Жаңалықтар

Рамзан Қадыровтың 80 туысы Шешенстанның билігінде жоғары лауазымды қызмет атқарады. Мұны Би-би-сидің орыс қызметі анықтады.

Басылымның мәліметінше, Шешенстанның күштік құрылымдарында – Делимхановтар мен Эдильгириевтер, ал атқарушы билікте – Қадыровтар, Ибрагимовтер көп. Сакказовтар мен Закриевтер заң шығару саласында сүбелі үлеске ие. Закриевтер спорт саласын меншіктеген.

Байсұлтановтар, Алханов, Садуловтар, Айдамировтар және өзге де туыс әулет өкілдері биліктің әр тармағында кездеседі.

Сонымен қатар, Рамзан Қадыровтың үш ұлы да үлкен қызмет атқарады. Мәселен, Ахмат Қадыров Спорт министрі болса, Адам Қадыров – Қауіпсіздік кеңесінің хатшысы. Али Қадыров – Бокс Федерациясының президенті.

Қызы Хадижат Кадыровтың өзі Шешенстан әкімшілігі басшысының бірінші орынбасары лауызымын атқарады. Оның күйеу...

Қазақстан қор биржасындағы (KASE) күндізгі сауда барысында 1 АҚШ доллары 535,99 теңге болды. Ұлттық валюта тағы 1,37 теңгеге нығайды. Бұл уақытта, Биткоин бірден 3%-ға арзандап, 111 мың долларға дейін түсіп қалды.

Доллар арзандап жатыр

Ұлттық валютаның долларға шаққандағы бағамы он күннен бері үздіксіз төмен түсіп келеді. 15 тамызда ғана 1 доллар 540 теңгеден жоғары бағаға саудаланған. Ал шілденің аяғында 550 теңге дейін жеткен. Содан бері доллар шамамен 15 теңгеге арзандағанын көріп отырмыз.

25 тамызда қор биржасында АҚШ валютасы 535,99 теңгеге дейін түсті. Өткен аптаның аяғында биржадағы сауда 537,37 теңгемен жабылған.

Қазақстандағы екінші деңгейлі банктер Құрама Штаттар валютасын...

Алматыдағы Сайран көлінің маңында жер үй түгелдей өртеніп кетті. Оқиғаның куәгері Даниил Селиннің сөзінше, жалын ғимаратты жылдам шарпып, үй әп-сәтте отқа оранған.

Қалалық Төтенше жағдайлар департаментінің ақпаратынша, өрт Варламов көшесіндегі жер үйде болған.

«ТЖД күштері мен құралдары жеке үйді шарпыған өртті сөндіріп жатыр. Жалын көршілес құрылыстарға тарау қаупі туындады. Суды үздіксіз беру ұйымдастырылды, ең жақын су көзі (өрт гидранты) небәрі 100 метр қашықтықта орналасқан. Оқиға орнына 50 адамдық жеке құрам және 4 техника жіберілді» делінген ТЖД хабарламасында.

Кеше Алматының Медеу ауданындағы «Горный гигант» шағын ауданында жеке тұрғын үйден өрт шығып, 1000 шаршы метрге дейін...

Балалар арасында кең танымал Roblox ойынын алаяқтар өз мақсатына пайдалануы мүмкін. Қаскөйлер чаттарда балалармен сөйлесіп, олардың сеніміне кіріп, жабық каналдарға шақырып, өз мақсатына пайдалануға тырысады.

Bloomberg пен Wired басылымдарының жазуынша, АҚШ-та Roblox арқылы балалармен таныспақ болған ондаған ер адамға қарсы іс қозғалған. Сондай жағдайдың бірі Солтүстік Каролинада тіркелді. Күдіктіні 10 жастағы қызға Roblox-тың ішкі валютасын беріп, орнына жалаңаш суретін жіберуді сұраған деп айыптады.

Еуропада да Roblox-та жасөспірімдер танысып, оларды жабық чатқа шақырып, бопсалаған жағдайлар тіркелді. Қазір Түркия, Катар мен Кувейтте бұл ойынға шектеу қойылды. Индонезия билігі егер чаттағы фильтрді күшейтпесе, толығымен тыйым салатынын ескертті.

Қазақстанда...

Алматыда УЕФА Чемпиондар лигасының плей-офф кезеңіндегі «Қайрат» (Алматы) пен «Селтик» (Глазго) арасындағы қарымта матч кезінде қоғамдық тәртіп пен жол қауіпсіздігін 2 мыңға жуық полиция қызметкері қамтамасыз етеді, деп хабарлайды Polisia.kz.

Көп жанкүйер жиналатынына байланысты полиция кешенді күштердің нарядтарын күшейтуді жоспарлап отыр. Сонымен қатар, кептеліс туындамауы және арнайы автокөліктердің еркін қозғалысын қамтамасыз ету үшін қаладағы кей көшелерде қозғалыс уақытша шектеледі.

Атап айтқанда, шектеу Абай даңғылы — Байтурсынов көшесі — Мұқанов көшесі — Сәтбаев көшесі аумағында енгізілуі мүмкін.

Алматы қалалық полиция департаменті тұрғындар мен қонақтарға осы жағдайды ескеріп, маршруттарын алдын ала жоспарлауға, қоғамдық тәртіпті сақтауға және полицейлердің нұсқауларын орындауға шақырды.

Еске...

Астанада 26-27 тамызда кей көшеде қозғалыс уақытша тоқтатылады. Бұл туралы Мемлекеттік күзет қызметі хабарлады.

«Иордания Королі Абдалла II бен әл-Хусейннің Қазақстанға ресми сапары кезінде қаладағы кей көшеде көлік пен жаяу жүргіншілердің қозғалысына уақытша шектеу енгізіледі», – делінген ақпаратта.

Дайындық іс-шаралары арнаулы мемлекеттік және құқық қорғау органдарының, сондай-ақ Қарулы күштердің, оның ішінде әскери авиация мен техника ресурстарын пайдалану арқылы жүргізіледі.

Соған байланысты мекеме қала тұрғындары мен қонақтарынан халықаралық дәрежедегі маңызды оқиға кезінде қауіпсіздікті қамтамасыз ету бойынша жүргізілетін іс-шараларға түсіністікпен қарауды сұрады.

Бұған дейін Иордания Королінің Қазақстанға президент Қасым-Жомарт Тоқаевтың шақыруымен келетіні хабарланды. Сапар барысында...

Президент Қасым-Жомарт Тоқаев Жапонияның Сыртқы істер министрі Такеши Иваяны қабылдады. Бұл туралы Ақорда хабарлады.

Кездесу барысында тараптар сауда-экономикалық, инвестициялық, көлік-транзит және мәдени-гуманитарлық салалардағы қазақ-жапон кеңейтілген стратегиялық серіктестігінің қазіргі жағдайы мен болашақ даму бағыттарын талқылаған.

Сонымен бірге Қасым-Жомарт Тоқаев Жапониядан келген қонаққа өз ілтипатын білдіріп, бұл сапардың екі ел арасындағы қарым-қатынасты арттыруға тың серпін беретінін айтқан. Сонымен бірге Жапния премьер-министрі Шигеру Ишибаны Қазақстанда күтетінін жеткізген.

«Жапония – Азиядағы сенімді әрі жақын серіктесіміз. Біз Токиомен жан-жақты ынтымақтастықты нығайтуға ерекше мән береміз. Премьер-министр Ишибаға ыстық ықыласымды жеткізуді сұраймын. Премьер-министр Шигеру Ишиба Қазақстанға ресми сапармен келмекші. Біз оны...

Алматының әсем ауданы Бағанашылда орналасқан балалар үйінің айналасындағы шудан кейін бос тұрған Алматы облысы Білім басқармасының басшысы лауазымына Арайлым Төлеубекова тағайындалды.

Арайлым Аксубаевна 1977 жылы туған. «Басқа ұлт мектептеріндегі қазақ тілі мен әдебиеті», «Құқықтану» мамандықтары бойынша білім алған.

Кейінгі жылдары Алматы облысы білім басқармасының Қонаев қаласы, Еңбекшіқазақ ауданы бойынша білім бөлімінің басшысы лауазымдарын атқарған.

2025 жылдың маусым айынан бастап Алматы облысы білім басқармасының Іле ауданы бойынша білім бөлімінің басшысы лауазымында қызмет еткен.

Басқарманы бұған дейін басқарған Салтанат Баспаева Алматы облысы Ішкі саясат басқармасының басшысы Ерік Әбітовпен бірге Бағанашылдағы Алматы облыстық №1 балалар үйінің айналасындағы шудан кейін қызметінен кеткен...

Alex Lim (Александр Лим) «Новая волна – 2025» халықаралық жас орындаушылар байқауында бас жүлдені жеңіп алды. Ол – осы фестивальде жеңіске жеткен алғашқы қазақстандық.

Сүйінші жаңалықты әнші өзінің Instagram-дағы парақшасында жариялады. Әділқазы алқасының төрағасы Игорь Крутой қазақстандық әншінің жеңіске жеткенін хабарлайды.

«2025 жылғы Қазандағы «Новая волнада» Alex Lim жеңіске жетті», – деп хабарлады Крутой.

Бас жүлдені  иеленген Alex Lim байқауда әртүрлі бағыттағы ән орындап, көрермендер...

Freedom SuperApp қосымшасында кірістер мен мүлік туралы салық декларациясын тапсыру сервисі пайда болды (270.00 нысаны). Freedom Bank декларацияны тапсырудың екі форматын дайындады: біріншісі қысқартылған – екі рет қана баса саласыз, бұны тек Freedom инвестициялық валютасынан түскен кіріс бойынша жасай аласыз. Екіншісі толық – табыстың басқа түрлерін көрсету мүмкіндігі бар. Freedom SuperApp-та декларация тапсыру сервисі қазақ және орыс тілдерінде қолжетімді.

Freedom SuperApp 2024 жылы Freedom инвестициялық валютасын (ETN биржалық нотасы) белсендірген пайдаланушыларға ол бойынша кірісті декларациялау қажеттілігі туралы белсенді түрде хабарлай бастады. 

Осы салық кезеңінде декларация тапсыруы керек пайдаланушыларға Freedom SuperApp қосымшасының ішінде хабарлама келеді.

Әрі қарай декларацияның қысқартылған нұсқасын...

Ресейлік спортшы Мария Шарапова Халықаралық теннис даңқ залына енгізілді. Салтанатты рәсім 23 тамыз күні АҚШ-тың Род-Айленд штаты, Ньюпорт қаласында өтті.

Әлемнің экс-бірінші ракеткасы марапаттау сәтінде толқып, көз жасына ерік берді. Шарапова өз сөзінде:

«Теннистегі жолым оңай болған жоқ — жеңістер де, жеңілістер де болды. Әлі күнге дейін әрбір сәтті есіме алып тұрамын. Ең жарқын естеліктерім — жеңістерім. Мен өмірімді тенниске арнадым, теннис маған жаңа өмір сыйлады. Бұл керемет еді», — деді Шарапова.

Мария Шарапова кәсіби мансабында 645 жеңіске жетіп, 171 рет жеңіліс тапқан. Жекелей сында 36 титул иеленіп, жалпы табысы 39 млн долларды құрады.

1 шілдеден бастап жұмыс істеп жатқан кассациялық сотқа бір айда 5 мыңға жуық арыз-шағым түскен. Бұл туралы президенттің қабылдауында болған Жоғарғы сот төрағасы Асламбек Мерғалиев мәлімдеді.

Айта кетейік, бұған дейін кассациялық инстанция ретінде жұмыс істеген Жоғарғы сот барлық шағым-арызды қарамаған. Кей азаматтың өтініші іріктеуден өтпей қалған. Яғни, сот актілерін қайта қарауға негіз бар-жоғы тексерілетін, барлық іс автоматты түрде қарала бермейтін.

Ал жаңа кассациялық соттар осы шектеуді алып тастайды. Істер бірден кассациялық соттың қарауына беріледі.

Ақорданың хабарлауынша, Мерғалиев президентке биылғы 7 айдағы сот жүйесі қызметінің жұмысы жөнінде баяндады.

Айтуынша, азаматтық істер бойынша дауларды шешудің баламалы әдістерін қолдану 24%-ға...

Желіде Жетісу облысы Кербұлақ ауданында бұрынғы педагог Күнсұлу Мүлкібаева сегіз жасар қызды ұрғаны туралы ақпарат тарап жатыр.

Жетісу облысының Полиция департаменті экс-педагогтің қыз балаға қол көтергенін растады.

«Полиция аталған факті бойынша кәмелетке толмағанға дене жарақатын келтіру дерегі бойынша қылмыстық іс қозғады. Оқиғаға қатысы күдікті ұсталып, полиция бөліміне жеткізілді. Қазіргі уақытта оқиғаның себептері мен мән-жайларын анықтауға бағытталған тиісті тергеу амалдары жүргізілуде», – делінген хабарламада.

Оқиға Кербұлақ ауданының Малайсары ауылында болған.

Бұған дейін, Шымкентте оқушыны ұрған мұғалім 25 күнге қамалған болатын.

Израиль Газаның Насера ​​ауруханасына шабуыл жасап, салдарынан соғыс аймағында жұмыс істеп жүрген 4 журналист қаза тапты. Көз жұмғандардың арасында Reuters агенттігінің журналисі де бар екені айтылады.

Басылым мәліметінше, әуеден жасалған шабуыл салдарынан кемінде 15 адам қаза тапқан.

Израиль әскері ауруханаға екі рет шабуыл жасаған. Бірінші шабуыл кезінде ауруханадан тікелей эфир жүргізіп жатқан кезде Reuters агенттігінің операторы Хуссам аль-Масри қаза тапқан. Түсірілім тікелей эфир сәтінде үзіліп кеткен.

Келесі соққы кезінде жарылыс орнынан барған журналистер мен бір құтқарушы қаза тапқа. Газа денсаулық сақтау министрлігінің хабарлауынша, Хуссам аль-Масриден бөлек Мариам Абу Дагга, Мохаммед Салама, Моаз Абу Таха қаза тапқан...

Педагог өз құзыретіне кірмейтін оқыс жайттар үшін айыпталудан қорғалады. Бұл туралы Оқу-ағарту министрлігі Ғани Бейсембаев мәлімдеді.

Министрліктің ақпаратына қарағанда, биылғы оқу жылында ата-аналар комитеттері трансформацияланады. Жаңа мектептер, бірыңғай дизайн-код, жасанды интеллект мәселесі қолға алынып, педагог мәртебесі бекітіледі.

Ғани Бейсембаев осы тақылеттес алдағы оқу жылының басты міндеттерін айқындаған.

«Педагог өз құзыретіне кірмейтін оқыс оқиғаларға байланысты негізсіз айыптаулардан қорғалуы керек. Бұл – мемлекеттің негізгі ұстанымы. Мұғалімді қорғау арқылы біз балаларды және олардың сапалы білім алуға деген құқығын қорғаймыз», – деді министр.

Ғани Бейсембаев бұл жөнінде Шымкент қаласында «Білім келешегі: адал азамат, кәсіби маман» тақырыбында

Елде егін жинау науқаны жүріп жатыр. Дәл қазір 15 өңірден астық жиналып жатыр деп хабарлайды ауыл шаруашылық министрлігінен.

Соңғы дерек бойынша, 2,2 млн гектар дәнді дақыл орылған. Бұл жалпы егіс алқабының 13,7%-ын құрайды. Жалпы 3,1 млн тонна астық бастырылған. Одан бөлек:

«Көкөністер бойынша да жоғары өнімділік байқалады: 319,5 мың тонна қырыққабат жиналып, гектарынан 375,4 центнер өнім алынған, 256,7 мың тонна пияз жиналып, гектарынан 390 центнер өнім алынған, 98,8 мың тонна сәбіз жиналып, гектарынан 298,1 центнер...

Қазақстан Ұлттық Банкі Ата Заңның 30 жылдық мерейтойына арнап коллекциялық монеталар шығарды.

ҚАЗАҚСТАН КОНСТИТУЦИЯСЫНА 30 ЖЫЛ атты коллекциялық монеталар «Есте қалатын оқиғалар мен біртуар адамдар» сериясы аясында жасалған. 27 тамыздан бастап сатылымға шығады.

Монеталар алтын жалатылған 925 сынамды күмістен жасалған. Массасы 31,1 грамм, диаметрі 38,61 мм, дайындау сапасы – proof, номиналы – 1 000 теңгелік, таралымы – 1 000 (бір мың) дана.

Коллекциялық монеталар Қазақстан теңге сарайында дайындалған.

23 жастағы қазақ моделі Алина Мұхамедғалиева әлемге әйгілі Uniqlo жапон брендінің жарнамасына түсті. Жас қыз кәсіби жұмысындағы айтулы жетістігін жас қыз Instagram-дағы парағына жазды. Бұл туралы Kursiv.Media хабарлайды.

Модель Uniqlo брендінің дүкеніне кіріп, өзінің суретін көрсетті. Сауда үйі Индонезияның Бали аралында орналасқан. Мұхамедғалиева жариялаған шағын роликте әлемнің басқа да елдеріндегі бренд дүкендеріне ілінген баннерлер көрсетілді. Онда да қазақ моделінің суреті жүр.

«Өңім бе, түсім бе?» – деп жазды қуанышын жасыра алмаған қыз. Желі қолданушылар да оны құттықтап жатыр.

Еңбек және халықты әлеуметтік қорғау министрлігі жұмыссыз ретінде тіркеліп, қиын жағдайға тап болған 24790 азаматқа жұмысқа орналасу мүмкіндігі туралы SMS хабарлама жіберілетінін хабарлады.

Министрлік бұл жұмысты ұлттық статистика бюросымен бірлесіп істемек.

Кім қамтылады:

Қандай жұмыс ұсынылады

Ауыл шаруашылығы санағы 20 қыркүйек пен 20 қазан аралығында санақ қызметкерлерін тарта отырып, жеке әңгімелесу әдісімен жүргізілмек.

Бұған дейін, елде мал басы мен ауылшаруашылық техникасының санағы өтетінін...

«Хуторский» тобының басшысы деп аталып жүрген Хасан Қасымбаевқа қатысты іс Талғарда қаралып жатыр. Алайда жәбірленушінің соттағы жауабы көпшілікке жарияланбайтын болды. Бұл туралы Tengrinews.kz жазды.

2025 жылдың 25 тамызындағы сот отырысында істі қарап жатқан судья Айнагүл Түкібаева БАҚ өкілдеріне жәбірленушілердің және процеске қатысушы басқа да азаматтардың соттағы жауабын жариялауға тыйым салды.

«Сот отырысынан кейін әлеуметтік желілерде жәбірленушінің жауабы мен сот залында түсірілген видео жарияланды. Осыған байланысты жәбірленуші мен процеске қатысушы басқа да азаматтардың сотта берген жауаптарын жариялауға сот тергеуі аяқталғанға дейін шектеу қойылды», – деді судья.

Судья бұл шектеу әлеуметтік желіде тараған жәбірленуші жауабы сотта әлі жауап бермеген...

2025 жылғы 1 қыркүйектен бастап «Орда Аймақ» бағдарламасы бойынша ипотека рәсімдеу жеңілдейді. Бұл туралы Kursiv.Media Қазақстан тұрғын үй компаниясының мәліметіне сүйене отырып хабарлайды.

Заң өзгерді

«Бәйтерек» ұлттық холдингіне еншілес ұйым күзден бастап тұрғын үй құрылысына қатысты заңнамаға енгізілген өзгерістер күшіне енетінін ескертті.

Жаңа ережеге сәйкес, 1 қыркүйектен бастап «Орда Аймақ» бағдарламасы бойынша ипотеканы салынып жатқан пәтерді кепілге қою арқылы рәсімдеуге болады. Енді ипотека алу үшін басқа бір жылжымайтын мүлікті кепілге қою қажет емес.

«Бұл өзгеріс азаматтардың жаңа тұрғын үйге қауіпсіз инвестиция салуына, ал құрылыс салушыларға қаржыландыруды тек сенімді бақылаумен және үлескерлер үшін кепілдіктермен тартуға...

Вьетнам еліне қуатты «Кадзики» тайфунының жақындауына байланысты жағалау аймақтарынан 586 мыңнан астам адам қауіпсіз жерге көшірілді, деп хабарлайды Vietnam+.

Синоптиктердің болжамына сәйкес, дауыл бүгін, 25 тамыз күні, Астана уақытымен сағат 14:00 шамасында Тханьхоа мен Нгеан провинцияларының аралығында құрлыққа шығуы мүмкін. Тайфун орталығына жақын аймақта желдің жылдамдығы 166–180 шақырымға дейін жетеді. Билік өкілдері су тасқыны мен көшкін қаупі барын ескертіп отыр. Әскерилер жоғары дайындық режиміне көшті, теңіз аймақтарында кеме қатынасы толық тоқтатылды.

Екі әуежай уақытша жабылып, Vietnam Airlines және Vietjet әуе компаниялары ондаған рейстерін тоқтатты. Қауіп төнген өңірлерде мектеп сабақтары да кейінге шегерілді.

Көршілес Қытайда, Хайнань аралында қызыл деңгейдегі ескерту...

Астанада автобус апатқа ұшырады. Қала полициясының хабарлауынша, Mercedes маркалы қызметтік автобус Қабанбай батыр даңғылы бойында жол жиегінен шығып кеткен.

Полиция автобус жүргізушісі бұрылып жатқан кезде көлік рөліне ие бола алмай қалғанын мәлімдеді. Қаза тапқандар жоқ.

Астана қаласы денсаулық сақтау басқармасының хабарлауынша, жол апаты салдарынан 14 адам жедел жәрдем арқылы қалалық көпсалалы стационарларға, сондай-ақ Ұлттық шұғыл медицина үйлестіру орталығына жеткізілді.

«Қабылдау бөлімінде барлығы салалық мамандардың тексеруінен өтті. Бірнеше адам амбулаторлық емдеуге жіберілді, ал қалғаны қосымша тексеруден өтіп жатыр», – деп хабарлады басқарма.

Дәрігерлер зардап шеккендердің басым бөлігі жеңіл жарақат алғанын айтады.

Айта кетейік, 2025 жылды...

26 тамыз күні Алматының бірнеше ауданында суық су болмайды. Бұл туралы «Алматы Су» МКК хабарлады.

Мекеме мәліметінше, бұл күні қаланың сумен жабдықтау желілеріндегі технологиялық жабдықтары ауысытырылады.

«Осыған байланысты 26 тамызда сағат 00:00-ден 24:00-ге дейін Әуезов, Бостандық және Наурызбай аудандарының бөлігіндегі көшелер контурында орналасқан тұрғын үйлер мен әкімшілік ғимараттарға суық су беру уақытша тоқтатылады», – делінген хабарландыруда.

Қаланың мына аймақтарында орналасқан үйлер мен нысандар суық суыдан ажыратылады: