Жаңалықтар

Атыраудағы «Геолог» мөлтек ауданындағы үйдің жанынан табылған Наурыз Мұқанғалиев пен Мейрамгүл Қарабалинаның денелерінен өткір заттың іздері анықталды.

Бұл туралы облыстық полиция департаменті бастығының бірінші орынбасары Құттыбай Садықов мәлімдеді. Оның айтуынша, өлімнің нақты себебі мен уақыты сараптамадан кейін белгілі болады.

«Денелерде өткір затпен салынған жарақаттар бар. Қазіргі уақытта сот-медициналық сараптама тағайындалды», – деді Құттыбай Садықов.

Бұған дейін полиция Атырау облысы Жангелдин ауылында бір отбасы мүшелерін өлтірді деген күдікке ілінген Сұлтан Сәрсемалиевті тергеу амалдарын жүргізу үшін оқиға орнына алып келген.

Күдікті тергеушілерге қылмыстың қалай жасалғанын көрсетіп берді. Алдын ала мәлімет бойынша, ол өзінің қайын атасы мен...

Ақмола облысында боранда алыс жайылымға кетіп, жоғалған 45 жастағы ер адамды іздеу-құтқару операциясы аяқталды.

ТЖМ мәліметінше, бақташы шаруа қожалығынан мал қайыруға атпен шығып, белгіленген уақытта оралмаған. Оның жоғалғаны туралы хабарлама бірден келіп түскен.

«Іздеу жұмыстары Макинск қаласынан 16 шақырым жерде жүргізілді. ТЖМ күштері ер адамды солтүстік-батыс өнеркәсіптік аймағындағы көпір астынан аман-есен тапты. Оған медициналық көмек қажет болмады», – деп хабарлады ТЖМ.

Ведомство алыс жайылымдарға шыққан кезде жақындарына нақты бағыт пен қайту уақытын хабарлау қажеттігін тағы бір мәрте ескертті.

Еске салайық, осы күндері елімізде ауа райы бұзылып, қатты аяз болып жатыр.

Ресейлік миллиардер Татьяна Кимге тиесілі Wildberries қазақстандық Solva («ОнлайнКазФинанс») микроқаржы ұйымының үлесін сатып алу бойынша келіссөздер жүргізіп жатыр. Бұл туралы қаржыгер Расул Рысмамбетов өзінің ArtFinanz Telegram-арнасында мәлімдеді.

«Қаржы институттары нарығында қозғалыс жалғасуда. Wildberries қазақстандық Solva-дан үлес сатып алу бойынша келіссөздер жүргізуде. Wildberries те, Ozon да өзінің қазақстандық бағытын белсенді дамытып жатқаны түсінікті», – деді сарапшы.

Kursiv.Media-ға білдірген пікірінде қаржыгер мәмілеге жақын жеке дереккөзі бар екенін нақтылады. Оның егжей-тегжейі әзірге белгісіз, ал басты сұрақтардың бірі ретінде Solva-ның бұдан былайғы тағдыры болды. Яғни МҚҰ ретінде жұмысын жалғастыра ма әлде банктік лицензия алуға тырыса ма?

Рысмамбетовтың пікірінше, егер...

Таяу Шығыстағы қақтығысқа байланысты шетелде қалып қойған қазақстандықтардың бәрі бірдей 15 наурызға дейін үйіне оралып үлгермейді. Бұл туралы Kursiv.Media сауалына жолдаған жауабында Сыртқы істер министрлігі мәлімдеді.

Ведомство эвакуация жұмыстары жалғасып жатқанын және Қазақстан өз азаматтарын отанына тезірек қайтару үшін барын салып жатқанын атап өтті. Алайда дауыс бере алмайтындардың нақты санын есептеу қазіргі уақытта өте қиын.

«Қазіргі таңда қақтығыс аймағында болған азаматтарымыздың шамамен 90 пайызы эвакуацияланды. Эвакуация жалғасуда. Кейбір азаматтар, соның ішінде шетелдегі мекемелердің қызметкерлері дауыс бере алмайды. Нақты санын айту қиын», – деп атап өтті СІМ.

Еске сала кетейік, 15 наурызда Қазақстанның жаңа Конституциясының жобасы...

Қатты желден Астанадағы Жеңіс даңғылында орналасқан «Айка» тұрғын үй кешенінің қасбеті құлады. Зардап шеккендер жоқ.

Әкімдіктің мәліметінше, оқиға 11 наурызда сағат 17:00 шамасында болған. Желдің екпінен Сарыарқа ауданындағы 2015 жылы салынған үйдің қасбетінен жылытқыш қабаты ажырап кеткен. Зардап шеккендер жоқ.

«Қазіргі уақытта ТҮК-нің басқарушы компаниясы шығын көлемін есептеп, қасбетті қалпына келтіру жұмыстарын жүргізу үшін өндірістік альпинисті жалдау мәселесін қарастырып жатыр», – деп хабарлады елорда әкімдігінің баспасөз қызметі.

Әкімдік «Тұрғын үй қатынастары туралы» ҚР Заңына сәйкес, кондоминиумның ортақ мүлкін, соның ішінде қасбеттерді күтіп ұстау ауыртпалығын пәтер иелері көтеруге тиіс екенін атап өтті.

Еске сала кетейік...

«Эпштейн тізімі» деп аталатын істің ізі Польшаға алып келді. Елдің Ұлттық прокуратурасының мәліметінше, 2026 жылғы 10 наурызда №5 тергеу тобы 2009 жылдан 2019 жылдың тамызына дейін Польшада және одан тыс жерлерде орын алуы мүмкін адам саудасы бойынша іс қозғады.

Тергеудің болжамы бойынша, қылмыстық желі кәмелетке толған және толмаған қыздарды, соның ішінде Польша азаматшаларын да тартқан. Оларға шетелде жұмыс істеуді уәде етіп, алдау жолымен елден шығарып, кейіннен сексуалдық қанау үшін басқаларға беріп отырған.

Тергеу барысында АҚШ Әділет министрлігінің Epstein Files Transparency Act заңы аясында жариялаған материалдарымен танысуға мүмкіндік туған. Осы деректер негізінде Польша аумағында қылмыс жасалды деп күдіктенуге негіз бар.

Атырауда сот ерекше әкімшілік істі қарады. Жергілікті тұрғын үйінде тиісті рұқсатсыз үлкен питон (жылан) ұстаған, деп хабарлайды соттың баспасөз қызметі.

Сот анықтағандай, әйел салмағы 30 келіге жуық, ұзындығы шамамен 3-3,5 метр болатын жыланды баққан. Питон оның үйінде тұрған, бірақ иесінде мұндай экзотикалық жануарды ұстауға арналған құжат болмаған.

Әйел жабайы жануарларды заңсыз сақтау бабы бойынша кінәлі деп танылды. Сот оған айыппұл салды. Оның мөлшері 10 АЕК-ті құрады, алайда мән-жайларды ескере отырып, сома 30%-ға қысқартылды. Нәтижесінде ол 30 275 теңге төлеуге тиіс.

Питонның өзі тәркіленіп, енді ол мемлекет меншігіне өтеді. Сот қаулысы әлі заңды күшіне енген жоқ.

Алматыда қалың жауған қардан жол қозғалысы қиындады. Полиция департаментінің мәліметінше, осы тәулікте – кешегі түстен бастап бүгінгі күнге дейін – қала жолдарында 62 жол-көлік оқиғасы тіркелді.

Осыған байланысты қалалық полиция басқармасының бастығы Серік Шумаев автокөлік жүргізушілерін жылдамдық режимін қатаң сақтауға, арақашықтықты арттыруға және шұғыл маневрлер жасаудан аулақ болуға шақырды.

Оның айтуынша, полиция қызметкерлері күшейтілген режимде қызмет атқарып, жол жағдайын бақылауда ұстап отыр және қажет болған жағдайда қаланың коммуналдық қызметтеріне көмек көрсетуде.

Кеше Алматыда жүк көлігінің жүргізушісі жер үстіндегі газ құбырына соғылып, конструкцияның 150 метрін зақымдаған, соның салдарынан бірнеше үй газсыз қалды.

Бұған дейін синоптиктер атмосфералық фронттардың әсерінен Қазақстан...

Түркістан облысында қытайлық инвесторлармен бірлесіп туризмді белсенді дамыту жоспарлануда. Әкімдік қандай жобаларды жүзеге асыруды көздеп отырғанын жария етті.

Жобалар облыс әкімінің орынбасары Қанат Қайыпбектің қытайлық компания өкілдерімен кездесуінде талқыланды. Тараптар өңірдегі туристік инфрақұрылымды дамыту мен жаңа инвестициялар тарту туралы сөйлесті.

Әлеуетті қытайлық инвесторлар бірнеше идея ұсынды. Олардың ішінде демалыс аймақтарында бақылау алаңдарын салу және капсулалы үйлер орнату бар. Әкімдік қызығушылық танытқан компанияның атауын құпия сақтауды жөн көрді.

Инвесторлар жұмысты наурыз айының соңында бастауға дайын екендіктерін және жергілікті биліктің қолдауынан үміт артатынын мәлімдеді. Әкімдік жаңа жобалар туристер ағынын көбейтуге септігін тигізеді деп күтуде.

«Түркістан облысы әрқашан шетелдік...

KASE деректеріне сәйкес, осы аптада теңге бағамы айтарлықтай құбылмалылық көрсетіп отыр. Апта басында доллар 494,00 теңгеге дейін көтерілгенімен, сейсенбі, 10 наурызда күрт төмендеп, 487,75 теңге деңгейінде бекітілді. Алайда бүгін, 11 наурызда сауда-саттық қорытындысы бойынша ұлттық валюта қайтадан әлсіреп, бағам 491,30 теңгеге дейін көтерілді.

Мамандардың пікірінше, мұндай секірістер әлемдік мұнай нарығындағы белгісіздік пен ішкі валюталық сұраныстың артуына байланысты болып отыр.

Доллар бағамына әсер етуші басты факторлардың бірі мұнай бағасы да құбылмалы болып тұр. Соңғы аптада «қара алтынның» құны барреліне 120 долларға дейін көтеріліп, 2022 жылдың маусым айынан бергі рекордтық көрсеткішке жеткен болатын. Алайда Трамп мәлімдемесінен кейін мұнай бағасы 87-94 доллар...

Атырау қаласында әлеуметтік желідегі стримнен кейін бойжеткенге ауыр жарақат келтірген 21 жастағы жергілікті тұрғын қолға түсті. Қазіргі уақытта оған қатысты қылмыстық іс қозғалып, тергеу амалдары жүргізілуде.

Күдікті әлеуметтік желіде қолында пышағы бар, өзіне зақым келтірген сәтінен видео жариялап, көпшілікпен қоштасқан. Бейнежазбада оның жанында қорыққан және үсті-басы қан болған 19 жастағы бойжеткен болған. Алдын ала мәлімет бойынша, жігіт бірнеше сағат бойы бойжеткенді соққыға жығып, пышақ жарақаттарын салған. Бұл әрекеттерінің бір бөлігін ол желіде тікелей эфир арқылы көрсеткен.

Зардап шеккен бойжеткен ауруханаға жеткізіліп, оған қажетті медициналық көмек көрсетілуде.

Ұсталған азамат өз әрекетін жақын досының суицид жасап, қайтыс болуынан кейінгі эмоционалды жағдайымен түсіндірген...

Халықаралық энергетикалық агенттік (ХЭА) 182 млн баррельден аса мұнай қорын нарыққа шығаруды ұсынды. Бұл 2022 жылғы жағдайдан кейін тарихтағы ең үлкен көрсеткіш болуы мүмкін. Аталған шешім АҚШ, Израиль мен Иран арасындағы шиеленістің күшеюіне байланысты мұнай бағасының өсуін төмендету мақсатында қабылданып отыр. Бұл туралы The Wall Street Journal хабарлады.

«Қауіпті жағдай»

Иранның Ормуз бұғазын жабуға қатысты мәлемдемелері әлемдік мұнай нарығына үлкен қауіп төндіріп отыр. ХЭА мәліметінше, «қара алтын» қорын нарыққа шығару мұнай бағасының күрт өсуін тежей алады әрі қалыптасқан жағдайды тұрақтандыруға көмектеседі. Осы шара нәтижесінде мұнай бағасы төмендеуі мүмкін. 

Мәселен, 9 наурызда Brent маркалы мұнай бағасы 119,5 доллардан жоғары деңгейге жеткен, кейіннен төмендей...

Ақтөбе облысының Алға ауданында учаскелік полицейлер босанғалы жатқан әйелге жедел көмек көрсетті деп хабарлады Төтенше жағдай министрлігі.

Полицейлер Қайыңдысай ауылы маңындағы учаскеде патрульдеп жүргенде жол жиегіндегі ВАЗ автокөлігін көреді. Жақындап сұрастырғанда, машина бұзылып ары қарай жүре алмай тұрғанын анықтайды.

Жолда келе жатқан жүргізуші полициядан көмек сұраған: көліктегі жарының толғағы қысып, жағдай қиындаған. Учаскелік инспектор келіншек пен қасындағы фельдшерді өз көлігіне отырғызып, шұғыл түрде құтқарушыларға жеткізді.

Олар әйелді бірден ауруханаға апарып, көмек көрсетті.

Полиция қиын жағдайда әрдайым 102 нөміріне хабарласуға болатынын еске салады.

Еске салайық, осы күндері елімізде ауа райы нашарлап, қатты аяз болып жатыр.

Мемлекет басшысы Қасым-Жомарт Тоқаевтың өкімімен Алмаз Джумакеев Қорғаныс министрінің орынбасары болып тағайындалды.

«Мемлекет басшысының өкімімен Алмаз Дженишевич Джумакеев Қазақстан Республикасы Қорғаныс министрінің орынбасары болып тағайындалды, ол бұрынғы атқарған лауазымынан босатылды», – делінген Ақорда хабарламасында.

Алмаз Джумакеев 2021 жылы Қорғаныс министрінің кадрлық резервіне енгізілген. 2022 жылдан бері Қазақстан Республикасы Қарулы Күштерінің Десанттық-шабуылдау әскерлерінің қолбасшысы қызметін атқарған.

Жазира Байырбек ұлының тойын ұйымдастыру машақатымен жүр. Ол бұрын той өткізбегенін, қуанышты шараны қалай өткізуді білмейтінін айтты.

Айтуынша, тойға небәрі он бес күн қалған. Бірақ әлі тас-түйін дайын емес.

 «Ұлымыздың үйлену тойына 15-ақ күн қалды. Біз дайындыққа кірісіп жатырмыз. Ең қиыны, кіммен кімді отырғызамын деген сұрақ екен. Тізімді жазып қойып: «Дұрыс отырғыздым ба? Мүмкін, ана жаққа отырғызамын ба? Кім қалып кетті? Кім сияды?» деген секілді ойлар мазалайды», – деді әнші.

Ол тойға шақырылмай қалғандарға келіннің қолынан шай ішкізуге уәде беріп отыр.

«Ең бастысы, ешкімді ренжітпей, жақсы өткізсек деген арманым бар», – деді ол.  

Жазира...

Бүгін, 11 наурыздан 12 наурызға қараған түні, UEFA Чемпиондар лигасының 1/8 финалының алғашқы ойындары өтеді.

Мадридтік Реал Мадрид өз алаңында ағылшын клубы Манчестер Сити командасын қабылдайды. Соңғы 10 жылда екі клуб турнир аясында алты рет кездескен.

Биыл жалпы кезеңде командалар бір рет қана кездескен. Мадридте өткен тартысты матчта «қалалықтар» 2:1 есебімен жеңіске жеткен. Ал өткен маусымдағы плей-офф кезеңінде мадридтік ұжым екі матчта да жеңіске жеткен болатын.

Матч Қазақстан уақыты бойынша сағат 01:00-де басталады. Ойынды Qazsport телеарнасынан тікелей эфирде көруге болады.

Бұған дейін, «Байер» мен «Арсенал» ойынын қайдан көруге болатынын жазған едік.

Ирандағы мұнай нысандарына жасалған соққылардан кейін әлеуметтік желілерде «қара түтін аралас бұлттар Қазақстанға жетіп, қышқыл жаңбыр жауады» деген ақпарат тарады. Осы жайтқа қатысты Экология және табиғи ресурстар министрі Ерлан Нысанбаев жауап берді.

Мәжіліс кулуарында журналистердің сауалына жауап берген министр мұндай қауіп жоқ екенін мәлімдеді.

«Қышқыл жаңбыр деп жүргені – күкірт оксиді мен азот қосындылары. Бұл заттар белгілі бір арақашықтықтан кейін атмосферада тарап кетеді. Өзбекстандағы әріптестеріміз де растағандай, Орталық Азия аумағына қышқыл жаңбыр жауады деген қауіптің негізі жоқ», – деді Нысанбаев.

Министрдің айтуынша, Қазгидромет болжамы да бұл қауіптің негізсіз екенін көрсетіп отыр. Алдағы күндері жел оңтүстік-батыс...

ҚР Премьер-министрінің бірінші орынбасары Роман Скляр стратегиялық маңызы бар алпауыт компания – Eurasian Resources Group S.a.r.l. (ERG) директорлар кеңесінің құрамына енді. Қазақстан Республикасы Үкіметінің 2026 жылғы 27 желтоқсандағы қаулысына осындай өзгеріс енгізілген.

Аталған құжатқа сәйкес, ҚР Премьер-министрінің бірінші орынбасары Роман Скляр мен ҚР Қаржы министрі Мәди Такиевке Люксембургте орналасқан «Eurasian Resources Group S.a.r.l.» компаниясының Директорлар кеңесіне мүше болуға рұқсат берілді. Осы шешім арқылы Роман Скляр Директорлар кеңесіндегі Серік Жұманғариннің орнын басты.

Қаулы қол қойылған күннен бастап заңды күшіне енді.

ERG – әлемдік нарықта феррохром мен кобальт өндірісі бойынша көш бастап тұрған, сондай-ақ мыс жеткізу ісінде...

11 наурыз күні Германияның Леверкузен қаласында УЕФА Чемпиондар лигасының 1/8 финалы аясында немістің Байер 04 Леверкузен өз алаңында ағылшынның Арсенал командасын қабылдайды.

Матчтың тікелей трансляциясы Қазақстан уақытымен 22:45-те басталады. Ойынды Qazsport телеарнасынан көруге болады.

Айта кетейік, «Арсенал» жалпы кезеңде керемет нәтиже көрсетті. Лондондық ұжым сегіз матчтың барлығында жеңіске жетіп, бірден 1/8 финалға жолдама алды. Ал «Байер» бұл кезеңге шығу үшін плей-офф сатысында ойнады. 1/16 финалда неміс клубы грек ұжымы Олимпиакос командасымен кездесіп, екі ойынның қорытындысы бойынша 2:0 есебімен жеңіске жетті.

«Арсенал» мен «Байер» соңғы рет 2002 жылдың 28 ақпанында Чемпиондар лигасының екінші топтық кезеңінде кездескен. Ол матчта лондонды...

Қазақстанда 2026 жылғы сәуірде алғаш рет Өңірлік экологиялық саммит (ӨЭС) өтеді. Шараға мемлекет басшылары, сарапшылар және халықаралық ұйымдардың жетекшілері қатысады. Ауқымды шараға қанша қаржы жұмсалады? Бұл сұраққа Экология министрі Ерлан Нысанбаев жауап берді.

Министрдің айтуынша, саммитті өткізуге 2,7 млрд теңге жұмсалады, алайда бұл қаражат бюджет есебінен емес.

Үлкен шараны қаржыландыруды қазақстандық кәсіпкерлер өздері жүзеге асырады. Панельдік сессиялар мен пленарлық отырысты ұйымдастырумен тікелей «QazExpoCongress» ұлттық компаниясы айналысады.

«Бюджеттен бір тиын да алмаймыз. Барлығы демеушілердің қаражаты есебінен жасалады», – деп атап өтті министр.

Сонымен қатар, шара аясында әлемнің 20 елінен 160 компанияны қамтитын ауқымды көрме өтеді. Оны...

Air Astana Таяу Шығыстағы қазақстандықтарды елге әкелуден бас тартып, рейстерді SKAT компания орындағаны туралы ақпарат тарады. Журналистер сыртқы істер министрінің орынбасары Ержан Ашықбаевтан осының мән-жайын сұрады.

Алайда ол ақпаратты растаған жоқ, теріске де шығармады.

«Мен нақты маршрут бойынша ақпарат бере алмаймын. Әлбетте, ол жерде өз нюанстары бар. Әр компанияның өз талабы да болады. Елге байланысты да жағдай әртүрлі», – деп қысқа қайырды ол.

Өз кезегінде Air Astana он күнге Дубайға рейс жүргізуді тоқтатқанын хабарлады. Компания мәліметінше, бұған жағдай шиеленісуі себеп болған.

«Таяу Шығыстағы шиеленісті жағдайға байланысты Air Astana әуе...

Экология министрлігінің қоймаларында шамамен 20 тонна киік мүйізі бар. Оның барлығы заңсыз киік аулаған броконьерлерден алынған. Биыл оларды экспортқа шығарып сату жоспарланып отыр. Бұл туралы Экология министрі Ерлан Нысанбаев айтты.

Министрдің айтуынша, киік саны реттелген кезде олардың мүйіздері кесіліп алынып, қабылдау пункттерінде және жергілікті әкімдіктерде арнайы ақпараттық жүйеде белгіленеді. Кейін олар күзетпен Алматыға жеткізіледі. Онда арнайы салынған тоңазытқыш қоймалар бар. Бұл қоймаларда белгілі бір температуралық режим мен ауа ылғалдылығы сақталады. Әр мүйіз жеке нөмірленіп, таңбаланған және оның қозғалысын бақылауға мүмкіндік беретін белгісі бар.

Киік мүйіздерін сатудан түскен қаржы қайда жұмсалады

Сирек және жойылып бара жатқан тұяқты жануарларды қорғау жөніндег...

Актерлер Дариға Бадықова мен Олжас Абай қазіргі уақытта АҚШ-тың Лос-Анджелес қаласында жүр.

Бадықова желідегі парақшасында әлемге әйгілі Hollywood-тың фонында тұрып арманы орындалғанын жеткізді. Сыртынан сөз айтатындарға ерегесе түсетінін, өзін ештеңе тоқтата алмайтынын атап өтті.

«Тастардан баспалдақ жасап келемін…»

Одан бөлек өзін сынаушыларға қарата төмендегідей сөз айтты.

Маған тас атқандар бар, бірақ мен сол тастардан баспалдақ жасап келемін», – деп жазды актриса.

Сонымен қатар, ол жетістік армандаумен ғана емес, ішкі және сыртқы әңгімелердің, еңбектің арқасында келетінін атап өтіп, оқырмандарына да осындай сапарды нәсіп етсін деген тілегін білдірді.

«Таптым-ау сені 3» фильмінің тұсаукесері жақын

Естеріңізге...

Қытайлық Jetour бренді Қазақстан нарығында бірнеше автокөлігінің бағасын арзандатты.

Олардың ішінде Jetour Dashing, Jetour X90 Plus, Jetour X70 Plus үлгілері бар.

Қазіргі бағасы

Jetour Dashing моделінің бастапқы бағасы енді 8 990 000 теңгеден басталады.

Отбасылық аудиторияға арналған, жеті орындық Jetour X70 Plus кроссоверінің бағасы 10 990 000 теңгеден басталады.

Ал Jetour X90 Plus моделі қазір 11 490 000 теңгеден қолжетімді.

Толық ақпаратты, қолжетімді комплектацияларды және тест-драйвқа жазылу мүмкіндігін Қазақстандағы Jetour ресми дилерлік орталықтарынан білуге болады.

Үш көлік несімен ерекшелінеді

Jetour Dashing, Jetour X70 Plus және Jetour X90 Plus – бір брендтің кроссоверлері болғанымен, олардың көлем...