Жаңалықтар

Перизат Қайратқа қатысты соттан кейін Asarume қайырымдылық қорына азаматтардан түсетін қаражат екі есе азайған. Бұл туралы елордада өтіп жатқан Әлемдік және дәстүрлі діндер көшбасшыларының VIII съезіне қатысуға келген қор басшысы Асхат Нұрмашев айтты, деп хабарлайды KursivMedia.

Халықтың сенімі азайды

Айтуынша, Перизат Қайратқа қатысты сот процесі елдегі қайырымдылық саласына зиян келтірген.

«Перизат Қайрат, басқа қорлар да алаяқтық әрекетімен ұсталды. Халықтың сенімі азайды. Қаңтардан бастап Asarume қоры 76 отбасыға баспана берді. Былтыр осындай уақытта 150 отбасыға үй әперген едік», – дейді Нұрмашев.

Сөзінше, халықтың қайырымдылық қорына аударатын қаражаты да екі есе азайған.

Өскемен полициясы Өскемен полициясы Алматы тұрғынынан 1 млн теңгенің есірткісін тәркіледі. Бұл туралы ішкі істер министрлігінің баспасөз қызметі хабарлады.

«ШҚО-да полиция ер адамнан 1 млн теңгенің мефедронын тәркіледі», – делінген баспасөз хабарламасында.

Министрлік мәліметінше, Өскемен қаласы полиция басқармасының есірткі қылмысына қарсы іс-қимыл тобы облыс прокуратурасымен бірлесіп тексеріс жүргізген. Операция барысында Алматының 27 жастағы тұрғыны ұсталған. Тінту кезінде бұл азаматтан қара және сары түсті таспамен оралған ішінде ақ ұнтақ заты бар 33 түйіншек табылған.

Полиция сараптама жүргізіп, оралған ақ ұнтақтың есірткілік зат – мфедрон екенін анықтаған. Күдіктіден жалпы салмағы 42,7 грамның есірткіс...

Қостанай, Ақмола, Батыс Қазақстан, Қарағанды және Ұлытау облыстарындағы жылу желілерінде, сондай-ақ Аягөз бен Сәтбаев қалаларындағы қазандықтарда жөндеу жұмыстары баяу жүріп жатыр. Бұл жайына Энергетика министрлігі селекторлық жиынында айтылды.

Бұл мәселе 2025–2026 жылғы жылыту маусымына дайындыққа арналған республикалық кеңес барысында талқыланды. Кеңеске Индустрия министрлігінің, жергілікті атқарушы органдардың, сондай-ақ KEGOC, «Қазақстан темір жолы», «ҚазТрансГаз Аймақ» және энергетикалық кәсіпорындардың өкілдері қатысты.

«Бүгінгі таңда Қостанай, Ақмола, Батыс Қазақстан, Қарағанды және Ұлытау облыстарының жылу желілерінде, сондай-ақ Аягөз және Сәтпаев қалаларындағы қазандықтарда жөндеу жұмыстарының қарқыны төмен деңгейде қалып отыр», – делінген хабарламада.

Бұдан бөлек, бірқатар электр станцияларында...

Қазақстандағы «Актив Ломбард» желісіне тиесілі «Актив Маркет» дүкендерінің жұмысы тоқтатылды. 200-ге жуық филиалы бар ұйым комиссиялық дүкендер ретінде жұмыс істеп, заңсыз несие берген. Желі иесі С.Койнов тұтқындалды, тағы 15 адам күдікке ілінді деп хабарлады Қаржы агенттігі мониторингінен.

Агенттіктің дерегінше, «Актив Ломбард» желісінің иесі сенімді адамдарына «Актив Маркет» брендімен тіркелген бірнеше компания рәсімдеген. Олар тауарлар мен тұрмыстық техниканы қабылдайтын комиссиялық дүкен ретінде көрсетілген. Бірақ іс жүзінде лицензиясыз ломбардтық қызмет атқарып, мүлікті кепілге қою арқылы қарыз берумен айналысқан.

Комиссиялық дүкендер мен ломбардтар бір ғимаратта орналасып, бір персоналды пайдаланған.

«Заңнамаға сәйкес, қысқа мерзімді қарыздар (45 күнге дейін) бойынша сыйақыны...

Қазақстандағы ең ірі тау-кен компаниялардың бірі – KAZ Minerals 2025 жылдың қаңтар-маусым айларында мыс өндірісін азайтты. KAZ Minerals Қазақстанның ең бай кәсіпкерінің бірі – Владимир Кимге тиесілі. 64 жастағы Ким KAZ Minerals Ltd. компаниясының 63,5% үлесіне ие. Ал қалған акициялары Олег Новачукқа тиесілі.

Компания хабарламасына сәйкес, 6 айлық көрсеткіш өткен жылдың сәйкес кезеңімен салыстырғанда 4%-ға төмендеп, 184 мың тоннаны құрады.

Өндірістің кемуіне өңделген кен құрамындағы мыс мөлшерінің азаюы және Бозшакөл кен орнында күрделі минералогиялық құрамының нашарлауы әсер еткен.

2025 жылдың алғашқы жартысында алтын, күміс және мырыш өндірісі де төмендеген. Атап айтқанда, алтын көлемі өткен жылғы 75,9 мың унциядан...

Қасым-Жомарт Тоқаев Әлемдік және дәстүрлі діндер көшбасшыларының VIII съезінің жабылуында сөз сөйледі. Бұл туралы Ақорда хабарлады.

«Меймандарымыздың діні мен ділі бөлек болса да, тілегі мен ниеті бір екені сөзсіз. Съездің қорытынды декларациясы – соның айқын дәлелі. Құжатта ортақ идеялар мен ұсыныстар көрініс тапты. Жалпы форумның түпкі мәні де – осы. Біз құрмет пен сыйластыққа негізделген сындарлы диалогтың куәсі болдық. Ең бастысы, дінбасылар ортақ мүдде жолында күш біріктіруге дайын екенін көрсетті», – деді президент.

Тоқаевтың айтуынша, шын мәнінде, салмақты және сындарлы диалог – нағыз даналықтың көрінісі.

«Сіздер бүкіл әлемге көрегендік пен...

Meta компаниясының бас директоры Марк Цукерберг жаңа буындағы Meta Ray-Ban Display көзілдірігін таныстырды. Ол жай ғана көзілдірік емес, линзаның ішінде ЖИ-мен жұмыс істейтін дисплей орналастырылған деп жазады CNN.

Жаңа Meta Ray-Ban Display көзілдірігі адамдарға телефон экранына қарамай-ақ, хабарламаларды көруге, фотоларды ашуға және басқа да деректерді тікелей көзілдірік арқылы пайдалануға мүмкіндік береді. Сырттай қарағанда оның кәдімгі күннен қорғайтын немесе диоптриялы көзілдіріктен еш айырмашылығы жоқ.

Meta бұл құрылғыларды күнделікті өмірге жасанды интеллектіні көбірек енгізу үшін жасап отыр.

Көзілдірікті таныстыру Meta Connect конференциясында өтті. Жаңа Ray-Ban көзілдірігінен бөлек, Ray-Ban Gen 2, спорттық үлгідегі Meta Oakley Vanguard және Quest 3 бас киімін...

Президент Қасым-Жомарт Тоқаев Көкшетауда 2024 жылдың желтоқсанында ашылған Шахмат үйіне арнайы барып, ондағы оқу-жаттығу жиындары мен шеберлік сабақтарына қатысып жатқан спортшылардың дайындығымен танысты.

Кездесу барысында Президент шахматтың стратегиялық ойлау қабілетін, тәртіп пен жауапкершілікті дамытатынын атап өтті. Жас спортшыларға үлкен сенім артып, олардың ел намысын лайықты қорғап шығатынына сенім білдірді.

Сапар соңында Қасым-Жомарт Тоқаев шахмат тақтасына естелік қолтаңбасын қалдырды.

Жасөспірімдер арасындағы әлем чемпионаты 19–30 қыркүйек аралығында Алматыда өтеді. Ауқымды додаға 88 елден 851 қатысушы келеді, оның ішінде Қазақстаннан — 231 жас шахматшы бақ сынайды.

«Наурыз» және «Наурыз жұмыскер» бағдарламаларының төлем қабілеттілігін растаған, бірақ әлі баспана таңдап үлгермеген қатысушылары үшін несие мақұлдау мерзімі ұзартылды.

Отбасы банкінің хабарлауынша, енді қарыз бойынша шешімнің күші 2025 жылдың 15 желтоқсанына дейін сақталады.

«Наурыз» және «Наурыз жұмыскер» бағдарламалары бойынша өтінімдер 2025 жылдың наурыз айында қабылданған болатын. Қатысушыларға баспана таңдау үшін 6 айдан аспайтын уақыт берілген.

Осылайша, енді бағдарлама қатысушыларының тұрғын үй таңдауына қосымша үш ай уақыты бар.

Еске салайық, маусым айында «Наурыз» және «Наурыз жұмыскер» бағдарламалары бойынша қарыз рәсімдеу қаржыландыру тапшылығына байланысты уақытша тоқтатылған болатын. Ал 13 тамыздан бастап қайта жанданды.

Несие беру үшін Отбасы банк KASE қор биржасында...

Қонаев қаласы 55 жылдығын 6 күн бойы тойламақ. Биыл Қонаев қаласының іргетасы қаланғанына осынша жыл болған.

Қонаев қаласының әкімдігінің баспасөз қызметінің хабарлауынша, облыс орталығы мәртебесін алғаннан бері алғаш рет Қала күні кең көлемде аталып өтпек.

«Мерекелік бағдарлама алты күнге жалғасады. 22-27 қыркүйек аралығында қала тұрғындары мен қонақтары мәдени, спорттық, танымдық іс-шараларға қатысып, ерекше мерекелік атмосфераны сезінетін болады», – делінген хабарламада.

27 қыркүйекке арналған бағдарлама өте қызықты. Сағат 11.00-ден 21.00-ге дейін жалғаспақ. Гала-концерт аясында ұзындығы 30 метр болатын алма бәліші дайындалады. «Алма бәліші» фестиваліне түрлі ұлт пен ұлыс өкілдері қатысады.

Б.Соқпақбаев атындағы орталық саябақта балаларға...

Францияда мыңдаған адам жаппай шеруге шықты. Француздар бюджет тапшылығы мен мемлекеттік қарыз жағдайында үкіметтің қатаң үнемдеу саясатына қарсы деп жазады АР.

Елдің бірқатар қаласында ереуілге байланысты қоғамдық көлік жұмысы іркіліспен жүріп жатыр. Атап айтқанда, Лион, Бордо және Нантта трамвай мен автобустардың қозғалысы шектелді. Париж бен астана аймағында метро мен қала маңындағы пойыздар да уақытынан кеш қатынап жатыр.

Франция ІІМ мәліметінше, шеру кезінде тәртіпсіздікті қамтамасыз ету үшін 80 мың полицей мен жандарм жұмылдырылады.

BFM-TV сауалнамасы бойынша, француздардың 56%-ы ереуілді қолдайды. Тағы 25%-ы қарсы, 18%-ы бей-жай қарайды.

Бұл шерулер енді ғана басталған жоқ. 10 қыркүйекте Францияда «Бәрін бұғаттаймыз» атты жаппай шерулер...

Қазақстанда БҰҰ даму бағдарламасы негізінде су ағынын бақылауға арналған платформа жұмыс істей бастады. Бұл туралы Су ресурстары және ирригация вице-министрі Аслан Әбдірайымов айтты.

«2025 жылдың басынан бастап Қазақстанда БҰҰ даму бағдарламасы қолдауымен заманауи TALSIM-NG гидрологиялық және гидравликалық моделі бейімделуде. Платформа өзен бассейндерін модельдеуге, су қоймаларын басқаруға және әртүрлі климаттық және су шаруашылығы жағдайларында ағынды болжауға арналған», – деді министрлік өкілі.

Бұл платформа су тасқыны қаупі кезінде өзендердің жағдайын бақылап отыруға көмектеседі.

103 канал жаңғыртылып, автоматтандырылады

Сонымен бірге министрлік өкілі 2026 жылдан бастап елдегі 103 каналдың реконструкцияланып, автоматтандырылатынын хабарлады. Бұдан...

Қайрат Сатыбалдыдан қайтқан «Байсат» базарындағы үлес сатылымға шығарылды. Сауда E-Qazyna порталында 2025 жылғы 18 қараша күні өтеді. Бастапқы баға — 28,6 млрд теңге.

Қайтарылған активтерді басқару компаниясы хабарлағандай, сатылымнан түскен қаражат арнайы мемлекеттік қорға түсіп, әлеуметтік маңызы бар жобаларға жұмсалады.

Еске сала кетейік, 2024 жылдың қаңтарында қылмыстық іс тергеуі барысында Қайрат Сатыбалды өзіне тиесілі «Байсат» базарының негізгі бөлігін мемлекетке ерікті түрде тапсырған болатын.

Жалпы ауданы 4 221,4 м2 және 1,4 гектар жерді құрайтын 3 нысаннан тұратын мүлікке Қайрат Сатыбалдының ұлы Бауыржан Нұрсұлтанға тиесілі «ҚазГерСтрой» бірлескен кәсіпорны» ЖШС және «Astana Finansial Group» ЖШС еншілес компаниясы иелік етіп келген.

Қырғызстандық актриса Роза Азимбаева отбасылық зорлық-зомбылық құрбаны болғанын мәлімдеді. Әлеуметтік желілерде оның қатысуымен түсірілген видео тарады.

Актрисаның айтуынша, күйеуі оған қол көтеріп, қолын сындырған.

Бұл жағдайға байланысты Бішкектегі Свердлов ауданының ішкі істер басқармасы ресми түсініктеме берді. Ведомствоның мәліметінше, аталған дерек бойынша тергеу басталды.

Қазіргі таңда 1986 жылы туған А.Р. және 1983 жылғы М.А. есімді ерлі-зайыпты милиция қызметкерлерімен аудандық ІІБ-ның тергеу бөліміне жеткізілді. Денсаулыққа келтірілген зиянның ауырлығын анықтау үшін сот-медициналық сараптама тағайындалды, – делінген ресми хабарламада.

Қазір іс бойынша тергеу амалдары жүргізіліп жатыр.

Қазақстан Үкіметі алдағы үш жылға арналған әлеуметтік-экономикалық даму болжамын бекітті. Құжатта елдің жалпы ішкі өнімі (ЖІӨ), инфляция деңгейі, жалақы, сыртқы сауда көрсеткіштері және мұнай бағасына қатысты негізгі бағыттар қамтылған. Ел үкіметінің болжамына сәйкес, 2028 жылы елдегі орташа жалақы 605 мың теңгені құрауы тиіс.

Ең төменгі жалақы 85 мың теңге күйінде қалмақ. Ал ең төменгі күнкөріс деңгейі қазіргі 46 мың теңгеден 57,4 мың теңгеге жетпек.

2025 жылы Қазақстанның ЖІӨ 161,9 трлн теңгеге жетпек. Ал 2026 жылы – 183,8 трлн, 2027 жылы – 206,1 трлн, 2028 жылы – 229,8 трлн теңге болады. Экономикалық өсім қарқыны жылына орта есеппен...

Қазақстандық музыкант және диджей Иманбек Зейкенов (Imanbek) тағы да беделді «Грэмми» жүлдесіне ұсынылды. Бұл жолы Latin Grammy сыйлығында бақ сынайды.

Аргентиналық әнші Taichu-мен бірге жазған Ella Quiere Techno композициясы «Best Latin Electronic Music Performance» («Латын электронды музыкасының үздік орындалуы») номинациясына енді.

Бұл санатта Имaнбек пен Taichu-ға Orión [Sistek Remix], Qqqq, Rulay En Dubai және Veneka тректері бәсекелес болады.

Жеңімпаздар 13 қараша күні Лас-Вегаста анықталады. Ал финалдық дауыс беру 1 қазанда басталады.

Еске сала кетейік, Иманбек 2021 жылы америкалық әнші Saint Jhn-ның Roses әніне жасаған ремиксі арқылы «Грэмми» алып, тарихқа енді. Осы жетістігімен Қазақстан мен ТМД-дан шыққан алғашқы жеңімпаз...

Қазақстан президенті Қасым-Жомарт Тоқаев Қаржы нарығын реттеу және дамыту агенттігі төрағасының орынбасарын тағайындады. Бұл туралы Kursiv.Media Ақорда мәліметіне сүйене отырып хабарлайды.

Мемлекет басшысының өкімімен Дәурен Сәлімбаев Қаржы нарығын реттеу және дамыту агенттігі Төрағасының орынбасары лауазымына тағайындалды. Ол бұған дейін агенттіктің Қаржы ұйымдарының әдіснамасы және пруденциялық реттеу департаментін басқарған.

Естеріңізге сала кетейік, қыркүйектің басында ғана агенттік төрағасының бірінші орынбасары қызметіне Тимур Әбілқасымов тағайындалған еді.

Қаржы нарығын реттеу және дамыту агенттігі 2019 жылғы қараша құрылды. Қазір бұл мекемені Мәдина Әбілқасымова басқарады.

Қазақстандағы кәсіпорындарда жұмыс істейтін 2,2 млн адамның жұмысы заманауи технология түрлерімен автоматтандырылуы мүмкін. Соның ішінде 1 млн адам ЖИ үшін жұмыстан айырылуы мүмкін. Бұл мәселе Мәжілісте өткен дөңгелек үстел барысында талқыланды.

Министрлік зерттеуі

Еңбек және халықты әлеуметтік қорғау вице-министрі Олжас Анафиннің айтуынша автоматтандыру және ЖИ технологиялар еңбек нарығын айтарлық өзгертеді.

«Министрлік ЖИ-дің Қазақстандағы еңбек нарығына қалай әсер ететіні жөнінде зерттеу жүргізді. 423 кәсіп бойынша талдау жасалды. Анализ талдауына сәйкес, шамамен 25% яғни 2,2 млн адамның жұмысы автоматтандырылу мүмкін. Олардың ішінде 1 млн-нас астам адамның жұмысын ЖИ алмастыра алады», – дейді вице-министр.

Шымкенттегі жекеменшік «Березка» балабақшасының ата-аналары шу шығарды. Олар балабақшаның бейнебақылау камерасын ашып тексергенде, балаларының қараусыз қалғанына куә болған. Ішке кіргенде тазалықтың жоқ екеніне көз жеткізген. Тіпті асханадан тышқан көргендерін айтады. Балабақша құрылтайшысы кемшіліктерді түзеуге уақыт беруді сұрайды. Ал қалалық білім басқармасы бұл туралы тиісті мекемелерге хат жолданатынын хабарлады.

Даудың басы

Шымкентте бірнеше ата-ана жекеменшік «Березка» балабақшасына барып шу шығарды. Олардың бірі Шара Өтегенова кіші топтағы қызының денесі көгергенін көріп балабақшадағы бейнебақылау камерасын ашуды талап еткен. Балабақша әкімшілігі алғашында камераны ашудан бас тартқан. Ата-аналар полиция көмегімен камераны ашқанда балаларының күйін көріп, кейбірі жылап жіберген. Онда жерде тізіліп отырған он...

Мәжіліс депутаттарының дерегінше, Ұлттық банк Бірыңғай жинақтаушы зейнетақы қорының (БЖЗҚ) 173 млрд теңгесін «Бәйтерек» холдингінің облигацияларына салған. Бұл қаражатқа 3 300 вагон лизингке алынғанымен, отандық өндірушілерді қолдауға бағытталған талаптар көрсетілмеген. Соның салдарынан қосалқы бөлшектердің едәуір бөлігі Ресей мен Қытайдан әкелінеді. Ал қазақстандық зауыттар ірі келісімшартсыз қалып отыр деп жазады Exclusive.kz.

Отандық өндіріс шетте қалды

Депутаттар ерекше мысал ретінде Павлодардағы Format Mach Company кәсіпорнын атады. Зауыт құйма өндірісін жаңғыртуға 25 млрд теңге құйып, халықаралық сертификат алды. Компания өндіріс көлемін жылына 4 мың тоннадан 50 мың тоннаға дейін арттыра алады. Бағасы мен сапасы бәсекеге қабілетті, тіпті 2024 жылы өнімн...

Үндістанның Кербала штатында миды жеп қоятын қауіпті амеба құрбаны көбейді. Өңір басшылығы дабыл қақты. Бұл туралы Kursiv.Media Reuters мәліметіне сүйене отырып хабарлайды.

Басылым мәліметінше, жыл басынан бері Кербала штатында шамамен 69 адам амеба менингоэнцефалитін жұқтырған. 19 адам Naegleria fowleri – миды жейтін қауіпті амеба құрбаны болған. Үш науқас кейінгі бір айда осы кеселден көз жұмған. Олардың арасында үш айлық сәби де бар.

«Былтыр кесел судан тараса, биыл індет ошағы табылмай отыр. Сол себепті эпидемиологиялық зерттеу тығырыққа тірелді», – штаттың денсаулық сақтау министрі жергілікті телеарнаға.

NDTV телеарнасының мәліметінше, былтыр 36 адам осындай кеселге...

Алматы әкімдігі Сайран көлінің жағалауын абаттандырған «Павлодар өзен порты» компаниясының үстінен сотқа шағым түсірген болатын.

Әкімдік компанияны жұмысты дер кезінде тапсырмай, сапасыз орындаған деп айыптады. 29 тамыз Алматы қаласының мамандандырылған ауданаралық экономикалық соты әкімдік талабын қанағаттандырып, компанияға 23 млн теңге айыппұл салуға шешім шығарды.

Істің мән-жайы

2023 жылғы 4 желтоқсанда «Алматы қаласының экология және қоршаған ортаны қорғау басқармасы» мен «Павлодар өзен порты» компаниясы арасында «Сайран су қоймасының жағалауын қорғау құрылысын қайта құру және аумақты абаттандыру» жобасы бойынша мемлекеттік сатып алу шарты жасалған. Жобаның жалпы құны – 12,02 млрд теңге.

Кейін 2024 жылғы...

Қазақстан мұсылмандары діни басқармасы жастар істері бөлімінің меңгерушісі Бағыжан Күзекбай әлеуметтік желіде дұға сатқан бойжеткеннің әрекетіне пікір білдірді.

Маманның сөзінше, мұндай әрекет дінге қайшы келеді.

«Дінімізде дұға сату деген жоқ. Ол дінге қайшы. Діни сауаты өте төмен жастар осындай әрекетке барып жатыр. Халықты алдау арқылы дұға сатып жүр. Дінге кеше ғана келген, ислам әдебін білмейтін, сауаты төмен көп жас бар. Біріншіден, бұл халықты алдау. Екіншіден, мешіттің бәрі дұға жасау әдебін, құранды тегін үйретіп жатыр. Тегінге бармай, кей адам сатып алып жатыр. Ал дұғаны «сатып» жатқандар пайда көргісі келеді», – дейді Күзекбай.

Бұған дейін әлеуметтік желіде...

Енді білім беру жүйесінде ЖИ технологияларын тек оқыту процесіне ғана емес, бағалау мен кәсіби бағдар беру бағытында да қолданылатын болады. Мәжілісте өткен жасанды интеллект тақырыбына арналған жиында Оқу-ағарту вице-министрі Асылбек Ахметжанов осылай деп мәлімдеді.

Вице-министр Tester.kz платформасы оқушылардың тестілеу нәтижелерін сараптап, олардың қиындық туындайтын тақырыптарын анықтауға мүмкіндік беретінін айтады.

«Tester.kz платформасы оқушыларға пәндер бойынша тәулік бойы виртуалды көмек көрсетеді. Мұғалімдер үшін сабақ жоспарын, презентацияларды және тест тапсырмаларын ЖИ арқылы автоматты түрде құрастырады. Сондай-ақ түрлі форматтағы бақылау жұмыстары мен қорытынды бағалауға арналған тапсырмаларды әзірлеуге мүмкіндік береді»,— деді вице-министр.

Ал Jinaq платформасы оқушылардың кәсіби бағдарын...