Жаңалықтар

Қазақстан қор биржасында (KASE) 1 АҚШ доллары 544,87 теңге болды. Осылайша ұлттық валюта тағы да қолайсыз рекорд орнатты. Бұл уақытта валюта айырбастау мекемелерінде доллар 547-548 теңгеден сатылып жатыр.

Жұма, 25 шілдеде қор биржасындағы саудада ұлттық валюта тағы да долларға есе жіберді. Бұл жолы күндізгі сауда барысында бір доллар құны 545,95 теңгеге дейін жетті. Алайда сауда барысында бағам сәл төмендеп, сағат 15:30-да 544,87 теңге болды. Құрама Штаттар валютасы бір тәулікте 2,79 теңгеге күшейді.

Енді Ұлттық банк алдағы демалыс күндерге дәл осы бағамды белгілейді. Дегенмен елдегі валюта айырбастау орындары кешкі саудасының аяқталуын күтеді.

Қазір Қазақстандағы валюта айырбастау мекемелерінде доллар 547-548 теңгеден...

Ресейдің Амур облысындағы ұшақ апатынан қаза тапқандардың отбасына 5 миллион 25 мың рубль (34,5 млн теңге) өтемақы беріледі. Бұл туралы облыс губернаторы Василий Орлов мәлім етті.

Оның сөзінше, соманың 2 миллион 25 мыңын сақтандыру төлемдері құраса, 2 миллионы әуе компаниясының қаражаты, одан бөлек әр өңірлік үкіметтен 1 миллион рубль көлемінде материалдық көмек қарастырылған.

Сондай-ақ ол қазіргі уақытта апат орнында құтқарушылар мен тергеушілер жұмыс істеп жатқанын жеткізіп, оқиғаның екі негізгі нұсқасы қарастырылып отырғанын атап өтті: Біріншісі – техникалық ақау, екіншісі – ұшқыштардың қатесі.

Ұшақтың борттық жазу құрылғылары табылған, жақын уақытта оларды Мәскеуге жеткізіп, деректерді шифрлайды.

Василий Орлов ұшақ апаты...

Перизат Қайраттың анасы Ғайни Алашбаева 7 жылға сотталды. Сот үкіміне сәйкес, Перизат Қайрат 10 жылға бас бостандығынан айырылды.

Прокурор соттан Ғайни Алашбаеваны «Алаяқтық» бабына сәйкес қылмыс жасағаны үшін кінәлі деп танып, 7 жылға бас бостандығынан айыру жазасын тағайындауды сұрады.

«Аса ірі көлемде қылмыстық жолмен алынған кірістерді заңдастыру» бабы бойынша да кінәлі деп танып, 6 жылға бас бостандығынан айыру және мүлкін тәркілеу жазасын тағайындауды ұсынды.

Жазаларды ішінара қосу арқылы түпкілікті жаза ретінде 8 жылға бас бостандығынан айыру және мүлкін тәркілеу түріндегі жаза тағайындауды сұрады.

Перизат Қайрат 10 жылға бас бостандығынан айырылды. Ол жазасын қауіпсіздігі орташа мекемеде өтейді.

Сондай-ақ сотталған 10 жыл мерзімге қайырымдылық қаражатын жинаумен байланысты қызметпен айналысу құқығынан айырылды.

Қылмыстық істі судья Сабыржан Кәрімов қарады. Сот үкімі күшіне енген жоқ. Сотталғандар үкімге апелляциялық шағым түсіре алады.

Прокурор Перизат Қайратты 10 жылға бас бостандығынан айыруды сұраған еді.

Прокурорлар қылмыстық істе жазаны жеңілдететін мән-жайлар жоқ екенін айтты. Керісінше, әрекет төтенше жағдай кезінде жасалғанын айтып, мұны жазаны ауырлататын жағдай деп атаған.

Перизат Кайрат қылмыстық кодекстің 190-бабы 4-бөлігінің 2-тармағы бойынша – «Алаяқтық», 218-бабы 3-бөлігінің 3-тармағы – «Аса ірі көлемде қылмыстық жолмен алынған кірістерді заңдастыру (жылыстату)» бойынша...

2025 жылдың бес айында Қазақстан шетелге 29,8 млрд доллардың тауарын сатты. Бұл – 2024 жылдың сәйкес кезеңімен салыстырғанда 3 млрд долларға аз. Яғни, елдің экспорттан түсетін табысы 9,2%-ға қысқарған. Бүл туралы Ұлттық статистика бюросының мәліметін негізге ала отырып Finprom.kz жазады.

Экспорттың азаюына не себеп болды?

Қазақстан экспортының басым бөлігі әлі де шикізат тауарлары: мұнай, газ, металл, уран сияқты ресурстарға тәуелді. Сондықтан осы сектордағы аздаған ауытқудың өзі елдің экспорттана алатын табысына бірден әсер етеді.

Мұнаймен қатар басқа да шикізат тауарлардың экспорты айтарлықтай төмендеді. Мысалы, рафинирленген мыс экспортының көлемі 20,6%-ға, ал мыс кендері мен концентраттарының сыртықы 26,8%-ға азайған. Сонымен...

Қазақстан футбол федерациясының президенті Марат Омаровтың мәлімдеуінше, FIFA елімізде 100 мини-футбол алаңын салып беруге келісім берді. Ең бастысы – бұл жобаның барлық шығынын халықаралық ұйым өз мойнына алады.

«FIFA тарихында алғаш рет біз Қазақстан мектептеріне 100 мини-алаң салуға рұқсат алдық – және бұл толығымен FIFA қаржысы есебінен жүзеге асады. Бұл бастама – ауылдарда, шағын қалалар мен өңірлерде спорт инфрақұрылымы жоқ балалар үшін аса маңызды», – деді Марат Омаров.

Қазіргі уақытта алаңдар салынатын мектептер іріктеліп жатыр. Таңдау кезінде әлеуметтік дефицит, халық тығыздығы және инфрақұрылым тапшылығы сияқты критерийлер ескеріледі.

«Алғашқы нысандар Хромтау...

25 шілдеде Алматы облысында Toyota Alphard көлігі мен трактор соғысып, алты адам қаза тапты. Бір күн бұрын, 24 шілдеде Жамбыл облысында Toyota Alphard пен экскаватор қақтығысып, жол апатынан төрт адам мерт болды. Бұл туралы «ҚазАвтоЖол» хабарлайды.

Ұлттық компания Қазақстан аумағында болған екі ірі жол апаты туралы мәлімет таратты. Екеуіне Toyota Alphard көлігінің қатысы бар. Соның салдарынан он адам адам қаза тапқан.

«ҚазАвтоЖол» мәліметінше, 25 шілдеде сағат 10:15-те Алматы облысына қарасты Жамбыл ауданы Самсы ауылының маңында Toyota Alphard көлігі мен трактор соғысып қалды. Осы уақытта жол жөнделіп жатқан. Жол белгілері орнатылған.

Алдын ала мәлімет бойынша, Toyota Alphard жүргізушісі жоғары жылдамдықпен...

Алматыда «Буран-205» экипажының полиция қызметкерлері перзентханаға үлгермеген әйелді босандырып алған. Бұл туралы Полиция департаменті хабарлады.

Оқиғаның мән-жайы

Қызметтік кезекшілік барысында патрульдік экипажға бірнеше әйел көмек сұрап жүгінген. Олар жүктіліктің соңғы кезеңіндегі көршісінің жағдайы күрт нашарлағанын айтқан. Полицейлер жедел жәрдемді күтпей әйелді қызметтік көлікке отырғызып, жақын маңдағы перзентханаға қарай бет алады. Алайда жолда әйелдің толғағы басталды. Полицейлер өз бетімен әрекет етуге бел буып, нәтижесінде патрульдік көліктің ішінде ұл бала дүниеге келген. Осыдан кейін ана мен нәресте келген дәрігерлерге тапсырылған.

«Барлығы өте тез болды»

«Біз жақын маңдағы ауруханаға баруды жоспарладық. Бірақ бір сәтте...

Ұлттық банк статистикасына сәйкес, маусым айында халықтын шетел валюталарын сатып алу қарқыны күрт төмендеген. Ай ішінде қазақстандықтар 109,4 млрд теңгеге доллар сатып алған. Бұл мамырдағы көрсеткішпен салыстырғанда шамамен 1,5 есе аз. Ал еуроға деген сұраныс 12 есе азайды,

Мамыр айында бұл сома 161,5 млрд теңге болған еді. Осылайша, бір айда доллар сатып алу көлемі 32 пайызға қысқарған. Негізінен долларды Алматы мен Шымкент қаласының тұрғындары сатып алған.

Еуроға сұраныс бұдан да қатты төмендеді. Мамырда айырбастау орындары 13,8 млрд теңгеге еуро сатқан болса, маусымда бұл көлем небәрі 1,1 млрд теңгеге дейін құлдыраған.

Сонымен қатар, маусым айында ақша айырбастау...

Қазақстан премьер-министрі Олжас Бектенов Каспий маңы елдерін Каспийдің таяздануына қарсы күресте ынтымақтастыққа шақырды.

Бұл туралы Халықаралық экологиялық конференцияда айтылды.

Жиында Каспий теңізі деңгейінің төмендеуіне назар аударып, Каспий маңы мемлекеттері арасындағы аймақтық өзара іс-қимылды жандандыру қажеттігін айтты.

«2000 жылдардың басынан бері Каспий теңізі деңгейінің төмендеу үрдісі байқалады. Осы және өзге де проблемаларды зерттеу үшін Каспий теңізі Қазақ ғылыми-зерттеу институты құрылды. Ғалымдардың болжамдары көңіл көншітпейді. Осынау бірегей су айдынын сақтап қалу үшін барлық Каспий маңы мемлекеттерінің батыл үйлестірілген іс-қимылы қажет», – деді премьер-министр.

Бектенов Арал маңындағы жағдайға да назар аударған. Қазір Қазақстан Халықаралық Аралды құтқару қорын...

Қазгидромет алдағы күндері Қазақстан аумағындағы синоптикалық жағдайды циклон айқындайтынын хабарлады.

Циклон солтүстік-батысқа, солтүстікке және республиканың орталығына жаңбыр, бұршақ және дауылды жел әкеледі.

Республика бойынша желдің күшеюі күтіліп, оңтүстікте шаңды дауыл болуы мүмкін.

Десе де ауа температурасының жалпы фонында айтарлықтай өзгерістер күтілмейді. Шығыста және оңтүстік-шығыста өте аптап сақталып, ауа температурасы 42°С дейін көтеріледі.

Бұған дейін, тамыз айында қай өңірлерде құрғақшылық болатынын хабарлағанбыз.

25 шілдеде Қазақстан қор биржасында (KASE) теңге бағамы тағы да әлсіреп, 1 доллар 545.07 теңгеге дейін қымбаттады.

Соған сәйкес, Алматы мен Астанадағы айырбастау пункттерінде де доллар бағамы өсті. Kurs.kz мәліметі бойынша, Астанада айырбастау пункттері станада долларды 539-540 теңгеден сатып алып, 546-547 теңгеден сатып жатыр. Ал Алматыда сатып алу бағасы 544–545 теңге болса, сату бағасы 546 теңгеден басталады.

Бұған дейін, 24 шілдеде, биржадағы орташа өлшемді курс 542,08 тг болып, күн соңында доллар 543,55 теңге деңгейінде жабылды. Бұл – ұлттық валютаның жаңа тарихи минимумы. Теңге бағамы 10 шілдеден бері күрт құлдырай бастады.

Сарапшылар не...

Елдегі мемлекеттік аудит жүйесі цифрлы трансформациядан өтіп жатыр. Енді бюджет мониторингі мен профилактикалық бақылау рәсімдері толығымен цифрланады деп хабарлайды қаржы министрлігінен.

Қаржы министрлігі Ішкі мемлекеттік аудит комитеті (ІМАК) үлкен деректерді талдау мен машиналық оқыту технологияларына негізделген камералды бақылаудың жаңа цифрлы құралдарын енгізбекші. Ол есеп-қисапты тексеру жұмыстарын автоматтандырып, бақылау іс-шараларының дәлдігі мен тиімділігін арттыруға, сондай-ақ адам факторы мен басқа да сын-қатерді сейілтуге мүмкіндік береді.
 
Сондай-ақ бюджет мониторингі мен профилактикалық бақылаудың ескертуді көздейтін рәсімдерін толық цифрландырылады. Ол үшін екі мамандандырылған цифрлы жоба қолға алынған: «Аудитордың бірыңғай кабинеті» және «Аудитор қалқаны АІ».

«Аудитордың бірыңғай кабинеті» – ақпарат жүйелерімен жұмыс істеудің тиімділігі мен ыңғайлылығын...

2025 жылдың 6 айында Қазақстанда электр энергиясын тұтыну 3%-ға өсіп, 61,8 млрд кВт⋅сағатты құрады. Бұл туралы «KEGOC» АҚ ҚР Энергетика министрлігіне ұсынған есепте жазылған.

Компанияның мәліметінше, өсіп келе жатқан сұраныс аясында Ұлттық электр желісі тұрақты жұмыс істеп тұр. KEGOC жүйенің сенімділігін қамтамасыз етіп, есепті кезеңде электр энергиясын тасымалдау көлемін 7,3%-ға арттырған.

Алдағы жылыту маусымына дайындық шеңберінде компания 577 нысанда жоспарлы жөндеу жұмыстарын жүргізуде. KEGOC өндірістік көрсеткіштердің тұрақтылығы инфрақұрылымды жаңғыртуға бағытталған ұзақмерзімді стратегияны іске асыруға мүмкіндік беретінін атап өтті.

Болжам бойынша, 2031 жылға қарай Қазақстанда электр қуатына деген сұраныс 4,8 ГВт-қа дейін артуы мүмкін.

2035 жылға дейін KEGOC...

Мұғалім мен дәрігерлердің жалақысы көтеріледі. Қазақстан үкіметі 2025 жылғы 3 маусымдағы қаулысымен азаматтық қызметшілердің, мемлекеттік бюджет есебінен қаржыландырылатын ұйымдар мен қазыналық кәсіпорындар қызметкерлерінің еңбекақы жүйесіне толықтырулар енгізді.

Құжатқа сәйкес, денсаулық сақтау, білім беру, әлеуметтік қорғау, мәдениет, спорт, ветеринария, орман шаруашылығы және ерекше қорғалатын табиғи аумақтар салаларында жұмыс істейтін мамандардың жалақысы көбейеді. Бұл өзгеріс бұрын ауыл мәртебесіне ие болып, қазір қала мәртебесіне өткен елдімекендерде орналасқан мемлекеттік мекемелер қызметкерлеріне қатысты.

Жалақы өсімі кемінде 25 пайызды құрайды. Бұл үстемақы елдімекеннің мәртебесі өзгерген күннен бастап екі жыл бойы төленеді.

Қаулы 2025 жылғы 24 шілдеден бастап күшіне енеді және 2024 жылғы 10 қаңтардан берг...

Полиция қызметкерлері көшеге шығып, не себепті қоғамдық орындарда ниқаб секілді бет-әлпетті жасыратын киім киюге болмайтынын түсіндіріп жүр. Бұл туралы Ішкі істер министрлігінің сайты хабарлайды.

Полиция мәліметінше, ішкі істер органдарының қызметкерлері халық арасында түсіндіру жұмыстарын жүргізіп жатыр.

Адамның түр-сипатын тануға кедергі келтіретін киімдер киюге тыйым салатын заң 12 шілдеде күшіне енген.

«Заңнамаға енгізілген өзгерістердің басты мақсаты – азаматтардың құқықтары мен бостандықтарын, соның ішінде діни сенім бостандығын шектемей, қоғамдық қауіпсіздікті қамтамасыз ету, адамдардың тұлғасын анықтау және қоғамдық тәртіпті сақтау», – деп түсіндіреді тәртіп сақшылары.

Учаскелік инспекторлардың айтуынша, тыйым адамның бет-жүзін толықтай жауып, тұлғасын анықтауға кедергі келтіретін...

Перизат Қайрат пен анасы Ғайни Алашбаеваға сот үкімі 2025 жылдың 25 шілдесінде шығады. Астана сотының хабарлауынша, үкім сағат 15:00-де оқылады.

10 жылға соттауды сұрады

Жарыссөзде прокурор сотталушы Перизат Қайратты 10 жылға бас бостандығынан айыруды сұрады.

Прокурорлар қылмыстық істе жазаны жеңілдететін мән-жайлар жоқ екенін айтады. Керісінше, жазаны ауырлататын жағдайлар бар деп есептейді, себебі әрекет төтенше жағдай кезінде жасалған.

Прокурор Арман Казекен соттан Перизат Кайратты ҚР ҚК 190-бабы 4-бөлігінің 2-тармағы бойынша – «Алаяқтық» қылмысын жасағаны үшін кінәлі деп тануды сұрады. Осы бап бойынша оған 8 жылға бас бостандығынан айыру жазасын тағайындауды ұсынды.

Сондай-ақ, ҚР ҚК 218-бабы 3-бөлігінің 3-тармағы – «Аса ірі көлемде...

Әлемдік нарықта Brent маркалы мұнай бағасы қайта өсіп жатыр. Қазіргі кезде бір баррелінің бағасы 69,64 долларды көрсетіп тұр. Оған АҚШ пен оның негізгі сауда әріптестері арасындағы келіссөздерге қатысты оң жаңалықтар әсер еткен.

Мәселен, мпта басында Вашингтон мен Токио арасында сауда келісіміне қол қойылды. Бұдан бөлек, бұқаралық ақпарат құралдары Еуропалық одақ пен АҚШ арасындағы келісім де жақында жүзеге асуы мүмкін екенін хабарлады. Сауда қатынастарындағы осындай оң өзгерістер мұнай нарығына деген сенімді күшейтіп отыр.

Бейсенбі күні Үндістанның сауда министрі Пиюш Гоял да оптимистік мәлімдеме жасады. Оның айтуынша, Үндістан мен АҚШ 1 тамызға дейін өзара сауда келісіміне қол жеткізе алады деген...

Әнші, музыкант IL’HAN (Ильхан Ихсан) AIQAP подкастында өзінің тегіндегі «-ов» жалғауынан қалай бас тартқанын айтып берді.

«Туу туралы куәлігімде «Ихсанов» деп жазылған. Жеке куәлік алар кезде фамилиямнан «-ов»-ты, әкемнің атынан -вичті алып тастадым, оның орнына «Аяпбергенұлы» дегенді жаздырдым. Бұл қадамға Бауыржан Момышұлының оқиғасы әсер етті. Ол кісі марапаттауға «Момышев» деп шақырғанда, «мен Момышев емеспін, Момышұлы деп шақырсаңдар ғана шығамын» деп шықпай қойғаны бар ғой», — деді Ильхан.

Оның айтуынша, мектеп кезінде бұл үрдісті бірнеше сыныптасы да қолдап, тектерін өзгерткен.

Жаркентте қаза тапқан әскери капитан Дархан Дәулеттің қарындасы Тоғжан Дәулет сот үкіміне келіспейтінін айтты. Оның сөзінше, қылмыстық істегі үш сарбаз аз жылға сотталды.

Айта кетейік, ісі бойынша сот үкімі 2025 жылдың 24 шілдесінде шықты.

Майор Дархан Қазтай түпкілікті 15 жылға бас бостандығынан айырылды. Ол майор шенінен айырылды. Жазасын қауіпсіздігі орташа мекемеде өтейді.

Сарбаз Бақберген Рустамұлы, Аят Шакир 12 жылға, Нұрман Әбсадық 10 жылға бас бостандығынан айырылды.

Ал сотталған Дархан Қазтайдың анасы сот үкіміне келіспейтінін, апелляциялық шағым түсіретінін айтты.

Істің мән-жайы

Дархан Дәулет Жамбыл облысы Қордай ауданы Отар ауылында 5 жыл қызмет еткен. 2024 жылдың қыркүйегінде Жаркент әскери гарнизонына инженерлік бөлімнің бастығы болып ауысқан. 2024 жылды...

25 шілдеге қараған түні Астана уақытымен сағат 2:40-та Қазақстан мен Қырғызстан шекарасында жер сілкінді. Бұл туралы қырғыз баспасөзі жергілікті сейсмология институтына сілтеме жасай отырып хабарлады.

Институт мәліметінше, дүмпу ошағы Қырғызстанның Қара-Бұлақ ауылынан үш шақырым жерде орналасқан. Бұл ауыл қазақ-қырғыз шекарасына өте жақын орналасқан.

Қара-Бұлақ пен Массы ауылдарында жерасты дүмпуінің күші шамамен 4 балл болған. Қошқар-Ата ауылында 3,5, ал Майлы-Су ауылында 3 баллдық жер сілкінісі сезілген.

Сейсмикалық белсенділікпен зардап шеккендер туралы мәлімет жоқ.

Қазақстан аумағында жер сілкінісі айтырлықтай сезілген жоқ. Жергілікті қызметтер шекара маңындағы дүмпу туралы мәлімет таратпады.

Естеріңізге сала кетейік, осы аптада Қазақстанның тоғыз өңірінде дабыл қағылды. Жергілікт...

Ресейдің Федералдық қауіпсіздік қызметі (ФҚБ) Қара теңіздегі порттарға кіруге шетелдік танкерлерге рұқсат бере бастады. Осылайша Қазақстаннан мұнай экспорты шамамен бір тәулікке тоқтап қалғаннан кейін қайта жанданды деп жазады Reuters төрт дереккөзге сілтеме жасап.

Агенттік мәліметінше, мұнай экспортындағы уақытша үзіліс әлемдік мұнай жеткізілімінің шамамен 2%-ына әсер етіп, оның бағасын барреліне 70 долларға дейін көтеріп жіберді. Кейін баға қайта төмендеп, Brent маркалы мұнайының қыркүйектегі фьючерстері барреліне 69,46 доллар бағасымен саудаланды.

Апта басында Ресей президенті Владимир Путин шетелдік кемелердің Ресей порттарына кіруі үшін Федералды арнайы қауіпсіздік қызметінен арнайы рұқсат алуын міндеттейтін заңға қол қойған. 24 шілдеде Қазақстан мұнайының Қара теңіздегі Ресейд...

Эстония үкіметі Беларусь режимінің негізгі өкілдеріне қатысты санкцияларды мерзімсіз түрде ұзартты. Бұл туралы шешімді 24 шілдеде елдің сыртқы істер министрі Маргус Цахкна хабарлады.

Министрдің айтуынша, Беларусьтегі адам құқықтарының жағдайы әлі де нашар, ал Минсктің Ресейдің Украинаға қарсы агрессиясын қолдауы – қысымды одан әрі күшейтуді қажет етеді.

«Соңғы бес жылда ешқандай оң өзгеріс байқалмады. Біз Беларусьтегі репрессияларға көз жұма қарамауымыз керек. Сондықтан санкциялар мерзімсіз сақталуы тиіс», – деді министр.

Санкциялық тізімге Беларусьтің жоғары лауазымды шенеуніктері, судьялар, күштік құрылым қызметкерлері, үгіт-насихатшылар және Александр Лукашенкоге жақын тұлғалар – барлығы 273 адам енгізілді. Бұл тізімде Лукашенконың өз...

Алматы облысында Қаскелең қаласының 47 жастағы тұрғынына сот үкімі шықты. Ол ірі көлемде алаяқтық жасады деп айыпталған, деп хабарлады Polisia.kz.

Полицияның мәліметінше, ер адам өзін әкімдік қызметкері ретінде таныстырған. Осылайша азаматтарға жағдайы төмен отбасыларға арналған мемлекеттік ипотекалық бағдарлама арқылы баспана рәсімдеуге көмектесемін деп уәде берген. Ол пәтерді төмен пайызбен екі-үш ай ішінде алып беремін деп сендірген.

Алаяқтық жолмен ол 47 азаматтың ақшасын иемденген. Алайда бірнеше ай өткен соң пәтер алып бере алмаған, содан кейін азаматтар полицияға жүгінген.

Жалпы шығын көлемі 110 миллион теңгені құрады. Полиция ер адамның жоғары білімі бар екенін, алайда еш жерде жұмыс істемейтініне де назар аударған.