Жаңалықтар

Ресей тарапы Еуразиялық экономикалық одақ шеңберінде ірі қара мал етінің жекелеген түрлерін импорттау кезінде кедендік баж мөлшерлемесін қолданыстағы 50%-дан 27,5%-ға дейін төмендетуді ұсынды.

Қазақстан тарапы бұл ұсынысты қолдаудан бас тартып отыр. Бұл жөнінде Премьер-министрдің орынбасары – Ұлттық экономика министрі Серік Жұманғариннің депутаттарға берген жауабында жазылған.

«Ет импортына кедендік баждарды төмендету мәселесіне келсек, бұл бастама бастапқыда тапшылықтың алдын алу, ет өнімдері бағасының тұрақтылығын қамтамасыз ету және ішкі нарықты толықтыру мақсатында қарастырылған болатын Ресей Еуразиялық экономикалық одақтың бірыңғай кедендік тарифі шеңберінде ірі қара мал етінің жекелеген түрлерін импорттау кезінде кедендік баж мөлшерлемесін қолданыстағы 50%-дан 27,5%-ға дейін төмендетуді, сондай-а...

Шымкентте 6 бала асырап алып, оларды қинады, тәрбиелеу жөніндегі міндетін орындамады деген айып тағылған емші Ұлықбек Смановтың ісіне нүкте қойылды, деп хабарлайды Kursiv.media.

Емші сот шешімімен созылмалы психикалық ауруға шалдыққан деп танылып, мәжбүрлі емге жіберілсе, әйелге қатысты қозғалған қылмыстық іс қысқарған. Полиция дерегінше, оның әрекетінде қылмыстық құрам болмаған.

«Оның әйеліне қатысты кәмелетке толмаған баланы тәрбиелеу жөніндегі міндеттерді орындамау фактісі бойынша материалдар жеке өндіріске бөлінді. Осы істің барлық мән-жайын анықтауға бағытталған қажетті тергеу іс-шараларының кешені өткізілді. Тергеу барысында куәгерлерден сұхбат алынды, сараптамалар тағайындалды, беттестірулер жүргізілді» делінген полиция хабарламасында.

Тергеу нәтижесіне сай күдіктіге қатысты іс тоқтаған...

Абайтанушы Омар Жәлелұлы жігіттерді тоқал алмауға шақырды. Өзінің тоқал алып, кейіннен мұнысына өкінгенін айтты.

Ол тоқал алуға қатысты көзқарасы қалай өзгергенін әлеуметтік желіге ашық жазды.

«Тоқал жайлы әңгіме – былжырақ әңгіме. Менің айналамда тоқал алып оңған адамды көргенім жоқ. Соның бірі – менмін. Біз әдетте нәпсінің қалауын ұрпақ, отан, т.б. биік ұғымдармен көлегейлейміз. Ұрпақ керек болса, бір әйелден де өрбітуге болады. Нәпсіңе ие болсаң, энергияңды сыртқа шашпасаң – ұрпағың көп болады», – деді Омар Жәлелұлы.

Оның сөзіне қарағанда, бұрын тоқал алу қажеттілік болған. Қазір нәпсінің қалауы, құмарлық, қала берді, мақтан.

Air Astana әуекомпаниясы Boeing компаниясымен өз тарихындағы ең ірі келісімшартқа қол қойды. Осылайша 18 Boeing 787-9 Dreamliner ұшағын сатып алатын болды. Оның жалпы құны – 7 миллиард доллар.

«Бұл тапсырыс 2026-2027 жылдары жеткізіледі деп жоспарланған үш Boeing 787-9 ұшағына қатысты келісімшартты толықтырады. Осылайша жалпы тапсырыс көлемі 18 әуе кемесіне дейін ұлғаяды. Жаңа ұшақтар 2032-2035 жылдар аралығында жеткізіледі. Қозғалтқыштармен қоса есептегенде, 18 Boeing 787-9 Dreamliner ұшағының жалпы құны 7 миллиард АҚШ долларына тең», – деп хабарлады әуекомпания.

Айта кетейік, Өзбекстанның Uzbekistan Airways әуекомпаниясы 22 Boeing 787 Dreamliner ұшағын 8 млрд долларға сатып алады.

«Шаңырақ» қоғамдық бірлестігінің жетекшісі Алмасбек Садырбаевқа қатысты қылмыстық істі тергеу аяқталды. Қазір тараптар іс материалдарымен танысып жатыр. Бұл туралы Kursiv.Media тілшісіне адвокат Анар Құсайынова айтты.

Садырбаевқа қатысты қылмыстық кодекстің 190-бабы 4-бөлігі 2-тармағы (аса ірі мөлшерде жасалған алаяқтық) бойынша қозғалған.

Қамауда отырып үндеу жолдады

Адвокат Құсайынова Алмасбек Садырбаевтың үндеуін де жариялады.

«Бір жыл бойы үнсіз төзіп, үміттеніп, әділ шешімді күттім. Осы уақыт ішінде мені он рет этаппен басқа изоляторларға ауыстырды, әр кезең мен үшін ауыр сынақ болды. Тергеу мерзімінің соңғы күні ведомствоаралық тергеу тобы іске жаңа баптар – «ұйымдасқан қылмыстық топқа қатысу» және...

Қазақстан ірі вольфрам кен орнын америкалық компаниямен бірлесіп игереді. Президент Қасым-Жомарт Тоқаевтың АҚШ-қа сапары аясында жасалған ірі келісімдердің бірі – Қарағанды облысындағы вольфрам кен орнына инвестиция салу.

АҚШ-тың тау-кен саласына инвестиция салатын Cove Capital компаниясы Қазақстанның орталығы ірі вольфрам кен орындары – «Солтүстік Қатпар» және «Жоғарғы Қайрақты» жобаларын игеру жөнінде келісімге келген.

Reuters агенттігінің хабарлауынша, Сove Capital мен «Тау-Кен Самұрық» АҚ бірлескен кәсіпорын құрып, америкалық компания 70%, ал қазақстандық тарап 30% үлеске ие болады. Бірлескен кәсіпорын жобаны іске асырумен қатар, өндірілген металдың сату бағытын да бақылайды.

Кен орындарын игеруге жұмсалатын...

Chery компаниясына тиесілі премиум санатындағы Exeed бренді жаңа Exlantix ET5 гибридіне алдын ала тапсырыс қабылдаудың басталғанын хабарлады. Carnewschina мәлімдеуінше, Қытайда 13 қарашада тапсырыс қабылдау басталады. Орташа өлшемді бұл кроссовер Гуанчжоу автосалонында ресми түрде таныстырылады.

Exeed Exlantix жаңа буындағы технологиялық флагманға айналуды көздейді, бұл Horizon Robotics HSD интеллектуалды платформасы мен Journey 6P чипі орнатылған алғашқы сериялық көлік.

Сыртқы дизайны

ET5 өлшемдері бойынша классикалық орташа SUV үлгісіне жатады, ұзындығы – 4 780 мм, дөңгелек базасы – 2 800 мм. Дизайны да назар аудартпай қомайды. Көліктің «қабыршақ» тәрізді фаралар және үш деңгейлі жарық жолағы ерекше көзге түседі. Артқы бөлігіне жүздеген LED элементінен тұратын артқы...

Қазақстан Алатау және Алматы қалалары үшін америкалық Joby Aero компаниясымен жалпы құны 300 млн доллар болатын eVTOL электрлік әуе таксилерін сатып алу жөнінде меморандумға қол қойды. Бұл туралы Жасанды интеллект және цифрлық даму министрлігі хабарлады.

Тік ұшып-қонатын әуе көліктері қалалық әуе мобильдігі жобасының құрамдас бөлігі болмақ. Жоба аясында сынақ алаңы құрылып, аэротакси қызметі Алатау мен Алматының көлік жүйесіне біріктіріледі.

Жасанды интеллект және цифрлық даму министрі Жаслан Мәдиев бұл бастаманы «ақылды қалаларды» дамытуға бағытталған маңызды қадам деп бағалады.

«Қазақстан инновациялық көліктің жаңа дәуіріне қадам басуда. Электрлі eVTOL ұшақтарын сатып алу – смарт қалалар мен заманауи...

АҚШ президенті Дональд Трамп Америка мен Өзбекстан арасындағы «керемет сауда-экономикалық келісім» туралы хабарлады.

Трамптың айтуынша, алдағы үш жылда Өзбекстан АҚШ-қа шамамен 35 млрд долларға инвестиция салады. Ал 10 жыл ішінде оның көлем 100 млрд доллардан аспақшы.

Серіктестік негізінен стратегиялық минералдар, авиация, автобөлшектер, инфрақұрылым, ауыл шаруашылығы, энергетика, химия және IT салалары деген бағытта жүреді

«Мен Өзбекстан президенті Шавкат Мирзиевке үлкен алғысымды білдіремін. Екі ел арасында ұзаққа созылған, табысты қарым-қатынас орнайды деп күтеміз», – деп жазды Трамп әлеуметтік желіде.

Екі ел президенті  Орталық Азия – АҚШ форматындағы саммит аясында кездескен. Өзбекстан басшысы Трампты ішкі және сыртқы саясаттағы...

Қазақ эстрадасының әншісі Баян Сұлу (Bayansulu) «Интер» футбол клубына алғыс айтты. Италиялық команда «Қайратпен» ойнайтын кезде қазақ тілінде жазба қалдырып, әншінің «Ауа райы» әнін қолданған.

Соның арқасында Баян Сұлудың екі ай бұрын шыққан жаңа әні көпшілікке танылды. Әнші соны шығармасының трендке айналғанына алғыс айтты.

«Интердің» жазбасын көріп, мыналар қателесіп кеткен жоқ па деп ойлаған шығарсыңдар? Басында мен де солай ойлағанмын. Бірақ екі мәрте қателеспейді ғой.

Аллаға сансыз шүкір. Әлемдік деңгейдегі топтың әнімді Instagram-ға салған уақытта, мен қатты қуандым. Шүкір», – деп ағынан жарылды әнші.

Оның пікірінше, миландық клуб Қазақстанда қандай ән...

Халықаралық Gunvor компаниясы «Лукойлдың» шетелдік активтерін сатып алмайтын болды. Бұл туралы компания ресми түрде X әлеуметтік желісіндегі парақшасында хабарлады.

Мәлімдемеде Gunvor өз қызметі мен иелері туралы әрқашан ашық ақпарат беріп келгенін және соңғы он жылдан астам Ресеймен байланысын үзіп келе жатқанын атап өтті. Компания санкция талаптарына сәйкес ресейлік активтерін сатқанын және Украинадағы соғысты жария түрде айыптағанын айтты.

«Gunvor әрдайым ашық жұмыс істеп келеді, Ресеймен байланысты азайтып, санкцияларды қатаң сақтап отыр. Осыған байланысты біз «Лукойлдың» шетелдік активтерін сатып алу туралы ұсынысымызды кері қайтарып алдық», – делінген ресми хабарламада.

Бұл мәлімдеме АҚШ Қаржы...

Тоқаевтың АҚШ-қа сапары барысында жалпы құны 17 млрд доллар болатын 30 шақты құжатқа қол қойылды. «Қазақпарат» келісімдерге қатысқан қазақстандық және америкалық компаниялардың тізімін ұсынады.

Әуелі Жасанды интеллект және цифрлық даму министрлігі мен Groq, Inc. компаниясы арасында ынтымақтастық туралы меморандум жасалды. Құжатқа Жасанды интеллект және цифрлық даму министрі Жаслан Мәдиев пен Groq компаниясының бас директоры әрі негізін қалаушы Джонатан Росс қол қойды.

 DDH (Солтүстік Америка) Inc. компаниясының президенті (GDA Group құрамына кіреді) Анкит Джоши мен Alatau City Bank акционері Вячеслав Ким арасында 300 млн доллар көлеміндегі меморандум жасалды.

Сондай-ақ Жасанды интеллект және цифрлық даму министрлігі, америкалық Joby Aero, Inc. компаниясы, Alatau Advance Air Group Ltd. және кәсіпкер Вячеслав Ким арасында өзара түсіністік туралы меморандумға қол қойылды. Құжатқа сәйкес, Алатау жаңа қаласында әуетакси жүйесін құру...

Қазақстанның Ибраһим (Авраам) келісіміне қосылғаны ресми түрде жарияланды. Мәліметті Ақорда таратты.

Қазақстан президенті Қасым-Жомарт Тоқаев пен АҚШ президенті Дональд Трамп Ақ үйде кездесті. Жүздесу барысында олар Израиль премьер-министрі Беньямин Нетаньяхумен телефон арқылы сөйлесті. Олар Қазақстанның Ибраһим келісімдеріне қосылғанын талқылады.

«Ибраһим келісімдеріне қосылу арқылы Қазақстан қақтығысты еңсеруге, диалогты ілгерілетуге және БҰҰ Жарғысы негізіндегі халықаралық құқықты қолдауға үлес қосады», – деп таратты Ақорда.

Ресми мәліметке қарағанда, Тоқев Трамптың Таяу Шығыста бейбіт өмір орнатуға нақты алғышарттар жасап, көпшілік күмәнмен қараса да, елеулі нәтижелерге қол жеткізгеніне назар аударды.

«Қазақстанның бұл шешімі ешбір мемлекетпен...

Tesla акционерлері компанияның бас директоры Илон Маскіге 1 трлн доллар сыйақы төлеуге келісті. Дауысқа салу нәтижесі акционерлер жиналысында жарияланды. 75%-дан астамы бонус төлеуді қолдап дауыс берді.

2025 жылғы қыркүйекте Tesla директорлар кеңесі Маскіге шамамен 1 трлн доллар сыйақы беру туралы ұсыныс жасады. Жоспарға сәйкес, миллиардер автокомпания акцияларының 25%-ына ие болады. Қазір оның қолында құнды қағаздардың шамамен 13%-ы бар.

Сыйақыны толық алу үшін Маск он жылдың ішінде бірнеше мақсатты орындауға тиіс. Миллиардер компанияның нарықтағы құнын кем дегенде 8,5 трлн долларға жеткізіп, робот-такси өндірісін жолға қоюы қажет. Екі ай бұрын кеңес миллиардер осы мақсатты орындамаса, ешқандай бонус алмайды деген талап қойған.

Акционерлер...

Қасым-Жомарт Тоқаев Ақ үйде тарихи кездесу ұйымдастырғаны үшін АҚШ Президенті Дональд Трампқа алғыс айтты.

Сонымен қатар, президент С5+1 форматындағы саммит шын мәнінде Орталық Азия мен Құрама Штаттар арасындағы ынтымақтастықтың жаңа кезеңіне жол ашқанына назар аударды.

Тоқаев АҚШ Президенті Дональд Трамптың халықаралық саясаттағы рөліне айрықша тоқталып, оны көрнекті мемлекет қайраткері деп бағалады.

«Сіз жүргізіп отырған парасатты және батыл саясатты бүкіл әлем қолдауға лайық деп санаймын. Мен де Сіздің ұстанымдарыңызды қуаттаймын. Сіздің жетекшілігіңізбен Америка алтын дәуірге қадам басты. Біз «Американы қайтадан ұлы елге айналдыру» (Making America Great Again) деп аталатын көреген тұжырымдамаңызды жоғары бағалаймыз», – деді Тоқаев.

Қазақстан президенті Қасым-Жомарт Тоқаев АҚШ президенті Дональд Трамппен кездесу өткізеді, деп хабарлайды Ақорданың баспасөз қызметі.

Ведомство ақпаратына сүйенсек, екі ел басшыларының келіссөзі Астана уақыты бойынша сағат 04:00-де (Вашингтон уақыты бойынша сағат 18:00-де) өтеді. Баспасөз қызметі алдағы кездесу туралы ақпаратты растады. Сондай-ақ кездесу Тоқаевтың АҚШ-қа ресми сапарының бір бөлігі екенін атап өтті.

Америка көшбасшысымен екіжақты кездесуден бөлек, Қасым-Жомарт Тоқаев саяси диалогты дамытуға және өңірлік ынтымақтастықты нығайтуға бағытталған «Орталық Азия–АҚШ» саммитіне де қатысады.

Қазақстан президенті АҚШ-қа 6 қарашаға қараған түнде келді. Оны АҚШ Мемлекеттік хатшысының бірінші орынбасары Кристофер Ландау қарсы алды.

Өз сапары аясында Қазақстан президенті АҚШ Мемлекеттік хатшысы Марк Рубиомен және...

Жұмада елімізде күн қайта жылына бастайды. Кең өңірлерде қар жуу мүмкін. «Қазгидромет» 7 қарашаға ауа райы болжамын ұсынды.

Қазақстан президенті Қасым-Жомарт Тоқаев АҚШ Конгресі Өкілдер палатасы мүшелерінің делегациясы — Джимми Панетта, Кэрол Миллер, Билл Хайзенга және Сидни Камлагер-Довпен кездесу өткізді. Бұл туралы Ақорданың баспасөз қызметі хабарлады.

Кездесу барысында Тоқаев екіжақты қатынастарды нығайтудағы АҚШ Конгресінің маңызды рөлін атап өтіп, Қазақстан мен АҚШ арасындағы кеңейтілген стратегиялық әріптестікті дамытуға қосқан жеке үлесі үшін оларға ризашылығын білдірді.

Тоқаев Джимми Панетта бастаған «АҚШ-Қазақстан» достық тобының қызметі саяси диалогты тереңдетуге, экономикалық ынтымақтастықты кеңейтуге және екі ел халықтары арасындағы байланыстарды нығайтуға ықпал ететінін атап өтті.

Сондай-ақ, дипломатиялық қатынастар орнағаннан бері ел экономикасына американдық инвестициялар көлемі 100 млрд доллардан асқанын, бұл АҚШ-тың Орталық Азия өңіріне...

Қазақстан президенті Қасым-Жомарт Тоқаев Вашингтонға сапары барысында халықаралық нарыққа шыққанн қазақстандық IT-стартаптардың негізін қалаушылармен кездесті. Бұл туралы Ақорданың баспасөз қызметі хабарлады.

Президентке бірқатар инновациялық жобалар, соның ішінде жасанды интеллектті пайдалана отырып, кинематографиялық сапалы бейнелер жасауға арналған тұңғыш қазақстандық Higgsfield AI платформасы ұсынылды. Сондай-ақ, Deep Infra — машиналық оқыту модельдерін орналастыру және іске қосу қызметі, Valinor-биотехнология саласындағы стартап және автономды пилотсыз аппараттарды әзірлейтін ARC Drones таныстырылды.

Президентке Кремний алқабындағы Орталық Азия елдерінің стартаптары мен жас таланттарына қолдау көрсететін Silkroad Innovations технологиялық хабының жұмысы таныстырылды. Кездесуге 20-дан астам стартап өкілдері қатысып, олардың жиынтық құны шамамен 1,4 млрд доллар.

Тоқаев ұсынылған...

Алматыда Рokstars және Luckyshark заңсыз онлайн-казиноларын ұйымдастырушыларға үкім шығарылды, деп хабарлайды Қаржы мониторингі агенттігі (ҚМҚ).

«Алматы бойынша АФМ департаменті Рokstars және LuckyShark онлайн-құмар ойындарын заңсыз ұйымдастырған тұлғалар тобына қатысты тергеуді аяқтады. Ставкалар банктік аударымдар арқылы қабылданып, содан кейін қатысушыларға логин, пароль және құмар ойындарға қол жеткізу үшін сілтеме берілген. Ақша операцияларын туыстарына және үшінші тұлғаларға, соның ішінде шет мемлекеттердің азаматтарына (дропперлерге) ресімделген банк карталары арқылы жүргізілген. Жаңа ойыншыларды тарту үшін әлеуметтік желілерде ойын клубын насихаттауға бағытталған мақсатты жарнама қолданылған. Сот үкімімен үш кінәлі екі жыл алты айдан төрт жылға дейін алты ай мерзімге бас бостандығынан айырылған...

Қазақстан мен АҚШ маңызды минералдар саласындағы өзара келісім туралы Меморандумға қол қойды, деп хабарлайды Kursiv.Media.

Ақорда ақпаратына сүйенсек, құжатқа қол қоюға Қазақстан президенті Қасым-Жомарт Тоқаевтың қатысты. Меморандум Қазақстан мен Америка Құрама Штаттары арасындағы маңызды пайдалы қазбалар саласындағы ынтымақтастықты дамытуға бағытталған.

Қазақстан тарапынан құжатқа өнеркәсіп және құрылыс министрі Ерсайын Нағаспаев, Америка тарапынан — АҚШ сауда министрі Ховард Латник қол қойды.

Қазақстан президенті АҚШ-қа 6 қарашаға қараған түні Астана уақытымен келді. Мемлекет басшысын АҚШ Мемлекеттік хатшысының бірінші орынбасары Кристофер Ландау қарсы алды. 7 қарашада Тоқаев АҚШ президенті Дональд Трамппен келіссөздер жүргізеді деп күтілуде.

Бүгін Қазақстан президенті АҚШ Мемлекеттік хатшысы...

Қазақстан президенті Қасым-Жомарт Тоқаев Вашингтонға ресми сапары барысында АҚШ Мемлекеттік хатшысы Марк Рубиомен, сауда министрі Ховард Латникпен және АҚШ президентінің Оңтүстік және Орталық Азия бойынша арнайы өкілі Серхио Гормен кездесу өткізді, деп хабарлайды Kursiv.Media.

Ақорда ақпаратына сүйенсек, тараптар Қазақстан-Америка ынтымақтастығының негізгі бағыттары мен күн тәртібіндегі өзекті мәселелерді талқылады. Екі ел арасындағы стратегиялық әріптестікті нығайту перспективаларына ерекше назар аударылды.

«Мемлекет басшысы Қазақстан мен АҚШ үшін жаңа жұмыс орындарын ашуға, өнеркәсіп пен бизнесті қолдауға септігін тигізетін экономикалық ықпалдастық арқылы стратегиялық серіктестікті одан әрі нығайтуға орайлы мүмкіндік туғанын атап өтті», – делінген Ақорданың хабарламасында.

Тоқаев Қазақстан...

Қазақстанда жыл сайынғы #Мұғалімдербайқауы басталды. Байқау TikTok платформасында төртінші рет өтіп жатыр. Бастама еліміздегі барлық педагогтерді біріктіріп және оларды қысқа білім беру роликтері арқылы өз білімдерімен бөлісуге шабыттандыруы қажет.

Жоба Оқу-ағарту министрлігі мен Ғылым және жоғары білім министрлігінің қолдауымен жүзеге асырылады. Ұйымдастырушылардың пікірінше, бұл цифрлық білімнің және аудиториямен өзара әрекеттесудің жаңа тәсілдерінің маңыздылығын көрсетеді.

Байқау нәтижесінде TikTok-та өз пәндері туралы қарапайым және қолжетімді тілде сөйлейтін мұғалімдер қауымдастығы пайда болды. Мысалы, өткен жылы байқауда Достық кентінің орыс тілі мен әдебиеті пәнінің мұғалімі Ботагөз Омарова жеңіске жеткен. Биыл ол жаһандық Discover List TikTok тізіміне енді.

Байқауды ұйымдастырушылар 19 қарашаға дейін қатысуға өтінім...

«Халыққа қызмет көрсету орталығы» мобильді қосымшасында жаңа маңызды функция пайда болды. Енді азаматтар өздерінің мемлекеттік қызметке жасаған өтініштерінің қалай іске асып жатқанын бақылап отыра алады, деп хабарлайды Kursiv.Media.

«ХҚКО» мобильді қосымшасында жаңа функцияны іске қосып, Мемлекеттік қызметтерді цифрландыруға маңызды қадам жасады», – делінген мемлекеттік корпорация хабарламасында.

Енді қазақстандықтар нақты уақыт режимінде Мемлекеттік қызметтерді алуға арналған өтінімдерінің мәртебесін бақылай алады. Ол үшін «ХҚКО қызметтері» немесе «арнайы ХҚКО қызметтері» бөлімін ашып, өз өтінім нөмірін енгізу жеткілікті, бұл қызметтерді алу процесін ашық әрі ыңғайлы етеді.

Сонымен қатар қосымшада пайдаланушыларға электрондық пошта түбіртектерін көруге және сақтауға мүмкіндік беретін...