Жаңалықтар

Астана, Алматы және Шымкент қалаларында жол ережесіне қатысты жаңа жүйе сынақтан өткізіліп жатыр.

Бұл жиі ереже бұзатын жүргізушілерді жүргізуші куәлігінен айырып, тұсау салуға мүмкіндік бермек.

Ішкі істер министрлігінің мәліметінше, әрбір құқықбұзушылық үшін жүргізушіге 1-ден 3-ке дейін балл есептеледі. Егер жүргізуші 20 балл жинаса, онда ол бір жылға көлік жүргізу құқығынан айырылады.

«Бұл тәсіл жол қозғалысы қауіпсіздігін арттыруға және жол ережелерін жүйелі түрде бұзудың алдын алуға бағытталған», – делінген құжатта.

Құқықбұзушылықтар туралы мәліметтер Бірыңғай әкімшілік құқықбұзушылықтар тізіліміндегі ақпарат негізінде қалыптастырылмақшы.

20 балл жинаған жүргізуші  көлік жүргізу құқығын қайта қалпына келтіру үшін қайта емтихан тапсырмайды. Тек бір...

2026 жылдың бірінші тоқсанының қорытындысы бойынша Қазақстан сыртқы сауда айналымын 32,9 млрд долларға дейін арттырды. Көрсеткіш өткен жылдың сәйкес кезеңімен салыстырғанда (29,8 млрд доллар) 10,5%-ға жоғары. Мұндай мәліметтерді ҚР Сауда және интеграция министрлігі ұсынды.

2026 жылдың қаңтар-наурыз айларындағы экспорттың жалпы көлемі 9,4%-ға өсіп, 18 млрд долларды құрады. Ал есепті кезеңдегі Қазақстан импорты 2025 жылдың бірінші тоқсанымен салыстырғанда 11,8%-ға ұлғайып, 14,9 млрд долларға жетті.

«Айтарлықтай өсім электр генераторлық қондырғыларға тиесілі. Олардың импорты 5 еседен астам артып, 416,8 млн долларға жетті. Сондай-ақ газ турбиналары мен авиациялық қозғалтқыштарды, мұнай өнімдерін, теміржол локомотивтерін, сонымен қатар шикізатты өңдеу мен сұрыптауға...

Астанадағы LRT іске қосылған алғашқы күннен-ақ жолаушылар саны бойынша рекорд орнатты. Бұл туралы City Transportation Systems басқарма төрағасы Асылбек Дүйсебаев мәлімдеді.

Оның айтуынша, тұрғындардың жаңа көлік түріне деген қызығушылығы күткеннен әлдеқайда жоғары болған. Дүйсебаев ресми іске қосылған алғашқы күні, яғни 17 мамырда, LRT қызметін 100 мың адам пайдаланғанын айтты.

«LRT іске қосылғалы жолаушылар саны 180 мың адамға жетті. Тек кешегі күннің өзінде бұл көлік түрін 100 мың жолаушы пайдаланды. Бұл көрсеткіш жобада қарастырылған өткізу мүмкіндігінен асып түседі», – деді Дүйсебаев.

Алайда CTS компаниясының мәліметінше, қазіргі таңда жүктеме біртіндеп тұрақталып келеді.

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Астанадағы халықаралық әуежайдан қазақстандық қажылардың алғашқы легін қасиетті Мекке мен Мәдина қалаларына шығарып салды.

Наурызбай қажы Тағанұлы сапарға аттанғалы тұрған қажыларға сәттілік тілеп, лебізін білдірді.

«Алланың қасиетті үйіне бет түзеп, ұлы сапарға аттанғалы отырған баршаңызға Жаратушы Иеміз амандық, саулық, мол рухани қуат нәсіп етсін! Ұлы Раббымыз сапарларыңызды жеңіл әрі қайырлы етіп, жасаған қажылықтарыңызды қабыл болған қажылықтардың қатарына қосқай. Шамасы жеткен әрбір мұсылманға өмірінде бір рет қажылық жасау – парыз. Діни мен дәстүрін ардақтай білген ата-бабаларымыз қажылық сапарын ұлықтап «Ұлы сапар» деп атаған. Бұл...

Абай облысында балабақшалардың бірінде 75 қызметкердің жеке дерегі тарап кеткен. Мұны Курчатов қаласының прокуратурасы анықтады.

Білім беру мекемесі қызметкерлерді мерзімдік медициналық тексеруден өткізу бойынша конкурс жариялағанда қызметкерлерінің ЖСН-ін және өзге де құпия ақпаратты қамтитын тізімді де орналастырып жіберген.

Мекеме басшысы талаптарды сақтамағандықтан да азаматтардың дербес дерегі тарап кетіп отыр. Бұған жауапты басшылыққа 432 мың теңге көлемінде айыппұл салды.

«Прокуратура қабылдаған шаралар нәтижесінде көрсетілген бұзушылықтар жойылып, кінәлі лауазымды тұлға ҚР ӘҚБтК 79-бабы 2-бөлігі (Қазақстан Республикасының дербес деректер және оларды қорғау туралы заңнамасын бұзу) бойынша 432 500 теңге мөлшерінде айыппұл салумен әкімшілік жауаптылыққа тартылды», – деп жазылған...

Бішкектің Первомай аудандық соты Ұлттық қауіпсіздік мемлекеттік комитетінің экс-басшысы Қамшыбек Тәшиев ісі бойынша алдын ала сот тыңдауларын өткізіп жатыр.

Kaktusmedia ақпаратына қарағанда, сот қызметкерлері іс құпия қаралғандықтан, сот залына апаратын дәлізге де ешкім кіргізілмейтінін айтқан.

Адвокат Икрамидин Айткуловтың мәліметінше, Тәшиевке билікті күшпен басып алуға дайындалды және қызметтік өкілеттігін асыра пайдаланды деген айып тағылған.

Оның айтуынша, бұл сот отырыстары жабық форматта өтетінін, тергеу мен сот материалдарын жариялауға тыйым салынатынын білдіреді.

Бұл іс бойынша Тәшиевпен бірге тағы жеті адам айыпталушы ретінде қарастырылып жатыр.

Айып тағылғандардың ішінде Қамшыбек Тәшиевтен бөлек, бұрынғы депутат Құрманқұл Зулушев және Жогорку Кенештің экс-төрағасы Нұрланбек Тургунбекұлы да бар.

Алматыда шығармашылық оқу орнында оқитын студенттер үшін 500 орындық жатақхана салынып жатыр. Бұл туралы бүгін өткен баспасөз конференциясында Мәдениет комитеті төрағасының орынбасары Талап Шерхан айтты.

Ол қалада құрылысы жүріп жатқан 64 мәдениет нысан жайлы атап өтті. Оның ішінде студенттерге арналған жатақхана, Мұхтар Әуезов және Наталия Сац атындағы театр да бар.

«Маңызды жобалардың қатарында Мұхтар Әуезов атындағы Қазақ ұлттық драма театры мен Наталия Сац атындағы орыс мемлекеттік академиялық балалар және жасөспірімдер театры ғимараттарын қайта жаңғырту жұмысы бар. Сондай-ақ Алматы қаласында шығармашылық оқу орындарының студенттеріне арналған 500 орындық жатақхана салынып жатыр», – деді спикер

Мәдениет және ақпарат...

Шымкент қаласында белгісіз біреулер Таскешу тұрғын алабына қатынайтын №149 бағыттағы автобустарды таспен атқылаған.

Закон Лайв мәліметінше, бұзақылықтың кесірінен автобус есігінің әйнегі сынған.

 «Бесағаш аялдамасы маңында жолдан өтіп жатқанда балалар тас лақтырып, есіктің терезесін сындырып жіберді. Үшеуі дачаның ішіне қарай қашып кетті», – делінген бейнежазбада автобус жүргізушісі.  

Жүргізушілердің айтуынша, мұндай жағдай бірнеше жыл бұрын да болған. Алайда кінәлілер сол күйі табылмаған.

Тасымалдаушы компаниялар бүлінген автобустарды өз қаражатына жөндеуге мәжбүр. «Южавтотранс» қауымдастығының мәліметінше, егер мұндай оқиғалар қайталанса, жолаушылар мен жүргізушілердің қауіпсіздігіне төнген қатерге байланысты маршрут жабылуы мүмкін.

Айта кететін жайт, елордада эвакуатор автобус аялдамасын

Reuters агенттігінің мәліметінше, АҚШ пен Израильдің Иранмен қақтығысы әлемдік компанияларға кем дегенде 25 млрд доллар шығын әкелген әрі көрсеткіш тоқтаусыз өсіп жатыр.

Дағдарыстың негізгі себептері

Иранның Ормұз бұғазын жауып тастауы мұнай бағасын барреліне 100 доллардан асырды. Бұл тасымалдау құнын қымбаттатып, тыңайтқыш, алюминий және басқа да шикізат түрлерін жеткізуді қиындатты. Осыған байланысты Whirlpool, P&G, Toyota сияқты 280-ге жуық ірі компания шығынды жабу үшін тауар бағасын өсіруге, өндірісті қысқартуға немесе қызметкерлерін ақысыз демалысқа жіберуге мәжбүр.

Үкімет әлеуметтік маңызы бар азық-түлік пен шикізатты тасымалдауға арналған теміржол тарифтерін төмендету мәселесін қарастыруда. Бұл өңірлердегі азық-түлік бағасының өсуін тежеуге ықпал етуі мүмкін.

«Әлеуметтік маңызы бар азық-түлік тауарларын және оларды өндіруге қажетті шикізатты теміржол арқылы тасымалдауға төмендетілген тариф енгізу мәселесі қарастырылып жатыр. Қазір бұл мәселеге қатысты бұйрық жобасы мемлекеттік органдармен талқыланып, келісіліп жатыр», – делінген Ұлттық экономика министрі Серік Жұманғариннің депутаттық сауалға берген жауабында.

Министрдің сөзінше, әлеуметтік маңызы бар азық-түлік өндірушілеріне астықты арзан тарифпен тасымалдау үшін әкімдіктермен бірлесіп арнайы кәсіпорындар тізімі бекітілген. Бұл тізім жеңілдетілген тарифтерді қолдану шараларын қабылдау үшін «Қазақстан темір жолы...

Беларусь қорғаныс күштері ресейлік әріптестерімен бірлесіп ядролық әскери жаттығу өткізіп жатыр.  

Бұл туралы Белта ақпарат агенттігі хабарлады.

Беларусь Қорғаныс министрлігінің мәліметінше, жаттығулар 18 мамырда басталған. Оған зымыран әскерлері мен авиация бөлімдері қатысуда.

Негізгі мақсат – әскери бөлімдердің арнайы оқ-дәрілерді қолдануға дайындығын тексеру, сондай-ақ ядролық қаруды қолдану сценарийлерін пысықтау.

«Жаттығу барысында Ресей тарапымен бірге ядролық оқ-дәрілерді жеткізу және оларды қолдануға дайындау мәселелері қарастырылады. Сонымен қатар, Беларусь аумағындағы дайындалмаған аудандардан жасырын түрде орын ауыстыру және жауынгерлік міндеттерді орындау машықтары тексеріледі»,  – делінген ақпаратта.

Беларусь тарапы оқу-жаттығулар Одақтық мемлекет аясындағы жоспарлы шара екенін, үшінші елдерге қарсы...

Мектептерде бірінші сыныпқа құжат қабылдау 27 мамыр мен 31 тамыз аралығында өтеді. Тиісті бұйрыққа Оқу-ағарту министрлігі мен Жасанды интеллект және цифрлық даму министрлігі қол қойды.

Құжатқа сәйкес, мемлекеттік қызмет көрсету бойынша пилоттық жоба іске қосылады. Бұл жоба бастауыш, негізгі орта және жалпы орта білім берудің жалпы білім беретін бағдарламалары бойынша оқуға құжаттар қабылдау мен мектепке қабылдауды қарастырады.

Мектепалды даярлықтан өткен және оқуын дәл сол мекемеде жалғастырғысы келетін балалар ата-анасының өтініші негізінде бірінші сыныпқа автоматты түрде қабылданады.

Егер ата-аналар баласын басқа мектепке бергісі келсе, құжаттарды жалпы негізде тапсыруы қажет.

Сонымен қатар, егер қызметке бір уақытта өтінім берушілер саны шект...

Лондондық «Челси» футбол клубының бас бапкері лауазымына әлем чемпионы, атақты маман Хаби Алонсо тағайындалды. Испаниялық бапкер жаңа қызметіне 1 шілдеден бастап кіріседі, ал оның келісімшарты 2030 жылдың ортасына дейін жоспарланған.

Бұл тағайындаудың қазақстандық футбол жанкүйерлері үшін маңызы өте зор. Себебі жақын арада лондондық ұжымға отандық футболдың жарық жұлдызы Дастан Сәтбаев қосылады.

Алонсоның жоспары

Ресми мәліметтерге сүйенсек, Хаби Алонсо «Челсиде» кеңейтілген өкілеттіктерге ие болып, клубтың трансферлік саясатына тікелей ықпал етеді. Демек, командаға келетін, кететін ойыншылардың тағдырын тікелей испаниялық маман шешпек.

Ал қазақстандық шабуылшы Дастан Сәтбаев 2026 жылдың жазында, яғни 18 жасқа толған сәтте «Челси» сапына ресми...

Украина президенті кеңсесінің бұрынғы жетекшісі болған Андрей Ермак тергеу изоляторынан шықыт. Ол 140 млн гривен немесе 3,16 млн доллар көлемінде кепіл төледі деп хабарлады Украинаның Жемқорлыққа қарсы жоғарғы соты.

«Украинская правда» басылымының жазуынша, кепілге төленген қаражат 200 төлеммен бөліп төленген. Кейбір төлем 1 тиын ғана болған. Футболдан Украина құрамасының бұрынғы жаттықтырушысы Сергей Ребров 30 млн гривен аударған.

Андрей Ермак 14 мамырда ақша жылыстатты, мемлекет меншігін иемденді деген күдікпен ұсталған. Сот оны екі айға қамауға алды, бірақ 140 млн гривен төлеп, кепілмен шығуына да мүмкіндік берген. Зеленскийдің экс-серігі өзінде ондай қаражат жоқ екенін, бірақ «таныстары мен достарының көмегімен» іздейтінін...

Қазақстанда жасанды жаңбыр шақыру технологиясының енгізіле бастауы Қырғызстанда алаңдаушылық туғызды. Қырғызстан министрлер кабинетінің бұрынғы төрағасы Ақылбек Жапаров бұл әдіс қырғыз Алатауындағы мұздықтарға теріс әсерін тигізеді деп жазады.

Экс-төрағаның сөзінше, жаңа технология су тапшылығы мәселесін шешудің заманауи жолы болып көрінуі мүмкін. Бірақ оның кері салдары да болады.

«Табиғатта ештеңе жоқтан пайда болмайды және ештеңе із-түзсіз жоғалмайды. Атмосфера, ауа ағындары, ылғал, мұздықтар мен жауын-шашын – бәрі өзара тығыз байланысты біртұтас жүйе. Сондықтан оған ауқымды араласудың салдары бір елдің шекарасынан әлдеқайда асып түсуі мүмкін», – деп атап өтті экс-премьер.

Ол Қазақстанда енгізілген технология Орталық Азияның тұтас...

Қазақстандағы Changan модельдер қатары жаңа Eado Plus көлігімен толықты. Жаңа модель класындағы ең қолжетімді автокөліктердің бірі болмақ.

Қазіргі уақытта бұл – Changan компаниясының Қазақстанда ресми сатылымға шыққан жалғыз седан моделі болып отыр. Сонымен бірге Қазақстан нарығында Changan Uni-V лифтбэгі бар, дегенмен оның бағасы әлдеқайда жоғары.

Техникалық сипаттамасы

Eado Plus седаны заманауи C-класқа жатады. Ол көлемі жағынан ол қазіргі Hyundai Elantra моделінен біршама үлкендеу. Көліктің өлшемдері: 4730 х 1820 х 1505 мм. Дөңгелек базасының ұзындығы – 2700 мм.

Жалпы модель әртүрлі қозғалтқыш нұсқаларымен шығарылады. Алайда Қазақстан нарығына бір ғана нұсқасы ұсынылған. Ол – 1,5 литрлік бензин қозғалтқышымен (103 ат күш...

Қазақстанда сұлулық пен күтімнің құны инфляциямен жарысып өсіп келеді. Ұлттық статистика бюросының бір жылдағы мәліметтерін сараптай келе, шаш қию қызметінің бағасы әр өңірде әртүрлі деңгейде құбылып қана қоймай, айтарлықтай шарықтағанын байқадық.

Әзербайжан президенті Ильхам Әлиев белгілі ақын Олжас Сүлейменовті 90 жасқа толған мерейлі күнімен құттықтап, оны «түркі әлемінің ең танымал әрі бірегей тұлғаларының бірі» деп атады.

Түркі халықтарының ортақ мәдени мұрасы

Әзербайжан лидері ақынның шығармашылығы әлдеқашан бүкіл түркі халықтарының мәдени мұрасының ажырамас әрі маңызды бөлігіне айналғанын атап өткен.

«Ұлы ақын, публицист, әдебиеттанушы және зерттеуші ретінде Сіз түркі әлемінің ең көрнекті тұлғаларының бірі болып табыласыз», – делінген Әзербайжан Президентінің ресми құттықтау хатында.

Ильхам Әлиев Олжас Сүлейменовтің туындылары әрқашан күрескерлік, азаматтық позициясымен, терең философиялық мән-мағынасымен және ұлттық құндылықтарға деген шексіз құрметімен ерекшеленетінін жеткізді. Сондай-ақ ақынның бауырлас халықтар...

Алматы қаласының әкімі Дархан Сатыбалды 90 жасқа толып отырған лингвист-ғалым, Қазақстанның Еңбек Ері Олжас Сүлейменовтің шаңырағына барып, қаламгерге президент құттықтауын жеткізді.

Президент құттықтауы

Дархан Сатыбалды ақынға жүрекжарды лебізін білдіріп, оның ел үшін атқарған өлшеусіз еңбегіне шынайы алғысын жеткізді.

«Олжас Омарұлы әдебиетіміздің көкжиегін кеңейтіп, поэзияға жаңа тыныс әкелді. Шығармалары философиялық ойымен, азаматтық ұстанымымен ерекшеленеді», – делінген хабарламада.

Бұған дейін Kursiv Media ақынның еңбектеріне тоқталған еді.

ҰБТ-ны өткізудің бірінші аптасында 86 ереже бұзушылық анықталды. 46 талапкер смартфондарды, смарт көзілдіріктерді, микро құлаққаптарды, шпаргалкаларды және басқа да тыйым салынған заттарды алып кірмек болғаны үшін тестілеуден шеттетілді.

Тағы 40 адам тестілеу кезінде ережелерді бұзғаны үшін аудиториядан шығарылды, олардың нәтижелері жойылды. Өзге адамдардың орнына кіру фактілері анықталған жоқ.

Ғылым және жоғары білім министрлігінің мәліметінше, 2026 жылдың 10 мамырында басталған негізгі ҰБТ 41 мыңнан астам рет тапсырылды.

Талапкерлердің 67%-ы тестілеуді қазақ тілінде, 33%-ы орыс тілінде және 103 адам ағылшын тілінде тапсырды. Бірінші аптаның қорытындысы бойынша талапкерлердің 57%-ы шекті балл жинады. Бес пән бойынша орташа балл 58 балды құрады. Ең жоғары...

Бүгін, 18 мамыр қазақ журналистикасының жарық жұлдызы, азаматтығы мен адамдығы биік тұлға, белгілі тележүргізуші Бейсен Құранбектің дүниеден өткеніне тура 6 жыл толды. 2020 жылдың 18 мамырында ұлттық телевизия орны толмас қазаға душар болған еді.

Уақыт шіркін сынаптай сырғып, содан бері алты жылдан астам уақыт өтсе де, Бейсен Құранбектің орны әлі де үңірейіп тұр. Артынша Нұртілеу Иманғалиұлы, Амангелді Сейітхан сынды қазақ телевизиясының нар тұлғалары да бақилық болды.

Бейсен Құранбек «Айтуға оңай» мен «Қарекет» бағдарламаларын жүргізіп талай көрерменнің жүрегінен орын алды.

Бейсекең алақанымен от аялаған Прометей іспетті, қуанышсыз жаураған мыңдаған жүректерге жылу сыйлады, үміт отын жақты. Ол...

Түрік инвесторлары Ақтөбеде дрон шығаратын кәсіпорын салып, Coca-Cola-ның төртінші зауытын ашпақшы. Бұл жайлы облыс әкімдігі сайтында жазылған.

Turkish Aerospace компаниясы Ақтөбедегі «№406 Азаматтық авиация жөндеу зауыты» АҚ-мен бірлескен кәсіпорын құрмақшы. Ол базада «ANKA» ұшқышсыз ұшу аппараттарын шығарып, оларға сервистік қызмет көрсетеді.

Ал дайын дрондарды іздестіру-құтқару жұмыстарына, стратегиялық нысандарды күзетуге, мұнай-газ құбырларына мониторинг жүргізуге және табиғи қорық аймақтарын патрульдеуге пайдаланбақшы.

Coca-Cola-ның жаңа зауыты

Одан бөлек «Coca-Cola İçecek Kazakhstan» компаниясы сусындар құю бойынша төртінші зауытын салады. Өндіріс орны Ақтөбеде орналасады. Зауыт халықаралық экологиялық стандарттары бойынша жұмыс істеуі керек. Жоба Kazakh Invest қолдауымен жүзеге асырылады.

Инвестициялық келісім құжатына Ақтөбе...

Қазақстанда такси бағасы едәуір қымбаттады. Бір жылда қызмет құны 16,1% өсті. Соған қарамастан, қазақстандықтар такси қызметін бұрынғыдан да жиі пайдалана бастаған.

Кейбір өңірлерде баға бұдан да қатты қымбаттаған. Мәселен, Ақмола облысында тарифтер бірден 45%-ға көтерілген.

Алайда ең қызығы – бағаның өсуіне қарамастан, қазақстандықтар таксиді бұрынғыдан жиірек пайдалана бастаған. Ұлттық статистика бюросының мәліметінше, 2026 жылдың алғашқы төрт айында такси қызметі 74,5 млн жолаушы тасымалдаған. Бұл өткен жылмен салыстырғанда шамамен 70%-ға көп.

Азаматтар бағаның өскеніне шағымданғанымен, көлік шақыруын тоқтатпаған.

Мұның бірнеше себебі бар:

Біріншісі – жанармай бағасы. Бір жыл ішінде бензин мен басқа да жанар-жағармай материалдары шамамен 16%-ға қымбаттады. Бұл...

Алматы облысында Балқаш аудандық полиция бөлімінің орынбасары Бауыржан Қабдұлданов әйелін көлікпен басып кеткен. Марқұм алған жарақаттарынан оқиға орынанда мерт болған.

Оқиғаның мән-жайы

Қайғылы оқиға 16 мамыр күні «Қонаев – Бақанас» тасжолында болған. Polites.news басылымының жазуынша, қызметтік көліктің тізгінінде полиция қызметкерінің өзі болған. Көлікте оның жұбайы да бірге келе жатқан.

Жол үстінде ерлі-зайыпты арасында жанжал шыққаны көрінеді. Ер адамның айтуынша, әйелі көлік жүріп бара жатқанда есікті ашпақ болған, содан кейін ол Бақбақты ауылының маңына тоқтап, әйелін көліктен түсіріп кеткен.

Әрі қарай жүргізушінің сөзіне сүйенсек, ол бірнеше шақырым ұзап кетіп, кейін жұбайын алып кету үшін қайта артқа бұрылған...