Жаңалықтар

АҚШ президенті Дональд Трамп Жапониядан экспортталатын көліктерге салынатын баж салығын 15%-ға дейін төмендету туралы жарлыққа қол қойғаннан кейін, 5 тамыз күні жапон автоконцерндері мен автоқосалқы бөлшектер жеткізушілерінің акциялары қымбаттады. Бұл шешім қор нарығындағы оптимизмді күшейтіп, жапон автоөндірісінің экспорттық әлеуеті артады деген үмітті нығайтты.

Биржадағы өсім

Токио қор биржасындағы саудада Toyota Motor Corp. акциялары 3,1%-ға қымбаттады. Nissan Motor Co. Құнды қағаздары – 2,4%-ға, ал Mazda Motor Corp. – 2,2%-ға өсті. Сондай-ақ ірі қосалқы бөлшек өндірушілерінің бағалы қағаздары да жоғары динамика көрсетті: Denso Corp. пен Aisin Corp. акциялары 1,5-2% аралығында өскен.

Nomura Securities талдаушысы Такэси Катоның айтуынша, бұл жаңалық жапон...

Қырғызстанның Қауіпсіздік жөніндегі мемлекеттік комитеттің төрағасы Камчыбек Ташиевтің ашу үстінде қарамағындағы қызметкердің телефонын тартып алып, лақтырып жіберген сәтінің видеосын жарияланды.

Телеарнаның мәліметінше, оқиға Ташиев Нарын аудандық ауруханасына барған кезде болған.

Ташиев медициналық мекеменің ескі ғимараттарын бұзып, олардың орнына төрт қабатты екі жаңа корпус салуды, сондай-ақ аумақты көгалдандыруды тапсырды. Оның айтуынша, қаржыландыруды президент Садыр Жапаровтың тұрақтандыру қоры қамтамасыз етеді.

Талқылау барысында Ташиев тапсырманы түсінген-түсінбегенін нақтылау үшін аудандық ҰҚК бөлімінің басшысына жүгінді. Алайда оның телефонға алаңдап отырғанын көріп, құрылғыны беруін талап етіп, кейін оны лақтырып жібереді.

«Мен сендердің орталарыңа кіріп, жұмыс істеп беруім керек пе? Құрылысты дереу...

Orbis Auto автомобиль тобының құрылымына кіретін Қазақстандағы ZEEKR премиум-класты электромобильдердің ресми дистрибьюторы жаңа ZEEKR 7X электркроссоверінің сатылымының басталғаны туралы хабарлады. Жаңа көлік Standard, Long Range және Performance нұсқаларында 22 190 000 теңгеден басталатын бағамен қолжетімді.

«ZEEKR – бұл жүргізуші мен жолаушылардың жайлылығына бағынатын батыл дизайн, инженерлік дәлдік және цифрлық технологиялар қосындысы үйлесімін тапқан премиум электромобильділіктің жаңа стандарты. Біз Қазақстанда модельдік қатарды кеңейтуді және сервистің толық циклін дамытуды жалғастырудамыз. Біздің мақсатымыз – электр көлігіне көшуге дайын адамдар үшін ZEEKR-ді таңдау мүмкіндігін беру», – деп атап өтті Қазақстандағы ZEEKR дистрибьюция директоры Мухамед Джалилов.

Қазақстандық нарық үшін...

ҚР Сыртқы істер министрі Мұрат Нұртілеу Украина СІМ басшысы Андрей Сибигамен телефон арқылы сөйлесті. Екі жақты әңгіме Украина тарапының бастамасымен болып отыр.

Әңгіме барысында тараптар екіжақты және көпжақты форматтардағы ынтымақтастықтың қазіргі жағдайы мен даму перспективаларын талқылап, өзара қызығушылық тудыратын түрлі салаларда оны одан әрі нығайтуға ортақ мүдделілік білдірді.

«Мұрат Нұртілеу өңірдегі тұрақтылықты нығайтуға ықпал ететін халықаралық құқық қағидаттарына негізделген берік бейбітшілікке қол жеткізу жолындағы дипломатиялық күш-жігерді жалғастырудың маңыздылығын атап өтті»,– деп хабарлады СІМ.

Бұған дейін бұқаралық ақпарат құралдарында Қазақстанның Сыртқы істер министрі, кәсіпкер Гаджи Гаджиев және бірнеше ҰҚК қызметкері ұсталды деген ақпарат тараған...

Қазақстан мен Өзбекстан бірлескен әскери жаттығулар өткізуге келісті. Жоба келісімін Премьер-министр Олжас Бектенов мақұлдады.

Құжатқа сәйкес, Қазақстан мен Өзбекстанның жаттығулары екі ел аумағында кезекпен өтеді. Оларға құрлық әскерлері, авиация мен арнайы техника қатысады. Тараптар әскери колонналардың шекарадан өту тәртібі, оқу-жаттығу полигондарын пайдалану, медициналық және техникалық қамтамасыз ету мәселелері бойынша келісімге келді.

Келісім бес жыл мерзімге жасалған және автоматты түрде ұзартылып отырады. Құжаттың күші тараптардың бірі одан бас тартатынын ресми мәлімдегенге дейін сақталады. Билік өкілдері мұндай шаралар армиялар арасындағы өзара іс-қимылды пысықтап, өңірлік қауіпсіздікті нығайтуға ықпал ететінін атап өтті.

Бұған дейін Қарағанды облысының әкімдігі тұрғындарды оқу-жаттығу жұмыстарына байланысты әскери техниканы...

Қазақстандық лоукостер FlyArystan Алматы мен Қытайдың Инин (Құлжа) қаласы арасындағы әуе бағдарын кеңейтуде.

2025 жылдың қазан айынан бастап рейстер аптасына үш рет – сейсенбі, бейсенбі және жексенбі күндері орындалады. Қазіргі таңда бұл бағыт бойынша ұшақтар аптасына екі рет қатынайды.

«Қытайдың Шыңжаң-Ұйғыр автономиялық ауданында орналасқан Инин қаласының Қазақстанмен тарихи және мәдени байланысы терең. Мұндағы ірі қазақ диаспорасы мен туристер ағынының артуы бұл бағытты сұранысқа ие етіп отыр», – делінген компания хабарламасында.

Алматы – Инин (Құлжа) бағыты 2025 жылдың 18 мамырында іске қосылып, екі ел жолаушылары арасында тез арада танымалдыққа ие болған еді. Қосымша рейстер мәдени...

Президент Қасым-Жомарт Тоқаевтың шақыруымен 9-10 қыркүйек күндері Қазақстанға Конго Демократиялық Республикасының Президенті Феликс Чисекеди мемлекеттік сапармен келеді.

«Сапар аясында жоғары деңгейдегі келіссөздер жүргізіліп, екіжақты ынтымақтастықты дамыту перспективасы талқыланады»,– деп хабарлады Ақорда.

Еске салайық осыған дейін Қасым-Жомарт Тоқаев Екінші дүниежүзілік соғыстағы Жеңістің және жапон басқыншылығына қарсы күрестің 80 жылдығына орай ұйымдастырылған әскери парадты тамашалау үшін Бейжіңдегі Тяньаньмэнь алаңына барған болатын.

Қаржы мониторингі агенттігі Қазақстанда жүктілік пен босану бойынша жәрдемақылар мен атаулы әлеуметтік көмекті заңсыз төлеу схемасын әшкереледі.

Ведомствоның мәліметінше, 2024–2025 жылдары келтірілген залал көлемі 1,2 млрд теңгені құраған.

Жалған жұмыс орындары мен қолдан жасалған аударымдар

Негізгі схема жүктілік пен босану бойынша жәрдемақыларға қатысты болған. Ол үшін жалған жеке кәсіпкерліктер құрылған, сол жерге әйелдерді өткен күнмен жұмысқа орналастырған. Ұйымдастырушылар қағаз жүзінде әлеуметтік және зейнетақы аударымдарын көп мөлшерде жасап, жәрдемақыларды бірнеше есе артық есептеткен. Осылайша 385 әйел заңсыз төлем алған, ал мемлекетке шамамен 1 млрд теңге залал келген.

«Мысалы, Ақтөбе облысында Үмірбекова мен Баймұрзаева...

Экономикалық қылмысқа және сыбайлас жемқорлыққа қарсы күрес агенттігінің бұрынғы төрағасы Қайрат Қожамжаровқа қатысты сотқа дейінгі тергеп-тексеру басталды.

Бас прокуратураның баспасөз қызметі хабарлағандай, бұл іс оның лауазымдық өкілеттіктерін асыра пайдалану және басшылық лауазымдарда болған әртүрлі кезеңдерде қылмыстық жолмен алынған ақшаны заңдастыру фактілерін тексеру бойынша жүргізіледі.

«Барлық қылмыстық істер бойынша арнайы прокурорлардың жетекшілігімен жедел-тергеу топтары құрылды. ҚР ҚПК 201-бабына сәйкес өзге ақпарат жариялауға жатпайды»,– деп хабарлады Бас прокуратура.

Айта кетейік, Қайрат Қожамжаров өз мансабын прокуратура органдарында бастаған, кейін 2012–2014 жылдары қаржы полициясын басқарған. Ол сондай-ақ Ақмола облысының әкімі, президенттің көмекшісі және сыбайлас жемқорлыққа қарсы агенттіктің басшысы...

Грекияда демографиялық дағдарыс салдарынан жүздеген мектеп жабылу алдында тұр. Елден жастардың жаппай көшуі де айтарлықтай әсерін тигізіп отыр.

Қанша мектепке қара құлып салынады

2025–2026 оқу жылында 13 478 білім беру мекемесінің ішінен 721 мектеп уақытша жабылады. Олардың қатарында 324 бастауыш мектеп пен 358 балабақша бар. Мұндай шешім мектептерде ең аз оқушы санын (15 бала) жинай алмауына байланысты қабылданды.

Грекия Білім министрлігінің дерегінше, оқушылар саны шамамен 1,21 миллионға дейін қысқарған, бұл 2018–2019 оқу жылымен салыстырғанда 150 мыңға аз. Елдің кейбір шалғай ауылдық аймақтарында және аралдарында балаларға мектепке жету үшін күн сайын 80 шақырымға дейін жол жүруге тура...

Қазақстанда цифрлық мамандарға арналған Digital Nomad Residency бағдарламасы бойынша алғашқы ықтиярхат Алматы қаласында ресми түрде берілді. Оның алғашқы иесі Павел Филатов есімді азамат. Ол халықаралық тәжірибесі бар Senior Analytics & BI Engineer. Ол Қазақстанды өз кәсіби қызметін жалғастыру мен өмір сүруге қолайлы ел ретінде таңдаған.

Аталған бағдарлама Президент Қасым-Жомарт Тоқаевтың тапсырмасы бойынша 2025 жылдың қаңтарында іске қосылған болатын. Басты мақсат – әлемнің түкпір-түкпірінен ақылды технологиялар мен жасанды интеллект саласындағы жетекші мамандарды Қазақстанға тарту.

«Digital Nomad Residency – бұл жай ғана әкімшілік рәсім емес. Бұл Қазақстанның әлемдік цифрлық мамандарға ашық екенін көрсететін символдық қадам. Сонымен қатар, елд...

Bank of America-ның 1 қыркүйектегі есебіне сәйкес, Қазақстан дамушы елдер аймағындағы ең жылдам өсіп келе жатқан экономикалардың ондығына кіреді. Елдің ЖІӨ өсімі 5,7% деп бағаланып, 45 елдің ішінде 10-орынды иеленіп отыр.

Салыстырмалы түрде алсақ, Чехия – 39-орында (1,9%), Польша – 23-орында (3,3%), ал Өзбекстан – 9-орында (5,9%).

Фискалдық жағдайы салыстырмалы түрде қолайлы. Бюджет тапшылығы ЖІӨ-нің -2,7%-ын құрап, 16-орынға тұрақтаған. Бұл Польшаға (-6,2%, 38-орын) немесе Румынияға (-8,5%, 41-орын) қарағанда жақсы көрсеткіш.

Ал мемлекеттік қарыз деңгейі бойынша Қазақстан 2-орында, жалпы ішкі өнімнің 20,4%-ы, бұл көрсеткіш бойынша тек Кувейттен ғана қалып отыр. Тіпті мемлекеттік кіріске шаққандағы қарыз деңгейі – 145%, 17-орын...

Қазақстандағы демалыс қымбат курорттармен немесе люкс қонақүйлермен ғана шектелмейді. Соңғы жылдары туристердің көбі қолжетімді әрі жайлы демалысты іздей бастады. Елде тиімді бағамен демалу үшін не істеу керек? Әрине, ең бастысы – сапар бағытын алдын ала таңдап, уақытын дұрыс жоспарлап, үнемдеудің қарапайым тәсілдерін білу.

Қазақстан кең-байтақ ел: алып мегаполистерден тыныш таулы ауылдарға дейін, шексіз далалар мен тұзды көлдерден Каспий теңізінің жағалауларына дейінгі ерекше көріністерге көз тояды. Сондықтан мұнда әркім өз мүмкіндігіне қарай демала алады. Біреулер Алматы облысының таулы соқпақтарын таңдайды, біреулер Түркістанның тарихи орындарын көргісі келеді, енді бірі Бурабайдың сауықтыру аймағында тынығады немесе Маңғыстаудың ерекше табиғатын тамашалайды.

Алматы: қымбат...

Мәжіліс депутаты Асхат Аймағамбетов химиотерапияға қажет дәрілер туралы жазба жариялады.

Министрдің жазуынша, «Халық денсаулығы туралы» кодексте әрбір азаматтың тегін дәрімен қатар, қосымша төлем арқылы өзіне қажет дәріні таңдау құқығы айқын көрсетілген. Яғни, мемлекет белгілі бір дәріні тегін береді, бірақ егер науқас сол диагнозға арналған басқа – жиі түпнұсқа немесе бағасы жоғарырақ дәріні алғысы келсе, оның бағасындағы айырмашылықты өзі төлеп, сол дәріні алуға құқылы. Алайда бұл норма тек қағаз жүзінде қалды. Іс жүзінде ол толыққанды жұмыс істемейді.

«Бірнеше пилоттық жоба басталғанымен, үлесақы тетігі науқасқа дейін жетпей отыр. Адамдарға бұл жүйенің пайдасын көру мүмкіндігі берілмей келеді. Бұл...

«Қазавиақұтқару» тікұшағы қарт адамды Ақтоғай ауданынан Павлодарға шұғыл жеткізді. Бұл туралы төтенше жағдайлар министрлігі хабарлады.

Экипажы шұғыл медициналық рейсті орындап, 1959 жылы туған зейнеткерді өкпе артериясының тромбоэмболиясы диагнозымен арнайы медициналық көмек алу үшін Ақтоғай ауданынан Павлодарға жеткізген.

«Ұшу кезінде науқастың жағдайы дәрігерлердің тұрақты бақылауында болды. Ол Павлодардағы медицина қызметкерлеріне тапсырылғанға дейін оның жағдайы үздіксіз қадағаланды», – делінген ақпаратта.

Операцияны тәжірибелі экипаж мүшелері Саукинбек Керім, Әсілхан Азамат және Шахабаев Дәурен орындаған.

Қазақстанның халық әртісі Сапар Өтемісұлы дүниеден өтті. Қаралы хабарды мәдениет және ақпарат министрлігінің баспасөз қызметі жеткізді.

«Қазақстанның халық әртісі, «Парасат» орденінің иегері Сапар Өтемісұлының өмірден өтуіне байланысты туған-туыстары мен жақындарына, туған халқына қайғыра көңіл айтамыз», – делінген ақпаратта.

Сапар Өтемісұлы – 60 жылдан астам уақыт бойы өнерде жүрген әртіс.

«Өтемісұлы Жұмат Шанин атындағы академиялық қазақ драма театрының өсіп-ілгерілеуі жолында тынбай тер төккен ұлттық театр өнерінің шоқтығы биік тұлғалардың бірі. Ол жүздеген рөлі арқылы қазақ сахнасының өрісін кеңейтіп, көрерменнің жүрегіне жол тапқан шынайы өнер иесі еді», – делінген ақпаратта.

Шілдеде...

Алматы облысының аумағында бірқатар алаяқтық әрекеттер жасағаны үшін күдікті Қырғызстаннан экстрадицияланды. Бұл туралы Бас прокуратура хабарлады.

Тергеу барысында 2019-2022 жылдар аралығында қаскүнемнің алдын ала сөз байласу арқылы өзге адамдармен бірге өңірдегі ең ірі азық-түлік базарларының бірінде сауда бутиктерін сату сылтауымен азаматтарды жүйелі түрде алдап келгені анықталды.

«Алаяқтық әрекеттерінің салдарынан ол 11 кәсіпкердің жалпы 126 миллион теңге көлеміндегі қаражатын иемденген. Қылмыстарды жасағаннан кейін күдікті құқық қорғау органдарынан жасырынып, халықаралық іздеуге жарияланған», – делінген ақпаратта.

Биыл тамызда ол Бішкек қаласында ұсталды. Қазақстан Республикасы Бас прокуратурасының ресми сұрауы негізінде ол қылмыстық жауаптылыққа тарту үшін белгіленген тәртіппен елгее...

Қоғам белсендісі Санжар Бокаев Instagram парақшасында Алматыдағы жерасты өткелдерінің бірінде жұмысшылардың плиталарды жаппай сындырып жатқаны көрінетін видео жариялады.

Бұған таңғалған тұрғындар плиталардың жағдайы жақсы болғанын, оларды қиратудың еш қажеті жоқ екенін айтып жатыр. Жазба астына жазылған пікірлердің басым бөлігінде жұрт ашулы.

Алматы әкімдігі Kursiv. Media тілшісіне аталған өткел күрделі жөндеу жоспарына енгізілгенін хабарлады. Айтуларынша, мұнда соңғы рет осындай жұмыстар 2018 жылы жүргізілген. Сол уақыттан бері тұрғындар судың аққанына, баспалдақтардағы жарықтарға...

Алматыда жекеменшік мектептің 11-сынып оқушысы суицид жасады. Бұл туралы Курсивтің орыс тіліндегі редакциясы хабарлады.

Әлеуметтік желіде 17 жастағы қыздың қайтыс болғаны туралы ақпарат тарады. Желіде жасөспірім мұндай қадамға мектеп директоры мен директор орынбасарынан ұрыс естігеннен кейін барғанын жазып жатыр. Қыздың мектептен шығарылғаны айтылған. Бұған оқушының 1 қыркүйекке мектеп формасын киіп келмегені, көзіне қызыл линза тағып келгені себеп болған деп жазды.

Алматы полиция департаменті жасөспірімнің суицид жасағанына қатысты тергеу жүргізіліп жатқанын хабарлады.

«Аталған факт бойынша Медеу аудандық полиция басқармасы қылмыстық кодекстің «Өзін-өзі өлтіруге жеткізу» бабы бойынша қылмыстық іс қозғады. Оқиғаның мән-жайы анықталып жатыр», – деп хабарлады...

Қазақстан мен Ресейде қолданушылар YouTube жұмысына шағымданып жатыр. Downradar сервисінің деректері бойынша, қазір видеосервис өте баяу жұмыс істеп тұр.

Қазақстандықтар әлеуметтік желіде шағымданып, платформаны толыққанды пайдалана алмай отырғандарын жазған. Кей қолданушы сервис бұғатталып қалуы мүмкін деп алаңдап отыр.

Шымкенттегі №32 мектептің 9-сынып оқушысы өзіне-өзі қол салып қайтыс болды. Кеше марқұмның туыстары оның жаназасын шығарған. Марқұмның отбасы өлім себебін мектептегі әлімжеттіктен көреді. Ол ұялы телефонына 4 сыныптасының атын атап, енді ұра алмайтынын жазып қалдырған.

Оқиға қалай болды?

14 жастағы Өмірсерік Сұлтанбек отбасындағы бес баланың кенжесі. Ол 3 қыркүйек күні үй ауласындағы қорада өзіне-өзі қол салып, сабақ уақытында қыршынынан қиылды. Марқұмның асылып тұрған денесін жұмыстан келген анасы көрген. Қара жамылған отбасы екі күннен бері ес жия алмай отыр. Есеңгіреп қалған анасы сүткенжесінің сыныптастарынан әлімжетік көргеніне сенімді.

«Таңертең ақ көйлегін киіп, «Мама, давай» деп күліп...

Ұзаққа созылған жаңғырту жұмыстарынан кейін бұрынғы «Целинный» кинотеатры заманауи мәдениет орталығына айналып, келушілерді қабылдауға дайын. Kursiv LifeStyle Алматының жаңа көрнекті орны қалай жаңа кейіпке енгенін көрсетті.

Алдымен көзге түсетіні – негізгі кіреберістегі шымылдық пішінінде жасалған жаңартылған қасбеті. Ал қапталдарында көне петроглифтердің көшірмелері бейнеленген.

Ғимараттың бірінші қабаты бірнеше секцияға бөлінген. «Орта-1» залында кіреберіс, вестибюль мен кітапхана орналасқан. Мұнда концерттер, көрмелер және басқа да шаралар өтеді.

«Орта-1» қабырғасында бұрын «Целинныйды» безендірген Евгений Сидоркиннің сграффитосы сақталған. Бұрынғы қайта жөндеулер кезінде ол қатты бүлінген еді. Орталық өкілдерінің айтуынша, бұл ерекше жұмысты құрылысшылардың «жалқаулығы ғана құтқарған»: олар суретті қиратып тастамай, жай ғана гипсокартонмен жауып қойған...

Жүк тасымалын бақылайтын «Транзит» жүйесі іске қосылды. Бұл шешім 2025 жылғы 29 тамызда Қазғарыштың бұйрығымен қабылданды. Жүйені әзірлеген Ғарыштық техника және технологиялар институты енді оның тұрақты жұмысын қамтамасыз етіп, әрі қарай дамытуды жоспарлап отыр.

Ол заңсыз тасымалдың алдын алып, жолға кететін уақытты қыстартпақ. Сонымен қатар осы жүйе қызметінің арқасында бюджетке жүк тасымалынан түсетін салық көлемі артпақ.

Институттың айтуынша, жаңа жүйе Қазақстанның транзиттік әлеуетін күшейтіп, елді Еуразиялық көлік дәліздерінің негізгі буыны ретінде бекітуге көмектеседі.

Жоба толықтай институттың өз қаражатына жасалған. Сонымен бірге барлық ақпараттық қауіпсіздік талаптары сақталған.

Қазақстан бұған дейін тек жүк тасымалдайтын әуе компаниясын құратыны хабарлаған.

Ұлттық банк 4 банкнотты айналымнан шығарады. Қыркүйек айының аяғында 5000 теңгелік банкноттар толық айналымнан шығарылмақ. Бұл туралы Ұлттық банкке сілтеме жасап, Юрист «Параграф» Telegram арнасы хабарлады.

Ұлттық Банк ескі және жаңа 5 000 теңгелік банкноттардың қай мерзімге дейін қатар айналымда болатынын хабарлаған. Бекітілген кесте бойынша, бес мың теңгелік жаңа және ескі банкноттар 2023 жылдың 25 желтоқсанынан 2025 жылдың 24 қыркүйегіне дейін қатар айналымда болуы керек еді. Реттеуші бұл мерзімді ұзартпайды.

Сонымен бірге айналымға шығарылған жаңа 10 000, 2 000 және 1 000 теңгелік банкноттармен қатар, аталмыш номиналдағы ескі банкноттардың қай мерзімге дейін қатар айналымда жүретіні белгілі болды.