Жаңалықтар

«Қазақстан темір жолы» ұлттық компаниясы 2024 жылы өндіріс қызметкерлеріне 60 млрд теңге көлемінде сыйақы төледі, ал 2025 жылы бұл көрсеткіш 100 млрд теңгеден асты. Бұл туралы Үкіметтегі брифингте ұлттық компанияның басқарма төрағасы Талғат Алдыбергенов мәлімдеді.

Брифинг барысында БАҚ өкілі ұлттық компания басшылығының сыйақысы 1 млрд теңгеден асқаны туралы бұған дейін жарияланған деректерді еске салды. Оның есебінше, бір басшыға шаққандағы орташа айлық төлем шамамен 4,5 млн теңгені құрауы мүмкін.

Осыған байланысты спикерге компания басшылары мен қарапайым қызметкерлердің жалақысы арасындағы елеулі айырмашылықты орынды деп санай ма және мұндай алшақтықты заңнамалық деңгейде реттеу қажет пе деген сауал қойды.

«Мен...

«Қазақстан темір жолы» басқарма төрағасының орынбасары Әнуар Ахметжанов Үкіметтегі брифингте теміржол билеттерінің бағасына қатысты түсініктеме берді.

Журналистер ҚТЖ өкілінен «неліктен пойыз билеттерінің бағасы әуебилеттерімен бірдей болып кетті» деп сұрады. Мәселен, Атыраудан Астанаға дейінгі купе билеті 35 мың теңгені құрап, 2025 жылғы бағамен салыстырғанда шамамен 10 мың теңгеге қымбат.

Әнуар Ахметжановтың айтуынша, теміржол билеттерінің бағасы жыл бойы өзгермеген. Бағаның өсуі соңғы рет 2026 жылдың 1 сәуірінде тіркелген.

«Салыстыру қай кезеңді қамтығанын айту өте маңызды. Сіз айтып отырған 35 мың теңге қаңтар мен желтоқсан аралығындағы баға. Теміржол тасымалында билеттер жыл бойы бір бағада тұрды. Көлік министрлігімен жасалған...

2026 жылдың төрт айында Бірыңғай жинақтаушы зейнетақы қорының (БЖЗҚ) жалпы активтері 171 млрд теңгеге азайып, 1 мамырға қарай 25,72 трлн теңгені құрады. Жыл басынан бері қордың инвестициялық кірісі теріс мәнде қалыптасып, -2,4 млрд теңге болды. Бұл туралы Қаржы нарығын реттеу және дамыту агенттігінің есебінде жазылған.

Оған инвестициялық қызметіндегі уақытша шығын мен халықтың өз жинағын мерзімінен бұрын көптеп алуы себеп болған.

Дегенмен жұмыс істейтін азаматтардың ай сайынғы жарналары есебінен адамдардың жеке шоттарындағы номиналды жинағы 499 млрд теңгеге өсіп, 25,71 трлн теңгеге жетті. Қазір зейнетақы жинақтарының көлемі мемлекеттің ЖІӨ-сіне шаққанда 15,8%-ды құрап отыр.

Қордағы ақшаның азаюына халықты...

«Қазақстан темір жолы» ұлттық компаниясының басқарма төрағасы Талғат Алдыбергенов жеке бизнесі бар екенін растады. Бұл туралы ол үкімет отырысынан кейін өткен брифингте айтты.

«Шынымен ол компанияның құрылтайшысымын. Мемлекеттік қызметкерлердің заңы бойынша, компания сенімгерлік басқаруға берілген. Бірақ қазір «Қазақстан темір жолымен» де, мемлекетпен де жұмыс істемейді. Сондықтан ешқандай мүдделер қақтығысы туындамайды», – деді ол.

Алдыбергеновтың түсіндіруінше, компания құрылтайшысы болғанымен оны басқаруға қатыспайды. Оның кіріс-шығысын есептейтін басқа кәсіпорын бар.

Мұнда сөз болып отырған компания – «АСТАНАТРАНСЭКСПРЕСС» ЖШС. Астанада тіркелген, жүк тасымалымен айналысады, ресми экспедиторлық ұйымдар қатарына енген.

Талғат Алдыбергенов «ҚТЖ» басшылығына 2025 жылы...

Кабо-Верде құрамасының 40 жастағы қақпашысы Возинья (Жосимар Диаш) бір түннің ішінде бүкіл әлемге танылып, нағыз жұлдызға айналды. Испанияға қарсы матчтағы ерлігінен кейінгі санаулы сағатта оның Instagram-ына 6,3 млн адам жазылды. Олардың саны минут сайын өсіп жатыр.

Кабо-Верде қайда орналасқан

Жанкүйерлердің дені бұл елдің қайда екенін біле бермейді. Кабо-Верде – Батыс Африка жағалауынан (Сенегалдан) 570 шақырым жерде, Атлант мұхитында орналасқан шағын арал мемлекет. 1975 жылға дейін Португалияның отары болған бұл елде небәрі 530 мың халық тұрады. Футбол әлемінде осы құраманы мұхит төсіндеге мекеніне сай «Көк акулалар» деп атайды.

Возинья Испанияға қарсы

Әлем чемпионатына алғаш рет қатысып жатқан Кабо-Верде тырнақалды...

Франция президенті Эммануэль Макрон өзінің соңғы G7 саммитін өткізіп жатыр. «Үлкен жетілік» елдерінің көшбасшылары Ресейдің Украинаға қарсы соғысын, Таяу Шығыстағы қақтығысты, Қытаймен бәсекені, жасанды интеллектіні және интернетте балаларды қорғау мәселесін талқылап жатыр.

Саммит АҚШ пен Иран арасында рамалық келісімге қол жеткізілген тұста өтіп жатыр. Келісім тараптарға алдағы 60 күн ішінде келіссөз жүргізуге мүмкіндік береді.

АҚШ президенті Дональд Трамп рамалық келісімді оң бағалап, «Иранмен қарым-қатынасымыз өте жақсы қалыптасты» деді. Оның айтуынша, қазір бұл елде «басқа басшылық» бар.

Әдетте әлемдік мұнай мен сұйытылған табиғи газ тасымалының шамамен 20%-ы өтетін Ормұз бұғазы туралы айта келе, Трамп су жолы жұмаға қарай «толық ашылатынын» мәлімдед...

Қазақстан мен Қытай атом энергиясын бейбіт мақсатта пайдалану саласындағы ынтымақтастықты кеңейтуде. Бұл туралы Атом энергиясы жөніндегі агенттік хабарлады.

Астанада азаматтық ядролық энергетика саласындағы ынтымақтастық жөніндегі Қазақстан-Қытай бірлескен жұмыс тобының алғашқы отырысы өтті.

Атом энергиясы жөніндегі агенттігінің төрағасы Алмасадам Сәтқалиев пен Қытайдың Мемлекеттік энергетика істері басқармасының басшысы Ван Хунчжиа атом энергиясын бейбіт мақсатта пайдалану саласындағы өзара іс-қимылдың өзекті мәселелерін талқылады.

Тараптар осы бағыттағы ынтымақтастықты одан әрі дамытуға ниетті екендерін білдірді.

Серіктестікті одан әрі тереңдетуге бағытталған үйлестіруді күшейту мен практикалық өзара іс-қимылды кеңейтудің маңыздылығы атап өтілді.

Отырыс қорытындысы бойынша қол жеткізілген уағдаластықтар көрініс тапқан және атом энергиясын бейбіт...

Қазақстанда 2026 жылдың қаңтар–мамыр айлары аралығында ресми дилерлер 84 мың жаңа жеңіл және коммерциялық көлік сатқан. Бұл өткен жылдың сәйкес кезеңіндегі 85,5 мың автокөлікпен салыстырғанда сәл төмен көрсеткіш. Қазақстан автомобиль одағының (ҚАО) мәліметінше, нарық жалпы алғанда былтырғы деңгейге жақын сақталып отыр, алайда мамыр айында сатылым көлемі төмендеген.

Сауда бәсеңдеді

2026 жылдың мамыр айының қорытындысы бойынша Қазақстанда 18,4 мың жаңа автокөлік сатылған. Бұл өткен жылдың мамырымен салыстырғанда 5,3 пайызға аз.

Сонымен қатар ҚАО өкілдері сәуір айындағы белсенді өсімнен кейін автонарықтың біршама тұрақталғанын атап өтті. Тұтынушылардың қызығушылығына әртүрлі сегменттердегі модельдердің кең таңдауы мен дилерлердің арнайы ұсыныстары оң әсер...

Ұзақ бағытқа қатынайтын жолаушылар пойыздары жол уақытын қысқарту үшін кейбір шағын станцияларға тоқтамауы мүмкін. Бұл туралы «Қазақстан темір жолы» компаниясы басқарма төрағасының орынбасары Әнуар Ахметжанов мәлімдеді. Оның айтуынша, мұндай тәсілді Қазақстаннан Ресейге қатынайтын халықаралық бағыттарда қолдануға болады.

«Мысалы, бізде халықаралық пойыздар бар. Атап айтқанда, Астанадан Омбыға баратын пойыз 22 рет аялдайды. Біз осындай халықаралық пойыздардың шағын станцияларға тоқтауы қажет пе, жоқ па деген мәселені қарастырып жатырмыз», – деді ол үкіметте өткен брифнг барысында.

Ахметжановтың пікірінше, бұл мәселені шешу мемлекеттер арасындағы жолаушылар пойыздарының жүру жылдамдығын арттыруға мүмкіндік береді. ҚТЖ басшысының орынбасары Астана мен Петропавл арасында алты...

Қазақстанда банкрот болу және қарызды кешіріп, бизнесті қайта аяққа тұрғызу (оңалту) ережелері айтарлықтай жеңілдейді. Парламент Мәжілісі осыған қатысты жаңа заң жобасын мақұлдап, Сенаттың қарауына жіберді.

Жаңа өзгерістердің басты мақсаты – қарызды жабу немесе банкроттық рәсімдерін созбалаңға салмай, тез әрі әділ өткізу, сондай-ақ заңды алдап, әдейі банкрот болғысы келетіндерге тосқауыл қою.

Бұған қоса, енді банктер несиесін төлей алмай жүрген адамдарға банкроттық рәсімінен өтуді өздері ұсынатын болады.

Бұл заң қарызға батқан борышкерлердің де, ақшасын қайтарғысы келетін несие берушілердің (кредиторлардың) де мүддесін тең қорғауға бағытталған. Енгізілетін негізгі өзгерістер мынадай:

Әртіс Нұрлан Сабуровтың отбасы толығымен Қазақстанға қоныс аударды. Оның жұбайы инстаграм желісінде Алматыға көшіп келгенін айтты

«Мұнда қонаққа келдің бе деп көп сұрап жатыр. Енді Алматыда тұрақты тұруға көшіп келдім», – деп жазды Диана Сабурова.

Еске салайық, осы жылы ақпанда Нұрлан Сабуровты Ресей билігі елге кіргізуге тыйым салды. Бір ай өтпей жатып әйелі Ресейдегі сусын мен темекі өнімдерін сататын бизнесін жапты.

Әзілкештің өзі Қазақстанға келіп, жергілікті жиындардан көрінді. Дегенмен Сабуров болашақта Ресейге қайтып, концерттерін жалғастыруды жоспарлап отыр.

Ішкі істер министрлігі тұрғын үйлердің аумақтарына көлік қою мәселесіне қатысты ресми түсініктеме берді.

Ведомствоның баспасөз хатшысы Шұғыла Тұрлыбектің айтуынша, әлеуметтік желілерде 2026 жылдың 1 шілдесінен бастап үй маңында көлікті тұраққа қоюға тыйым салатын нормалар енгізіледі деген ақпарат тараған.

Осыған байланысты ІІМ тұрақтарға байланысты еш өзгеріс енгізілмегенін айтты.

Көлік құралдарын тоқтату және тұраққа қою талаптары бұрынғыдай қалады. Дегенемн көліктерді гүлзарларға, көгалдарға, балалар және спорт алаңдарына қоюға қатаң тыйым салынады», – деп атап өтті ол.

Сонымен қатар, ІІМ жол жүру ережелерінің талаптарын мүлтіксіз сақтауға, жолдарда барынша мұқият әрі сақ болуға, сондай-ақ өзара құрмет пен жауапкершілік...

Көлік министрі Нұрлан Сауранбаев жаңа теміржол желілері салынатын өңірлерді атады.

«Теміржол желісінің өткізу қабілетін одан әрі арттыру үшін бірқатар жаңа жобаларды ұсынамыз. Олардың қатарында Астана – Қарағанды бағытында үшінші жолдарды және Арыс – Қазалы учаскесінде екінші жолдарды салу бар. Сондай-ақ Қызылжар – Шұбаркөл – Есіл және Индербор – Мақат бағыттарын модернизациясы жоспарланған«, – деп мәлімдеді министр үкімет отырысында.

Сонымен қатар министрлік Қарағанды облысындағы Қарағайлы өңіріндегі кен орындарына баратын жолды жаңғырту керек деп санайды.

«Содан кейін көптен бері көтеріліп жатқан жоба: Индербор – Орал. Бұл жоба бір жағынан Оралды тікелей жолмен байланыстырады...

Алматыда салынатын SkyTrain жеңіл рельсті пойызының екі маршруты анықталды деп жазады Kolesa.kz.

1-ші желінің бағыты – «Барлық» көлік-транзиттік торабынан басталып, Райымбек даңғылымен жүреді, кейін Саин көшесіне бұрылып, Әл-Фараби даңғылы мен Шығыс айналма автомобиль жолы арқылы «Шығыс қақпасы» көлік-транзиттік торабына дейін жетеді. Ұзындығы 29 шақырымды құрайды (16 бекет). Іске асыру мерзімі – 36 ай.

2-ші желінің бағыты – Райымбек даңғылының бойымен, Саин көшесінен «Шығыс қақпасы» көлік-транзиттік торабына дейін барады. Ұзындығы – 13 шақырым (төрт станция). Құрылыс мерзімі – 36 ай.

SkyTrain желілерінің жалпы ұзындығы 42 шақырымға жетеді. Станциялар саны – 20. Сағатына 35 шақырым жылдамдықпен қозғалады. Пойыз депоны Алматы...

Баспасөз бен белсенді азаматтардың пәрменінен кейін ғана Айсәуле Қанаханың өліміне қатысты тергеуде сең қозғалды. Жәбірленушінің ақшасын алаяқтардың шотына аударуға көмектескен дропперлер тергеліп, полиция енді ғана нағыз қылмыскерлердің ізіне түсті.

Полиция күдіктілер ізіне түсті

Астана қаласының 20 жастағы тұрғыны Айсәуле Қанаханың жансыз денесі 2026 жылғы 1 сәуірде Есіл өзені жағалауынан табылған. Марқұмның әкесі Саябек Қанаха содан бері екі жарым ай өткенде ғана тергеу ілгері жылжығанын мәлімдеді.

Мәселен, жәбірленушінің ақшасын алаяқтардың шотына аударуға көмектескен дропперлер (қаржылық делдалдар) табылып, олардан жауап алынған.

«Дропперлердің нақты не дегенін айта алмаймын – тергеу құпиясы. Ақшаның бірінші буындағы дропперлерден қайда кеткені белгіл...

Премьер-министр Олжас Бектенов Stadler компаниясы вагондарының кешігіп жатқанын еске салып, оларды жеткізу жұмыстарын жеделдетуді тапсырды.

Үкімет басшысы жолаушылардан вагондардың жағдайына қатысты шағым әлі де түсіп жатқанын атап өтті.

«Stadler компаниясының вагондарын жеткізудегі одан әрі кешігуіне жол берілмеуі тиіс. Өнеркәсіп министрлігі «ҚТЖ» және Stadler компанияларымен бірлесіп, барлық қауіпсіздік талаптарын сақтай отырып, жолаушылар вагондарын қысқа мерзімде жеткізуі қажет. Жыл соңына дейін теміржол желісіне 215 жаңа локомотив және шамамен 1,5 мың жүк және жолаушылар вагоны шығуы тиіс», – деді Олжас Бектенов.

Еске салсақ, осыған дейін швейцариялық компания Stadler вагондар толық дайын екенін мәлімдеді. Компания «Самұрық-Қазына» АҚ экономика...

Қазақстанда локомотивтердің 49 пайызы тозып тұр. Бұл жөнінде Көлік министрі Нұрлан Сауранбаев мәлімдеді.

Жаңарту бағдарламасы және негізгі көрсеткіштер

Министрдің айтуынша, соңғы жылдары локомотивтер паркін жаңартуға бағытталған ауқымды бағдарлама іске асырылды. Қазір бұл жұмыс жүйелі түрде жалғасып, 2028 жылға дейін отандық өндірістегі жаңа локомотивтерді жеткізу жоспарланған.

Тозу деңгейі айтарлықтай төмендеді

Жүргізілген жаңарту шараларының нәтижесінде локомотивтердің тозу деңгейі 74%-дан 49%-ға дейін төмендеді. Сонымен қатар, парктың орташа жасы 30 жылдан 21 жылға қысқарған.

Жаңартылған локомотивтер отын тиімділігі бойынша да айтарлықтай нәтиже беріп отыр. Дизель шығыны 10 мың тонна-километрге шаққанда 42 кг-нан 24 кг-ға дейін азайды.

Әлемдегі жетекші өндіруші Wabtec...

2026 жылдың алғашқы бес айының қорытындысы бойынша Қазақстанда парақорлық баптары бойынша 427 қылмыстық іс тіркеліп, өткен жылдың сәйкес кезеңімен салыстырғанда 1,7%-ға артық болып отыр.

Finprom деректеріне сәйкес, өңірлер бөлінісінде көрсеткіш әртүрлі. Кейбір облыстарда «Пара алу», «Пара беру» және «Парақорлыққа делдал болу» баптары бойынша істердің айтарлықтай өскені байқалса, басқаларында азайғаны көрінеді.

2026 жылдың қаңтар-мамыр айларында Астана қаласы парақорлық ісі бойынша көш бастап тұр. Жоғарыда аталған баптар бойынша елордада 56 іс тіркелген. 2025 жылдың сәйкес кезеңімен салыстырғанда елордада парақорлық 21,7%-ға өскен.

Қостанай облысы парақорлыққа қатысты тізімде екінші орында тұр. Өңірде қылмыс 3,5 есеге, яғни бес айда...

«Еуразиялық банк» басқарма мүшелеріне 2025 жыл үшін 1,69 млрд теңге төледі. Бұл көрсеткіш 2024 жылмен салыстырғанда 56%-ға немесе 606,8 млн теңгеге өскен. Бұл туралы банк Қазақстан қор биржасына (KASE) хабарлады.

Былтыр банктің атқарушы органының құрамында жеті адам болған. Олар: басқарма төрағасы Ләззат Сатиева мен оның алты орынбасары: Сабыржан Бекбосынов, Ғазиз Ермеков, Ибрагим Әлтамиров, Асқар Хамидуллин, Айнагүл Дәулетбаева және Ерланбек Қаппар.

Ерланбек Қаппаров. 2026 жылдың сәуір айының соңында басқарма құрамынан шығарылған.

«Еуразиялық банктің» таза пайдасы былтыр 82%-ға төмендеп, 16,4 млрд теңгені құраған. Әсіресе, желтоқсан айында 28,7 млрд теңге шығын тіркелген.

«Еуразиялық банк» «Еуразиялы...

Алматыда Yandex Qazaqstan компаниясы жүргізушісіз жүретін таксиді таныстырды. Әзірге бұл қызмет іске қосылған жоқ, бірақ болашақта мұндай роботаксилер Қазақстанның ірі қалаларында пайда болуы мүмкін. Бұл туралы Көлік министрлігі хабарлады.

Hyundai Sonata көлігі негізінде жасалған жүргізушісіз автомобиль вице-министр Дамир Қожахметовке көрсетілді.

Жобаны кезең-кезеңімен енгізу жоспарланып отыр. Алғашында роботаксилер шектеулі аумақта сынақ режимінде жұмыс істейді. Бұл технологияның қала жағдайында қалай жұмыс істейтінін тексеруге мүмкіндік береді. Компания тәулік бойы диспетчерлермен байланыс болады және сапарлардың сақтандырылып отырады.

Арнайы заңнама әзірленеді

Қазір Қазақстанда жүргізушісіз көліктерді ресми пайдалануға мүмкіндік беретін заңнамалық өзгерістер әзірленіп жатыр. Жаңа түзетулер роботаксилерді пайдалану тәртібін айқындап, мемлекеттік органдарды...

Ұлттық ұлан әскери қызметшілері қазақ боксының аңызы Геннадий Головкиннің тарихи жетістігіне орай акция ұйымдастырды. Ұландықтар саптық алаңда оның әйгілі «GGG» брендін бейнелеп, отандық спорт аңызына деген сый-құрметін көрсетті.

Акция Геннадий Головкиннің АҚШ-тың Нью-Йорк штатындағы Канастота қаласында орналасқан Халықаралық бокс даңқы залына (IBHOF) қабылдануына орай ұйымдастырылды. Осылайша даңқты спортшы аталған мәртебеге ие болған Қазақстанның тұңғыш өкілі атанып, ел спортының тарихында тағы бір маңызды белесті бағындырды.

Әскери оркестр әйгілі композицияны орындады

Әскери музыканттар Геннадий Головкин жекпе-жектер алдында дәстүрлі түрде рингке шығатын әйгілі Seven Nation Army композициясын орындады.

«Геннадий Головкин өзінің қажырлы еңбегі, шеберлігі мен жарқын...

Халықаралық валюта қорының (ХВҚ) сарапшылары Қазақстанға жасаған сапарын қорытындылай келе, ел экономикасындағы мемлекет үлесінің жоғарылығын, квазимемлекеттік сектордың шығыны мен коммуналдық тарифтердің өсуі инфляцияға қосымша қысым түсіріп отырғанын мәлімдеді.

Жалпы ішкі өнім қаншаға өсті

Қор мамандары баға өсімін ауыздықтау үшін Ұлттық банктің қатаң саясатын қолдау, бюджет пен Ұлттық қор қаражатын бақылауға «Цифрлық теңгені» енгізуді және жеке секторды дамытуды ұсынады.

Дегенмен әлемдік нарықтағы мұнай бағасының жоғары болуы мен ішкі сұраныс ел экономикасының тұрақтылығын қамтамасыз етіп отыр.

Есепке сәйкес, Каспий құбыр консорциумындағы (КҚК) апат салдарынан мұнай өндірісінің азаюы экономикалық өсім қарқынын сәл тежеген.

Осының кесірінен...

Елде «Заңсыз келуші» іс-шарасы барысында көші-қон заңнамасын бұзған 13 мыңнан астам шетел азаматы анықталды. Бұл туралы Ішкі істер министрлігі хабарлады. 

Іс-шара барысында жеке және заңды тұлғалармен шетел азаматтарының Қазақстан аумағында болу тәртібін сақтау мәселелері бойынша профилактикалық түсіндіру жұмыстары жүргізілді. 

Сондай-ақ министрлік шетелдіктерге тұрғын үй беру және тиісті рұқсатсыз шетелдік жұмыс күшін заңсыз тарту үшін жауапкершілік бар екенін еске салды. 

Бұдан бөлек, шетел азаматтарының тұрғылықты жерлері, құрылыс нысандары, базарлар, ұйымдар мен шетелдіктердің еңбегін пайдаланатын жұмыс берушілер тексерілді. 

Іс-шара қорытындысы бойынша көші-қон заңнамасын бұзуға байланысты 13 035 құқық бұзушылық анықталды. Оның ішінде елде болу қағидаларын бұзғаны үшін 9 359 шетел азаматы әкімшілік...

Ішкі істер министрлігі алаяқтықтың жаңа тәсілі пайда болғанын ескертті. Соңғы уақытта күштік құрылымдар мен құқық қорғау органдары басшыларының аты-жөні мен фотосуреттерін пайдаланып жасалатын алаяқтық жағдайлары жиілеген.

Қаскөйлер мессенджерлер мен әлеуметтік желілерде жалған аккаунттар ашып, өздерін лауазымды тұлғалар, бұрынғы әріптестер немесе таныстар ретінде таныстырады. Олар түрлі сылтаулармен азаматтардан шұғыл түрде ақша аударуды немесе қарызға беруді сұрайды.

Ведомство өкілдері ақша аударуды сұраған хабарламаларға сенбеуге шақырады. Мұндай өтініштер өзіңізге таныс немесе белгілі адамдардың атынан келсе де, олардың шынайылығын міндетті түрде тексеру қажет.