Жаңалықтар

Қазақстандықтардың бірқатар елге кіру тәртібі өзгереді. СІМ Мысыр, Латвия, Мексика және Ресейге Қазақстан азаматтарының кіруінің жаңартылған шарттарын жариялады.

Латвия Республикасы

2025 жылғы 1 қыркүйектен бастап Латвияға кірудің жаңа тәртібі күшіне енді. Латвияда тұруға ықтиярхаты немесе ұлттық визасы жоқ Қазақстан азаматтары Латвияға келуден кемінде 48 сағат бұрын eta.gov.lv порталы арқылы өтінім беруге міндетті.

Ақпарат берілмеген немесе жалған мәлімет ұсынылған жағдайда 2 000 еуроға дейін айыппұл салынады. Дипломаттар мен дипломатиялық өкілдіктерге қысқа мерзімді қызметтік сапармен баратын тұлғалар бұл ережеден босатылады. Мәлімет жіберілгеннен кейін, жүйе растауды электрондық поштаға жолдайды.

Мысыр Араб Республикасы

Жаңа тәртіпке сәйкес: 21 жасқа толмаған қазақстандықтар ата-анасының біреуінің (әкесі немесе...

Газа секторына атысты доғару туралы келісім күшіне енді. Өйткені Израиль үкіметі жұма күні таңертең ХАМАС-пен арадағы бейбіт келісімді мақұлдады. Бұл туралы Reuters хабарлайды.

Енді Израиль 24 сағаттың ішінде сектордағы әскерін шығарып, 72 сағат ішінде ХАМАС кепілде ұстап отырған тұтқындарды босатуы тиіс. Агенттік мәліметінше, кепілге алынған тұтқындардың жиырмасы әлі тірі болуы мүмкін.

Келісім күшіне енген сәттен бастап Газа секторына азық-түлік тиелген жүк көліктері мен медициналық көмек ағылады. Мұнда жүздеген мың адам аш-жалаңаш отыр. Тұрғындардың дені қолдан құрастырылған күркелерде тұрып жатыр. Олардың баспаналары жоқ. Тұтас бір қала үйіндіге айналған.

Таяу Шығыста екі жылға созылған соғыс Израильдің әлемнің көптеген елімен қарым-қатынасына сызат...

10 қазанда Филиппин аралдарындағы Минданао өңірінде қуаты 7,4 балдық жер сілкінісі болды. Бұл туралы Reuters Еуропа және Жерторта теңізі сейсмологиялық орталығының (EMSC) мәліметіне сүйене отырып хабарлайды.

Жерасты дүмпуінің ошағы 58 км тереңдікте орналасқан.

Бұл уақытта, АҚШ-та цунамиді ескерту жүйесі цунами қаупі туралы жариялап үлгерді. Ол жер сілкінісі ошағынан 300 км жерге жайылуы мүмкін.

Филиппинде жер сілкінісі жиі болып тұрады. Өйткені архипелаг бірнеше тектоникалық тақталардың түйіскен тұсында орналасқан. Жер астындағы тақталардың үйкелісі үнемі жерасты дүмпулерін туғызып тұрады.

2023 жылы желтоқсанда Rockstar компаниясы GTA 6 трейлерін шығарды. Бұл сәтті ойын фанаттары көптен күткені белгілі. Олай дейтінміз серияның ресми аңдатпасы әне жасалып қалар, міне жасалып қалар деп жүргенде арада 10 жыл өте шыққан. Сары майдай сақталған серия жарық көргеннен кейін ойынның рейтиңі де әжептәуір көтерілді. Осы ретте әйгілі Grand Theft Auto-ның бұрынғы нұсқаларын да еске алғанды жөн көрдік. Ойыншылардың оң бағасын алған ойындарды назарыңызға ұсынамыз.  

Grand Theft Auto 4

Шыққан жылы: 2008
Жасаған: Rockstar North
Платформалар: Steam, PlayStation 3, Xbox 360, Xbox One және Xbox Series
Ұзақтығы: сюжетті өтуге 21 сағат кетеді. Ал түгел ойынға 74 сағаттай керек.

Сюжеті мынадай. Нико Беллик деген оңтүстік-шығыс Еуропадан келген иммигрант, ардагер. Көптен...

Әлемдік қаржы нарықтары тарихи оқиғамен дүр сілкінді: алтын бағасы алғаш рет психологиялық тұрғыдан маңызды саналатын 4000 доллар белгісінен асып түсті. Бұл жағдай,8 қазан, сәрсенбі күні таңертең тіркелді. Бағаның мұндай шарықтауы – тәуекелден қорғануға тырысқан инвесторлар сұранысының күрт артуының нәтижесі.

Нарық қауіпсіз пана іздеуде  (Қорғаныс актив)

2025 жылдың алғашқы тоғыз айында алтынның құны 53%-ға өсті. Алдыңғы жылдарда мұндай өсім шамамен төрттен бір деңгейінде ғана болған. Бұл күрт серпілістің себебі айқын: жаһандық экономика жоғары құбылмалылық кезеңін бастан өткеріп отыр. Бұған АҚШ-тағы ұзаққа созылған шатдаун, Таяу Шығыстағы қақтығыстар, және Украина маңындағы шиеленіс әсер етті.

Елімізде алтын бағасы...

10 қазанда ауа райы қандай болатыны туралы синоптиктер болжам жасады. Жұма күні ауа райы елдің басым бөлігінде жауын-шашынсыз болады.

Дегенмен кей өңір тұрғындарына аяз бен жауын-шашын болып, тосынсый жасауы мүмкін.

Синоптиктер кейбір аймақтарда аяз болады деп күтіп отыр. Мәселен, Жетісу облысында – -1…-6°С дейін, Алматы облысының солтүстігі мен оңтүстігінде – -1…-3°С, Жамбыл облысының батысы, солтүстігі және таулы аудандарында – -1…-3°С дейін суытады.

«Қазақстан аумағында жоғары қысым өрісінің әсерінен негізінен жауын-шашынсыз ауа райы болжанады. Тек батыс пен солтүстікте атмосфералық фронттардың өтуіне байланысты жаңбыр мен қар түрінде жауын-шашын түседі. Елдің солтүстігінде, оңтүстігінде және батысында жел күшейеді, ал батысы...

Тоқаев Ресей мен Орталық Азия елдері сан қырлы мәдени-гуманитарлық байланыстарды дамытуға баса назар аударуы қажет деп санайды.

Сонымен қатар, президент орыс тілінің орнына ерекше тоқталды. Өйткені бұл тіл аймақтағы елдерді біріктіретін жалпы ортақ құндылық.

«Бірлескен күш-жігердің арқасында Халықаралық орыс тілі ұйымын құрғанымыз қуантады. Оның штаб-пәтері Сочи қаласында орналасқан. Ел алдында сөйлеген сөздерімде қазақ жастарының орыс тілін жетік меңгергені маңызды екенін айтып жүрмін», – деді Тоқаев.  

Бірақ, президенттің пікірінше, бұл талап қазақ тілінің мемлекеттік мәртебесін одан әрі нығайтуға бағытталған жүйелі жұмыстарға кедергі келтірмейді.

«Құдай берген ана тілдеріміз конституциялық тәртіппен мемлекеттік...

2027 жылы Ресей Банкі ғарыштан келген үлпілдек кейіпкер – Лунтиктің бейнесі бар естелік монета шығаруды жоспарлап отыр.

«Абзац»ақпаратына қарағанда, 3 және 25 рубльдік номиналдағы монеталар түрлі-түсті жабыны бар күмістен жасалған. Шамамен 1 миллион дана көлемінде айналымға енгізілмек.

«Лунтик 20 жыл бойы көрермендердің сүйікті кейіпкері болып келеді. Ол мейірімді, әсерлі образ. Сондықтан Ресей Банкі шектеулі сериядағы монеталар қатарына осы кейіпкерді енгізді. Барлық құқықтық келісімдер Орталық банкпен ресми түрде реттелген», – деді «Мельница» студиясының продюсері әрі тең құрылтайшысы Сергей Сельянов «Абзац» басылымына берген сұхбатында.

2026 жылы Ресей Банкі «Алтын антилопа» кейіпкері бар монета шығаруды жоспарлап отыр...

Бейәдеп сөз айтқан ауыл әкіміне сот шешім шығарды. Зайсан аудандық соты Шілікті ауылының әкіміне қатысты әкімшілік құқықбұзушылық ісін қарады.

Айта кететін жайт, бұл шенеунік түсіп қалған бейнежазба әлеуметтік желіде кең тарады.

Tengrinews.kz ақпаратына қарағанда, бейнежазбада ауыл тұрғындары әкімнің қабылдауына келіп, оның жұмысына қатысты сұрақ қойғаны көрінеді. Әңгіме барысында тараптар арасында жанжал туады. Шенеунік өзін-өзі ұстай алмай, бейәдеп сөз айтқан.

Қалай болған еді?

Әлеуметтік желілерде ауыл әкімінің бейәдеп сөз қолданған видеосы тарады. Оқиға әкімнің жұмыс кабинетінде болған. Тұрғындар сұрақ қойған кезде әкім ашуын баса алмай, дөрекі сөйлеген.

7 қазан күні облыс әкімдігінің баспасөз қызметі Telegram-арнасы арқылы бұл...

Шымкент қалалық соты қала әкімінің бұрынғы орынбасары Руслан Берденовке оқ атып, жаралаған Ернар Жиембайдың апелляциялық шағымын қанағаттандырмады. Бірінші сатылы соттың үкімі өзгеріссіз қалдырылды. Жәбірленуші тарап кассациялық шағыммен қоса, Берденовтің денсаулығын оңалтуға кеткен шығынды өндіруге азаматтық талап-арыз түсіретінін мәлімдеді.

Апелляциялық шағымды Шымкент қалалық сотының қылмыстық істер жөніндегі сот алқасы қарады.

«Сотталған Ернар Жиембайға қатысты Шымкент қаласының қылмыстық істер жөніндегі мамандандырылған ауданаралық сотының 20 тамыз 2025 жылғы үкімі өзгеріссіз, жәбірленушінің өкілі Жеңіс Тыныбектің, сотталған Ернар Жиембай, қорғаушысы Жиембай Пірәлиев, адвокат Нұрдәулет Мұсақұловтың апелляциялық шағымы қанағаттандырусыз қалдырылсын», – деді алқа төрағасы Бәйдібек Дүйсебеков.

Сот алқасының пікірінше, сотталған...

Путин Ақтау маңында құлаған әзербайжандық ұшаққа не үшін зымыран атылғанын айтты. «Әуеде украиналық ұшқышсыз аппарат» болыпты.

Interfax ақпаратына қарағанда, Ресей президентінің айтуынша, 2024 жылы желтоқсан айында Ресейдің әуе қорғаныс жүйесінің зымырандары ұшақты тікелей атпаған. Тек ол шамамен он метр қашықтықта жарылған.

«Қазір бұл қайғылы жағдайдың себептері туралы жалпы айтуға болады. Біріншіден, әуеде украиналық дрон болған. Біз Ресей Федерациясының шекарасын кесіп өткен үш ұшқышсыз ұшу аппаратын бақылай бастадық», – деді ол Тәжікстан астанасы Душанбеде Әзербайжан президенті Ильхам Әлиевпен кездесу кезінде.

«Екінші себеп – Ресейдің әуе қорғаныс жүйесіндегі техникалық ақаулар. Екі зымыран тікелей ұшақты соқпаған. Соққанда...

2019 жылдың 27 желтоқсанында апатқа ұшыраған Bek Air ұшағында болған Нұрлан Төлебаев сотқа жәбірленуші ретінде қатысып жатыр. Ер адам әйелі, екі баласымен бірге сол күні Алматыдан Астанаға ұшуы керек болған.  

2025 жылдың 9 қазанындағы сот отырысында Төлебаев оқиға болған күнді есіне алды.

«Үлкен қызым ол кезде алтыға толмаған, кішкентайымыз тоғыз айлық еді. Тіркеуден өткен соң, бізді автобуспен ұшаққа алып барды. Сыртта өте суық еді. Ұшақтың іші де өте суық болды. Стюардессадан «неге сонша суық?» деп сұрадым. Ұшақ ұзақ уақыт ұшпаған сияқты, яғни алдын ала жылыту жүргізілмеген секілді көрінді. Бізге «орныңызға жайғасыңыздар, ұшақ қызғансоң ұшамыз» деді.

Павлодар облысында ер адам әйелі мен үш қызын өрттен құтқарып, өзі қайтыс болды. Өртенген үйдің егжей-тегжейі анықталды.

Наша жизнь ақпаратына қарағанда, Павлодар облысының ТЖД-сы 1982 жылы туған ер адамның өліміне қатысты мәлімет жариялады. Ол Тереңкөл ауданындағы тұрғын үйде болған өрт кезінде қаза тапқан.

Ауыл тұрғыны отқа оранған үйден әйелі мен балаларын құтқармақ болып, өз өмірін қиған.

«Өрт сөндірушілер келгенге дейін ер адам терезе арқылы жұбайын және үш баласын сыртқа алып шыққан», — деп мәлімдеді ТЖД өкілдері.

Еске сала кетейік, улы газға уланған әйел мен балалар аудандық ауруханаға жеткізілді.

Өрт үйдің шатырын шарпыған. Жалпы жану...

Алматыда Қазақстан мен шетелдің белгілі кәсіпкерлері қатысатын New Vision 2025 деген форум өтіп жатыр. Форум ұйымдастырушылары жиын 9-11 қазан аралығында 10 мыңнан астам адамның басын қосады деп отыр. Форумға әлемдік бестселлерлер авторы Робин Шарма келген.

Сонымен қатар Booking.com және Priceline.com негізін қалаған, жаһандық цифрлы сауданың бастауында тұрған Джефф Хоффман шақырылған. Алматыға сондай-ақ Electronic Arts негізін қалаған және видео-ойын индустриясын миллиардтаған нарыққа айналдырған Трип Хокинс; Waze және Moovit жасаушысы Ури Левин, Warner Bros. және Disney Studios бұрынғы президенті, продюсер Макс Ховард, TED сахнасындағы миллиондаған көрермен жинаған бизнес-кеңесші Джулиан Трежер және Deep Fission энергетика компаниясының басшысы Элизабет Мюллер келед...

Қасым-Жомарт Тоқаев Тәжікстанға ресми сапармен барып, ел президенті Эмомали Рахмонмен кездесті. Бұл туралы Ақорда хабарлайды.

«Президенттер Қазақстан мен Тәжікстанның стратегиялық серіктестігін одан әрі нығайтуға бейіл екендерін растады. Тараптар бұған дейін жоғары деңгейде қол жеткізілген уағдаластықтарды толық жүзеге асырудың маңызына тоқталды» , – деп жазылған Ақорда сайтында.

Одан бөлек Тоқаев Эмомали Рахмонға «Орталық Азия – Ресей» саммитін, сонымен қатар ТМД Мемлекеттер басшылары кеңесінің отырысын табысты өткізуге тілектестік білдірді.

Абай облысының прокуратурасы «Семей орманы» мемлекеттік орман табиғи резерватының 200 млн теңгеден астам салықты толық төлемегенін анықтады. Бұл туралы Kursiv.Media редакциясы ведомствоның баспасөз қызметіне сілтеме жасап хабарлайды.

Тексеру нәтижесі

Арнайы экологиялық прокуратураның тексеруі кезінде «Семей орманы» РММ 2024 жылға арналған салық есептілігін толық ұсынбағаны белгілі болды. Салық кодексінің нормалары сақталмағандықтан, бюджетке 200 млн теңгеден аса қаражат түспеген.

«Салық кодексіне сәйкес, мемлекеттік орман иелері әр тоқсан сайын төлем жасаушылар мен салық салу нысандары туралы деректерді салық органдарына ұсынуға міндетті. Нәтижесінде бюджетке 200 млн теңгеден астам салық түспей қалған. Прокурорлық қадағалау актісінің негізінде салықтық берешек толы...

Қазақстанда ойын автоматтарын елге әкелуге уақытша рұқсат тәртібі енгізіледі. Бұл шара заңсыз ойын бизнесімен және лудомания мәселесімен күресуге бағытталған. Бұл туралы Үкімет баспасөз қызметі хабарлады.

Мәдениет және ақпарат министрлігінің бастамасымен Сыртқы сауда жөніндегі ведомствоаралық комиссия ойын жабдықтарын еркін әкелуге жарты жылға тыйым салу туралы шешім қабылдады.

Енді ойын автоматтарын тек құмар ойын қызметіне мемлекеттік лицензиясы бар ұйымдар ғана әкеле алады. Бұл — заңсыз казино мен ойынға тәуелділікке қарсы күреске арналған кешенді жоспардың бір бөлігі.

Өткен жылдың жазында Қазақстанда құмар ойындарға қатысты талаптар күшейтілген болатын. Мемлекеттік қызметкерлерге, әскери қызметшілер мен қарызы бар азаматтарға бәс тігулерге қатысуға тыйым салынды. Сондай-ақ букмекерлік кеңселерд...

Шымкент қалалық қылмыстық істер жөніндегі ауданаралық сотында жетекші маман ретінде жұмысқа кіру үшін сынақ мерзімінде жүрген қызметкер есірткі заттарын сақтады деген айыппен сотталды. Әуелі әлеуметтік желіде тараған ақпаратты, ресми орындар растады.

Шымкентте «есірткі тасымалдады» деген күдікке ілінген сот қызметкеріне қатысты үкім шықты. Сотталушының есірткімен ұсталғаны жөнінде 3 күн бұрын Козачков телеграмм коналында жариялаған болатын.

«@ Koza4kov_bot-тың дереккөзінше, демалыс күндері полиция қызметкерлері тексеру мақсатында жас әйелді тоқтатқан және одан есірткі затын тәркілеген. Кейіннен оның қылмыстық сотта мұрағатшы болып жұмыс істейтіні анықталған» деп хабарлаған еді Козачков.

Көп өтпей бұл ақпаратты қалалық полиция департаменті растады. Есірткі заттарын...

Блогер Ерболат Жанабыловтың ісі экономикалық тергеу департаментіне жолданатын болды. Бұл туралы апелляциялық сот шешімінде айтылған.

«Астана қаласының мамандандырылған әкімшілік сотының 2021 жылдың 15 қыркүйектегі қаулысы өзгеріссіз қалсын, ал апелляциялық шағым қанағаттандырусыз қалдырылсын», – деді сот алқасының төрағасы.

Бұған дейін сот заңсыз лотерея өткізу фактісі бойынша Ерболат Жанабылов пен әйелі Эльмира Төлегеноваға қозғалған әкімшілік істі тоқтату туралы қаулы шығарды. Бұл істе қылмыстық құқықбұзушылық белгілері бар болғандықтан, іс экономикалық тергеу департаментіне жолданатын болды.

Сот 2025 жылдың 9 қазанында Эльмира Төлегеноваға қатысты да іс қаралды. Сот бірінші сатыда шыққан шешімді өзгеріссіз қалдырды.

Содан кейін блогердің адвокаты сот қаулысына...

2025 жылғы әдебиет саласындағы Нобель сыйлығы венгриялық жазушы Ласло Краснахоркаиге табысталды. Нобель комитеті марапатты жазушының «апокалиптикалық үрей жағдайында да өнердің құдіретін қайта дәлелдеген әсерлі және көреген шығармашылығы үшін» бергенін хабарлады.

Краснахоркаи – Орталық Еуропа әдебиетінің үздік дәстүрлерін жалғастырған эпикалық шығармалардың авторы. Оның стилі Кафка мен Томас Бернхард шығармаларымен үндес, бірақ өзіне тән ерекшелігі – абсурд пен гротеск арқылы адамзат болмысын терең бейнелеуі. Сонымен қатар, жазушының еңбектерінде Шығыс философиясына тән сабырлы, ойлы реңк те байқалады.

Ласло Краснахоркаи 1954 жылы Венгрияның Румыния шекарасына жақын орналасқан шағын Дьюла қаласында дүниеге келген. Дәл осындай шет аймақ ауыл өмірі оның алғашқы романы «Сатанин би» (Sátántang...

Онкологиялық ауруға шалдыққан науқастарға медицина саласындағы өзгеріс кері әсерін тигізбейді. Денсаулық сақтау министрлігі осындай мәлімдеме жасады.   

Министрліктің ақпаратынша, жоспарлы ем жалғасады. Томотерапияның тегін медициналық көмектің кепілдік берілген көлемінің тізбесінен шығарылмайды. Онкологиялық аурулар бойынша емделіп жатқан барлық пациенттер толық көлемде ем ала алады.

«Негізгі өзгеріс тек көмек көрсету нысанына қатысты болды. Енді ол амбулаториялық жағдайда емес, күндізгі стационар шеңберінде – радиациялық онколог дәрігердің және медициналық қызметкерлердің тұрақты бақылауында жүзеге асырылатын болады», – делінген министрліктің ақпаратында.

ДСМ-нің хабарлауынша, бұл шешім емдеу үдерісіне неғұрлым мұқият бақылауды қамтамасыз етуге, медициналық көмектің қауіпсіздігі мен сапасын арттыруға бағытталған.

Мұны...

9 қазанда Ferrari алғашқы Elettrica электромобилін таныстырды. Қымбат спорт автокөліктерін шығаратын компания үшін бұл тарихи оқиға. Бенедетто Винья оны «әркім армандайтын көлік» деп сипаттады.

Бейсенбі күні Италияның Маранеллодағы бас кеңсесінде Ferrari электромобильдің әлі толық дайын емес нұсқасын көрсетті. Reuters мәліметінше, бұл жолы сыртқы қаңқасы мен дөңгелектері жоқ электрокар таныстырылды. Шасси, батарея жүйесі мен электр қозғалтқышы ғана көпшілік назарына ұсынылды. Дайын көлікті бүкіл әлемге таныстыру салтанаты 2026 жылы өтеді.

Еуропа Одағы 2035 жылға қарай бензинмен жүретін жаңа көліктерді шектемек. Соған байланысты Феррари де жаңа талапқа бейімделуге мәжбүр. Алайда компания басшылығы оны жаңа мүмкіндік деп санайды.

«Біздің электрокарымыз...

«АвтоВАЗ» жаңа LADA Azimut кроссоверінің жолдағы сынақ процессін бастады. Автокөліктің камуфляждағы суреттерін Тольяттилік блогер Khadm Telegram-арнасында жариялады. Бұл модельдің прототипі алғаш рет маусым айында Санкт-Петербург халықаралық экономикалық форумында (ПМЭФ) таныстырылған болатын.

Үш жылдық жұмыстың нәтижесі

Еске салайық, бұл модель LADA бренді тарихындағы алғашқы кроссоверлердің бірі және модельдік қатардағы ең қымбат көлік болмақ. Ол LADA Vesta платформасының негізінде жасалғанымен, компания оны айтарлықтай қайта өңдеп шыққан. Автоөндірушінің мәліметінше, бұл модель үшін шамамен мыңға жуық (нақтырақ айтқанда, 996) жаңа және жаңартылған бөлшектер жасалған. Олардың қатарында шанақ панельдері, жарық жүйесі, интерьер элементтері және жаңа артқы аспа бар.

LADA Azimut ұзындығы 4416 мм, ал дөңгелек...

Блогер Ерболат Жанабыловқа қатысты әкімшілік іс апелляция сатысында қаралып жатыр.

Бұған дейін сот заңсыз лотерея өткізу фактісі бойынша қозғалған әкімшілік істі тоқтату туралы қаулы шығарды. Бұл істе қылмыстық құқықбұзушылық белгілері бар болғандықтан, іс экономикалық тергеу департаментіне жолданатын болды.

Блогерге қатысты хаттама әкiмшiлiк құқық бұзушылық туралы 445-1-бабы (Қазақстанның лотереялар және лотерея қызметі туралы заңнамасын бұзу) негізінде толтырылған.

2025 жылдың 9 қазанындағы сот отырысына блогердің адвокаты Олег Чернов онлайн қатысып отыр.

«Бірінші сатыдағы сот әкімшілік істі тоқтату туралы шешім шығарып, қылмыстық кодекстің 214-бабына сәйкес (заңсыз кәсіпкерлік қызмет) қылмыстық құқық бұзушылықтың белгілері бар деген тұжырымға келді. Сот...