамтамасыз ету бойынша жүйелі жұмысты жалғастыру мен барлық әлеуметтік міндеттемені орындау керек екеніне тоқталды», – делінген ақпаратта.

Айта...

2025 жылғы химия саласындағы Нобель сыйлығын жапон ғалымы Сусуму Китагава, австралиялық Ричард Робсон және иорданиялық түбірі бар америкалық Омар Яги иеленді. Олар «металл-органикалық қаңқаларды» (metal-organic frameworks, MOF) жасау бойынша еңбектері үшін марапатталды.

Нобель комитетінің хабарламасында айтылғандай, ғалымдар молекулалардың ішкі кеңістігі бар ерекше құрылымын жасап шығарған. Сол кеңістіктер арқылы газдар мен басқа да химиялық заттар еркін өте алады. Мұндай құрылымдар ауадан су жинауға, көмірқышқыл газын ұстап қалуға, улы газдарды сақтауға немесе химиялық реакцияларды жылдамдатуға қолданылуы мүмкін.

Нобель комитетінің төрағасы Хайнер Линкенің айтуынша, «металл-органикалық қаңқалар» болашақта ерекше қасиеттері бар жаңа материалдар жасауға жол ашады.

Физиология және медицина саласындағы Нобель сыйлығы шеткі иммундық толеранттыққа қатысты революциялық жаңалы...

2025 жылдың бірінші жартысында Қазақстан мен Өзбекстанның сыртқы қарызы жаңа тарихи межеге жетті. Екі ел де халықаралық нарықтан қаржы тартуды жалғастырып отыр, алайда олардың қарыз құрылымы мен тәуекел деңгейі едәуір ерекшеленеді.

Қазақстанның сыртқы қарызы 173 млрд долларға жуықтады

Қазақстан Республикасының Ұлттық банкінің дерегінше, 2025 жылғы 1 шілдедегі жағдай бойынша елдің жиынтық сыртқы қарызы 172,8 млрд АҚШ долларын құрады. Жыл басындағы көрсеткішпен (170,5 млрд доллар) салыстырғанда шамамен 2,3 млрд долларға өскен.

Қарыздың шамамен үштен екісі жеке және квазимемлекеттік сектордың үлесіне тиесілі. Бұл – банктер, ұлттық компаниялар мен ірі өндірістік холдингтердің шетелдік несиелері мен облигациялық міндеттемелері. Мемлекеттік сыртқы қарызды...

Руслан Берденовке 5 рет оқ атып, жаралаған Ернар Жиембайдың қоғамдық қорғаушысы әрі әкесі кешірім сұрауға барғанда, жәбірленуші тарап атуға кім тапсырыс бергені жөнінде сұраған. Бұл туралы 8 қазан күні Шымкент қалалық сотында аппелияциялық шағымды қарау кезінде айтылды.

Жиембай Пірәлиевтің сотта айтуынша, Берденовке оқ атылғаннан кейін олар тапсырысты әкімдік берген бе деп сұрап, күдігін айтқан.

«Сот үкіміне дейін Берденов іске бір-ақ рет қатысты. Сотқа менің оған мың сұрағым бар дедім. «Ол келсін, сұрақ қояйын. 30 жастағы балам түрмеде отыр. Ол ешнәрсе істеген жоқ, оны менің балам ата салды ма? Мен соны анықтауым керек» дедім. Ол келмед...

Маңғыстау облысында әскери қызметші қаза тапты. ҰҚК Шекара қызметі мұны жазатайым оқиға деп атады.

Ресми ақпарат бойынша, әскери қызмет өткеріп жүрген әскери қызметші 7 қазанда Шекара қызметінің Маңғыстау облысы бойынша департаментінде қаза тапты.

Алдын ала мәлімет бойынша, әскери қызметші техникалық жұмыстар кезінде қауіпсіздік шараларын сақтамау салдарынан қаза тапқан.

Полиция қылмыстық іс қозғады, қосымша қызметтік тергеу жүргізіліп жатыр.

Бұған дейін Алматыда ҰҚК шекара қызметінің қатардағы жауынгері қайтыс болды. Әскери қызметші 5 қазанда Алматы облысында медициналық қамтамасыз ету бөлімшесінде қайтыс болған.

Nissan бұрын-соңды болмаған жаңа кроссовер Tekton-ның алғашқы суреттерін жариялады. Ресми мәлімдемеге сәйкес, жаңа үлгінің дизайны әйгілі Patrol жол талғамайтын көлігінен шабыт алған сыңайлы.

Жаңа модельдің техникалық сипаттамалары әзірге құпия сақталып отыр, алайда кейбір мәліметтерге сүйенсек, Tekton қайта өңделген Dacia Duster болуы мүмкін.

Tekton мен Duster-де қандай ұқсастықтар бар

Тизер суреттер арқылы кроссовердің алдыңғы бөлігінің дизайнын байқауға болады. Онда ерекше жарық элементтері, көлемді бампер және көлденең жолақты радиатор торы көзге түседі. Сондай-ақ артқы бөлігінде жарықдиодты жолақ пен спойлер бар.
Tekton мен Duster-дің сыртқы келбеті ұқсас. Екі кроссоверде де капот рельефі ұқсас, артқы дөңгелек аркалары кеңейтілген және алдыңғы есіктердің алдындағы элементтері бірдей...

2026 жылғы наурыздың аяғында «Эйр Астана» бас атқарушы директоры қызметіне түрік азаматы Ибрагим Жанлыел кіріседі. Ол әуе компаниясын ұзақ уақыт басқарған Питер Фостердің орнына келеді. Kursiv.Media жаңа басшы туралы мәлімет жинады.

Білімі

«Эйр Астана» әуе компаниясының ресми сайтында жарияланған ақпаратқа қарағанда, Ибрагим Жанлыел 1971 жылы туған. Ол – Түркия азаматы.

Жанлыел Мармара университетінде экономика бакалавры, сонымен бірге Босфор университетінде MBA дәрежесін алған. Кейін Ұлыбританиядағы Крэнфилд менеджмент мектебінде директорды дамыту бағдарламасын аяқтаған.

Мансабы

Қызметтегі мансабын 1994 жылы туризм менеджменті саласында бастаған. Содан кейін KLM, Northwest Airlines және Alitalia сияқты әуе компанияларды басшылық қызмет атқарған.

Жанлыел «Эйр...

Қаржы нарығын реттеу және дамыту агенттігі (ҚНРДА) банктерді құтқару үшін арнайы қор құрылмайтынын мәлімдеді. Дегенмен, егер жүйе үшін маңызды банкті құтқарам деп мемлекет шығынға ұшыраса, сол шығынды өтеу үшін бүкіл екінші деңгейлі банктерден міндетті жарна алынатын болады. Бұл қаражат, алдын ала болжам бойынша, Қаржы министрлігінің арнайы шотына аударылмақ.

Бұл туралы Қазақстанның миноритар акционерлер қауымдастығы ҚНРДА мен нарық қатысушыларының кездесуіне сілтеме жасап хабарлады. Агенттік банк жүйесіндегі маңызды банктердің тізімін жарияламайтынын атап өткен. Себебі мұндай ақпарат өтімділіктің ауысуы мен нарықтағы дүрбелеңге әкеп соғуы мүмкін.

Жаңа механизмге қатысты кейбір сарапшылар сын пікір білдіріп, реттеуші тарапынан бұл мәселе кеңінен талқыланбағанын айтқан болатын.

Мәжілісмен Бақытжан Базарбек үлескерлерді сан соқтырып кететін құрылыс компанияларының әрекетіне қатысты пікір білдірді. Депутат сондай-ақ жаңа қала құрылысы кодексіне жосықсыз құрылыс компанияларының реестрін енгізуді ұсынды.

Депутаттың айтуынша, кейбір құрылыс компаниялары азаматтарды алдап, қомақты қаржыға шығынға ұшыратып, оларды баспанасыз қалдыруда. Соның салдарынан қарапайым халық жапа шегіп отыр.

«Кейбір құрылыс салушылар жер телімдерін сатып алып, оларды ПДП түзетусіз, рұқсатсыз игере салады. Осылайша адамдарды алдап отыр. Мұндайға қатаң шаралар қажет», – деді депутат.

Базарбектің айтуынша, сот шешімінен кейін мұндай құрылысшылар «жосықсыз құрылыс салушылар» тізіміне енгізілуі тиіс. Ол бұл бастаманы депутаттар корпусы қолдайды деп үміттенеді және кодекске нақты бақылау...