Жаңалықтар

АҚШ ішкі қауіпсіздік министрлігі түрлі елдердің иммигранттары мінген рейс Эсватиниге қонғанын мәлімдеді. Бұл туралы Reuters хабарлады. Эсватини патшалығы – Африканың оңтүстік-шығысында орналасқан ел.

Құрама Штаттар билігі ұшақ бортында зорлық-зомбылық әрекетке барған қылмыскерлер отырды деп мәлімдеді. Осының алдында ғана АҚШ Жоғарғы соты президент Дональд Трампқа заңсыз мигранттарды елден шығаруға рұқсат берген. Енді Ақ үй үшінші бір елдердің Құрама Штаттарда заңсыз жүрген азаматтарын жаппай депортациялай бастайды.

«Үшінші бір елдердің азаматтарын Африканың оңтүстігіндегі Эсватиниге жеткізетін рейс сол елге қонды. Олар әбден жабайыланғаны сонша, өз елдері де кері қабылдаудан бас тартқан», – деп мәлімдеді АҚШ ішкі қауіпсіздік министрлігінің өкіл...

2025 жылдың 1 қыркүйегінен бастап Wizz Air әуе компаниясы Абу-Дабиге және одан ұшатын барлық рейсін тоқтататынын хабарлады. Осыған байланысты аталған бағытқа билет сатып алған жолаушыларға билет құнын қайтару немесе балама бағыттарды ұсынады.

Компанияның мәлімдеуінше, жақын арада барлық жолаушыға электрондық пошта арқылы билет қайтару немесе басқа рейсті таңдау тәртібі туралы нұсқаулық жіберіледі.

Егер билет турагенттік немесе үшінші тарап платформасы арқылы сатып алынған болса, жолаушылар өз агентіне тікелей жүгінуі қажет.

Авиакомпания рейстердің тоқтатылуына Таяу Шығыстағы күрделі ахуал, ыстық климат жағдайында ұшақтарға техникалық қызмет көрсетудің қиындығы себеп болғанын атап өтті.

Алматының «Орталық стадионында» өткен Чемпиондар лигасының бірінші іріктеу кезеңінің жауапты матчында «Қайрат» словениялық «Олимпияны» 2:0 есебімен ұтып, келесі айналымға жолдама алды.

Ойынның алғашқы минутынан-ақ алматылықтар шабуылды күшейтіп, 5-минутта Луиш Матаның асырған добын Жоржиньо баспен қақпаның оң бұрышына дәл бағыттап, есепті ашты.

Бірінші таймның өзінде «Қайрат» есепті еселеді. Бұл жолы Жоржиньо голдың авторы емес, пас беруші рөлінде көзге түсті. Оның тамаша пасынан кейін Александр Мрынский қақпашымен жеке шығып, есепті 2:0-ге жеткізді.

Еске сала кетейік, бұл жұптың алғашқы кездесуі 8 шілдеде Словения астанасы Люблянада өтіп, 1:1 есебімен тең аяқталған болатын. Қос кездесудің қорытындысы бойынша (3:1) «Қайрат» келесі кезеңге өтті.

Чемпиондар лигасының екінш...

Ұлттық валютаның АҚШ долларына,  Еуроға, Қытай валютасы юань және  Ресей валютасы рубльге бағамын қарастырамыз

Негізгі валюталар. Жыл басынан бері қалай өзгерді?

Жыл басынан бері (YTD)  1 АҚШ доллары 0,29 пайызға, еуро 11,62 пайызға, юань 1,83 пайызға қымбаттаған.

Жыл басынан бері қалай өзгерді?/ Нұрсұлтан Ерболатұлы

Доллар бағамы мен долларизация динамикасы

2000 жылдан бері доллар бағамы 88 теңгеден 526 теңгеге дейін өсті. Бағаның күрт секірген жылдары — 2008, 2015, 2022, бұл кезеңдерде девальвация, мұнай бағасының құлдырауы және геосаяси шиеленістер әсер етті.

Долларизация 2015 жылға дейін шарықтап, депозиттердің 70%-дан астамы валютада сақталды. Бірақ 2016 жылдан бастап Ұлттық банк дедолларизация...

Астана тұрғындарының саны 1,5 миллион адамға жетіп, жыл сайын шамамен 7 пайызға өсіп келеді. Бұл туралы елорданың әлеуметтік-экономикалық даму нәтижелері сараланып, 2035 жылға дейінгі негізгі даму бағыттары белгіленген жиында қала әкімі Жеңіс Қасымбек айтты.

Қаланың жаңа бас жоспарына сай, халық саны 2,3-2,5 миллион адамға дейін артады деп болжанған.

2030 жылға дейін 206 апатты үйдің тұрғындары жаңа баспанаға көшірілмек. Әкімдік дерегінше, қаланың құрылыс саясаты әлеуметтік инфрақұрылымды дамытуға, абаттандыруға және жасыл аймақтар құруға басымдық береді.

Қала әкімінің айтуынша, барлық жұмыс «адамдарға арналған қала» қағидатына негізделіп отыр. Яғни, басты назар тұрғындардың өмір сүру сапасына, қолжетімді әрі ыңғайлы орта қалыптастыруға аударылған.

Туризм және спорт министрі Ербол Мырзабосынов блиц шахматтан командалық әлем чемпионатында күміс жүлдеге ие болған Қазақстан ұлттық құрамасының мүшелерімен кездесті. Чемпионат Лондонда Халықаралық шахмат федерациясы (ФИДЕ) аясында өткен.

Әлем чемпионатына 52 команда қатысқан. Қазақстан құрамасы командалық есепте күміс жүлдені иеленіп, жекелей сында 6 жүлде, оның ішінде 2 алтын медаль жеңіп алған.

Кездесу барысында министр Қазақстан командасының жетістігін тарихи оқиға деп атап, отандық шахмат мектебінің жоғары деңгейде дамып келе жатқанының айқын көрсеткіші екенін айтты.

«Мемлекет басшысы бұқаралық спортты дамыту мәселесін үнемі басты назарда ұстап келеді. Сіздердің бұл жеңістеріңіз – жеке жетістік емес, бүкіл Қазақстан халқы үшін...

Маңғыстау облысы бойынша сауда және тұтынушылардың құқықтарын қорғау департаменті дайын тағамды жеткізу қызметін көрсету барысында тұтынушының құқықтарын бұзған компанияға айыппұл салды.

Жеткізу қызметі тұтынушы ірі сомаға тапсырыс бергеніне қарамастан, оған тегін жеткізуден бас тартқан. Ол мұны жеткізу қала шегінде ғана тегін жүзеге асырылатынымен түсіндірген.

Алайда мұндай шектеулер жөнінде ақпарат ресми сайтта да, әлеуметтік желілердегі ресми парақшаларда да көрсетілмеген. Тұтынушы көрсеткен мекенжай нақты жеткізу аймағына кіретініне қарамастан, оған ақылы жеткізу ұсынылған.

Наразы тұтынушы кәсіпкерден заңнамада көзделген ресми мәліметтерді, атап айтқанда, бизнес сәйкестендіру нөмірін (БСН) және тіркеу деректерін ұсынуды сұраған. Алайда қызмет көрсетуші бұл ақпаратты бермеген.

Департамент бұл жағдай «Тұтынушылардың құқықтарын...

2025 жылы ел автонарығы қарқынды өсіп жатқанына қарамастан, ондаған көлік моделі тұтынушылар назарынан тыс қалып отыр. Тіпті кейбірін бес ай ішінде небәрі бір немесе екі рет қана сатып алған, деп хабарлады Finratings.kz.

Сатылым бәрінде өсіп жатқан жоқ

2025 жылғы алғашқы бес айда Қазақстандағы ресми дилерлер 85 467 жаңа көлік сатқан. Бұл – автонарықтағы сұраныстың тұрақты өсімін дәлелдейді. Алайда жетістік барлық модельдерге бірдей бұйырмаған.

Нарықта ұсынылған 200-ге жуық модельдің 115-інің сатқан көліктерінің саны жүз данаға да жетпеген. Ал 33 көлік сатылымының аздығы сонша, оларды бір қолдың саусағымен-ақ санауға болады.

Сатылмайтын көліктер

Сұранысы төмен көліктер қатарына қымбат...

Қазақстанда жолаушылар тасымалын «Жолаушылар тасымалы» АҚ және 14 жеке теміржол компаниясы жүзеге асырады. Бұл туралы «Жолаушылар тасымалы» АҚ баспасөз қызметі хабарлады.

Жеке операторлар 30 бағдарға қызмет көрсетеді – бұл жалпы санның 28%-ы, қалғаны (72% немесе 112 бағдар) ҚТЖ-ға тиесілі.

Жеке тасымалдаушылардың қызметін Көлік министрлігі реттеп, сонымен бірге олардың көпшілігін субсидиялайды. ҚТЖ вагондарының орташа жасы – 16 жыл, ал жеке операторларда – 28 жыл.

2030 жылға қарай ҚТЖ жолаушылар паркін толығымен жаңартуды жоспарлап отыр. Жаңғырту бағдарламасы шеңберінде Stadler-ден 557 вагон жеткізу көзделген, оның алғашқы 51 вагоны жыл соңына дейін келіп түседі деп күтілуде. Бұған қосымша ҚТЖ 2025 жылы Петропавлдағы зауытта...

Шымкент қаласында электр энергиясын тұтыну бойынша уақытша шектеулер қойылды. Бұл туралы өңірлік коммуникациялар қызметінде өткен брифингте қала әкімінің орынбасары Сәрсен Құранбек мәлімдеді.

Құранбектің мәлімдеуінше, 4 шілдеде ауа-райының күрт ысуына байланысты «KEGOC» аймақтық диспетчерлік орталығының нұсқауымен «ТЭЦ-3»-тің электр энергиясын өндіру көлемі 70 мегаваттан 0 мегаватқа дейін төмендеген. Осыған байланысты «Оңтүстік Жарық Транзит» жауапкершілігі шектеулі серіктестігі желілері арқылы электр энергиясын тұтынуға уақытша шектеу енгізген. Нәтижесінде қала бойынша электр энергиясын тұтыну 10 мегаватт көлемінде азайып, сол күні кешке шамамен 2 сағатқа 10 ауданда электр энергиясы уақытша ажыратылған.

«Алдағы уақытта қала аумағында жоспарлы жөндеу жұмыстарының жүргізілуіне байланысты кейбір аудандарда электр...

Жезқазғанда қайта жанданған Медет Исламның өліміне қатысты істе жарыссөз өтті. Бұл туралы жәбірленушілердің заңды өкілі Инга Иманбай айтты.

Заңгердің сөзінше, облыстық сотта өткен жарыссөзде прокурор айыпталушыларға ауыр жаза беруді сұраған.

Атап айтқанда, күдікті Замангожинді 18, Балтабайды 18, Советті, Маназаровты, Бектасов пен Абдулгизиевті 15 жылға бас бостандығынан айыру жазасын сұраған.

Наурыз айының басында «Жезқазғаннан әділдік таппадық» деген ағайынды Саят Ислам мен Қайсар Әбділғалел Алматыда журналистер алдына шығып, кісі қолынан қаза тапқан бауыры Медет Исламның ісіне қоғам назарын аударғысы келетінін мәлімдеген. Олар бауырын қылмыстық топтың мүшелері өлтіргенін айтып, кінәлілер тиісті жазасын арқалағанын қалайтынын жеткізген.

Мамыр айында жезқазғандық ағайындылардың үні Бас прокурорға жетіп, Берік...

Алматының Алмалы ауданындағы Клочков көшесінің бір бөлігінде 50 жыл бұрын тартылған жылу желілерін ауыстыру жұмыстарына байланысты көлік қозғалысы шектеледі. Бұл туралы «Алматы жылу жүйесі» ЖШС хабарлады.

Алдағы жылу маусымына дайындық аясында Алмалы ауданында 1978 жылы пайдалануға берілген 172 метрге жуық жылу магистралі ауыстырылмақ.

Осыған байланысты 16 шілде мен 1 тамыз аралығында Клочков көшесінің бойымен Қарасай батыр көшесінен Қабанбай батыр көшесіне дейінгі аумақта автокөліктер үшін қозғалыс жабылады. Қозғалыс екі бағытта шектелмек.

Алматы жылу жүйесі компаниясы жаңарту жұмыстары жүргізілетін кезеңде тұтынушыларды ыстық сумен қамтамасыз ету сақталатынын жеткізді.

Жаңартылатын жылу магистралі 3 көппәтерлі тұрғын үйдің тұрғындарын жылу энергиясымен және ыстық сумен қамтамасыз...

Ақмола облыстық сотының алқасы үш жыл бойы тергеліп ақыры кінәсіздігі дәлелденген кәсіпкерге өтемақы өндіру ісін қарады.

Мәселенің мән-жайы

2019 жылғы қазанда полиция тергеушісі кәсіпкердің үстінен қылмыстық топ құрып, оған қатысты, бөтен адамның мүлкін ұрлады деген аса ауыр және ауыр айыппен іс қозғап, тергеу бастайды. 2020 жылғы қыркүйектен 2023 жылғы шілдеге дейін кәсіпкер қамауда, арасында үй қамақта болған.
    
2023 жылғы желтоқсанда іс қылмыс құрамының болмауына байланысты тоқтатылған.

Үш жыл бойы табыссыз қалған

Кәсіпкер П. қылмыстық жауапкершілікке заңсыз тартылғанын, бұлтартпау шараларының нәтижесінде жұмыс істеуге мүмкіндігі болмай, қаражатсыз қалғанын айтып, сотқа жүгінген. 2021 жылы компаниясы банкрот деп танылған...

Шымкенттегі Асанбай Асқаров атындағы дендрологиялық саябақта ағаш түрі азайған. Саябақ әкімшілігінің дерегінше, 2009 жылы онда 560-қа жуық ағаш түрі болған. 2023 жылы оның саны 214-ке кемігені анықталған. Мамандар мұның негізгі себебі ағаштардың табиғи қартаюы деп отыр. Қазір саябақтың ғылыми қызметкерлері Қазақстаннан бөлек Өзбекстан және Қырғызстаннан ағаш түрлерінің тұқымын, қаламша және көшеттерін әкеліп күтіп-баптап жатыр.

Ағаш түрі неге азайды?

Шымкенттегі дендрологиялық саябақтың жалпы көлемі – 117 гектар. 1979 жылы саябақ құрылғанда саябаққа мыңнан аса ағаш түрі отырғызылған деген ақпар бар.

Дендрологиялық саябақ әкімшілігінің дерегінше, 2009 жылы санақ жүргізіліп, ағаш түрінің саны 560-қа түскені белгілі болған. Ал 2023 жылы...

Jusan Bank елімізде су тасқыны кезінде зардап шеккендерге көмек ретінде 300 миллион теңгені Перизат Қайрат басқарған Biz Birgemiz Qazaqstan 2030 қорына аударған. Бұл туралы Астана сотында өтіп жатқан Перизат Қайрат пен оның анасы Ғайни Алашбаеваға қатысты іс барысында айтылды.

Сотқа келген банк өкілінің айтуынша, қаражат тек бір ғана хат негізінде, ешқандай тексеру жүргізілместен аударылған.

Alatau City Bank (бұрынғы Jusan Bank) өкілінің сөзінше, көмек көрсету туралы шешімді банк басқармасы Перизат Қайраттан келген хат негізінде қабылдаған.

«Біздің мақсатымыз су тасқыны салдарын жою болды. Біз көмек көрсетуге келістік, ал келісімшартта есеп беру туралы талап болған жоқ», – дед...

Қазақстан мен Қытай Ақтөбеде карбамид зауытын салмақ. Құны 1,25 млрд доллар болатын жоба аграрлық сектор мен газ химиясын дамытуды көздейді.

Қытай мен Қазақстан ҚХР Төрағасы Си Цзиньпиннің ресми сапары аясында Ақтөбе облысында карбамид зауытын салу жөнінде маңызды келісім жасалған. Енді ҚР Энергетика министрлігі, Қытайдың CNPC корпорациясы, «ҚазМұнайГаз» ұлттық компаниясы және Ақтөбе облысы әкімдігі ірі инвестициялық жобаны жүзеге асыру бойынша негіздемелік құжатқа қол қойды.

Бұл жоба екі ел арасындағы мұнай-газ химиясы саласындағы ең ірі бірлескен кәсіпорындардың бірі болмақ. Жаңа зауыт «Ақтөбе» арнайы экономикалық аймағында, Жаңажол газ өңдеу зауытының жанында бой көтереді.

Кәсіпорын жылына 800 мың тоннаға дейін карбамид...

Ескі құбыр ауыстыру жұмыстарына байланысты Алматының Байтұрсынов және Бұқар жырау көшелерінің қиылысында жол қозғалысы шектеледі. Бұл туралы «Алматы жылу жүйесі» ЖШС баспасөз қызметі хабарлады.

Компания мәліметінше, Алматыда 40 жылдан астам уақыт бұрын салынған жылу желілерін ауыстыру жұмыстары жүргізіліп жатыр. Бұл учаскедегі құбыр 1983 жылдан бері ауыспаған. Жоспарға сәйкес 1,5 шақырымға жететін жылу трассасы жаңартылады.

«Алдағы жылыту маусымына дайындық кезеңінің ішінде Алматы қаласының Бостандық ауданында жылу желілерін жоспарлы жаңғырту жалғасады. Жұмыс шеңберінде 1983 жылы пайдалануға берілген, жалпы ұзақтығы 1,5 шақырым болатын жылу трассасы ауыстырылады», – делінген баспасөз хабарламасында.

Байтұрсынов пен Бұқар жырау көшелерін...

Apple АҚШ-тағы жалғыз сирек жер металдары кен орнының операторы MP Materials Corp. компаниясына 500 миллион доллар инвестиция салуды жоспарлап отыр. Бұл жайлы дереккөздеріне сілтеме жасаған Fox Business хабарлайды.

Әзірге инвестиция туралы компания ресми түрде хабарлаған жоқ, жақын арада жариялайды дейді дереккөздер.

Басылымның мәліметінше, компаниялар Техастағы Форт-Уэрт пен Калифорниядағы Маунтин-Пасс қалаларында өндіріс орындарын салмақшы

MP Materials Corp. – АҚШ-та тіркелген және сирек жер металдарын өндіретін жетекші компаниялардың бірі. Инвестиция жайлы жаңалықтан кейін MP Materials акциялары сейсенбідегі сауда сессиясында 8%-ға қымбаттады. Компанияның нарықтық құны жыл басынан бері үш есе өсіп, 7,9 миллиард долларға жетті.

 Apple – әлемдегі жетекші технологиялық компанияның бір...

Қазақстанда темекі өнімдерінің бағасы өскелі, оны шегетіндердің саны азайып барады. Ұлттық статистика бюросының соңғы ұсынған мәліметіне сенсек, бүгінде  қазақстандықтардың 17,5%-ы темекі шегеді. 

Ұлттық статистика ересектердің темекі тұтынуы туралы кезекті жыл сайынғы зерттеуін жүргізді. Сауалнама республиканың барлық облысында, Астана, Алматы және Шымкент қалаларында жүргізілген. Оған 15 жастан асқан 12 000 үй шаруашылығының бір-бір мүшесінен қатысты.

«Алынған нәтижелер көрсеткендей, тексерілген үй шаруашылығы мүшелерінің жалпы санынан қазіргі уақытта халықтың 17,5%-ы темекі шегеді, 2024 жылы бұл көрсеткіш 20,7% деңгейінде болған»,– делінген хабарламада.

АҚШ президенті Дональд Трамп украиналық әріптесі Владимир Зеленскийге Ресей аумағына, оның ішінде Мәскеу мен Санкт-Петербургке шабуыл жасауды ұсынған. Бұл әңгіме жайлы білетін екі дереккөзге сілтеме жасаған Financial Times жазады.

Басылымның мәліметінше, Трамп 4 шілдеде болған телефон әңгімесінде «Владимир, сен Мәскеуге соққы жасай аласың ба? Және Санкт-Петербургке де?» деп сұраған. Зеленский егер АҚШ қажетті қару-жарақ берсе, Украина «әлбетте» бұған дайын екенін айтқан.

Осы әңгімеден кейін АҚШ өкілдері Зеленскийге үшінші елдер арқылы Украинаға жіберілетін ұзақ қашықтыққа арналған қару-жарақ тізімін ұсынады.

14 шілдеде АҚШ президенті Дональд Трамп Украинаға Patriot зымырандарын жіберуге уәде берген еді. Ақ үй басшысының пікірінше, мұндай қару елді Ресейд...

Перизат Қайратқа қатысты іс бойынша куә ретінде сотталушы иелік ететін Rebel Flowers гүл дүкенінің бұрынғы иесі Лейла Троицкая қатысты. Оған айыптау тарапы дүкеннің ай сайын шамамен қандай көлемде табыс әкелгеніне қатысты сұрақ қойды.

Қорғау тарапы Перизат Қайратқа тағылған ақша жылыстату айыбын жоққа шығаруға тырысты. Адвокат Лейла Троицкаяға сұрақтар қойып, Rebel Flowers дүкенінің табысы мен коммерциялық әлеуетіне назар аударды.

«Rebel Flowers ай сайын орта есеппен 1,5-2 миллион теңге табыс әкелетін. Жылдық табыс шамамен 20 миллион теңге болатын», – деп жауап берді Троицкая.

Алайда мемлекеттік айыптаушы бұл көрсеткіштерге күмән келтіріп, 9 ай ішінде 68 миллион теңге көлемінде...

Ұлттық банктің дерегін сәйкес, 2025 жылғы 1 шілдеде экономикаға берілген кредит көлемі 44,5 трлн теңгеге жетті. 2024 жылғы маусымдағы көрсеткіштен 8,1 трлн теңгеге немесе 22%-ға артық. Соның 20,4 трлн теңгесі – бизнестің алған несиесі болса, халықтың мойнындағы кредит 24 трлн теңгеден асты. Бұл – Қазақстанның бір жылдық бюджетіне тең сома.

Соның ішінде банк секторынан берілген кредит бір жылда 6,8 трлн теңгеге өсіп, 38 трлн теңгеден асты. Бұл – бүкіл несиенің 85%-ы. Халық та, бизнес те банк арқылы несие алуды жалғастырып жатыр.

Микроқаржы ұйымдарынан берілген кредиттер 3 трлн теңгеге жетті. Бір жылда өсім – 500 млрд теңге. Бұл ұйымдар көбіне кепілсіз...

2024 жылғы 1 қазаннан бастап Грузияда шетел азаматтарының, соның ішінде қазақстандықтардың елде болуына қатысты жаңа ережелер күшіне енеді. Бұл туралы «Sputnik Грузия» басылымы хабарлады. Енді визалық режимді бұзғандар үшін елге қайта кіруге бірнеше жылға тыйым салынуы мүмкін.

Жаңа айыппұлдар және елден шығаруға тыйым салу мерзімдері

Бұрын шетел азаматтары визалық режимді бұзған жағдайда тек айыппұл төлеп, кейін қайта елге кіре алатын. Енді бұл қатаң шектеулермен алмастырылады.

Көмек көрсеткендер де жауапқа тартылады

Грузия билігі шетелдіктердің елде заңсыз қалуына жәрдемдескен жеке тұлғалар мен компанияларға да 2 000 лари (шамамен 390 600 теңге) көлемінде айыппұл салатынын мәлімдеді.

1 қазаннан...

Президент Қасым-Жомарт Тоқаев вице-премьер Қанат Бозымбаевты қабылдап, инженерлік-коммуналдық инфрақұрылымды жаңғыртуды тапсырды. Бұл туралы Ақорда хабарлады.

Бозымбаев президент тапсырмаларын орындау үшін Өңірлік саясат жөніндегі жобалық кеңсе құрылып, өңірлер бойынша атқарылған шаралар туралы баяндаған. Премьер-министрдің орынбасары өңірлік стандарттар жүйесін енгізу бойынша қандай шаралар атқарылып жатқанын атап өткен. Өңірлік стандарттар жүйесіне сәйкес облыстар арасындағы және аймақ ішіндегі инфрақұрылымға қол жеткізу барысында байқалатын теңсіздікті төмендетуге болады және елдімекендерді дамыту шараларын тиімді жоспарлауға жол ашылады.

Бұдан бөлек, Бозымбаев энергетикалық және коммуналдық секторларды жаңғырту бойынша Ұлттық жобаның қалай жүзеге асырылып жатқанына тоқталған. Айтуынша, ұлттық жоба аясында 86 мың шақырым коммуналдық желінің құрылысы мен...