Жаңалықтар

Әлемнің ең бай адамы Илон Маск есірткі тұтынады деген мәліметті жоққа шығарды. Мұның алдында New York Times миллиардер кетамин және басқа да есірткі заттарын қолданады деп жазған.

«Мен рецептімен берілген кетаминді бірнеше жыл бұрын қолданғанмын. Бұл туралы X желісінде жаздым. Сол себепті оның жаңалығы да жоқ. Ол терең күйзелістен шығуға көмектеседі, бірақ мен оны содан бері қайта пайдаланбадым», – деп жазды Маск X әлеуметтік желісіне.

АҚШ президенті Дональд Трамптың жақын кеңесшісі болып істеген миллиардер өткен жұмада Ақ Үйдегі қызметтен кеткен. Bloomberg мәліметінше, Tesla мен SpaceX қожайыны қызметтен кеткенімен, кеңесші болып қалғысы келеді.

Алматыда кезекші Халыққа қызмет көрсету орталығы мен мамандандырылған ХҚКО жұмыс істей бастады. Бұл туралы «Азаматтарға арналған үкімет» мемлекеттік корпорациясының филиалы хабарлады.

1 маусымнан бастап кезекші кесте бойынша төмендегі ХҚКО-лар жұмысын бастаған:
 • Әуезов ауданы: Жандосов көшесі, 51;
 • Наурызбай ауданы: Шұғыла шағын ауданы, 347/1;
 • Түрксіб ауданы: Рихард Зорге көшесі, 9.

Кезекші ХҚКО-лардың жұмыс уақыты:
 • жұмыс күндері: 09:00-ден 20:00-ге дейін;
 • сенбі: 09:00-ден 13:00-ге дейін.

Екі кезекші мамандандырылған ХҚКО да жұмысын жалғастырады:
 • Саялы шағын ауданы: Аққайнар көшесі, 1;
 • Кемел шағын ауданы: Ақсуат көшесі, 118.

Кезекші мамандандырылған ХҚКО-лардың жұмыс кестесі:
 • жұмыс күндері: өтініштерді қабылдау – 09:00-ден 18:00-ге дейін, дайын құжаттарды беру – 20:00-ге дейін;
 • сенб...

Volkswagen қатары тағы бір  жаңа модельмен толығады. Компания бұл жолы Li Auto L9-ға тікелей бәсекеге түсетін көлік шығаруды көздеп отыр.

ID. ERA — Volkswagen үшін жаңа кезең

Гуандун–Гонконг–Макао аймағындағы автокөрмеде Volkswagen компаниясы қосылатын гибридтердің жаңа буынының іске қосылатынын хабарлады. ID. ERA деп аталатын модель 2026 жылдың алғашқы тоқсанында жарық көрмек, ал сериялық өндірісі сол жылдың сәуір айында басталады.

ID. сериясы әдетте таза электр көліктерімен байланысты болғанымен, бұл жаңа модель — қосылатын гибрид болады. Сондықтан ол тікелей қытайлық Li Auto L9 моделімен бәсекелеспек.

Техникалық ерекшеліктері

Жаңа модель жаңартылған 1.5 литрлік EA211 Evo II турбоқозғалтқыш пен электр жетегінен тұратын...

Францияның атақты «Пари Сен-Жермен» (ПСЖ) футбол клубы 2024/25 маусымының Чемпиондар лигасының жеңімпазы атанды. Финалда париждік клуб итальяндық «Интерден» 5:0 есебімен басым түсті.

Бұл жеңістің арқасында ПСЖ тек кубок қана емес, қаржылай рекордтық табысқа да жетті. Клубтың жалпы табысы 148,42 млн еуро болып, Чемпиондар лигасының тарихындағы ең жоғары көрсеткішке қол жеткізді. Бұған дейінгі рекорд мадридтік «Реалға» тиесілі болатын – 144,6 млн еуро.

ПСЖ-ның табысы қалай қалыптасты?

Украин дрондары Ресейдің бірнеше әскери аэродромына соққы жасады. Ел президенті Владимир Зеленский оны «Өрмек» операциясы деп атап, Ресейдің Украинаға басып кіруі басталғалы бері тіркелген ең ауқымды шабуыл деп бағалады.

«Керемет нәтиже. Украина тарапынан толықтай дербес жүзеге асқан операция. Жоспарлау басталғаннан іске асуына дейін бір жыл, алты ай және тоғыз күн өтті. Бұл – біздің ең алыс қашықтықтағы операциямыз. Операцияны дайындаған адамдарымызды Ресей аумағынан дер кезінде шығарып үлгердік. Бұл – Украина қауіпсіздігі үшін жасалған батыл әрі нақты қадам», – деді Владимир Зеленский.

Украина Қауіпсіздік қызметінің мәліметінше, бұл шабуыл нәтижесінде 40-тан астам әскери ұшақ зақымданған...

20 жыл бойы халықаралық іздеуде жүрген күдікті Ресейден экстрадицияланды. Бұл туралы Бас прокуратураның баспасөз қызметі хабарлады.

«Қазақстан Республикасының Бас прокуратурасы Ресей Федерациясынан қылмыстық қоғамдастыққа қатысқаны, аса ірі мөлшерде есірткі заттарының заңсыз айналымы мен олардың контрабандасы үшін қылмыстық жауаптылыққа тарту мақсатында Қазақстан азаматын экстрадициялады», – делінген баспасөз хабарламасында.

Қандай қылмыс үшін ізделді?

Күдікті 2003 жылдары Өзбекстаннан есірткі тасымалдаған. Атап айтқанда героин мен опий сынды есірткі түрлерін Қазақстан арқылы өткізіп, Ресейге жеткізумен айналысқан қылмыстық топтың мүшесі болған.

Қазақстанға жеткізілген азаматтың міндетіне есірткіні тасымалдау, сақтау және заңсыз тауарды қылмыстық қауымдастықтың басқа мүшелеріне өткізу...

Қазақстанда коммуналдық және қосымша тұрғын үй қызметтерін төлеуге арналған Бірыңғай төлем құжаты (БТҚ) енгізіледі. Жобаны Өнеркәсіп және құрылыс министрлігі облыс әкімдіктерімен бірлесіп жүзеге асырып жатыр.

Бірыңғай төлем құжаты – су мен электр энергиясынан бастап интернет пен қоқыс жинауға дейінгі барлық төлемдерді біріктіретін электронды түбіртек. Енді азаматтарға бірнеше төлемдердің орнына бір құжат қана келеді, бұл төлем процесін айтарлықтай жеңілдетеді және уақытты үнемдейді.

Бірыңғай төлем құжатына енгізу жұмыстары басталды. Қазіргі уақытта төлем құжатында электр энергиясы, су, жылу, қоқыс шығару, интернет және байланыс бар.

Бұл қызмет Астана мен Алматыда жұмыс істейді. Шымкентте сумен жабдықтау және газбен жабдықтау қызметтерін электронды құжатқа енгізу басталды...

Шерзат Полат ісінде тараптардың жарыссөзі басталды. Қылмыстық іс Талдықорған сотында қаралып жатыр, деп хабарлайды KursivMedia.

2025 жылдың 2 маусымында сот тергеуі аяқталды. Судья Ержан Жанұзақов жарыссөзді бастау туралы қаулы шығарды.

Бірінші болып мемлекеттік айыптаушы Дана Сәрсенбай сөйлеп жатыр. Ол оқиғаның қалай болғанына тоқталып өтті.

Абзал Шынасылдан 7 рет жауап алынды

Прокурордың айтуынша, басты сотталушы Абзал Шынасылдан 7 рет жауап алынған.

Прокурор Сәрсенбай сотталушы Шынасылдың жауабына сілтеме жасады: «…Осы кезде маған қарама-қарсы тұрған Шерзат мені ұру мақсатында маған қарай жұдырық ала секірді. Сол кезде артқа бір қадам жасап, қорғану мақсатында Шерзаттың сол жақ тұсынан оң қолымда ұстап тұрған...

Танымал рэпер Jah Khalib (Бахтияр Мамедов) ауа райының қолайсыздығына байланысты 1 маусым күні Павлодар қаласындағы Ertis Promenade сахнасында өткен концертке келе алмады.

Бұл туралы ұйымдастырушылар Instagram-да жариялап, павлодарлықтардан кешірім сұрады.

Өкінішке қарай, бүгін, 1 маусымда сіздермен кездесудің реті келмеді. Біздің Астанаға бағыт алған ұшағымыз ауа райының қолайсыздығына байланысты үш мәрте қонуға талпыныс жасап, бірақ қона алмады. Егер бізді Қарағандыға бұрғанда, бәлкім, көлікпен жетер едік. Бірақ ұшақ бізді тікелей Алматыға қайтарды, — деп мәлімдеді Jah Khalib.

Air Astana әуе компаниясының сайтындағы мәліметке сәйкес, 31 мамыр күні Алматы – Астана бағытындағы екі рейс ауа райының қолайсыздығына байланысты...

Ангелина Лукас туған жері Тараз қаласында IBO тұжырымы бойынша әлем чемпионы атағын қорғады.

Таразда өткен халықаралық бокс кешінің басты жекпе-жегінде қазақстандық Ангелина Лукас қарсыласына еш мүмкіндік бермей, техникалық нокаутпен жеңіске жетті.

Көптен күткен жекпе-жек Ангелина үшін ерекше маңызға ие болды — екі жыл бұрынғы жеңілістің реваншы еді.

Бастапқы раундтарда қос боксшы сақ қимылдап, бір-бірінің осал тұстарын зерттеді. Алайда үшінші мен төртінші раундтардың аралығында шешуші сәтте Лукас Асенхоға қысым жасай бастады. Басқа бағытталған бірнеше дәл соққыдан кейін чилилік спортшы қорғанысқа көшіп, айтарлықтай әлсіздік танытты.

Мұны сәтті пайдаланған Ангелина белсенді шабуылға көшіп, қарсыласын арқанға тақап тұрып соққыларын үдете түсті.

Осылайша...

Атақты продюссер Баян Алагөзова суррогат анадан туған екі қызының түрін көрсетті. Олардың суретін инстаграм парақшасына жариялаған.

«Балаларды қорғау күнінде сіздерді кенде қыздарымыз Алиса және Алмамен таныстырғымыз келеді», – деп жазды ол жеке парақшасына

Тұрсын және Баян Алагөзова былтыр суррогат аналардың көмегімен нәрестелі болған еді. Алиса және Алманың айырмашылығы 15 күн, екі бөлек анадан туған.

Еске салайық, Тұрсын Алагөзова компаниясында ұзақ жыл жұмыс істеп келе жатқан қызметкерлеріне арнап 100 пәтер сыйлап, көпшілікті таңғалдырған. Осыдан кейін халықтың ыстық ықыласына бөленді. Тіпті Баян күйеуінің әлі есеңгіреп жүргенін айтты.

Тұрсын Алагөзовтың компаниясынан айырылып...

14 жастағы Елназ Қалиахмет ел чемпионы атағын алып, шахматтан Қазақстанның ең жас чемпионы атанды. Бұл туралы ҚР Шахмат федерациясының баспасөз қызметі хабарлады.

Чемпионат финалы Астанада өтіп, елдің ең мықты шахматшыларын бір алаңға жинады. Ерлер арасында алтын медальді алғаш рет 21 жастағы гроссмейстер Қазыбек Нөгербек иеленді.

Финалға Қазыбек Нөгербек пен Денис Махнёв шықты. Екеуі 9 ұпайдан жинап, чемпион тағдыры рапид және блиц матчтар сериясында шешілді. Шешуші армагеддонда Қазыбек жеңіске жетіп, алғаш рет Қазақстан чемпионы атанды. Үшінші орын – Алдияр Аңсатқа, төртінші – Жандос Ағмановқа бұйырды.

Ал әйелдер арасында турнир бойы Елназ сенімді түрде көш бастап отырды. Соңғы турда ол бұрынғы...

Көлік таңдағанда дизайны мен жайлылығына ғана емес, жылдар бойы сапалы тізгінделуіне де мән береміз. Бір көлік бірнеше жылдар бойы мінсіз қызмет етіп, сыртқы тартымдылығын сақтап қалса, енді бірі небәрі үш жылда-ақ тоза бастайды. Мұндай айырмашылық неге байланысты және қандай модельдер уақыт сынына шыдайды?

Уақыт тезіне төтеп беру деген не?

Бұл – көліктің техникалық жағынан да, сыртқы көрінісі жағынан да ұзақ уақыт бойы мінсіз қалпын сақтауы. Ондай көліктер бірнеше жылдан кейін де тартымды болып көрінеді, жиі жөндеу талап етпейді және қайта сатқанда бағасы күрт төмендемейді.

Жылдар өтсе де тартымдылығын жоғалтпайтын модельдер

J.D. Power зерттеу агенттігінің мәліметінше, жапон және неміс автокөліктері техникалық жағынан...

Ақтауда Балаларды қорғау күніне арналған мерекелік шара тәртіпсіздікке ұласты. Бұл туралы жергілікті Lada.kz сайты хабарлайды.

«Толқын-1» шағынауданында орналасқан балалар киім дүкенінің алдында жергілікті кәсіпкер балаларға тегін балмұздақ, тәтті мақта және түрлі ойын-сауықтар ұйымдастырған. Бірақ тегін балмұздақ пен тәттіге таласқандар көп болды Тіпті дүкеннің алдында жүздеген адамнан кезек тұрып, соңы кептеліспен аяқталды.

Нәтижесінде, адамдардың қалың тобында бірнеше бала жоғалып кеткен. Оқиға орнына тәртіп орнату және жағдайды анықтау үшін полиция қызметкерлері келді.

Қазірге дейін қала әкімдігі мен облыстық полиция департаменті тарапынан ресми түсініктеме берілген жоқ.

Еске салайық, бүгін бірінші маусым Балаларды қорғау күні. Осы мерекеге орай елімізде дәстүрлі түрде...

Кеңес Одағының Батыры, Халық қаһарманы тәуелсіз Қазақстанның тұңғыш Қорғаныс министрі армия генералы Сағадат Нұрмағамбетовті еске алуға арналған 28-ші халықаралық бокс турнирі өтті. Бұл туралы Қорғаныс министрлігінен хабарлайды.

Чемпион атағы үшін Қазақстан, Армения, Әзербайжан, Қырғызстан, Ресей, Тәжікстан, Түрікменстан, Моңғолия, Өзбекстан және Ираннан мемлекеттерінің 218 былғары қолғап шебері бақ сынасты. Сондай-ақ турнирге Иран мен БАӘ-ден бақылаушылар да қатысты.

Біздің турниріміз даңқты қолбасшының 101 жылдығына арналды. Ол өмірін толығымен Отанға қызмет етуге арнады және қазіргі Қазақстан Қарулы күштерінің негізін қалады. Биыл біз жаңашылдық енгізіп, жарыстың мәртебесін арттырдық. Барлық чемпиондарға спорт шебері атағы берілді, – деді Қорғаныс министрлігі Спорт...

1 маусым күні мектеп оқушыларына арналған QalamBalam атты жаңа медиажоба өз жұмысын бастады. Бұл – 7-16 жастағы балаларға арналған цифрлық БАҚ деп жазады KursivMedia.

Жоба тарих, ғылым, мәдениет және қоғам туралы қысқа, әсерлі әрі бірден назар аудартатын видеолар ұсынады. Осының арқасында ол кәдімгі білім бағдарламасын түсінуге көмектесіп қана қоймай, мектепте берілетін мағлұматтан бөлек қызық деректермен танысуға да мүмкіндік береді.

Жасөспірімдерге арналған бұл медианы Qalam командасы жүргізіп отыр. Qalam – Қазақстан, Орталық Азия, Түркі әлемінің тарихы мен мәдениеті туралы танымал жоба.

QalamBalam оқушылар жиі пайдаланатын TikTok және YouTube желілерінде контент ұсынады. Қазақ және орыс тілдеріндегі видеоларда авторлар ғылыми дәлдікпен...

Футболдан Чемпиондар лигасының финалында «Пари Сен-Жермен» (ПСЖ) клубының Италияның «Интер» командасын 5:0 есебімен ойсырата жеңді. Бірақ жеңісті тойлаудың соңы Парижде жаппай тәртіпсіздіктерге ұласты. Франциялық БАҚ мәліметінше, 1 маусым таңына дейін полиция 294 адамды ұстаған.

BFMTV телеарнасының хабарлауынша, ел астанасында қоғамдық тәртіпті қамтамасыз ету үшін 5400 полиция қызметкері мен жандарм жұмылдырылды. Ұсталғандардың басым бөлігі — пиротехника қолданған жанкүйерлер. Сонымен қатар Елисей алаңында 30 адамнан тұратын топ аяқ киім дүкенін тонап кеткен.

Гренобль қаласында тойлау кезінде қайғылы жағдай болды. Көлік жүргізушісі рөлге ие бола алмай, төрт адамнан тұратын отбасын қағып кеткен. Екеуі ауыр халде ауруханаға жеткізілді. Билік өкілдерінің айтуынша, бұл – әдей...

Атырау маңында «Ақжайық» мемлекеттік табиғи резерватынан өрт шықты. Қазір қалада күйік иісі сезіліп, қалың түтін байқалады деп жазады «Ақ жайық» басылымы.

Атырау облыстық Төтенше жағдайлар департаментінің мәліметінше, өрт Дамба ауылынан 20 шақырым жерде орналасқан «Ақжайық» мемлекеттік табиғи резерватындағы қамыс алқаптарының жанғанынан болған. Жалын аумағы 280 гектарға жетеді. Оның 200 гектары өздігінен сөнсе, тағы 50 гектар жердегі өртті құтқарушылар мен резерват қызметкерлері сөндірді.

Қалған 30 гектар аумақта өртті сөндіру жалғасып жатыр. Оқиға орнында өрт сөндіру штабы жұмыс істейді. Түнде жалын таралмас үшін минералданған жолақтар салынған.

Өрт сөндіруге «Ақжайық» резерватынан екі трактор жұмылдырылған. Сондай-ақ, Атырау облысы ТЖД-ны...

Нарықтағы тұрақсыздық:

АҚШ-тың бірінші тоқсандағы ЖІӨ-сі жылдық көрсеткішпен -0,2% төмендеді. Бұл экономиканың сыртқы саудаға тәуелділігінің күшейгенін көрсетеді. Бұған қоса, АҚШ пен Қытай арасындағы сауда тарифтері төңірегіндегі сот шешімдері нарықтың «жүйке» жүйесіне әсер етті.

Тарифтерге қатысты даулар:

Бұл екі шешім де құқықтық белгісіздікті арттырып, ірі компаниялар мен инвесторлар арасында белгісіздік тудырды.

Трамп – Пауэлл кездесуі:

Трамп ФРЖ төрағасы Джером Пауэллмен инаугурациядан кейін алғаш рет кездесті. Кездесу кезінде Трамп пайыздық мөлшерлемелерді төмендетуге қысым көрсеткені хабарланды. Бұл орталық банктің тәуелсіздігіне қатысты алаңдаушылық туғызуы мүмкін.

2025 жылы балалы отбасыларды әлеуметтік қолдауға 1,7 трлн теңге бөлінді. Жалпы еліміздегі 2 млн-ға жуық отбасыға мемлекеттік көмек берілді.

  Оның ішінде республикалық бюджеттен 870,7 млрд теңге және Мемлекеттік әлеуметтік сақтандыру қорынан (МӘСҚ) 855,9 млрд теңге. 2025 жылы жәрдемақы мөлшері 6,5%-ға артқан.

Декреттегі аналарға көмек

Жұмыс істемейтін әйелдер үшін бір жарым жасқа толғанға дейін бала күтімі бойынша ай сайынғы жәрдемақы қарастырылған. Жәрдемақының бұл түрі екінші, үшінші және одан кейінгі балаларға – 5,76 АЕК-тен (22 648 теңге) 8,90 АЕК-ке (34 995 теңге) дейін ұлғайта отырып, баланың туу кезегіне байланысты төленеді. 2025 жылғы 1 мамырдағы жағдай бойынша жәрдемақы алушылар...

1 маусымнан бастап WhatsApp IPhone-нің кейбір модельдерінде жұмыс істеуін тоқтатады. Бұл туралы 9to5mac.com порталында жазылған.

Нақты атап өтсек, IPhone-нің енді тек iOS 15.1 және одан жоғары нұсқаларда ғана жұмыс істейді. Мессенджері жұмыс істемейтін модельдер:

Бұл тізімде iPhone 6s, iPhone 6s Plus, iPhone SE (1-буын) модельдері де бар. Егер олар iOS 15.8.4 жаңартуын орната алса, WhatsApp-ты қолдануды әзірге жалғастыра алады. Аталған өзгеріс Android-қа да қатысты. Android 5.0 және одан төмен нұсқаларда WhatsApp жұмыс істемейді.

Еске салайық, биыл Apple компаниясы өз операциялық жүйелерінің атауын жаңартуды жоспарлап отыр. Енді  iOS 18, macOS 15 сияқты...

2025 жылғы 1–4 маусым аралығында Қазақстанның бірқатар өңірлерінде аптап ыстық, найзағай, бұршақ, қатты жел болуы мүмкін. Кейбір облыстарда өрт қаупі жоғары және төтенше деңгейде сақталады деп хабарлайды «Қазгидрометтен».

Батыс Қазақстан облысы +32…+37°C дейін ыстық. Құрғақ ауа райы өрт қаупін арттырады.
1 маусымда найзағай, бұршақ, екпінді жел (15–20 м/с) болуы мүмкін.

Атырау облысы +34…+39°C, жауын-шашынсыз. Оңтүстікте, батыста және солтүстікте — төтенше өрт қаупі. Атырау қаласында найзағай болуы мүмкін.

Маңғыстау облысында да қатты ыстық – +35…+40°C, әсіресе оңтүстікте. Облыс бойынша жоғары және төтенше өрт қаупі бар. 1 маусымда солтүстікте – найзағай, оңтүстікте және солтүстік-шығыста – аптап ыстық.

Ақтөбе облысында +30…+38°C, оңтүстікте және солтүстікте...

Жер бетінде 1500 ояу жанартау бар. Кей жанартаулар ернеуі ыстық лаваға толып, үздіксіз буырқанса, басқалары ондаған, жүздеген, тіпті, мыңдаған жыл бойы ұйқыда жатады. Ояу жанартауды көзбен көріп, табиғат күшін сезіну — ұмытылмас әсер сыйлайтын тәжірибе. Төменде әлемде қауіпсіз тамашалауға болатын жанартауларды тізіп шықтық.

Килауэа, Гавайи

Гавайи архипелагында 5 жанартау бар, оның төртеуі Үлкен аралда орналасқан. Олардың ішіндегі ең белсендісі — Килауэа 1983 жылдан бері үздіксіз атқылап келеді. Бұл көбіне қауіпсіз жүретін процесс, сондықтан туристер ыстық лаваны жақыннан көре алады. Гавайи ұлттық жанартаулар паркінде лаваны 270 метр қашықтықтан көретін алаң бар. Аралда туристерге арналған лава турлары көп. Ең батыл адамдар жанартауды...

Air Astana 1 маусымнан бастап Алматыдан Франкфуртке тікелей рейстерді іске қосты. Алғашқы ұшақ түнгі сағат 1:30-да ұшып шыққан.

Рейстер апта сайын үш рет – сейсенбі, бейсенбі және жексенбі күндері орындалады. Жол жүру уақыты – 8 сағат 25 минут. Ұшақ Франкфуртке жергілікті уақыт бойынша таңғы 6:55-те қонады.

Бір жаққа билет бағасы 171 400 теңгеден басталады. Жолаушылар 8 келіге дейінгі қол жүгін және 23 келіге дейінгі багажды ала алады.

Бұдан бөлек, немістің Lufthansa авиакомпаниясы ақпанның ортасынан бастап Алматы мен Астанадан Франкфуртке тікелей рейстерді қайта іске қосқан. Билет құны – 246 000 теңгеден басталады. Ұшақтар сейсенбі, сенбі және жексенбі күндері қатынайды.

Сонымен...