Жаңалықтар

Димаш Құдайбергеннің халықаралық «Voice Beyond Horizon» атты жобасын қазақстандықтар мен әлемдік көрермен қашан көре алатыны белгілі болды. Ақпаратты Димаш Құдайберген инстаграм парақшасында жазды.

Белгілі болғандай, Hunan Broadcasting System және Димаш Құдайберген бірлесіп дайындаған жобаның түсірілімдері аяқталуға жақын.

«Сегіз жыл бұрын Димаш Қытай сахнасына шыққанда, өнердің шекарасы жоқ екенін сезінді. Ол Ұлы Жібек жолының әуендері бүкіл әлемге естілсе деп армандады. Жаңа жобада ол сегіз әншіні шақырды: Принс (Сербия), Цай Чэнъюй (Қытай), Джулия (Италия), Чжан Синьюй (Қытай), Нұржас (Қазақстан), Ла Даньчжу (Қытай), Джесси Ли (Малайзия), Нұр Чолпон (Қырғызстан). Олар 22 күн ішінде 7 436 шақырым жол жүріп, Қазақстанның төрт қаласына барды. Музыка...

Halyk Bank Airba Fresh фудтех-компаниясының үлесін сатып алуы мүмкін. Қазір келіссөз жүріп жатыр. Бұл туралы Forbes Kazakhstan дереккөзіне сілтеме жасай отырып хабарлады.

Басылымның жазуынша. мәміле шамамен 40 млн АҚШ долларына бағаланып отыр және сервис банктің цифрлық экожүйесіне кіруі мүмкін. Алайда бренд Airba Fresh сақталады.

Airba Fresh сервисін 2022 жылдың соңында «Технодом» желісінің негізін қалаушы Эдуард Ким құрған. Қазіргі кезде компанияны ұлы Даниэль Ким басқарады.

Айта кетерлігі, банктың өзінде қазір Halyk Fresh деген сервис бар, бірақ ол Airba Fresh компаниясына ешқандай қатысы жоқ.

Бұл келісім потенциалды тұрғыда Қазақстандағы e-grocery нарығындағы трендті жалғастырады. Бұған дейін Kaspi Magnum компаниясымен бірлесіп осындай сервис...

Сенатқа Мәжіліс қабылдаған 2026-2028 жылдарға арналған республикалық бюджет туралы заң жобасы келіп түсті.

Құжатқа сәйкес, жасы бойынша және еңбек сіңірген жылдары үшін төленетін зейнетақы көлемі 2026 жылдың 1 қаңтарынан бастап 10%-ға ұлғайтылады

Заңда сондай-ақ келесі негізгі әлеуметтік көрсеткіштер белгіленген:

ең төменгі жалақы – 85 000 теңге;

мемлекеттік базалық зейнетақы төлемінің ең төменгі мөлшері – 35 596 теңге;

ең төменгі зейнетақы – 69 049 теңге;

айлық есептік көрсеткіш (АЕК) – 4325 теңге;

ең төменгі күнкөріс деңгейі – 50 851 теңге.

Мәжіліс депутаттары ең төменгі жалақыны 110 мың теңгеге дейін арттыруды ұсынғанымен, Үкімет бұл ұсынысты қолдамады, сондықтан норма заңға енгізілген...

Ош қаласында халыққа қызмет көрсететін орындардың атауларын тексеру бойынша рейдтер басталды. Өзге тілдегі маңдайшалар алынады.

Бұл туралы 24 kg ақпарат таратты. Қала әкімдігінің хабарлауынша, 29 қазан күні Ош мэриясы жанындағы Мемлекеттік тіл жөніндегі комиссияның мүшелері кафе, мейрамхана, сұлулық салондары, дүкендер және басқа да коммерциялық нысандарды аралаған.

Рейд барысында кәсіпкерлерге нысан атауларында мемлекеттік тілді қолдану қажеттігі ескертіліп, түсіндіру жұмыстары жүргізілді.

Еске сала кететін жайт,  Ош қаласының мэрі Женишбек Токторалиев 10 қарашаға дейін шетел тілдерінде жазылған барлық кафе, мейрамхана және кәсіпорын маңдайшаларын қырғыз тіліне ауыстыруды тапсырған болатын.

Сондай-ақ Қырғызстан өлім жазасын қайтаруды талқылап жатыр.

Президенттің бұрынғы көмекшісі Қанат Шарлапаев «Бәйтерек» холдингі директорлар кеңесінің құрамынан шықты. Қазақстан қор биржасына жолданған мәліметке сай, оның өкілеттігі мерзімінен бұрын тоқтатылған.

«Бәйтерек» ұлттық басқарушы холдингі» акционерлік қоғамында директорлар кеңесінің мүшесі Қанат Бисімбайұлы Шарлапаевтың өкілеттігі мерзімінен бұрын тоқтатылсын», – делінген хабарламада.

Мұндай шешімді холдингтің жалғыз акционері қабылдаған.

Шарлапаев «Бәйтерек» холдингі директорлар кеңесінің құрамына биыл сәуірде енген еді. Ол 2022 жылы «Бәйтеректі» басқарған. Сол жылдың соңында Қазақстан Республикасының азаматы атанды. Бұған дейін ол Ресей және Ұлыбритания азаматтығына ие болған.

Шарлапаевтан бөлек, холдингтің директорлар кеңесінде 9 адам бар. Олар: Премьер-министр Олжас Бектенов, вице-премьер Роман Скляр, вице-премьер және Ұлтты...

Қазақстанда ғылым саласындағы сыйлықтар мен мемлекеттік ғылыми стипендияларға арналған байқау басталды деп хабарлады Ғылым және жоғары білім министрлігі.

Байқау түрлі саладағы үздік зерттеулер мен жетістіктері үшін ғалымдар мен ғылыми қызметкерлерді ынталандыру мақсатында өткізіледі:

2025 жылғы 29 қазанда Nvidia тарихи белестен өтті: компания нарықтық капитализациясы 5 трлн долларға жеткен алғашқы ашық компания болды. Bloomberg агенттігінің мәліметіне сәйкес, компанияның акциялары 3,1%-ға қымбаттаған. Бұл инвесторлардың компания өсіміне деген сенімін байқатады. Қазіргі уақытта Nvidia-ның нарықтағы бағасы шамамен 5,04 трлн доллар деңгейінде бағаланып отыр.

Nvidia бұрын тек графикалық чиптер мен ойын индустриясына бағытталған болса, қазір жасанды интеллект және дата-орталықтар инфрақұрылымының негізгі ойыншыларының біріне айналды. Компанияның чиптері ірі AI модельдерін үйретуге қажетті өңдеу қуатын қамтамасыз етеді. Бұл оны технологиялық индустриядағы маңызды факторға айналдырады.

Компанияның өсуін ірі инвестициялар мен тапсырыстар да қолдап отыр. Nvidia жариялаған деректерге қарағанда, олардың AI...

Айкерім Қалаубаеваның биі әлеуметтік желілерді жарып жатыр. Ерекше би қазақстандықтарды ғана емес, шетелдіктерді де еліктірген.

«Жүрек неге жылайды?» деген жаңа әні нағыз трендке айналды. Қазірдің өзінде әншінің Тік-Ток-тағы видеосы ондаған миллион қаралым жинаған. Ал YouTub-те бейнебаян 4 млн-нан астам рет қаралған.

Айкерім Қалаубаеваның қимыл-қозғалысын қайталап, түрлі мамандық иелері, жастар, тіпті, сәбилер де флешмоб түсіріп жатыр.  

Тіпті, осы әннің ырғағына Латын Америкасы, Үндістан және өзге елдердің де бишілері билеп, әлеуметтік желілерге видеоларын жүктеуде.

Мұның алдында Айкерім Қалаубаева Нұрлан Әлімжановпен арақатынасы туралы жасырмай айтып берген еді.

АҚШ экс-президенті Дональд Трамп пен Қытай басшысы Си Цзиньпин Оңтүстік Кореяның Пусан қаласында келіссөз өткізіп жатыр. Бұл кездесу екі алпауыт мемлекет арасындағы қатынастарды қайта жандандыруға бағытталған деп жазады халықаралық басылымдар.

Жеке кездесу жергілікті уақыт бойынша сағат 11:00-де (Астана уақытымен 07:00-де) Кимхэ әскери әуебазасында өтті. Си Цзиньпин Пусанға Азиаттық-Тынық мұхиты экономикалық ынтымақтастық (АТЭС) саммитіне қатысу үшін келген.

Трамп пен Си Цзиньпин залға қарама-қарсы жақтан кіріп, АҚШ пен Қытайдың туы алдында қол алысқан. Екі елдің басшысы баспасөз өкілдеріне қысқаша мәлімдеме жасады.

«Біз кейбір мәселелерді талқылаймыз. Көп нәрсе бойынша алдын ала келісіп қойдық, енді бірнеше бағытты нақтылаймыз. Төраға...

АҚШ президенті Дональд Трамп Пентагонға ядролық қаруды сынау процесін жедел бастау туралы бұйрық бергенін хабарлады.

Интерфакс ақпаратына қарағанда, ол АҚШ-тың мұндай қаруы басқа елдермен салыстырғанда әлдеқайда көп екенін алға тартқан.

«Басқа елдердегі сынақ бағдарламаларына байланысты мен Қорғаныс министрлігіне өзіміздің ядролық қаруымызды тең деңгейде сынауды бастауға тапсырма бердім. Бұл процесс дереу басталады», – деп жазды Трамп Truth Social әлеуметтік желісінде.

«АҚШ-та кез келген басқа елге қарағанда көбірек ядролық қару бар», – деді америкалық президент. Ол алғашқы президенттік мерзімінде ядролық арсеналды жаңартумен айналысқанын атап өтті.

Мұның алдында Трамптың Қытайға көрсеткен сесі нарықты қайта шайқалтқаны туралы...

Лувр мұражайынан француз корольдігінің зергерлік бұйымдарын ұрлау ісі бойынша ұсталған екі күдікті қылмысқа қатысы бар екенін мойындады. Олар қамауға алынды. Бұл туралы 29 қазан, сәрсенбіде Париж прокуратурасы хабарлады.

CNN ақпаратына сүйенсек, ұрланған зергерлік бұйымдар әлі табылмаған. Қылмыскерлер жеті минут ішінде Аполлон Лувр галереясынан ондаған миллион еуро тұратын зергерлік бұйымдарды алып, қашып кеткеннен кейін оқиға бүкіл әлемнің назарын аударды.

Екі адам 25 қазан, сенбі күні кешке ұсталды, содан кейін олар 96 сағат бойы қамауға алынып, жауап алынды. Әзірге тағы екі күдікті іздеуде.

Бірінші күдікті – Алжирдің 34 жастағы азаматы, бұрын жол қозғалысына байланысты бұзушылықтар үшін жауапқа тартылған. Ол мотороллерлердің бірінен...

Жасөспірімдер Алматы тауларынан түсе алмай қалып, құтқарушыларды шақыруға мәжбүр болған, деп хабарлайды Kursiv.Media.

Төтенше жағдайлар министрлігің ақпаратына сүйенсек, Алматы тауларында құтқарушылар үш жасөспірімге көмектескен.

«Құтқару қызметіне Үлкен Алматы көлі маңындағы Космостанциядан жоғары жерде ауа райының нашарлауына байланысты үш жасөспірім өз бетімен түсе алмай жатқаны туралы ақпарат келіп түсті», – делінген хабарламада.

Құтқарушылар жасөспірімдермен байланыс орнатып, геолокацияны анықтаған. Жасөспірімдер бұған дейін тауға жиі шыққан, жылы киініп алған.

«БАУ» КМҚ құтқарушылары жасөспірімдерді автобус аялдамасына дейін жеткізіп, оларға қалаға өздері кеткен. Жасөспірімдердің жағдайы жақсы болғандықтан, медициналық көмек көрсетілмеген.

Елдің батысында ғана жаңбыр жауады. «Қазгидромет» 30 қазанға ауа райы болжамын ұсынды.   

Қазақстан қор биржасының сауда-саттығындағы АҚШ долларының бағамы 29 қазанда бірден 5,4 теңгеге немесе 1,01%-ға – 529,96 теңгеге дейін төмендеді, деп хабарлайды Kursiv.Media.

KASE ақпаратына сүйенсек, сауда-саттық көлемі 407,6 млн долларды құрады, бұл шілде айының соңынан бергі ең жоғары көрсеткіш.

24 қазан, жұма күні биржалық сауда-саттықта бағам бір доллар үшін 538,13 теңгені болды, ал 28 қазан, дүйсенбіде сауда-саттық 535,36 теңгемен аяқталды.

Айта кету керек, 28 қазанға дейін қазақстандық салық төлеушілер корпоративтік табыс салығы (КТС), жеке табыс салығы (ЖТС) және төлем көзінен ұсталатын ЖТС бойынша аванстық төлемдерді, сондай-ақ зейнетақыны қоса алғанда, басқа да салықтар мен аударымдарды төлеуге міндетті болды.

Ұлттық банкт...

Премьер-министр Олжас Бектенов АҚШ президентінің арнайы өкілі Серджио Гормен және АҚШ Мемлекеттік хатшысының бірінші орынбасары Кристофер Ландаумен сауда-экономикалық ынтымақтастық мәселелерін талқылады, деп хабарлайды Kursiv.Media.

Үкімет баспасөз қызметінің ақпаратына сүйенсек, Қазақстан шетелдік, соның ішінде америкалық бизнес үшін де қолайлы жағдайлар жасауға бағытталған жүйелі шараларды жүзеге асырып келеді.

«Ұлттық банк мәліметінше, 1993 жылдан бері АҚШ-тан тікелей инвестициялардың жалпы ағыны шамамен $61,2 млрд-ты құрады, бұл Қазақстандағы тікелей шетелдік инвестициялардың (ТШИ) жалпы көлемінің 13%-ынан асады. Соңғы бес жылда өзара сауда көлемі екі есеге артып, $4,2 млрд-қа жетті», – делінген Үкімет хабарламасында.

Кездесу барысында тараптар сауда байланыстары мен...

Сауда министрлігі қазақстандықтарға автокөлікті лизингке алуға мүмкіндік беретін ішкі сауда ережелеріне түзетулер дайындады. Бұдан бөлек, авто лизинг үлгі шарты бекітіледі.

Автокөлік лизинг мүмкіндігі

Ішкі сауда ережелеріне енгізілген өзгерістер туралы құжат «Ашық НҚА» сайтында жария болды. Бірақ оған ешқандай түсініктеме жоқ. Министрліктің Kursiv.Media өтінішіне жауап ретінде Ережеге жеке тұлғалар лизинг шарты бойынша көлік сатып ала алатындығы туралы – оларды одан әрі меншікке өткізу немесе лизинг берушіге қайтару мүмкіндігі туралы тармақ қосылатынын хабарлады.

Лизинг шарттары үлгі нысаны бойынша жасалған. Машинаны лизингке алғандар үшін ережелерді жақсарту мүмкіндігі қарастырылған. Алайда бұл тармақ пайдаланылған автомобильдерге қолданылмайды, яғни осы ережелер бойынша лизингке тек жаңа...

Ұлытау облысының Сәтбаев қаласында түнгі кезекшілікте жүрген полицейлер өртеніп жатқан үйден үш баланы аман алып шықты, деп хабарлайды Kursiv.Media.

Ішкі істер министрлігінің ақпаратына сүйенсек, түнгі сағат екі шамасында көппәтерлі тұрғын үйдің бірінші қабатындағы пәтер өртенген. Осы уақытта қала көшелерін күзетіп жүрген Әсет Әбдуақитов пен Нұрболат Нұрғабыл пәтер терезесінен жалынның жарылып жатқанын байқап, оқиға орнына келді. Оларға әйел жүгіріп келіп, пәтерде үш кішкентай бала қалғанын айтқан.

«Тәртіп сақшылары еш кідірместен пәтерге кіріп, төсектің астынан бір баланы тауып, қауіпсіз жерге шығарып үлгерген. Бірінші баланы құтқарғаннан кейін, олар екінші бөлмеге кіруге тырысқан, бірақ төбені шарпыған от ішке өтуге мүмкіндік...

Вьетнамда су тасқыны кем дегенде 10 адамның өмірін қиды, тағы бесеуі жоғалып кетті, деп хабарлайды Associated Press.

Жойқын су тасқынынан қалалар, ауылшаруашылық жерлері және көлік инфрақұрылымы зардап шекті. 

Дананг қаласындағы жағалауда алты адамның қайтыс болғаны белгілі болды. Төртеуі жоғалып кетіп, 19 адам жарақат алды. Тұрғын үйлерді, егін мен шаруашылықтарды, жануарларды су шайып кетті.

Елдің бұрынғы астанасы Хью қаласында бір адам суға батып кетті. Бес жасар қыз тасқын суға түсіп іс-түссіз жоғалған. Өзге қалаларда үш адам қайтыс болған.

Қаланың едәуір бөлігі әлі де су астында. 27 қазан күні кешке тәулігіне жауын-шашын мөлшері 1085 мл-ге жетті (1 мл жауын-шашын 1 шаршы...

Өнеркәсіп министрлігі Отбасы банктің зейнетақы жинағына сатып алынған тұрғын үйді сатуды бес жылға шектеу туралы ұсынысын қолдамады. Яғни пәтер сатып алу үшін зейнетақы қаражатын алып, содан кейін үйді сатуға болады.

Жағдайға байланысты Kursiv.Media Отбасы банкке сауал жолдаған еді. Банк ақпаратына сүйенсек, бір пәтерді бірнеше азаматқа қайталап сату арқылы біржолғы зейнетақы төлемдерін шығарып алатын оқиғалар жиі болады. Банк осы жағдайға байланысты ұсыныс жасаған.

Банк зейнетақы төлемдерін пайдалану ережелеріне өзгерістер енгізу туралы ұсынысты Өнеркәсіп және құрылыс министрлігіне жолдаған. Яғни зейнетақы жинағына сатып алған үйді бес жыл бойы сатуға тыйым салуды ұсынған.

«Банктің бұл ұсынысы қолдау таппады. Өйткен...

Маңғыстау облысындағы «Мұнайспецснаб Компани» жұмысшылары басшылықпен келіссөздерден кейін ереуілді тоқтатты. Ақпаратты Kursiv.Media-ға «Қазмұнайгаз» растады.

«2025 жылы 29 қазандағы жағдай бойынша «Мұнайспецснаб Компаниядағы» жағдай реттелді. Кәсіпорынның жұмысы толық көлемде қалпына келіп, қызметкерлер өз жұмыс орындарына оралды», – делінген ҚМГ түсініктемесінде.

«Мұнайспецснаб Компани» Қазмұнайгаз ұлттық компаниясының еншілес ұйымы «Өзенмұнайсервиске» көлік қызметтерін ұсынатыны атап өтілді.

Мұнайшылар бұған дейін «Мұнайспецснаб Компанияда» еңбек құқықтары мен әлеуметтік әділетсіздіктердің бұзылғаны туралы шағым жасап, бейне үндеу жариялаған. Қызметкерлер Президентке, Маңғыстау облысы мен Жаңаөзен қаласының әкімдеріне, облыстық прокурорға және «ҚазМұнайГаз» басшысына жүгінді.

2022 жылдан бастап Қазақстанда 97 ереуіл тіркелді. Олардың басым көпшіліг...

Қараша айы жақындағанымен, Шымкентте әлі жылу берілмеді. Әлеуметтік желіде жылуды қосуды сұрап, арызданып жатқандар бар. Әкімдік мұны ауа райының жылы болуымен байланыстырады.

Жылда Шымкентте жылу 25 қазан күні берілетін. Қазір қазан айы аяқталуға санаулы күндер қалды. Қалада орталық жылу әлі қосылмады.

Жылудың жоқтығына наразы тұрғындар әлеуметтік желілерде де пікір жазып жатыр. Олардың жазуынша, үй суық, одан әсіресе балалар ауырып жатыр. Дегенмен бұл мәселеге қатысты қала әкімдігінің уәжі бөлек.

Қалалық өңірлік коммуникациялар орталығында өткен баспасөз мәслихатында қала әкімінің орынбасары Сәрсен Құранбектің айтуынша, жылуды қосудың өз тәртібі бар. Ол үшін ауа райының түнгі және күндізгі температурасы есепке алынады. 3 күн ауа температурасы...

Шымкентте автогаз бекеттерінің көбінде газ жоқ. Газ бар бекеттердің өзінде жүргізушілер сағаттап кезекте тұр. Әкімдік мұны шеттен келген көліктермен байланыстырады.

Шымкентте автогаз тапшылығы байқалды. Автогаз бекеттерінің қызметкерлері қазан айында газ азайғанын айтады.

«Газ қазан айында 3-4 рет келді де, жоқ болды», – дейді бекет қызметкерлерінің бірі. Енді бірі күніне 5 тонна газ келгенімен, бәріне бірдей жетпей 7-8 сағатта таусылатынын айтады.

Kursiv.Media тілшісі қаланың бірнеше автогаз құю бекетіне барып, жағдаймен танысып қайтты. Оның бірінде ғана газ бар екеніне куә болды. Ол жерде ондаған жүргізуші кезекте тұрды.

«1 сағаттың ішінде 44 жүргізуші кезекке тұрды. Көп өтпей мына кезек...

Миссисипи штатында билік зертханалық маймылды іздестіріп жатыр. Ол жол апатынан кейін қашып кеткен деп жазады Guardian.

Маймылдарды жүк көлігіне салып Луизиана штатындағы Тулейн университетінің Ұлттық биомедициналық орталығына жеткізбек болған. Жолда көлік апатқа ұшырап, тор жыртылып, бірнеше макака резус қашып кетеді. Оларға бірнеше вирус, соның ішінде гепатит С пен Covid-19 жұқтырылған, сондықтан адамдар үшін қауіпті болуы мүмкін деп жазады басылымдар.

Бірақ Ұлттық биомедициналық орталығы қызметкерлері оларға инфекция жұқтырылмаған, аса қауіпті емес деп сендіреді.

Салмағы шамамен 12 келі болатын маймылдар агрессия танытқан, оларға тек қорғаныс құралдарымен жақындауға рұқсат етілген.

Полиция хабарлауынша, қашқан маймылдар өлтірілді. Тек біреуі ғана әлі табылмаған, қазір оны іздестіріп...

Қытайда блогерлерге арналған жаңа заң күшіне енді. Енді медицина, заң, білім беру немесе қаржы тақырыптарында контент жасау үшін ресми біліктілік яғни диплом, кәсіби лицензия немесе сертификат болуы тиіс. Бұл жайлы Қытайдың Киберкеңістік әкімшілігі (CAC) хабарлаған.

Жаңа ереже 25 қазаннан бастап қолданысқа енгізілді. Енді Douyin, Bilibili және Weibo сияқты платформалар блогерлердің осы талаптарды орындауын өздері бақылайды. Сондай-ақ контент авторлары өз кеңестері мен пікірлерін қандай зерттеулерге сүйеніп жазғанын көрсетуге міндетті.

CAC мәлімдемесінде бастаманың мақсаты желідегі жалған ақпаратпен күресу және қолданушыларды зиянды кеңестерден қорғау деп түсіндіреді.

Алайда сыншылардың пікірінше, бұл заң шығармашылық еркіндік пен сөз бостандығын шектеуі мүмкін. Олар тек жалған ақпаратты ғана...