Жаңалықтар

Полиция «Қауіпсіз жол» шарасы аясында жүргізушілерді жіті тексеріп жатыр. Көлік иелері осы рейд барысында айыппұл арқаламас үшін алғашқы көмек қобдишалары, қауіпсіздік жилеттері мен өрт сөндіргіш құралдарды жаппай сатып алып жатыр. Осының әсерінен Шымкент пен Таразда бұл заттарға сұраныс артып, бағасы қымбаттап кетті.

Түркістан облысында тексерістер 26 сәуірге дейін жалғасады. Одан кейін олар бүкіл ел аумағын қамтиды. Полиция негізінен жүргізуші куәлігінсіз көлік басқару, мас болып жүргізу және жалған нөмірлерді пайдалану фактілерін анықтауға назар аударып отыр.

ІІМ жол жағдайын тұрақтандыру және бақылауды күшейту үшін Шымкент қаласы мен Түркістан облысына қосымша күштер мен құралдар, оның ішінде патрульдік полиция жасақтарын жіберді.

Полиция бір...

Бұрынғы көлік министрі Марат Қарабаевқа тиесілі Qazcoilpro компаниясы Түркістан облысында алюминий орамдарын шығаратын зауыт құрылысын бастады. Жоба құны – 115 млрд теңге.

Ауылда ірі өндіріс орны

Жаңа зауыт осы өңірдің Төле би ауданына қарасты Киелітас ауылында орналасады. Ресми мәліметке қарағанда, кәсіпорын толық іске қосылған кезде алюминий орамдарын өндіру бойынша Қазақстандағы алғашқы ірі өндіріс орындарының біріне айналады.

Түркістан облысы әкімдігінің хабарлауынша, зауыттың өндірістік қуаты екі кезең бойынша жүзеге асырылады. Алғашқы кезеңде жылына 100 мың тонна өнім шығару жоспарланса, екінші кезеңде бұл көрсеткіш 200 мың тоннаға дейін ұлғаяды.

«Жоба нәтижесінде 250-ден астам жаңа жұмыс орны...

КешYOU тобының бұрынғы әншісі Мөлдір Әуелбекова мен продюсер Баян Алагөзова арасында тағы да дау туды.

Мөлдір Әуелбекова өзінің Instagram парақшасында алдағы 29 мамырға жоспарланған «КешYOU» тобының мерейтойлық концертіне қатыспайтынын ресми түрде мәлімдеді. Әнші шешімін біржақты қабылдағанын жеткізген. Көп ұзамай жаналық Баян Алагөзованың ашуына тиді.

Бетіме түкірді

Продюсер бұрынғы шәкіртінің әрекетін «өзіне және атқарылған еңбекке түкіру» деп бағалады. Баян Мақсатқызы өзінің сторисінде эмоцияға толы жазба қалдырып, тіпті Мөлдірдің шынайы бейнесін ашатын фильм түсіруге дайын екенін айтты.

«Бұдан былай маған және сен үшін жасаған барлық еңбегіме түкіруіңе жол бермеймін. Оның неліктен сатқын екенін айтатын уақыт...

Қазақстан автонарығына қытайлық көліктің тағы бір жаңа бренді кіреді. Orbis Auto тобы Chery Holding Group концерніне кіретін жаңа халықаралық Lepas бренді іске қосылатынын хабарлады.

Компанияның баспасөз қызметі «Курсив Автоға» Қазақстандағы ресми сатылым 2026 жылдың екінші жартысына жоспарланғанын мәлімдеді.

Жаңа платформадағы кроссоверлер

Lepas бренді Chery-дің экспорттық нарықтарға бағытталған жеке бағыты ретінде дамып келеді. Автокөліктер LEX платформасында құрастырылады, бұл әртүрлі күштік қондырғыларды қолдануға мүмкіндік береді. Яғни, бензинді қозғалтқыштардан бастап, қосылатын гибридтер мен электрлі көліктерге дейін болады.

Жаңа бренд болғанына қарамастан, ол Индонезия мен Италиядағы автосалондарда таныстырылып үлгерді. Ал қазір Оңтүстік Америка және Таяу Шығыс елдерінің нарығына шығуда. Компания Қазақстанды Орталы...

ForteBank 2025 жыл үшін дивиденд төлемейтін болды. Бұл мәлімдеме Қазақстан қор биржасында (KASE) банк акцияларының бірден 14,9%-ға арзандауына себеп болды.

21 сәуір күнгі сауда-саттық барысында ForteBank бағалы қағазы құнсызданып, 14,1 теңгеден 12,7 теңгеге түсті.

Бұған дейін банк 2021 жылы дивиденд төлемеген. Айта кетерлігі, банктің қаржы жағдайы тұрақты өсім көрсетіп отыр: былтырғы таза пайда 182,3 млрд теңгені құрады.

Бұл 2024 жылмен салыстырғанда 14%-ға жоғары. Дегенмен қаржы ұйымы пайдасының артқанына қарамастан, акционерлер былтырғы табысты бөліске салмай, банкте қалдырмақ.

Басқарма құрамы өзгерді

Банктің Директорлар кеңесінің құрамында да маңызды кадрлық ауыс-түйіс орын алды...

Мемлекеттік әлеуметтік сақтандыру қорынан жұмыссыздық бойынша төленетін жәрдемақы мерзімі қысқарады.

Еңбек және халықты әлеуметтік қорғау министрі Асқарбек Ертаев үкіметте өткен брифингте төлемдердің қысқаруы анықталған заңсыз схемаларға байланысты болып отырғанын айтты.

«Мысалы, бір есепші 10 ұйымда жұмыс істеп, бәрінен бірден шығып кетіп, қорға жұмыссыз ретінде өтінім берген. Енді оған орташа жалақысына сәйкес төлем жасалуы керек. Қазір жәрдемақы төлемдерінің ең жоғарғы шегі қайта қаралып жатыр, өйткені реттеуді қажет ететін тұстар бар», – деді Ертаев.

Министр пандемияға дейін жұмыссыздыққа тапсырғандар 4 ай жәрдемақы алғанын еске салды.

«Пандемия кезінде бұл мерзім 6 айға дейін ұзартылды...

Астана қалалық полициясы екі шетел азаматы қару-жарақ арсеналымен ұсталды деген мәліметті жоққа шығарды. Назарбаев университетіне тиесілі пәтерде шетел азаматтары ұсталғаны жайлы мәліметті бұған дейін депутат Мұрат Әбенов жариялаған.

Жалған ақпарат

Полиция Мәжіліс депутатының әлеуметтік желілерде таратқан мәліметін растамады.

«Әлеуметтік желілерде шетел азаматтары қару-жарақ арсеналымен ұсталды деген ақпарат – жалған«, – деп хабарлады Астана қаласының полиция департаменті Kursiv.Media-ға.

Дегенмен полиция бір азаматтардың тұрғын үйге шынымен күдікті заттарды алып кіргенін, оны көрген тұрғын құқық қорғау органдарына хабарласқанын растап отыр. Артынша полиция қызметкерлері мәліметті тексеруге барған.

«Тексеру барысында жәшікте тарихи және...

Қасым-Жомарт Тоқаев Ақордада Моңғолия президентімен шағын құрамда келіссөздер жүргізді.

Мемлекет басшысы екі елдің бауырлас екенін, ғасырлар бойы іргесі бөлінбеген көршілер екенін атап өтті.

«Біз – тарихы ортақ, тамыры бір бауырлас елдерміз, көшпенді халықтардың ұрпағымыз. Қазақ пен моңғол – ғасырлар бойы іргесі бөлінбеген көршілер. Бүгінде ықпалдастығымыз стратегиялық серіктестік рухында дамуда. Мемлекетаралық, парламентаралық және үкіметаралық байланыстарымыз нығаюда. Құрметті президент мырза, сіз екіжақты қарым-қатынасымызды жаңа деңгейге көтеруге зор үлес қосып келесіз. Мұны жоғары бағалаймыз. Қажырлы еңбегіңіздің арқасында Моңғолияда көптеген оң өзгеріс болып жатыр», – деді Президент.

Моңғолияда жаңа қала салынуда

Өткен жылы Моңғолия экономикасы 6,8%-ға өст...

«Мемлекеттік кредиттік бюро» бес топ-менеджеріне 2025 жыл үшін 200,4 млн теңге сыйақы төлеген. Бұл мекеме бүкіл қазақстандықтардың несие тарихын жинайды.

Қаражат бюроның басқарма құрамына, атап айтқанда, басқарма төрайымы Линара Әнуарбекова бастаған бес басшыға бөлінген. Олардың қатарында төрайымның үш орынбасары: Айнель Жүндібаева, Сергей Спиридонов және Айдын Құлсейітов, сондай-ақ басқарушы директоры Ирина Афанасьева бар.

Аталған басшылық құрамның өкілеттіктері 2025 жыл ішінде қабылданған шешім негізінде бекітілген. Бөлінген соманың ішінде жалақы мен барлық қосымша төлемдер есептелген.

Сонымен қатар компания 2025 жылы 3,3 млрд теңге таза пайда тапқан. Бұл пайдасын компания меншігінде қалдырып, дивиденд төлемейді.

2012 жылы құрылған ұйым...

Қазақстандағы 4 млн адамның зейнетақы жинағы 500 мың теңгеге де жетпейді. Бұл туралы бүгін үкімет отырысынан кейін өткен брифингте еңбек және әлеуметтік қорғау министрі Асқарбек Ертаев айтты.

«БЖЗҚ дерегінше, бізде жастар өте аз жинаған. 4 млн адамның тек 500 мың теңгеге дейін жинағы бар. Бұл өте аз», – деді ол.

Министр зейнетке шыққанда артық уайым болмас үшін азаматтарға еңбек өтілін бастаған сәттен зейнетақы қоры жайлы ойлануға кеңес берді.

«Азамат өзінің еңбек жолын бастаған сәттен зейнетақы туралы ойлану керек. Шартты түрде, 24 жасында ЖОО бітіріп, жұмысқа орналасса, сол кезден бастап зейнетақы...

Қазақстанда ең төменгі жалақыны арттыру мәселесі 2026 жылдың соңына дейін қарастырылады. Бұл туралы елдің Еңбек және халықты әлеуметтік қорғау министрі Асқарбек Ертаев үкімет брифингінде хабарлады.

Қазіргі кезде Қазақстандағы ең төменгі жалақы 85 мың теңге (179 доллар) болып отыр.

2025 жылдың күзінен бастап Қазақстанның Ұлттық экономика министрлігінде ең төменгі жалақыны арттыру мәселесі 2027–2029 жылдарға арналған бюджетті жоспарлау кезінде қарастырылатыны айтылған. Бұл 2026 жылдың соңына таяу. Себебі бюджет жыл сайын желтоқсанда келесі үш жылға бекітіледі.

Қазіргі таңда ең төменгі жалақыны 150 мың теңгеге (315 доллар) дейін көтеру мәселесі талқылана бастаған еді.

Бұл туралы Ұлттық экономика вице-министрі Азамат Әмрин хабарлаған болатын. Оның айтуынша...

Атом энергия жөніндегі агенттіктің төрағасы Алмасадам Сәтқалиев жалпы қуаты 1200 МВт-тық екі блоктан тұратын станция құрылысына шамамен 15 млрд доллар қаржы кетуі мүмкін екенін айтты.

Оның сөзінше, атом станциясын салуда қаржылай қиындық болмайды. Ресей Федерациясы Қазақстанға жобаны жүзеге асыру үшін мемлекетаралық несие береді.

Жобаның түпкілікті бағасын тек құрылыс толық аяқталған кезде ғана нақты айтуға болады. Қазіргі уақытта тек болжамды баға ғана белгілі. Мысалы, жалпы қуаты 1200 мегаватт болатын екі блоктан тұратын станцияның құны шамамен 15 млрд долларға бағаланып отыр», – деді ол.

Басқа мемлекеттер тәжірибесі қандай?

Сәтқалиевтың пікірінше, әлемнің ірі экономикалық орталықтары атом арқылы...

Бүгін 21 сәуір күні Алматыда қазақ әдебиетінің абызы, халық ақыны Мұхтар Шахановты соңғы сапарға шығарып салу рәсімі өтті. Қазақ руханиятының қара шаңырағында өткен бұл қаралы жиынға ел мақтанышы, әлемге әйгілі әнші Димаш Құдайберген арнайы келіп қатысты.

Қоштасу рәсімі барысында Димаш ақынның отбасы мен жақындарына барып, қайғыларына ортақтасып, көңіл айтты. Димаштың бұл қадамы әлеуметтік желі қолданушылары мен жиналған қауымның ризашылығын тудырды.

«Өнер иесінің нағыз азаматтық бейнесі – осындай сәттерде білінеді» деген пікірлер жазылып жатыр.

«Самұрық-Қазына» қорынан қысқартылған 650 қызметкердің тағдыры не болды? Жаңа қызметке орналасты ма? Бүгін үкімет отырысынан кейінгі брифингте журналистер компания топ-менеджментіне осындай сұрақ қойды.

«Самұрық-Қазына» АҚ-ның басқарушы директоры Ғибрат Ауғанов сөзінше, 700-ге жуық адам Астанада орналасқан «Самұрық-Қазына» компаниялар тобынан қысқартылған. Қазір олардың бірқатары жаңа жұмысқа да орналасып үлгерген.

«Шын мәнінде, «Самұрық-Қазына» компаниялар тобында жоғары білікті мамандар жұмыс істейді. Біз компаниядан қысқартылған 650 адамның нарыққа шығатынын түсініп отырмыз. Жасырмай-ақ қояйын, мен жұмыс істеген блокта да қысқарту болды, дегенмен бірге жұмыс істеген әріптестерге жаңа ұсыныстар түсті. «Самұрық Қазына» жүйесінде емес, басқа жаңа қызметке орналасты десем де болады», – дед...

Бүгін Алматыдағы Абай атындағы қазақ ұлттық опера және балет театрында қазақтың біртуар ақыны, Халық жазушысы, қоғам қайраткері Мұхтар Шахановпен қоштасу рәсімі өтті. Театр алдына жиналған қалың жұрт пен зиялы қауым өкілдері ақынның рухына тағзым етіп, аяулы перзентін қимастықпен соңғы сапарға аттандырды.

Қаралы жиынды Қазақстан Жазушылар одағының төрағасы Мереке Құлкенов жүргізді. Театр залында ине шаншар жер болмады.

Қазақстан Президенті Қасым-Жомарт Тоқаевтың көңіл айту хатын Сенат Төрағасы Мәулен Әшімбаев оқып берді. Хатта ақынның ұлттық мүдде жолындағы қажырлы еңбегі мен «Желтоқсан» шындығын ашудағы батылдығы ерекше аталған.

Мәжіліс Төрағасының хатын депутат Жанарбек Әшімжан жеткізсе, Түрксой ұйымының атынан Ұлықбек Есдәулет ақынның бүкіл түрк...

Ғылым және жоғары білім министрі Саясат Нұрбек 2027 жылдан бастап түлектерге ҰБТ тапсыруға бір ғана мүмкіндік берілетініне түсініктеме берді.

Оның айтуынша, 2027 жылдан бастап жаңа тест пилоттық форматта іске асырылмақ.

«Ешкім уайымдамасын, биыл қалыптасқан процедуралар арқылы өтеді. Келесі жылдан бастап тұңғыш рет жаңа тест қосылатын болады. Балама ретінде. 2027 жылы жаңа тестің пилоттық форматы қосылады. ҰБТ екі мәрте емес, бір рет тапсырылады. Бірақ талапкерлер өз күштерін сынауы үшін негізгі тест емес, байқау тестінің мүмкіндігі сақталады. Ол жөнінде де алаңдаушылық болмасын», – деді министр.

Премьер-министрдің орынбасары Аида Балаева ҰБТ-ны бір рет тапсыру форматы қолға алынатынын хабарлаған...

Еліміздегі вокзалдар, вагондар мүмкіндігі шектеулі адамдарға қаншалықты қолайлы? Бүгін үкімет отырысында көлік министрі Нұрлан Сауранбаев осы сұраққа жауап берді.

Оның сөзінше, қазір вагондардың шамамен 90%-ы көтергіш құрылғылармен және бейімделген купелермен жабдықталған. Ал алдағы төрт-бес жыл ішінде әр пойызда мүмкіндігі шектеулі адамдарға арналған кемінде бір вагон болады.

«2030 жылға қарай әрбір пойыз құрамында кемінде бір мамандандырылған вагон болады. Вокзалдарды қайта жаңарту жөніндегі ауқымды бағдарлама аясында қолжетімділіктің барлық қажетті элементтері: пандустар, лифттер, көтергіш құрылғылар қарастырылып жатыр. Сондай-ақ касса аймақтары мен санитарлық тораптар қайта жабдықталуда. Қазіргі таңда теміржол билеттеріне 50 пайыздық жеңілдік қолданылады және мамандандырылған купелерге билетті онлайн...

Қазақ әдебиеті мен мәдениетінің ірі тұлғасы, көрнекті ақын әрі қоғам қайраткері Мұхтар Шахановты соңғы сапарға шығарып салу рәсімінде бауырлас Қырғыз елінің өкілдері ерекше құрмет көрсетті. Екі халықтың достығына дәнекер болған ақынның қазасы қырғыз ағайындардың да қабырғасын қайыстырды.

Қырғыз Республикасының президенті Садыр Жапаровтың тапсырмасымен Алматыға арнайы делегация келді. Делегация құрамында Қырғызстанның мемлекеттік қайраткерлері, зиялы қауым өкілдері мен белгілі қаламгерлер болды. Оның ішінде президенттің кеңесшісі, жазушы Шолпанбек Абыкеев Садыр Жапаровтың көңіл айту хатын оқып, Мереке Құлкеновке табыстады.

«Мұхтар Шаханов – қырғыз бен қазақтың ортақ перзенті. Оның Шыңғыс Айтматовпен болған рухани үндестігі, екі елдің арасындағы алтын көпір болғаны тарих...

Қазақстан полициясы Астанада Назарбаев университетіне қарасты пәтерден екі шетел азаматын қарумен ұстаған. Бұл туралы Мәжіліс депутаты Мұрат Әбенов хабарлады.

«ІІМ түнде Назарбаев университетінің HighVill кешеніндегі пәтерінен екі шетел азаматын қару-жарақ арсеналымен: мылтықпен, тапаншалармен ұстады», – деп жазды Әбенов әлеуметтік желідегі парақшасына.

Бұған қоса, депутат Бас прокуратурадан әкімшілік және үкімет ғимараттарына қарама-қарсы үйдегі оқиғадан хабары бар-жоғын сұрады. Әбенов «Назарбаев университетінің не ойлағаны бар?» деген сауал тастады.

Депутаттың айтуынша, жоғары оқу орнының Астанада пәтері көп. Әбенов ЖОО оларды «жалға берген болуы мүмкін» деп болжайды.

Қазақстанның тұңғыш президенті Нұрсұлтан Назарбаев халықаралық деңгейдегі университет құруды 2006 жылы ұсынған...

Қасым-Жомарт Тоқаев Ақордада Қазақстанға мемлекеттік сапармен келген Моңғолия Президенті Ухнаагийн Хурэлсүхты қарсы алды.

Алдымен  екі ел басшылары бір-біріне ресми делегация мүшелерін таныстырды. Құрмет қарауылының бастығы рапорт беріп, екі елдің әнұрандары орындалды. Салтанатты рәсімнен кейін екі мемлекет басшысы келіссөз залына өтті.

Сапар аясында шағын және кеңейтілген құрамда келіссөздер өтеді. Сондай-ақ бірқатар маңызды құжатқа қол қою жоспарланған.

Жоғары деңгейдегі келіссөздер барысында екі елдің сауда-экономикалық, инвестициялық және гуманитарлық салалардағы ынтымақтастығын дамыту перспективасы талқыланады.

Ухнаагийн Хүрэлсүх 2021 жылғы 25 маусымнан бері Моңғолияның президенті қызметін атқарып келеді. Ол осы қызметке 2021 жылғы 9 маусымда өткен сайлауда жеңіске жетіп, кейін ресми түрде ант беріп, қызметіне кірісті.

Қазақстанда энергия көзінің тұрақтылығын қамтамасыз ету үшін кемінде 3-4 атом электр станциясы салынады. Қазір екінші және үшінші АЭС қай аймақта салынатыны нақтыланып жатыр. Бұл туралы Атом энергиясы жөніндегі агенттік төрағасы Алмасадам Сәтқалиев айтты.

«Қазір құрылысты салуға ең қолайлы алаңдарды жан-жақты зерттеп жатырмыз. Болжамды энергия теңгерімі тұрғысынан да, экологиялық және сейсмикалық қауіпсіздік талаптары тұрғысынан да Қазақстанда атом энергетикасын дамытуға арналған бірнеше орын бар екенін көріп отырмыз», – деді ол.

АЭС салуға арналған ең қолайлы аймақ қандай?

Бірінші кезекте, 6 ірі энергетикалық блок салуға мүмкіндік беретін Балқаш маңы. Сондай-ақ кіші және орта қуатты атом реакторларын дамытуға...

Қазақстандағы әлеуметтік саясат өзгеріп, мүмкіндігі шектеулі адамдарды көбірек жұмысқа тарта бастайды. Бұл туралы бүгінгі үкімет отырысында еңбек және әлеуметтік қорғау министрі Асқарбек Ертаев айтты.

Министрдің сөзінше, өткен жылы еңбекке қабілетті 413,7 мың мүмкіндігі шектеулі жанның ішінен 110,8 мың адам немесе 30%-ы жұмыспен қамтылған.

«Осы жылдан бастап біз квотамен 17 мыңға жуық мүмкіндігі шектеулі жанды қамтуды жоспарлап отырмыз, бұл 2025 жылмен салыстырғанда екі есе көп», – дейді ол.

Мемлекет мүмкіндігі шектеулі жандарды жұмыспен қамту үшін екі түрлі тетікті қолданған. 25 мыңнан астам адам мемлекеттік қолдаумен (оқу, грант немесе субсидияланған жұмыс орындары) қамтылса, тағы 8,1 мың адам...

Қазақстанда салынатын екінші атом электр станциясы «Мойынқұм» деп аталуы мүмкін. Бұл туралы Ақорда кулуарында Атом энергиясы агенттігінің төрағасы Алмасадам Сәтқалиев айтты.

«Әзірге екінші АЭС-ті жұмыс барысында «Мойынқұм» деп атадық. Бұл станция да қуаттылығы 1200 МВт құрайтын екі блоктан тұрады. Серіктестермен болашақ вендорды анықтауға қатысты келіссөз жүргізіп жатырмыз», – деді агенттік төрағасы.

Екінші АЭС-тің қайда салынатыны әлі нақтыланбаған. Әзірге үш аймақ қарастырылып жатыр.

Қазақстанда 2050 жылға дейін кемі үш АЭС салынбақ. Жақында Қасым-Жомарт Тоқаев атом энергетикасын дамыту жөніндегі стратегияға қол қойды.

Қазақстандағы алғашқы АЭС Үлкен ауылы маңында салынады...

2026 жылдың бірінші тоқсанының қорытындысы бойынша Қазақстанда автокөліктер 45 260 бірлік техника өндірілді.

«Қазақстанның Автокөлік Одағы» (ҚАО) деректеріне сәйкес, бұған тіркемелер мен жартылай тіркемелер де қосылып отыр. Бұл өткен жылдың сәйкес кезеңімен салыстырғанда 36,8%-ға артық.

Наурыздағы өсім

2026 жылдың наурыз айында 17 462 бірлік техника өндірілген. 2025 жылдың наурызымен салыстырғанда 42,8%-ға және ағымдағы жылдың ақпан айымен салыстырғанда 19,9%-ға артқан.

 «Алғашқы үш айдың қорытындысы бойынша қазақстандық автоөнеркәсіп тұрақты өсім көрсетіп отыр. Наурыз айындағы жоғары динамиканың сақталуы саладағы оң үрдістерді растайды. Автокомпоненттер сегментінде де айтарлықтай өсім тіркелді.», – дейді ҚАО президенті Анар Мақашева.

Оның айтуынша, үш...