Жаңалықтар

Шымкент қаласының қылмыстық істер жөніндегі мамандандырылған ауданаралық сотында қала әкімдігі ғимаратының алдында қала әкімінің орынбасары Руслан Берденовке қалалық тұрғын үй басқармасына қарасты «Тұрғын үй Шымкент» жауапкершілігі шектеулі серіктестігінің бұрынғы директоры 31 жастағы Ернар Жиембайдың қалай оқ атқаны көрсетілді. Оқиғаның қалай болғаны қала әкімдігі ғимаратындағы бейнекамералардан алынғаны айтылды.

Сот куәлардан жауап алып болған соң іс материалдарын зерделеуге көшті. Зерделеу кезінде қала әкімдігі ғимаратындағы бейнебақылау камераларына түсірілген видеолар көрсетілді.

Бейнебақылауға қарағанда, 21 сәуір күні кешкі сағат тоғыз шамасында қала әкімдігі ғимаратының Көрме орталығы бетіндегі есігінің жанына қала әкімінің орынбасары Руслан Берденовтің қызмет көлігінің тоқтағаны, іле-шала Руслан Берденовтің әкімдік ғимаратынан шығып ұялы телефонын...

Қазақстанда ет тапшылығы болмайды, керісінше қайта өңделген өнім экспорты артып келеді. Ауыл шаруашылығы вице-министрі Азат Сұлтанов осылай деп мәлімдеді.

Оның айтуынша, мемлекеттік саясат ел ішіндегі етті мал шаруашылығын дамытуға және қосылған құны жоғары өнім экспортын ұлғайтуға бағытталған.

 «Бізде ет тапшылығы жоқ екенін атап өту керек. Бұған сандар дәлел. Ауыл шаруашылығы тауарын өндірушілер айтып жүрген шектеуге келсек, оларға шикізатты сату ыңғайлырақ еді. Бірақ біз қайта өңделген өнім, яғни ет түрінде шығатын өнім экспортына көшіп келеміз. Экспорт тек өсіп жатыр. Сондықтан бұл ретте дайын өнім экспортына да, ел ішіндегі мал басын көбейтуге ынталандыруға да бағытталған теңгерімді мемлекеттік саясат...

Гүлзира Айдарбекова әлеуметтік желі өнімін саудалау үшін 50 млн тұратын Lexus көлігі мен 10 млн теңге ұтыс ойнатпақ.

Танымал әнші Қайрат Нұртастың анасы ұтыс ойынын 17 тамызға белгіліп отыр. Гүлзира Айдарбекованың сөзіне қарағанда, қазірдің өзінде 5 000-нан астам қазақстандық әйелдер оның шампунь-бальзамын алуға әзір. Бір мәрте айтқан өтінішіне осыншама нәзікжанды ойынға тіркеліпті.  

«Бұл өнімім үшін қаншама еңбегімді, махаббатымды, абыройымды салып жасағалы отырмын», – деп, сусабынын тікелей эфир арқылы сатып алуға шақырып отыр.

Гүлзира Айдарбекованың сөзіне қарағанда, бұл «Қазақстанда бұрын-соңды болмаған жұлдызды эфирге» дайындықты бастап кеткен.

Қазақстан заңы бойынша, салығын төлесе, әлеуметтік желі арқылы мұндай ұтыс...

 Škoda-ның Қазақстандағы ресми өкілдері модельдік қатарындағы флагман көліктердің бірі, төртінші буындағы Superb лифтбэгінің сатылымға шыққанын хабарлады. Көлік Қостанайдағы зауытта шығарылады және Selection және Laurin&Klement болып екі негізгі нұсқада ұсынылады.

Superb моделіне тек 2 литрлік турбоқозғалтқыш орнатылады, ол 7 сатылы DSG роботымен жұмыс істейді. Алайда, алдыңғы жетекті нұсқада қозғалтқыш 190 ат күші мен 320 Нм момент береді, ал толық жетекті нұсқада яғни, 265 ат күші мен 400 Нм.

Selection жинақтамасы алдыңғы және қосалқы қауіпсіздік жастықшаларымен, қауіпсіздік перделерімен, орталық және тізе тұсындағы жастықшалармен, жарық және жаңбыр датчиктері, парктроник, круиз-бақылау, айналаны шолу жүйесі сынды жүргізушіге көмекші жүйелердің базалық пакетімен жабдықталған. Сонымен қатар, үш...

Қорғаныс министрлігі Халықаралық қатынастар орталығы Польша құқық қорғау органдары қазақстандық әскери атташенің аппарат қызметкерін ұстағаны туралы ақпаратты растады.

Хабарламада қазіргі уақытта жағдайды шешу үшін шетелдік тараппен өзара іс-қимыл жасалып, Қазақстан азаматының құқықтары мен заңды мүдделерін қорғау бойынша қажетті шаралар қабылданып жатқаны айтылған.

Екі күн бұрын КазТаг агенттігі Польшадағы Қазақстан елшілігінде әскери атташе көмекшісі «тыңшылық жасады» деген күдікпен ұсталғанын хабарлаған. Ақпаратта күдікті тыңшылықпен Украинада айналысқаны айтылған.

Ал Elmedia басылымы өзінің дереккөзіне сүйеніп күдіктінің аты Әнуар екенін, ол Қазақстанның Украинадағы елшілігінің қызметкері болғанын жазған.

Қорғаныс министрлігінің ақпаратында ұсталған әскери атташе қызметкері қай елшілікті істейтінін ашып айтпаған.

Қаржы министрі Мәди Такиев Kursiv.Media журналисіне тойдан миллиондап табатын әншілердің табысын арнайы органдар қалай анықтайтынын түсіндірді.

Журналист пен министр арасындағы әңгімесі төмендегідей өрбіді:

– Сіз жаңа әншілердің салық төлейтінін айттыңыз. Бірақ, шын мәнінде, олар гонорарды қолма қол ақшамен алатынын білесіз бе?

– Иә.

– Сонда сіздер қай әншінің қай тойда жүргенін, миллиондап ақша алып жатқанын қалай білесіздер? Қаншалықты бақылайсыздар?

– Оны қалай бақылауға болатынына қатысты жалпы бірнеше тәсіл бар. Мысалы, біз тойды кім жасап жатқанын білеміз, хронометраж бар бізде. Сол арқылы салық органдары біледі.

Екіншіден, әнші (гонорарды) қолма-қол ақшамен алған соң оны бір жаққа жұмсауы керек қой. Үлкен үй, машина...

Жаңа Салық кодексіне сәйкес, келесі жылдан бастап ютуб немесе тик-токтан табыс табатын блогерлер декларация тапсырып, мемлекетке салық төлеуі керек. Бұл заң жүзінде бекітілді деп хабарлады қаржы министрі Мәди Тәкиев.

Министрдің сөзінше, келесі жылдан бастап Қазақстанда тіркелген 79 шетелдік компаниялар толығымен салық төлейді. Бүгінге дейін олар бюджетке 57 млрд теңге құйған. Енді сол интернет платформалар ғана емес, оған тіркеліп табыс тапқан блогерлер мен инфлюенсерлер де заңды түрде салық төлеуі керек.

«Әлеуметтік желіге қатысты мәселе бойынша. Youtube немесе TikTok біздің азаматтарға ақша төлесе, онда жеке табыс салығы ұсталады. Ол ақпаратты өздері бізге көрсетуі керек. Сізде оқырмандар...

Қала әкімінің орынбасары Руслан Берденовті жаралаған Ернар Жиембайдың ісі бойынша куәгерлерден жауап алу жалғасып жатыр. Іс бойынша бас куәгердің бірі қала әкімдігінде сәулет және құрылыс бөлімінің инспекторы Асанбай Ахметбаевтан жауап алынды.

Асанбай Ахментаев Жиембайды бір жарым жылдан бері танитынын айтады. Оның сөзінше, 1 сәуір күні Берденов Жиембайды шақырған. 3 сәуір күні Жиембай Руслан Берденовтің қабылдауына «Тұрғын үй Шымкент» ЖШС жұмысымен таныстыру үшін кірген. Кездесуде Берденов, Жиембай және Ахментаев болған.

«Кірген кезде Берденов Жиембайдың киген киіміне ескерту жасады. Жұмысты таныстыра алмады. Флешка ашылмай қалды. Шығып, қайта реттеп Ернар жұмысты таныстыра бастады. Берденов «жұмыс осы ма» деді. Мен...

Алматы орталығындағы екі қабатты ғимарат сүріліп жатыр. Қала құрылысын бақылау басқармасы Құрманғазы көшесі, 103 мекенжайында орналасқан нысанның бұзылып жатқанын хабарлады.

Жоспардан тыс тексеру барысында меншік иесі нысанды рұқсат алмастан, тиісті құжатсыз салғаны анықталды.

Меншік иесіне қатысты әкімшілік шаралар қолданылып, заңбұзушылықты жою туралы нұсқама берілді.

2024 жылы 23 қыркүйекте басқарма Алматы қаласының мамандандырылған ауданаралық экономикалық сотына нысанды бұзу жөнінде талап-арыз түсірді. Сот талапты қанағаттандырды.

2025 жылы 20 сәуірде Алматы қалалық сотының қаулысымен бірінші сатыдағы сот шешімі өзгеріссіз қалдырылды.

Сот шешімін орындау мақсатында жеке тұлға ғимаратты өзі бұза бастады.

Бұған дейін «Алматы паркинг» «Барахолка» аталып кеткен базарлар желісінің автотұрақтарына заңсыз орналастырылған сауда...

Жуырда Астана мен Алматыда концерт берген әйгілі әнші Дженнифер Лопес ел бюджетіне қанша қаржы әкелді? Бұл сұраққа Үкімет мүшелері жауап берді.

Қаржы министрі Мәди Такиев мұндай деңгейдегі концерттерді өткізу қай жағынан алып қарасаң да тиімді екенін айтады.

«Жалпы тиімді, біріншіден, Джей Ло жалғыз келмейді, оған  көрші мемлекеттерден туристер келеді. Астанада өткен концертке 5 мыңға жуық турист келді, Алматыдағы концертіне 7 мыңға жуық турист келді. Олардың бәрі қонақүйге, мейрамханаға барады, қаланы көреді. Біз санағанда бір турист кемінде 1 мың доллардан қалдырып кетеді», – деп жауап берді Мәди Такиев үкіметте өткен брифинг барысында.

 Министр салық түсімі, экономика жағынан маңызды...

Eurasian Resources Group (ERG) 2024 жылы 1,2 млрд доллар шығынға бату себебін Kursiv.Media-ға түсіндірді. Кезінде Машкевич, Шодиев және Ибрагимовтер құрған компания оны теңгенің құнсыздануынан көрді.

«Топтың кірістері АҚШ долларымен көрсетіледі. Ал Қазақстандағы ERG активтері үшін функционалдық валюта – теңге. Ол 2024 жылы АҚШ долларына қатысты айтарлықтай құнсызданған. Активтер мен міндеттемелерді қайта бағалауға байланысты, басқа факторлармен қатар, бұл ілеспе қағаз шығындарына әкелді», – деп мәлімдеді компания.

Люксембургте тіркелген компания тамыз айында қаржы есебін тапсырған. Құжатқа сәйкес, 2024 жылы компанияның салық төлегенге дейінгі шығыны 1,2 млрд доллар болған. Салыстырсақ, 2023 жылы холдинг 44 млн доллар...

Қазірге дейін амнистияға ілінген 650 адам түзету мекемелерінен босатылды. Бұл туралы ІІМ қылмыстық-атқару жүйесі комитеті KursivMedia ресми сауалына берген жауабында мәлімдеді.

Ресми ақпаратқа сәйкес, қазір елдегі қылмыстық-атқару жүйесі мекемелерінде 30 мыңнан астам сотталған жазасын өтеп жатыр. Оның ішінде 2 мыңнан астамы әйел.

«5 тамыздағы жағдай бойынша өңірлерде рақымшылықты қолдану мәселесін қарау үшін соттарға 3 500-ден астам материал жолданды. Оның ішінде жазадан босату немесе жаза мерзімін қысқарту бойынша өтініштер де бар. Қарау нәтижесінде шамамен 650 адам босатылды, олардың 87-сі – әйел», – делінген ақпаратта.

Алдын ала бағалау бойынша, рақымшылық 15 мыңнан астам адамға қолданылады. Соны...

Астана қаласы Сарыарқа ауданының прокуратурасы ірі көлемде еңбек заңнамасын бұзған жағдай туралы хабарлады.

Заңның орындалуын қадағалайтын орган талдау нәтижесінде қаладағы мектепке дейінгі ұйымдардың 2 100 қызметкеріне еңбекақы төлемеу, міндетті зейнетақы жарналары, әлеуметтік салықтар мен медициналық сақтандыру төлемдерін аудармау деректерін анықтаған.

Қадағалау актісін қарау нәтижесінде 1 млрд теңге мөлшеріндегі еңбекақы бойынша берешек толық өтелген.

Жол берген бұзушылықтар үшін лауазымды тұлға тәртіптік жауаптылыққа тартылған.

Бұған дейін, Еңбек министрлігі елде кәсіпорындар 3,5 мыңнан астам жұмыскерге айлық бермей келгенін хабарлаған. Жалпы, 239 кәсіпорынның берешегі 1,3 млрд теңгеден асып жығылған.

Astana Hub ресейлік журналист, блогер Юрий Дудьқа жарнама берді. Шетелдік агент атанып, елден кеткен блогер жасанды интеллектке арналған деректі фильмінде елдегі технопарк және оның жобалары жайлы айтады.

«Соңғы жылдары Қазақстанға мыңдаған IT-мамандар көшіп келді немесе қашықтан жұмыс істейді. Ол – негізгі нарықтарға жол ашатын, Еуропа мен ТМД арасындағы көпір. Astana Hub-тың Nomad List рейтингі бойынша, Алматы мен Астана цифрлы көшпенділер үшін ең ыңғайлы деген Топ-50 қала тізіміне енді. Astana Hub Орталық Азиядағы басты IT-Hub деп саналады», – дейді Юрий Дудь жарнамасында.

Ол цифрлық көшпенділерге арналған Digital Nomad Visa мен Digital Nomad Residency таныстырды...

 Ұлттық экономика және  премьер-министр орынбасары Серік Жұманғарин осыған дейін Қазақстанда ең төменгі жалақыны (ЕТЖ) көтеруге қатысты айтылған жоспарға пікір білдірді.

Үкімет қабырғасында өткен брифинг барысында журналистер Қаржы министрі Мәди Тәкиев пен Еңбек және халықты әлеуметтік қорғау министрі Светлана Жақыпованың 2026 жылдың 1 қаңтарынан бастап ең төменгі жалақыны 90 мың теңгеге дейін көтеру мүмкіндігі туралы мәлімдемелерін еске салды.

«Бізде шын мәнінде ең төменгі жалақыны көтеру жоспары қарастырылып жатқан жоқ. Қазіргі уақытта ол – 85 мың теңге, ЕТЖ-ны көтеруді қарастырмаймыз», – деп жауап берді вице-премьер.

Қаржы министрі Мәди Такиев те бұл мәселеге қатысты түсініктеме берді. Министр бұған дейін...

Шымкент қаласы әкімінің орынбасары Руслан Берденов сотқа келетін болды. Қазір оған ота жасалып жатыр. Бұл туралы бүгін сот тергеуінен шыққан Руслан Берденовтың заңды өкілі Жеңіс Тыныбек айтты.

Тыныбектің мәлімдеуінше, сотқа дейінгі тергеу кезінде екі тарап кездескен. Кездесуде Руслан Берденов болмаған. Оның орнына заңды өкілі ретінде өзі барған. Жиембай тарапынан әкесі мен қорғаушысы келген.

«Тергеу кезінде жауап бермедік. Іс 99-баптың 1-бөлігімен кетеді. Ары қарай 10 жылға сотталады. Шартты түрде мерзімінен бұрын шығарып аламыз» деді. Келісімге келуді сұрағанда кешірім сұраңыздар дедім. Кешірім сұрап ешкім келмеді»,– деді Берденовтің заңды өкілі.

Іс бойынша сот талқылауы басталғанда айыпталушы Ернар Жиембай...

Қаржы министрі Мәди Такиев концертін, тойын әлеуметтік желідегі оқырмандарына жазылым арқылы сата бастаған өнер адамдары қалай салық төлейтіні туралы сауалға жауап берді.

«Мысалы, Сәкен Майғазиев, Қайрат Нұртас онлайн концерттен немесе тойдан түскен табыстан салық төлеуі керек пе? Рәсімді түсіндіріп берсеңіз», – деді KursivMedia тілшісі министрге.

Мәди Такиев өнер адамдары мұндай табыс үшін ел конституциясының 34-бабына сәйкес, салық төлеуге міндетті екенін жеткізді.

«Қосымша табыс болса, салық төлеуі керек. Мысалы, әртістер той өткізеді, Тик-Токта оны адамдар көреді. Жалпы жыл бойы тапқан табысын 2026 жылдың 31 наурызына дейін декларацияда көрсетуі керек. Кейін 2026 жылды...

Қазақстан қор биржасындағы (KASE) күндізгі сауда нәтижесінде 1 АҚШ доллары 537,96 теңге болды. Ұлттық валюта бір тәулікте бірден 4,08 теңгеге нығайды. Соған қарамастан, ақша айырбастау мекемелерінде доллар 544 теңгеден сатылып жатыр.

13 тамызда KASE-де валюта саудасы қыза түсті. Түскі сағат 15.30-дағы мәлімет бойынша, шамамен 110 млрд теңгеге, яғни 204 млн долларға валюта саудаланды. Бұл – кешегі көрсеткіштен шамамен 30 млн долларға аз.

Ұлттық банк (ҰБ) валюта саудасына араласып, тағы да интервенция жасады деуге әзірге негіз жоқ. Өйткені шілденің аяғында ҰБ 125,6 млн доллар сатқан күні қордағы валюта саудасының көлемі 400 млн доллардан асып кеткен еді. Соған қарағанда, орталық банк доллардың өсуін тежеудің басқа да әдістеріне жүгінгенд...

Ақ үй ресми түрде Дональд Трампты Нобель сыйлығына ұсынды. Бұл жайлы Ақ үйдің әлеуметтік желідегі парақшасына жариялады.

Трамптың кандидатурасын Әзербайжан президенті Илхам Әлиев, Армения премьер-министрі Никол Пашинян, Камбоджа премьер-министрі Хун Сен, Габон президенті Брайс Олиги Нгема, Израиль премьер-министрі Биньямин Нетаньяху, Пәкістан үкіметі және Руанданың сыртқы істер министрі Оливье Ндухунгирех қолдады.

Бұған дейін маусымда Трампты Нобель сыйлығына конгрессмен Бадди Картер ұсынған еді. Нобель комитетіне жазған хатында «Трамп Израиль мен Иран арасындағы әскери қақтығысты» тоқтатуда «тарихи рөл» ойнады деп атап өтеді.

Оған дейін Трамптың Үндістан мен Пәкістан арасындағы шиеленісті тоқтатуға үлес қосқанын айтып, Исламабад үкіметі де оны Нобель...

Интернетте және медиа индустрияда тыйым салынған заттар мен ішімдік ішуді дәріптейтін жағымсыз үрдіс белең алған. Бұл туралы Қауіпсіздік Кеңесінің наркотизмге қарсы іс-қимыл мәселелері жөніндегі отырысында президент мәлім етті.

Жиында есірткімен байланысты құқық бұзушылықты анықтау, жолын кесу мен жазалаудың тиімділігін арттыруға қатысты кешенді мәселелерге ерекше мән берілді.

– Кез келген есірткі түрінің өндірісі мен сатылымына қатаң тыйым салынып, мемлекеттің жіті бақылауында болуы керек, – деді Президент.

Қасым-Жомарт Тоқаев трансұлттық ұйымдасқан қылмысқа қарсы іс-қимылды, сондай-ақ есірткі сататын орындар мен зертханалардың иелерін әшкерелеу жұмыстарын күшейту қажеттігін айтты.

Сонымен қатар мемлекет басшысы күмәнді қаржы операцияларын бақылауға алудың маңызына тоқталды.

АҚШ-тың Лос-Анджелес қаласында танымал адамдардың үйін тонаған қылмыстық топ ұсталды. Ұсталғандардың төртеуі де жасөспірім.

Le Parisien ақпаратына қарағанда, тоналған үйлердің бірі әлемге мәшһүр америкалық актер Брэд Питтке тиесілі болып шықты.

Жергілікті полицияның ақпаратына қарағанда, ұрылар ұйымдасқан қылмыстық топтың мүшелері болып шыққан. Полиция тоналған үйдің бірі Брэд Питтке тиесілі деп атын-атап, түсін түстемеген. Бірақ, полиция ұрылар тонаған үйдің адресін атаған. Бұл үйді Брэд Питттің 2023 жылы сатып алғаны анықталып отыр.

Бұл қылмыстық топ атақты адамдардың үйлерін тонап келген. Олардың ішінде атағы жер жарған актерлер мен кәсіби спортшылары да бар. Ұрылардың үйін тінтіген кезде, ұрланған заттар табылған.

Айта кететін жайт...

Президент Қасым-Жомарт Тоқаевтың төрағалығымен Қауіпсіздік Кеңесінің наркотизмге қарсы іс-қимыл мәселелері жөніндегі отырысы өтті.

Президенттің айтуынша, бұл әлеуметтік кеселдің белең алуына қатысты ахуал елде де, халықаралық ауқымда да алаңдатарлық жағдайға жеткен.

Наркотизм

– Наркотизм – заманның дерті, қоғам үшін аса қауіпті. Ол жастардың болашағына балта шабады. Ұлт саулығына қатер төндіреді. Нашақорлық пен есірткі бизнесіндегі әлемдік үрдіс алаңдатарлық сипатқа ие болды. Көптеген елдің үкіметтері аталған проблеманы физикалық және психикалық тәуелділік қана емес, ауқымды қоғамдық, экономикалық және құқықтық құбылыс ретінде қарастыра бастады. Наркотизм термині мұндай тәсілдің мән-мағынасын ашады, – деді Қасым-Жомарт Тоқаев.

Сарапшылар мен ғалымдар...

Алматыда бойжеткен үстіне ағаш құлап қайтыс болды. Бұл туралы әлеуметтік желі қолданушысы Виктор Бурдин жазды.

Оның сөзінше, қызға ағаштың бұтағы құлаған.

«Осы жазда Алмалы ауданы әкімдігінің чатына бірнеше рет құрғаған ағаштар туралы шағым жаздым. Кей ағаш бірнеше жыл бойы қурап тұра берген. Олар жуан-жуан. Бұл тек мен тұратын бірнеше көшенің аралығындағы жағдай. Кейбірін тазалайды, енді бірі сол күйі тұр», – деп жазды Бурдин.

Айтуынша, былтыр тротуарлар мен веложолақтардың үстінен салбырап тұрған бұтақтар мәселесіне бірнеше рет шенеуніктер назарын аудартуға тырысқан. Алайда әлі күнге дейін мәселе шешімін таппаған.

Бұл деректі Алматы қаласы полициясы да растады.

Кеңес Рақышевқа тиесілі Fincraft Group компаниясы 2025 жылдың бірінші жартыжылдығы үшін дивиденд төлемейді. Бұл жайлы KASE-де жарияланған хабарламада жазылған.

Дивиденд төлемеуге компанияның қаржылық жағдайы себеп болуы мүмкін. Осы жылдың бірінші тоқсанының қорытындысы бойынша, Fincraft Group холдингі 2,1 млрд теңге көлемінде шығын келді.

Осы жылы көктемде 2024 үшін де дивиденд төлемейтінін хабарлаған еді. Жалпы 2019 жылдан бері компания бірде бір рет дивиденд төлемеген.

Кеңес Рақышев Fincraft Group арқылы «БТА» мен «Fincraft Resources» компанияларын да басқарып отыр. Жақында ол Украинадағы БТА банкін Вячеслав Мишалов пен Дмитрий Шевчукке сатқалы жатқанын хабарлады.