Жаңалықтар

Халықаралық валюта қорының (ХВҚ) сарапшылары Қазақстанға жасаған сапарын қорытындылай келе, ел экономикасындағы мемлекет үлесінің жоғарылығын, квазимемлекеттік сектордың шығыны мен коммуналдық тарифтердің өсуі инфляцияға қосымша қысым түсіріп отырғанын мәлімдеді.

Жалпы ішкі өнім қаншаға өсті

Қор мамандары баға өсімін ауыздықтау үшін Ұлттық банктің қатаң саясатын қолдау, бюджет пен Ұлттық қор қаражатын бақылауға «Цифрлық теңгені» енгізуді және жеке секторды дамытуды ұсынады.

Дегенмен әлемдік нарықтағы мұнай бағасының жоғары болуы мен ішкі сұраныс ел экономикасының тұрақтылығын қамтамасыз етіп отыр.

Есепке сәйкес, Каспий құбыр консорциумындағы (КҚК) апат салдарынан мұнай өндірісінің азаюы экономикалық өсім қарқынын сәл тежеген.

Осының кесірінен...

Елде «Заңсыз келуші» іс-шарасы барысында көші-қон заңнамасын бұзған 13 мыңнан астам шетел азаматы анықталды. Бұл туралы Ішкі істер министрлігі хабарлады. 

Іс-шара барысында жеке және заңды тұлғалармен шетел азаматтарының Қазақстан аумағында болу тәртібін сақтау мәселелері бойынша профилактикалық түсіндіру жұмыстары жүргізілді. 

Сондай-ақ министрлік шетелдіктерге тұрғын үй беру және тиісті рұқсатсыз шетелдік жұмыс күшін заңсыз тарту үшін жауапкершілік бар екенін еске салды. 

Бұдан бөлек, шетел азаматтарының тұрғылықты жерлері, құрылыс нысандары, базарлар, ұйымдар мен шетелдіктердің еңбегін пайдаланатын жұмыс берушілер тексерілді. 

Іс-шара қорытындысы бойынша көші-қон заңнамасын бұзуға байланысты 13 035 құқық бұзушылық анықталды. Оның ішінде елде болу қағидаларын бұзғаны үшін 9 359 шетел азаматы әкімшілік...

Ішкі істер министрлігі алаяқтықтың жаңа тәсілі пайда болғанын ескертті. Соңғы уақытта күштік құрылымдар мен құқық қорғау органдары басшыларының аты-жөні мен фотосуреттерін пайдаланып жасалатын алаяқтық жағдайлары жиілеген.

Қаскөйлер мессенджерлер мен әлеуметтік желілерде жалған аккаунттар ашып, өздерін лауазымды тұлғалар, бұрынғы әріптестер немесе таныстар ретінде таныстырады. Олар түрлі сылтаулармен азаматтардан шұғыл түрде ақша аударуды немесе қарызға беруді сұрайды.

Ведомство өкілдері ақша аударуды сұраған хабарламаларға сенбеуге шақырады. Мұндай өтініштер өзіңізге таныс немесе белгілі адамдардың атынан келсе де, олардың шынайылығын міндетті түрде тексеру қажет.

Қазақстан мен Ресей арасындағы бірнеше бекетте жүздеген автокөлік шекарадан өте алмай тұр. Ақтөбе облысындағы Жайсаңда 600-ден астам көлік кезек күтіп қалса, Қостанай облысындағы Қайрақта 270 көлік кептеліп тұр. Кептеліске Ресей жағы кінәлі екені айтылды.

Уақытша әжетхана жасап алған

15 маусымда Ақтөбе облысы Мәртөк ауданы мен Ресейдің Орынбор облысы арасындағы Жайсаң – Сағаршын шекера бекетінде өте алмай тұрған автокөлік саны 600-ден асқаны мәлім болды. Өңірдегі мемлекеттік кірістер комитетінің бөлім басшысы Әміржан Мұхамедьяров пен Ақтөбе облысы Кәсіпкерлер палатасы директорының орынбасары Руслан Куйшинов шекараға арнайы барып, жағдайды білді.

«Шекарадан өткізу бекеті алдында шамамен 360 жүк көлігі кептеліп тұр...

Әлеуметтік желіде «Әділет» партиясының партиялық билетін беру және партия құрамына тіркеумен айналысып жатқан парақшалар анықталды. «Әділет» партиясы мұндай ақпараттың жалған екенін мәлімдеп, өзін партияның ресми өкілдігі ретінде таныстыратын жалған аккаунттар мен парақшаларға сенбеуге шақырды.

«Ол аккаунттардың «Әділет» партиясына ешқандай қатысы жоқ. Олар арқылы таратылатын кез келген ақпарат шындыққа жанаспайды.

Партияның тек ресми ақпарат көздеріне сену керегін еске саламыз: @adilet_partiyasy, t.me/adilet_partiyasy, adilet-partiyasy.kz», – делінген ақпаратта.

Материалдар тиісті шаралар қабылдау үшін құқық қорғау органдарына жолданған. «Әділет» партиясына қатысты ақпарат алғысы келетін азаматтар жеке деректерін бейтаныс адамдарға бермегені жөн. Ал партияның атауы мен логотипін заңсыз пайдалану жауапкершілікке алып...

16 маусымда Қазақстанның барлық аумағында дерлік аптап ыстық күтіледі.

Тек батыс аймақтарда ғана найзағай ойнап, дауылды жел соғады, кей жерлерде бұршақ жаууы мүмкін.

«Қазгидромет» мәліметінше, Жамбыл, Қызылорда және Жетісу облыстарында ауа температурасы 42 градусқа дейін көтеріледі.

Шығыс Қазақстан, Алматы және Қарағанды облыстарында термометр бағандары 35 градус ыстыққа дейін көтеріледі.

Атырау және Ақтөбе облыстарында жаңбыр күтіледі. Ауа температурасы шамамен 26 градус жылы болады.

Астанада күн ашық болады, күндіз ауа температурасы 30 градус дейін көтеріледі.

Бұған дейін «Қазгидромет» 16 маусымға ауа райы болжамын ұсынды.

Петропавлда бойжеткен «Қызыл-Жар» мешітінің имамын тонап кеткен. Ол имам кабинетіне кіріп, 36 500 теңгені қолды қылған деп жазады Halyqstan.

Бірақ бойжеткен мешіт ішінде бақылау камералары бар екенін ескермеген. Сондағы бейнелерге қарап полицей ұрыны тез тапты. Айыпталушы жасаған ісіне өкінетінін айтып, кешірім сұраған. Ал имам оған кешірім беріп, темір торға жібермеуін де өтінді.

Сот оның бұрын сотты болмағанын, кішкентай баласы бар екенін ескеріп, бір жарым жылға бас бостандығын шектеу деген үкім шығарды. Сондай-ақ жәбірленушілердің өтемақы қорына 65 мың теңге аударуға міндеттеді.

Бұған дейін Астанада клиенттің алтынын ломбардқа өткізген такси жүргізушісі ұсталған еді. Құқық қорғау органдары қылмыстық іс қозғады, қазір...

Екі аптадан кейін парламент ресми түрде қызметін тоқтатып, қыркүйекте Құрылтай жұмысқа кіріседі. Осы орайда соңғы үш жылдан аса жұмыс істеген мәжіліс депутаттарының жұмысына көз жүгіртіп көрдік. Қай депутат белсенді болды, ал қайсысы үнсіз отырды? Қай министрліктің көбірек «мазасын алды»? Осы сұрақтарға жауап табу үшін Kursiv.Media VIII шақырылымдағы депуттардың рейтингісін құрап, белсенділерін анықтады.

Мәжілістің VIII шақырылымның депутаттары 2023 жылғы наурыздағы сайлаудан кейін жұмысын бастаған. Олар жолдаған сауалға қарап, қандай мәселе алаңдатқанын, өңірдегі проблемаларды, оған қатысты мемлекеттік органдардың ұстанымын білуге болады.

Мәжіліс сайтындағы деректерге сүйенсек, 98 депутат 2023 жылғы 29 наурыздан деректер жиналып басталған 23 мамырға дейін жекелей және бірлескен...

Ұлыбритания 16 жасқа толмаған балалар мен жасөспірімдерге әлеуметтік желілерді пайдалануға тыйым салады. Бұл туралы маусым күні елдің премьер-министрі Кир Стармер X желісінде мәлімдеді.

Жаңа ережелер 2027 жылы көктемде күшіне енуі керек.

«Балалар технология бүкіл жерді жаулап алған әлемде өмір сүруге мәжбүр. Бұған ары қарай жол бере алмаймыз. Біз балалардың балалық шағын өзіне қайтарамыз», – деп жазды Кир Стармер парақшасында.

Жаңа заң жобасын үкімет Рождество мерекесіне дейін парламент қарауына ұсынуы керек. Билік Аустралияның моделін қолдануды жоспарлап отыр. Яғни Snapchat, TikTok, YouTube, Instagram, Facebook және X сияқты платформаларға тыйым салынады, бірақ WhatsApp пен Signal сияқты мессенджерлерге...

Испания құрамасы 2026 жылғы әлем чемпионатының H тобындағы бірінші тур матчында Кабо-Вердені жеңе алмады. Кездесу тең нәтижемен аяқталды – 0:0.

ФУТБОЛДАН ӘЛЕМ ЧЕМПИОНАТЫ-2026

H тобы, 1-тур, 15 маусым, 21:00, Атланта, «Мерседес-Бенц»

ИСПАНИЯ – КАБО-ВЕРДЕ 0:0

Испания бүкіл тайм бойы қарсылас айып алаңына жол іздеп, бірақ ұзақ уақыт бойы Кабо-Верденің тығыз қорғанысын бұза алмады. Испандықтар алғашқы шынайы қауіпті сәттерін үзіліске таяу жасады: Марк Кукурельяның пас бергенінен кейін Ферран Торрес қақпа маңдайшасына дәл тигізді, содан соң Микель Оярсабаль басымен қақпаны көздеді, бірақ Кабо-Вердені қақпашы Возинья құтқарып қалды.

Қосымша уақытта Возинья командасын тағы екі рет құтқарды...

Қызылордадағы «Арай» саябағында болған аттракциондағы оқиға салдарынан 18 жастағы жігіт аяғынан айырылды, деп хабарлайды Informburo.kz.

«2007 жылғы, 18 жастағы пациент жедел жәрдем бригадасымен өте ауыр халде жеткізілді. Пациент шұғыл түрде операцияға алынды. Жүргізілген ота көлемі: сол аяғы санның жоғарғы үштен бір бөлігі деңгейінде, оң аяғы тобық буыны деңгейінде ампутацияланды», – деді аурухананың бас дәрігері Жасұлан Баймаханов.

Қазіргі таңда оның жағдайы өте ауыр, алған жарақатының ауырлығына байланысты тұрақсыз күйде.

Төтенше жағдай 15 маусымда орын алды. Оқиғаның кадрлары әлеуметтік желілерде пайда болды. Аттракцион жас жігіттің аяғын «мыжып» жіберген. Қолданушылар зардап шегушіге шұғыл түрде қан қажет екенін хабарлаған болатын.

Қазақстан аумағында найзағай мен жаңбыр күтілуде. Астанада, елдің солтүстігі мен батысында кей жерлерде бұршақ жауады деп болжануда. «Қазгидромет» 16 маусымға ауа райы болжамын ұсынды.

Биылғы негізгі ҰБТ басталғалы бері 474 талапкер емтихан ережесін бұзғаны үшін жауапкершілікке тартылды. Бұл туралы Ғылым және жоғары білім министрлігі хабарлады.

Ереже бұзудың негізгі бөлігі, яғни 298 жағдай – смартфондар, смарт-көзілдіріктер, микроқұлаққаптар және шпаргалкалар сияқты тыйым салынған заттарды аудиторияға алып кіру әрекетімен байланысты. Тағы 176 талапкер тестілеу барысында тәртіп бұзғаны үшін аудиториядан шығарылып, олардың нәтижелері жойылды. Дегенмен бөтен адамдарды пайдалану жағдайлары тіркелген жоқ.

Министрліктің мәліметінше, ҰБТ-2026 аяқталғаннан кейін тестілеудің бейнежазбалары 31 қазанға дейін мұқият тексеріледі. Егер тыйым салынған заттарды қолдану немесе басқа да бұзушылықтар анықталса, талапкерлердің нәтижесі автоматты түрде жойылады.

ҰБТ-2026 статистикасы Тестілеудің бес аптасында талапкерлер сынақты шамамен 236 мың рет...

Маңғыстау облысының тұрғындары улы қарақұрт өрмекшілерінің қаптағанына алаңдаулы, олар балалар және ойын алаңдарының маңында пайда болуда. Жыл басынан бері қарақұрт шаққаннан кейін медициналық көмекке 18 адам жүгінген, деп хабарлайды Lada.kz.

Қарақұрттар санының өсуіне байланысты облыс әкімдігінде медициналық ұйымдардың басшылары, санитариялық-эпидемиологиялық бақылау департаментінің өкілдері және сала мамандары қатысқан арнайы кеңес өтті.

Мамандардың мәліметінше, биыл жауын-шашынның мол болуына байланысты қарақұрттар әдеттегіден ертерек және көп мөлшерде пайда болған. Улы өрмекшілер шаққаннан кейін 18 адам дәрігерлердің көмегіне жүгініп үлгерді.

Өңірдің кейбір медициналық ұйымдарында қарақұрт уына қарсы арнайы сарысу қорының жеткіліксіз екені, соның салдарынан зардап шеккендерді облыс орталығындағы ауруханаларға тасымалдауға тура келетіні атап өтілді.

Ішкі істер министрлігі еліміздегі жеңгетайлық пен интимдік қызметтерді насихаттайтын «Kyzdar.net» интернет-ресурсының серверлік инфрақұрылымын ұйымдастырушылары мен түпкілікті бенефициарларын құрықтады, деп хабарлайды Polisia.kz.

Тергеу барысында аталған сайттың желіде жеңгетайлықты жарнамалау және азаматтарды заңсыз қызметке тарту үшін қолданылғаны анықталды. Платформада интимдік сипаттағы 9 мыңға жуық анкета орналастырылған. Оның ішінде 500-ден астамы трансвеститтер мен дәстүрлі емес сексуалдық бағдардағы адамдарға тиесілі болған.

IT-компанияның «көлеңкелі» табысы

Күдіктілердің кәдімгі IT-компаниялардың бірінің негізін қалаушылар екені белгілі болды. Олар «Kyzdar.net»-ті жай ғана сайт емес, басқа да заңды IT-жобаларын сынақтан өткізетін технологиялық база ретінде пайдаланған. Қылмыстық бизнес осыншалықты ауқымды болған:

Астана әкімі Жеңіс Қасымбек қаланың жылыту маусымына дайындығы туралы баяндады. Бұл туралы елорда әкімдігі хабарлайды.

Қала басшысының айтуынша, Астанадағы жылыту маусымы орта есеппен жеті айға созылады. Ол күзгі-қысқы кезеңнен кедергісіз өту елорданың тыныс-тіршілігін қамтамасыз етудегі басты мәселелердің бірі екенін атап өтті. Сондықтан инженерлік инфрақұрылымды жөндеу және жаңғырту жұмыстары сәуір айында басталған.

«Дайындық аясында «Астана-Теплотранзит» АҚ желісі бойынша ұзындығы 7,5 шақырым болатын жылу желілеріне күрделі жөндеу және реконструкциялау жүргіземіз, «Астана-Энергия» АҚ бойынша үш қазандықты, турбинаны, трансформаторды, екі су жылыту қазандығын және қосалқы жабдықтарды күрделі жөндеуден өткіземіз», – деп жазды Қасымбек Instagram парақшасында.

Сондай-ақ қалада ЖЭО-2-де ек...

Ақмола облысында жолаушылар автобусы қатысқан жол-көлік оқиғасынан 11 адам зардап шекті, деп хабарлады аймақтың полиция департаменті.

Апат 14 маусым күні сағат 13:10 шамасында Щучинск-Бурабай автожолында болды. Полиция мәліметінше, жол апатына Volvo автобусы мен Changan автокөлігі ұшыраған.

Автобус Астана-Бурабай бағыты бойынша жолаушыларды курорттық аймаққа тасымалдап келе жатқан. Департаменттің ақпаратына сәйкес, ол қарсы бағыттағы жолаққа шығып кетіп, Changan автокөлігімен соқтығысқан, содан кейін ағашқа соғылған.

«Апат салдарынан 11 адам зардап шекті, оның ішінде автобустың тоғыз жолаушысы және Changan автокөлігіндегі екі адам бар», – деп хабарлады Ақмола облысы ПД.

Жол-көлік оқиғасы фактісі бойынша тексеру жүргізілуде.

Полиция, сондай-ақ, жыл басынан...

Қытайда World Boxing-2026 әлем кубогының екінші кезеңі жалғасуда. Жарыстың бірінші күнінің кешкі сессиясында Қазақстан құрамасы сапынан Айбек Оралбай (+90 кг) мен Дина Исламбекова (+80 кг) өнер көрсетті.

1/8 финалда Оралбай төрешілердің бірауыздан қабылдаған шешімімен америкалық Наджая Райтты жеңді. Жартылай финалға жолдаманы біздің боксшы ағылшын Мэттью Уильямспен жекпе-жекте сарапқа салады.

Исламбекова ширек финалдық айқаста ирландиялық Клиона Дарсиді мерзімінен бұрын жеңіп, жартылай финалға шықты. Осылайша, біздің боксшы кем дегенде қола медальді қамтамасыз етті. Финалға шығу үшін өтетін жекпе-жекте Исламбекованың қарсыласы өзбекстандық Олтиной Сотимбоева болады.

Контекст World Boxing-2026 әлем кубогының екінші кезеңі Қытайдың Гуян қаласында 15-21 маусым аралығында өтіп жатыр. Жалпы 20 медаль...

Қызылордада аттракцион жасөспірімнің аяғын басып қалды. Бұл ақпаратты аймақтың полиция департаменті растады.

Әлеуметтік желілерде оқиғаның кадрлары пайда болды. Жарияланым авторының айтуынша, оқиға қаладағы «Арай» саябағында болған.

«Шұғыл көмек қажет. «Арайда» ауыр жағдай орын алды. Аттракцион баланың аяғын «жұтып» қойды. Қазір жағдайы ауыр. Шұғыл түрде қан қажет», – деп жазды қолданушылар.

Полиция абайсызда ауыр дене жарақатын келтіруге әкеп соққан еңбекті қорғау ережелерін бұзу фактісі бойынша қылмыстық іс қозғады.

«Қазіргі уақытта іс аясында оқиғаның барлық мән-жайын жан-жақты, толық және объективті түрде анықтауға бағытталған тергеу әрекеттері жүргізілуде. Қылмыстық іс бойынша заңнама талаптарына сәйкес процессуалды...

Мемлекет басшысы Геннадий Головкинді Халықаралық бокс даңқы залына ресми түрде енуіне орай құттықтады. Бұл туралы президенттің кеңесшісі – президенттің баспасөз хатшысы Айбек Смадияров хабарлады.

Президент Қасым-Жомарт Тоқаев бұл тарихи оқиға аты аңызға айналған отандасымыздың мұрасының жаһандық спорт үшін ерекше маңызын, сондай-ақ Қазақстанның әлемдік аренадағы объективті бейнесі мен беделін ілгерілетуге қосқан елеулі үлесін көрсететінін атап өтті.

Мемлекет басшысының пікірінше, Геннадий Головкин – еліміздің спорттық даңқының символы және оның халықаралық спорт қоғамдастығындағы елшісі.

Қасым-Жомарт Тоқаев планетаның ең үздік боксшыларының бірінің табыс тарихы жас спортшылар ұрпағын алдағы уақытта да биік мақсаттарға жетуге шабыттандыра беретініне сенім білдірді.

Айта кетейік, бұған дейін Қазақстан Ұлтты...

Қазақстандық рэпер және музыкалық продюсер Скриптонит (Әділ Жәлелов) ауқымды әлемдік турға шығатынын жария етті.

Тур кестесі әртістің сайтында пайда болды. Ол Еуропа мен ТМД елдерінде өнер көрсететін үлкен әлемдік турнесін жариялады. Гастрольдік кестеге бірден 16 қала енді, оның ішінде Қазақстандағы екі концерт бар.

Тур 2027 жылдың 23 қаңтарында Кишиневте басталады, содан кейін әртіс Барселона, Амстердам, Берлин, Вена және басқа да қалаларға аттанады.

Скриптониттің Алматы мен Астанада концерттері бар. Қазақстандағы концерттер 19 ақпанда Астанадағы Конгресс орталығында және 21 ақпанда Алматыдағы Almaty Arena-да өтеді.

Қазақстаннан кейін рэпер Бішкек пен Ташкентте де өнер көрсетеді.

Билет сатылымының басталуы туралы ақпарат әзірге жарияланған жо...

Еңбек ресурстарын дамыту орталығы елдегі ең тапшы әрі сұранысқа ие мамандықтардың тізімін жасады.

2025 жылдың қорытындысы бойынша, Электрондық еңбек биржасында 1 миллионнан астам бос жұмыс орны жарияланған. Болжам бойынша, биыл көрсеткіш кем дегенде тағы 100 мың орынға артады.

Елдегі бос жұмыс орындарының үштен бірі, яғни 340 мыңнан астамы білім беру саласына тиесілі. Сұраныс бойынша екінші орында денсаулық сақтау саласы тұр. Қазір ауруханалар мен емханаларға 110 мың дәрігер мен медициналық қызметкер қажет.

Сондай-ақ өңдеу өнеркәсібіне 95 мың, ауыл шаруашылығы мен мемлекеттік басқару саласына 80 мыңнан астам маман іздестіріліп жатыр. Ең сұранысқа ие ондықтың қатарында сауда, құрылыс, көлік және қойма...

АҚШ-тың Иллинойс штатында екі апта бұрын жоғалып кеткен 24 жастағы Қазақстан азаматы Әсет Құралбайдың мәйіті табылды. Бұл туралы бүгін өткен брифингте ҚР Сыртқы істер министрлігінің ресми өкілі Ерлан Жетібаев мәлімдеді.

Министрліктің мәліметінше, АҚШ-тың құзырлы органдары жуырда ғана ел аумағынан табылған мәйіт Қазақстан азаматына тиесілі болуы мүмкін екенін хабарлаған.

«Қазіргі уақытта америкалық тарап қажетті сараптамаларды жүргізіп жатыр. Отандық дипломаттар АҚШ-тың тиісті органдарымен және марқұмның туыстарымен тұрақты байланыста. Оларға қажетті консулдық-құқықтық көмек көрсетіліп жатыр», деді Ерлан Жетібаев.

Оқиғаның мән-жайы

Бұған дейін әлеуметтік желілерде АҚШ-тың Чикаго маңындағы Форд-Хайтс аймағында тұрып жатқан 24 жастағы Әсет Құралбайдың жоғалып кеткені туралы...

Астана қаласының іргесіндегі Тайтөбе ауылында Шоқан Уәлиханов туралы деректі көркем фильм түсіріп жатыр. Жоба авторы, продюсер Майя Бекбаева түсіру алаңынан бірнеше видео жариялады.

Тайтөбе ауылы Ақмола облысының Қосшы қалалық әкімдігіне қарасты аумақ. Ауылдың дәл іргесінде Қарақоға көлі орналасқан. Бекбаева жариялаған видеоларға қарағанда, түсіру тобы осы көлдің маңында жұмыс істеп жүр.

«Бүгін біз Тайтөбедеміз. Фильм түсіру жалғасып жатыр. Аттар да, тазы итте осында жүр», – деді әлеуметтік желіге шағын видео жүктеген Бекбаева.

Түсіру алаңында Шоқан рөлінде ойнайтын Ерлан Құлмурзин де жүр. Салт атты актер үстіне әскери мундир киген.

Айта кетейік, бұған дейін түсіру тобы...