Жаңалықтар

Перизат Қайрат сот үкіміне апелляциялық шағым түсірмеген. Бұл туралы Қаржы мониторингі агенттігі төрағасының орынбасары Жеңіс Елемесов мәлімдеді.

БАҚ өкілдері агенттік төрағасы орынбасарынан «Қайрат бірінші сатыдағы сот үкімі шыққаннан кейін, адвокатымен бірге апелляциялық шағым түсіретіні айтылды. Бұл істі бақылап отырсыздар ма?» деп сұрады.

Елемесовтің айтуынша, агенттік бұл істі бақылап отыр.

«Қазірге дейін ешқандай өзгеріс жоқ. Апелляциялық шағым түссе, сіздер хабардар боласыздар», – деп жауап берді ол.

Сондай-ақ сотта Перизат Қайрат Алматы қаласының бұрынғы әкімі Бауыржан Байбектің атын атаған. Елемесов қорға түскен қаражатты иемдену бойынша басқа азаматтар анықталмағанын айтты.

«Қорға түске қаражатты...

Сенаттағы баспасөз алаңында Цифрлық даму, инновациялар және аэроғарыш өнеркәсібі вице-министрі Мәлік Олжабековке «Байқоңыр айлағының жалға берілу құнын көтеру ойда бар ма» деген сауал қойылды.

Қазақстан айлақты Ресейге жылына 115 млн долларға жалға береді. Бұл сома 90-жылдары келісілген шартта белгіленген. Журналистер одан бері 30 жылдан астам уақыт өткеніне назар аударып, жалға беру бағасын қайта қарау қажеттілігі жайлы сұрады.

Мәлік Олжабеков Байқоңырды жалға беру шарты 2053 жылға дейін ұзартылғанын, жалға беру бағасын көтеру қарастырылып отырмағанын жеткізді. Оның сөзінше, оған еш «себеп жоқ».

Бұған дейін, Байқоңырдағы жалға берілген жер аумағы қысқаруы мүмкін екені хабарланған.

2025 жылдың тамыз айында Қазақстанның Ұлттық қоры едәуір өсті. Қаржы министрлігінің есебіне сәйкес, қордағы қаражат 36 трлн теңгеден асқан.

Инвестициялық табыс себеп

Жыл басынан бері қорға жалпы 5,2 трлн теңге қаржы түссе, соның 2,5 трлн теңгесі – қорды басқарудан түскен инвестициялық кіріс. Ұлттық қордың активтері шетел валютасында сақталатынын ескерсек, халықаралық қаржы нарығындағы қолайлы жағдай инвестициялық кірістің өсуіне ықпал еткен.

Ад мұнай секторы ұйымдары төлейтін тікелей салықтар шамамен 2,74 трлн теңгені құраған.

Одан бөлек қорға корпоративтік табыс салығы есебінен 794,9 млрд теңге түскен. Өнімді бөлу келісімдері бойынша Қазақстанның үлесі – 799,5 млрд теңге.

8 айда...

Беларусь әншісі Макс Корж Алматыда 6 қыркүйекке жоспарланған концерті өтпейтінін мәлімдеді.

Өнерпаз Instagram желісінде жариялаған үндеуінде шоу қала билігінің шешіміне байланысты тоқтатылғанын түсіндірді.

«Біз қолдан келгеннің бәрін жасадық, бірақ жергілікті билік Алматыдағы концертті өткізе алмайтынын қатаң айтты», – деді Корж.

Әнші бұл жағдайдың Қазақстанға немесе жергілікті халыққа еш қатысы жоқ екенін ерекше атап өтті:

«Қазақстан – тамаша ел, адамдар да өте мейірімді. Маған көмектескісі келгендердің бәрі қолдау көрсетті».

Сонымен бірге әнші жанкүйерлерін демалысты тыныш әрі мәдениетті өткізуге, түрлі арандатушылықтарға берілмеуге шақырды.

Еске сала кетейік, бұған дейін Макс Корждың заңгер...

Сыртқы істер министрінің орынбасары Әлібек Қуантыров Руслан Берденовтің Қытайға не себепті барғанын нақты айта алмады.

Бұған дейін Шымкент әкімінің бұрынғы орынбасары Руслан Берденовтің Қытайда жүрген фотосы жарияланды. Желіде тараған фотода елдің Сыртқы істер министрі Мұрат Нұртілеу де бар.

Сенат кулуарында БАҚ өкілдері «Қытайға барған Қазақстан делегациясының арасында Руслан Берденовті де көрдік. Шымкент қаласы әкімінің бұрынғы орынбасары ол жерге кім ретінде қатысты?» деп сұрады.

«Сіз айтып отырған фотоны көрген жоқпын. Жеке тұлға ретінде, бизнес өкілі ретінде барған болар», – деп жауап берді министрдің орынбасары.

Айта кетейік, тамызда Руслан Берденов Шымкент қаласы әкімінің орынбасары қызметінен өз еркімен кетті.

Ал...

Абай облысында 584 шақырым жолды қайта жаңарту жүргізіліп жатыр. Сонымен қатар 250 шақырым жолға орташа жөндеу жұмыстары жүргізілмек.

«ҚазАвтоЖол» ақпаратына қарағанда, жылдар бойы қараусыз қалып, тас-талқаны шыққан тас жолдар ретке келтіріліп жатыр.

Мамандар жақында «Өскемен-Семей» бағытының бір бөлігін орташа жөндеуден өткізіп, жаңалап, қолданысқа берді.

«Бұл жол Абай облысы Шығыс Қазақстаннан бөлінгелі қараусыз қалған. Тәулігіне 6 мыңнан астам көлік қатынайтын республикалық трассада жұмыс келесі жылы да жалғасады», – дейді компания.

Сондай-ақ жылдар бойы құрылысы сағызша созылып кеткен «Қалбатау-Майқапшағай» күре жолында асфальт төсеу аяқталды.

Қоғам белсенділері мен мамандар салынған тас жолдардың сапасын жіті бақылап отыр. Жыл басынан бері 200-ден астам тексеру...

4 қыркүйек, бейсенбі күні Қазақстан құрамасы Астанада Уэльс командасын қабылдайды. Бұл кездесу футболдан 2026 жылғы әлем чемпионатының іріктеу турнирі аясында өтеді.

Ойынның тікелей трансляциясы Қазақстан уақытымен 19:00-де басталып, Qazsport арнасынан көрсетіледі.

Қазіргі таңда Қазақстан құрамасының қоржынында 3 ұпай, ал Уэльс командасында 8 ұпай бар.

Әли Әлиев шәкірттері бұл іріктеу кезеңінде Лихтенштейнді 2:0 есебімен ұтып, Уэльске (1:3) және Солтүстік Македонияға (0:1) жол берген болатын.

Қос құрама арасындағы алғашқы матч наурыз айында Кардиффте (Уэльс) өткен еді. Алаң иелері 3:1 есебімен басым түскен еді. Валлийлер сапынан Дэниел Джеймс (9-минут), Бен Дэвис (47) және Рабби Матондо (90) гол соқса, Қазақстан құрамасының жалғыз голын...

Нарықтағы 4 ірі банк прокуратураның мәлімдемесіне жауап берді. Бұл мәлімдемеде ірі банктердің бірнеше қызметкері ұйымдасқан қылмыстық топ құрғаны жазылған болатын.

2 қыркүйекте Ақмола облысының прокуратурасы қылмыстық топтың әрекеті туралы ақпарат жариялап, оған банктердің кейбір қызметкерлерінің қатысы барын айтқан. Алайда банктердің Қазақстан қаржыгерлер қауымдастығымен бірлесіп жасаған мәлімдемесінде прокуратурадан ресми құжат пен хабарлама алмағаны жазылған.

Қаржы ұйымдары бұл істің мән-жайы өздеріне белгісіз екенін, бірақ ресми құжаттар ұсынылса, тергеуге барынша қолдау көрсетуге дайын екенін мәлімдеді. Сондай-ақ банктер прокуратураға ресми сұрау жолдап, қосымша ақпарат беруді сұрап отыр.

Банктер өз қызметін заңға сай, ашық жүргізетінін және клиенттердің құқықтары мен мүдделерін қорғауды басты міндет...

Алматы облысының құтқарушылары Қапшағай су қоймасында қайықтан құлап кеткен ер адамды іздестіріп жатыр.

Оқыс оқиға 31 тамыз күні сағат 15:00 шамасында болған. «112» қызметіне Қапшағай су қоймасының 9-шы насос станциясы маңында қайық аударылғаны туралы хабар түскен. Қайықтағы екі ер адамның бірі жағаға жүзіп шыққан, екіншісі шамамен 400 м қашықтықта жоғалып кеткен.

«Оқиға орнына Алматы облысы ТЖД құтқарушылары жедел жетіп, іздестіру жұмыстарына жүзу құралдары мен сүңгуірлер жұмылдырылды. Ауа райының қолайсыздығына және аумақтың үлкендігіне қарамастан, іздестіру жалғасуда», делінген Алматы облысы ТЖД хабарламасында.

Іздеу жұмыстарына 17 құтқарушы, 3 техника, 4 жүзу құралы, дрон және «Эхолот» тартылған.

Бұған дейін, Қонаевта...

Қазақстан – Уэльс матчы кезінде Астанада көлік қозғалысы уақытша шектеледі. Бұл туралы елорда әкімдігі хабарлады.

4 қыркүйекте кешкі сағат 19:00-де «Астана Арена» стадионында футболдан Қазақстан мен Уэльс құрамалары ойнайды. Кездесу 2026 жылы АҚШ, Канада және Мексикада өтетін әлем чемпионатына іріктеу матчы болып саналады.

«Матч кезінде қауіпсіздікті қамтамасыз ету үшін «Астана Арена» стадионы маңында «Алау» мұз сарайы мен «Сарыарқа» велотрегі жағынан көлік қозғалысына уақытша шектеу енгізіледі», – деп жазылған хабарламада.

Көлік қозғалысына шектеу матч басталардан бірнеше сағат бұрын енгізіліп, ойын аяқталғанға дейін сақталады. Жүргізушілерге сапарын алдын ала жоспарлауға кеңес берілді.

Қордайда алты жастағы қызын зорлаған ер адам өмір бойына сотталды. Сот үкімі жайында Жамбыл облысы соттарының баспасөз қызметі хабарлады.

2025 жылдың 25 сәуірінде ер адам мас болып, 6 жастағы қызының дәрменсіздігін пайдаланып, сексуалдық сипаттағы зорлық-зомбылық әрекеттерін жасаған.

Оған қатысты іс қылмыстық кодекстің 121-бабының 4-бөлігі бойынша қаралды. Ер адамның кінәсі жәбірленуші қыздың берген жауабымен, сарапшы қорытындысымен дәлелденді.

Прокурор сотталушыға өмір бойына бас бостандығынан айыру жазасын тағайындауды сұрады. Жәбірленуші тарап сотталушыны кешірмеді, заң бойынша жаза тағайындауды сұрады. Сотталушы Ж. кінәсін толық мойындады.

Қылмыстық кодекстің 121-бабы 4-бөлігі адамды өмір бойына бас бостандығынан айыруды көздейді. Сот оны өмір бойына соттауға үкім шығарды.

Моральды...

4–14 қыркүйек аралығында Ұлыбританияның Ливерпуль қаласында бокстан әлем чемпионаты өтеді. Бұл дүбірлі дода тарихта алғаш рет халықаралық World Boxing федерациясының аясында ұйымдастырылып отыр.

Жарыс бағдарламасында – 10 ерлер және 10 әйелдер салмақ дәрежесі бар. 4–10 қыркүйек күндері алдын ала және ширек финалдық жекпе-жектер өтсе, 12–14 қыркүйек аралығында жартылай финалдар мен финалдар ұйымдастырылады.

Қазақстан құрамасы толық құрамда

Қазақстан боксшылары әлем чемпионатына барлық 20 салмақ дәрежесінде қатысады.

Ерлер құрамасы (бас бапкер – Қайрат Сәтжанов):

3 қыркүйек, сәрсенбі күні Израиль армиясының жоғары лауазымды өкілі Газа қаласына басып кіру салдарынан миллионға жуық палестиналықтың қоныс аударуы ықтимал екенін мәлімдеді. Израиль билігі тұрғындар үшін жаңа «гуманитарлық аймақ» құруды жоспарлап отыр.

Израильдің ресми өкілдері Газа қаласын толық бақылауға алуға дайындалып жатқанын айтады. Себебі олардың пайымынша, қала аумағында ХАМАС қозғалысының негізгі базалары орналасқан.

Қорғаныс министрлігіне қарасты палестиналық аумақтардағы азаматтық мәселелерді қадағалайтын COGAT органының өкілі соңғы күндері палестиналықтардың солтүстіктен (Газа қаласы орналасқан аймақ) оңтүстікке қарай белсенді қоныс аударып жатқанын хабарлады.

Оның сөзінше, қазіргі уақытқа дейін солтүстік аудандардан шамамен 70 мың адам көшіп кеткен.

4 қыркүйекте Қазақстанның көп бөлігінде жаңбыр мен найзағай күтіледі. Батыста қатты жауын, бұршақ, жел күшейеді.

Синоптиктердің болжамынша, оңтүстік, оңтүстік-шығыста және орталықта күн ашық болады.

4 қыркүйек, бейсенбі күні, Қазақстанның көп бөлігінде тұрақсыз ауа райы болжанып отыр. Жаңбыр жауып, күн күркіреп, найзағай  ойнайды. Ал батыста қатты жауын, бұршақ және жел күшейеді.

Тек оңтүстік, оңтүстік-шығыс және орталық аймақтарда антициклонның әсерінен жауын-шашынсыз, ашық ауа райы болады.

Республика бойынша жел күшейеді. Ал солтүстік бөлігінде түнгі және таңғы сағаттарда тұман түсуі мүмкін.

Елдің шығысы мен орталығында түнде ауа температурасы +2…+10 °С дейін төмендеп, кей жерлерде -2 °С дейін күн суытады.

4 қыркүйекте күндіз ауа...

Ғалымдар түнде жарық шығаратын және жарқырайтын өсімдіктерді жасап шығарды. Олар көшелерді жарықтандыра алады.

CNN ақпаратына қарағанда, ғалымдар түнде жарық шығаратын және жеткілікті мөлшерде жарық бере алатын түрлі түсті өсімдіктерді жасап шығарды. Мұндай өсімдіктер ғылыми фантастика немесе фэнтези әлемінен шыққандай көрінеді.

АҚШ-та қазірдің өзінде мұндай жасыл түсті жарқырайтын өсімдіктер сатылымға шықты. Ал қытайлық зерттеушілер тобы одан әрі дамытып, алғаш рет түрлі түсті және ең жарық люминесцентті өсімдіктерді жасады.

«Аватар» әлемін елестетіңіз. Онда жарық шығаратын өсімдіктер бүкіл экожүйені жарықтандырады», – дейді биолог Шутина Лю, Гуанчжоудағы Оңтүстік Қытай ауылшаруашылық университетінің зерттеушісі және зерттеу авторы.

Оның сөзінше...

Торғай етінен кәуап пісірген шайхана иесіне айыппұл салынды. Оқиға Өзбекстанның астанасы Ташкент қаласында болған.

Кун ақпаратына қарағанда, Әлеуметтік желіде жаға ұстатарлық видео тарады. Онда шайханадағы аспаздар торғай етінен кәуап дайындап жатқан көрініс бейнеленген. Жергілікті билік бұл шайхананы анықтап, иесіне айыппұл салды.

Аймақтың экологиялық басқармасы мәліметінше, ролик жарияланғаннан кейін экологтар мен патрульдік қызметкерлер оқиға орнына барып тексерген. Бірақ заң бұзушылық анықталмаған. Чайхана иесі видео клиенттерді тарту үшін бұрын түсіргенін айтқан.

Инспекторлар жетекшімен профилактикалық әңгіме жүргізіп, әкімшілік кодекстің 63-бабы – «заңсыз аңшылық өнімін қабылдау» бойынша хаттама жасаған. Нәтижесінде шайхана иесіне 4,1 миллион сом көлемінде айыппұл тағайындалды.

Қазақстанда заң талаптары бойынша кәуапты тек...

Есірткіні бір рет қолданудың өзі психикаға кері әсер етеді. Психиатр-нарколог Тинатин Сагымбаева осылай мәлімдеді.

24 kg ақпаратына қарағанда, маман жаңа психоактивті заттар адамның психикасы мен жүйке жүйесіне әсер етеді.

«Оларды көбіне қолдан жасап шығарады. Формулаларын үнемі өзгертеді. Сондықтан оларды «дизайнерлік» наркотиктер деп те атайды. Қолжетімділік жоғары – наркобазар тез даму үстінде», – деді Тинатин Сагымбаева.

Психиатр жасөспірімдерге қатысты екі негізгі мәселені атап өтті. Олар – психология, генетика, физиология.

«Ересек адам кейбір жағдайларды алдын ала болжай алады және бір рет қолданудың да салдары теріс болатынын түсінеді. Ал жасөспірім физикалық тұрғыдан қауіптерд...

Путин Зеленскийді Мәскеуге шақырды. Бұған келіссе, онда кездесуге дайын екенін айтты. Бұған дейін Зеленский осындай ұсыныстан бас тартқан.

Ол келіссөзді Еуропадағы бейтарап алаңда өткізуге ұсыныс жасаған.

RBC ақпаратына қарағанда, Украина президенті Владимир Зеленский Мәскеуге келіссөз жүргізуге келуі мүмкін. Бұл туралы Қытайға төрт күндік сапарынан кейін Ресей президенті Владимир Путин мәлімдеді.

«Дональд егер мүмкін болса, мені осындай кездесуді өткізуге шақырды. Егер Зеленский Мәскеуге келуге дайын болса, онда кездесу болады», – деді Путин.

Бұған дейін, тамыз айында, AFP агенттігі Путиннің осындай ұсынысы туралы хабарлаған. Агенттіктің дерегінше, бұл идеяны Ресей президенті американлық әріптесі Дональд Трамппен Аляскада...

Сайран көлін абаттандырушы павлодарлық компания жосықсыз деп танылды. Сот әкімдіктің талабын қанағаттандырды.

Алматы қаласының ауданаралық экономикалық сотында әкімдіктің компания үстінен түсірген талап-арызы қаралды.

Сайран жобасының құны

Сотта «Павлодарский речной порт» АҚ – жауапкер, ал талап арыз беруші «Алматы қаласының қоғамдық кеңістікті дамыту басқармасы» болды.

Компания мен әкімдік Сайран су қоймасының аумағын абаттандыра отырып, жағалауды қорғайтын құрылысты реконструкциялауға тиіс болған. Арада келісімшарт жасалған. Жоба құны 12 028 015 889,37 теңге болып отыр.

Қаржы екі бөлініп төленген

Істің материалдарына қарағанда, қаржыландыру екі кезеңге бөлінген.

2023 жылға  – 367 304 889,53 теңге, 2024 жылға...

Тойда ән айтып тұрған кезінде бұрынғы күйеуінің әкесінің тарапынан шабуылға ұшыраған әнші Азода Толаевна желіде экс-қайын атасын тезірек қамауға алуды сұрап үндеу жасады.

Әншінің сөзінше, оқиға 31 тамыз күні Леңгір қаласындағы тойханалардың бірінде болған. Ән айтып тұрған кезінде бұрынғы күйеуінің әкесі мас күйінде елдің көзінше соққыға жыққан.

Жәбірленушінің сөзінше, оқиға орнына келген учаскелік полиция инспекторы жұмысына немқұрайлы қарап, өз міндетін тиісті дәрежеде атқармаған.

«Учаскелік полиция инспекторлары мені сот медициналық сараптамадан өткізбеді, уақытты созды, мендегі қызарған ісінулер кетіп қалуын күтті, «өзіміз шақырамыз экспертизаға» деді. «Оған дейін көгеру мен ісінгендер кетіп қалса ше» дегенімде «фотоға түсіріп алыңыз...

Желтоқсаннан бастап Таиланд корольдігінің Thai Air Asia X лоукестері Қазақстан нарығына шығады. Бұл туралы Қазақстанның көлік министрлігі хабарлады.

Әуе компаниясы Бангкок – Алматы бағыты бойынша аптасына 4 рет дүйсенбі, сәрсенбі, бейсенбі және жексенбі күндері жолаушы тасымалдайды.

«Қазақстан мен Таиланд арасындағы тікелей әуе қатынасының ашылуы екі ел арасындағы сауда-экономикалық, іскерлік, инвестициялық, туристік және мәдени байланыстарды нығайтуға ықпал етеді», – делінген ақпаратта.

Айта кетейік, қазақстандықтар Арменияға паспортсыз кіре алады. Дәл осындай тәртіп Армения азаматтарына да Қазақстанға кірген кезде қолданылады. 

АҚШ пен Еуропаға виза жасатып берем деп 330 млн теңгеге алдаған алаяқ ұсталды. Алаяқтың әрекетінен 60 шақты адам зардап шеккен. Бұл туралы Астана қалалық прокуратурасы хабарлады.

Алматыда 60-тан астам адамды алдап, визаны рәсімдеп беремін деп уәде еткен әйел ұсталды. Оның әрекетінен келтірілген шығын 330 млн теңгеден асты.

Тергеу мәліметінше, күдікті ұзақ және қысқа мерзімді виза рәсімдеймін деп уәде беріп, азаматтарды сеніміне кірген. Қылмыстық жауапкершіліктен жалтару үшін ол жәбірленушілермен жалған қарыз шарттарын жасаған және әрекетін азаматтық-құқықтық қатынас ретінде көрсетпек болған.

Қазір күдікті сот санкциясымен қамауға алынды. Оның іс-әрекеті Қылмыстық кодекстің 190-бабы 2-бөлігі 4-бөлімі бойынша сараланып отыр.

Барлық жәбірленуші анықталып...

Рамзан Қадыровтың анасы жеке санкцияға ілікті. Ұлыбритания Ресейге қарсы санкциялар тізімін тағы 11 позицияға кеңейтті.

Репорт ақпаратына қарағанда, Ұлыбритания Ресейге қарсы жаңа санкциялар енгізді.

Рамзан Қадыровтың анасы не үшін айыпталды?

Тізімге Ахмат Қадыров қоры, Рамзан Қадыровтың анасы Аймани Қадырова және ресейлік мемлекеттік ұйымдар кірді.

 «Ұлыбритания Украина балаларын мәжбүрлі түрде депортациялауға, идеологиялық ықпал етуге, милитаризациялауға және олардың мәдени мұрасын жоюға қатысы бар тұлғаларға қарсы санкциялар енгізеді» – делінген.

Жаңа пакет сегіз жеке тұлға мен үш заңды тұлғаны қамтиды.

Санкция тізімінде кімдер бар?

Бұдан бөлек, бұл тізімге «Жасөспірімдер бағдарламалары орталығыны...

Алматы метросында 2 қыркүйек күні рекорд орнады. Бұл туралы Алматы қалалық метрополитенінің инстаграмдағы ресми парақшасында жазылды.

«02 қыркүйек 2025 жылы Алматы метрополитенінде жаңа рекорд орнады. Сол күні метро ашылғаннан жабылғанға дейінгі аралықта 117 мың жолаушы тасымалданды. Бұл көрсеткіш метрополитен тарихындағы ең жоғарғы тәуліктік жолаушылар саны болып тіркелді», – делінген метрополитен хабарламасында.

Айта кетсек, Алматы метросы 2026 жылдың бірінші жартыжылдығында «Қалқаман» бекетіне дейін ұзарады. Қаладағы метро құрылысын Қытай компаниялары жүргізеді. Бұл мақсатта әкімдік шетелден 1 млрд доллар көлемінде қарыз алатыны айтылған еді.