Жаңалықтар

Алтын өндіруші Solidcore Resources компаниясы Астанадағы жаңа бас кеңсесі болатын «Muscat Tower» бизнес-орталығының құрылысын бастайтынын хабарлады. Бұл ауқымды жоба туралы Оман Сұлтаны Хайсам бен Тариқ Әл Саидтің Қазақстанға жасаған мемлекеттік сапары қарсаңында белгілі болды, деп жазады экономист Арман Батаев.

Инвестициялық жоба қаржысының 85%-ын Оманның мемлекеттік қоры қамтамасыз етеді. Қалған 15%-ын Solidcore компаниясы өз мойнына алады. Айта кету керек, Оманның мемлекеттік инвесторы – «Maaden International Investment» қоры арқылы компания акцияларының 31,7%-ына иелік етеді.

Елордадағы жаңа заманауи кешен

Жалпы ауданы 18 000 шаршы метрден асатын тоғыз қабатты ғимарат елорданың жаңадан дамып...

Астанада автосалон директоры көлік жеткізіп беремін деп, 6 адамды алдап, ақшасын қалтасына басқан, деп хабарлайды Kursiv.Media.

Бас прокуратураның мәліметінше, автосалон директоры бір жыл бойы клиенттермен Қытайдан автокөліктерді сатып алу және жеткізу бойынша брондау шарттарын жасасқан.

«Сатып алушылардан алынған ақшалай қаражатты жеке мақсаттарына пайдаланған. Автокөліктерді жеткізу жөніндегі міндеттемелерін орындап жатқандай көрініс жасаған. Осы мақсатта жәбірленушілерге банктік аударымдар жасалғаны туралы жалған құжаттарды ұсынған», – делінген хабарламада.

Директордың әрекеттерінен 6 адам зардап шегіп, оларға жалпы сомасы 128 млн теңгеден аса материалдық залал келтірілген.

Мемлекеттік айыптаушы оның кінәсін толық дәлелдеді. Сот үкімімен оған 6 жыл 8 ай...

Алдағы уақытта Қазақстанда кемінде үш unicorn-компания қалыптасуы керек. Жасанды интеллект және цифрлық даму министрлігі осылай жоспарлап отыр деп хабарлайды Kursiv Media.

Министрлік unicorn-компаниялар үш жыл ішінде шығуы керек деген жоспар қойып отыр. Қазір елдегі тұңғыш отандық unicorn – Higgsfield компаниясы. 2025 жылы күзде Higgsfield AI стартабының құны 1 млрд доллар деп бағаланып, ел тарихында алғаш рет unicorn стартап мәртебесіне ие болды. 2026 жылы қаңтардағы есеп бойынша, компанияның бір жылдық табысы 200 млн долларға жетті.

Оқи отырыңыз: Тұңғыш отандық unicorn: Цукерберг ұсынысынан бас тартқан Higgsfield AI

Министр Мәдиев баяндамасында Ұлыбританияда Eurasian Hub ашу туралы...

Қазақстандағы жалдамалы баспана нарығында соңғы жылдары алғаш рет пәтер ұсынысы сұраныстан асып кеткен, деп хабарлайды Kursiv.Media. Осы саладағы сарапшы Диляра Сейітнұрованың айтуынша, құрылыс компаниялары ұсынған бөліп төлеу бағдарламалары инвестициялық пәтерлерді сатып алу қарқынын тым жеделдетіп жіберді. Соның салдарынан нарықта жалға берілетін бос баспаналар қаптады. Ал тұрғындардың төлем қабілеті бұл қарқынға ілесе алар емес.

Әдетте әр күзге салым студенттер мен жас мамандардың келуімен пәтер жалдау бағасы қымбаттайтын. Алайда биыл бұл қалыпты сценарий бұзылуы мүмкін. Өйткені нарықтағы баспана ұсынысы сұранысқа қарағанда әлдеқайда жылдам өсіп жатыр.

Бос пәтерлер қалай көбейді?

Инвесторлар сатып алған көптеген пәтерлер қазір бос тұр...

Мемлекет басшысы Қасым-Жомарт Тоқаевтың шақыруымен Қазақстанға Оман Сұлтаны Хайсам бен Тариқ Әл Саид мемлекеттік сапармен келді. Астанадағы Тәуелсіздік сарайында мәртебелі мейманды қарсы алу рәсімі өтті, деп хабарлайды Kursiv.Media.

Алдымен екі ел басшылары бір-біріне ресми делегация мүшелерін таныстырды. Құрмет қарауылының бастығы рапорт беріп, екі елдің мемлекеттік әнұрандары орындалды.

Салтанатты қарсы алу рәсімі аяқталғаннан кейін Тоқаев пен Хайсам бен Тариқ Әл Саид келіссөз залына өтті.

Тараптар жоғары деңгейдегі келіссөздер өткізіп, саяси байланысты нығайту, сондай-ақ сауда-экономикалық, инвестициялық және мәдени-гуманитарлық ынтымақтастықты дамыту мәселелерін талқылайды.

Сонымен қатар екі ел басшылары Қазақстан-Оман бизнес-форумына қатысады.

Айта кетейік, Қазақстан мен Оман арасындағы бірлескен инвестициялық портфельге жалпы...

Біріккен Араб Әмірліктері іздеуде жүрген үш күдіктіні Қазақстанға ұстап берді, деп хабарлайды Kursiv.media.        

Бас прокуратураның мәліметінше, қылмыстық жауаптылыққа тарту үшін аталған елден Қазақстанның үш азаматы экстрадицияланды. Олардың біреуі 2019–2020 жылдары сыбайласымен бірге Астанада халықаралық орталық салуға арналған жер учаскесін алуға жәрдемдесуге уәде беріп, жәбірленушінің 368 мың АҚШ долларын иемденген.

Тағы бір фигурант денсаулыққа қасақана ауыр зиян келтіру, тонау мен бұзақылық жасағаны үшін іздеуде болған. Ол 2021 жылы Алматы қаласында адамдар тобы болып жәбірленушіге шабуыл жасап, оның денсаулығына ауыр зиян келтірген. Сондай-ақ 100 мың теңгеден асатын жеке мүлкін ашық түрде иемденген.

Үшінші күдікті осы жылғы жазда Астана қаласында Қытай...

Қазақстанда биыл 1,6 мыңға дейін ауылды интернетке қосу жоспарланып отыр. Оның ішінде 370 ауыл интернетке қосылып үлгерді, шамамен 12 мың шақырым байланыс желісі тартылды. Бұл туралы Үкімет отырысында Премьер-министрдің орынбасары – Жасанды интеллект және цифрлық даму министрі Жаслан Мәдиев мәлімдеді.

«Ауылдық жерлерде биылғы жоспар бойынша 1,6 мың ауылды интернетке қосу көзделген. Қазірдің өзінде 370 ауыл байланыспен қамтылды. Жалпы ұзындығы 11 819 шақырым болатын байланыс желілері тартылды. 2027 жылы облыстық және республикалық маңызы бар автомобиль жолдарының 40 мың шақырымын байланыспен қамтамасыз ету жоспарланып отыр. Бұл үшін 500-ден астам антенналық-діңгектік құрылыс орнатылады», – деді вице-премьер.

Сонымен қатар...

Екібастұздағы деректер өңдеу орталығы келесі жылы пайдалануға беріледі. Үкімет отырысында Жаслан Мәдиев осылай мәлімдеді, деп хабарлайды Kursiv.Media.

«Келесі жылы жалпы қуаты 186 мегаватт болатын дата-центрлерді пайдалануға беруді жоспарлап отырмыз», – деді ол баяндамасында.

Деректерді өңдеу орталығын салуға Екібастұзда жер учаскесі бөлінген, қазір құрылысы жүріп жатыр. Ал ГРЭС-1 инженерлік инфрақұрылым жəне электр энергиясымен қамтамасыз етеді. Мәдиев жоба операторынының да анықталғанын айтты, бірақ нақты қандай компания айналысатыны белгісіз.

Цифрлық экономиканың басты жобаларының бірі – қуаты кемінде 1 гигаватт болатын «Дата-центрлер алқабы».

2028 жылдың екінші тоқсанында қуаты 109 мегаватт болатын екінші орталық іске қосылады. Жобаға америкалы...

Қазақстанның шикізаттан тыс экспорты тек металл мен мұнай-химия өнімдерінен тұрмайды. 2026 жылдың қаңтар–шілдесінде елден миллиардтаған доллардың дайын және өңделген тауары шығарылған. Экспорт қоржынында мал азығы, тыңайтқыш, шоколад пен сусыннан бастап ядролық реактор, байланыс жабдығы мен ұшаққа дейін бар. Kursiv Media өңделген экспорттың тауарлық құрылымын зерттеді.

Жеті айда Қазақстанның өңделген тауарлар экспорты 5,63 млрд долларды құрады. Жекелеген тауарлар арасында ірі үлес банкноттар мен бағалы қағаздарға тиесілі – олардың экспорты 539,1 млн доллар болған.

Екінші орында мал азығына арналған дайын өнімдер тұр. Қазақстан бұл тауарды сыртқы нарыққа 509,6 млн долларға сатқан.

Ірі экспорттық позициялардың қатарына өнеркәсіп өнімдері де кірд...

Қазақстанның электр энергетикасында жасанды интеллект өндірістік қауіпсіздікті арттыру үшін қолданылып жатыр. Бұл туралы үкімет отырысында энергетика министрі Ерлан Ақкенженов айтты. Қазірдің өзінде осы салада 45 ЖИ-жоба бар.

«Электр энергетикасында жасанды интеллект өндірістік қауіпсіздікті арттыру үшін қолданылады. Өндірістік оқиғалар санын 78 пайызға дейін төмендету күтілуде», – деді министр.

Ең алдымен қауіп-қатерлерді анықтау, технологиялық жүйелерді қорғау және кибершабуылдар кезінде мамандардың іс-қимылын пысықтауға мән берілмек.

Екіншіден елдегі энергетика нысандарын ЖИ арқылы дрондардан қорғап, соларды анықтауға басымдық берілмек.

«Екінші бағыт – объектілерді физикалық қорғау, оның ішінде ұшқышсыз ұшу аппараттарын анықтау және бейтараптандыру», – дед...

Өскемен қаласында заңсыз алтын өндіруді ұйымдастырған екі шенеунік 4 жылға сотталды, деп хабарлайды Kursiv.media.        

ҚМА ақпаратынша, «Азаматтарға арналған үкімет» Мемлекеттік корпорациясы КЕАҚ филиалы директорының бұрынғы орынбасары А.А. Рахымжанов пен Д.М. Нұртазин 4 жылға бас бостандығынан айырылды.

«Олар Ұлан ауданындағы Шыбынды учаскесінде алтынды заңсыз өндіруді ұйымдастырған. Осы мақсатта олар өздеріне бағынысты «EastGoldStone» ЖШС-ны пайдаланған. Аталған серіктестіктің тек қатты пайдалы қазбаларды барлауға ғана лицензиясы болған. Алтын өндіру жұмыстары ауыр техниканың – экскаваторлар, тиегіштер, самосвалдар, сондай-ақ жуу жабдығының көмегімен жүргізілген», – делінген ақпаратта.

ҚМА дерегінше, заңсыз өндірілген алтын көлемі 15 келіден асқан. Оның құны 844 млн...

Жапон дзюдосының жұлдыздары Хифуми Абе мен Ута Абе – спорт әлеміндегі ең танымал ағалы-қарындастардың бірі. Екеуінің еншісінде Олимпиада ойындарының жеке сындағы үш алтын және әлем чемпионаттарының 11 алтыны бар. 

Ағасы Хифуми Абе 66 келіде сынға түседі. Ол Токио-2020 және Париж-2024 Олимпиадасында қатарынан чемпион атанды. 2026 жылы Бакуде өткен әлем чемпионатында бесінші рет әлем чемпионы атанып, тағы бір ірі жетістікке қол жеткізді. 

Қарындасы Ута Абе 52 келіде белдеседі. Ол Токио Олимпиадасының чемпионы. Бұдан бөлек, жапониялық дзюдошы биыл әлем чемпионатында алтыншы рет топ жарды. Осылайша ағалы-қарындас Абелердің әлем чемпионаттарындағы алтын медаль саны 11-ге жетті. 

Бір күнде Олимпиада чемпионы атанған

Абе отбасыны...

Қазақстан отандық спутниктік жүйелерді дамытып, ғарыш технологияларын экспортқа шығаруды жоспарлап отыр. 2030 жылға дейін тағы алты спутник әзірлемекші. Бұл туралы үкімет отырысындағы баяндамасында жасанды интеллект және цифрлық даму министрі Жаслан Мәдиев мәлімдеді деп жазады Kursiv Media.

Қазір байланыс қызметін екі KazSat спутнигі қамтамасыз етеді. Бұл бағытта елге 72 млрд теңге кіріс түскен, бірақ министр оның нақты қай кезеңдерге жататынын атап өтпеді. Енді 2029 жылға дейін осы қолданыстағы аппараттардың орнын басатын KazSat-3R спутнигін жасау жоспарланған.

Жерді қашықтан зондтау жүйесінде қазір үш спутник жұмыс істейді. Соңғы бес жылда космомониторингтің экономикалық тиімділігі 977 млрд теңгені құраған.

Түсірілім дәлдігін арттырып, спутниктік қамту аумағын кеңейту үшін тағы алты...

Қазақстанның ірі қалалары жылыту маусымына толық дайын. Тек Семей қаласында жылу желілері уақтылы дайын болмай шықты. Сол себепті премьер-министр Олжас Бектенов Абай облысы әкімінің аталған салаға жетекшілік ететін орынбасарын тәртіптік жауапкершілікке тартуды тапсырды, деп хабарлайды Kursiv.Media.

Қазіргі кезде 11 өңірде жылу беріле бастаған. Бес облыста жылу осы аптаның соңына дейін қосылуы мүмкін.

«Жылыту маусымы жоспарға сәйкес басталды. Оңтүстік және батыс өңірлерде жылу бекітілген кестеге және ауа райы жағдайына байланысты беріледі. Мен жылу көздері мен желілердің дайындығын 1 қазанға дейін қамтамасыз етуді тапсырған болатынмын. Бір өңірден басқасының бәрі бұл тапсырманы мерзімінде орындады»,— деп...

Беларусьтен ұшырылған дрондар Литваға «шабуылдаған». Олар контрабандалық жолмен темекі тасымалдаған, деп хабарлайды Kursiv.media.         

Nexta ақпаратына қарағанда, «Темекі авиациясы» рекорд жаңартып жатыр.

Жыл басынан бері Литва шекарашылары контрабандалық жүк тиелген 61 дронды ұстаған. Бұл өткен жылдың бүкіл көрсеткішінен де көп. Былтыр мұндай дрондардың саны 59 болған.

Соңғы дрон 3 қазан, сенбі күні Трибоняй ауылының маңында атып түсірілді. Оның жүгінен Беларусьтің акциздік маркалары жапсырылған NZ Gold маркалы 320 қорап темекі табылды.

Дрондармен темекі тасымалының қарқыны күшейген. Шілде айының басында мұндай дрондардың саны небәрі 31 болған. Демек үш айдың ішінде дрондардың саны екі есеге артқан.

Айта кететін жайт, Астанада...

Кәсіпкер, SpaceX және Tesla компанияларының негізін қалаушы Илон Масктің байлығы қайтадан 1 триллион доллардан асты, деп хабарлайды Kursiv.media.  

Ол алғаш биыл жазда триллионер атанған. Алайда бұл мәртебені небәрі 12 күн сақтады.

Forbes мәліметінше, 5 қазанда қор нарығы ашылғаннан кейін SpaceX пен Tesla акцияларының өсуіне байланысты Масктың байлығы 1 триллион доллардан асты.

2 қазандағы сауда қорытындысымен салыстырғанда кәсіпкердің байлығы 30,6 млрд долларға өскен.

Илон Маск алғаш рет 2026 жылғы 12 маусымда триллионер атанды. Алайда 24 маусымда оған тиесілі компаниялардың акциялары арзандағаннан кейін бұл мәртебесінен айырылды.

Сол кезде SpaceX акциялары 3,9%-ға арзандап, бір акцияның бағасы 148,57 долларға түсті. Компанияны...

Қазақстан Үкіметінің қаулысымен Сауда және интеграция вице-министрі Айдар Әбілдабеков пен Төтенше жағдайлар вице-министрі Батырбек Әбдішев қызметінен босатылды. Бұл туралы Үкіметтің баспасөз қызметі хабарлады, деп жазады Kursiv.Media.

Айдар Әбілдабеков 2021-2022 жылдары Алматы қаласының Статистика департаментін басқарған. 2022 жылдың қаңтарынан бастап Сауда және интеграция министрлігі Сауда комитеті төрағасының орынбасары болды.

2022-2023 жылдары Сауда комитеті төрағасының міндетін атқарып, 2023 жылдың шілдесінен 2025 жылдың тамызына дейін комитет төрағасы қызметін атқарды. 2025 жылдың тамызынан бастап сауда және интеграция вице-министрі болды.

Батырбек Әбдішев 1977 жылы Ақтөбе облысында туған. Қазақстан Қарулы күштерінің Жоғары шекаралық командалық училищесін бітірген. Арнайы мемлекеттік органдар мен Ұлттық қауіпсіздік комитетінде қызмет...

Астананың Сарайшық ауданында, А. Байтұрсынұлы көшесіндегі тұрғын үй кешенінің жанындағы автотұрақта бес жеңіл көлік өртеніп кетті, деп жазады Kursiv.Media.

Төтенше жағдайлар қызметінің мәліметінше, өрт сөндірушілер оқиға орнына 7 минут ішінде жеткен. Құтқарушылар келген кезде бес көліктің бәрі ашық жалынмен жанып жатқан. Қатты жел салдарынан өрт жақын тұрған көліктерге тез тараған.

Өрт сөндірушілер жалынды жедел сөндірді, зардап шеккендер туралы ақпарат жоқ. Қазір мамандар өрттің шығу себебін анықтап жатыр.

Оқи отырыңыз: «Бар дүниемнен айырылдым»: шеберханасы өртенген дизайнер халықтан көмек сұрады

Аргентиналық футболшы Лионель Мессидің туған қаласы Росариода ұлттық құраманың капитанына ерекше құрмет көрсетті, деп хабарлайды Kursiv.Media. Қаладағы Ұлттық Ту монументінің алдына Аргентина құрамасының алып жейдесі жайылды. 

Аспан түстес ақ жейденің арқасына Мессидің әйгілі 10-нөмірі және испан тіліндегі «Gracias» («Рақмет») сөзі алтын түспен жазылған. Алып инсталляция 5 қазанға қараған түні орнатылып, таңертең қала тұрғындарының назарын аударды. 

Жейде Росариодағы ең танымал орындардың бірі – Ұлттық Ту монументінің алдындағы алаңға орналастырылған.

Ұйымдастырушылар алып жейденің айналасына төрт жарық мұнарасын да орнатқан. Кешкі уақытта оның бетіне Мессидің Аргентина құрамасындағы мансабына арналған аудиовизуалды проекция көрсету жоспарланған. 

Айта кетейік, Месси 6 қазан күні Аргентина құрамасында қоштасу...

Норвегия қоғамдық орындарда ақылды көзілдірік қолдануға уақытша тыйым салуды жоспарлап отыр. Шектеу саябақтарға, жағажайларға, музейлерге, сауда орталықтарына, мектептерге, медициналық мекемелерге және көпшілік жиналатын іс-шараларға қатысты болуы мүмкін деп жазады Kursiv Media

Норвегияның цифрландыру және мемлекеттік басқару министрі Торгейр Микаэльсеннің айтуынша, мұндай шара адамдардың жеке өмірін қорғау үшін қажет.

«Біз көшеде жүргенде жасырын фотоға немесе видеоға түсіріп алуы мүмкін деп қорқатын қоғамда өмір сүргіміз келмейді», – деді министр.

Заң жобасын Еңбек партиясы ұсынбақ. Партия құжатты мүмкіндігінше тезірек парламентке енгізуді жоспарлап отыр. Алайда заң қабылдануы үшін басқа саяси күштердің де қолдауы қажет.

Бұл бастама Еуропада...

Петропавлда өрт шыққан қонақүйдің екінші қабатындағы балконнан екі адам құтқарылды, деп хабарлайды Kursiv.Media.

Төтенше жағдайлар министрлігі хабарлауынша, оқиға Жаңа көшесіндегі екі қабатты қонақүйде болған. Алдын ала мәлімет бойынша, кондиционердің қысқа тұйықталуынан бөлмелердің біріндегі жиһаз тұтанған. Өрт шамамен 2 шаршы метр аумақты шарпыған.

Өрт сөндірушілер шақырту түскеннен кейін төрт минутта оқиға орнына жеткен. Балконда болған екі адам үш иінді баспалдақтың көмегімен төмен түсірілді.

Өрт толық сөндірілді. Зардап шеккендер жоқ.

Айта кетейік, осыған дейін Қонаев қаласында бес қабатты тұрғын үйдің шатыры өртеніп, құтқарушылар 120 адамды эвакуацияланған еді.

Өскеменде ер адамға ескерту жасаған 40 жастағы полиция қызметкері соққыға жығылып қаза тапты, деп хабарлайды Kursiv.Media.

Шығыс Қазақстан облысы полиция департаментінің хабарлауынша, оқиға 4 қазанға қараған түні қалалық дәмханалардың бірінде болған.

«Өскемендегі мекемелердің бірінде келушілердің бірі өзін дұрыс ұстамағаны үшін ескерту жасаған 40 жастағы жергілікті тұрғынға дене жарақатын салған. Алған жарақатынан ол қайтыс болды. Күдіктінің әрекетінен тағы бір келуші зардап шекті», – деп хабарлады полиция департаментінің баспасөз қызметі.

Полиция қаза тапқан азаматтың құқық қорғау органы қызметкері болғанын растады. Оқиға кезінде ол қызметте болмаған.

Күдікті ұсталып, уақытша ұстау изоляторына қамалды.

Аталған факті бойынша қылмыстық іс қозғалып...

Көкшетауда мектепке келген бала қозғалып келе жатқан көліктің есігін ашып, жолға құлап кеткен. Бұл жайт оқиға куәгерінің көлігіндегі бейнетіркегішке түсіп қалған, деп хабарлайды Kursiv.Media.

Ақмола облысы полиция департаментінің мәліметінше, оқиға 5 қазан күні сағат 08:00 шамасында қалалық мектептердің бірінің маңында болған.

Полицияның анықтауынша, Subaru Forester жүргізушісі баланы түсіру үшін көлікті белгіленбеген жерге тоқтатқан. Алайда көлік әлі толық тоқтамай тұрған кезде бала есікті ашып, жолға құлап кеткен.

Сонымен қатар көлікте баланы тасымалдауға арналған арнайы ұстап тұратын құрылғы немесе қауіпсіздік белдігіне арналған адаптер болмағаны анықталды.

«Оқиға бойынша жүргізуші жолаушыларды тасымалдау талаптарын және көлікті тоқтату ережесін бұзғаны үшін әкімшілік жауапкершілікке тартылды...

Елдің барлық дерлік аумағында таңертең тұман түсіп, солтүстікте қар жауады деп күтілуде. «Қазгидромет» 6 қазанға ауа райы болжамын ұсынды, деп хабарлайды Kursiv.Media.

Астана көшпелі бұлт, қар аралас жаңбыр, жел 9-14, екпіні 15-20 м/с. Ауа температурасы түнде және күндіз +1…+3°C.

Алматы көшпелі бұлт, жауын-шашынсыз, жел 3-8 м/с. Температура түнде +5…+7°C, күндіз +14…+16°C.

Шымкент көшпелі бұлт, жауын-шашынсыз, жел 8-13 м/с. Ауа температурасы түнде +3…+5°C, күндіз +15…+17°C.

Ақтау көшпелі бұлт, жауын-шашынсыз, жел 7-12 м/с. Ауа температурасы түнде +9…+11°C, күндіз +18…+20°C.

Ақтөбе ашық, жауын-шашынсыз, жел 7-12 м/с. Ауа температурасы түнде +1…+3°C, күндіз +11…+13°C.

Атырау көшпелі бұлт, жауын-шашынсыз, жел 5-10 м/с. Ауа температурасы түнде +6…+8°C, күндіз +18…+20°C.

Жезқазған көшпелі бұлт, жауын-шашынсыз, жел...