Жаңалықтар

2025 жылдың екінші тоқсанында Эльдар Сәрсеновке тиесілі JP Finance Group компаниясы «Нұрбанктің» 9,82% акциясын иелігінен шығарды. Енді компанияның банктегі үлесі 76,6%-ды құрайды. Бұл туралы ақпарат Қазақстан қор биржасының (KASE) сайтында жарияланған деректерден белгілі.

Сонымен қатар «Нұрбанктің» акционерлері қатарына Марко Блануша енді. Ол JP Finance Group сатқан дәл сол 9,82% акцияға ие болған.

Алайда «Курсив» басылымы Бланушаның нақты кім екенін анықтай алмады. Сондай-ақ бұл акциялардың нақты қанша сомаға сатылғаны белгісіз, себебі KASE-де оларға қатысты сауда-саттық болмаған.

Дегенмен 2025 жылғы 1 сәуірдегі банктің жарғылық капиталы 147,6 млрд теңге екенін ескерсек, Блануша бұл үлесті шамамен 14,5 млрд теңгеге сатып алған болуы мүмкін.

Францияның сыртқы істер министрі Жан-Ноэль Барро Х желісінде Палестинаны мемлекет ретінде тану туралы 15 мемлекеттің бірлескен мәлімдемесін жариялады.

Мәлімдемеде 2023 жылғы 7 қазанда Хамастың Израильге жасаған шабуылын қатаң айыптап, Хамастан тұтқындар мен қаза тапқандардың мәйітін ешқандай шартсыз дереу беруді, гуманитарлық көмектің кедергісіз жеткізілуін қамтамасыз етуді талап етеді.

Сондай-ақ Израиль мен Палестинаны екі тәуелсіз демократиялық мемлекет ретінде бейбітшілікте, қауіпсіз және халықаралық деңгейде мойындалған шекараларда қатар өмір сүретін екі мемлекет шешіміне деген берік ұстанымды қуаттайтыны айтылған.

Сыртқы істер министрлері мәлімдемені 2025 жылғы қыркүйекте БҰҰ Бас Ассамблеясының 80-сессиясы аясындағы Мемлекет және Үкімет басшыларының кездесуі қарсаңында жасаған.

«Біз, Андорра...

Air Astana мен Қытайдың China Southern Airlines әуе компаниялары рейстерді бірлесіп орындау (код-шеринг) туралы келісімге қол қойды. Енді екі ел арасында рейс саны артып, ал жолаушыларға саяхатын жоспарлау бұрынғыдан да ыңғайлы болмақ.

Аталған келісім Air Astana компаниясының Алматыдан Бейжіңге, Үрімшіге және Гуанчжоуға, сондай-ақ Астанадан Бейжіңге ұшатын рейстеріне қатысты болмақ. China Southern Airlines компаниясының Бейжің (Дасин әуежайы), Гуанчжоу, Үрімші және Сиань қалаларынан Алматыға, сондай-ақ Гуанчжоу мен Үрімшіден Астанаға ұшатын рейстері қамтылады.

«Қытай бұрыннан Air Astana үшін стратегиялық маңызы бар нарық. China Southern Airlines компаниясымен серіктестігіміз сауда, туризм және мәдени байланыстардың дамуына ықпал етіп, екі ел арасындағы...

Жамбыл облысындағы атыстан кейін жарақат алған екі ер адамның жағдайы ауыр. Бұл туралы KursivMedia тілшісіне облыстың денсаулық сақтау басқармасы хабарлады.

Мойынқұм аудандық орталық ауруханасы ұсынған ақпаратқа сәйкес, 28 жастағы ер адамға бірнеше оқ тиген. Оған ашық бассүйек-ми жарақаты диагнозы қойылған, науқастың миы шайқалған. Бас, кеуде қуысы және оң білегіне оқ тиген. Маңдай-шеке тұсы мен оң білегінде басқа да жаншылған жарақат бар. Оң және сол санында көптеген кесіп-түйрелген жарақат бар. Жалпы жағдайы ауыр, жағдайы нашарлап жатқан жоқ.

Ал 26 жастағы науқастың сол білегі, сол саны және оң қолына оқ тиген. Жағдайы ауыр, денсаулығы нашарлап жатқан жоқ.

Қалған екі науқас хирургия бөлімінде...

Шымкентте дуакеш сот залына келіп, алқабилерді дуаламақ болған. Бұл туралы журналист Ораз Әлімбек хабарлады.

Оның сөзіне қарағанда, Шымкентте ҰҚҚ қалалық департамент басшысының бұрынғы орынбасары М.Сарбасовқа қарсы сот болып жатыр. Ол «Риана» жекеменшік мектебінің директоры Эльмира Дүйсенқызының арызы бойынша айыпталғаны мәлім. Сот алқабилердің қатысуымен ашық өтуде.

Тосын оқиға

Шымкентте өтіп жатқан осы сотқа тыңдаушылардың бірі болып бір дуакеш кірген көрінеді.

«Кеше мен де сотқа тыңдаушы болып қатыстым. Ал 24-25 шілде күні сотқа тыңдаушы ретінде бір дуакеш келіпті. Ол алқабилерге қарсы жаққа отырып алып, аузы-мұрнын қисайтып әртүрлі әрекет жасаған. 25 шілде күні саусағын мұрнына тығып...

Америкалық құқық қорғаушы әрі журналист Хоуп Лоудонды Шымкентке жеткізіп, «интимдік жерін ұстаған» такси жүргізушісі әкімшілік жауапқа тартылды. Оған «ұсақ бұзақылық жасады» және «жол жүру ережесін бұзды» деген айып тағылды.

Журналист әрі құқыққорғаушы жыныстық зорлық-зомбылыққа қалай тап болды?

Хоуп Лоудон – америкалық турист әрі әйелдер мен балаларға қарсы зорлық-зомбылыққа қарсы белсенді құқық қорғаушы. «НеМолчи» қорының жетекшісі Дина Смайылованың әлеуметтік желіде жазуынша, ол қазақ-өзбек шекара бекетінен Қазақстан жағына өткенде қиындықтарға және жыныстық зорлық-зомбылыққа тап болған. Ол Ташкенттен Сарыағашқа пойызбен жеткен. Шымкентке жолға шығып, таксиге мінгеннен жүргізуші тарапынан қауіпті сезген.

«Не баратын жерім жоқ, не өзге такси...

Hermès International компаниясы басқарушы отбасының мүшесі – Николя Пёштің меншігінде құны 14 млрд еуроға бағаланған акциялар жоқ екеніне сенімді. Bloomberg басылымының жазуынша, бұл туралы компанияның басқарма төрағасы Аксель Дюма мәлімдеген. Дюма бұл акциялар үлесін қайтару мүмкін емес деп тұжырымдайды.

«Мен Пёштің акциялары жоқ екеніне бұрыннан сенімдімін. Сол себепті біз сотқа жүгіндік», – деді Дюма сәрсенбі күні табыс туралы есеп беру кезінде.

Hermès акцияларына қатысты дау бірнеше жылдан бері жалғасып келеді. 2010-жылдары LVMH тобының басшысы Бернар Арно Hermès акцияларын жасырын сатып алғаны анықталған. Кейін Hermès отбасы мүшелері бірігіп, оның ықпалынан құтылған.

Пёштің акцияларына қатысты нақты...

Танымал әнші әрі қазіргі уақытта дін жолында жүрген Рүстем Жүгінісов Ақтөбедегі мешітте болған даулы жағдайға қатысты өз пікірін білдірді. Мирас Жүгінісовтің ағасы соңғы кездері өнер сахнасынан гөрі мешіттерде азан айтып, әлеуметтік желіде дін тақырыбында жиі көзге түсіп жүр.

Еске сала кетейік, Ақтөбедегі «Нұр Ғасыр» мешітінде орамал таққан бойжеткенге белгісіз ер адам интимдік ұсыныс айтып, «бір реттік неке» жасайық деп тиіскен болатын. Бұл жайт қоғамда қызу талқыланып, үлкен наразылық тудырды.

Осыған байланысты пікір білдірген Рүстем Жүгінісов:

«Бір реттік немесе екі күндік неке деген дінде жоқ. Бұл – өтірік нәрсе. Адамдарды шатастырмау керек», – деп нақты айтты.

Павлодардағы көпқабатты үйлердің бірінің 5-қабатынан әйел адам алдымен екі баласын лақтырып, кейін өзі секіріп кеткен. Үшеуі де кіреберістің шатырына құлаған.

Облыстық денсаулық сақтау басқармасы келіншек пен балалар ауруханаға жеткізілгенін, бір жастан асқан кіші бала жансақтау бөліміне клиникалық өлім жағдайында түскенін хабарлады.

Облыстық полиция департаменті аталған жайтқа қатысты кісі өлтіру мен суицидке оқталу фактілері бойынша қылмыстық істер қозғағанын хабарлады.

Алдын ала мәліметтер бойынша, 35 жастағы әйел мамандандырылған медициналық мекемеде есепте тұрады.

Қазіргі уақытта келіншектің де, екі баласының да жағдайы ауыр.

Бұған дейін, Астанада бір күнде төрт бала абайсызда терезеден құлап кеткен.

2025 жылдың күзінен бастап Қазақстанда кепілсіз тұтынушылық несие беру ережелері өзгереді. Бұл шаралар азаматтарды алаяқтықтан қорғау және несие алудағы қауіпсіздікті арттыру үшін енгізілген. Қаржы нарығын реттеу және дамыту агенттігі күзде қандай өзгерістер өз күшіне енетінін талдап өтті.

Несие аларда банк бөлімшесіне келу міндетті

Кепілсіз тұтынушылық несиені алғаш рет рәсімдейтін азамат енді банкке немесе микроқаржылық ұйымның кеңсесіне өзі келу керек. Бұл адамның жеке басын көзбе-көз растау үшін қажет.

Жас шектеуі енгізіледі

Жасы 21-ге толмаған немесе 55 жастан асқан азаматтарға онлайн несие беру тек олардың арнайы келісімімен жүзеге асады.

Мұндай келісімді олар eGov.kz...

Сәрсенбі, 30 шілдеде Қазақстан қор биржасында (KASE) 1 доллардың ресми бағамы 546,36 теңге болды. Ұлттық банк (ҰБ) саудаға араласып, миллиардтаған қаражат жұмсаса да, төл валюта 4 теңгеге құнсызданды.

Естеріңізге сала кетейік, сәрсенбіде доллар бағамы 550 теңгеден асып жығылған. Екінші деңгейлі банктер мен ақша айырбастау мекемелері көк қағазды одан да қымбатқа сатты. KASE-нің өзінде таңертеңгі сауда барысында ресми бағам 550 теңгеге жетті.

Содан кейін ғана Ұлттық банк қор биржасындағы саудаға араласты. Бір тәуліктің ішінде KASE-де валюта саудасына шамамен 230 млрд теңге, яғни 420 млн доллар жұмсалды.

ҰБ интервенция жасауға мәжбүр болғанын мойындаса да, теңгенің құнын ұстап қалу үшін...

Маусым айында Қазақстанда жеңіл автокөліктердің бағасы өткен жылдың сәйкес кезеңімен салыстырғанда 11,6%-ға өсті. Бұл Еуразиялық экономикалық одақ (ЕАЭО) елдері арасындағы ең жоғары көрсеткіш болып отыр. Одақ бойынша орташа өсім 2,2% болса, Қазақстандағы өсім одан бес есе жоғары.

Еуразиялық экономикалық  комиссиясының соңғы деректеріне сәйкес, Армения мен Беларусьта автокөліктер арзандаған.  Қырғызстанда баға өсімі 0,2% құраса,  Ресейде  1,4%. Бұл қазақстандық авторынықта инфляцияның қаншалықты қарқынды екенін көрсетеді.

2025 жылдың алғашқы жартыжылдығын өткен жылдың осы кезеңмен салыстырғанда, жеңіл көліктер бағасының өсімі тек Қазақстанда (+9,3%) және Ресейде (+2,8%) байқалған. Одақтың қалған елдерінде баға тұрақты немесе төмендеген.

Ұлттық статистика бюросының мәліметінше, бағаның өсуіне ең үлкен үлест...

Белгілі әнші, композитор әрі актриса Musicola тобының мүшесі Карина Абдуллинаның көпшіліктің жүрегінен орын алған туындыларының бірі — «Сен мұңыңды бер маған» әні. Бұл ән алғаш рет тыңдарманға ұсынылған сәттен бастап, шынайы эмоциясымен, лирикалық мазмұнымен және терең мағынасымен ерекшеленді. Әннің сөзі – қазақ поэзиясының көрнекті өкілі Шөмішбай Сариевке тиесілі, ал әуенін Каринаның өзі жазған.

Бұл ән Мейрамбек Беспаевқа арналды ма?

Ел арасында бұл ән белгілі әнші Мейрамбек Беспаевқа арналған деген әңгіме бар. Тіпті әннің бір жерінде Каринаның даусы «мейрам, мейрам» деп сыбырлағандай естіледі. Алайда бұл туралы әншінің өзі нақты мәлімдеме жасаған жоқ. Дегенмен, Карина мен Мейрамбектің өнер жолындағы ара-қатынасы...

Биыл 113 мыңға жуық талапкер бакалавриаттың білім гранттарын тағайындау конкурсына қатысуға өтініш берген. Олардың арасында аудармашы, мұғалім сияқты мамандықтарға бәсеке жоғары болғалы тұр.

Ғылым және жоғары білім министрлігінің мәліметінше, биыл 77 мыңнан астам грант бөлініп отыр. Гранттардың басым бөлігі инженерлік және техникалық бағыттарға бөлінген. «Педагогикалық ғылымдар» және «Әлеуметтік ғылымдар, журналистика және ақпарат» бағыттары бойынша 150 сараланған грант бөлінген. Сондай-ақ «Серпін» бағдарламасы арқылы түсушілерге 2 412 грант бөлінген. Гранттар тізімінде Атырау және Маңғыстау облысы түлектеріне арналған 2 500 мақсатты білім беру гранты бар.

Министрлік соңғы бірнеше жыл бойы ең сұранысқа ие білім беру бағыттары бойынша талапкерлердің таңдауы өзгеріссіз қалып отырғанын айтады.

Марат Жыланбаевтың қылмыстық-атқару жүйесі мекемесіндегі жағдайы белгілі болды. Адам құқықтары жөніндегі уәкіл жанындағы үйлестіру кеңесінің хатшысы Раиса Шер әлеуметтік желідегі ақпараттан кейін колонияға барғанын жазды.

Айта кетейік, бұған дейін құқық қорғаушылар Марат Жыланбаевтың денсаулығы күрт нашарлағанын жазған еді.

«Жыланбаев мерзімсіз аштық жариялады! Егер Маратқа бірдеңе болса, оның өліміне омбудсмен жауапты болады», – деп жазды Бақытжан Төреғожина.

Ал Раиса Шердің жазуынша, ол Ақмола облысы денсаулық сақтау басқармасы мен санитарлық-эпидемиологиялық бақылау департаментінің мамандарының, Адам құқықтары жөніндегі ұлттық орталық өкілдерімен бірге №4 мекемеде болған. Сол жерде Степногорск қаласында отырған Жыланбаевпен кездескен.

«Жыланбаевпен кездесуде оның денсаулығына алаңдаушылық туындағаны...

30 шілдеде Қазақстан қор биржасында доллар бағамы 550 теңгеге жетті. «Психологиялық межеден» асқан валюта бағамы содан кейін қайта түсе бастады. Түстен кейін «валюта нарығындағы өтімділіктің өте төмен болуы және алыпсатарлық қысымның күшею белгілеріне байланысты» Ұлттық Банк валюталық интервенция жүргізуге кіріскенін хабарлады.

Бұл ретте бас банк негізгі экономикалық жағдайлар қолайлы болып тұрғанын атап өткен. Мәселен, мұнайдың әлемдік бағасы бір баррель үшін 70 АҚШ долларынан тұрақты түрде асып тұр, АҚШ долларының жаһандық әлсіреу үрдісі сақталған. Осыған байланысты теңгенің қазіргі құнсыздануы іргелі факторларды көрсетпейді және ұлттық валютаның жеткіліксіз бағаланғанын білдіреді.

«Ұлттық Банк биржалық және биржадан тыс валюта...

30 шілдеде ұлттық валютаның долларға шаққандағы бағамы 550 теңгеден асып барып, қайта төмендеді. Бұл күні Қазақстан қор биржасында (KASE) шамамен 200 млрд теңгеге валюта саудасы жасалды. Соған қарағанда, оған Ұлттық банк (ҰБ) араласқан болуы мүмкін.

Сәрсенбі күні түске қарай Қазақстанның екінші деңгейлі банктері мен ақша айырбастау мекемелерінде 1 АҚШ долларының құны 550 теңгеден асып жығылды. Кей пункттер тіпті долларды 552 теңгеден сатты. KASE-нің өзінде көк ақша 550 теңгеден саудаланды.

Түскі сағат 13.00 шамасында валюта биржасында шамамен 160 млн долларға сауда жасалған. Алайда сағат 13.40 шамасында KASE-дегі ақша операциясы бірден 300 млн доллардан асып түсті. Содан-ақ іске ірі ойыншы...

Қытай көлігі – Changan айналары күннің ыстығынан еріп кеткені туралы бейнежазба пайда болды. Онда ресейлік әйел көлік сапасына шағым айтады.

«Краснодарда ми қайнатар ыстық болып тұр. Қытай көлігінің пластиктен жасалған бөліктері еріп барады. Changan көлігі. Бұл сұмдық», – дейді көлік иесі.

Бейнежазбада көліктің айнасының, спойлерінің, желқағарларының пластик бөліктері балқып кеткені көрінеді. Айнадағы пластиктер еріп, шүңірейіп қалған. Осылайша, ресейлік жүргізуші Қытай көлігі Changan ыстыққа төзімді емес екенін көрсетіп отыр.

«Желқағары мата секілді. Қытай пластиктері керемет екен. Алу керек», – деп кекетіп сөйлейді көлік жүргізушісі.  

Ресейдің Краснодар өлкесінде +41°C-ге дейін күн ысыған. Авторға сенсек, Changan көліг...

15 қыркүйектен бастап Қазақстанда ПИК, МИБ және құрылыс компанияларына қатысты жаңа айыппұлдар қолданылатын болады. Енді құжаттарды беруден бас тарту, есеп-қисапты тапсырмау немесе кешіктіру сияқты әрекеттер үшін айыппұлдар тұрғындардың ақшасынан емес, жауапты тұлғалардың өз қалтасынан төленетін болады. Бұл туралы Kursiv.media Krisha.kz-ке сілтеме жасап хабарлайды.

Заң алдында жауап беруге тура келеді

2020 жылы тұрғын үй-коммуналдық шаруашылығын реформалағаннан кейін, тұрғындарды алаңдатқан мәселе туындады. Нақты айтсақ, бұрынғы ПИК (КСК) құжаттарды бермеді, жаңа басқарушылар болса шот ашпады, ал кейбір құрылысшылар құжаттарды тапсыру мерзімін созбалаңға салып жүріп алды. Мұндай жағдайлар тұрғындардың өз үйін басқаруына және қаржыны бақылауда ұстауға айтарлықтай кедергі келтірді. Кейбір жағдайларда тұрғындар...

«Жалтырбұлақ» компаниясының қарапайым акциялары KASE-нің ресми тізімінен шықты. Ол алтын өндірумен айналысады. Бұл шешім эмитенттің өз бастамасымен қабылданған.

«Жалтырбұлақтың» қарапайым акциялары Қазақстан қор биржасының тізіміне 2021 жылы енгізіліп, сол жылдан сауда-саттығы басталған. Енді қарапайым акциялары KASE-де саудаланбайды.

Компания Алматы қаласының бұрынғы әкімі Ерболат Досаевтың жұбайы Гүлнар Досаева, Оңтүстік Қазақстан облысы әкімінің бұрынғы орынбасары Бауыржан Жамалов, сондай-ақ кәсіпкерлер Берік Каниев пен Юрий Пакке тиесілі.

2025 жылдың басынан бері Қазақстан қор биржасынан (KASE) осымен жетінші компания делистинг жасады.

Сарапшылардың айтуынша, мұндай үрдіске 2024 жылы бекітілген сауда көлеміне байланысты жаңа лимит себеп болуы мүмкін. Бұл лимитке қол жеткізген компаниялар...

Павлодарда бүйрегін сатпақ болған бір шетел азаматы ұсталды. Бұл туралы Ішкі істер министрлігінің сайты хабарлайды.

Полицияның мәліметінше, шілде айының ортасында көрші мемлекет азаматының бүйрегін сататыны туралы жедел ақпарат түсті. Шетелде тұратын әйел сол үшін Павлодар қаласына келіп, баға мен шарттарды талқылап, сатуға келісім берген.

«ҰҚҚКБ қызметкерлері күдіктіні келісілген ақшаның бір бөлігін алу кезінде ұстады. Аталған факт бойынша қылмыстық іс қозғалды. Күдікті қамауға алынды. Қажетті тергеу әрекеттері жүргізіліп жатыр», – деді Павлодар облысы ПД бастығының бірінші орынбасары Болат Нұрсейітов.

Қазақстанда заңсыз трансплантациялауға, сонымен бірге адам ағзасының, мүшелерінің, тіндерінің және тіндерінің бөліктерін сату, сатып алуға тыйым...

Алматы қаласының Қоғамдық кеңістіктерді дамыту басқармасы Пушкин көшесінің бойында жаяу жүргіншілерге арналған жаңа аллея салу жобасының басталғанын хабарлады. Жоба аясында Райымбек батыр даңғылынан бастап Гоголь көшесіне дейінгі аралықтағы аумақ қайта жаңғыртылады.

Осыған байланысты 2025 жылғы 31 шілдеден бастап Пушкин көшесінің Райымбек батыр даңғылынан бастап Макатаев көшесіне дейінгі шығыс жағындағы көлік қозғалысы уақытша тоқтатылады. Бұл шаралар құрылыс-монтаж жұмыстарының жүргізілуіне байланысты қабылданып отыр.

Жобаның толық аяқталғаннан кейін, аталған аумақ толығымен жаяу жүргіншілерге арналған аймаққа айналады және көліктер үшін тұрақты түрде жабық болады.

Құрылыс кезеңінде көлік қозғалысы Пушкин көшeсінің батыс жағымен оңтүстік бағытта біржақты қозғалыс тәртібімен ұйымдастырылады.

Аталған шектеулер Алматы қаласы Полиция...

2025 жылдың шілде айында отандық тауар өндірушілерді қолдауға бағытталған заң жобасына Үкіметтің толықтай дерлік теріс қорытынды берген. Салалық одақтар альянсының хабарлауынша, бұл жоба азық-түлік қауіпсіздігі мен экономикалық егемендікті нығайтуға арналған. Алайда, үкіметтенсалалық одақтар мен депутаттар күткен оң реакция болмады.

Импорт үстемдік еткен нарық

Заң жобасын ҚР Парламентаризм институты әзірлеп, Парламент депутаттары мен азық-түлік секторының салалық одақтарының қатысуымен Үкіметке ұсынған. Мақсат – супермаркет пен базар сөрелеріндегі қазақстандық өнім үлесін арттыру, отандық өндірісті қорғау. Бірақ бүгінгі таңда импорт өнімдерін сатудан көбірек пайда көретін жергілікті сауда желілері шетелдік тауарларға, әсіресе Ресей мен Беларусь өнімдеріне басымдық береді.

Үкіметтің теріс ұстанымы

Инвестициялық Verny Capital қорының меншігіндегі нысандар тізімінен Вена қаласындағы Ritz-Carlton қонақүйі алынып тасталды. Қор бұл активтің сатылғаны жөнінде ресми сайтында ешқандай мәлімдеме жасамаған. Алайда мәміле туралы ақпарат шетелдік БАҚ-та жарияланды. Олардың мәліметінше, бес жұлдызды люкс-қонақүйді әлемдегі ең биік ғимарат – Бурдж-Халифаны салған компанияның негізін қалаушы, миллиардер Мохамед Алаббар сатып алған.

2012 жылдың қаңтарында қазақстандық БАҚ «Верный Капитал» компаниясының иесі Болат Өтемұратов Аустрия астанасындағы Ritz-Carlton қонақүйін сатып алғанын хабарлаған. Содан бері актив Forbes Kazakhstan жариялайтын ең бай бизнесмендер рейтингісіндегі Өтемұратовтың профилінде тұрақты көрсетіліп келді.

2025 жылдың мамырында жарияланған байлар тізімінің ең соңғы нұсқасында Веналық Ritz-Carlton Өтемұратовтың иелігінде деп көрсетілген. Алайда интернет-архивке жүгінсек, 2025 жылдың ақпан айында Verny Capital-дың ресми...