Жаңалықтар

Вьетнамда «Кадзики» тайфуны салдарынан кем дегенде үш адам қаза тауып, он адам жараланды. Сейсенбі күні жергілікті билік осындай мәлімет таратты. Бұл туралы Kursiv.Media Reuters ақпаратына сүйене отырып хабарлайды.

Вьетнам билігі толассыз нөсер жаңбыр салдарынан су тасып, лай көшкіні болуы мүмкін екенін ескертті. Үкімет мәліметінше, тайфуннан 7 мыңға жуық үй бүлінді. 29 мың га күріш алқабын су басты. 18 мың ағаш құлады.

Бұған қоса, елде 331 электр бағанасы зақымданған. Соның салдарынан елдің Тханьхоа, Нгеан, Хатинь, Тхайнгуен және Футо профинциялары жарықсыз қалды.

Нөсер жаңбырдан сейсенбі күні таңертең Ханой қаласының көшелерін су басты.

Ұлттық метеорология агенттігінің мәліметінше, дүйсенбіде күндіз Вьетнамның орталы...

Жазғы демалыс кезінде бірінші сыныпқа баратын балаларға тең мүмкіндік беру мақсатында мектепалды дайындыққа арналған «Балақайлар мектебі» қысқа мерзімді бағдарламасы ұйымдастырылды. Бұл туралы Оқу-ағарту министрлігі хабарлады.

Бағдарлама мектепке дейінгі білім мен бастауыш мектеп арасындағы сабақтастықты қамтамасыз етеді. Балаларды мектепке дейінгі тәрбие мен оқытудың үлгілік оқу бағдарламасының бағыттары бойынша алдын ала дайындауға мүмкіндік берді.

Жоба мемлекеттік жалпыға міндетті мектепке дейінгі тәрбие мен білім беру стандартына сәйкес әзірленген. Оқыту барысында балалардың:

Сонымен қатар, мектепке деген оң көзқарас қалыптастыруға ерекше мән берілді.

Мектепке дейінгі білім беру департаментінің директоры Манар Адамованың айтуынша, жазғы үш айда...

Әлемдегі ең ұлы тенорлардың бірі саналатын маэстро Андреа Бочелли биылғы жылдың 28 қазанында Алматыда көптен күткен концертін өткізбек. Кеш «Almaty Arena» сахнасында өтеді.

Алайда көпшілікті қуаныштан гөрі билет құнының қымбаттығы таңғалдырды. Қазақстандықтар әлеуметтік желілерде өз наразылығын білдіріп жатыр.

Билет бағасы

Орта есеппен бір билет 500 мыңнан 800 мың теңгеге дейін сатылып жатыр. Бұл көптеген қазақстандықтардың айлық жалақысына тең.

Кейбір тыңдармандардың пікірінше, мұндай баға шектен тыс қымбат.

«Бұндай қаржыны жұмсағанша, Италияға барып, маэстроның туған жерінде өткен концертін тамашалаған әлдеқайда тиімді болар еді» – деп жазуда.

Соған қарамастан, Андреа Бочеллидің Алматыдағы концерті мәдени өмірдегі үлкен...

25 тамызда түнде Алматы халықаралық әуежайының ішкі рейстер терминалында бір ер азамат өзін-өзі өртеді. Жантүршігерлік видео әлеуметтік желілерде тарады.

Полиция департаментінің мәліметінше, оқиға дүйсенбі күні түнде сағат 22.06-да Алматы әуежайының «Т-1» терминалында, кассалар орналасқан маңда болған. Полиция қызметкерлері мен қауіпсіздік қызметінің өкілдері өртті сөндіріп, жедел жәрдем шақыртқан.

Ер азаматқа алғашқы медициналық көмек көрсетіліп, оны қалалық ауруханаға жеткізді.

«Аталған жағдай әуежайдың қызметімен байланысты емес және оның жұмысына әсер еткен жоқ. Алматы халықаралық әуежайы әдеттегі тәртіппен жұмыс істеп жатыр», – деп хабарлады әуежайдың баспасөз қызметі.

Ер азаматтың не себепті мұндай қадамға барғаны әзірге белгісіз. Қылмыстық іс...

Алматыда 35 мың көрерменге арналған заманауи стадион бой көтермек. Бұл туралы Алматы әкімдігі хабарлады.

Қала әкімдігінің мәліметінше, жаңа арена УЕФА-ның 4-санат талаптарына толық сай келмек. Бұл Қазақстан футболының халықаралық деңгейге шығуына ықпал ететін нысандардың бірі болмақ.

Жоба ерекшеліктері

Жоба Құлжа және Талғар тас жолдарының қиылысында, шамамен 15 гектар аумақта жүзеге асырылады. Бұл аймақ алдағы уақытта қала үшін көлік-логистикалық хабқа айналып, көрермендер мен қонақтарға ыңғайлы жағдай жасамақ.

2024 жылы әйгілі «Нұр Әлем» сферасы елорда әкімдігіне берілді. Бұл ақпаратты QazExpoCongress компаниясы өзінің жылдық есебінде ұсынды.

Астана әкімдігінің қаулысымен QazExpoCongress компаниясы EXPO-2017-нің ең танымал нысаны – «Нұр Әлем» сферасын елорданың құрылыс басқармасына өтеусіз тапсырды. Құжатта нысанның аумағы 37,8 мың шаршы метрді құрайтыны, ал оның баланстық құны ҚҚС-ты қоса алғанда 86,7 млрд теңге екені көрсетілген. Ғимарат мемлекеттік субсидиялар есебінен салынған.

Сфера 2024 жылдың желтоқсанынан бастап келушілерге жабық. Ғимаратта мұражай, жасанды интеллект зертханалары, бірнеше мектеп, стартаптарға арналған кеңселер және мемлекеттік процестерді талдау мен басқаруға арналған жағдаяттық орталық орналастырылады деген жоспар бар.

QazExpoCongress компаниясы EXPO-2017 көрмесін ұйымдастыруға жауапты болды, ал оны...

Алматыда қозғалысы шектелген көшелер қыркүйектің жетісіне дейін толық реттелуі керек. Бұл туралы қала әкімі Дархан Сатыбалды өткізген кеңесте айтылды.

«25 тамыздан бастап Розыбакиев пен Байқадамов көшелерінің қиылысында, сондай-ақ Сәтпаев – Байтұрсынұлы, Бұқар жырау – Марков және Бекмаханов көшелерінде көлік қозғалысы ашылды. 1 қыркүйекке дейін Лавренев пен Ғабдуллин көшелерінде қозғалыс қайта жанданады. Ал Жамбыл және Жароков көшелерінде қозғалыс 7 қыркүйекке дейін ашылады», – деді су және энергетика басқармасының басшысы Нұрбақыт Серікбай.

Сонымен қатар кеңесте «Тамарикс», «Сакура» және «Алтын Сити» тұрғын үй кешендеріндегі мәселелер қаралды. Қазір құрылыс компанияларымен бірлесіп жылу қазандықтарын іске қосу жұмыстары жүргізіп жатыр...

Шымкент қаласы әкімі Ғабит Сыздықбековтың жаңа орынбасары тағайындалды. Жаңа лауазымды енді Арман Сәбитұлы атқарады деп хабарлайды әкімдіктің баспасөз қызметінен.

Арман Сәбитұлы 1984 жылғы 20 сәуiрде Оңтүстік Қазақстан облысы, Шымкент қаласында туылған, қазақ, білімі жоғары. Әл-Фараби атындағы Қазақ Ұлттық университетін және Қазтұтыну одағы Қарағанды экономикалық университетін бітірген, мамандығы бойынша біліктілігі – қаржы және несие, құқықтану: экономика саласын құқықтық реттеу.

Еңбек жолын 2004 жылы Алматы қаласында «Азаматаудит» ЖШС аудитордың ассистенті болып бастаған. Оңтүстік Қазақстан облысы әкімінің аппаратында, кейін Түркістан облысында түрлі лауазымды қызметтер атқарды.

2019-2020 жылдары Қазақстан Республикасы Президенті Әкімшілігінің мемлекеттік инспекторы болды.

Бұған дейін бұл лауазымда экс-депутат Руслан...

Тәжікстан заңдарына енгізілген жаңа өзгерістер бойынша, ел азаматтары балгерлер мен сиқыршыларға жүгінгені үшін әкімшілік жауапкершілікке тартылады. Айыппұл көлемі 3750-ден 4500 сомониге дейін (шамамен 250 мың теңгеге дейін) жетеді.

Бұған дейін Тәжікстан үкіметі парламентке осы мәселе бойынша заң жобасын ұсынған еді. Құжатта «сиқыршы мамандардың» қызметін пайдаланғандар 375-тен 750 сомониге дейін (35–70 доллар немесе 18 930–37 860 теңге) айыппұл төлейтіні көрсетілген.

Билік мұндай шара қоғамға зиянды әдеттермен күресуге және оларды тежеуге көмектеседі деп есептейді. Бұған дейін мемлекеттік органдар мен дін өкілдері сиқыршылық пен бал ашу қоғамға зиянды, мәдени және діни нормаларға қайшы деп бірнеше рет мәлімдеген.

2025 жылдың алғашқы жартысында елде ...

Қазақстан, Қырғызстан және Тәжікстан азаматтарының Шарм-эль-Шейхке кіру ережелері өзгерді. Мысыр Сыртқы істер министрлігінің жаңа талаптарын жариялады.

Енді Қазақстан азаматтары 21 жасқа дейінгі балалар туыстарымен (әже, ата, тәте, көке, ағасы, әпкесі) бірге сапарға шықса, бір ата-анасынан нотариалды расталған келісімхат қажет. Онда ел мен сапар мерзімі көрсетілуі тиіс.

Құжаттар тізімі:

? Сонымен қатар, аталған елдердің азаматтары егер толық туристік пакетсіз (тек әуе билетімен) баратын болса, онда:

Осы жылғы ең танымал бағыттардың бірі – Түркия мен...

Шавкат Рахмонов Ислам Махачев үшін қауіпті қарсылас. Хабиб Нурмагомедов қазақстандық жайында осындай пікір білдірді.

Fight Nights Global промоушенының президенті Камил Гаджиев оған  «Джек Делла Маддаленаны жеңіп, чемпион атанса, жартылай орта салмақта Ислам Махачевке қауіп төндіретін кім бар?» деп сұрақ қойған.

«Мен Шавкатты құрметке лайық әрі қауіп тудыратын қарсылас ретінде көремін. Шавкат жекпе-жектері арқылы 77 келіде нағыз қатерлі қарсылас екенін дәлелдеді», – деп жауап берді Хабиб Нурмагомедов.

Оның пікірінше, Шавкат Рахмонов басты қарсылас. Белал Мухаммад та мықты. Алайда даңқты жауынгер Иан Гарриді онша қаһарлы қарсылас деп санамайтынын жеткізді.

«Ал Шон Брэдиді мүлдем қауіпті көрмеймін. Стильдік...

Композитор Бауыржан Ақтай Қазақстанның көркемдік гимнастикадан құрамасы Бразилияда өткен әлем чемпионатында өзінің «Алаш аманаты» туындысын рұхсатсыз қолданғанына наразы.

Композитордың талабы

Ол «Алаш аманаты» туындысына би қою жаттықтырушы мен хареографтың кінәсінен болған деп санайды.

«Өйткені ол кісілер белгілі бір көріністі қойған кезде анализ жасауы керек. Біз қалай, не жасаймыз, ол қойылымда не көрсетеміз, қандай шеберлікті көрсетеміз, ол образға қандай шығарма пайдаланамыз, ол шығарманның авторы тірі ме, өлі ме, тірі болса, автордың алдынан өтуі керек, өмірден қайтып кеткен болса, мирасқорларынан рұқсат алуы керек. Жаттықтырушылар мен хареогрофтар осының ешқайсысын жасамаған, алған да қоя салған. Бұл қалай...

Жетісу облысында «Отбасы банк» 5% мөлшерлемемен «Маман» атты ипотекалық бағдарламасын іске қосты. Бұл туралы банктің баспасөз қызметі хабарлайды. Бағдарлама жұмысшы мамандық иелері мен әлеуметтік сала қызметкерлеріне арналған.

Бағдарлама Жетісу облысы әкімдігінің қолдауымен жүзеге асырылып отыр. Оған білім беру, денсаулық сақтау, мәдениет, спорт, энергетика, бұқаралық ақпарат құралдары саласының өкілдері қатысып, жеңілдетілген шартпен баспана сатып ала алады. Өтінімдер 2025 жылғы 25 тамыздан 5 қыркүйекке дейін қабылданады.

Несие сомасы – 20 млн теңгеге дейін, бастапқы жарна – кемінде 10%, пайыздық мөлшерлеме – жылдық 5%. Қатысушыларға алғашқы және қайталама нарықтағы тұрғын үйді немесе жер телімі бар жеке үйді сатып алуға мүмкіндік беріледі.

Өтініш берушін...

 Өткен жылы елімізде өмір сүру ұзақтығы 75,4 жасқа жетті. Бұл туралы Қасым-Жомарт Тоқаевтың қабылдауында болған денсаулық сақтау министрі Ақмарал Әлназарова айтты.

Министрдің айтуынша, өткен жылы елімізде өмір сүру ұзақтығы 75,4 жасқа жеткен. Бұл – әлемдік орташа деңгейден жоғары көрсеткіш. Биылғы бірінші жартыжылдықта жалпы өлім-жітім 3 пайызға төмендеді. Былтыр алғаш рет ана мен бала өлімі ең аз көлемде тіркелді.

Одан бөлек кездесуде дәрі-дәрмекпен толық қамтамасыз ету және оның айналымын бақылауды күшейту шаралары талқыланды. Ресми дерекке сүйенсек, 2024 жылмен салыстырғанда дәрігерлер тапшылығы республикада – 19 пайызға, ауылдарда – 16 пайызға және орта буын медицина қызметкерлерінің жетіспеушілігі 7 пайызға азайды.

Ведомство басшысы...

Қазақстан мен Қытай киногерлері бірлесіп «Іледе күтемін» атты телехикаясын түсіріп жатыр. Туындыны көрермен 2026 жылы тамашалай алады.

Сериалды «Жетінші арна» мен Қытайдың Шыңжаң мемлекеттік телерадио хабар тарату желісі бірлесіп түсіріп жатыр. Қыркүйек айының басында түсірілім жұмыстары Алматы қаласы мен Алматы облысында жалғасады деп жоспарланып отыр.

Туынды туралы

Драмалық хикая 8 бөлімнен тұрады. Сериал қытайлық зергер қыздың оқиғасы негізделедіү Мұнда басты рөлді қазақстандық актриса Аружан Бекболат сомдайды. Ал басты кейіпкер қытайлық этникалық қазақ жігіттің рөлін актер Цзян Ихао сомдайды.

«Біз бұл жобада Іле мен Алматының сұлулығын, өңірдің көпұлтты мәдениетін және жастар үшін...

«Aray Media Group» ЖШС бухгалтері Ризагүл Махметова 281 млн теңгені жымқырды деген айыппен 7 жылға бас бостандығынан айырылды. Алайда қорғау тарабы ол тек компанияның құрылтайшысы Айгүл Байбектің және директор Мадина Әбішеваның тапсырмаларын орындағанын айтады. Айгүл Байбек – Алматының бұрынғы әкімі Бауыржан Байбектің бауыры.

Адвокаттар қаражат ұрланбағанын, ақшаның бәрі мердігерлерге төлем ретінде жұмсалғанын айтады. Олардың сөзінше, мұны шот-фактуралар мен экономикалық сараптама көрсетіп отыр. Сондай-ақ сотталған Махметованың туыстары Перизат Қайраттың есімін де атап өтті.

Айта кетейік, бұған дейін Перизат Қайрат 10 жылға сотталды.

Ризагүл Махметова ісі

Ризагүл Махметова Aray Media Group ЖШС бухгалтері болып 2019 жылдың мамырынан 2023 жылды...

Қырғызстан президенті Садыр Жапаров экобелсенді Андрей Панаевты қабылдап, оған автокөлік сыйға тартты. Оған бұл сыйлық Ыстықкөл жағалауындағы қоқыстарды тұрақты түрде жинап отырғаны үшін берілген.

Садыр Жапаров оның еңбегі жайлы әлеуметтік желіден білген және қоғамға үлгі болғаны үшін жеке алғыс білдіргісі келген.

Андрей Панаев Ресей азаматы, Набережные Челны қаласының тумасы.

«Сіздің ісіңіз – көптеген адамдарға үлгі. Экология мен табиғат үшін шекара жоқ. Бар әлем бір ауамен тыныстайды. Сондықтан жер бетіндегі әр адам дәл сіз секілді әрекет етуі керек. Бұл – әркімнің борышы», – деді Садыр Жапаров.

Енді құны 78 млн теңгеден жоғары тұратын пәтер сатып алғандардың есепшоты бақыланады. Бұл туралы Қаржы министрлігінің «Ашық НҚА» порталында жарияланған құжатында жазылған.

Құжат түсіндірмесінде, бұл жобаның «Банк шоттарының бар-жоғы және олардың нөмірлері туралы, осы шоттардағы ақшаның қалдығы мен қозғалысы туралы, сондай-ақ сыйақыны қоса алғанда, өтеу сомаларын көрсете отырып, активтер мен міндеттемелер туралы декларацияны ұсыну жөніндегі міндет туындаған, жеке тұлғаға берілген кредиттер туралы мәліметтердің нысандарын бекіту туралы» нормаларға сәйкес әзірленгені жазылған.

«Жоба мақсаты – екінші деңгейдегі банктермен активтер мен міндеттемелер туралы, кірістер мен мүлік туралы  декларацияны ұсыну бойынша міндеті туындаған жеке тұлғалардың банк шоттарының болуы...

2025 жылдың алғашқы жартысында банк секторының халыққа берген несиелері 22,6 трлн теңгеге жетті. Ал жеке тұлғалардың депозиттері 20,6 трлн теңге болды.
Осылайша, кредиттердің депозиттерге қатынасы 1,1-ді құрап отыр, яғни ел бойынша жинақталған қаражаттан берілген қарыз көбірек.

Алайда өңірлер бойынша жағдай әртүрлі.

Абсолютті көшбасшы – Шымкент қаласы. Мұнда әр 1 теңге депозитке 2 теңге несиеден берілген. Жетісу облысында бұл көрсеткіш тіпті жоғары – 2,5, ал Түркістан облысында – 2,4. Бұл өңірлерде депозиттік база әлсіз болғанымен, қарыз беру белсенді жүріп жатқанын көрсетеді.

Керісінше, Солтүстік Қазақстан облысында, Қостанайда және Алматыда жинақ көлемі несиеден асып түседі, яғни қатынас 1-ден төмен.

Несие белсенділігі бойынша ТОП...

Рамзан Қадыровтың 80 туысы Шешенстанның билігінде жоғары лауазымды қызмет атқарады. Мұны Би-би-сидің орыс қызметі анықтады.

Басылымның мәліметінше, Шешенстанның күштік құрылымдарында – Делимхановтар мен Эдильгириевтер, ал атқарушы билікте – Қадыровтар, Ибрагимовтер көп. Сакказовтар мен Закриевтер заң шығару саласында сүбелі үлеске ие. Закриевтер спорт саласын меншіктеген.

Байсұлтановтар, Алханов, Садуловтар, Айдамировтар және өзге де туыс әулет өкілдері биліктің әр тармағында кездеседі.

Сонымен қатар, Рамзан Қадыровтың үш ұлы да үлкен қызмет атқарады. Мәселен, Ахмат Қадыров Спорт министрі болса, Адам Қадыров – Қауіпсіздік кеңесінің хатшысы. Али Қадыров – Бокс Федерациясының президенті.

Қызы Хадижат Кадыровтың өзі Шешенстан әкімшілігі басшысының бірінші орынбасары лауызымын атқарады. Оның күйеу...

Қазақстан қор биржасындағы (KASE) күндізгі сауда барысында 1 АҚШ доллары 535,99 теңге болды. Ұлттық валюта тағы 1,37 теңгеге нығайды. Бұл уақытта, Биткоин бірден 3%-ға арзандап, 111 мың долларға дейін түсіп қалды.

Доллар арзандап жатыр

Ұлттық валютаның долларға шаққандағы бағамы он күннен бері үздіксіз төмен түсіп келеді. 15 тамызда ғана 1 доллар 540 теңгеден жоғары бағаға саудаланған. Ал шілденің аяғында 550 теңге дейін жеткен. Содан бері доллар шамамен 15 теңгеге арзандағанын көріп отырмыз.

25 тамызда қор биржасында АҚШ валютасы 535,99 теңгеге дейін түсті. Өткен аптаның аяғында биржадағы сауда 537,37 теңгемен жабылған.

Қазақстандағы екінші деңгейлі банктер Құрама Штаттар валютасын...

Алматыдағы Сайран көлінің маңында жер үй түгелдей өртеніп кетті. Оқиғаның куәгері Даниил Селиннің сөзінше, жалын ғимаратты жылдам шарпып, үй әп-сәтте отқа оранған.

Қалалық Төтенше жағдайлар департаментінің ақпаратынша, өрт Варламов көшесіндегі жер үйде болған.

«ТЖД күштері мен құралдары жеке үйді шарпыған өртті сөндіріп жатыр. Жалын көршілес құрылыстарға тарау қаупі туындады. Суды үздіксіз беру ұйымдастырылды, ең жақын су көзі (өрт гидранты) небәрі 100 метр қашықтықта орналасқан. Оқиға орнына 50 адамдық жеке құрам және 4 техника жіберілді» делінген ТЖД хабарламасында.

Кеше Алматының Медеу ауданындағы «Горный гигант» шағын ауданында жеке тұрғын үйден өрт шығып, 1000 шаршы метрге дейін...

Балалар арасында кең танымал Roblox ойынын алаяқтар өз мақсатына пайдалануы мүмкін. Қаскөйлер чаттарда балалармен сөйлесіп, олардың сеніміне кіріп, жабық каналдарға шақырып, өз мақсатына пайдалануға тырысады.

Bloomberg пен Wired басылымдарының жазуынша, АҚШ-та Roblox арқылы балалармен таныспақ болған ондаған ер адамға қарсы іс қозғалған. Сондай жағдайдың бірі Солтүстік Каролинада тіркелді. Күдіктіні 10 жастағы қызға Roblox-тың ішкі валютасын беріп, орнына жалаңаш суретін жіберуді сұраған деп айыптады.

Еуропада да Roblox-та жасөспірімдер танысып, оларды жабық чатқа шақырып, бопсалаған жағдайлар тіркелді. Қазір Түркия, Катар мен Кувейтте бұл ойынға шектеу қойылды. Индонезия билігі егер чаттағы фильтрді күшейтпесе, толығымен тыйым салатынын ескертті.

Қазақстанда...

Алматыда УЕФА Чемпиондар лигасының плей-офф кезеңіндегі «Қайрат» (Алматы) пен «Селтик» (Глазго) арасындағы қарымта матч кезінде қоғамдық тәртіп пен жол қауіпсіздігін 2 мыңға жуық полиция қызметкері қамтамасыз етеді, деп хабарлайды Polisia.kz.

Көп жанкүйер жиналатынына байланысты полиция кешенді күштердің нарядтарын күшейтуді жоспарлап отыр. Сонымен қатар, кептеліс туындамауы және арнайы автокөліктердің еркін қозғалысын қамтамасыз ету үшін қаладағы кей көшелерде қозғалыс уақытша шектеледі.

Атап айтқанда, шектеу Абай даңғылы — Байтурсынов көшесі — Мұқанов көшесі — Сәтбаев көшесі аумағында енгізілуі мүмкін.

Алматы қалалық полиция департаменті тұрғындар мен қонақтарға осы жағдайды ескеріп, маршруттарын алдын ала жоспарлауға, қоғамдық тәртіпті сақтауға және полицейлердің нұсқауларын орындауға шақырды.

Еске...