Жаңалықтар

Ыстанбұлда жеке логистикалық компанияда курьер болып жұмыс істеген Қазақстан азаматы Ариф Исмаиловты атып кетті. Бұл туралы түрік басылымы Haberler хабарлайды.

Оқиға Фатих ауданындағы Балабанаға кварталының Зейнеп Камиль көшесінде болған. БАҚ мәліметінше, белгісіз адам қазақстандыққа жақындап келіп, басынан атқан, содан кейін оқиға орнынан қашып кеткен. Алған жарақатынан қазақстандық сол жерде тіл тартпай кетті. Шабуыл сәті бейнебақылау камераларына түсіп қалған.

Кейінірек елден қашып кетпек болған екі күдікті ұсталды. Оларды ұстау операциясы шекара маңындағы Едірне провинциясында өтті.

Ыстанбұл полициясының мәліметінше, күдіктілер шекараға автокөлікпен келген. Жандармерия дронды қолданып, көп ұзамай жаяу қашпақ болған күдіктілерді анықтады. Ұсталғандар Грузияның екі азаматы болып шықты.

Медициналық тексеруден...

Батыс Қазақстан облысының полициясы осыдан отыз жыл бұрын орын алған топтық зорлау дерегі бойынша қылмыстық іс қозғады.

Зорлық-зомбылыққа ұшыраған әйел әлеуметтік желідегі парақшасында жасөспірім кезінде оны бірнеше жергілікті тұрғын ұрлап әкетіп, ауыл шетіндегі қараусыз қалған ғимаратта зорлағанын айтып берді. Жәбірленушінің төрт ағасы ол кезде үйде болмаған.

Оқиғадан кейін бойжеткен зорлаушыларды полицияға арыз түсіремін деп қорқытқан, содан соң оны Жайық өзенінің жағасына апарып, өліммен қоқан-лоққы көрсету арқылы көп жылдар бойы үндемеуге мәжбүрлеген.

Қазір әйел басқа елде тұрады және ұл тәрбиелеп отыр, алайда еркектерге деген жиіркеніш сезімі болғандықтан, отбасын құра алмаған.

Kursiv.Media-ның сауалынан кейін полиция барлық уәж сотқа дейінгі тергеп-тексеру аясында...

6 сәуірде Қостанайдағы Қылмыстық істер жөніндегі мамандандырылған сотта блогер Миршат Сәрсенбаевқа қатысты үкім шықты. Сот оны бопсалау айыбы бойынша кінәлі деп танып, 7,5 жылға соттады.

48 жастағы Сәрсенбаев «Миршат Сәрсенбаевтың ыңғайсыз сұрақтары» атты блогында өңірдегі өзекті мәселелерді көтеріп келген.

Оқиға 2025 жылдың ақпан айында басталды. Блогер Қостанай облысындағы құс фабрикасынан далаға тірі балапандар мен кәсіпорын қалдықтарының заңсыз төгіліп жатқанын түсіріп, желіге жариялайды. Осыдан кейін фабрикаға ірі көлемде айыппұл салынды.

Көп ұзамай құс фабрикасының мүддесін қорғайтын адвокат Игорь Шишов блогердің үстінен «20 миллион теңге тұратын көлік бопсалады» деп арыз түсіреді.

«Костанайские новости» басылымының жазуынша, судья Аделия Хасенова үкімді түсіндіру барысында келес...

Алматыда №2 балалар клиникалық ауруханасының хирургтары 12 жастағы қызға күрделі операция жасап, өмірін сақтап қалды.

Науқас аурухананың хирургия бөліміне шұғыл түрде жеткізілген. Дәрігерлер оған сирек кездесетін диагноз қойған. Ол «трихобезоар» деп аталады. Яғни асқазанда көп шаш жиналып қалған.

Аурухана директоры Марат Рабандияровтың айтуынша, кешенді тексеру, соның ішінде эндоскопия барысында дәрігерлер баланың өміріне қауіп төндірген ірі түзілімді анықтаған. Бұл жағдай шұғыл ота жасауды талап еткен.

Бұл қыз балаға бұған дейін дәл осы диагнозбен екі рет ота жасалған. 2021 жылы Шымкентте және 2024 жылы Семейде. Қайталанған операциялар салдарынан құрсақ қуысында айқын жабысқақ процесс пайда болып, операциядан кейінгі тыртықтар мен асқазан...

2026 жылдың 1 сәуіріндегі дерек бойынша, Ұлттық қорда жинақталған қаражат 37,3 трлн теңгені құрады. Бұл қаржыға қордың 2025 жылы тапқан инвестициялық табысы да кіреді.

Қаржы министрлігінің наурыз айындағы есебінде қор қаржысы 39,9 трлн теңгеге жуықтағаны жазылған. Яғни бір айда қор қаржысы 2,6 трлн теңгеге азайды. Оған доллар бағамының күрт арзандауы себеп болуы мүмкін. Өйткені қор қаржысы валютада сақталады.

Есепті кезеңде қорға барлығы 799,5 млрд теңге қаражат келіп түсті. Түсімнің негізі мұнай секторынан түскен салық: шамамен 784 млрд теңге.

Бұл – қордың басты табыс көзі. Оның ішінде ең көп үлес корпоративтік табыс...

«Отбасы банк» «Наурыз 2026» тұрғын үй бағдарламасына қатысушылар тізімін жариялады.

Бағдарламаға 26 822 өтінімнің ішінен 16 000 салымшы іріктеліп шыққан.

Үй тауып, сатып алуға алты ай уақыт беріледі

Қатысушылар 6 сәуір мен 12 мамыр аралығында несиеге өтінім беруге тиіс. Қарыз мақұлданғаннан кейін, оларға тұрғын үй табу және сатып алу үшін алты ай уақыт беріледі.

Банк мәліметінше, бағдарламаға қатысушылардың орташа жасы – 32 жас. Олардың 9296-сының баласы бар, ал 7569-ы некеде.

Іріктеуден өткендердің жартысынан көбі, нақтырақ айтқанда, 8690 адам тұрғын үй кезегінде тұрғандар. Оның ішінде 2689 азамат әлеуметтік осал топтарға жатады. Бұл санат үшін несие мөлшерлемесі жылдық 7%, ал...

Мемлекеттен қаржылай көмек алған банктер енді акционерлеріне дивиденд төлесе, дәл сол соманың 100%-ын бюджетке қайтаруға міндеттеледі. Бұл туралы Қаржы нарығын реттеу және дамыту агенттігінің (ҚНРДА) төрайымы Мадина Әбілқасымова мәлімдеген. Бұл туралы «Ручная экономика» телеграм-арнасы жазады.

Реттеуші органның мұндай қадамы банктерді мемлекет алдындағы берешегінен тезірек құтылуға ынталандыруды көздейді. Мұнымен қоса қарызы бар банктер үшін мемлекеттік көмекті мерзімінен бұрын өтеу кестелері бекітілді.

Мадина Әбілқасымова банктердің 2017–2020 жылдары алған көмегі шығындарды жауып, қажетті қор (провизия) құруға жұмсалғанын еске салды.

Алайда қазір барлық қаржы институты бұл берешекті бір мезетте қайтаруға қауқарлы емес. Мәселен, 1 трлн теңгеге жуық көмек алған...

Кезекті кавер-шоулардың бірінде әзіл-сықақ шебері, «Шаншар» театрының негізін қалаушылардың бірі Жүсіп Ақшора мен әріптесі Дәурен Әбиевтің өнері халықтың ерекше сүйіспеншілігіне бөленді.

«Хит 2026»: Желі қолданушыларының пікірі

Көрермендер сахналық қойылымға, әнге және әртістердің киім үлгісіне жоғары баға беріп жатыр. Желідегі пікірлерден халықтың сүйіспеншілігін анық байқауға болады:

«Жүкең жарды!»

Оқырмандар Жүсіп ағаның жасына қарамастан сахнадағы ерекше энергиясына тәнті болды.

«Кәрі боз қар бұзады», «Таза еңбек, өнерде жан-жақты екенін көрсетті», «Бірліктің жігіттері от қой» деген пікірлер жиі кездеседі.

Жүсіп Ақшораны бала кезден теледидардан көріп өскен көрермендер үшін бұл кавер-шоу сағыныш пен қуаныш сыйлағандай. Көпшілік бұл...

Қасым-Жомарт Тоқаев Қаржылық мониторинг агенттігінің төрағасы Жанат Элимановты қабылдады. Ақорданың хабарлауынша, президентке агенттіктің жұмысы жөнінде баяндалды.

Жанат Элимановтың сөзінше, мал шаруашылығы саласына бөлінген 30 млрд теңге субсидияны тиімсіз пайдаланғаны, ғылыми зерттеулер мен ғылыми-техникалық нәтижелерді коммерцияландыруға бағытталған 10 миллиардтан аса теңгені мақсатсыз жұмсау белгілері анықталған.

Одан бөлек міндетті әлеуметтік медициналық сақтандыру қаражатын жымқыру фактілері бойынша 14 сотқа дейінгі тергеу басталған, ал құрылыс саласында 5,3 миллиард теңгені заңсыз иемденбек болған жандарға қатысты 21 қылмыстық іс қозғалды.

Алаяқтық әрекеттердің алдын алу бойынша 17 қаржы пирамидасының қызметі тоқтатылғаны және банктер мен байланыс операторларының атын жамылып, арнайы құрылғылар арқылы жаппай фишингтік SMS-хабарламалар таратқан топ...

Қазақстанда кезекте тұрған азаматтарға жалдамалы тұрғын үйді бөлу 16 сәуірге дейін уақытша тоқтатылды.

«Отбасы банк» өкілдерінің мәліметінше, жүйе ашық әрі ыңғайлы болуы үшін қайта жетілдіріледі.

Бұрын қалай еді?

Krisha.kz ақпаратына қарағанда, бұған дейін пәтерлер отбасы құрамына қарай бөлінетін. Заң бойынша әр адамға кемінде 15–18 шаршы метрден келуге тиіс.
Сол себепті жүйе алдымен кезегі жеткен адамның отбасы санына сай келетін пәтер бар-жоғын тексеретін еді. Мысалы, бес адамнан тұратын отбасыға үлкен пәтер қажет.
Алайда лайықты нұсқа табылмаса, кезек «секіріп», пәтер отбасы мүшелері аздарға ұсынылатын. Ал, шын мәнінде, кезегі келгендер ұзақ уақыт баспанасыз қалып қояды.

Не өзгереді?

Енді «Отбасы банк» тәсілді өзгертпек...

Ресейдің Коми өңірінде теміржолдағы диверсия жасаған ер адамға үкім шықты. Бұл туралы аймақтық соттың баспасөз қызметі хабарлаған.

Lenta ақпаратына қарағанда, мұғалім Сергей Лебедев белгісіз тұлғалардың нұсқауымен көлік инфрақұрылымын бүлдіру және Ресейдің экономикалық қауіпсіздігіне нұқсан келтіру мақсатында әрекет еткен.

Ол 2025 жылдың 25-27 тамызы аралығында Сыктывкар қаласындағы теміржол депосы аумағында тепловоз кабинасының әйнегін сындырып, жанғыш сұйықтық құйып, өрт қойған.

Нәтижесінде локомотив кабинасы толық жанып кеткен. Қалпына келтіру жұмыстарынсыз пайдалануға жарамсыз болып қалған. Келтірілген шығын 25 миллион рубльден асқан.

Сот оны Ресей Қылмыстық кодексінің 281-бабы – «Диверсия» бойынша кінәлі деп танып, 15 жылға қатаң режимдегі колонияға қамау жазасын тағайындады. Сонымен...

Новороссийск портына жасалған дрон шабуылы қазақ мұнайы экспортына әсер етпеді. Бұл туралы Энергетика министрлігі хабарлады.

Министрлік 5 сәуір күні Ресейдің Новороссийск портында болған оқыс оқиғаға байланысты жағдайды жіті бақылап отыр.

Ресми өкіл Әсел Серікпаеваның хабарлауынша, жағдай мұнай экспортына ешқандай кері әсерін тигізген жоқ.

Қазір магистральдық құбырлар арқылы шикізатты қабылдау мен жөнелту штаттық режимде жалғасып жатыр.

«Бүкіл экспорттық жоспарлар ала бекітілген кестеге сай орындалып жатыр және мұнай тасымалында ешқандай іркіліс жоқ», – делінген хабарламада.

Blumberg басылымының жазуынша, NASA жерсеріктерінен алынған суреттер Новороссийскідегі «Шесхарис» мұнай терминалында дрон шабуылынан кейін өрт шыққанын растады...

Ұлан-Батыр қаласында Қазақстан мен Моңғолия Ұлттық Олимпиадалық комитеттері (ҰОК) басшыларының ресми жұмыс кездесуі өтті. Екі ел арасындағы спорттық ынтымақтастықты нығайтуды көздеген бұл жиында әлемге танымал боксшы, Қазақстан ҰОК президенті Геннадий Головкин ерекше құрметке ие болды.

Серіктестіктің жаңа белесі

Қазақстан делегациясын ҰОК президенті Геннадий Головкин мен ұйымның бас хатшысы Әлімжан Ақаев бастап барды. Моңғолия тарапынан кездесуге ҰОК бірінші вице-президенті Чойжгаваагийн Наранбаатар және бас хатшы Бадар-Ууган Энхбат қатысты.

Келіссөздер барысында тараптар төмендегідей мәселелерді талқылады:

Енді Алматы полицейлері қызметтік көлігін тастап, азаматтық жеңіл көліктерге ауысады. Осылайша жолдағы заң бұзушылықтармен күреспекші деп хабарлады ІІМ.

Ведомство мәліметінше, полицейлер қызметтік көлігін тастап, «жасырын» жұмыс істеудегі мақсаты – жолда агрессивті көлік айдайтындармен күресу. Олар көшедегі қарапайым көлік тәрізді жүріп, заң бұзғандарды көрсе, бірден тіркеп, жақын маңдағы полиция экипажына жолдайды. Кейін сол экипаждар көлікті тоқтатып, жүргізушіні жауапқа тартады.

ІІМ дерегінше, өткен демалыста осы тәсілмен тәртіп бұзған 28 дерек тіркеген. Барлығы да жауапқа тартылды.

«Жасырын патрульдеу – көзге бірден түсе бермейтін өрескел құқық бұзушылықтарды анықтаудың тиімді құралы. Полиция қызметкерлері жалпы көлік ағынында жүріп, жүргізушілерд...

Өскеменде екі мас адам полиция қызметкерінің қаруын тартып алып атып кетті. Полиция қызметкері өз қызметтік қаруынан жараланғанын растады.

YK-news.kz ақпаратына қарағанда, атыс Наурыз мерекесі күні Нұрмағамбетов көшесіндегі тұрғын үйдің ауласында болған.

«22 наурыз күні кешке мас екі азамат полиция қызметкеріне бағынбай, оның қызметтік қаруын тартып алып, қолының тұсына атқан», – деп түсіндірді ШҚО Полиция департаменті бастығының орынбасары Қазбек Тақжанов.

Оның айтуынша, күдіктілер оқиға орнында ұсталып, уақытша ұстау изоляторына қамалды. Зардап шеккен полиция қызметкері ауруханаға жеткізілген. Оның жағдайы тұрақты деп бағаланып отыр. Медициналық көмек дер кезінде көрсетілген.

ШҚО ПД мәліметінше, аталған факті бойынша Қылмыстық кодекст...

Threads әлеуметтік желісінде дүкен сөрелерінде тұрған қымыз бөтелкелеріндегі ерекше сурет қызу талқыға түсіп жатыр.

«Green flag» пен «Милфаларға» дейін

Бөтелкелердің сыртында «Green flag досың үшін» (сенімді, жақсы дос мағынасында) және «Милфаларға арналған» деген жазулар бар. Соңғы жазудың астында кішігірім әріптермен «Махаббат жасқа қарамайды» деген түсініктеме де жазылған.

Бұл өнім Shanyraq Balqymyzy брендінің жаңа маркетингтік қадамы. Өндірушілер осылайша дәстүрлі сусынды заманауи трендтермен ұштастырып, жастардың (зумерлердің) назарын аударуды көздеген сияқты.

Желі қолданушылары не дейді?

Бұл жаңалық желі оқырмандарын екіге бөлді.

Кейбір қолданушылар бұл қадамды «мықты маркетинг» деп бағалап жатыр. Олардың пікірінше, бұл қымызды жастар арасында танымал етудің тиімді жолы.

Қостанай қаласының №2 соты аса ірі мөлшерде алаяқтық жасаған компанияның негізін қалаушы әрі директорына қатысты үкім шығарды. Тергеу барысында анықталғандай, кәсіпкер 2021 жылдың соңы мен 2022 жылдың көктемі аралығында интернет ресурстары арқылы ауыл шаруашылығы дақылдарының тұқымын сату туралы жалған хабарландырулар таратқан.

Оның басты мақсаты – тауар жеткізу емес, жәбірленушілердің сеніміне кіріп, ақшаларын иемдену болған.

Қылмыстық схема бойынша, Г. өзіне жүгінген шаруа қожалықтарымен және заңды тұлғалармен ресми түрде жазбаша шарттар жасасқан.

Осыдан кейін тауар құнын 100 пайыз алдын ала төлеуді талап етіп, ақша есепшотқа түскен бойда өз міндеттемелерін орындамай, қаражатты жеке мүддесіне жұмсап жіберген.

Маңғыстау облысындағы «Үстірт» шекара бөлімшесінің 26 жастағы бастығы екі жылға бас бостандығынан айырылды. Былтыр күзде болған қайғылы жағдайға қатысты сот шешімі енді шықты деп жазады Kursiv Media.

Мәселенің мән-жайы

20 жастағы Еркебұлан Сағындық Маңғыстау облысы Қарақия ауданы Үстірт заставасында әскери міндетін өтеп жүрген. Ұлттық қауіпсіздік комитетінің Шекара қызметі былтыр қазанда оның қайтыс болғанын хабарлады. Марқұмның отбасына оның жанармай иісінен уланып қайтыс болғанын айтқан. ҰҚК мұны жазатайым жағдай деп бағалады. Бірақ Еркебұланның туыстары оған сенбей, жанармайдан уланып қайтыс болу мүмкін емес деген еді.

Істің мән-жайы туралы толығырақ мына жерден оқи аласыз.

Болған жағдай бойынша...

Шетелде – тропикалық елдердің бірінде демалып жатқан Еркебұлан Тоқтар түскі асқа 522 доллар төледі.

Бейнежазбасында актер әрі жауынгердің крабты сүйсіне жеп отырғаны көрінеді. Крабтың аяған жұлып алып, сүйек кеміргендей, қазақшалап қолмен жейді. Бірақ есепайырысатын кезде, чекті көріп түрі бұзылып кетті.

«Мынаны қара. 522 доллар. Түр бермейсің ғой, күнде төлеп жүрген адам сияқты. Екі краб алдым. Бір үлкен креветка және бір десерт. Бағасы 250 мың теңге болды. «Өмірге бір мәрте келеміз. Осылай отырмағанда, енді қалай отырасың? Не үшін жұмыс істеп жүрмін деп өз-өзімді жұбатып қоямын», – деді Еркебұлан Тоқтар.

Сонымен қатар ол кеткен ақшаға іші ашып...

Қазақстандық ірі алтын өндіруші – «Алтыналмас» компаниясының акциялары Астана халықаралық биржасына (AIX) шығарылады. Бұл туралы акционерлердің кезектен тыс жалпы жиналысында белгілі болды. Осылайша, AIX биржасы Қазақстан қор биржасынан (KASE) кейінгі компания акциялары орналастырылатын екінші алаң болмақ.

Сонымен қатар акционерлер жер қойнауын пайдалану құқықтары мен соған қатысты нысандарды иеліктен шығару туралы шешім қабылдады. Бұл құқықтарға иелік ететін ұйымдардағы үлестер мен акцияларды беру процесі де мақұлданды.

Қазіргі уақытта компанияның 9 акционері бар, олардың ішіндегі ең ірісі – нидерландылық Gouden Reserves B.V. (66,39%) және кәсіпкер Владимир Жұманбаев (23,2%). Алайда нарықта компанияның меншік иесі ауысуы мүмкін деген ақпарат тараған...

Моңғолияның астанасы Ұлан-Батыр қаласында өтіп жатқан бокстан Азия чемпионатында Қазақстан құрамасының өкілі Махмұд Сабырхан жүлделі орыннан көрінді.

55 келіге дейінгі салмақ дәрежесінде сынға түскен отандасымыз жартылай финалда алаң иесі Билгуунсайхан Хархумен қолғап түйістірді.

Жекпе-жек барысында екі боксшы да тартысты өнер көрсетті. Алайда үш раундтың қорытындысы бойынша төрешілер шешімімен моңғолиялық спортшының мерейі үстем болды – 5:0.

Осылайша, Махмұд Сабырхан Азия чемпионатын қола медальмен аяқтап, Қазақстан қоржынына тағы бір жүлде салды.

Еске сала кетейік, бұған дейін әйелдер арасында Бақыт Сейдіш Азия чемпионатының финалына шыққаны туралы жазған едік.

Атырауда таңертең мектепке бара жатқан оқушыны көлік қағып, 8 жастағы қыз сол жерде қайтыс болды. Бұл туралы Атырау полициясы хабарлады.

Қайғылы оқиға таңертең 7:45-те Әл-Фараби даңғылындағы BINOM мектебінің алдында болған. Рөлде отырған жүргізуші 52 жаста, өзге мән-жайы белгісіз.

«Алдын ала мәлімет бойынша, 1974 ж.т. жүргізуші басқаруындағы Toyota Hiace автокөлігімен жаяу жүргіншілер жолағымен өтіп бара жатқан 2018 ж.т. жасөспірімді қағып кеткен. Бала оқиға орнында көз жұмды. Аталған дерек бойынша қылмыстық іс тіркеліп, тергеу жүргізіліп жатыр», – дейді құзырлы орган өкілдері

Осыдан бір апта бұрын Батыс Қазақстанда мектеп оқушылары бар автобус қоғамдық көлікпен соқтығыс...

Сәуір айының басында өтпей қалған «Чемпиондар шоуы» жаңа мерзімде көрерменге жол тартады. Бұл туралы Байтақ Тұрсынбаев өзінің Facebook парақшасында ресми мәлімдеді.

Ұйымдастыру мәселелері шешілді

Бұған дейін белгісіз себептермен кейінге шегерілген шоудың тағдыры көпті алаңдатқан еді. Енді барлық техникалық және ұйымдастыру мәселелері толық шешіліп, шоу өтетін уақыт нақты күні 1 маусымға белгіленді.

«Барлық мәселе шешілгенін ұйымдастырушылар ресми түрде хабарлады. Бірінші маусымда баршаңызды күтеміз!», – деп жазды Байтақ Тұрсынбаев.

Элизабет Тұрсынбаева мұз айдынына оралады

Көрермендер үшін ең басты жаңалық бұл кеште қазақстандық мәнерлеп сырғанаушы, әлем чемпионатының күміс жүлдегері Элизабет Тұрсынбаева өнер көрсетеді. Ол денсаулығына байланысты...

Ақмола облысы Қорғалжын ауданында 5 сәуірде түстен кейін бұзылған «Шөптікөл» бөгетінен аққан су Астана-Қорғалжын күрежолына келіп тірелді. Соған байланысты жұмысшылар шұғыл түрде қызылсуды жолдың екінші бетіне айдап жатыр.

Өңірдің төтенше жағдайлар департаменті таратқан мәліметке қарағанда, еріген суды дала аймағына қайта бағыттау мақсатында Астана–Қорғалжын автожолы төсемінің деңгейі көтеріле бастады.

Мекеме бөгеттен аққан судан жергілікті тұрғындарға қауіп жоқ деп отыр.

«Халық үшін қауіп жоқ. Жұмыстар тәулік бойы жалғасып жатыр», – деп ескертті Ақмола облысының төтенше жағдайлар департаменті.

Мәліметке қарағанда, қазір шамамен 5 мың қап және 50 мың тонна инертті материал дайындалды. Жол бойында ұзындығы...