Жаңалықтар

Грузия астанасы Тбилисидегі президент сарайы маңында 4 қазанда жаппай наразылық акциялары өтті. Дәл сол күні ел бойынша муниципалды сайлау өткен. Дауыстарды санаудан кейін елдің орталық сайлау комиссиясы «Грузинская мечта» партиясының ең көп дауыс жинағанын хабарлады.

Артынша көпшілік қаладағы Еркіндік алаңына және оған іргелес жатқан Руставели даңғылына жинала бастаған. Кешке қарай жиналғандардың саны ондаған мың адамға жетті.

Содан кейін жиналғандарды президент сарайын басып алуға шақырған. Бұл полиция мен жиналғандар арасындағы қақтығысқа әкелді.

DW хабарлауынша, президент сарайына жиналғандарды тарату үшін полиция көзден жас ағызатын газ қолданған.

Ал елдің премьер-министрі Ираклий Кобахидзе болып жатқан жағдайды «мемлекеттік төңкеріс жасауға талпыныс» деп атап, барлы...

Елімізде УЕФА стандарты бойынша салынған үшінші стадион ашылды. Бұл туралы Туризм және спорт министрлігі хабарлады.

Қызылордада салынған көпсалалы стадион 11 мың орынға лайықталған. Спорт нысанының жалпы аумағы 20 мың шаршы метрден асады. Кешенде бокс, күрес, спорттық гимнастика, таэквондо, ауыр атлетикаға арналған залдар бар. Ерекше қажеттілігі бар жандар үшін де қолайлы жағдай қарастырылған.

«Биыл жыл басынан бері еліміздің 14 өңірінде 32 спорт нысаны пайдалануға берілді. Жыл соңына дейін тағы 70 нысанның құрылысы аяқталады. «Қайсар Арена» стадионы – Қасым-Жомарт Тоқаевтың тапсырмасымен жүзеге асқан ең ірі инфрақұрылымдық жобалардың бірі», – деді министр Ербол Мырзабосынов.

Стадион УЕФА-ның 4-санатына...

Бірнеше өңірде ауа райына байланысты дабылды ескерту жарияланды. Төтенше жағдайлар министрлігінің хабарлауынша, 5-6 қазанда кей өңірге тұман түседі, енді бір өңірде өрт шығу қаупі жоғары болады.

Мәселен, 5 қазанда Алматы облысының таулы аудандарында кей уақытта тұман түседі. Түнде облыстың солтүстігінде, оңтүстігінде 1-3 градус үсік жүреді.

Ақтөбе облысының оңтүстігінде, солтүстігінде өрт қаупі жоғары болады.

Ақтөбе қаласында 4-6 қазанда өрт шығу қаупі бар.

5 қазанда Түркістан облысының солтүстігінде, батысында шаңды дауыл соғады. Солтүстік-шығыстан жел соғады, облыстың солтүстігінде, батысында, таулы аудандарында желдің күші 15-20, күндіз екпіні 23 м/с болады.

Шымкент қаласында 5 қазанда солтүстік-шығыстан жел соғады, екпіні 15-20 м/с. Түркістан қаласында 5 қазанда кей уақытта шаңды дауыл...

Ақтауда балабақшада сәби соққыға жығылды. Жекеменшік балабақшаға баратын қыз бір жарым жаста ғана.

Lada ақпаратына қарағанда, Ассия Сұлтанбайдың анасы Камила Қабиева тергеудің толыққанды жүргізілмей жатқанын айтып шағымданды.

Оның сөзінше, сот-медициналық сараптаманың қорытындысында тек «екі сызат» көрсетілген. Алайда фотосуреттерде қыздың денесінде көптеген жарақат пен көгеру бар екені анық көрінеді. Дәрігерлер жабық бас-ми жарақатын, жүйке жүйесінің ауруын, психикалық бұзылысты және көздің іскенін тіркеген.

«Барлық диагнозды сараптамаға тапсырдым. Бірақ олар ескерілмеді. Қайта тексеру жүргізуді сұрағаныммен, полиция тек сот арқылы мүмкін деп бас тартты. Енді істі жауып тастауға тырысуда», – дейді Камила Қабиева.

Оның айтуынша, тәрбиеші мен күтуш...

Темірлан Анарбековке көлік сыйлады. Көлікте «халықтың атынан» деген жазу бар. Оған Лисан Li L9 кроссовері бұйырып отыр.

«Темірлан бауырым, халықтың атынан бозжорғаны алдыңызға әкеліп қойдық. Біздің компанияның атынан табыстауға рұқсат ет. Халқымызға осындай ұл сыйлаған алтын құрсақты анамыз, қабыл алыңыз», – деді бір компанияның филиал директоры Ержан Сәрсенбаев.

Алматылық «Қайрат» футбол клубының қақпашысы Темірлан Анарбеков күтпеген тосынсыйға қатты қуанғаны байқалды.

«Көріп жатырмын, естіп жатырмын, барлықтарыңызға, қазақ халқына алғысым шексіз. Бүкіл клубтың, команданың көмегімен нәтижеге жеттік деп ойлаймын», – деп ризашылығын білдірді Темірлан Анарбеков.

Айта кететін жай, Темірлан Анарбеков ауыр жарақат...

Freedom Holding Corp. компаниясының бас директоры Тимур Турлов өзінің менеджер ретіндегі ең үлкен жетістігін атады.

Ол – стартаптарды сатып алу барысында олардың командалары мен негізін қалаушыларын жоғалтпай сақтап қалғаны. Бұл туралы ол 3 қазан күні Астанада өткен Digital Bridge форумында баяндады. Сессия «Орталық Азиядағы венчурлік экожүйедегі стратегиялар: стартаптарды не үшін сатып алу керек» деп аталды.

«Біз өте мықты бірнеше стартапты сатып алдық. Олар нарықта көшбасшылыққа немесе екінші орынға шыққан болатын. Сол стартаптардың командалары мен негізін қалаушыларының басым бөлігін жоғалтпай сақтап қала алдық. Олар біздің холдингтің бір бөлігі болып қалды. Холдинг құрамында олар бұрынғыдан да...

Садыр Жапаров өлім жазасын қайта енгізу мәселесін халық шешетінін мәлімдеді. Ол мұны басылымдарға берген сұхбатында айтқан.

24 kg ақпаратына қарағанда, Президенттің баспасөз хатшысы Аскат Алагозов мемлекет басшысы Садыр Жапаровтың сұхбатын жариялады.

Айсулуу Мукашеваның өлімі

Онда ол Қырғызстанда өлім жазасын қайтару бастамасына қатысты пікір білдірді.

Талқылауға түрткі болған жағдай – қыркүйек айының соңында 17 жастағы Айсулуу Мукашеваның аса қатігездікпен өлтірілуі. Қоғам әйелдер мен балаларға қарсы қылмыстар үшін жазаны қатаңдатуды талап етті.

Президенттің айтуынша, ол тергеуді жеке бақылауына алып, әкімшілікке заңдарға өзгеріс енгізуге тапсырма берген. Садыр Жапаров кәмелетке толмағандарға және әйелдерге қатысты кісі өлтіру мен зорлау қылмыстарыны...

Руслан Берденов Алматы қаласының даму орталығын басқарады. Орталықтың директорлар кеңесі жаңа басқарма төрағасын бекітті.

Орда ақпаратына қарағанда, бұл қызметке Руслан Берденов тағайындалды.

Бұл ақпаратты мегаполис әкімдігі растады. Бұған дейін бұл туралы блогер Бейбіт Әлібеков әлеуметтік желіде хабарлаған болатын.

Алматы қаласының даму орталығы – мегаполистің тұрақты өсіміне арналған стратегия мен жобаларды қалыптастыратын негізгі құрылым. Ұйым think tank, жобалық офис және коммуникациялық платформа қызметін атқарып, әкімдікке инфрақұрылым, транспорт, экология және цифрландыру салаларындағы бастамаларды әзірлеуге және іске асыруға көмектеседі.

«Ақыры барлық идеяларды барынша жылдам жеткізіп, іске қоса аламыз деп үміттенемін. Қоғамдық көлік, кептелістер, инвестициялар, туризм», — деп жазды...

Құтыру – бәрінің еститіні, бірақ оның қаншалықты қауіпті екенін көпшілік ойлай бермейтін ауру. Әлемде жыл сайын шамамен 59 мың адам осы дерттен көз жұмады. Олардың жартысына жуығы – 15 жасқа толмаған балалар. Қазақстанда соңғы он жылда адамдар арасында 25 жағдай тіркелген.

Негізгі мәселе мынада: аурудың белгілері пайда болғаннан кейін ол іс жүзінде әрдайым өліммен аяқталады. Бүкіл әлем бойынша осылай. Бірақ жақсы жаңалық та бар. Өйткені жұқтырудың алдын алуға болады. Ол үшін қарапайым қорғану ережелерін білу, тістелген жағдайда дұрыс әрекет ету және дер кезінде дәрігерге қаралу маңызды.

Құтыру дегеніміз не?

Құтыру — адам мен жануарлардың миы мен жүйке жүйесін...

Freedom SuperApp мобильді қосымшасы – соңғы бір жыл ішінде қазақстандық AppStore-дағы ең көп жүктелген алғашқы үш қосымшаның бірі.

Сонымен қатар, әлі де ең жылдам өсіп келе жатыр. Бұл туралы Freedom Holding Corp.-тың CEO-сы әрі мажоритарлық акционері Тимур Турлов мәлімдеді.

«Қазіргі таңда шамамен 1,6–1,7 млн ай сайынғы белсенді қолданушы бар (MAU – қосымшаны немесе онлайн-сервисті ай сайын қолданатын бірегей пайдаланушылар саны). Бұл бәсекелестерімізбен салыстырғанда айтарлықтай аз. Бұған қарамастан, біз – қазір ең көп жүктеліп жатқан қосымшамыз. Әрі ең жылдам өсіп келеміз. (Ал қосымшаны жалпы пайдаланушылар саны – «Курсив») 3 млн-нан асады», – деді ол Digital Bridge барысында.

Баян Алагөзова бұрынғы күйеуі Бақытбек Есентаевтың көзіне шөп саларда қандай ниетте жүргенін ашық айтып берді.

Танымал продюссер сұхбатының үзіндісін өзінің әлеуметтік желідегі парақшасына жария етті.

«Мен ғашық болып қалдым. Енді қазір өмір сүріп жатқандай өмір сүре алмайтынымды түсіндім. Мұның құны маған қаншалықты қымбатқа түссе де… Мен бұл адамсыз (Тұрсынғали Алагөзовсіз – ред) өмір сүре алмайтынымды білдім. Бар болғаны осы», – деді Баян Алагөзова.

Оның айтуынша, продюссер жаңа ғашығы Тұрсынғали Алагөзовпен бірге Грузияға демалуға барып келген.

«Мен бұл командировканы кету үшін ойлап таптым. Мен ол жақтан бұрынғы Баян болып оралмайтынымды аны...

АҚШ Венесуэла жағалауында кемелерді бомбалап келеді. Ақ үйдің пікірінше, бұл кемелерге есірткі тиеліп, АҚШ-қа жеткізіледі.

Іnterfax ақпаратына қарағанда, Пентагон басшысы Пит Хегсет Венесуэла жағалауына жақын бейтарап теңізде есірткі тиелген кемеге соққы жасалғанын хабарлады.

Трамптың бұйрығы

«АҚШ президенті Дональд Трамптың бұйрығымен бүгін таңертең есірткі тасымалдаған, АҚШ-та террористік ұйым ретінде танылған топқа қатысы бар кемеге соққы жасау әрекетін үйлестірдім. Соққы Венесуэла жағалауына жақын бейтарап теңізде жасалды», – деп жазды Хегсет жұма күні X әлеуметтік желісінде.

Кемеге иелік еткен ұйымның атауын ол атамады.

АҚШ шабуылынан қанша адам қаза тапты?

Пентагон басшысының айтуынша, соққы...

«Халықаралық бағдарламалар орталығы» Болашақ стипендиясына тапсырушыларға алаяқтық фактілеріне қатысты ескерту жасады.

«Соңғы уақытта белгісіз тұлғалар Орталық қызметкерлері ретінде танысып, ақша аударуды талап ету немесе «Болашақ» және «Ғылыми тағылымдамалар» бағдарламаларына құжат тапсыру барысында ақылы «көмек» көрсетуді ұсыну жағдайлары тіркелуде», – делінген орталық хабарламасында.

Орталықтың ақпаратына сүйенсек, қызметкерлері әрдайым тегін қызмет көрсетеді. Және тек @bolashak.gov.kz домені бар корпоративтік электронды поштамен жазады.

Барлық ресми ақпарат келесі ресми ресурстарда жарияланады:

Айта кетейік, осыған дейін 2026 жылдан бастап Болашақ бағдарламасымен Халықаралық олимпиада жеңімпаздары оқуға тапсыра алады.

АҚШ президенті Дональд Трамп Ақ үйдің Газадағы атысты тоқтатуға қатысты жоспарын қабылдау үшін Палестинаның Хамас қозғалысына жексенбі кешкі 18:00-ге дейін уақыт берді. ХАМАС жауап бермеген жағдайда олардың «жаздайын қиындатуға» уәде берді.

Reuters агенттігінің хабарлауынша, әңгіме Вашингтон ұсынған 20 тармақты есеп айырысу жоспары туралы болып отыр.

Жоспар не жайлы

Ақ үй ұсынған және Израильмен және басқа да бірқатар елдер қолдаған құжат атысты тоқтатуды, кепілге алынған адамдар мен тұтқындарды дереу айырбастау, Израиль әскерлерін кезең-кезеңімен аймақтан шығару және қарусыздандыруды көздейді.

Шартқа сәйкес, израильдік кепілге алынған азаматтар босатылып, қаза тапқандардың денелері қайтарылғаннан кейін 72 сағат ішінде соғыс аяқталуы керек. Өз азаматтарына айырбастау...

Алматы қаласының Наурызбай батыр ауданындағы бірнеше тұрғын үйде үш күннен бері суық су жоқ. Бұл туралы Kursiv.Media редакциясына тұрғындар хабарлады.

Ақпаратқа сүйенсек, тұрғындар үшінші күн қатарынан үйлерінде ыстық су ғана ағып тұрғанын айтады. Олар қазір ыстық суды суытып қолдануға мәжбүр. Тұрғын үйлердегі су желісіне жауап беретін мердігер аймаққа цистерналар әкеліп орнатқан.

«340/35 үйінің 11 және 6 корпустарының арасында су таситын автоцистерна қойылды.
Қажетті мөлшерде суды алдын ала алып қоюларыңызды сұраймыз», – делінген басқарушы компанияның хабарламасында.

Тұрғындардың айтуынша, суық тоқтағаннан кейін кәріз жүйесі де дұрыс жұмыс істемей, тұрғын үйде дәрет иісі шыға бастаған.

4 қазан, сенбі күні Қазақстанның 15 облысында дауылды ескерту жарияланды, деп хабарлайды «Қазгидромет» РМК.

«4 қазанда түнде Солтүстік Қазақстан облысының солтүстігі мен шығысында солтүстік-батыс жел соғады, екпіні секундына 15-20 метр, күндіз секундына 15-20 метр болады. Петропавлда 4 қазанда Солтүстік-батыс жел соғады, екпіні секундына 15-20 метр», – делінген хабарламада.

Маңғыстау облысында Шығыс, Оңтүстік-Шығыс, батыста, солтүстікте және оңтүстікте секундына 15-20 метр екпінді жел күтіледі. Батыс пен солтүстік-шығыста өрт қаупі жоғары. Ақтауда 4 қазанда Шығыс, оңтүстік-шығыс жел, екпіні секундына 15-20 метр болады деп күтілуде. Өрт қаупі жоғары.

Батыс Қазақстан облысында түнде солтүстік пен шығыста -3 аяз күтіледі. Батыста...

Қостанай облысының тұрғынына түнгі уақытта отшашу атқаны үшін айыппұл салынды.

Облыстық соттың мәліметінше, оқиға Лисаков қаласында 20 қыркүйекте сағат 23:15 шамасында болған. Мейрамхананың жанында ер адам пиротехникалық отшашуды атып, тұрғындардың мазасын алған.

Ол бірінші кезекте отшашуды қоғамдық орында атқаны үшін айыпталған. Сотта азамат өзінің кінәсін толық мойындап, өкінетінін айтқан. Сол күні үйленгеннен кейін отшашу атқысы келгенін айтып, ақталған.

Оған 55 048 теңге көлемінде айыппұл салынды. Сот шешімі әлі заңды күшіне енген жоқ.

Алматыдағы тергеу изоляторында қамауға алынған ер адам қайтыс болды. Блогер Михаил Козачковтың жазуынша, қайтыс болған адам әкімшілік құқық бұзушылық жөніндегі мамандандырылған ауданаралық соттың судьясы Дастан Сләмқұлов. 

Ішкі істер министрлігінің Қылмыстық-атқару жүйесі комитеті Kursiv.Media-ға тергеу үшін қамауға алынған адамның қайтыс болғанын растады. Алайда оның аты-жөнін жария етпеді.

«Тергеу изоляторында қамауда отырған ер адам кенеттен көз жұмды. Алдын ала өлім себебі – жіті жүректің соғуының жетіспеушілігі. Өлім фактісі бейнебақылау камерасына тіркелген. Аталған дерек бойынша тексеру жүргізілуде», – деп хабарлады комитет.

Айта кетейік, Казачков атаған судья 2024 жылдың қазан айында тергеуге ілінген. Ұлттық қауіпсіздік комитеті судьяны алаяқты...

Өскеменде есірткі мен алкогольге мас күйінде көлік жүргізген прокурор В.Б. Пан жұмыстан қуылды. Бұл туралы облыстық прокуратура хабарлады.

Әлеуметтік желілерде прокурор Панның 26-27 қыркүйекке қараған түні Hyundai Accent көлігін басқарған кезде Өскемендегі Жеңіс даңғылындағы шам бағанасын соққаны туралы ақпарат тараған. Ол бағанаға соғылғаннан кейін аулада жасырынғысы келген. Бірақ оны патрульдік полиция қызметкерлері ұстап алып, медициналық тексеруге жеткізеді.

Прокурордың қанынан алкоголь табылып, ал зәрді жедел талдау экспертизасы марихуананы қолданғанын анықтаған.

«Шығыс Қазақстан облысының прокуратурасы Құқық қорғау органының беделін түсіретін теріс қылық жасағаны үшін Өскемен қаласының прокуратура бөлімінің прокуроры В.Б. Пан «құқық қорғау қызметі туралы» ҚР...

Павлодар облысындағы Успенка-Достық тас жолында Камаз аударылып, нәтижесінде ер адам қаза тапты. Апат Ольгинка ауылының маңында болды.

Аймақтың ТЖД мәліметі бойынша, көлік аударылып, жүргізуші кабинада қалып қойған.

«Құтқарушылар гидравликалық құралдың көмегімен ер адамды шығарып алды. Алайда оның тыныс тқтаған екен. Оның денесі полицияға берілді», – деп хабарлады ТЖД.

Ведомство мұндай қайғылы оқиғаларды болдырмау үшін жол қозғалысы ережелерін қатаң сақтау қажеттігін еске салды.

Айта кетейік, осыған дейін бір түнде 15 адам жол апатынан қайтыс болғаны туралы жазған едік.

АҚШ Сенаты жұма,3 қазан күні үшінші күнге созылған үкіметтік құлдырауды аяқтау үшін республикашылдар мен демократтардың жобаларына дауыс береді. Алайда сарапшылардың бағалауы бойынша, ұсыныстардың мақұлдануы неғайбыл, деп жазады Reuters.

Медициналық субсидияларға қатысты дау

Демократтар бюджеттік пакетке желтоқсан айының соңында аяқталатын медициналық сақтандыру субсидияларын кеңейтуді қоспақ. Республикашылар бұл мәселені бөлек талқылау керек деп сендіреді.

АҚШ президенті Дональд Трамп демократ сайлаушылар басым штаттарға бөлінген миллиардтаған долларды шектеу үшін федералды қызметкерлерді тағы да қысқартатынын айтуда. Жыл соңына қарай Ақ үйдің жоспары бойынша 300 мыңға жуық адам жұмысынан айырылады. Бюджеттік басқару агенттіктерден қызметі «әкімшіліктің басымдықтарына сәйкес келмейтін» қызметкерлерді жұмыстан шығару жоспарларын ұсынуды...

2025 жылдың қыркүйек айында Қазақстандағы іскерлік белсенділік қарқыны тұрақты. Әсіресе сауда, өндіріс және қызмет көрсету салаларында өсім байқалады. Бұл туралы Ұлттық банктің ақша-кредит саясаты департаментінің директоры Рүстем Оразалин түсіндірді.

«2025 жылдың қыркүйек айында іскерлік белсенділік 50,9 (тамызда 51,0) болып, өзгеріссіз қалды. Индикатор 2024 жылғы наурыздан бастап оң аймақта тұр», – делінген хабарламада.

Ақпаратқа сүйенсек, өндірісте, қызмет көрсету секторында және саудада белсенділік сақталды, онда индекс тиісінше 53,0, 51,0 және 50,8 болып, өсіп келеді. Ал құрылыс пен тау-кен өндіру өнеркәсібінде көрсеткіштер теріс көрсеткіште  49,5 және 49,3 деңгейінде.

Айта кетейік, көрсеткіш мәні 50-ден жоғары болса – оң өзгерісті, төмен болса – кері өзгеріс дегенді білдіреді. Индекс мәні 50-ден қаншалықты алшақ (жоғары немесе...

Денсаулық сақтау министрлігінің санитарлық-эпидемиологиялық бақылау комитетінің тамақтану, білім беру және тәрбие объектілерін бақылау басқармасының басшысы Гүлшарат Қожатова мектеп асханаларының жұмысында не өзгеруі мүмкін екенін айтты.

Қожатова Денсаулық сақтау министрлігі осы жылы Кәсіпкерлік Кодекске және «денсаулық сақтау және денсаулық сақтау жүйесі туралы» кодекске балалар баратын объектілерді мемлекеттік бақылауға қатысты өзгерістер енгізіп жатқанын атап өтті.

«Негізгі жаңалық – объектілерді кенеттен тексеру, яғни тосын келу принципін енгізу, яғни алдағы тексерулер туралы алдын ала хабарлама алынып тасталады. Екіншіден, мониторингтік сапарларды енгізу жоспарлануда, яғни санитарлық-эпидемиологиялық бақылау органдары объектілерге мониторинг жүргізуге құқылы болады», – деп түсіндірді спикер.

Оның мәліметінше, құжат Парламент...

Цифрландыру дәуірінде және ақпарат заманында мұғалімдер оқушылардың қызығушылығын арттыру үшін тың әдістер қажет.

Алматы облысының әкімдігінің ақпаратынша, осындай жаңашыл ұстаздар аз емес. Соның бірі – әлеуметтік желілерде «Мистер Омирбек» атымен танымал ағылшын тілі пәнінің мұғалімі Өмірбек Жанқуатов.

Ол TikTok желісіндегі бейнероликтері арқылы кеңінен танымал болып отыр. Жас педагог бейнематериалдарда мектеп оқушыларына ағылшын тілін музыкалық композициялар арқылы үйретеді.

Өмірбек Жанқуатов 34 жаста. Алматы облысы Байсерке ауылындағы №28 мектеп–гимназияда жұмыс істеген. Қазіргі кезде Іле ауданы Қосөзен ауылындағы мектепте сабақ береді. Оның оқыту тәсілі шығармашылыққа негізделген.

«Сабақ барысында шәкірттері ағылшын сөздері мен сөз тіркестерін рэп ырғақтарына қосып жаттайды. Мұндай...