Жаңалықтар

Қазақстанның қаржы қауіпсіздігінің кепілі саналатын халықаралық резерв наурыз айында айтарлықтай өзгеріске ұшырады. Бір ай ішінде елдің стратегиялық қоры 73,4 млрд доллардан 67,2 млрд долларға дейін, яғни 8,44%-ға қысқарған.

Сырт көзге алаңдатарлық көрінген бұл көрсеткіштің астарында экономикалық дағдарыс емес, әлемдік нарықта бағаның құбылуы жатыр.

Ұлттық Банктің Монетарлық операциялар департаменті Kursiv.Media ресми сауалына берген жауабында бұл құбылысты алтын-валюта резервтерінің (АВР) қайта бағалануымен түсіндірді. Резерв көлемінің кемуіне қаржының жұмсалып кетуі емес, әлемдік нарықтағы алтын бағасының арзандауы тікелей себеп болған.

Нарықтағы коррекция: алтын неге арзандады?

2026 жылдың наурыз айында бағалы металл құны шамамен 12%-ға...

Алматы қаласында ақын Мұхтар Шахановпен қоштасу рәсімінде Сенат төрағасы Мәулен Әшімбаев сөз сөйледі. Ол азалы жиында президент Қасым-Жомарт Тоқаевтың хатын оқып берді.

«Ақынның жалынды жырларын қалың оқырман сүйсіне оқыды. Шығармалары көптеген шет тілдеріне аударылды. Өнегелі өмір сүріп, артына мол әдеби мұра қалдырған Мұхтар Шахановтың жарқын бейнесі халқымыздың жадында мәңгі сақталады. Иманы саламат, жаны жәннатта болсын», – делінген мемлекет басшысының хатында.

Әшімбаевтың айтуынша, ақынмен қоштасуға бір топ азамат Астанадан арнайы ұшып келді. Олардың арасында вице-премьер Аида Балаева, ақын Ұлықбек Есдәулет, депутат Жанарбек Әшімжан бар. Алматы әкімі Дархан Сатыбалды, Әл-Фараби атындағы Қазақ ұлттық университетінің ректоры Жансейіт Түймебаев

Энергетика министрі Ерлан Ақкенженовтің айтуынша, Қазақстан мен Оңтүстік Корея әзірге мұнай саудасына қатысты жаңа келісімге қол қойған жоқ. Шенеунік Baige News басылымына берген сұхбатында осылай деп мәлімдеді.

Астана мен Сеул келіссөзі

Бұған дейін Сеул Қазақстаннан 18 млн баррель мұнай сатып алатынын жариялаған.

«Әлі қол қойылған жоқ. Қызу әрі белсенді түрде талқылау жүріп жатыр», – деп түсіндірді министр.

Оның айтуынша, Оңтүстік Корея бұған дейін де Қазақстаннан 5 млн тонна шамасында мұнай сатып алып жүрген. Алайда кейінгі уақытта, әсіресе Қызыл теңіздегі қолайсыз ахуалға байланысты, мұнай экспорты 2 млн тоннаға дейін төмендеген.

Петропавл қаласында көпір салуға бөлінген бюджет қаражатын жымқыру фактісі бойынша тергеп-тексеру жүргізіліп жатыр.

Бұл туралы Қаржылық мониторинг агенттігінің Солтүстік Қазақстан облысы бойынша департаменті хабарлады.

Құны – 5,4 млрд

2023 жылдың тамыз айында Петропавл қаласы әкімдігінің «Тұрғын үй-коммуналдық шаруашылығы, жолаушылар көлігі және автомобиль жолдары бөлімі» КММ мен «БУКА» ЖШС арасында жалпы құны 5,4 млрд теңгеге автожол көпір салу туралы келісімшарт жасалған. Шартты орындау барысында мердігер ұйым тарапынан жұмыс кестесінен жүйелі түрде кешігуге жол берілген.

Жалған актілер

Тергеу амалдарына сай, мердігер ұйымның директоры тапсырыс беруші тараптың лауазымды тұлғаларымен сөзбайласа отырып, нақты орындалған жұмыс көлемі туралы жалған мәліметтер көрсетілген...

Президент әкімшілігі басшысының бұрынғы орынбасары Ерболат Досаев «Бәйтерек» ұлттық инвестициялық холдингінің директорлар кеңесінің құрамынан шықты.

KASE-де жарияланған ақпаратқа сәйкес, директорлар кеңесінің құрамын өзгерту туралы шешім 2026 жылдың 7 сәуірінде қабылданған. Ерболат Досаев «Бәйтерек» холдингінің директорлар кеңесіне биыл қаңтар айында кірген еді.

Қазір ұйымның құрамында Премьер-министр Олжас Бектенов, Премьер-министрдің бірінші орынбасары Роман Скляр, Серік Жұманғарин, Мади Такиев, Ерсайын Нағаспаев, Рустам Қарағойшин, Дэниель А. Витт, Мэри-Елен Берар, Манфред Грундке бар.

25 наурызда президент Қасым-Жомарт Тоқаев Ерболат Досаевты президенті әкімшілігі басшысының орынбасары қызметінен босатқан.

Шенеунік осы қызметте шамамен жарты жылдай отырған. Досаевты президент әкімшілігіне 2025 жылғы 19 қыркүйекте тағайындаған. Оның алдында Алматы қаласын...

Атырау мұнай өңдеу зауытының электрмен жабдықтау жүйесі жаңғыртылып жатыр. «ҚазМұнайГаз» ұлттық компаниясының хабарлауынша, биылғы қыркүйек айына дейін зауытта арнайы резервтегі қуат көзі пайда болады.

Жоба аясында кернеуі 220 кВ болатын, ұзындығы 24 шақырымнан асатын екі бір тізбекті әуе желісі салынып жатыр.

Бұл бастама, ең алдымен, өндіріс ошағының үздіксіз жұмысын қамтамасыз етуге арналған. Қосымша электр желісі негізгі жүйеде іркілістер болған жағдайда маңызды жабдықтарды сенімді қорғап, апаттық жағдайлардың алдын алуға мүмкіндік береді.

Электр қуатында іркіліс болмаса, шикізатты факелдерде мәжбүрлі түрде жағу қаупі де айтарлықтай төмендейді. Осылайша, зауыттың энергетикалық тұрақтылығымен қатар, аймақтың экологиялық қауіпсіздігі де күшейе түспек.

Қазіргі таңда құрылыс алаңына қажетт...

Apple басшысы Тим Кук бас директор қызметінен кетеді. Оның орнын инженерия жөніндегі аға вице-президент Джон Тернус басады. Бұл туралы компания өкілдері хабарлады.

Басшылықты ауыстыру туралы шешімді директорлар кеңесі бірауыздан мақұлдады. Тернус қызметіне 2026 жылдың 1 қыркүйегінде кіріседі. Сол уақытқа дейін Кук СЕО міндеттерін атқаруды жалғастыра береді. Ал бас директор лауазымынан кеткеннен кейін Кук директорлар кеңесінің атқарушы төрағасы ретінде қала бермекші.

«Apple-ге жетекшілік ету мен үшін үлкен мәртебе болды… Джон – компанияны болашаққа бастайтын нағыз лайықты тұлға», – деді Кук.

Тернус компанияны басқару өзі үшін үлкен абырой екенін атап өтті.

«Apple миссиясын жалғастыруға берілген осы мүмкіндік үшін шексіз...

Алматы облысы Екпінді ауылында жеке үйде газ жарылысы болып, үш бала мен оның анасы зардап шекті. Қазір олар ауыр жарақат алып, ауруханада жатыр деп хабарлады КТК арнасы.

Үй иесінің айтуынша, таңертең ұлы газға шәйнек қоюға тырысады. Жасөспірім сіріңкені жағып, газды қосқан кезде қатты жарылыс болады.

Жарылыстың күшті болғаны соншалық үй орнында тек іргетасы ғана қалды. Қабырғалар мен шатырды түгелдей ұшырып әкеткен. Ауыл тұрғындары үйінділерді тазалап, кірпіш пен ағаш қалдықтарын жинап алды.

44 жастағы әйел мен оның үш баласы ауруханаға бас-ми жарақатымен, сүйек сынықтарымен және ауыр күйіктермен түскен. Үлкен ұлы 17 жаста, кенжесі 10 жаста. Дәрігерлер олардың жағдайын ауыр...

21 сәуірде таңертең Алматы жұртшылығы ақын Мұхтар Шахановпен қоштасу рәсіміне жиналды. Азалы жиын Абай атындағы Қазақ ұлттық опера және балет театрында өтіп жатыр.

Марқұмның денесі театр сахнасының төріне қойылды. Оның үстіне жасыл кілем жабылған. Сахнаға ақынның бір шумақ өлеңі жазылған:

«Біз шыққан тау – шындық тауы,

Барлық таудан биік тау!»

Алматы қаласындағы қоштасу рәсімінен соң ақынның денесін Түркістан облысына әкетеді. Марқұм Отырар ауданындағы Арыстан баб кесенесінен 800 метрдей қашықтықта орналасқан қорымға жерленеді. Сол жерге үлкен кесене тұрғызылады.

Естеріңізге сала кетейік, халық жазушысы Мұхтар Шаханов 2026 жылғы 19 сәуірде, 84 жасқа қараған шағында қайтыс болды. Ол...

Қазақстан энергетика министрі Ерлан Ақкенженов әлемдегі мұнай бағасына қатысты пікір білдірді. Шенеунік Baige News басылымының Trend Talk подкастына қатысты.

Министр әлемдегі шикізат бағасына геосаяси өзгерістер ғана емес, соның төңірегіндегі түрлі ақпараттар да әсер ететінін ескертті.

«Бағаны дөп басып айту қиын. Мүмкін де емес шығар. Таңертең Reuters пен Bloomberg жаңалықтарын оқимын. Әр ақпарат бағаға айтарлықтай әсер етуі мүмкін», – деп есептейді министр.

Brent маркалы мұнайдың бір баррелі бір аптадан бері 95 доллар шамасында тұрса, Ақкенженов шикізаттың нарықтағы шынайы бағасы одан әлдеқайда жоғары екеніне тоқталды.

«95 доллар – reference price (базалық мөлшері). Ал...

Ақсу ферроқорытпа зауытында жазатайым оқиға болды. Металл ұсақтау жұмыстары кезінде ұсақтаушы қаза тапты.

Кәсіпорынның баспасөз қызметі хабарлағандай, ер адам аса ауыр жарақат алған.

«Оқиға туралы ақпарат мемлекеттік органдарға берілді, болған жағдайдың мән-жайын тергеу басталды», – делінген ресми хабарламада.

«Қазхром» ТҰК» АҚ қаза тапқан адамның отбасы мен жақындарына көңіл айтты. Компания туыстарына қажетті көмек көрсетілетінін хабарлады.

Айта кетейік наурыз айында Ақсу ферроқорытпа зауытында екпінді желдің салдарынан мұржаның бір фрагменті құлап түсті.

Елдің басым бөлігінде жаңбыр жауады. Ал солтүстікте күн жылына түседі деп болжануда. «Қазгидромет» 21 сәуірге арналған ауа райы болжамын ұсынды.

Оңтүстік Кореяның Чинчжу қаласында жүк көлігінің жүргізушісі митингке қатысушыларды қағып кетті, салдарынан бір адам қаза тауып, екеуі жарақат алды, деп хабарлайды Yonhap.

Оқиға 20 сәуір күні таңертең CU азық-түлік дүкендер желісінің логистикалық орталығының жанында жүк тасымалдау саласы қызметкерлері кәсіподағының мүшелері митинг өткізіп жатқан кезде болған. Куәгерлердің мәліметінше, 2,5 тонналық жүк көлігінің жүргізушісі оның жолын бөгеген топты айналып өтпек болған.

Нәтижесінде митингке шыққандардың бірі оқиға орнында көз жұмды, тағы екеуі зардап шекті. Полиция жүргізушіні ұстады. Оның іс-әрекетінің қасақана болған-болмағаны тексеріліп жатыр.

Кейінірек митинг өтіп жатқан жердің маңында кәсіподақ автокөлігі полиция қоршауын қағып кетіп, соның салдарынан 20 жастағы полицей зардап шект...

Армения Ұжымдық қауіпсіздік туралы шарт ұйымына (ҰҚШҰ) белсенді қатысуға қайта оралу үшін ешқандай қадам жасамайды. Бұл туралы елдің премьер-министрі Никол Пашинян мәлімдеді, деп хабарлайды NewsArmenia.

«Армения Республикасының ҰҚШҰ-ға мүшелігі, өздеріңіз білетіндей, тоқтатылған (мұздатылған) және белсенді қатысуға қайта оралу бойынша қадамдар жасалмайды. Бұл біздің «Азаматтық келісім» партиясының сайлауалды бағдарламасында бекітілген», – деді Никол Пашинян партияның сайлауалды бағдарламасының ережелерін таныстыру кезінде.

Армениядағы парламенттік сайлау осы жылдың 7 маусымына жоспарланған.

2024 жылдың ақпанында Армения ҰҚШҰ-ға мүшелігін тоқтататынын жариялап, мүшелік жарналарды төлеуден бас тартты. Никол Пашинян ұйым Армения алдындағы қорғаныс міндеттемелерін орындамағанын, оның ішінде 2021-2022 жылдары Әзербайжанмен болған...

Оқу-ағарту министрлігі педагогтерді аттестаттау ережелерін қайта қарап жатыр. Ведомство мәлімдегендей, жаңашылдықтың басты мақсаты – артық жүктемені алып тастап, мұғалімдерді формальды талаптармен емес, нақты жұмысы бойынша бағалау.

Эссе мен ғылыми мақала

Процедурадан міндетті эссе, ғылыми мақалалар, авторлық бағдарламалар мен оқу-әдістемелік әзірлемелер алынып тасталады. Ведомство мұндай тапсырмалар уақытты босқа алғанымен, оқыту сапасына әсер етпеді деп санайды.

Тестілеу тәсілі де өзгереді. Педагогтердің басым бөлігі үшін ол жойылады. Тестті бұрынғысынша тек кәсіпке алғаш рет келгендер, жұмыстағы үзілістен кейін қайта оралғандар, сондай-ақ, мектеп басшылары, олардың орынбасарлары мен әдіскерлер тапсырады. Қалған жағдайларда мұғалімнің күнделікті жұмысы мен оқушылардың нәтижелеріне қосқан үлесі негізгі көрсеткіш болмақ.

Аттестация...

Ақтауда буаз ит пышақ жарақатынан кейін өліп қалды. Ақпаратты өңірлік полиция департаменті растады. «ZOO Лекарь» ветеринарлық клиникасының мәліметінше, жануардың құрсақ тұсына пышақ жарақаты салынған.

Клиникаға әкелінген кезде иттің қатты қансырап, тыныс алуы қиындағаны байқалған. Жағдайды иттің буаздығының соңғы мерзімінде болуы қиындата түсті. Ветеринарлар шұғыл түрде кесар тілігін жасап, стерилизация жүргізді. Алайда жануарды аман алып қалу мүмкін болмады.

«Біздің дәрігерлер қолдан келгеннің бәрін жасады: күрделі әрі ұзақ ота жасалып, әр минут үшін күрес жүрді. Бірақ барлық күш-жігерге қарамастан, таңға жуық ит өліп кетті. Бұл жануардың жанында болып, оның өмірі үшін күрескендердің бәріне ауыр тиді. Күшіктер...

Түнгі клубта аяусыз төбелес шығарған Қостанайдың үш тұрғыны нақты мерзімге сотталды. Істі №2 қалалық сот қарады. Іс бойынша үш айыпталушы болған еді. Оларға денсаулыққа қасақана ауыр зиян келтіру және бұзақылық жасады деген айып тағылды.

Оқиға қашан болды?

Іс материалдарына сәйкес, оқиға 2025 жылдың жазында болған. Бір топ жас жігіт клубта демалып, ішімдік ішкен. Би алаңында олардың бірі басқа адаммен кездейсоқ шынтақтасып қалған. Жанжал бірден өршіп кеткен. Топ мүшелерінің бірі бейтаныс ер адамның дәл көзінен жұдырықпен ұрған. Соққының қатты болғаны сонша, жәбірленуші еденге құлаған.

Шабуылдаушылар мұнымен тоқтап қалмаған. Көшеге шыққан соң олар өзара төбелесті жалғастырып, бірнеше адамға бірдей...

Иран Сыртқы істер министрлігі Пәкістанның делдалдығымен өткізу жоспарланған Америка Құрама Штаттарымен келіссөздердің келесі кезеңіне қатысу туралы әзірге шешім қабылдамағанын мәлімдеді. Бұл туралы ведомствоның ресми өкілі Эсмаил Багаи дүйсенбі күнгі апталық брифингте хабарлаған.

Оның айтуынша, Тегеранның «келесі кезеңдегі келіссөздер бойынша жоспары жоқ», ал тиісті шешім жалғасып жатқан эскалация салдарынан әлі әзірленбеген. Ол Иран өз ұстанымы туралы делдал ретінде Пәкістан тарапына хабарлағанын атап өтті.

Иран СІМ АҚШ-тың әрекеттері дипломатияға деген шынайы қызығушылықтың жоқтығын көрсететінін мәлімдеді. Атап айтқанда, Тегеран американдық күштердің ирандық жүк кемесін басып алуын, ирандық порттарға теңіз блокадасын енгізуін, сондай-ақ 8 сәуірден бері қолданыстағы атысты тоқтату режимін бұзуын алға тартты.

Әкімшілік істер жөніндегі сот алқасы жеке тұрғын үй құрылысына жер учаскесін алу кезегін қалпына келтіруге тырысқан Талдықорған тұрғынының апелляциялық шағымын қарады.

Бұған дейін мамандандырылған ауданаралық әкімшілік сот Еркін ауылдық округі әкімі аппаратының әрекеттерін заңды деп танып, азаматтың өтінішіне теріс жауап берген. Алайда әйел бұнымен келіспей, жоғары тұрған инстанцияға жүгінді.

Істі қарау барысында анықталғандай, өтініш беруші 2006 жылдың қазан айында кезекке қойылған – ол кезде оның нөмірі 2325 болған. Екі жылдан кейін тізімдерді ауылдық әкімдікке өткізу кезінде оның орны өзгеріп, 1759 болды. Ал одан кейін жағдай іс жүзінде «тоқтап қалды». 2025 жылдың сәуір айына қарай электрондық тізілімде ол 1751-ші нөмірде тұрды...

Қатар мемлекетінің Азаматтық авиация басқармасы Хамад халықаралық әуежайы арқылы Қатар мемлекетінде шетелдік әуе компанияларының операциялық қызметін кезең-кезеңімен қайта бастау туралы ұшу құрамына арналған хабарлама (NOTAM) шығарды.

«Шешім жедел қызметтің барынша жоғары дайындығы мен тиімділігін қамтамасыз ету мақсатында барлық мемлекеттік құрылымдармен келісе отырып жүргізілген жағдайды толық бағалау қорытындысы бойынша қабылданды», – делінген Қатардың Азаматтық авиация басқармасының хабарламасында.

Ведомство барлық ұшу және қонуға байланысты операциялар жолаушылар мен әуе компаниялары қызметкерлерінің қауіпсіздігін қамтамасыз ету үшін барлық қажетті сақтық шараларын сақтай отырып, ең жоғары халықаралық қауіпсіздік стандарттарына сәйкес жүзеге асырылатынын баса айтты.

Айта кетейік, қазір Қазақстанның Қатар...

Астанада Моңғолия Президентінің 20-23 сәуір аралығында Қазақстанға мемлекеттік сапары аясында және 22–24 сәуір аралығында өтетін Өңірлік экологиялық саммитіне байланысты кейбір көшелер жабылады.

Қазақстанның Мемлекеттік күзет қызметі Астана тұрғындарына 2026 жылғы 20-24 сәуір аралығында қаладағы кейбір көшелерде қозғалыс уақытша шектелетінін ескертті.

Уақытша шектеулер халықаралық саяси іс-шаралар кезінде қауіпсіздік шараларын күшейтуге байланысты енгізіледі:

– 20–23 сәуір күндері Астанаға Ухнаагийн Хурэлсухтің мемлекеттік сапары өтеді;

– 22–24 сәуір аралығында Астана Өңірлік экологиялық саммитін қабылдайды. 22 сәуір күні Аралды құтқару халықаралық қорына мүше мемлекеттер басшылары кеңесінің отырысы өтеді.

Ақтөбе қаласында Бөгенбай батыр көшесінде патрульдік полиция жол қозғалысы ережелерін бұзған «ВАЗ 21213» («Нива») автокөлігін тоқтатты.

Тексеру барысында жүргізушінің мінез-құлқы күмән туғызып, медициналық куәландыру нәтижесінде оның мас болғаны анықталды.

35 жастағы жүргізуші бұған дейін де, 2024 жылы дәл осындай құқық бұзушылық үшін 7 жылға көлік жүргізу құқығынан айырылғаны белгілі болды.

«Қазіргі уақытта тергеу әрекеттері жүргізілуде. Жүргізуші уақытша ұстау изоляторына қамалды. Ал автокөлік коммуналдық тұраққа қойылды», – делінген хабарламада.

Полиция азаматтарды жол қозғалысы ережелерін қатаң сақтауға және мас күйде көлік басқаруға жол бермеуге шақырып отыр.

Жыл басынан бері полицейлер 364 мас күйде көлік басқарған жүргізушіні анықтаған...

Елде тіс протездеу және имплант орнату бағасы айтарлықтай қымбаттады. 2026 жылдың алғашқы үш айындағы дерекке сай, протездеу құны бір жыл ішінде 13%-ға, ал имплантация 10%-ға өскен. Бұл туралы Ұлттық статистика бюросы хабарлады.

Мамандар стоматологиялық қызметтің бес түрі қымбаттағанын айтадын. Оның ішінде тіс жегісін емдеу мен (17,7%-ға) тіс жұлдыру (14,7%-ға) қызметтері қатты өсім көрсетіп отыр. Ал тісті кәсіби тазалату бағасы 12%-ға көтерілген.

Сонымен қатар тіс имплантациясы тым қымбат қызметке айналып барады. Алматы мен Астанадағы бағаларды талдай келе, ең тиімді нұсқа металлокерамикалық сауыттар (коронка) екені белгілі болды. Мәселен, бір коронка құны 46 мыңнан 180 мың теңгеге дейін барады. Цирконий сауыттарының ең арзан...

Geely Galaxy бренді арнайы ұсыныс жариялады. Енді автокөліктердің бастапқы бағасы 8 290 000 теңгеден басталады.

Аutochina.kz ақпаратынша, баға жанармаймен жүретін модельдерден бастап электромобильдер мен гибридтерге дейін төмендемек.

Жаңартылған бағалар:

Geely Galaxy CityRay – 8 290 000 теңгеден,

Geely Galaxy Preface – 9 590 000 теңгеден,  

Geely Galaxy EX5 (электромобиль) – 11 990 000 теңгеден,  

Geely Galaxy EX5 EM-i (гибрид) – 11 990 000 теңгеден басталады.  

Электрлі EX5 қала жолдарына лайықты болса, гибридті EX5 EM-i қалада электр қуатымен жүріп, трассада іштен жанатын қозғалтқышты қолдануға мүмкіндік береді.

Бренд мәліметінше, 2026 жылдың наурыз айында дәл осы EM-i өз сегментінде...