Жаңалықтар

АҚШ президенті Дональд Трамп пен Ресей басшысы Владимир Путин арасындағы саммит не себепті өтпей қалғаны мәлім болды. Оның себебін Financial Times дереккөздері түсіндірді.

Трамп пен Путин 2025 жылғы қазанда Будапешт қаласында кездесуі керек болған. Басылым мәліметінше, саммит қарсаңында АҚШ мемлекеттік хатшысы Марко Рубио мен Ресей СІМ басшысы Сергей Лавров БҰҰ сессия кезінде сөйлескен. Ресей министрі Украинадағы жанжалға қатысты қатаң талап қойған. Соған байланысты Ақ үй Кремльмен арадағы келіссөздерден нәтиже шығатынына күмәнданған, деп жазды FT.

Бұған қоса, қазанның ортасында Рубио мен Лавров телефонмен сөйлесіп, тағы келісе алмаған. Содан кейін Вашингтон саммит өткізуден бас тартқан.

Дереккөздердің айтуынша, Рубио Трампқа Кремльд...

TikTok платформасының Қазақстан экономикасына қосқан үлесі  шамамен 759 млрд теңге болды. Бұл туралы TikTok компаниясының Ресей, Шығыс Еуропа, Орталық Азия және Моңғолия бойынша мемлекеттік органдармен байланыс және корпоративтік мәселелер жөніндегі директоры Сергей Соколов Kazinform агенттігіне берген сұхбатында айтты.

Оның айтуынша, компания мен «Атамекен» ұлттық кәсіпкерлер палатасы TikTok-тың Қазақстандағы микро, шағын және орта бизнеске әсері туралы тәуелсіз зерттеу жүргізген.

Зерттеу барысында елдің 20 өңірінен 300-ден астам компания қамтылып, жеті сала талданған. Олардың қатарында сұлулық индустриясы, денсаулық, спорт, туризм және ойын-сауық салалары бар.

Қытай компаниясы Қазақстанның батысында мұнай іздеуді бастайды Бұл туралы «ҚазМұнайГаз» ұлттық компаниясының Қор биржасына жолдаған хабарламасында жазылған.

2025 жылдың 29 қазанында Қазақстанның Энергетика министрлігі, «ҚазМұнайГаз» және Қытайдың Sinopec International Energy Investment Holdings Netherlands B.V. компаниясы арасында келісімшартқа қол қойылды.

Құжатқа сәйкес, тараптар Батыс Қазақстан облысындағы «Березовский» учаскесінде мұнай мен газ барлау және өндіру жұмыстарын жүргізеді.

2023 жылы Қасым-Жомарт Тоқаевтың Қытайға ресми сапары аясында жалпы құны 16,54 миллиард доллар болатын 30 коммерциялық құжатқа қол қойылған еді. Солардың арасында «ҚазМұнайГаз» ҰК» АҚ мен SINOPEC қол қойған келісім бар.  

Биыл жазда қос тарап аталмыш...

«Азаматтарға арналған үкімет» мемлекеттік корпорациясының бұрынғы қызметкері ұйымдасқан қылмыстық топқа қатысы бар деген күдікпен Қазақстанға экстрадицияланды. Бұл туралы Бас прокуратура баспасөз қызметі хабарлады.

«ҚР Бас прокуратурасы шетелден әкелінген жүк көліктерін Жетісу облысында заңсыз рәсімдеумен айналысқан қылмыстық топтың мүшесін Ресей Федерациясынан экстрадициялады. Күдікті «Азаматтарға арналған үкімет» мемлекеттік корпорациясы» КАҚ-ның маманы бола тұра, ұйымдасқан қылмыстық топ құрамында 2022-2023 жылдар аралығында автокөлік иелерін іздеп тауып, алғашқы тіркеу алымдары бойынша төлемдер туралы көрінеу жалған мәліметтерді ақпараттық жүйесіне енгізу арқылы олардың көлік құралдарын заңсыз тіркеген», – делінген хабарламада.

Ведомство хабарлағандай, қылмыстық іс-әрекеттердің нәтижесінде 481 көлік құралы заңсыз есепке қойылған. Нәтижесінде...

31 қазанда қазақ эстрадасының жұлдызы Қайрат Нұртас Орталық стадионда концерт өткізеді. Соған байланысты Алматы қаласында бірнеше көше жабылуы мүмкін. Полиция осылай деп ескертті.

Алматы полициясы Қайрат Нұртастың стадионда өтетін концерті кезінде қоғам тәртібі мен көрермендер қауіпсіздігін қамтамасыз етеді. Бұған қоса, мегаполисте бірнеше көше жабылады.

«Кептелістерді болдырмау мақсатында Абай даңғылы – Байтұрсынұлы, Мұқанов және Сәтбаев көшелерінің қиылысында автокөлік қозғалысы ішінара шектелуі мүмкін», – деп хабарлады polisia.kz.

Соған байланысты полиция қала тұрғындары мен қонақтарына шектеуге түсіністікпен қарап, қозғалыс бағытын алдын ала жоспарлауды сұрады.

«Қоғамдық тәртіпті сақтап, полиция қызметкерлерінің нұсқауларын орындаңыздар...

2026 жылы доллардың орташа жылдық бағамы шамамен 551,36 теңгені құрауы мүмкін. AERC сарапшыларының шолуында келтірілген болжамға сәйкес, оған мұнай бағасының төмендеуі және шикізат экспорттаушы елдердің валюталарына сыртқы қолдаудың азаюы себеп болмақ.

Орталықтың талдаушылары USD/KZT жұбының жыл соңына дейінгі бағамына қатысты болжамында қайта қарады. Brent маркалы мұнай бағасына қатысты болжамның өзгеруіне байланысты теңге бағамының күшеюі туралы бастапқы жорамалдар түзетіліп, жаңа орташа деңгей 522,75 теңге деп белгіленді. Шілде айындағы болжамда бұл көрсеткіш 517,44 теңге болған еді.

Биылғы қыркүйек қорытындысы бойынша теңге 1,9%-ға әлсіреп, 1 АҚШ доллары үшін 549,07 теңге деңгейіне түсті. Алайда 10 қазанда Ұлттық банк базалық мөлшерлемен...

Eurasian Resources Group (ERG) Швейцарияның Mercuria Energy Trading SA компаниясымен үш жылдық мыс жеткізу туралы келісімге қол қойды. Bloomberg мәліметінше, құжат аясында Mercuria алдын ала төлем ретінде $100 млн дейін қаражат бөледі.

Бұл қаражат ERG-нің Конго Демократиялық Республикасындағы мыс жобаларын жедел дамытуға бағытталады.

ERG бас директоры әрі директорлар кеңесінің төрағасы Шухрат Ибрагимов бұл келісім стратегиялық серіктестікті нығайтып, компанияның аймақтағы жобаларының толық әлеуетін іске асыруға мүмкіндік беретінін атап өткен.

Mercuria соңғы жылдары Орталық Африкадағы металл саудасы нарығында белсенді позицияға ие бола бастады. Биыл компанияның жаңа металл дивизионы шамамен $300 млн сауда табыс әкелді. Сонымен қатар Mercuria Конго мен Замбиядағы...

Қазақстан америкалық Exxon Mobil корпорациясымен Қашаған мен Теңіз мұнай кен орындарына қатысты маңызды келіссөз жүргізіп жатыр. Бұл туралы Bloomberg дереккөздер мәліметіне сүйене отырып хабарлады.

Дереккөздердің айтуынша, қазақ шенеуніктері мен Exxon топ-менеджерлері Каспий теңізіндегі ірі кен орны – Қашағанды кеңейту мәселесін талқылап жатыр. Аты-жөні мақалада аталмағанын қалаған дереккөздер тараптар әзірге ортақ келісімге келмегенін айтты. Дегенмен Қазақстан мұнай өндірісін ұлғайтуды қалайды, деп жазды Bloomberg.

Бұған қоса, олар Exxon компаниясының Теңіз кен орнын игеруге қатысты лицензия мерзімін созу мәселесін де талқылап жатыр.

2000 жылы ашылған Қашаған ең ірі мұнай кен орындарының біріне айналды. Жобаның сол кездегі операторы – италиялық Eni уақыт өте келе...

Алматы облысы, Саймасай ауылында өзіне қол салған оқушының отбасына қатысты жайттар белгілі болды. Облыстық білім басқармасы бұған дейін отбасында ұрыс-жанжал болмағанын, балаларға зорлық жасау оқиғасы тіркелмегенін мәлімдеген. Бірақ ауыл тұрғындары мүлде басқа пікірде.

Tengrinews тілшісіне пікір берген тұрғынның сөзінше, қайтыс болған оқушы анасы және өгей әкесімен бірге тұрған. Өзінен үлкен 9 сыныптағы ағасы және 3 сыныптағы інісі бар.

«Өгей әкесі анасын ұрып соққан, ол үнемі шағымданып жүретін. Үсті-басы көкпеңбек болып келеді. Бір рет баламды шынжырлап қойды, түні бойы шынжырда отырды деген. Бір күні қыста кіші ұлы жалаңаяқ, аш келді. Үйге кіргізіп, тамақ бердім...

Италия астанасы Римде ақын Абай Құнанбайұлына арналған бюсттің салтанатты ашылу рәсімі өтті. Мүсін Вилла Грациоли скверінде орнатылған деп жазады мәдениет және ақпарат министрлігі баспасөз қызметі.

«Абай Құнанбайұлы – қазақ халқының рухани бағдарын айқындаған ұлы тұлға. Оның шығармашылығының өзегі – ізгілік, әділдік, білім мен еңбекті дәріптеу. Сондықтан дәл Рим қаласында Абай бейнесінің пайда болуы – екі ел мәдениеттерін байланыстыратын маңызды рухани оқиға», – деді министр Аида Балаева өз сөзінде.

Салтанатты шараға Италия мәдениет министрлігінің, Рим мэриясының өкілдері және қос елдің мәдени сарапшылары қатысты. Италиялықтар Қазақстанға алғысын білдіріп, Абай идеяларының уақыт пен шекарадан тыс мәңгі құндылық екенін атап өтті.

«Қазақ ойшылыны...

Ұлыбритания королі Карл інісі Эндрюді ханзада атағынан айырып, Виндзор қамалы маңындағы үйінен қуып шықты. Букингем сарайы 30 қазан күні осындай мәлімет таратты. Король билігі ханзаданы Джеффри Эпштейнмен байланысы үшін осылай жазалады, деп хабарлады Reuters.

Марқұм Елизаветаның екінші ұлы, 65 жастағы Эндрю қазан айының басында ғана герцог атағын пайдалану құқығынан айрылған еді. Оның ағасы Чарльз (Карл) бауырын тағы жазалап, бүкіл атағынан айырды. Енді ол қарапайым ғана Эндрю Маунтбеттен Виндзор деген атпен танылады.

Бұған қоса, Букингем сарайы бұрынғы ханзаданы Виндзордағы Royal Lodge үйін жалға беруден бас тартқанын хабарлап, оған шығыс Англияға жеке үйге көшуге кеңес берген.

Reuters-тің Букингемдегі дереккөзінің айтуынша...

Танзанияның ең үлкен қаласы Дар-эс-Саламда, сондай-ақ, басқа қалаларда 29 қазанда аяқталған президенттік сайлаудан кейін жаппай наразылық акциялары өтті. Оппозиция қазіргі президент Самия Сулуханы ең маңызды екі қарсыласын сайлаудан шығарды деп айыптайды, деп хабарлайды Kursiv.Media.

The Guardian ақпаратына сүйенсек, полиция наразылық білдірушілерді тарату үшін көзден жас ағызатын газ бен атыс қаруын қолданды. Дар-эс-Саламда коменданттық сағат жарияланды. Елдің әртүрлі бөлігінде интернет өшіріліп жатыр. Алдын ала деректер бойынша, құқық қорғау күштерімен қақтығыста кем дегенде он адам қаза тапқан.

Сыншылар Самия Сулуха мен оның жақтастарын цензураны күшейту, саяси қарсыластарға қарсы қуғын-сүргін, ұрлау және белсенділердің жоғалып кетте деп айыптайды. Сәуірде демократия және прогресс...

Шығыс Қазақстан облысында сот «Торпедо» жастар командасының 19 жастағы хоккейшісі Иван Пыленоктың өлімі туралы іс бойынша үкім шығарды, деп хабарлайды YK-news.kz.

Сот материалдарындағы ақпаратқа сүйенсек, қайғылы оқиға өткен жылдың 2 тамызында Борис Александров атындағы Спорт сарайының фойесінде болған. Иван мен оның танысы Л. арасында жанжал туындап, оқиға бейнебақылау камерасына түскен. Жазбада Л. жас жігітті мойнынан ұстап, біраз уақыт күшпен ұстап тұрғанын көруге болады.

«Біраз Иван құлап түсті. Нәтижесінде ол ауруханаға келгенге дейін қайтыс болды. Сарапшының қорытындысына сәйкес, өлім мойынның рефлексогендік аймағының жабық жарақаттануы нәтижесінде пайда болды, бұл жүрек қызметінің рефлекторлық тоқтауына әкелді», – делінген облысты...

Екі баланың анасына қатысты іс материалдары Павлодар облысының қылмыстық істер жөніндегі мамандандырылған ауданаралық сотына келіп түсті.

«Қазақпарат» агенттігінің мәліметінше, Павлодар облыстық сотында қылмыстық іс келіп түскенін және бірінші отырыс күні 2025 жылғы 5 қарашаға белгіленгенін хабарлаған. Сот ісін жүргізу тілі – қазақ тілі.

Сонымен қатар қылмыстық істің жабық режимде қаралуына байланысты баспасөздің тыңдауға кіруіне тыйым салынған.

Естеріңізге сала кетейік, 30 шілдеде сағат 13:00-де дәрігерлерге әйелдің терезеден екі баланы лақтырып жібергені, содан кейін Павлодардағы бесінші қабаттан өзі секіргені туралы хабарлама келіп түскен.

Кейін полиция оқиға фактісі бойынша қылмыстық іс қозғалғаны туралы хабарлады.

Қайғылы оқиға болған күні терезеден құлаған екі баланы...

Оңтүстік Кореядан Қазақстанға келген туристер ағыны осы жылдың тоғыз айында 25%-ға өсті, деп хабарлады Kazakh Tourism.

Компанияның мәліметінше, тоғыз айдың ішінде елімізге 41,3 мыңнан астам Оңтүстік Корея азаматы келген. Бұл көрсеткіш 2024 жылдың сәйкес кезеңінің деңгейінен төрттен бір асады.

«Оңтүстік Корея азаматтары Қазақстанды жиі таңдайды. Оған тікелей әуе рейстері, визасыз режим, еліміздің табиғатына, мәдениетіне және ұлттық тағамына қызығушылық та өз әсерін тигізеді», – делінген Ұлттық компания хабарламасында.

Небәрі тоғыз айдың ішінде Қазақстанға 12,2 миллионнан астам шетел азаматы келді. Бұл өткен жылдың сәйкес кезеңімен салыстырғанда 730 мыңға артық. Көшбасшылар қатарында Қытай, Үндістан, Түркия және Германиядан...

Жұма күні Қазақстанның басым бөлігінде жаңбыр жауып, жел күшейеді. «Қазгидромет» 31 қазанға ауа райым болжамын ұсынды.

Ақтөбеде әкесінің көлігімен рұқсат айдап кетуді шешкен жасөспірім жол апатына түсіп, қайтыс болды. Бұл туралы HALYQSTAN Telegram-арнасы жазды.

Ақтөбе облысы полиция департаментінің хабарлауынша, оқиға «Бауырластар» тұрғын ауданында болған. Сегізінші сынып оқушысы көлікке ие бола алмай, апатқа ұшыраған. Жасөспірім ауруханаға жеткізіліп, жарақаттан қайтыс болды.

Бір қызығы, полицияның мәліметінше, бұл соңғы екі айдағы осы аудандағы екінші жағдай болған. Бұған дейін, 2 қыркүйекте Әлімхан Ермек көшесінде ата-анасының рұқсатынсыз Mitsubishi Сarisma көлігін басқарған 16 жасар жасөспірім жол апатынан қайтыс болған.

Құқық қорғау органдары болған оқиғаға байланысты ересектердің кәмелетке толмағандардың іс-әрекеттерін бақылау қажеттілігін еске салды.

Жыл басынан бері облыс аумағында 1632 жол-көлік оқиғасы тіркелген, соны...

Үшінші тоқсанның қорытындысы бойынша Қазақстан Ұлттық Банкі алтын қорын 18 тоннаға ұлғайта отырып, әлемдегі орталық банктер арасында ірі алтын сатып алушы болды. Жыл басынан бері сатып алу бойынша Польшадан кейін екінші орынға шықты, деп хабарлайды Kursiv.Media.

World Gold Council (WGC) ақпаратына сүйенсек, елдіңалтын резервтері үшінші тоқсанның қорытындысы бойынша 324 тоннаға дейін өсті. Жыл басынан бері ҚР Ұлттық Банкі 40 тонна таза алтын сатып алды. Бұл көрсеткіш бойынша Қазақстан Польшадан кейін екінші орында тұр. Польшаның Ұлттық Банкі 67 тонна алтын сатып алды. Бірақ олар мамыр айынан бастап сауда-саттыққа қатыспады.

Әлемнің орталық банктерінде алтынға деген сұраныс жыл басынан бері соңғы...

Президент Қасым-Жомарт Тоқаев Қызылорда қаласында «Қайсар» футбол клубының ойыншыларымен кездесіп, клубтың 11 мың көрерменге арналған жаңа стадионын аралап көрді, деп хабарлайды Kursiv.Media.

«Нысанның құрылысы биыл қазан айында аяқталған. Жаңа спорт кешені UEFA талабы бойынша IV санатқа сай келеді. Аренада халықаралық сайыстармен бірге мәдени іс-шараларды өткізуге болады», – делінген Ақорда хабарламасында.

Айта кетейік спорт кешенінде бокс, күрес, спорттық гимнастика, ауыр атлетика және басқа да спорт түрлеріне арналған залдар бар. Кешенге келген президент клуб ойыншылармен әңгіме дүкен құрған.

««Қайсар» – елімізде жеке меншікке өткен алғашқы клубтардың бірі. Алдағы уақытта футбол академиясы...

67 жасқа қараған шағында белгілі журналист, жазушы Мақсат Тәж-Мұрат өмірден озды. Бұл туралы Қазақстан Жазушылар одағы хабарлады.

«Қазақстан Жазушылар одағының Басқармасы көрнекті жазушы, эссеист, әдебиеттанушы-ғалым, филология ғылымдарының кандидаты, Қазақстан Жазушылар одағының мүшесі, Қазақстанның еңбек сіңірген қайраткері Мақсат Тәж-Мұраттың дүниеден өтуіне байланысты марқұмның жақындары мен туыстарына, барша оқырман қауымға қайғырып көңіл айтады», – делінген хабарламада.

Айта кетейік Мақсат Әнесұлы Тәж-Мұрат 1959 жылы қарашада Атырау облысы Қосшағыл ауылында дүниеге келген. 1978-1983 жылдар аралығында қазіргі ҚазҰУ-дың журналистика факультетінде оқыған. 1983-1990 жылдар аралығында «Білім және еңбек» журналында әдеби қызметкер, «Социалистік Қазақстан» газетінде тілші, «Горизонт»-«Өркен» газетінде редактордың орынбасары, «Жалын...

Ерлер үстемдік құрған саясат әлемінде әйелдің билік басына келуі – жаһан назарын аудартатын жайт. Жақында Жапония премьер-министрі болып сайланған Санаэ Такаичи – ел тарихында осы лауазымға ие болған тұңғыш әйел. Есімі тарихта қалатыны сөзсіз. 

Дегенмен бұл жайт елдегі әйелдердің жағдайына жағымды әсер ете ала ма? Васэда университетіндегі зерттеуші Питер Чайдың пікірінше, бұл жаңалық Жапонияда гендерлік теңдік орнату жолында айтарлықтай өзгерістің болатынын білдірмейді.

Әйел келсе билікке

Такаичи ханымның саяси көзқарасы мен басшылық ұстанымы – елдің бұрынғы премьер-министрі, марқұм Синдзо Абэнікіне көп ұқсайды (Такаичи Абэнің шәкірті саналады). Ұстазы Абэ сияқты, Такаичи де сөз жүзінде қызметтегі әйелдердің құқықтарын...

Америкалық J.D. Power агенттігінің Қытайдағы бөлімшесі 2025 жылғы ең сенімді әрі мықты бензинмен жүретін көліктерді атады. Тізімге қазақстандық автокөлік жүргізушілеріне жақсы таныс брендтер мен модельдер кірген. Қытайлық көліктер арасында Chery көшбасшы атанды.

J.D. Power China 16 жыл бойы бензинмен жүретін көліктерге зерттеу жүргізіп келеді. Сарапшылар жаңадан сатып алынған автоларға назар аударып, оларды 1 жылдан 4 жылға дейін зерттейді. Көлік иелері арасында қозғалтқыш пен беріліс қорабындағы ақаулар, ішкі және сыртқы ақаулар, электроника және функциялардың өнімділігі сияқты 177 мәселе бойынша сауалнама жүргізеді.

Зерттеу Қытайдың 81 қаласында 2021 жылдың ақпанынан 2024 жылдың маусымына дейін сатып алынған 22 900 көлікті қамтыды. Сарапшылар...

Қазақстанда суицидке бейім жағдайлар кезінде көмек көрсету бойынша медициналық хаттама әлі күнге дейін әзірленбеген. Ал мұндай тәжірибе көптеген елде бар. Бұл туралы Марат Оспанов атындағы Батыс Қазақстан медициналық университетінің жалпы дәрігерлік практика кафедрасының меңгерушісі Ләззат Жамалиева мәлімдеді.

Депрессияға қатысты статистика шынайы көрсетілмейді, ал суицидке қатысты хаттама жоқ

Ләззат Жамалиеваның айтуынша, Қазақстанда депрессияны анықтау кенжелеп келеді, яғни, дәрігерлер ауруды ерте кезеңінде танымауы мүмкін.

«Депрессияның гиподиагностикасы бар. Бұл – Қазақстандағы проблема. Бірақ бұл тек біздің елге ғана тән емес. Бұл ұйымдастырушылық мәселе, оны жүйелі түрде шешу қажет», – деді сарапшы.

Бұған бірнеше себеп бар. Пациент тарапынан...

Премьер-министр Олжас Бектенов инвестиция тарту қарқыны төмен өңірлердің әкімдеріне өз орынбасарларынан талап қоюды тапсырды.

Үкімет дерегінше, Астана қаласы мен Түркістан облысы негізгі капиталға инвестиция тарту жоспарын орындау бойынша көш бастап келеді.

Ал Қарағанды, Атырау, Ұлытау және Абай облыстары белгіленген межеден артта қалып отыр. Бұл аймақтардағы көрсеткіштер ел бойынша орташа деңгейден төмен.

Бектеновтың айтуынша, инвестиция тарту – өңір экономикасының өсуіне тікелей әсер ететін негізгі факторлардың бірі. Сондықтан әкімдер бұл бағыттағы жұмысты күшейтіп, жауапты орынбасарлардың жеке жауапкершілігін арттыруы тиіс.