Жаңалықтар

Президент Қасым-Жомарт Тоқаев Иордания королі ІІ Абдалла бен әл-Хусейнмен шағын құрамда келіссөз жүргізген. Бұл туралы Ақорда хабарлады.

Келіссөз барысы

Кездесу барысында президент Астана шақыруын қабыл алғаны үшін Иордания короліне алғысын жеткізіп, бұл сапардың екі елдің өзара ынтымақтастықты дамытуына жол ашатынын айтқан.

«Бұл Сіздің елімізге алғашқы келуіңіз емес. Қазақстанның қазіргі өркендеу жолына жіті көңіл бөліп отырасыз. Екіжақты күн тәртібінде жүзеге асырылуға тиіс бірқатар мәселе бар. Кеше екі ел арасындағы қарым-қатынастарға, сондай-ақ халықаралық күн тәртібіне қатысты мазмұнды әңгіме өрбіттік. Сіздің жаһандағы жағдайды жетік түсінетініңізге өте ризамын. Бүгін де пікір алмасуды жалғастыруға...

Lego-ның 2025 жылдың алғашқы жартысындағы түсімі 5,4 млрд доллар болды. Дат компаниясы Азия нарығындағы үлесін екі есеге арттырды. Себебі мұнда бала көп. Бұл туралы Kursiv.Media Bloomberg мәліметіне сүйене отырып хабарлайды.

Агенттік дерегінше, сәрсенбі күні жарты жылдың есебін жариялаған Lego бәсекелестерінің бәрін артта қалдырды. Компанияның былтыр қаңтар-маусым айларындағы түсімі 4,8 млрд доллар болса, биыл 5,4 млрд долларға жеткен. Сауда 13%-ға артқан.

Lego үшін Азия нарығы аса маңызды.

«Азияда бала көп. Өмір сүру деңгейі де артып келеді. Мұндай жағдай легоны одан сайын тартымды етеді», – дейді дат компаниясының бас директоры Нильс Б. Кристиансен.

Соған байланысты...

Алматыда автокөлік ішінен ер адамның мәйіті табылды. Ақпаратты қаланың полиция департаменті растады.

«Түрксіб ауданында автокөліктен ер адамның мәйіті табылғаны туралы ақпарат әлеуметтік желілерде тарап жатыр. Қайтыс болған адамның жеке басы анықталды. Қинап өлтіру белгілері анықталған жоқ», – деп хабарлады полиция.

Ер адамның неден қайтыс болғанын анықтау үшін тиісті сараптамалар тағайындалды. Істі Түрксіб аудандық полиция басқармасы қарап жатыр.

Осы жылдың бірінші жартыжылдығында бөлшек несие нарығында баяулау байқалды. Бұған реттеушінің талаптары, ақша-несие саясатының қатаңдауы, халық табысының төмендеуі (2025 жылдың алты айында – 2,6%) әсер етіп, несие көлемін де, сұраныс сапасын да төмендетті деп жазады қаржыгерлер қауымдастығы.

2024 жылдың алты айындағы кезеңмен салыстырғанда жаңа несие беру көлемі екі есе азайды. Осы жылдың қаңтар-маусым аралығында жаңадан берілген несиелер көлемі 14,4%-ға көбейсе, бір жыл бұрынғы дәл осы кезеңде көрсеткіш 28,8% еді.

Ұзақ уақыттан бері негізгі қозғалтқыш деп саналған кепілсіз борыш сегменті 16%-ға төмендеді. Ал автонесиелеу (+54%), кепілге берілген несие (+23%) және ипотека (+14%) саласында сұраныс ұлғайды. Бұған серіктес бағдарламалары...

27 тамызда АҚШ-тың Үндістанға баж салығын 50%-ға дейін көтеретін заңы күшіне енді. Вашингтон Нью-Делиге Ресейден мұнай сатып алғаны үшін экономикалық шектеу енгізіп отыр. Бұл туралы Kursiv.Media Reuters мәліметіне сүйене отырып хабарлайды.

Құрама Штаттардың Үндістанға баж салығы бұған дейін 25% болса, президент Дональд Трамп оны екі есе көтерді. Бұған дейін Ақ үй дәл осындай көлемдегі сауда салығын Қытай мен Бразилияға салған.

Reuters мәліметінше, баж салығы мыңдаған шағын тауар экспортаушыға кері әсер етеді. Соның салдарынан жұмыс орны қысқарады. Дегенмен жергілікті билік жаңа салық саясатынан зардап шеккендерге қаржылай көмек беруді көздеп отыр. Олар енді Құрама Штаттарға емес, Қытай, Латын Америкасы мен...

Шымкент қаласы әкімінің орынбасары Руслан Берденовке оқ атқаны үшін Ернар Жиембайдың әйелі бұл қылмыстық іске қатысы бар-жоғы туралы сұраққа жауап беруден бас тартты.

Instagram әлеуметтік желісінде Луиза Алданова қазір депрессияда жүргенін, әлеуметтік желідегі парақшасын жабу немесе оны жеке (приватный) аккаунтқа айналдыру туралы ойлап жүргенін жазды. Сондай-ақ ол оқырмандардың бірі қойған «Бәрі сізден шындықты және күйеуіңіздің сөзін растағаныңызды естігісі келеді» деген пікірге жауап берді.

«Ешкімге ешқандай жауап бермеймін, бұл жағдайға қатысты пікір білдірмеймін», – деп жазды ол.

Айта кетейік, 21 сәуірде Шымкент қаласы әкімдігі ғимаратының жанында атыс болып, қала әкімінің орынбасары Руслан Берденов жарақат алған. Сол күн...

Мемлекеттік қызметкерлерді ұлттық әлеуметтік желілерді пайдалануға міндеттеуі мүмкін. Бұл құжаттар жібергенде қауіпсіздік үшін қажет деп есептейді цифрлық даму министрі Жаслан Мәдиев.

Министрдің сөзінше, шетелдік мессенджерлерге толығымен тыйым салу деген мәселе жоқ.

«Бүгінде мемлекеттік қызметшілер шамадан тыс пайдаланатын бірқатар платформалар мен мессенджерлер бар. Біз барлық мессенджерді тыйып тастау керек деп отырған жоқпыз. Айтпағымыз – мемлекеттік қызмет аясында қолданылатын қызметтік ақпарат туралы. Біз мемлекеттік қызметші құжаттарды, қызметтік ақпаратты жібергенде немесе қызметтік мәселелерді талқылағанда оны қызметтік мақсатта ұлттық мессенджер арқылы пайдалансын дегенге келеміз», – деді ол журналистердің сұрағына.

Бұған дейін цифрлық даму министрлігі Мемлекеттік қызметкерлерге WhatsApp...

Қазақстан Иорданиядағы уран кен орнын игермекші. Бұл туралы Қазақстан-Иордания бизнес форумында «Самұрық-Қазына» қорының төрағасы Нұрлан Жақыпов мәлімдеді.

Жақыповтың айтуынша, өтіп жатқан форум аясында Қазақстан мен Иордания бірлескен ынтымақтастық туралы келісімге қол қояды. Атап айтқанда, «Қазатомөнеркәсіп» пен иорданиялық JUMСO ұлттық компаниялары бірлесіп ортақ кәсіпорын құрады.

«Қазақстан Иордания аумағында уран кен орнын игерумен айналысады. Егер бұл жұмыстар оң нәтиже берсе, ортақ кәсіпорын құрылады. Оның 70% үлесі – «Қазатомөнеркәсіпке», 30%-ы – Иорданияның ұлттық компаниясына тиесілі болады», – деді қор төрағасы.

Айта кетсек, кеше 26 тамыз күні Иордания Королі II Абдалла бен әл-Хусейн келген болатын. Иордания...

«Алматы мейрамханаларында жылқы етінен дайындалған стейк тартылады. Бірақ ол Орталық стадионда жеген тезектен әлдеқайда дәмді». Шотландиялық беделді бір басылымның «Қайрат» пен «Селтик» арасындағы матч туралы мақаласы осылай басталады.

«Қайраттан» таяқ жеді

Daily Record шотландиялық басылымы жанкүйерлер үшін «Селтиктің» Чемпиондар лигасындағы жеңілісін көру тезек жегеннен де ауыр деп сипаттады:

«Алыс жерге артынып барған «Хупс» жанкүйерлеріне команданың Чемпиондар лигасынан бірден ұшып кеткенін көргеннен гөрі, соны [тезекті] жұта салған жеңілірек».

Соған қарағанда, Қазақстанға сапарлаған DR авторына қазы дәмі мен «Қайрат» ойыны қатты әсер еткенге ұқсайды. Daily Record мақаласы гастроном эпитеттер мен драмаға толы.

Алматылық «Қайрат» алғаш рет Чемпиондар лигасының топтық кезеңіне шықты. Бұл тарихи сәттің басты қаһарманы жас қақпашы Темірлан Анарбеков атанды.

26 тамыз күні Алматыда өткен плей-офф кезеңінің жауапты ойыны тең нәтижемен аяқталды. Негізгі және қосымша уақытта есеп ашылмай, екі матчтың қорытындысы 0:0 болып тіркелді. Барлық мәселені пенальти сериясы шешті. Дәл осы жерде 21 жастағы қазақстандық қақпашы жанкүйерлердің жүрегін жаулап, ел футболының жаңа жұлдызына айналды. Анарбеков «Селтик» ойыншылары Адам Айда, Люк Макковен және Дайдзен Маэда соққан үш бірдей пенальтиді қайтара отырып, «Қайратты» Чемпиондар лигасының топтық кезеңіне шығарды.

Темірлан Анарбеков кім?

Темірлан Анарбеков 2003 жылдың 14 қазанында Атырауда дүниеге келген. «Қайрат...

Осы жылы 15 қыркүйектен бастап Aitu, eGov, eGov Business, eOtinish сияқты мемлекеттік сервистерді пайдалану үшін нөлдік тариф енгізіледі. Яғни ол қосымшаларға кіріп, қызметін пайдаланғанда мобильді интернет трафигі есептелмейді. Премьер-министр Олжас Бектенов төрағалығымен өткен Цифрлық штабта осындай шешім қабылданды.

«Aitu, eGov, eGov Business, eOtinish қызметтері мен ақпараттық жүйелері үшін нөлдік тарифтеуді пайдалану азаматтардың мобилді шотындағы баланс нөл немесе теріс болған жағдайда мемлекеттік ресурстарға кепілдік беретін қолжетімділікті қамтамасыз етеді. Мұндай қадам Халыққа қызмет көрсету орталықтарына түсетін жүктемені айтарлықтай азайтуға мүмкіндік береді және digital by default форматына көшудің маңызды кезеңіне айналады», – деп жазылған үкімет хабарламасында.

2025 жылдың соңына дейін Алматы облысында 1,3 трлн теңгенің 35 жобасы іске қосылады. Бұл туралы Алматы облысы әкімдігінің баспасөз қызметі хабарлады.

«2025 жылдың соңына дейін Алматы облысында жалпы құны 1,3 трлн теңгені құрайтын 35 жаңа жоба іске қосылады», – делінген әкімдік хабарламасында.

Бұл жобалардың ішінде мынадай ірі компаниялардың кәсіпорындары бар:

Бұдан бөлек 2025 жылдың басында 80 млрд теңге көлемінде инвестиция құйылған кореялы...

Алматыдағы Әбілхан Қастеев атындағы ұлттық өнер музейі жөндеуге жабылады. Бұл туралы музейдің баспасөз қызметі хабарлады.

«Қажетті жөндеу жұмыстарының жалғасуына байланысты Әбілхан Қастеев атындағы ұлттық өнер музейі желтоқсанға дейін уақытша жабық болады», – делінген ақпаратта.

Бұл шара сіздерге көрсетілетін қызмет сапасын арттырып, музей кеңістігін барынша қолайлы ету мақсатында жүзеге асырылып жатыр.

ШҚО Алтай қаласының әкімдігі қатты тұрмыстық қалдықтар полигонындағы өртті сөндіруге қосымша техника тартылғанын хабарлады.

Полигондағы өрт 24 тамызда басталған. Полигонының солтүстік бөлігінде ауданы 150 м² болатын 2000 жылдарға дейін жиналған тұрмыстық қалдықтар тұтанған. Өрт ошағы 25 тамызда оқшауланған.

Өрт ошағы 10 метр тереңдікте орналасқандықтан, сумен өшіру нәтиже бермеген. Енді өрт сөндірушілер ошаққа оттегінің жетуін оқшаулау үшін күл қалдықтарымен көміп жатыр.

Өртті сөндіру жұмыстары тәулік бойы жүргізіліп жатқаны, кеше, бүгін қосымша техника жұмылдырылғаны хабарланды.

Алтай қаласының әкімдігі жағдай бақылауда екеніне сендіреді.

Бұған дейін, Алматыда Сайран маңында жер үй түгі қалмай өртеніп кеткенін хабарлағанбыз.

Степногорск қаласындағы жылу электр станциясында (ЖЭС) монтаждау жұмысы кезінде бір адам қайтыс болды. Тағы үшеуі жарақат алды деп хабарлайды Ақмола облысы полиция департаментінен.

Полиция қылмыстық іс қозғады.

«Қазіргі уақытта тергеу органдары оқиғаның барлық мән-жайын және қайғылы жағдайға әкелген себептерді анықтауға бағытталған тергеу жүргізіп жатыр. Тексеру қорытындысы бойынша лауазымды тұлғалардың әрекеттеріне құқықтық баға беріліп, түпкілікті процессуалдық шешім қабылданады», – деп жазылған ПД хабарламасында.

Осы жылы маусымда Петропавлда «Средазэнергомонтаж Петропавловск»  компаниясының жұмысшысы жарақат алып, ауруханаға түскен еді. 40 жастағы азамат жылу электр станциясында 6 метр биіктіктен құлап кетті. Компанияның бас директоры Максим Бублейник зардап шеккен қызметкерге...

Маңғыстау облысында полицияның бес қызметкері «қызмет өкілеттілігін асыра пайдаланғаны үшін» сотталды. Олардың үшеуі бес жылға бас бостандығынан айрылса, екеуі 2,5 жыл шартты жаза алды. Бұл туралы Kursiv.Media ақтаулық Lada.kz басылымының мәліметіне сүйене отырып хабарлайды.

Маңғыстауда полицияның бес қызметкеріне сот үкімі шыққаны туралы сюжет жергілікті Lada басылымының Youtube-арнасында жарияланды.

Басылым мәліметінше, сотқа дейін жеткен шулы оқиға 2024 жылғы 22 наурызда басталған. Сол күні полиция қызметкерлері бір ер азаматты «ұрлық жасады» деген күдікпен ұстаған. Өңірдегі өндіріс базаларының біріне орнатылған камера күдіктінің көлігін видеоға түсіріп алған.

Тінту барысында көліктен ұрланған генераторлар табылған. Алайда күдікті тағылған айыпты мойындамаған. Ол техниканы алуға бір...

Қазақстан жыл басынан бері 12,6 млн литр сыра сатқан. Бұл туралы Бірінші кредиттік бюро хабарлады.

«Қазақстаннан сыра экспорты көпжылдық максимумға жетті. 2025 жылдың бірінші жартыжылдығында 12,6 миллион литр сусын шетелге сатылды, бұл бір жыл бұрынғы айлармен салыстырғанда бірден үш есе көп», – делінген бюро хабарламасында.

Бюро мәліметінше, бұл соңғы он жыл ішіндегі ең үлкен көрсеткіш. Әсіресе, Ресей, Беларусь, Қырғызстан елдеріне экспорт көлемі артқан. Оның ішінде ең көп сыр сатып алған ел Ресей екен. Бұл елге жеткізілген сусын көлемі осы жылы 24%-ға өсіп, 7,5 млн литрді құраған. Бұл – Қазақстанның Ресейден басқа шет...

Ілияс Храпунов Нью-Йорктегі федералдық сотта кінәлі деп танылды. Бұл туралы Қазақстанның әділет министрлігі хабарлады.

Айта кетейік, Ілияс Храпунов – Алматының бұрынғы әкімі Виктор Храпуновтың ұлы.

«2025 жылдың 6 тамызында АҚШ-тың Нью-Йорк Оңтүстік округі бойынша округтік соты дәлелдемелерді зерттеу арқылы өткен тыңдау қорытындысында талапкерлер – Алматы қаласы мен «БТА Банк» АҚ пайдасына шешім шығарып, Ілияс Храпуновты сотты құрметтемегені үшін кінәлі деп таныды.

Бұған дейін қабылданған $221,285.31 төлеу жөніндегі міндеттемеге қоса, федералдық судья Храпуновтың өз активтері туралы тұрақты түрде есеп беруді міндеттеген соттың нақты әрі айқын бұйрығын орындамағанын анықтады», – делінген ақпаратта.

Оған активтері бойынша есеп беру...

Оқу жылы басталғанша кей мектепке қоқысты бөлек жинайтын мың экобокс орнатылады. Бұл туралы экология және табиғи ресурстар министрі Ерлан Нысанбаев айтты.

Министр президенттің 2024 жылғы Қазақстан халқына жолдауында берілген тапсырмалардың қалай орындалғаны жөнінде ақпарат берген.

Сөзінше, қалаларда қайта өңделетін шикізатты қабылдайтын экобокстар мен фандоматтар енгізіліп жатыр. Оған пластик пен алюминий тапсырған азаматтарға бонус беріледі.

«Қазірдің өзінде жекеменшік бизнес иелері Астана, Алматы, Ақтөбе және Өскемен сияқты ірі қалаларда 100-ден астам фандомат орнатты.

Бұдан бөлек тамыздың соңына дейін пилоттық жоба аясында Астана мен Жезқазғанның 129 мектебінде қоқысты бөлек-бөлек жинауға арналған 1000-нан астам экобокс орнатылады», – дед...

30 жыл ішінде Азия даму банкі (АДБ) Қазақстандағы энергетика, цифрлық даму, тұрғын үй инфрақұрылымы жобаларына 7,5 млрд доллардан аса қаржы салды. Бұл жайлы АДБ-нің Қазақстандағы өкілдігінің директоры Кумар Утсав пен Серік Жұманғарин кездесуінде айтылды.

Инвестиция құйған жобалар ішінде «Ақтөбе – Қандыағаш» автожолын қайта жаңарту, «Қызылорда – Павлодар – Үспен – РФ шекарасы» трассасының «Қызылорда – Жезқазған» учаскесі бар.

Алдағы жылдары екі тарап «Сарыағаш қаласын айналып өтетін автожол құрылысы», «Инклюзивті және жасыл тұрғын үй қаржыландыруға жәрдемдесу» жобасын бірлесіп атқармақ. Фискалдық басқару бағдарламасы мен қаржы секторының реформасын да қатар жүзег асыру жоспарланған.

Кездесуде Қарағанды, Ақтөбе және Семей қалаларында университеттік...

27 тамызда түнгі сағат 01:33 шамасында Каспий теңізі аумағында магнитудасы 5,5 балдық жер сілкінісі болды. Жерасты дүмпуін Ақтау қаласының тұрғындары да сезді.

Сәрсенбіге қараған түні Каспий теңізі аумағында қуаты 5,5 балдық жер сілкінісі болды. Жерасты дүмпуін Еуропа жерорта теңізі сейсмологиялық орталығы (EMSC) тіркеді.

Дүмпу ошағы Дербент (Ресей) қаласының солтүстік-батысында 41 км жерде, 12 км тереңдікте орналасқан.

Жер сілкінісін Дағыстан, Баку, сонымен бірге Ақтау қаласының тұрғындары да сезді.

Қазақстан сейсмология ұлттық ғылыми орталығы да жер сілкінісі болғанын хабарлады. Кәсіпорынның сейсмикалық станциялары тіркеген мәлімет бойынша, жерасты дүмпуі Ақтау қаласынан 209 км жерде орналасқан. Мекеме дүмпу магнитудасын 5,2 балл деп бағалады.

Алматылық «Қайрат» футбол клубы тарихта алғаш рет Чемпиондар лигасына жолдама алды. Квалификациялық кезеңде «Қайрат» алдымен Словенияның «Олимпиясын» (қос матчтың қорытындысы — 3:1), одан кейін Финляндияның КуПС клубын (3:2) және Словакияның «Слованын» (1:1, пенальти — 4:3) тізе бүктірді. Ал плей-офф кезеңінде алматылықтар Шотландияның атақты «Селтигін» жарыстан шығарды (0:0, пенальти — 3:2).

Осылайша, «Қайрат» өз тарихында алғаш рет Чемпиондар лигасының негізгі кезеңіне өтті. Бұл жетістік клубқа қомақты табыс әкелді: УЕФА тарапынан төленетін сыйақы 18,62 млн еуроны (шамамен 11,6 миллиард теңге) құрады.

Топтық кезеңдегі әрбір нәтижеге де сыйақы қарастырылған:

«Қазгидромет» елдің оңтүстігіндегі облыстарда 40 градусқа дейін ыстық болатынын, соған байланысты өрт шығу қаупі жоғарылағанын ескертті. Бұған қоса, республиканың кей өңірінде шаңды дауыл тұрады. Жел екпіні 23 м/с дейін күшейеді.

Түркістан, Қызылорда, Маңғыстау облыстарында және Шымкент қаласында өрт шығу қаупінің ең жоғары бесінші сыныбы жарияланды. Төтенше жағдайлар министрлігі азаматтарға далада от жақпауға, ашық алаңда темекі шекпеуге, шөпті қураған ағаштардың жанында өртемеуге кеңес берді.

Оңтүстік өңірлердегі ауа райы

27-28 тамызда Қызылорда облысында ауа температурасы күндіз +30+35°С-тан +32+37°С, облыстың оңтүстігінде +40°С қатты ыстыққа дейін көтеріледі. Өрт шығуы мүмкін. 27 тамызда күндіз облыстың оңтүстігінде, орталығында шаңды дауыл тұрады. Солтүстік-шығыстан, шығыстан жел соғады...

Әлеуметтік кодекске сәйкес, 5 және одан көп бала туған немесе асырап алған, оларды сегіз жасқа дейін тәрбиелеген әйелдер 53 жасқа толғанда жасына байланысты зейнетақы төлемдерін алуға құқылы.

Зейнетақы тағайындауда не ескеріледі

Еңбек және халықты әлеуметтік қорғау министрлігінің мәліметінше, жасы бойынша зейнетақы мөлшері еңбек өтіліне және зейнетке дейінгі кезеңдегі орташа айлық табысқа байланысты.

Зейнетақы төлемдерін тағайындау үшін еңбек өтілін есептеу кезінде төмендегідей жағдайлар ескеріледі: