Жаңалықтар

Қызылорда облысында «HRT» атауымен белгілі қаржы пирамиданың қызметін тоқтады. Бұл туралы Қаржы мониторинг агенттігінен хабарлайды.

Ұйымдастырушылар қаржы пирамидасын инвестицялық жоба ретінде ұсынған. Ол арқылы электросамокаттарды сатып алу және Еуропа елдерінде жалға беру арқылы пайда табуға болады деп сендірген.

 Ал жобаға қатысу үшін салымшылар арнайы «HRT» шотына криптовалюта аударуы тиіс болған. Негізгі шарттың бірі – кем дегенде екі жаңа салымшы тарту .

«200-ден астам азамат жобаға 50 АҚШ долларынан 35 мың АҚШ долларына дейінгі қаражаттарын салып, ай сайын 1 200 АҚШ долларына дейін сыйақы алып отырамыз деп үміттенген. Заңсыз алынған кірістің жалпы сомасы 28 млн теңгеден асты», – деп...

Ішкі істер министрлігі мен Цифрлық даму, инновациялар және аэроғарыш өнеркәсібі министрлігі бірлесіп жеке куәлікті онлайн ауыстыру бойынша пилоттық жобаны іске қосты.

Сервис eGov.kz порталы және Мgov мобильді қосымшасында қолжетімді.

Қызметті кім қолдана алады

Қызметті куәліктің жарамдылық мерзімі аяқталуына 30 күн қалған кезде пайдалануға болады.

Ол үшін не істеу керек

Онлайн-форматтағы қызмет төмендегідей сатылардан тұрады:

Бұл ыңғайлы әрі уақытты үнемдейтінтін қызмет ХҚКО-да кезекті азайтады деп күтіліп отыр.

Бұған дейін, Egov порталында әскери жоғары оқу орындарына түсу үшін онлайн түрде құжат тапсыруға болатын мүмкіндік...

Қазақстан экономикасы жақсы өсіп жатқанымен, алдағы уақытта оны тежейтін елеулі қауіптер бар. Бұл туралы Халықаралық валюта қорының (ХВҚ) мәлімдемесінде жазылған.

Қор мамандары елімізде инфляция үдеп жатқанын және ол 2025 жылы 10,5% деңгейінде қалуы мүмкін екенін ескертті. Бұл — Ұлттық банктің нысаналы көрсеткішінен әлдеқайда жоғары.

ХВҚ мамандары тежеуші ақша-несие саясатын жалғастыруды, яғни базалық мөлшерлемені жоғары ұстауды ұсынды. Себебі баға өсімі халықтың сатып алу қабілетін төмендетіп, экономиканың тұрақтылығына қауіп төндіреді.

Мұнай арзандаса – экспортқа соққы

Қазақстан экспорты мен бюджетінің негізгі табыс көзі — мұнай. ХВҚ сарапшылары егер мұнай бағасы төмендесе, бұл ел экономикасына қосымша қысым түсіретінін ескертеді.

Алматы қалалық перинаталдық орталығында дүниеге үшем келді! Көпбалалы ана бұған дейін екі мәрте егіз босанған. Қыз балалардың ата-анасы Эльмира Рысманова мен Нұрмахан Әлібаев. Енді олардың 10 баласы бар.

Жүктілік өте сирек кездесетін табиғи жолмен, яғни көмекші репродуктивті технологиялардың көмегінсіз болған.

Балалардың анасы 31-ші аптасында перинаталдық орталыққа түскен. Мерзімінен бұрын босану қаупіне және үштік жүктіліктің ерекшеліктеріне байланысты оған шұғыл кесарь тілігі жасалған.

Тәжірибелі дәрігерлердің күрделі де сәтті жасалған отасының нәтижесінде үш қыз дүниеге келген. Нәрестелердің салмағы 1493-1748 грамм арасында, бойы 40-43 сантиметр.

Оларға Фатима, Зухра және Аиша есімдері берілді.

«Сәбилер бірден жаңа туған нәрестелердің реанимация бөліміне орналастырылды. Оларға...

Пекин Украинаға және Еуропа елдеріне дрон сатуды азайтып, бірақ Ресейге жеткізуді көбейтіп жатыр. Бұл туралы Украина президенті Владимир Зеленскийдің сөзіне сілтеме жасаған Bloomberg жазады.

«Қытайлық Mavic (жарылғыш заттарды тасуға бейімделген дрон түрі) ресейліктер үшін ашық, бірақ украиналықтарға жабық. Ресей аумағында өндірістік желілерде қытайлық өкілдер бар», – деген еді Зеленский журналистерге.

Еуропалық шенеуніктердің айтуынша, Украина президентінің сөзі Еуроодақ дерегіне сәйкес келеді. Қытай дрондардың кейбір бөлшектерін батыстық сатып алушыларға жеткізуді тоқтатқан, бірақ Ресейге тасымалдауды көбейтіп жатыр дейді Bloomberg дереккөздері.

Дрондар – Украина-Ресей соғысындағы маңызды әскери қаруға айналды. Ол тек барлау қызметі үшін ғана емес жарылғыш...

АҚШ-тағы Гарвард университеті шетелдік студенттерді қабылдау құқығын шектейтін Трамп әкімшілігінің шешіміне қарсы соттан уақытша шегерім алды. Бұл туралы Bloomberg агенттігі хабарлады.

29 мамыр күні Бостонда өткен тыңдауда АҚШ федералды судьясы Эллисон Бэрроуз бұған дейін енгізілген уақытша тыйымды ұзартатынын мәлімдеді. Гарвард университеті 23 мамырда АҚШ үкіметіне қарсы ресми шағым түсірген болатын. Бұған себеп – әкімшіліктің университетті шетелдік студенттерді қабылдау құқығынан айыру ниеті еді.

Судья Бэрроуз сот шешімі ештеңені өзгертпейтіндей етіп қабылданатынын атап өтті.

«Мен жағдайдың дәл қазіргі күйінде қалуын қалаймын», – деді ол. Бұл шешім АҚШ-қа келуге дайындалып жатқан шетелдік студенттерге белгілі бір қорғаныс беретінін...

Қазақстан мен Қырғызстан шекарасында жүкі көліктерінің үлкен кептелісі пайда болған. Бұл туралы Қырғызстанның бұқаралық ақпарат құралдары хабарлады.

24.kg басылымының хабарлауынша, Қырғызстанның Кант ауданындағы айналма жолда Қазақстан шекарасына қарай бет алған жүк көліктерінің кептелісі пайда болған. Куәгерлер кептелістің бірнеше шақырымға созылып жатқанын айтқан.

Кептеліс себебі

Бұл кептеліске жүк тасымалының маусымдық ұлғаюы себеп болған. кезектер тұрған жүргізушілер кезек уақыты бірнеше сағатқа созылатынын, көліктердің өте баяу қозғалып жатқанын айтқан.

«Қазіргі уақытта Қырғыз Республикасы мен Қазақстан Республикасының мемлекеттік органдары бұл жағдайға қатысты ресми түсініктеме берген жоқ», – деп жазады басылым.

Жүргізушілер мен...

Қазақстан президенті Қасым-Жомарт Тоқаев Al Jazeera телеарнасына сұқбат беріп, республикадағы реформалар барысы туралы әңгімеледі.

Араб тілінде хабар тарататын Al Jazeera телеарнасы президент Қасым-Жомарт Тоқаевтан сұхбат алды. Ақордада шамамен жарты сағатқа созылған әңгіме Тоқаевтың үш жыл бұрын Жаңа Қазақстан құру туралы уәдесінен басталды. Телеарна журналисінің алғашқы сұрағы да сол туралы болды. «Өзіңіз уәде берген Жаңа Қазақстан құрдым деп ойлайсыз ба?» деп сұрады ол.

– Иә, біз әлі құрып жатырмыз. Шынымды айтсам, оңай шаруа емес. Өйткені Қазақстаннан тыс жерлерде реформа барысына әсер еткен көптеген оқиғалар болып жатыр.

– Ковид, Украинадағы соғыс…

– Иә, әлбетте. Өте оңай...

Астанадағы Назарбаев Университетінде Қытай Халық Республикасының төрағасы ҚХнің «Ел басқару жөнінде» атты төрт томдық кітабының тұсаукесері өтті. Бұл туралы Мәдениет және ақпарат министрлігінен хабарлайды.

Кітап Қытай Халық Республикасындағы мемлекеттік басқару философиясы мен тәжірибесіне арналған. Онда ҚХР басшысының ішкі және сыртқы саясат, экономикалық және әлеуметтік даму стратегиялары жөніндегі көзқарастары жазылған. Аталған еңбек саясаттанушылар, халықаралық қатынастар саласының мамандарын, сондай-ақ қытай тілі, мәдениеті мен қоғамдық құрылымын зерттейтін ғалымдарға арналған.

Іс-шараға Қазақстан Республикасының Мәдениет және ақпарат министрі Аида Балаева, Қытай Коммунистік партиясы Орталық комитетінің үгіт-насихат бөлімі меңгерушісінің орынбасары Ху Хэпин қатысты.

«Бұл кітап – Қытай мемлекетінің саяси бағыт-бағдарын...

Қытайлық DeepSeek стартапы R1 атты жасанды интеллект моделінің жаңа нұсқасын таныстырды. Ол Hugging Face платформасында жарияланды.
⠀
LiveCodeBench платформасының бағалауынша, DeepSeek R1 моделі бірқатар көрсеткіштер бойынша OpenAI-дың о4-mini және o3 модельдерінен сәл ғана төмен. Жаңартылған DeepSeek R1 моделі, алдыңғы нұсқасы сияқты, ойлану қабілеті бар жасанды интеллект үлгісі деп есепеледі. Ол күрделі тапсырмаларды кезең-кезеңімен логикалық ойлау процесі арқылы орындай алады.
⠀
Бұл модельдің алғашқы нұсқасы 2024 жылдың қаңтарында ұсынылған еді. Сол кезде халықаралық акция нарықтарына айтарлықтай әсер етіп, бір ғана сессия ішінде америкалық Nvidia компаниясының капитализациясын 600 млрд долларға дейін түсірді. Себебі R1 моделі OpenAI өнімдеріне ұқсас сапада жұмыс істегенімен, оқытуға кететін шығын әлдеқайда...

АҚШ пен Канадада жастар арасында «Adulting 101» ересек өмірге дайындайтын курстарға қызығушылық артып келеді. Бұл бағдарламаларда жастарға киім жуу, тамақ пісіру, азық-түлік таңдау, коммуналдық төлемдерді төлеу, жеке қаржыны басқару сияқты күнделікті өмірге қажетті қарапайым дағдылар үйретіледі.

Курстарға әсіресе Z ұрпағы – 1997–2012 жылдар аралығында туған жастар жаппай жазылып жатыр. Көпшілігі өз бетінше өмір сүру қиын екенін айтып, тіпті күйзеліске түсетіндерін жасырмайды. «TikTok пен мектеп кестесінен тыс өмірді ешкім түсіндірмеді», – дейді курс қатысушыларының бірі.

Мамандардың айтуынша, бұған негізгі себеп – гиперқамқорлық жағдайында өскен ұрпақ. Балалық және жасөспірім шақтарында олардың көптеген мәселелерін ата-аналары шешіп беріп отырған. Соның салдарынан жастар ересек өмірге...

Қазақстанның бұрынғы президенті Нұрсұлтан Назарбаев Мәскеуге барып, Ресей президенті Владимир Путинмен жеке кездесу өткізді. Бұл туралы Ресей президентінің баспасөз хатшысы Дмитрий Песков мәлімдеді.

«Бүгін 29 мамыр күні президент Кремльде Мәскеуде жүрген Қазақстанның бірінші президенті Нұрсұлтан Назарбаевпен кездесті», – деді Песков ТАСС агенттігіне берген түсініктемесінде.

Кездесу бейресми сипатта өткен. Алайда, тараптар қандай мәселелерді талқылағаны туралы нақты ақпарат жарияланған жоқ.

Айта кетейік, бұл екі саясаткердің жеке кездесуі соңғы рет 2024 жылдың желтоқсан айында өтті. Назарбаев ол кезде де Мәскеуге барып, Путинмен жеке әңгімелескен болатын.

Мишлен жұлдызы — (французша Le Michelin guide) жыл сайын шина шығаратын Michelin компаниясы жариялайтын гастрономиялық нұсқаулық. Онда әр елдегі үздік мейрамханалар аталады. Аспаз бен мейрамхана үшін Мишлен жұлдызын алу — үлкен мәртебе. Көбі бұл марапатқа жылдар бойы ұмтылады, алған соң, оны жоғалтып алмау үшін жанын салып жұмыс істейді. Сонымен Мишлен жұлдызын кім ойлап тапқан? Неге бәрі оған қол жеткізуге құмар?

Мишлен жұлдызы қалай пайда болған?

1900 жылы Франциядағы шина шығаратын Michelin компаниясының негізін қалаушылардың бірі Андре Мишлен жүргізушілерге жол бойындағы көлік жөндейтін шеберханалар мен жанармай бекеттері жайлы ақпарат қамтылған нұсқаулық шығарды.  Шина сатып алған әр адамға осындай нұсқаулы...

Әлемдегі ең ірі автонарық – Қытайда жаңа бір дағдарыс басталды. Автокөлік өндірушілері арасындағы қатаң бәсекелестік ресми шектеулерге бағынбайтын жаңа сатылым тәсілдерінің пайда болуына әкелді. Соның бірі жаңа көліктерді тізгінделген авто ретінде сату. Бұл бір жағынан тұтынушыға тиімді, ал екінші жағынан ҚХР үкіметі үшін бас ауыртарлық мәселе.

Жаңа көлік «сұр» нарықта ескі деп сатыла бастады

Қытайда кең таралып жатқан бұл тәсілге сәйкес, көлік алдымен ресми тіркеледі, нөмір алады, бірақ жолға бірде-бір рет шықпаған күйде қайталама нарыққа жеткізіледі. Құжат жүзінде бұл тізгінделген көлік, іс жүзінде ол жаңа. Great Wall Motor директорлар кеңесінің төрағасы Вэй Цзяньцзюнь бұл үрдіс туралы мәселе көтеріп,қоғам мен биліктің назарын аударды.

Оның айтуынша, тек онлайн...

Бүгін сағат 19:50-де SCAT әуекомпаниясының Шымкенттен Шанхайға алғашқы тікелей рейсі ұшып кетті.

SCAT Шанхайға аптасына екі рет – дүйсенбі және бейсенбі күндері ұшуға болатынын хабарлайды. Алайда, әуекомпанияның сайтында әр аптаға билеттерді брондау мүмкін емес.

Билеттердің бағасы бір бағытқа 95,3 мың теңгеден басталады. Шымкенттен Шанхайға ұшу алты сағатты құрайды.

4 шілдеден бастап China Eastern Airlines әуекомпаниясы Алматыдан Шанхайға тікелей рейстер ашады. Бір бағытқа билет құны 200 мың теңгеден асады. Ұшу уақыты – алты сағатқа жуық.

Бұған дейін, «SCAT» Шымкент – Мюнхен бағытында рейс ашқан.  

Одан бөлек жуырда ғана Алматы-Ыстықкөл бағыты іске қосылған. Сондай-ақ 1 маусымнан бастап Алматы...

Қазақстанға ресми сапармен Италия Премьер-министрі Джорджа Мелони келді.

Ақорда таратқан ақпаратқа қарағанда, Мелониді президент Қ.Тоқаевтың өзі күтіп алып, елорда әуежайында аз-кем әңгімелескен.

Қасым-Жомарт Тоқаев Джорджа Мелониге өзін Қазақстанда қарсы алу үлкен мәртебе екенін атап өтіп, алдағы келіссөздер екіжақты қарым-қатынасқа тың серпін беруде маңызды, тіпті, шешуші рөл атқаратынына сенім білдірген.

«Италия – Қазақстанның Еуропадағы жетекші сауда серіктестерінің бірі. Кешелі-бүгін Астанада Италия бизнесінің көптеген өкілінің қатысуымен бизнес-форум өтті. Екі ел арасындағы іскерлік байланыстарды дамытуға қосқан үлесіңізді жоғары бағалаймыз», – деді президент

Джорджа Мелони Қазақстанға алғаш рет келіп отырғанын айтып, қуанышты екенін жеткізген.

AIF кулуарларында бірқатар дереккөздер Қарашығанақ газ өңдеу зауытына қатысты акционерлер ертең жариялауы тиіс шешім жайлы пікірлерін ортаға салды. Бұл туралы Energy Monitor қоғамдық қорының директоры Нұрлан Жұмағұлов Energy Monitor телаграм арнасын жазды.

Дереккөздер акционерлердің бір бөлігі үкіметтің тауарлық газ өндіру қуатын арттыру туралы өтінішіне құлақ асуға дайын еместігін жеткізген. Инвесторлар Қазақстаннан шамамен 1 миллиард доллар ГӨЗ құнының айырмасын өтеуді ұсынған.

«Өйткені бұл жоба олар үшін тиімсіз: EPC-мердігердің бағасы – 3,7 млрд доллар, ал акционерлер тек 2,7 млрд доллар бөлуге дайын. Бұған қоса, инвесторлар қазіргі арбитраждық дауларды шешуді де ұсынып отыр», – делінген арнадағы ақпаратта.

Қазақстан Президенті Қ.Тоқаев Астана халықаралық форумына қатысу елге келген БҰҰ-ның жоғары өкілдерімен кездесу өткізді, деп хабарлады Ақорда сайты.

Презиеднт БҰҰ Бас хатшысының орынбасары – БҰҰ Бас хатшысының цифрлық мәселелер және озық технологиялар жөніндегі арнаулы өкілі Амандип Сингх Гиллмен, БҰҰ Бас хатшысының орынбасары – БҰҰ Даму бағдарламасы Әкімшісінің орынбасары Хаолян Шумен, БҰҰ Бас хатшысының Ауғанстан бойынша арнайы өкілі және Ауғанстанға көмектесу жөніндегі БҰҰ миссиясының басшысы Роза Отынбаевамен, БҰҰ Бас хатшысының жастар ісі жөніндегі көмекшісі Фелипе Паульермен кездескен.

Қасым-Жомарт Тоқаевтың айтуынша, Астана халықаралық форумына БҰҰ-ның беделді өкілдерінің қатысуы сан қырлы әрі сындарлы диалогтың баршаға ортақ екенін көрсетеді.

Қазақстан Президенті геосаяси тұрақсызды...

Қоғамдық резонансқа айналған Ақнәр Гүлістан ісіне байланысты жәбірленуші тарап кезекті баспасөз мәслихатын өткізіп, қылмыстық іске тағы бірнеше бап қосылуы керек деген мәлімдеме жасады. Мәлімдеме бұған дейін желіде үзінділері тараған видеоға негізделген.

Әртүрлі тәпсірленген видео

Жәбірленуші тарап бұған дейін қорғалуға құқығы бар куә ретінде танылған екі қыздың бірі Дидар Мұқияттың заңгері көрсеткен, кейін желіге тараған видеоны ұсынды. Пәтерде түсірілген видеода Ақнәр мен жігіттің қытайшалап бір-біріне дауыс көтеріп сөйлегені, Ақнәрді тыныштандырып жатқаны, Ақнәрдің жеке заттарын беруді сұрайтыны, өзін ұстап тұрған жігіттен босап шығуға тырысатыны көрінеді. Бір мезетте видеодағы жігіт «секіргің келді ме, секір» дегенде Ақнәр терезеге қарай ұмтылып, оны...

Баян Мақсатқызы Тұрсын Алагөзовтің әлі есеңгіреп жүргенін айтты. Бұған қазақстандықтардың ерекше құрметі себеп болып отыр.

Баян Алагөзова әлеуметтік желі арқылы күйеуіне қолдау көрсеткен халыққа алғыс білдірді.

«Мен барлық қазақстандықтарға алғыс айтқым келеді. Халықтық қолдау көрсетіліп жатыр. Шынымды айтсам, мұны ешкім күтпеген еді. Мен де, Тұрсын да. Ол әлі есеңгіреп жүр. Өйткені, халық тарапынан осындай реакция жасалынды», – деді танымал продюсер.

Баян Мақсатқызы кеше кәсіпкер күйеуімен осы жөнінде әңгіме қозғаған. Тұрсын Алагөзов қол астындағы қызметкерлеріне 100 пәтер әпергеніне халық осылай қуаныш білдіреді деп күтпегенін айтқан.

«Мен өзімнің борышымды жасадым. Жасауға тиіс...

Сенат спикері Мәулен Әшімбаев Қазақстандағы банк саласындағы жағдайды сын тезіне алды.  Оның бұл саланың дамуына көңілі толмай отыр.

Сенат отырысы барысында Сенат төрағасы банктердің дамуында ілгерілеушіліктің жоқтығын алға тартты.

«Қазақстанда банк секторы бұдан 15-20 жыл бұрынғыдай қарқынды даму көрсетпей отыр», – деді ол.

Мәулен Әшімбаев пікірінше, еліміздің банк саласында жоғары шоғырлану бар. Бірнеше банк үстемдікке ие.

«Бұл банк жүйесінің икемділігін жоғалтуына алып келгендей әскер қалдырып отыр», – деді Сенат төрағасы.

Мәулен Әшімбаев шетелдік банктердің елімізге келіп, жұмыс істеуіне қолдау білдіріп отыр.  Оның айтуынша, жаңа ойыншылар бәсекелестікті жандандыра...

2025 жылдың үш айында «Казатомөнеркәсіп» ұлттық атом компанияның таза табысы былтырғы І тоқсанмен салыстырғанда 18,7%-ға азайып, 121,07 млрд теңгені құрады. Бұл туралы компания өз есебінде хабарлады.

Түсім де төмендеген: 157,69 млрд теңге, Бұл 2024 жылдың алғашқы тоқсанындағы 195,29 млрд теңгемен салыстырғанда шамамен 19,2%-ға аз.

Таза табыстың азаюына уран бағасының арзандауы себеп. Атап айтқанда, уранның орташа бағасы 13%-ға құлдырап, бір фунтына $54,7 деңгейінде тіркелді.

Соған қарамастан, өндіріс көлемі артқан. 2025 жылдың қаңтар-наурыз айларында компания 2 963 тонна уран өндірген, бұл бір жыл бұрынғы көрсеткіштен 9%-ға артық. Дегенмен, сату көлемі 7%-ға азайып, 2 560 тоннаны құрады

Компанияның акциялары биылғы...

Kursiv Media «Месси сияқты» атты Қазақстандағы балалар футболының қазіргі жай-күйі туралы деректі фильм шығарды. Фильмде ауыл балаларының футболға деген шынайы құлшынысы, қолдаудың аздығына қарамастан, үлкен арман жолында жүрген балалар көрсетіледі.

Фильмде ауылдағы футбол алаңдарының жағдайы, бапкерлердің әлеуметтік мәртебесі, инфрақұрылым мен тағыда басқа мәселелер қозғалады. Сондай-ақ еліміздегі үздік футбол мектебі – «Қайрат» академиясындағы жағдай қандай? Қазақстан футболына көптеген таланттарды сыйлаған Тараз футбол мектебінің құпиясы неде? Осы және өзгеде сұрақтардың жауабын осы фильмнен табасыз.

Толық нұсқасын бүгін 29 мамыр күні сағат 20:00 де Youtube арнасынан көре аласыз.

Қатар және Түркия компаниялары Астанада ірі инвест-жобаны жүзеге асырады. Бұл туралы Сыртқы істер министрлігінің баспасөз қызметі хабарлады.

Атап айтқанда, «Tiryaki Agro» түрік холдингі мен «Hassad Food» қатарлық компаниясы елде ірі агроөнеркәсіптік жобаларды жүзеге асырады. Инвестициялық келісімшартқа Сыртқы істер министрлігі Инвестициялар комитетінің төрағасы Ғабидолла Оспанқұлов пен «Kazak Protein» ЖШС бас директоры Юлдыз Коксал Салих қол қойған.

Кешен Астана қаласының Байқоңыр ауданында салынады. Онда дәнді және бұршақ тұқымдас дақылдарды терең өңдеуге бағытталған, толық өндірістік циклді қамтитын кәсіпорын ашылады.

Инвесторлар жобаға шамамен 320 млн доллар құюды жоспарлап отыр. Жоба құрылыс кезінде және пайдалануға берілген соң 500-ден астам жұмыс орны...