Жаңалықтар

Алматы әкімдігі Шәріпов көшесінде ағаш бұтағы қыздың үстіне құлап, қыз қайтыс болған жағдайға түсініктеме берді.

Әкімдік мәліметінше, оқиға орнына Алмалы ауданы әкімдігінің қызметкерлері, прокуратура, экология және қоршаған орта басқармасы және осы басқармаға қарасты Eco Almaty ұйымының қызметкерлері барған.

«Көрнекі тексеру барысында бұтақ сынған ағаштың жасыл әрі қанағаттанарлық жағдайда екені анықталды. Ағаштың санитарлық қырқуға жататынын немесе бұтақтың не тұтас ағаштың құлау ықтималдығын тек сыртқы тексеру арқылы анықтау мүмкін емес, себебі ағаш жасыл және қурау белгілері жоқ.», – деген әкімдік өкілдері.

Ведомствоның мәліметінше, 2024 жылы тұрғындардың өтініші бойынша осы аумақтағы емен ағашына санитарлық қырқу жүргізілген. Ал...

29 тамыз күні ресейлік әнші Филипп Киркоров Алматыдағы мейрамханалардың бірінде жеке концертін өткізеді. Бұл кешке билет Ticketon сайтында сатылып жатыр.

Ең қымбат билет құны – 1 млн 680 мың теңге. Бұл баға 8 адамдық үстелге арналған және бір адамға шамамен 210 мың теңгеден келеді. Бағаға тек орын кіреді, ал тамақ пен сусын үшін бөлек төленеді.

Бұдан бөлек, 945 000, 840 000, 630 000, 525 000 және 420 000 теңгелік билеттер ұсынылған. Ең арзан билет фан-аймаққа — 56 мың теңге.

Филипп Киркоров– шоу-бизнес әлеміндегі ондаған «Алтын граммофон» және World Music Awards жүлделерінің иегері, ауқымды шоулар мен алтын тираждардың символына айналған...

Баланың тілі шықпауына немесе сөздік қорының аздығына телефонның тікелей қатысы жоқ. Бұл – ата-аналардың кінәсі.

Психолог Серікгүл Сәлидің Kursiv.Media сауалдарына осылай жауап берді. Маманның айтуынша, қазір балалардың тілі кеш шығуына ықпал етіп отырған жайт – гаджеттер, смартфондар емес, ата-аналардың балаларына аз уақыт бөлуі.

Балаға ата-ана көңіл бөлмейтін болды

«Ата-аналар барлық жауапкершілікті телефонға аударып, баламен уақыт өткізгісі келмейді. Өсіп келе жатқан балаға уақыт жұмсамайды. Ойлары басқа жақта. Баламен әңгімелесіп, оған уақыт арнағанша, қолына телефон ұстата салуды жөн көреді», – дейді Серікгүл Сәли.  

Сондықтан, психологтың айтуынша, балаға әке-шешесінен гөрі телефон жақын болады. Бала телефоннан...

Аружан Мағзұм есімді блогер Балқаш көліндегі «Көктем» демалыс аймағында құтқарушы-қызметкерлердің кесірінен әпкесі суға батып кете жаздағанын хабарлап, құтқарушылардың әрекетсіздігіне шағымданды.

Оның айтуынша, бір топ қыз «диван» деген су аттракционына отырған. Аттракционды басқарған қызметкерлер қатты шайқай бастағанда тоқтауын өтінген. Алайда олар аттракционды шайқауды жалғастырып, бәрі суға ұшып түскен.

«Мен бірден жүзе алмайтын сіңліме қарай бет алдым, ол батып бара жатты, өйткені жилетті дұрыс кигізбеген. Мен оны дем ала алсын деп көтеріп тұрдым. Екі әпкем «диванды» жақын тартып, соған жармасуымызға көмектесті. Біз өмір үшін арпалысып жатқанда, катер жүргізушілері күліп қарап тұрды, айқайымызға құлақ аспады. Бір сәтте...

Бүгін, 14 тамыз күні «Астана» футбол клубы Конференциялар лигасының үшінші іріктеу кезеңінің жауапты матчында швейцариялық «Лозанна» командасын қабылдайды.

Кездесу сағат 19:00-де басталады. Ойынды тікелей эфирде «Qazsport» телеарнасынан көруге болады.

Алғашқы ойын Швейцарияда өтіп, алаң иелері 3:1 есебімен жеңіске жеткен еді. «Лозанна» сапынан Джейми Роше (24-минут), Мамаду Кали Сене (43) және Албан Айдини (72) гол соқты. «Астана» құрамында жалғыз голды 90-минутта Иван Башич еншілеген.

Егер қазақстандық клуб плей-офф кезеңіне өтсе, онда Түркияның «Бешикташы» мен Ирландияның «Сент-Патрикс Атлетик» клубы арасындағы жұптың жеңімпазымен кездеседі.

«Астана» бұған дейін турнирдің алдыңғы кезеңінде Молдованың «Зимбру» клубын 3:1 есебімен жеңіп, келесі кезеңге өткен болатын.

Еске сала...

14 тамызда әлемдегі ең қымбат криптовалюта – биткоин (BTC) тағы бір тарихи межені бағындырды. Бейсенбі күні BTC құны 124 мың доллардан асып түсті. Басқа да валюта түрлері де қымбаттап жатыр. Сарапшылар биткоин 150 мың долларға дейін көтерілуі мүмкін деп болжайды.

Шілдедегі раллиден кейін аздап кері шегінген биткоин 14 тамызда жаңа биіктерге қарай ұмтылды. Бейсенбідегі сауда барысында оның құны 124 мың доллардан жоғары көтерілді. Бұл – криптовалюта тарихындағы жаңа рекорд.

Қазір BTC 123 мың доллар шамасында саудаланып жатыр. Валюта құны 3,13%-ке көтерілді. Биткоинның нарықтағы капиталы 2 трлн 449 млрд 492 млн доллардан асты.

Биткоин неге көтерілді

Reuters...

Қызылордада «Даму бала» бағдарламасына қатысқан кәсіпкерлерден 88 млн теңгеден астам қаржы жымқыру фактісі бойынша сот процесі аяқталды. Белгілі болғандай балалар спортын және шығармашылығын дамытуға арналған қаражат алаяқтардың қолына түскен.

 Қылмыстық схема қалай жұмыс істеді

 ҚР Қаржы мониторингі агенттігінің мәліметінше, қылмысты екі әйел бірігіп жүзеге асырған. Олардың бірі әкімдік жанындағы мониторингтік топ құрамында болған және қызметтік өкілеттігін пайдалана отырып, сыбайласымен бірге кәсіпкерлерге тексеріс нәтижелеріне «оң шешіп береміз» деген желеумен ақша бопсалаған.

 Ұрланған ақша қайда кетті

Сөйтіп олар 88 млн теңгеден астам ақшаны қалталарына басқан. Қомақты соманың бір бөлігіне олар коттедж бен автокөлік сатып алған. Сот бұл мүлікке тыйым салды.

«Костенко» шахтасында 46 кенші қаза тапқан іс бойынша сот жарыссөз басталды, деп хабарлайды KursivMedia.

Прокурорлар Әділ Садықов және Бекзат Әшірбеков істегі 10 сотталушыны 6 жылдан 8 жылға дейін бас бостандығынан айыруды сұрады. Айта кетейік, оларға Қылмыстық кодекстің 277-бабы 3-бөлігі (тау-кен жұмыстарын жүргізу кезінде қауіпсіздік ережелерін бұзу екі не одан да көп адамның өліміне әкеп соққан жағдай) бойынша айып тағылған. 

Сергей Мустивконы (шахта директоры) 8 жылға бас бостандығынан айыруды;

Вадим Ерёминді (шахта директорының өндіріс жөніндегі орынбасары) 8 жылға бас бостандығынан айыруды;

Николай Грозновты (шахтаның бас инженері) 8 жылға бас бостандығынан айыруды;

Виктор Коптенковты (апат болған №6 учаскенің бастығы) 8 жылға бас бостандығынан айыруды;

Владимир Гонноченконы (бас инженердің орынбасары);

Volkswagen автоалпауыты толығымен Қазақстан нарығынан кетуі мүмкін. Бұл жайлы Автонарықты мониторингтеу және талдау агенттігінің директоры Артур Мискарян телеграм парақшасында жазды.

«Volkswagen жақын арада Қазақстандағы қызметін толығымен тоқтатуы мүмкін. Ең болмағанда – біраз уақытқа. Себебі концерн Орталық Азияда көліктерді жергілікті өндіріске шығаруды жоспарлаған еді. Бұл жоспардың тоқтатылғаны туралы әзірге хабарланған жоқ. Көре жатармыз», – деп жазды арнасында.

Мискарянның дерегінше, 2021 жылы елімізде неміс брендінің небәрі 4 мың көлігі сатылған. Бұл жаңа автокөлік нарығының шамамен 3–4%-ын құрайды. Бірақ оған дейін Volkswagen Қазақстандағы ең танымал брендтердің ТОП-10 тізімінің ортасында болған еді. Қазір жағдай өзгерді.

14 тамызға қараған түні Шымкент қаласындағы Абай аудандық әкімдігінің ғимараты өртке оранды. Өрт ғимарат шатырынан шыққан. Өрт сөндіру кезінде әкімдік ғимараты орналасқан Тәуке хан даңғылы көшесінде қозғалыс уақытша тоқтатылды.

Қалалық төтенше жағдайлар департаментінің дерегінше, өрт туралы хабарлама түнгі сағат 03:19 шамасында түскен. Өрттің жалпы көлемі 1200 шаршы метрге жеткен. Өрт таңсәріде сағат бес жарым шамасында толық сөндірілген.

Өрттен зардап шеккендер мен қаза болғандар жоқ. Өрттің шығу себебі анықталуда.

«Өртті сөндіруге Шымкент қаласы 21 бірлік техника және жеке құрамнан 88 адам, апаттар медицинасы орталығынан 1 техника, 3 адам, жергілікті атқарушы органнан 2 техника, 2 адам жұмылдырылды» делінген...

АҚШ президенті Дональд Трамп Украина президенті Владимир Зеленскиймен және еуропалық көшбасшылармен онлайн-саммит барысында Ресей президенті Владимир Путинмен Украина аумағын бөлу мәселесін талқыламайтынын айтты. Бұл туралы NBC News хабарлады.

Америкалық телеарнаның хабарлауынша, екі еуропалық шенеунік және әңгіменің мән-жайынан хабардар тағы екі дереккөз Трaмп пен Еуропа өкілдері келіссөздерді тек бітім жасалғаннан кейін ғана бастауға уағдаласқанын мәлімдеген.

Сонымен қатар, барлық қатысушылар Украинасыз бейбіт келісім шарттарын талқылауға болмайтынын атап өткен.

Дереккөздерге сүйенсек, егер Путин атысты тоқтатуға келіспесе, Трaмп Ресейге жаңа санкциялар енгізуі мүмкін.

Еске сала кетейік, АҚШ президенті Дональд Трамп пен Ресей басшысы Владимир Путин 15 тамыз күні Аляскада Анкоридждегі әскери базада кездеседі.

Әлемнің 10-ракеткасы, қазақстандық теннисші Елена Рыбакина АҚШ-тың Цинциннати қаласында өтіп жатқан беделді турнирдің ширек финалына жолдама алды.

Төртінші айналымда Рыбакина америкалық Мэдисон Кизді 1:6, 6:4, 6:2 есебімен жеңді. Кездесу 2 сағат 26 минутқа созылды.

Ойын барысында қазақстандық спортшы 6 эйс жасап, бір ғана қос қате жіберді. Сондай-ақ, 14 брейк-пойнттың алтауын сәтті орындады. Ал қарсыласы бір ғана эйс жасап, 6 қос қате жіберіп, 9 брейк-пойнттың үшеуін жүзеге асырды.

Ширек финалда Елена Рыбакина Беларусь өкілі әлемнің бірінші ракеткасы Арина Соболенкоға қарсы ойнайды.

«Қазгидромет» синоптиктері алдағы 14 тамызға арналған ауа райы болжамын жариялады.

Синоптиктердің мәліметінше 14 тамызда республиканың басым бөлігінде найзағай ойнап, жаңбыр жауады, кей жерлерде бұршақ пен екпінді жел соғуы мүмкін. Батыс, солтүстік және оңтүстік өңірлерде қатты жауын-шашын күтіледі. Түнде және таңертең кейбір аймақтарда тұман түседі.

Астанада күн бұлтты, жаңбыр мен найзағай күтіледі, күндіз кей жерлерде нөсер жауын болады деп күтілуде. Ауа температурасы түнде +13…+15 °C, күндіз +21…+23 °C.

Алматыда да күн райы бұлтты, күндіз өткінші жаңбыр мен найзағай болады деп болжануда. Ал ауа температурасы +32…+34 °C дейін ысиды. Қонаевта – аздаған жаңбыр жауады,  дегенмен күн  +35 °C-қа дейін ысиды.

Алматы...

Түркістан облысында 43 жастағы көпбалалы ана үшем босанып, 11 баланың анасы атанды.

Облыс әкімі баспасөз қызметінің хабарлауынша, алтын құрсақты ана №1 перинаталдық орталықта босанған.

«Шардара ауданының тұрғыны Орынкүл Нұрабаева салмақтары 2265, 2455 және 2405 грамм болатын үш ұлды дүниеге әкелді. Нәрестелер мерзімінен ерте туғандықтан, дәрігерлердің қатаң бақылауында. Қазіргі таңда ана мен нәрестелердің жағдайы жақсы. Бүгін сәбилер мен анасы перзентханадан үйлеріне шығарылды. Енді Орынкүл 11 баланың анасы атанды», – деді әкімдік өкілдері.

Жыл басынан бері бұл медициналық мекемеде 4050 сәби дүниеге келген, олардың қатарында 72 жұп егіз бар. Бұл өткен жылдың сәйкес кезеңімен салыстырғанда...

2025 жылдың бірінші жартыжылдығында Қазақстандағы ең ірі жылыжайлардың біріне иелік ететін BRBAPK компаниясы 901,4 млрд теңге табыс тапты. Бұл туралы компанияның AIX-те жарияланған қаржылық есебінде айтылған.

BRBAPK Алматы қаласының Алатау ауданында орналасқан 17 гектар жер телімін ұзақ мерзімді уақытша пайдалану құқығына ие. Осы аумақта компания 2016 жылы жылыжай кешенін салып, онда қызанақ, қияр, бұрыш, баклажан және басқа да көкөністер өсіреді. Бұл қала аумағында орналасқан алғашқы жылыжай кешені.

2025 жылдың бірінші жартысында компанияның жалпы табысы 2,5 млрд теңгені құрады. Оның ішінде 2,3 млрд теңге – қызанақ сатудан, ал 57,6 млн теңге – қияр сатудан түскен. Сатылған өнімнің өзіндік құны...

Украина президенті Владимир Зеленский АҚШ президенті Дональд Трамппен видеоконференцияға қатысу үшін Берлинге келгені белгілі болды.

DW хабарлауынша, кездесу Германия канцлері Фридрих Мерцтің бастамасымен өтуде және 15 тамызда Аляскада Ресей президенті Владимир Путинмен өтетін Трамптың келіссөздерінен бұрын ұйымдастырылған.

Кездесуге Зеленский, Трамп және Мерцтен бөлек Ұлыбритания, Италия, Польша, Финляндия, Франция басшылары, Еуропалық комиссия төрайымы Урсула фон дер Ляйен, Еуропалық кеңес төрағасы Антониу Кошта, НАТО бас хатшысы Марк Рютте және АҚШ вице-президенті Джей Ди Вэнс қатысады.

Германия үкіметінің мәліметінше, көшбасшылар Ресейге қысымды күшейту, ықтимал бейбіт келіссөздерге дайындық, аумақтық даулар мен қауіпсіздік мәселелерін талқылауды жоспарлап отыр.

Reuters агенттігінің хабарлауынша, келіссөздердің басты мақсаты...

Шымкент қаласының қылмыстық істер жөніндегі мамандандырылған ауданаралық сотында қала әкімдігі ғимаратының алдында қала әкімінің орынбасары Руслан Берденовке қалалық тұрғын үй басқармасына қарасты «Тұрғын үй Шымкент» жауапкершілігі шектеулі серіктестігінің бұрынғы директоры 31 жастағы Ернар Жиембайдың қалай оқ атқаны көрсетілді. Оқиғаның қалай болғаны қала әкімдігі ғимаратындағы бейнекамералардан алынғаны айтылды.

Сот куәлардан жауап алып болған соң іс материалдарын зерделеуге көшті. Зерделеу кезінде қала әкімдігі ғимаратындағы бейнебақылау камераларына түсірілген видеолар көрсетілді.

Бейнебақылауға қарағанда, 21 сәуір күні кешкі сағат тоғыз шамасында қала әкімдігі ғимаратының Көрме орталығы бетіндегі есігінің жанына қала әкімінің орынбасары Руслан Берденовтің қызмет көлігінің тоқтағаны, іле-шала Руслан Берденовтің әкімдік ғимаратынан шығып ұялы телефонын...

Қазақстанда ет тапшылығы болмайды, керісінше қайта өңделген өнім экспорты артып келеді. Ауыл шаруашылығы вице-министрі Азат Сұлтанов осылай деп мәлімдеді.

Оның айтуынша, мемлекеттік саясат ел ішіндегі етті мал шаруашылығын дамытуға және қосылған құны жоғары өнім экспортын ұлғайтуға бағытталған.

 «Бізде ет тапшылығы жоқ екенін атап өту керек. Бұған сандар дәлел. Ауыл шаруашылығы тауарын өндірушілер айтып жүрген шектеуге келсек, оларға шикізатты сату ыңғайлырақ еді. Бірақ біз қайта өңделген өнім, яғни ет түрінде шығатын өнім экспортына көшіп келеміз. Экспорт тек өсіп жатыр. Сондықтан бұл ретте дайын өнім экспортына да, ел ішіндегі мал басын көбейтуге ынталандыруға да бағытталған теңгерімді мемлекеттік саясат...

Гүлзира Айдарбекова әлеуметтік желі өнімін саудалау үшін 50 млн тұратын Lexus көлігі мен 10 млн теңге ұтыс ойнатпақ.

Танымал әнші Қайрат Нұртастың анасы ұтыс ойынын 17 тамызға белгіліп отыр. Гүлзира Айдарбекованың сөзіне қарағанда, қазірдің өзінде 5 000-нан астам қазақстандық әйелдер оның шампунь-бальзамын алуға әзір. Бір мәрте айтқан өтінішіне осыншама нәзікжанды ойынға тіркеліпті.  

«Бұл өнімім үшін қаншама еңбегімді, махаббатымды, абыройымды салып жасағалы отырмын», – деп, сусабынын тікелей эфир арқылы сатып алуға шақырып отыр.

Гүлзира Айдарбекованың сөзіне қарағанда, бұл «Қазақстанда бұрын-соңды болмаған жұлдызды эфирге» дайындықты бастап кеткен.

Қазақстан заңы бойынша, салығын төлесе, әлеуметтік желі арқылы мұндай ұтыс...

 Škoda-ның Қазақстандағы ресми өкілдері модельдік қатарындағы флагман көліктердің бірі, төртінші буындағы Superb лифтбэгінің сатылымға шыққанын хабарлады. Көлік Қостанайдағы зауытта шығарылады және Selection және Laurin&Klement болып екі негізгі нұсқада ұсынылады.

Superb моделіне тек 2 литрлік турбоқозғалтқыш орнатылады, ол 7 сатылы DSG роботымен жұмыс істейді. Алайда, алдыңғы жетекті нұсқада қозғалтқыш 190 ат күші мен 320 Нм момент береді, ал толық жетекті нұсқада яғни, 265 ат күші мен 400 Нм.

Selection жинақтамасы алдыңғы және қосалқы қауіпсіздік жастықшаларымен, қауіпсіздік перделерімен, орталық және тізе тұсындағы жастықшалармен, жарық және жаңбыр датчиктері, парктроник, круиз-бақылау, айналаны шолу жүйесі сынды жүргізушіге көмекші жүйелердің базалық пакетімен жабдықталған. Сонымен қатар, үш...

Қорғаныс министрлігі Халықаралық қатынастар орталығы Польша құқық қорғау органдары қазақстандық әскери атташенің аппарат қызметкерін ұстағаны туралы ақпаратты растады.

Хабарламада қазіргі уақытта жағдайды шешу үшін шетелдік тараппен өзара іс-қимыл жасалып, Қазақстан азаматының құқықтары мен заңды мүдделерін қорғау бойынша қажетті шаралар қабылданып жатқаны айтылған.

Екі күн бұрын КазТаг агенттігі Польшадағы Қазақстан елшілігінде әскери атташе көмекшісі «тыңшылық жасады» деген күдікпен ұсталғанын хабарлаған. Ақпаратта күдікті тыңшылықпен Украинада айналысқаны айтылған.

Ал Elmedia басылымы өзінің дереккөзіне сүйеніп күдіктінің аты Әнуар екенін, ол Қазақстанның Украинадағы елшілігінің қызметкері болғанын жазған.

Қорғаныс министрлігінің ақпаратында ұсталған әскери атташе қызметкері қай елшілікті істейтінін ашып айтпаған.

Қаржы министрі Мәди Такиев Kursiv.Media журналисіне тойдан миллиондап табатын әншілердің табысын арнайы органдар қалай анықтайтынын түсіндірді.

Журналист пен министр арасындағы әңгімесі төмендегідей өрбіді:

– Сіз жаңа әншілердің салық төлейтінін айттыңыз. Бірақ, шын мәнінде, олар гонорарды қолма қол ақшамен алатынын білесіз бе?

– Иә.

– Сонда сіздер қай әншінің қай тойда жүргенін, миллиондап ақша алып жатқанын қалай білесіздер? Қаншалықты бақылайсыздар?

– Оны қалай бақылауға болатынына қатысты жалпы бірнеше тәсіл бар. Мысалы, біз тойды кім жасап жатқанын білеміз, хронометраж бар бізде. Сол арқылы салық органдары біледі.

Екіншіден, әнші (гонорарды) қолма-қол ақшамен алған соң оны бір жаққа жұмсауы керек қой. Үлкен үй, машина...

Жаңа Салық кодексіне сәйкес, келесі жылдан бастап ютуб немесе тик-токтан табыс табатын блогерлер декларация тапсырып, мемлекетке салық төлеуі керек. Бұл заң жүзінде бекітілді деп хабарлады қаржы министрі Мәди Тәкиев.

Министрдің сөзінше, келесі жылдан бастап Қазақстанда тіркелген 79 шетелдік компаниялар толығымен салық төлейді. Бүгінге дейін олар бюджетке 57 млрд теңге құйған. Енді сол интернет платформалар ғана емес, оған тіркеліп табыс тапқан блогерлер мен инфлюенсерлер де заңды түрде салық төлеуі керек.

«Әлеуметтік желіге қатысты мәселе бойынша. Youtube немесе TikTok біздің азаматтарға ақша төлесе, онда жеке табыс салығы ұсталады. Ол ақпаратты өздері бізге көрсетуі керек. Сізде оқырмандар...

Қала әкімінің орынбасары Руслан Берденовті жаралаған Ернар Жиембайдың ісі бойынша куәгерлерден жауап алу жалғасып жатыр. Іс бойынша бас куәгердің бірі қала әкімдігінде сәулет және құрылыс бөлімінің инспекторы Асанбай Ахметбаевтан жауап алынды.

Асанбай Ахментаев Жиембайды бір жарым жылдан бері танитынын айтады. Оның сөзінше, 1 сәуір күні Берденов Жиембайды шақырған. 3 сәуір күні Жиембай Руслан Берденовтің қабылдауына «Тұрғын үй Шымкент» ЖШС жұмысымен таныстыру үшін кірген. Кездесуде Берденов, Жиембай және Ахментаев болған.

«Кірген кезде Берденов Жиембайдың киген киіміне ескерту жасады. Жұмысты таныстыра алмады. Флешка ашылмай қалды. Шығып, қайта реттеп Ернар жұмысты таныстыра бастады. Берденов «жұмыс осы ма» деді. Мен...