Жаңалықтар

Қасым-Жомарт Тоқаев Ата Заңның маңызын, сондай-ақ оны қабылдауда экс-президент Нұрсұлтан Назарбаевтың еңбегі айрықша болғанын айтты.

«Әрине, қазіргі Конституциямыздың мән-маңызын ешкім жоққа шығармайды. Соңғы 30 жылда жеткен барлық жетістігіміздің бастауында Ата Заңымыз тұрғаны сөзсіз. Бұл – тұңғыш Президент Нұрсұлтан Әбішұлы Назарбаевтың табанды еңбегінің арқасы», – деп мәлімдеді Тоқаев Үкіметтің кеңейтілген отырысы кезінде сөйлеген сөзінде.

Сонымен қатар мемлекет басшысы Конституция ел тәуелсіздіктің алғашқы кезеңінде, қиын тарихи жағдайда қабылданғанын атап өтті. Оның сөзінше, құжатта сол кезеңдегі әлеуметтік-экономикалық және саяси сын-қатерлердің ізі сақталғаны заңды.

«Сол кезден бері еліміз адам танымастай өзгерді. Болашағымызға көб...

Талапқа сай емес шаруашылық жерлері мемлекетке қайтарылуы мүмкін. Бұл туралы премьер-министр Олжас Бектенов мәлімдеді.

Үкіметтің кеңейтілген отырысында ол мал шаруашылығын жүргізудің талаптары қойылғанын айтты. Ол орындалмаған жағдайда тиісті шаралар қабылданбақ. Оның ішінде жерді қайтарып алу тетіктері де бар.

«Мал шаруашылығын дамыту бойынша кешенді жоспарда асыл тұқымды мал басын сатып алу, жеңілдетілген несе беру, малшылардың балаларына білім грандтарын ұсыну, жасанды ұрықтандырудың заманауи технологияларын енгізу және жайылымдық мал шаруашылығын дамыту шаралары көзделген. Ауыл шаруашылығында терең өңдеу саласын дамыту – маңызды баптардың бірі», – деді премьер-министр.

Оның айтуынша, биыл Жамбыл облысында жүгеріні терең өңдеуге арналған ірі өнеркәсіптік парк

Үкіметтің кеңейтілген отырысында Тоқаев Қазақстанның өтпелі кезеңге аяқ басқанын айтып, ел тағдырына әсер ететін ауқымды өзгерістер жүзеге асырылып жатқанын мәлімдеді.

Президент Қызылордада өткен Ұлттық құрылтай отырысында Конституциялық реформаның маңызды тұстарына тоқталғанын атап өтті. Сөзінше, соңғы жарты жыл бойы қоғамда Конституцияға қатысты кең ауқымды пікірталас жүріп жатыр.

«Қоғамда кеше ғана емес, жарты жылдан бері Конституцияға қатысты жан-жақты пікір алмасу жүріп жатыр. Барлық ұсынысты жүйелеп, саралау үшін 130 адамнан тұратын Конституциялық комиссия құрылды. Бұл – ауқымы жағынан да, кәсіби деңгейі тұрғысынан алып қарасақ та, еліміз үшін теңдесі жоқ комиссия. Осы жолы Комиссия құрамында шетел мамандары жоқ», – дед...

Президент Қасым-Жомарт Тоқаев Конституция жобасына тұрғын үйден мәжбүрлеп шығаруға қатысты норманы енгізуді ұсынды.

«Қазіргі Конституцияда «Тұрғын үйге қол сұғуға болмайды. Сот шешімінсіз тұрғын үйден айыруға жол берілмейді» деген ереже бар. Осы ережені «тұрғын үйден мәжбүрлеп шығаруға» да сот шешімінсіз жол берілмейді деп толықтырған жөн. Меніңше, бұл – жаңа Конституцияның сипатына толық сай келетін әлеуметтік норма», – деді президент.

Президент Конституциялық комиссия мүшелерінен осы ұсынысты қарауды сұрады.

10 ақпандағы үкімет отырысында президент Қасым-Жомарт Тоқаев Жасанды интеллект және цифрлық даму министрі Жаслан Мәдиевті сұрақтың астына алды.

Мемлекет басшысының мәліметінше, жақында іске қосылған отандық KazLLM бағдарламасына қазақстандықтар сенбей отыр.

«Бірақ, менің білуімше, сұраныс әлі төмен. Жұрт ChatGPT-ге көбірек жүгінеді. Халық неге көшкісі келмейді? KazLLM төңірегінде не болып жатыр» – деп сұрады президент.

Министрдің айтуынша, KazLLM мен AlemLLM қырықтан астам жүйеге енгізілген.

«Бірақ осы модельдердің сапасын әрдайым арттыру қажет. Сондықтан біз халықаралық деңгейдегі сарапшылармен бірге осы жұмысты жалғастырамыз», – деп жауап берді Мәдиев.

Алайда мұндай жауапқа көңілі толмаған Тоқаев осы...

Президент Қасым-Жомарт Тоқаев Үкіметтің 2025 жылдағы жұмысына баға берді. Сөзінше, негізгі көрсеткіштер бойынша айтарлықтай өсім бар.

«Көрсеткіштер бойынша айтарлықтай өсім бар. Сыртқы ахуал күрделі болып тұрғанын ескерсек, мұны жақсы нәтиже деуге болады. Бірақ алда көп жұмыс күтіп тұр. Экономикалық дамуды жаңа үрдісіне толық көшу үшін нақты әрі тиімді шаралар қабылдау қажет. Бұл мәселеге кейінірек тоқталамын», –  деді Тоқаев.

Айта кетейік, бүгін Қасым-Жомарт Тоқаевтың төрағалығымен Үкіметтің кеңейтілген отырысы өтіп жатыр. Бұған дейін премьер-министр Олжас Бектенов президентке азаматтардың еңбекақысын көтеру жоспары туралы баяндады. 

2026 жылғы қаңтар айында көпбалалы отбасыларға және наградталған аналарға 56,5 млрд теңгеден астам жәрдемақы берілді.

Жәрдемақы кімдерге беріледі?

Еңбек және халықты әлеуметтік қорғау министрлігінің хабарлауынша, мемлекеттік жәрдемақылармен 875,2 мың отбасы – жалпы сомасы 56,5 млрд теңге мөлшерінде, оның ішінде: көпбалалы отбасыларға берілетін жәрдемақымен – 627,4 мың отбасы 49,2 млрд теңгеге; наградталған анаға берілетін жәрдемақымен – 247,8 мың адам 7,3 млрд теңгеге қамтылды.

Көпбалалы отбасыға берілетін мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Бала санына қарай қанша...

Қазақстан кинотеатрларында 5–8 ақпан аралығындағы прокат нәтижелері жарияланды. Өткен аптада көрермендер ең көп таңдаған фильмдер тізімі белгілі болып, бірнеше жаңа туынды бірден көш басына шықты.

Аптаның көшбасшысы отандық «Ғашықпын саған» фильмі. Картина прокаттағы алғашқы аптасында 359 млн теңгеден астам табыс жинап, көрерменнің үлкен қызығушылығына ие болды.

Екінші орында әйгілі Джейсон Стэтхем ойнайтын «Убежище» фильмі. Туынды бір апта ішінде 146,8 млн теңге жинап, жоғары нәтиже көрсетті.

Үшінші орынға тағы бір жаңа фильм «Тастамашы, ана!» орналасты. Картина алғашқы аптасында 101,4 млн теңге касса жинады.

Ал бұрыннан көрсетіліп келе жатқан фильмдер де көрермен қызығушылығын жоғалтпаған. Мәселен, «Қызым» фильмі прокаттағы екінші аптасында 85,7 млн...

Премьер-министр Олжас Бектенов президентке азаматтардың еңбекақысын көтеру жоспары туралы баяндады. Бұл туралы Kursiv.Media хабарлайды.

10 ақпанда Астанада президенті Қасым-Жомарт Тоқаев төрағалығымен Үкіметтің кеңейтілген отырысы өтіп жатыр. Жиналыста баяндама жасаған Олжас Бектенов айлық көтерілетіні туралы мәлімдеді.

«Азаматтардың табыс деңгейінің артуы экономиканың өсу қарқынына сәйкес келмейтіні атап өтілді. Еңбекақының жалпы ішкі өнімдегі үлесінің көрсеткіші шамамен 31%-ды құрап отыр, бұл – Орталық Азия үшін жоғары көрсеткіш. Бірақ біздің мақсатымыз – әлемдік орташа көрсеткіш – 40%-ға және одан жоғары деңгейге жету», – деді үкімет басшысы.

Жалақының өсу қарқыны бизнес табысының, оның ішінде өз күшімен әрі мемлекеттік қолдау...

Бүгін Астанада президент Тоқаевтың қатысуымен үкіметтің кеңейтілген отырысы өтіп жатыр. Премьер-министр Олжас Бектенов 2025 жылы атқарылған іс-шаралар бойынша есеп берді.

Үкімет басшысының сөзінше, былтыр ел экономикасында салық, тариф, бюджет, цифрландыру, құрылыс және әлеуметтік салаларда бірқатар шешім қабылдады. Бұл шешімдер экономиканың дамуына кедергі келтіріп отырған теңсіздікті азайту үшін жасалған.

«Салық және бюджет реформасы Ұлттық қордан нысаналы трансферттерді алмай-ақ, еліміздің үш жылдық бюджетін қалыптастыруға мүмкіндік берді. Ол 2028-ші жылға қарай бюджет тапшылығын жалпы ішкі өнімнің 0,9%-на дейін қысқартуға ықпал етеді. Жергілікті бюджеттердің республикалық бюджетке тәуелділігі 2025-ші жылғы 50%-дан 2028 жылы 34%-ға дейін төмендейд...

Астанада қала тұрғынын алты ай бойы аңдыған ер адам жауапқа тартылды.

Қала прокуратурасының хабарлуынша, күдікті жәбірленушінің қарсылығына қарамастан, оны тұрғылықты және жұмыс орны маңында аңдып жүрген. Сонымен қатар оның келісімінсіз бейнежазбаға түсіріп, психологиялық қысым көрсеткен.

Сотта мемлекеттік айыптаушы жәбірленушінің жеке өміріне қол сұғылғанын дәлелдейтін толық әрі жан-жақты айғақтарды ұсынды.

Сот үкімімен ол сталкинг жасағаны үшін кінәлі деп танылып, 100 сағат қоғамдық жұмыстарға тартылып, моральдық зиянды өтеу міндеттелді.

«Аталған тұлғаның бұған дейін бостандығын шектеу түріндегі жазаны өтеп, оның шарттарын бұзғанын ескере отырып, өтелмеген жаза бөлігі бас бостандығынан айыру жазасына ауыстырылды. Сот үкімі заңды күшіне енген жо...

10 ақпан, сейсенбі күні Италияда өтіп жатқан қысқы Олимпиада ойындарында Қазақстаннан 18 атлет жарысқа шығады. Олардың арасында Абзал Әжіғалиев, Денис Никиша, сонымен бірге Михаил Шайдоров та бар.

Сейсенбідегі жарыс күнінің кестесі:

13:15 – Шаңғы жарысы / Скиатлон / Әйелдер мен ерлер
(Надежда Степашкина, Ксения Шалыгина, Анна Мельник, Дарья Ряжко, Әмірғали Мұратбеков, Виталий Пухкало, Наиль Башмаков)

14:30 – Шорт-трек / 500 м / Әйелдер. Іріктеу кезеңі / Аралас эстафета / 1000 м / Ерлер
(Денис Никиша, Абзал Әжіғалиев, Яна Хан, Ольга Тихонова)

15:15 – Фристайл – Могул / Ерлер / Іріктеу кезеңі
(Павел Колмаков)

17:30 – Биатлон / 20 км / Ерлер
(Владислав Киреев, Әсет...

Бүгін, 10 ақпанда Қасым-Жомарт Тоқаевтың төрағалығымен Үкіметтің кеңейтілген отырысы өтеді. Жиында елдің 2025 жылғы әлеуметтік-экономикалық дамуы қорытындыланып, Үкіметтің алдағы кезеңге арналған негізгі міндеттері айқындалады.

Отырысқа министрлер, өңір әкімдері мен депутаттар қатысады деп жоспарланған. Алайда бұл жолы журналистер қауымы жиынға келген шенеуніктерге тікелей сұрақ қоя алмайды. Себебі министрлер, өңір әкімдері мен депутаттар залға дейінгі дәлізден өтпейтіні белгілі болды. Кеңейтілген отырыстың тікелей эфирі БАҚ өкілдері жиналған залда ғана көрсетілдеді.

Айта кетейік, жиында Премьер-министр Олжас Бектеновтің, Ұлттық банк төрағасы Тимур Сүлейменовтің, Премьер – министрдің орынбасары – жасанды интеллект және цифрлық даму министрі Жаслан Мәдиевтің, бірқатар өңір әкімдерінің баяндамалары тыңдалады.

Теңіз кен орнындағы мұнай өндірісі шамамен 60%-ға қалпына келді. 23 ақпанда толық қуатына шығуды жоспарлап отыр. Бұл туралы Reuters жазады.

Агенттік дереккөздерінің хабарлауынша, 8 ақпанда Теңізде 550 мың баррель мұнай өндірілген. Болжам бойынша, егер толық қуатына шықса тәулігіне 120 мың тонна немесе 950 мың баррель мұнай өндіреді.

Ақпан айының алғашқы 8 күнінде мұнай өндіру көлемі орта есеппен тәулігіне 340 мың баррельге жетті, бұл қаңтардағы тәулігіне 234 мың баррельмен салыстырғанда жоғары, алайда өткен жылғы ең жоғары көрсеткішке әлі жеткен жоқ.

Дереккөз мәліметіне сәйкес, 1–8 ақпан аралығында Қазақстанда мұнай мен газ конденсатын өндірудің жалпы көлемі тәулігіне 1,6 млн баррельге дейін...

«SOS Taldykol» қоғамдық бірлестігі Астана әкімдігі Қоршаған ортаны қорғау және табиғатты пайдалану басқармасына қарсы сотқа талап-арыз берді. Мәселе Кіші Талдыкөлге қатысты болып отыр. Белсенділер көлдің сақталып қалған бөлігінде су қорғау аймақтары мен белдеулерін белгілеуді сұрап отыр. Алайда әкімдік бұған дейін шыққан сот актілеріне және ресми қорытынды жасалмағанына сілтеп, бас тартқан. Бұл туралы «Otkir kurek» парақшасында жазылды.

Сот барысында экологтар судьяны Кіші Талдыкөлді өз көзімен көруге шақырды. Сол арқылы көлдің бар екенін, көлде су жатқанын көрсеткісі келеді. Судьяның сөзінше, бұған арнайы өтінішхат қажет.

Экологтардың айтуынша, 2024 жылы болған су тасқынынан кейін су деңгейі көтеріліп, кей су айдыны қалпына келген...

Әлеуметтік желіде Мемлекеттік туды өртеп, елтаңбаны сындырған бірнеше адамның видеосы тарады. Бейнежазба көпшіліктің наразылығын туғызды. Бұл оқиға Павлодарда тіркелгені белгілі болды.

Қалалық білім бөлімінің мәліметінше, 5 ақпанда Павлодар қаласындағы М.Жүсіп атындағы мектепте заңға сәйкес мектеп комиссиясы тарапынан ұлттық стандарттар мен техникалық талаптарға сәйкес келмейтін заттарды жою жұмыстары жүргізілген.

«Аталған іс-әрекеттердің бейнетіркеуі тек қызметтік мақсатта жүргізілген және таратуға арналмаған. Іс-шараларды ұйымдастыру мен өткізу тәртібіне тиісті деңгейде бақылау жасалмауына байланысты мектеп басшысына қатаң сөгіс түріндегі тәртіптік жаза қолданылды», – делінген білім бөлімінің хабарламасында.

Ведомствоның хабарлауынша, аталған рәсім тиісті актімен рәсімделген.

15-шағынауданда біреулер ауладағы иттің күркесін өртеп жіберген. Тұрғындардың айтуынша, өрт түнде ит ұйықтап жатқан кезде болған.

Lada.kz хабарлауынша, тұрғындар отты өз күшімен сөндіріп, жануарды құтқарып қалған. Алайда үйшігі толығымен жанып кеткен.  

Тұрғындардың сөзінше, оқиға 7 ақпаннан 8 ақпанға қараған түні болған. Олар жанып жатқан күркені байқап, бірден сыртқа жүгіріп шыққан.

«Әркім қолындағысымен – шелектермен, бес литрлік бөтелкелермен сөндірдік», – дейді тұрғындар.

Өкінішке қарай, иттің үйшігі толығымен жанып кетіп, қалпына келтіруге жарамай қалған. Ал жергілікті тұрғындар еркелетіп итті Кирюша деп атайды.

Кирюша үйренген орнын тастамай, өрттен кейін де үйренген жерге қайта оралған.

Оқиға орнына өрт сөндірушілер...

Атырау облысы Құрманғазы мен Исатай ауданында вирустық диарея және инфекциялық ринотрахеиттен 1500-нан аса ірі қара мал өлді. Бұл туралы облыстық ауыл шаруашылығы және жер қатынастары басқармасынан хабарлады.

Қазіргі уақытта Исатай ауданының Зинеден ауылында, сондай-ақ Құрманғазы ауданына қарасты Дыңғызыл, Еңбекші, Бөкейхан және Құрманғазы ауылдарында карантиндік шектеулер енгізілді. Аталған елдімекендерге малды кіргізу мен шығаруға уақытша тыйым салынды.

«Бұл аурудың таралуына мал тасымалдау әсер етеді. Аталған екі аудан транзиттік бағытта орналасқан, яғни мал көршілес Ресей Федерациясынан әкелінеді. Аурудың алғашқы белгісі – жануарлардың ауыз қуысында жараның пайда болуы. Кейін сілекейі ағып, жем-шөптен бас тартады»,- деді Атырау облыстық ауыл шаруашылығы...

Тимур Турловтың Freedom Holding Corp компаниясы 2026 салық жылының үшінші тоқсандағы (2025 жылғы 31 желтоқсанда аяқталды) қаржы нәтижелерін жариялады. Тоғыз айдағы түсім 1 688 млн доллар болды.

Басты қаржы көрсеткіштері

Компания 2025 жылғы қазан-желтоқсан айларында 76,2 млн доллар таза пайда тапты. Ал тоғыз айдағы таза пайда 145,4 млн доллар болды.

«2026 салық жылының үшінші тоқсандағы қорытындысы бойынша Freedom Holding Corp. одан әрі қарай дамыды. Өзгермелі макроэкономикалық орта мен жаңа реттеуші талаптар жағдайында да біз жоғары көрсеткіштерді сақтап, клиент санын тұрақты түрде арттыра алдық. Ол икемді стратегия мен инновацияның арқасы», – дейді Freedom Holding Corp бас атқарушы директоры Тимур...

Әлемге танымал әнші Димаш Құдайберген продюсерлік еткен халықаралық музыкалық жоба ұлттық арна эфирінен көрерменге жол тартады.

«Көкжиектен асқан үн» атты жоба – түрлі елден жиналған үздік вокалистер бас қосқан халықаралық музыкалық шоу. Көрермен әлемнің алты елінен келген сегіз талантты орындаушының өнерін тамашалай алады.

Бағдарламаның тұсаукесер шығарылымы 14 ақпан күні сағат 21:20-да «Qazaqstan» ұлттық телеарнасынан көрсетіледі.

Еске сала кетейік, бұл жобаны Қытайда 102 млн адам көріп, рекорд орнатқан еді.

Украиналық скелетонист Владислав Гераскевичке 2026 жылғы Олимпиадада қаза тапқан украиналық спортшылардың бейнесі салынған дулығаны киюне тыйым салынды.

Униан Владислав Гераскевич бұған наразылық білдірген бейнежазбасын жариялады.

«Жүректі ауыртатын шешім. Олимпиадалық қозғалыстың бір бөлігі болған спортшыларға ХОК опасыздық жасап жатқандай әсер қалдырады. Оларды енді ешқашан шыға алмайтын спорт аренасында құрметтеуге мүмкіндік бермей отыр. Қазіргі заманда да, бұрын да ХОК мұндай құрмет көрсетуге рұқсат берген жағдайлар болғанына қарамастан, бұл жолы Украина үшін ерекше ережелер енгізуді жөн көрді», – деп жазды Гераскевич.

Италиялық сноубордшы Ресейдің туы бейнеленген дулығамен өнер көрсеткен. Ал бұған тыйым салынғанына қарамастан «ешқандай реакция болмаған».

Түркістан облысында үшем өмірге келді. 2400, 2230 және 2060 грамм болып туған сәбилердің денсаулығы жақсы, перзентханадан шығарылды деп хабарлады облыстық денсаулық сақтау басқармасы.

Үшем үшінші ақпанда облыстық перинаталдық орталықта дүниеге келген. Анасы оларды жүктіліктің отыз үшінші аптасында босанды.

Жаңа туған шақалақтар алғашқы тәулікте өкпені жасанды желдету аппаратында жатты, екінші күні өздігінен демала бастады.

«Балалардың жағдайы қалыпты. Анасы емізеді, жақсы салмақ жинап келе жатыр. Біразға дейін медициналық бақылауда болады», – дейді денсаулық сақтау басқармасынан.

Үш сәбиді Зере, Дара және Сара деп атаған. Оған дейін отбасында үш ұл, екі қыз бар еді, енді сегіз бала тәрбиелейді.

Астрологиялық көрініс 10 ақпан – қарқынды күн болатынын көрсетеді. Апта  Суқұйғыш белгісіндегі планеталардың шоғырлануымен өтіп, кәсіби салада жаңа ережелер қалыптастырады.

Тоқты

Қуат көп, бірақ сөзге абай болған жөн. Істе күмән мен өзгенің сөзіне мән бермей, батыл әрекет ету уақыты келді. Жаңа технологияларға салынған инвестиция жақын арада нәтиже беруі мүмкін. Жеке өмірде ашықтық пен аздап ымыраға келу маңызды.

Торпақ

Уран күтпеген шығындарға итермелеуі мүмкін, сондықтан қаржыны бақылауда ұстаңыз. Жұмыста тәртіп пен дедлайндарды сақтау қажет. Ақша мәселесі сабыр сақтап, дұрыс есеп жүргізетіндердің пайдасына шешіледі. Қатынаста тұрмыстық ұсақ дауларды болдырмау үшін жұмсақтық танытыңыз.

Егіздер

Меркурий ойды шатастыруы мүмкін, сондықтан маңызды құжаттарды мұқият тексеріңіз. Келіссөздер...

Шымкент қаласында бір отбасының үш мүшесі иіс тиіп қайтыс болды. Олар жалға алған пәтерде тұрып жатқан. Бұл туралы Қазақпарат хабарлады.

Алдын ала мәлімет бойынша, «Шығыс» шағын ауданындағы пәтерде анасы, ұлы және әжесі тұрып жатқан. Көмекті көршілері шақыртқан. Үйден ешкім шықпай қалғанына секем алған олар пәтер қожайынына хабарласуға тырысқан. Содан кейін ғана құтқарушыларды шақыртқан.

Шымкент қалалық төтенше жағдайлар департаментінің хабарлауынша, хабар 8 ақпанда түстен кейін түскен.

«Шығыс» шағын ауданында пәтер қожайыны ұзақ уақыттан бері есік ашпай жүргені туралы хабар түсті. Оқиға орнына шұғыл әрекет тобы аттанды», – деп хабарлады басқарма.

Құтқарушылар пәтерден үш адамны...