Жаңалықтар

Солтүстік Қазақстан облысы Жамбыл ауданы Петровка ауылының маңында Алаштың аса көрнекті қайраткері, жазушы-журналист, ұлт ұранының авторы Міржақып Дулатұлының құрметіне қойылған мемориалдық кешенді белгісіз біреулер бүлдіріп кеткен.

Мемориалдық кешеннің бүлінген суреттерін әлеуметтік желідегі парақшасында әдебиет тарихшысы, сыншы, алаштанушы Заңғар Кәрімхан бөлісті.

25 қараша – Міржақып Дулатұлының туған күні. Ақынның туғанына 140 жыл толып отыр. 1917 жылғы ІІ жалпы қазақ-қырғыз құрылтайы жиынынан соң, елді бүліншіліктен қорғау үшін жер-жерде әскерге жігіт жинау ісі басталған. Міржақып Дулатұлы жанында атақты заңгер Айдархан Тұрлыбайұлы бар екеуі Қызылжар маңындағы Аққұсақ деген жерде (Әлти қажы Барлыбай баласының қонысы) төтенше жиын ашады. 1918 жылғы шілдеде өткен бұл...

Түркістан облысы Сарыағаш ауданы Ақжар ауылында жеке тұрғын үйде бір отбасының 7 адамы уланып қалды. Облыстық төтенше жағдайлар департаментінің мәліметінше, ақау үйді жылыту пешінен шыққан. Көмір толық жанбай, көмір қышқыл газ үй ішіне тарап кеткен. Нәтижесінде үй ішінде болған 7 адам уланып, аруханаға түскен. Олардың 5-еуі – бала.

Облыстық денсаулық сақтау басқармасы иіс тиген бір отбасынан шыққан 7 адам Сарыағаш орталық ауруханасына жеткізілгенін растады.

«Алдын ала тексерістен кейін, әкесі үйіне қайтарылды. Бес бала дәрігерлердің бақылауына қалдырылды, жағдайлары қанағаттанарлық. Аналары да балаларымен бірге ауруханада. Қазіргі уақытта балалардың жағдайы тұрақты, дәрігерлердің толық бақылауында» делінген басқарма хабарламасында.

Үй...

26 қарашада таңертең Алматыда Сейфуллин даңғылындағы өрт салдарынан қаланың төменгі аудандарындағы көшелерде көлік кептелісі пайда болды.

Автокөлік жүргізушілер өрт шыққан ауданда түсірілген суреттерді жариялап жатыр. Қозғалыс қиындағанын алматылықтар да хабарлап үлгерді.

«Өрт қаланың төменгі жағын тұралатып тастады. Жұмысқа жете алмай тұрғанымызға бір сағаттай болды», – деп жазды алматылық тұрғын.

Естеріңізге сала кетейік, сәрсенбі күні таңертең Сейфуллин даңғылы бойында орналасқан жеке үй аумағында дүкен, монша және техникалық қызмет көрсету орталығы өртенді. Құтқарушылар өртті таңертең сағат 08:30 шамасында сөндірді.

Өрт қаланың Сейфуллин және Успенский көшелерінің қиылысқан тұсындағы ауданда шыққан.

Төтенше жағдайлар министрлігі жариялаған

Бұрын құқық қорғау және сот органдарында жұмыс істегендер мектепте сабақ беруі мүмкін. Оқу-ағарту министрлігі бұйрық жобасын әзірлеп, талқылауға шығарды, деп хабарлайды KursivMedia.

Келешекте олар «Құқық негіздері» пәнінен сабақ бере алады. Алайда ол үшін белгіленген талаптарға сай болу керек.

«Енгізілетін өзгерістер мен толықтырулар құқық қорғау және сот органдарында жұмыс істеген, сондай-ақ басқа да мамандықтар бойынша білімі бар және педагогикалық қайта даярлаудан өткен адамдарға білім беру ұйымдарына «Құқық негіздері» пәнінің мұғалімі және педагог-кәсіби бағдар беруші лауазымына орналасуға мүмкіндік береді», – делінген сипаттамада.

«Ашық НҚА» порталында жарияланған бұйрық жобасы 10 желтоқсанға дейін талқыланады.

Ақтөбе облысында контрабандалық жолмен 8 млрд теңгенің мұнай өнімдерінің ұрланғаны анықталды.

ҚР ІІМ баспасөз қызметінің мәліметінше, екі өңірде ұйымдастырушылардың нұсқауымен шамамен 60 тонна мұнай өнімін заңсыз тасымалдаған жүк көліктерінің жүргізушілері ұсталды.

Тінту кезінде қосымша 400 тонна мұнай өнімі, атыс және газ қарулары мен заңбұзушылықтарды растайтын құжаттар табылған.

«Басқа қылмыстық іс шеңберінде шетелге мұнай өнімдерін контрабандалық жолмен шығару арнасына тартылған компанияның қызметі тексерілуде. Алдын ала деректер бойынша кәсіпорын құны шамамен 8 млрд теңгені құрайтын 30 мың тоннадан астам жанармайды экспорттаған«,– делінген ведомтво хабарламасында.

Қазан айында шекара маңындағы теміржол бекеттерінің бірінде аталған компанияға тиесіл...

Түркістанда азаматтарды жалған жұмысқа орналастыру бойынша құйтырқылық жасалып, мемлекетке 49 млн теңге залал келтірілді.

Түркістан қаласында субсидияланған жұмыс орындарына орналастырылған азаматтардың жалақысын төлеуге бөлінген бюджет қаражатын жымқыру дерегі бойынша айыптау үкімі шықты.

Тергеуді Түркістан облысы бойынша ҚМА департаменті жүргізді.

Агенттің ақпаратынша, «Еңбек мобильдігі орталығы» ШЖҚ МКК-ның бұрынғы директоры, «Жұмыс берушілерді қолдау» бөлімінің қызметкері және бірнеше коммерциялық ұйымдардың басшылары азаматтарды субсидияланатын жұмыс орындарына жалған орналастыру арқылы бюджет қаражатын заңсыз алу схемасын ұйымдастырған.

«Орталықтың қызметкері кәсіпкерлердің электронды цифрлық қолтаңбаларын пайдаланып, мемлекеттік бағдарламаларға қатысу үшін жалған лауазымдарды көрсетіп, өтінімдер жіберген. Өтінімдер мақұлданғаннан кейін жұмысқа қабылдау туралы бұйрықтар рәсімделген...

25 қарашада Маңғыстау облысында аммиак пен селитра өндіретін «ҚазАзот» зауытында жарық сөніп, Ақтау аспанын сары түтін торлады. Бұл туралы жергілікті Лада басылымы жазды.

Басылым мәліметінше, құрамында химиялық заттар бар сары бұлтты куәгерлер видеоға түсіріп алды.

Маңғыстау облысы экология департаментінің мамандары оқиға орнына барып, ауа құрамын тексерді.

«Мониторинг барысында атмосферада ауаны ластайтын заттардың шекті мөлшерден аспағаны анықталды. Жағдай тұрақталды», – деп таратты басқарма.

Экологтар мәліметінше, өндіріс аймағында жарық сөніп қалуына байланысты №1 агрегат жұмысы тоқтаған.

«Акционерлік қоғамға қатысты жоспардан тыс тексеріс тағайындалды. Нәтижелері қосымша хабарланады», – деп хабарлады

Оқу-ағарту министрлігінің жанынан білім беру саласына жасанды интеллекті енгізу жөніндегі жұмыс тобы құрылды. Бұл туралы ведомствоның баспасөз қызметі хабарлады.

Министрліктің мәліметінше, мемлекет басшысының орта, техникалық және кәсіптік білім беру жүйесіне жасанды интеллект элементтерін енгізу жөніндегі тапсырмасына сәйкес ауқымды технологиялық трансформациялау басталған.

Жұмыс тобының алғашқы отырысын өткізген Оқу-ағарту министрі Жұлдыз Сүлейменова эксперттік қауымдастықпен отандық IT мамандардың ЕdTex саласындағы инновациялық шешімдері мен ұсыныстарын тыңдауға дайын екенін жеткізді.

«Мемлекет басшысы Қасым-Жомарт Тоқаевтың бастамасымен елімізде алғаш рет қабылданған «Жасанды интеллект туралы» заң технологиялық дамудың жаңа кезеңін айқындайды. Жаһандық бәсекеге қабілетті, озық ойлы, білімді, жаңашыл, адал азамат тәрбиелеу үшін...

26 қараша, сәрсенбі күні сағат 22:45-те Чемпиондар Лигасының жалпы кезеңіндегі бесінші тур аясында «Қайрат» – «Копенгаген» матчы өтеді. Ойынның тікелей трансляциясы Qazaqstan телеарнасынан тамашалауға болады.

Алғашқы төрт турды қорытындылаған алматылық клубтың еншісінде бір ғана ұпай бар. «Қайрат» кипрлік «Пафоспен» 0:0 есебімен тең ойнап, өзге кездесулерде португалиялық «Спортингтен» 1:4, мадридтік «Реалдан» 0:5 және италиялық «Интерден» 1:2 есебімен жеңіліп қалды.

Дәл осындай жағдай даттық «Копенгагенде» де байқалады: олар да төрт матчта бір ұпай ғана жинады. Команда Германияның «Байерімен» 2:2 есебімен тең түсіп, қалған ойындарда әзербайжандық «Карабахқа» 0:2, немістің «Боруссиясына» 2:4 және ағылшындық «Тоттенхэмге...

Ұлттық қауіпсіздік қызметінің шекара қызметі Ақтөбе облысы «Жайсаң» автокөлік өткізу пунктінде он шетелдікті анықтап, оларға қатысты тергеу басталды.

23 қарашада жүк көлігін тексеру барысында шекара жасағы құрылыс материалдары арасына жасырынға 10 шетелдік азаматты тапқан.

Оларға қатысты қылмыстық кодекстің 24 (қылмыстық дайындалу және қылмыстық оқталу) және 394-баптары (заңсыз көші-қонды ұйымдастыру) бойынша сотқа дейінгі тергеу басталды.

Сондай-ақ ҰҚК осындай құқық бұзушылықтар қылмыстық жауаптылыққа әкелетінін ескертіп, азаматтарды шекара арқылы заңсыз өту схемаларына қатыспауға шақырды.

Айта кетейік, бұған дейін ҰҚК деструктивті діни ағымдардың 6 жақтаушысын ұстады. Олар Алматы, Ақтөбе, Қонаев және Шымкент қалаларында терроризмді насихаттады деген күдікке ілінген.

Қытайдың PowerChina компаниясы энергетика жобаларын тиімді жүзеге асыруға арналған цифрлы платформасын таныстырды. Энергетика министрлігі мен қытай компаниясы бірлескен зерттеу орталығын құрады. Бұл туралы Қазақстанның энергетика министрлігі хабарлады.

Министрлік басшысы Ерлан Ақкенженов PowerChina Chengdu компаниясының өкілдерімен кездесті. Басқосуда цифрландыру, «ақылды» құрылыс және жасыл энергия көздерін дамыту үшін ынтымақтастық орнату мүмкіндігін талқылады.

«Кездесуде қытай тарапы жел электр кешені (ЖЭК) және энергетикалық құрылыс бағыттарына арналған PowerChina-ның цифрлық шешімдерін ұсынды», – делінген ресми мәліметте.

Цифрлы технологиялар Қытайда және басқа да елдерде жүздеген электр кешенінде қолданылады.

Энергетика министрлігі мен PowerChina компаниясы 2025 жылғы маусымда ынтымақтастық туралы меморандумға қол...

АҚШ Президенті Дональд Трамп Ресей мен Украина арасындағы соғысты тоқтату мәселесінде «ауқымды прогреске» қол жеткізгенін мәлімдеді. Енді өзінің арнайы өкілі Стив Уиткоффқа Мәскеуде Президент Путинмен кездесуге жібермекші.

АҚШ дайындаған бастапқы 28 тармақтық бейбіт жоспар екі жақтың қосымша ұсыныстарымен нақтыланып, тек бірнеше шешілмеген тармақ қалды.

«Бейбіт жоспар бойынша жұмысты аяқтау мақсатында мен өзімнің арнайы елшім Стив Уиткоффқа Мәскеуде президент Путинмен кездесуді тапсырдым. Сонымен қатар, армия министрі Дэн Дрисколл Украина тарапымен кездесу өткізеді», – деді Трамп.

Президент Трамп қол жеткізілген барлық прогресс туралы оған вице-президент Джей Ди Вэнспен, Мемлекеттік хатшы Марко Рубиомен, Қорғаныс министрі Пит Хегсетпен және Ақ үй аппарат басшысы Сюзи Уайлспен бірге баяндап отыратынын айтты.

Трамп сонымен қатар...

Голливуд жұлдызы Брюс Уиллис отбасына ғана емес, медицина ғылымына да үлкен үлес қалдыруы мүмкін. Актёрдің жұбайы Эмма Хеминг-Уиллис күйеуі қайтыс болғаннан кейін оның миын ғалымдарға беруді жоспарлап отырғанын айтты. Бұл шешім маңдай-шекелік деменция дертін тереңірек зерттеп, болашақта басқа науқастарға көмектесу үшін жасалып отыр.

Эмма Хеминг бұл шешімді қабылдау оңай болмағанын жасырмады. Мұны «эмоционалды күрделі, бірақ ғылым үшін маңызды» деп сипаттады. Оның пікірінше, Уиллистің миын зерттеу – осы сирек дерттің себебін, әсерін және даму механизмін түсінуге жаңа мүмкіндік береді.

«Бәлкім, бір күні бұл басқа отбасыларға көмектесер», – деп жазады ол өз мемуарларында.

Актердің диагнозы және...

25 қарашада Чемпиондар лигасының 2025/26 маусымындағы жалпы кезеңнің бесінші турындағы басты ойындардың бірі өтті. Лондондағы «Стэмфорд Бридж» стадионында жергілікті «Челси» испандық «Барселонаны» қабылдап, кездесуді 3:0 есебімен сенімді түрде өз пайдасына аяқтады.

«Челси» шабуылда қарқынды ойын көрсетіп, үш гол соқты: Эстевао мен Делап көзге түссе, тағы бір гол «Барса» қорғаушысы Жюль Кунденің автоголы ретінде тіркелді.

Еске сала кетейік, бүгін Чемпиондар лигасы аясында алматылық «Қайрат» Данияда «Копенгагенге» қарсы ойнайды. Қазақстан уақытымен ойын 22:45-те басталады.

26 қарашада Астана уақытымен сағат 07:15-те Жетісу облысында жер сілкінді. Бұл туралы Төтенше жағдайлар министрлігі хабарлады.

Сарыөзек тұрғындары сезді

Дүмпуді министрліктің «Сейсмологиялык зерттеу институтына» қарасты сейсмикалық станциялары сезді.

Жер сілкінісінің ошағы Қазақстан аумағында, Алматы қаласынан солтүстік-шығысқа қарай 160 км жерде орналасқан.

Жетісу облысы Сарыөзек ауылының тұрғындары 2 балдық тербелісті сезді.

Зардап шеккендер мен қираулар туралы мәлімет түскен жоқ.

Жер сілкінісі кезіндегі 10 қарапайым қадам

Алматы қаласы Сейфуллин даңғылында дүкен, монша және техникалық қызмет көрсету станциясы өртеніп жатыр. Бұл туралы төтенше жағдайлар министрлігі хабарлады.

Министрліктің баспасөз қызметі өрт туралы мәліметті 26 қарашада таңғы сағат 8 шамасында таратты.

Нақтыланған мәліметтер бойынша, жеке тұрғын үй аумағында техникалық қызмет көрсету станциясы, монша және дүкен өртеніп жатыр. Өрттің ауданы анықталады. Құтқарушылар өртті жергілікті уақытпен сағат 08:32-де сөндірді.

Зардап шеккендер туралы ақпарат 112-ге түскен жоқ.

Оқиға орнында құтқарушылар жұмыс істеп жатыр.

Естеріңізге сала кетейік, 22 қарашада Қостанайда көпқабатты үйде шыққан өрттен бес адам, оның ішінде бір бала құтқарылды.

Ал 21 қарашада Өскеменде қорғасын зауытында...

Сұлулық индустриясында қазір өзгеріс өте көп. Әсіресе, стандарттар бұрын қалыптасқан түрінен мүлдем басқа. Олай дейтін себебіміз осыдан бес жылдай уақыт бұрын бетіне бес батпан бояу жағып, ұзын кірпік жабыстыру сән еді. Бүгінде бұл тренд ауысты. Қасты жұлмай, тек тарап, табиғи формасын сақтағанды құп көретіндердің қатары көбейді. Минимум макияж жасайды, әлеуметтік желіге сурет салғанда үстіне маска мен фильтр қоспайды. Агрессив косметикалық процедуралардан бас тартып, оның орнына күтімге көбірек мән береді. Осылайша қыз-келіншектер қазір бояусыз-ақ беті жылтырып, нәрленіп тұрса дейтін болды. Бұл тренд қалай пайда болды? Оны қалыптастырған экономикалық, технологиялық, әлеуметтік және мәдени процестерді талдайық.

Жасандылықтан және инста-фильтрлерден жұрт шаршады

TikTok...

Франция астанасы Париждің прокуратурасы Луврдағы ұрлыққа байланысты тергеу аясында тағы төрт адамды қамауға алғаны туралы мәлімдеді, деп хабарлайды France Info.

25 қарашада 31-40 жас аралығындағы екі ер адам мен екі әйел ұсталды, деп хабарлады прокурор Лор Бекко. Қазір күдіктілерден тергеушілер жауап алуда. Прокуратура ұсталғандарға қандай айып тағылатынын жария еткен жоқ.

Бұған дейін іс бойынша үш ер адам мен бір әйел ұсталған. Ер адамдарға ұйымдасқан тонау және сөз байласу, ал әйелге ұрлыққа қатысы бар деген ресми айып тағылды. Барлығы 10 жылға дейін бас бостандығынан айырылуы мүмкін.

Мұражайды тонау туралы тергеуді Париж полиция префектурасының бандитизм бригадасы және мәдени құндылықтардың заңсыз айналымына...

Маңғыстау облысы Бейнеу ауданы орталығында бейнебақылау камералары автомобиль апатын түсіріп алды. Полицияның патрульдік көлігі азаматтық көлікпен соқтығысқан. Полиция көлігіне соқтығысқан көлік рөлінде кәмелетке толмаға, жасөспірім отырған.

Өңірлік Lada.kz басылымының хабарлауынша, жол көлік оқиғасы 25 қарашада болған. Бейнебақылаудан рөлінде жасөспірім отырған Toyota Camry көлігі жоғары жылдамдықпен патрульдік көлікке соғылып жатқанын көруге болады.

Маңғыстау облысының полиция департаментінің хабарлауынша, көлікті 17 жастағы жігіт басқарған. Оның ата-анасы кәмелеттік жасқа толмаған адамды көлік рөліне отырғызғаны үшін, сондай-ақ, тәрбие міндеттерін тиісінше орындамағаны үшін әкімшілік жауапкершілікке тартылады.

Апат кезінде ешкім зардап шекпеген. ЖКО фактісі бойынша қызметтік тексеру тағайындалды.

СҚО, ШҚО және Абай облыстарында қар жауады деп болжануда. «Қазгидромет» 26 қарашаға ауа райы болжамын ұсынды.

Талдықорғанда патруль полициясы жасөспірімдіп құтқарып, көпірдегі қауіпті жағдайдың алдын алды. ІІМ хабарлағандай, «102» кезекші қызметіне көпірде қауіпті әрекет жасауы мүмкін жасөспірім туралы ақпарат түскен. Бұл жерге бірнеше патруль полиция экипажы жедел жіберілді.

Полицияның мәліметінше, қызметкерлер Серік Танабаев, Айбек Ұзақбай, Баян Әлімхан және Елдар Елубаев көпірге жедел келіп, жағдайды бақылауға алды. Полицейлер жасөспіріммен тыныш диалогқа түсіп, оған қажетті психологиялық қолдау көрсетті. Ведомствода Елдар Елубаев пен Серік Танабаевтың кәсіби әрекеттері жас жігіттің тынышталуына көмектескенін атап өтті.

Жасөспірім қызметкерлерге жақындауға рұқсат бергеннен кейін, ол қауіпсіз жерге ауысты және кейінірек кезекші психологтарға жеткізілді. Мамандар оған қажетті көмек көрсетті. ІІМ қазіргі уақытта оның өмірі мен...

2025 жылдың 25 қарашасында «Фридом Финанс» брокерлік компаниясына жала жабу фактісі бойынша ҚазТаг басылымына қарсы істі тергеу әрекеттері кешіккенін Kursiv.Media жазғаннан кейін, 17 күннен соң Алматы полициясы тергеуді бастады.

Kursiv.Media дереккөзі «ҚазТАГ» ХАА қызметкерлерінен көрінеу жалған ақпарат тарату фактісі бойынша жауап алу басталғанын хабарлайды. Басылымның Фридом Финансқа қатысты жала жабуы соңғы аптада күшейе түсті. Бұған дейін осы БАҚ-қа қатысты «Фридом Финанс» беделін түсіруге, іскерлік беделге нұқсан келтіруге және заңды қызметін тұрақсыздандыруға байланысты қылмыстық іс тіркелген болатын.

Қаржы талдаушысы Андрей Чеботарев жала жабу үшін заңға сәйкес жауап беру керек екенін айтты.

«Мен бұл процесті қызығушылықпен бақылап отырамын...

БҰҰ-ның Орталық Азиядағы адам құқықтары жөніндегі басқармасы Астанада азаптау мен қатыгез қарым-қатынастың алдын алу мәселелеріне арналған тақырыптық консультация өткізді. Бұл туралы БҰҰ кеңсесінің релизінде жазылған.

Кездесуді ашқан адам құқықтары жөніндегі аға кеңесші Элизабет да Коста азаптау қаупі «адам өмірінің қадір-қасиетін бұзады» және мемлекет пен азаматтар арасындағы сенімге нұқсан келтіретінін атап өтті.

«Азаптауды толығымен жоймай, ешқандай реформа сәтті бола алмайды», – деді ол.

20 қарашада Әділет министрлігінің және БҰҰ-ның Қазақстандағы Тұрақты үйлестірушісі кеңсесінің қатысуымен өткен консультация азаптаудың алдын алу саласындағы БҰҰ ұсынымдарын іске асыру жөніндегі нақты шараларды талқылау үшін жиналды. Диалогқа СІМ, ІІМ, Бас прокуратура, Жоғары...

Мәулен Әшімбаев машина жасау саласындағы сын-қатерлер мен перспективаларға арналған дөңгелек үстелге қатысты. Ол саланың осал тұстарына тоқталып, қалпына келтіру бойынша бірқатар шараны ұсынды.

Сенат Төрағасы Қарағанды облысы қуатты индустриялық базаның және металлургия саласымен тығыз интеграцияның арқасында еліміздегі машина жасау кешенінде көшбасшы орынға ие екенін атап өтті. Ол соған қарамастан, бірқатар өзекті мәселелер де бар екенін тілге тиек етті. Бұл қатарда импортқа тәуелділік, кадр тапшылығы, техникалық және цифрлық олқылықтар сияқты түйткілдер бар.

«Бүгінде елімізде Мемлекет Басшысы Қасым-Жомарт Кемелұлы Тоқаевтың бастамасымен машина жасау саласы белсенді дамып келеді. Осыған байланысты қазір бірқатар мәселені шешу маңызды. Олардың ең маңыздыларының бірі – қолжетімді қаржыландыруды қамтамасыз...