Жаңалықтар

Чехиядан Қазақстанға жеткізілуі тиіс төрт керқұланның бірі әуежайға бара жатқан жолда қашып шығып, Прагадағы жол қозғалысы бір сағатқа жабылды. Бұл туралы Prague Morning хабарлайды.

Басылым мәліметінше, оқиға дүйсенбі күні астанадағы «Қара көпір» сауда орталығы маңында болған. Жүріп бара жатқан көліктен секіріп кеткен керқұлан Прага қаласында айналма жолдағы қозғалысты бір сағатқа тежеген.

Қала билігіне Виски атты керқұланды ұстау үшін көп тер төгуге тура келген. Тіпті жабайы жылқыға қан қысымын қалпына келтіретін дәрі беруге мәжбүр болған.

«Біз керқұландарды Кбели әуежайына апара жатқан уақытта, Виски темір тордан босап шығып, көліктен секіріп кетті. Оны жолда қуып ұстауға тура келд...

1 маусымнан бастап мобильді аударымдар саны 12 ең төменгі жалақыдан асса тексеріледі. Яғни ай сайынғы мобильді аударымдар 300 мыңнан асса және 3 ай қатарынан осы көлемдегі сомада қаражат аударылып отырса, азаматтар бұл қаражаттың бизнестен түспегенін дәлелдеу керек болады. Бұл туралы Үкімет сағатынан кейін өткен брифингте Қаржы вице-министрі Дәурен Кеңбейіл айтты.

«Мобильді аударымдар 3 айда 1 млн теңгеден асса тексеріледі. Демек айына небәрі 300 мың. Бұл өте аз ғой. Мәселен, кейбір адамдарды айына 300 мың аударып, туыстары асырап отыруы мүмкін. Сондай жағдайда қарапайым азаматтар не істеуі керек? Олар да тексеріле ме», – деп сұрады журналист.

Freedom Holding Corp. компаниясының CEO-сы Тимур Турлов CTOgram стартапындағы үлесін 41%-ға дейін арттырды. Бұл туралы компанияның баспасөз қызметі хабарлады. Ол стартап негізі қалаған кезде ақша салған инвесторлардың үлесін сатып алған.

Стартаптың бас директоры Жандос Тұрсымбаев бастапқы кезеңде жобаны қолдаған инвесторларға алғысын білдіріп, үлестің стратегиялық инвестордың қолына шоғырлануы компанияны одан әрі дамытуға мүмкіндік беретінін атап өтті. Оның айтуынша, CTOgram Freedom Auto экожүйесінің дамуына үлес қосатын болады.

«Біз Тимур Турловқа көрсеткен сенімі мен соңғы екі жыл бойы жалғасып келе жатқан жемісті әріптестігі үшін алғыс айтамыз», – деді Жандос Тұрсымбаев.

Компания капиталының құрамынан Сингапурдың венчурлік Quest Ventures қоры...

Болашақты жасап жатқан қазақ жастары аз емес. Олар ақпараттық технология, медицина және химия саласында көзге түсті.

Бірі 17 жасында миллионер атанса, екіншісі химия саласында төңкеріс жасады. Үшіншісі ақпараттық технологиялардың жетістігін медицинада қолданып, миллиондаған адамдардың өмірін сақтауға мүмкіндік беріп отыр.

Енді осы үш өренге жеке-жеке тоқтала кеткен жөн болар. Олар болашақты жасап жатқан жаңа дәуірдің қаймақтары десек артық болмайды.

Арлан Рахметжанов

Болашақты жасап жатқан өрендердің бірі – Арлан Рахметжанов. Ол әлі мектепте оқыса да, инвестиция туралы кітаптың авторы атанып отыр. Сонымен қатар Қазақстандағы ірі кәсіпорындардың бірінде тағылымдамадан өткен.

Алматылық оқушы он жасынан ақпараттық технологияларға қатты қызығушылық білдірген. Бала күнінде-а...

Қазақстан негізгі құрылыс материалдарымен өзін-өзі қамтамасыз етіп отыр. Олар: бетон, темірбетор, цемент және кірпіш. Бұл туралы ҚР Өнеркәсіп және құрылыс вице-министрі Олжас Сапарбеков мәлімдеді.

Сонымен қатар жылу оқшаулау материалдары, гипсокардон, керамика өндірісін дамыту қолға алынған. Үкімет ішкі нарықтың сұранысын 50%-ға қамтуды жоспарлап отыр.

«Бұл ретте импорттық тауарлардан бас тарта алмаймыз. Біздің мақсат – отандық өндірісті дамыту», – деді ол.

Бұған дейін Өнеркәсіп және құрылыс министрі Ерсайын Нағаспаев қосылған құн салығы көтерілген соң, құрылыс материалдары қанша пайызға қымбаттайтынын айта алмаған.

Қазақстанда құрылыс материалдары нарығының көлемі 4 млрд долларды құрайды

Өнеркәсіп және құрылыс вице-министрі Олжас Сапарбеков Қазақстанда құрастырылатын қытай көліктері мен Қытайдан әкелінген көліктердің техникалық жай-күйіндегі айырмашылықтар туралы айтты.

Үкіметтегі баспасөз жиынында вице-министрден Қазақстанда қай нарықтағы қытай көліктері сапалырақ екенін сұрады.

Олжас Сапарбеков Қазақстан мен Қытайдың қауіпсіздік, өндіріс, компоненттерді қолдануға қатысты техникалық регламентке қоятын талабы әртүрлі екенін атап өтті.

«Қазақстан мен Қытайдың көлікке қоятын техникалық регламенті айтарлықтай айырмашылыққа ие. Бізде көлік шанағына, медалына, қозғалтқышына, қауіпсіздік жүйесіне қатысты регламент қатаңдау. Қытайда сәл басқашалау. Сәйкесінше, осының бәрі түрлі айырмашылыққа, оны ішінде өндірістің өзіндік құнына әсер етеді», – деді ол.

Олжас Сапарбаев осыған байланысты азаматтарда Қытайдан кіргізілген...

Қаржы вице-министрі Дәурен Кеңбейіл шенеуніктерге тек отандық автокөліктер алу үшін ғана ақша бөлінетінін айтты. Бірақ министрлік өкілі Алматы әкімінің неге қымбат кортежбен жүретінін түсінідіріп бере алмады.

Әкім кортежі

Үкімет сағатынан кейін өткен брифингте журналист министрлік өкілінен Алматының жаңа әкімі Дархан Сатыбалдының қымбат көліктерден тұратын кортежі туралы сұрады.

«Сіз жаңа әкімнің кортежі туралы видеоны көрдіңіз бе? Қызылорда әкімі де қымбат көлікпен жүргенін көріп қалдық. Әкімдік шенеуніктері сәл қарапайымдау болғаны дұрыс секілді. Бұл бюджет қаражатын шамадан тыс шашу емес пе?», – деген сауал қойды.

Вице-министр бюджет қаражатына шетелдің люкс санаттағы көліктерін...

Танымал әнші Төреғали Төреәлі ұзаққа созылған сырқатынан кейін, алғаш рет ел алдына шықты. Әнші қарындасы Фаризаның желіде жариялаған бейнежазбасында бой көрсетті.

«Құтты қонақтарымыз құттықтап келіп қалды», – деп жазды Фариза.

Фаризаның парақшасындағы суреттерге қарағанда Төреғали Астанаға арнайы келіп, қарындасының қызына сыйлықтар ұсынып, қуаныштарына ортақтасты. Қуанышын жасыра алмаған қарындасы бауырымен түскен бірнеше видеоны желіге жүктеді.

Әншінің жанкүйерлері Төреғали Төреәлінің бой көрсеткеніне қуанып, пікірлерде жылы лебіздерін білдіріп...

Шерзат Полат ісі бойынша үкім 2025 жылдың 5 маусымы сағат 16:00-де шығады. Бұл туралы судья Ержан Жанұзақов айтты.

3 маусымдағы сот отырысында сотталушылар соттағы соңғы сөзін айтты. Содан кейін судья үкім шығару үшін кеңесу бөлмесіне кетті.

«Сот қылмыстық іс бойынша үкім шығару үшін кеңесу бөлмесіне шығады. Үкім 2025 жылы 5 маусымда сағат 16:00-де жарияланады», – деді судья Жанұзақов.

1,5 жылдан 23 жылға дейін соттауды сұрады

2025 жылдың 2 маусымындағы сот отырысында мемлекеттік айыптаушылар сотталушы Абзал Шынасылды қылмыстық кодекстің 293-бабы 3-бөлігі (бұзақылық), 99-бабы 2-бөлігі 5,9 және 14-тармағы (адам өлтіру), 24-бабы 3-бөлігі – 99-бабы 2-бөліг...

Әлемге танымал әнші Димаш Құдайбергеннің Нью-Йорк қаласында 5 қазанда өтетін концертіне билет сатыла бастады. Бұл туралы концерт өтетін орын – Madison Square Garden хабарлады.

«Димаш Құдайбергеннің The Garden-де 5 қазанда өтетін концертіне билет сатылып жатыр», – деп жазды MSG концерт залы X әлеуметтік желісіне.

Димаштың концертіне билет сататын платформа – Ticketmaster мәліметінше, ең арзан билет 66 доллар тұрады. Ең қымбат билет – 2744 доллар.

Madison Square Garden залы 20 мың адамға арналған. Мұнда көбіне спорт жарыстары немесе концерт өтеді. Мұнда кезінде The Beatles, Элтон Джон, Билли Джоэл, Мадонна, U2 және басқа да...

2025 жылдың үш айында мұнай-газ саласындағы ірі компаниялар қазақстандық кәсіпкерлерден 680 млрд теңгеге өнім, қызмет пен жұмыс сатып алған. Бұл туралы Энергетика министрі Ерлан Ақкенженов Үкімет отырысында айтты.

Жалпы осы кезеңде саладағы сатып алу көлемі 1,1 трлн теңгеге жеткен. Соның ішінде отандық үлес – 60,2%. Министрдің айтуынша, бұл көрсеткіш жергілікті өндірушілерге деген сұраныстың тұрақты екенін көрсетеді.

Кімдер сатып алып жатыр?

Бұл өнім мен қызметтің басым бөлігін Теңізшевройл (ТШО), Қарашығанақ (КПО) және Солтүстік Каспий жобасы (НКОК) сатып алған. Олардың үлесі – 62%. Қалғаны «Самұрық-Қазына» және басқа компанияларға тиесілі.

Ал 2024 жылы ірі операторлар отандық өндірушілермен 423 млрд теңгеге...

Қазақстандық кәсіпорындар биыл төрт ай ішінде 9 трлн теңгенің тауарын шығарды. Осылайша өңдеу өнеркәсібі 7,2%-ға өсіп, отандық кәсіпорындардың өндірістік қуаты артты. Ал импортқа тәуелділік көрсеткішінің төмендегені байқалады. Мұндай мәліметтерді Өнеркәсіп және құрылыс министрі Ерсайын Нағаспаев Үкімет отырысында айтты.

Өңдеу өнеркәсібіндегі ең жоғары өсім машина жасау (111,2%), химия өнеркәсібі (111,2%), құрылыс индустриясы (112,9%) және жиһаз өндірісі (114,8%) салаларында байқалды. Сонымен қатар металлургия, электрондық және жеңіл өнеркәсіп салаларында да оң динамика қалыптасып отыр.

Ерсайын Нағаспаев отандық тауар өндірушілерді қолдау мақсатында маңызды бастамаларын атап өтті:

Ақтау халықаралық теңіз портының президенті Абай Түрікпенбаев қандай айып бойынша қамауға алынғаны белгілі болды.

«ҰҚК көрсетілген тұлғаға қатысты Қылмыстық кодекстің 361-бабы (Лауазымдық өкiлеттiктерді теріс пайдалану) бойынша сотқа дейінгі тергеу жүргізіліп жатқанын хабарлайды»,  – делінген ҰҚК-нің KursivMedia-ға жолдаған ресми жауабында.

Абай Түрікпенбаев ұсталғаны туралы ақпарат 29 мамыр күні шыққан. Істі ҰҚК тергеп жатыр.

Ол Ақтау халықаралық теңіз портының президенті қызметіне 2017 жылы тағайындалған. Оның алдында Құрық портының бас директоры, Ақтау портының техникалық мәселелер жөніндегі вице-президенті қызметтерін атқарған.

Дәулет Орынбасар – қазақ футболының болашағынан зор үміт күттіретін жас шабуылшы. Дәулет 2009 жылы Шымкент қаласында дүниеге келді. Бастапқыда күреспен айналысқан. Отбасында әкесі мен бауырлары да күреспен шұғылданған. Тіпті туған ағасы Талғат Орынбасар – дзюдодан үш дүркін әлем чемпионатының қола жүлдегері.

Алайда Дәулеттің тағдыры футболмен байланысып, 11 жасында ғана доп тебуді бастады. Алдымен аулада достарымен ойнап жүріп, аудандық жарысқа қатысады. Сол кезде футболға деген шынайы қызығушылығы оянып, бұл жолды таңдауға шешім қабылдайды. Әкесінің қолдауымен кәсіби спортқа қадам басқан Дәулет қазір «Қайрат» академиясының түлегі ретінде көзге түсіп жүр.

Азия-Спорт арнасы Қазақстанның болашақтағы топ-форварды ретінде атап өтті. Оның техникасы, жылдамдығы және...

Қазақстандағы ең бай әрі ықпалды адамдардың балалары да көп кешікпей-ақ Forbes-тің дәулеттілер рейтингінен көрінді. Біреуі басты мұрагер ретінде қомақты байлықты иемденсе, тағы бірнеше адам ата-анасымен бірге миллионерлер тізіміне қосылды. Оларды миллионер мұрагерлер деп те атайды.

Нұрбол Назарбаев және оның қара Bentley көліктері

Нұрәли Әлиевтің миллиондары мен миллиардер «достары»

«Қазақша тонау» һәм Әлидар Өтемұратов

Нұрбол Назарбаев және оның қара Bentley көліктері

Қазақстанның дәулетті адамдары тізіміндегі ең жұмбақ миллионер — Нұрбол Назарбаев. 41 жастағы Нұрбол Болатұлы 179 млн доллармен рейтингтің 59-орнында тұр.

Ол 1983 жылы Алматы облысының Шамалған ауылында дүниеге келген. Әкесі — Қазақстанның тұңғыш...

Қаржы мониторингі агенттігі «Amanat Drive» қаржы пирамидасына қатысты тергеу бастады. Бұл туралы агенттіктің баспасөз қызметі хабарлады.

Қаржы пирамидасының ұйымдастырушылары халыққа пайызсыз бөліп төлеу арқылы жылжымайтын мүлік пен автокөлік сатып алуды ұсынып келген. Алайда компания уәде етілген міндеттемелерін орындамаған. Ал, шын мәнінде, мүлік тек ұйымдастырушылардың туыстары мен жақындарына ғана берілген.

Осындай заңсыз жолмен қаржы пирамидасы 8 мыңнан астам салымшыдан 21 млрд теңгеден астам қаражат тартқан.

Қандай схеманы пайдаланған?

Қаржы пирамидасының ұйымдастырушысы заңсыз жолмен алынған қаражатты заңдастыру үшін бірнеше деңгейлі схема жүргізген. Ол өз бақылауындағы заңды тұлғалар – «Алло, не керек», «i-m@rketing», «Gold SapaPremium» жауапкершілігі шектеулі серіктестігін...

Ұлттық банк 5 маусымдағы кезекті отырысында базалық мөлшерлемені 16,5% деңгейінде сақтап қалуы мүмкін. Бұл туралы Halyk Finance сарапшылары өз болжамында мәлімдеді.

Экономикалық саясаттағы қайшылық

Сарапшылар еліміздің қазіргі экономикалық саясатында бір-біріне қайшы келетін факторлар бар екенін атап өтті. Ұлттық банк жоғары пайыздық мөлшерлеме арқылы инфляцияны тежеуді көздесе, Үкімет керісінше, жеңілдетілген несие арқылы экономиканы ынталандырып отыр.

«Бұл екі шара – жоғары ставка мен арзан несие – бір-біріне қайшы. Мұндай саясат қаржы және бюджет тетіктерінің тиімділігін төмендетуі мүмкін», – дейді Halyk Finance мамандары.

2024 жылдың наурызында Ұлттық банк базалық мөлшерлемені 15,25%-тен 16,5%-ке дейін көтерген...

3 маусым күні түнгі сағат 02:17-де Түркияның Мұғла провинциясындағы Мармарис ауданына жақын жерде, Жерорта теңізінің жағалауында магнитудасы 5,8 балдық жер сілкінісі тіркелді. Бұл туралы TRT Haber басылымы жазды.

Жер сілкінісі 67,91 шақырым тереңдікте тіркелген. Эпицентр Мармарис ауданынан 10,43 шақырым жерде болған. Сілкініс Мұғламен қатар Айдын, Денизли, Маниса және Измир сынды көршілес провинцияларда да сезілген.

1 бала қаза тапты, 69 адам жарақат алды

Мұғла губернаторы Идрис Акбыйықтың айтуынша, сілкініс салдарынан 69 адам медициналық көмекке жүгінген. Олардың 45-і ауруханаға жеткізілсе, 14-і оқиға орнында емделген. Бір науқас ауруханаға жатқызылған. Фетхие ауданында дүрбелең кезінде ауруханаға жеткізілген 14 жастағы...

Талдықорғандағы Шерзат сотында тараптардың жарыссөзі өтіп жатыр. 3 маусымда сотталушылар іске қатысты ойын айтты.

Сотталушы Дархан Әскентай:

Менің сол жерде болғаным, досыма хабарласқаным рас. Нұрбол досымды (біреуді) ұрып-соғу үшін, кек алу мақсатында шақырмағам. Құрметті сот, істеген іс-әрекетімді видеоматериалдан қарасаңыз, ешкімге қол көтермедім, теппедім, қолымда пышақ болмады. Мен досым Нұрболды шақырғаныма өкінемін. Жазым жағдай, аяқ асты төбелес болып кетеді деп кім білген? Қарап тұрсаңыз осы іске тікелей қатысы бар, осы оқиғаға себепші болған жәбірленуші Қаржаубай. Ол Шерзат марқұмға мен туралы жалған ақпарат беріп, балалар келгенде пышақ шығарып, агрессия танытпағанда, Шерзат келгендердің бірін ұрмағанда, мұндай төбелес болмаушы еді. Бұл жерде ерегес бастаған...

Сауда және интеграция министрлігі маусымаралық кезеңде азық-түлік бағасы аразандап жатқанын хабарлады.

Қандай өнімдер арзандады?

Ұлттық статистика бюросының мәліметінше, 2025 жылғы мамыр айында әлеуметтік маңызы бар азық-түлік тауарларының бағалары өзгерген. Кейбір азық-түлік бағасы маусымдық кезеңге байланысты арзандаған. Кейбірі, керісінше, қымбаттаған.

Арзандаған азық-түлік қатарында қырыққабат (3,4%), жұмыртқа (0,7%), қарақұмық, макарон және күнбағыс майы (0,1-0,2%) бар.

Ал сәбіз (4,2%), картоп (2,8%), пияз (2,5%), тұз (1,6%), сүзбе (0,8%), сүт пен қант (0,3%), май, сиыр еті мен тауық еті (0,2%), ұн мен айран (0,1%) сияқты өнім түрлері қымбаттаған.

«Нан мен күріштің бағасы тұрақты болып, өзгеріссіз қалды...

Талдықорған сотында Шерзат Полаттың ісінде сот жарыссөзі жалғасып жатыр. 2025 жылдың 3 маусымында сотталушылардың ата-анасы іске қатысты ойын айтып жатыр.

Бірінші болып сотталушы Нұрқияс Ілиясовтың қорғаушысы Төлепбек Ілиясов сөйледі.

«…Біздің ауылды жамандап… Бұрын Хутор болған, қазір Рысқұлов деген аты бар. Баланың бір қолында пышақ, бір қолында мылтық болды деп жатыр. Сонда ол кісінің қолын қалай ұстап тұрады екен деген түсініспеушілік болып жатыр. Ол жақтан да кінә болып тұр. Бала қайтыс болғаннан кейін менің бала-шағама сес көрсетіп, «қанға қан, жанға жан» деп шошытып кетті. Оны полицияға бердік. Бұл кісілерге де ауыр, қанша дегенмен бала қайтыс болып отыр...

Bank RBK акционерлері мемлекеттен алған көмектің бір бөлігін мерзімінен бұрын қайтаруды шешті. Банк қарапайым акциялар бойынша 27,655 млрд теңге көлемінде дивиденд төлеуді жоспарлап отыр.

Оның 66%-ы, яғни 18,252 млрд теңгесі, мемлекетке қайтарылады. Бұл соманы банк үш ай ішінде, яғни тамыз айының соңына дейін өтеуі тиіс. Дивиденд ретінде бір қарапайым акцияға 17,22 теңге төленеді. Төлем 2025 жылғы 10 маусымда басталады.

Еске салайық, 2017 жылы мемлекет тарапынан екінші деңгейлі банктерге көмек ретінде қаржылық тұрақтылықты арттыру бағдарламасы жүргізілді. Оның аясында бірнеше банкке көмек көрсетілген: Еуразиялық банк, Банк ЦентрКредит, Bank RBK, Jusan Bank (Цеснабанк пен АТФБанк мұрагері ретінде). 2020 жылы Нұрбанк те...

Италияның Кассациялық соты ел тарихындағы маңызды шешімдердің бірін қабылдады. Енді шетелде экстракорпоральды ұрықтандыру (ЭКО) әдісімен бала туған біржынысты әйелдер жұбы Италияда ресми түрде баланың екі анасы ретінде тіркеле алады. Бұл туралы Euronews хабарлады.

Италияда ЭКО тек гетеросексуалды жұптарға ғана рұқсат етілген. Осыған байланысты көптеген әйелдер шетелге барып, ұрықтандыру процедурасынан өтуге мәжбүр болатын. Бірақ бала Италияда туғанымен, биологиялық анасының серіктесі заң жүзінде баламен ешқандай туыстық байланыста саналмайтын.

Соңғы жылдары елдің бірнеше аймағында прокуратура мұндай туу туралы куәліктерге қарсы шығып, оларды заңсыз деп тануға тырысты. Бұл шешімдер біржынысты отбасыларды үлкен қауіпке тіреді: егер биологиялық ана қайтыс болса немесе жұп ажырасса, екінш...

Қазақстан мұсылмандары діни басқармасы (ҚМДБ) 2025 жылғы Құрбан айт мейрамында оқылатын айт намазының уақытын жариялады. Биылғы мереке 6 маусым күні басталады. Осыған байланысты еліміздің барлық өңіріндегі жамағат үшін айт намазының нақты уақыты бекітілді.

Құрбан айт намазы еліміздің басым бөлігінде таңғы сағат 06:00-де оқылады. Атап айтқанда, Астана, Алматы, Шымкент қалалары мен Жетісу, Жамбыл, Түркістан, Қызылорда, Қарағанды, Алматы, Ақмола облыстарының тұрғындары дәл осы уақытта намазға жығылады.

Ал Ақтөбе, Атырау, Батыс Қазақстан, Маңғыстау, Қостанай, Павлодар және Солтүстік Қазақстан облыстарында сағат 06:30 да оқылады.

Ең кеш уақыт – 07:00. Абай және Шығыс Қазақстан облыстарының тұрғындары үшін Құрбан айт намазы осы уақытта басталады.

Еске...