Жаңалықтар

2025 жылғы 1 шілдедегі жағдай бойынша, республикалық бюджетке 10,3 трлн теңге түскен. Бұл үкімет жоспарынан 8,2 пайызға кем. Қаржы министрлігінің республикалық бюджеттің орындалуына қатысты есебіне сәйкес, алты айда ел қазынасына 11,2 трлн теңге түсім жинауы керек болған.

Аталған соманың 6,5 трлн теңгені салықтан жиналған ақша құрады. Бұл жоспардың 99,1%-ына тең және жоспардан 0,9%-ға төмен.

Салық құрылымында корпоративтік табыс салығынан (КТС) 2 трлн теңге түсіп, жсоапдан 2,1%-ға жоғары болған.

Ішкі тауарлар, жұмыстар мен қызметтерге салынатын салықтар 3,4 трлн теңгені құраған. бұл көрсеткіш жоспардан 4,7%-ға аз.

Ал қосылған құн салығы (ҚҚС) 2,7 трлн теңгені құрап, жоспардан 7,1%-ға төмен...

Африкалық футболшы Мбала Бомба Роджер 8 жылға сотталды. Істі Шымкент қалалық қылмыстық істер жөніндегі ауданаралық соты қараған. Африкалық азамат жазаны қауіпсіздігі орташа түзеу мекемесінде өтейтін болады.

«Мбала Бомба Роджерді Қазақстан Республикасы Қылмыстық Кодексінің 297-бабының 3-бөлігі 1-тармағында көзделген қылмыстық құқықбұзушылықты жасағаны үшін кінәлі деп танылып, 8 жылға бас бостандығынан айырылсын. Оған жазаны қауіпсіздігі орташа мекемеде өтеу белгіленсін», – деді судья.

Бұл бапта есірткі, психотроптық заттарды, сол тектестерді өткізу мақсатында заңсыз иемдену, сақтау, тасымалдау, оларды жөнелту не өткізу әрекеті көрсетілген.

Орталық Африкадағы Камерун Республикасының азаматы, 33 жастағы футболшы осы жылдың наурыз айында Шымкентте ұсталған. Ол «синтетикалы...

Шымкентте ондаған үйден 20 млн теңгенің алтынын ұрлаған бір топ азамат ұсталды. Бұл туралы Ішкі істер министрлігінің баспасөз қызметі хабарлады.

«Жедел-іздестіру іс-шаралары барысында пәтер ұрлығымен айналысқан бес ер адам құрықталды», – делінген баспасөз хабарламасында.

ІІМ мәліметінше, ұрылар бөтеннің үйіне терезеден кіріп, негізінен алтын әшекейлерді алып отырған. Полиция күдіктілерді бір ай бойы іздестірген. Тонаушы топ бір ай ішінде 10 шақты үйді түсіп үлгерген. Нәтижесінде келтірілген шығын шамамен 20 миллион теңгеге жеткен.

Полиция күдіктілердің уақытша ұстау изоляторына қамалғанын хабарлады. Қазіргі таңда қылмыстың барлық мән-жайы мен басқа тонау фактілері тексеріліп жатыр.

Министрлік қолды...

18 шілде күні әлемдік нарықта мұнай бағасы көтерілді. Brent маркалы мұнай бағасы барреліне 70 долларға жақындады. Сарапшылардың пайымдауынша, мұнай бағасың өсуіне ЕуроОдақтың Ресейге қарсы кезекті санкция салуы мен Иракта дрон шабуылы салдарынан мұнай өндірісінің қысқаруы себеп болған.

Лондондағы ICE Futures биржасында қыркүйектегі Brent фьючерстерінің бағасы $0,46-ға (0,66%) өсіп, $69,98 деңгейіне жетті.

Ал Нью-Йорк тауар биржасында (NYMEX) тамыз айына арналған WTI маркалы мұнай фьючерстері $0,57-ға (0,84%) қымбаттап, $68,22 құрады.

Бұған дейінгі сауда сессиясының қорытындысында Brent 1,5%-ға, ал WTI 1,8%-ға көтерілген еді. Бұл – Ирактағы мұнай инфрақұрылымына жасалған дрон шабуылдары туралы жаңалықтардан кейінгі реакция. Аталған шабуылдар салдарынан аймақтағы өндіріс көлем...

6 жылға сотталған Сәкен Мамаштың ағасы Нұржан Мамаш сот үкіміне шағым түсіретінін мәлімдеді, деп хабарлайды KursivMedia.

«Судьяның шешімі әділ емес, 6 жыл деген өте көп. Ешқандай материалдық тәуелді болған емес. Дипломаттың жұмыс істемейтін әйелі ретінде ай сайын 1 400 доллар алып отырған. Ол – 730 мың теңге. Оны өзі жаратқан. Қайдағы қаржылық тәуелділік? Бізде Қазақстан халқының біраз бөлігі 70-80 мың теңге жалақыға еден жуып, күн көріп жүр. Карина жұмыс істемей 730 мың теңге алады, оған қоймай «қаржылай тәуелді» болдым дейді», – деп айтты Нұржан Мамаш.

2026 жылдан күшіне енетін жаңа Салық кодексіне сәйкес, корпоративтік табыс салығы (КТС) 20% деңгейінде сақталады. Алайда кейбір кәсіпке сараланған салық мөлшерлемесі енгізілмек. Жарты жыл талқыланған заңға бүгін Президент Қасым-Жомарт Тоқаев қол қойды.

Атап айтқанда, банктер (бизнес субъектілеріне несие беруді қоспағанда) мен ойын бизнесі 25% КТС төлейді.

Әлеуметтік сала ұйымдары үшін бұл салық 2026 жылы 5% мөлшерінде белгіленіп, 2027 жылы 10%-ға дейін көтеріледі. Ауыл шаруашылығы тауарын өндірушілерге 3% болып қалады.

«Қор нарығын ынталандыру үшін биржалық құнды қағаздарға төленетін дивиденттерге салық жеңілдіктері сол күйі сақталады. «Бәйтерек» холдингі шығарған құнды қағаздардан түсетін кіріс 2031 жылға дейін...

АҚШ президенті Дональд Трампқа созылмалы веноздық жеткіліксіздік диагнозы қойылды. Ауру медициналық тексеру барысында анықталған.

Бұл мәселеге қатысты Ақ үйдің баспасөз хатшысы Кэролайн Левит ресми брифингте мәлімдеме жасады.

«Президент толыққанды тексеруден өтті. Оның ішінде тамырлар диагностикасы, екі аяқ тамырларына допплерлік ультрадыбыстық зерттеу жүргізілді. Нәтижесінде созылмалы веноздық жеткіліксіздік анықталды. Бұл қауіпті емес әрі кең таралған ауру, әсіресе 70 жастан асқандар арасында жиі кездеседі», – деді Левитт брифингте.

Баспасөз хатшысының айтуынша, Трампта терең тамыр тромбозы немесе артериялық ауру белгілері анықталмаған, ал эхокардиограмма жүректің қалыпты жұмыс істейтінін көрсеткен.

Сондай-ақ Левит, соңғы кездері АҚШ президентінің аяғында ісіктің пайда болғанына және...

18 шілде күні қазақтың белгілі ақыны, драматург, халыққа кеңінен танымал лирикалық ән мәтіндерінің авторы Исраил Сапарбай дүниеден озды. Kursiv Life Style ақынның шығармашылық мұрасын еске алып, оның өлеңдеріне жазылған танымал әндерге шолу жасады.

Халық арасында кең таралған көптеген әндердің сөзін Исраил Сапарбай жазғанын екінің бірі біле бермейді. Ақынның шынайы махаббат, сағыныш пен сырға толы жырлары еліміздің ең сүйікті әндерінің сөзіне айналды. Солардың қатарында:

«Махаббат мәңгі ертегі», «Егіз лебіз», «Сағындым сені», «Қазақ қызы», «Бір тамшы көздің жасындай», «Қоштасудың қиыны-ай», «Сен болмасаң», «Сағыныш сазы», «Алақанымнан ұшқан аққуым» сияқты әндер бар.

Ақын 70-ке жуық ән мен 150-ге тарта ән мәтінінің авторы. Сонымен...

Карина Мамаш бұрынғы күйеуі Сәкен Мамашқа шыққан үкімге қатысты пікір білдірді, деп хабарлайды KursivMedia.

Кек емес, әділдік

«Бірдеңе деп айту қиын. Адам соңына дейін өзінің кінәсін мойындаған жоқ. Манипуляция жасап, осынша жыл бойы қысым көрсетті. Бұл кек алу емес, бұл – әділдік. Адам өзі сезініп, түсінеді деп ойлаймын. Оған ескерту жасағанымда күлетін», – дейді Карина Мамаш.

Айтуынша, басынан өткенді сөзбен айтып жеткізудің өзі қиын.

«Ешқашан зорлық-зомбылыққа төзбеңіздер. Сізді жақсы көрсе, ешқашан ұрмайды. Қауіп бар жерден қашыңыз», – дейді Карина Мамаш.

Алдағы демалыс күндерге арналған валюта бағамы анықталды. Қазақстан қор биржасының (KASE) мәліметінше, қазір 1 АҚШ доллары 533,61 теңге тұрады. Ақша айырбастау пункттерінде доллар 535-536 теңгеден сатылып жатыр. Бұл уақытта криптовалюта жинаған капитал алғаш рет 4 трлн доллардан асты.

Криптонарық рекорд орнатты

18 шілдеде таңертең криптовалюталардың нарықтағы құны алғаш рет 4 трлн доллардан асты. Оның ішінде Биткоин мен Эфириумның үлесі жоғары. XRP мен Бинанс Коинның да капиталы айтарлық көп.

Апта басында ғана құны 123 мың долларға дейін көтерілген Bitcoin (BTC) қазір одан арзан тұрады. Бүгін, 18 шілдеде BTC шамамен 118,8 мың доллардан саудаланып жатыр.

Биткоин капиталы да – 2 трлн 364 млрд 140 млн доллар.

Сәкен Мамашқа сот үкімі шықты. Астана сотында экс-дипломат әйелін қинағаны үшін кінәлі деп танылып, 6 жылға бас бостандығынан айырылды, деп хабарлайды Kursiv.Media.

«Негізсіз қызғаныштан Мамаш мемлекеттік қызметші ретінде ант берген тұлға бола отырып, 2019 жылдан 2024 жылға дейінгі аралықта бастапқыда Астанада, кейіннен Біріккен Араб Әмірліктері, Абу-Даби қаласында жүйелі түрде жәбірленушіге күш қолданған.

Сотталушының кінәсі жәбірленушінің, куәлердің жауаптары, сараптама қорытындысы, видео, скриншот және іс бойынша өзге де материалдар арқылы дәлелденді», – деді үкімді оқыған судья Артур Әбдіханов.

Істің мән-жайы

Сәкен Мамаштың әйелі Карина Мамаш 2024 жылдың мамырында видео жариялап, 10 жыл бойы күйеуінен қорлы...

«Қазақстан темір жолы» (ҚТЖ) ұлттық компаниясының акциялары 2025 жыл соңына дейін IPO-ға шығады. Бұл туралы Қазақстан премьер-министрі Олжас Бектенов Мәжіліс депутаттарының сауалына берген жауабында мәлімдеді.

Мәжілісмендер депутаттық сауалында «Самұрық-Қазына» қоры жұмысының экономикалық тұрғыдағы тиімділігіне күмән келтіріп, қордың иелігіндегі компанияларды бәкекелес ортаға берер кез жетті деп тұжырымдаған.

Премьер-министрдің жауабында жекешелендіру процесі шеңберінде «Самұрық-Қазына» ұлттық әл-ауқат қорының құрамындағы компаниялар саны 600-ден 300-ге дейін қысқартылғаны айтылған. Бұл – демонополизация бағытындағы жұмыстардың бір бөлігі.

Қысқартылған және жекешелендіру тізіміне енген активтер қатарында «ҚазМұнайГаз», «Тау-Кен Самұрық», «Қазақтелекомның» иелігіндегі компаниялар бар.

Сонымен қатар ҚТЖ акциялары 2025 жылдың соңына дейін IPO-ға шығарылмақ. Ал 2026–2027 жылдары...

Президент Қасым-Жомарт Тоқаев Жаңа Салық Кодексіне қол қойды. Бұл туралы Ақорда хабарлады.

«Мемлекет басшысы жаңа Салық кодексіне және «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» Заңға қол қойды», – делінген Ақорда хабарламасында.

Салық кодексі салықтық әкімшілендіруді жеңілдетпек.

Не өзгереді?

Жаңа кодекске сәйкес салық есептілігінің көлемі 30 пайызға, салық саны 20%-ға азаяды. Бұдан бөлек жеңілдіктер мен алым түрлері де оңтайландырылмақ.

«Елеулі өзгерістер корпоративтік және жеке табыс салықтарынан бастап инвестицияларды ынталандыру және салық жүктемесін қайта бөлу секілді барлық негізгі бағытты қамтиды...

Астанадағы BIG Шанхай сауда үйіндегі өртті сөндіру кезінде төтенше жағдайлар департаментінің үш қызметкері зардап шекті. Бірінің жағдайы ауыр, ауруханаға жеткізілді.

Астана қаласы ТЖД басшысының орынбасары Қанат Алтынбековтің айтуынша, өртті сөндіруді киім-кешек пен пластик бұйымдардың көптігі қиындатқан.

Өртті сөндіру барысында бір құтқарушы миы шайқалып, дене жарақатымен ауруханаға жеткізілді. Оның өміріне қауіп төніп тұрғаны айтылды. Қалған екі зардап шеккен қызметкер медициналық көмек көрсетілгеннен кейін үйіне жіберілді.

«Сағат 7:10-да өрт оқшауланды. Оттың жақын маңдағы ғимараттарға таралуына жол берілмеді», – деп хабарлады ТЖД.

Өртті сөндіру жұмыстары әлі де жалғасып жатыр.

Айта кетейік, бұған дейін BIG Шанхай сауда үй...

2012 жылы стратосферадан парашютпен секіріп, әлемді таңғалдырған австриялық экстремал Феликс Баумгартнер Италияда қаза тапты. Бұл туралы DW хабарлады.

56 жастағы скайдайвер 17 шілде күні кешкісін мотопарапланмен ұшып бара жатқан кезде өзін жайсыз сезініп, басқаруды жоғалтқан. Қайғылы жағдай Италияның Адриатика теңізі жағалауында орналасқан Порто-Сант-Эльпидио қаласында болған.

Құтқару қызметінің мәліметінше, мотопараплан қонақүй аумағындағы бассейн маңындағы құрылысқа соғылып, Баумгартнер оқиға орнында көз жұмған. Сондай-ақ апат салдарынан қонақүй қызметкерлерінің бірі мойнынан жарақат алған – парапланның бір бөлігі әйелге тиген. Зардап шеккен адамға алғашқы медициналық көмек көрсетіліп, ауруханаға жеткізілді.

Феликс Баумгартнер – авиация және экстремалды спорт саласындағы аңызға айналған тұлға. 2012 жылы арнайы капсуламен...

Түркістан облысында жыл басынан бері 6 адам Конго-Қырым қызбасы ауруын жұқтырған. Олардың төртеуі аурудан айыққан, қалған екеуі әлі ауруханада емделіп жатыр. Бұл туралы Түркістан өңірлік коммуникация қызметінде өткен баспасөз жиынында облыстық санитариялық-эпидемиологиялық бақылау департаменті басшысының орынбасары Ақерке Еркінбекова мәлім етті.

Түркістан облысы Конго-Қырым геморрагиялық қызбасы ауруының эндемиялық табиғи ошағы бар аймаққа жатады. Облыстық санитариялық-эпидемиологиялық бақылау департаментінің дерегінше, табиғи ошақтың болуынан облыста ауруды жұқтырғандар азаймай тұр.

Департамент басшысының орынбасары Ақерке Еркінбекованың айтуынша, кене шаққанда, міндетті түрде медициналық көмекке жүгіну керек. 14 күн медициналық бақылауда болуға тиіс. Ауру жұқтырғанда дене қызады, бас айналып, көз қызарады. Дене қақсап, лоқсып, құсу, іш ауырып немесе...

2023 жылғы тамызда Каталония Жоғарғы соты Қазақстанның бұрынғы президенті Нұрсұлтан Назарбаевтың отбасын Льорет-де-Мар қаласындағы жолдың бір бөлігін ашуға міндеттеген.

Can Juncadella вилласы экс-президенттің қызы Динара Құлыбаеваға тиесілі. Зәулім сарай қожайындары туристердің жағалауға өтуіне кедергі жасаған.

Дәл осыған ұқсас жағдай енді Қазақстанның өзінде болып жатыр. Жақында депутаттар Назарбаевтың қызынан Алматыдағы бір көшені халыққа қайтаруды талап етті.

Испан баспасөзінің жазуынша, 38 мың адам тұратын Льорет-де-Мар қаласының тұрғындары 2007 жылдан бері қолайсыз көрші әрекетінен зардап шегіп келген.

Eldiario.es басылымы осы оқиға туралы жазған. Мәліметтерге қарағанда, екі тұрғын вилла маңында жүгіріп жүрген уақытта оларға қару асынған бір адам келіп, мұнда жүруге тыйым...

2025 жылғы 18 шілдеде ЕуроОдақ елдері Ресейге қарсы 18-ші санкциялар пакетін бекітті. Бұл туралы ЕО-ның сыртқы саясат жөніндегі жоғары өкілі Кая Каллас әлеуметтік желіде жазған. Оның айтуынша, бұл «Ресейге қарсы қабылданған ең қатаң санкциялардың бірі».

Бұған дейін Словакия бұл санкцияға кедергі келтіріп келген. Бірақ, бейсенбі, 17 маусым күні кешке елдің премьер-министрі Роберт Фицо санкциялар пакетін бұғаттауды тоқтататынын мәлімдеді. Осыдан кейін ЕО елдерінің тұрақты өкілдері бұл пакетті жұма күні таңертең келісіп қабылдады.

Санкция тізімі алдағы уақытта ЕО-ның ресми журналында жарияланады. Бұл – санкциялардың заңды түрде күшіне енуі үшін қажет соңғы қадам.

Жаңа 18-ші пакет аясында Ресей мұнайын тасымалдауға қатысы бар...

Абай облысында әйелінің 2016 жылы туған жиенін бірнеше рет зорлап, оны азғындық жолға түсірген ер адам өмір бойына бас бостандығынан айырылды. Істі облыстың қылмыстық істер жөніндегі мамандандырылған ауданаралық соты қарады.

Қылмыстық іс жабық түрде қаралды.

Қылмыстық іс материалдарына сәйкес, ер адам 2024 жылдың тамызында Жарма ауданының Шар қаласында болған кезінде әйелінің 2016 жылы туған жиеніне қарсы қылмыс жасаған.

Сотта мемлекеттік айыптаушы оны өмір бойына бас бостандығынан айыруды сұрады.

Ер адам өзіне тағылған айып бойынша кінәсін толық мойындамай, соттан өзін ақтауды сұрады.

Сот үкімімен ер адам 16 жасқа толмаған адамды азғындық жолға түсіру (ҚК-нің 124-бабы 1-бөлігі), сондай-ақ жас балаға қатысты...

Германияда жылдар бойы Газадағы палестиналықтарға қаражат жинап, өз қажеттіліктеріне жұмсаған азаматқа қатысты сот үкімі шықты. Дюссельдорф соты алаяқты 3 жылға соттаған.

«Дюссельдорф қаласының аумақтық соты Абдельхамид атты азаматты коммерциялық қайырымдылыққа берілген қаражатты жымқырғаны үшін 3 жылға соттау туралы үкім шығарды», – делінген неміс БАҚ-тарында.

34 жастағы азамат жылдар бойы Газа халқына деп 500 млн еуро көлемінде қаражат жинаған. Қайырымдылыққа көбінде мұсылмандардан көп қаражат түсіп отырған. Бірақ Абдельхамид дәл Перизат Қайрат секілді бұл ақшаның аз ғана бөлігін палестиналықтарға жіберіп, қалғанын өз мақсаттарына пайдаланған.

Қаржылық қылмысқа оның әйелінің де қатысы бар екені анықталды. Сот...

Қазақстанда бала туу көрсеткіші азайып барады, әрі бұл уақытша құбылыс емес, керісінше, тұрақты әрі алаңдатарлық үрдіске айналды. Отбасылар бала сүюді жиі кейінге қалдыруы жиілеп кеткен. Кей жағдайда мүлдем бұл ойдан бас тартатын жағдайлар да кездесіп жатады. Бұған себеп — экономикалық тұрақсыздық, баспана бағасының қымбаттауы мен болашаққа деген сенімсіздік. Ranking.kz сарапшылары осындай тұжырым жасап отыр.

Статистика

2025 жылдың алғашқы үш айында елде 77,3 мың сәби дүниеге келген. Бұл — өткен жылдың сәйкес кезеңімен салыстырғанда шамамен 16 %-ға аз.

«2021 жылы Қазақстанда шамамен 447 мың бала туған болса, 2024 жылы бұл көрсеткіш 366 мыңға дейін...

Қазақстанның халық әртісі Димаш Құдайберген Қырғызстанда өтетін халықаралық «Мейкин Азия» фестивалінде ән шырқайды. Аталған шара 20–22 шілде күндері Ыстықкөл жағалауындағы Чолпон-Ата қаласында өтеді.

Ұйымдастырушылардың айтуынша, 22 шілде күні Димаштың өнер көрсетуі музыкалық кештің шарықтау шегі болмақ.

Димаш Құдайберген бұл ауқымды музыкалық фестивальдің жарқын кульминациясы болады! – деп хабарлады ұйымдастырушылар.

Фестивальге әлемнің 25-тен астам елінен әртістер қатысады. Олардың қатарында Ay yola, JAX, Баястан және басқа да белгілі орындаушылар бар.

Астана қаласында BIG Шанхай сауда үйі маңындағы тұрғындарды қауіпсіз жерге көшіріп жатыр. Бұл туралы оқиға орнынан Kursiv.Media тілшісі хабарлайды.

Тілші Жұман Киіковтің айтуынша, сауда үйі кешеніндегі өрт сөнгенімен, әлі де қара түтін будақтап шығып жатыр. Сол себепті нысанға жақын орналасқан тұрғын аудандардағы азаматтарды қауіпсіз жерге көшіріп жатыр.

«Аймақ қоршалған. BIG Шанхайға апаратын жолда көлік кептеліп тұр. Қара түтін басқан. Сауда үйінің қасында үй мен қойма көп. Тұрғындарды көшіріп жатыр. Малды да айдап әкетіп жатқанын көрдім. Жақын маңда мал сататын базар орналасқан», – дейді Киіков.

«Орда» базары BIG Шанхай сауда үйінің дәл қасында орналасқан. Өрт...

Жоғары аудиторлық палата салық пен кеден саласындағы басқару тиімділігіне жүргізген мемлекеттік аудит қорытындысын жариялады. Тексеру нәтижесі бойынша бюджетке келтірілген жалпы шығын 2 млрд теңгеге жуықтаған.

Салық саласындағы басты мәселелердің бірі – тексеру саны мен қосымша есептелген сома артқанына қарамастан, жалпы тиімділіктің төмендеуі. Атап айтқанда, қосымша салықтардың 70%-ы кешенді тексеру нәтижесінде анықталған.

Ал тәуекелді басқару жүйесі (ТБЖ) негізінде жүргізілген тексеріс әлдеқайда төмен нәтиже көрсеткен. Мәселен, ТБЖ арқылы іріктелген 900-ден астам кәсіпорыннан тек 46 млрд теңге көлемінде қосымша салық есептелген.

Аудиторлар тексеру жоспарының тұрақсыздығына да назар аударды. 2024 жылдың бірінші жартыжылдығына жоспарланған салық төлеушілердің 61%-ы кейін тізімнен шығарылса, екінші жартыжылдықта бұл...