Жаңалықтар

Қазақстанда банктердің кредиттік пайызы  46% дейін жетеді. Банктің негізгі мөлшерлемесімен қоса, кредитті ұйымдастыру, есепшот жүргізу, қолма-қол ақшаға айналдыру секілді комиссиялар бар. Сонда, айналып келгенде борышкер несиенің үстінен қанша төлейді? Бұл сұраққа қаржы сарапшылары KURSIV MEDIA YouTube арнасы түсірген шығарылымда жауап берді. 

Сарапшылардың айтуынша, қоғам кредитті жеңіл ақша секілді қабылдайды. Сондықтан кейбір азаматтар несиені тегін беріп жатқандай пайыздарына көзді жұмып, мөлшерлемесін есептемей алуға әдеттеніп кеткен. 

Қаржы нарығын реттеу және дамыту агенттігінің бас сарапшысы Ғаділбек Әкімнің сөзінше, несие алу үлкен жауапкершілік пен тәртіпті қажет етеді. Сол себепті ойланып, табыс пен шығындарды есептеп барып несие туралы шешім қабылдаған жөн. 

Қаржы сарапшысы Айбар Олжайды...

АҚШ президенті Дональд Трамптың мәлімдеуінше, оған Қытай басшысы Си Цзиньпин қоңырау шалған. Ақ үй Бейжіңнің мұндай қадамын «әлсіздік» деп есептемейді.

Қытай мен АҚШ татуласа ма?

Reuters мәліметінше, Қытай басшысы оған сауда және басқа да келісімдерге қатысты жоспарын жеткізген. Трамп Сидің өзі хабарласқанын жұма, 25 сәуірде TIME басылымында жарияланған сұхбатында айтқан.

Ақ үй басшысының мәлімдеуінше, оның әкімшілігі Қытаймен саудаға қатысты келіссөздер жүргізіп жатыр.

«Ол қоңырау шалды. Мен мұндай қадамның оның әлсіздігі деп есептемеймін», – деген Құрама Штаттар президенті.

Алайда Трамп Сидің нақты қай күні хабарласқанын айтпады. Бұған дейін Қытай сыртқы істер министрлігі Вашингтонды...

Әлеуметтік желіде 2025 жылғы 1 мамырдан бастап «Яндекс Go» сервисі Қазақстанда Chevrolet Cobalt маркалы автокөліктерді такси ретінде тіркеуді тоқтататыны туралы ақпарат тарады.

Ақпаратта автокөліктің жаңа нұсқалары енді мүлде тіркелмейтіні, ал қазір жұмыс істеп жүрген жүргізушілер 2025 жылдың соңына дейін қызметін жалғастырып, кейін алынып тасталатыны айтылады.

«Бұл шешім қауіпсіздік талаптары мен қызмет сапасының стандарттарына сай болу мақсатында қабылданған» – делінген жазбада.

Алайда Yandex Qazaqstan ақпаратты толық терістеді. Олардың сөзінше, тараған ақпарат толықтай фейк, ондағы айтылғандардың ешбірі шындыққа сәйкес келмейді.

Yandex Qazaqstan сондай-ақ Cobalt туралы ақпаратты таратушылар мән-жайды білу үшін компанияға хабарласпағанын атап өткен.

Желідегі жазбаға көпшілік сеніп қалған. Тіпті жаңалықты...

Қонаев қаласында Алматы облысының қылмыстық істер жөніндегі мамандандырылған ауданаралық соты кісі өлтіру ісі бойынша үкім шығарды. Екі адам 19 жылға, төрт адам 17 жылға сотталды. Бұл туралы Алматы облысының соттары хабарлады.

Екі адам жабылған

Оқиға 2024 жылғы маусым айында Қонаев қаласындағы «Алекс» демалыс орнында болған.

Сотта анықталғандай, сол жерде екі сотталушы мен жәбірленуші «М» жанжалдасып қалып, арты төбелеске ұласқан.

«Жәбірленуші басым түсіп, осыдан кейін сотталушыларда оны өлтіру ниеті пайда болған. Олар қылмыстық ойларын жүзеге асыру үшін тағы төрт адамды тартқан», – деп хабарлады Алматы облысының соттары.

Мәліметке қарағанда, сол күні кешке...

Мәжіліс депутаттары Қазақстан ірі көлемде мұнай экспорттайтын мемлекет бола отырып, жанармай тапшылығымен жүйелі түрде бетпе-бет келеді деп тұжырымдайды. Бұл ретте «Ақ жол» партиясының депутаттары бұл мәселені шешу үшін жеке мұнай өңдеу зауыттарын дамытуды ұсынады. Серік Ерубаев бастаған бір топ депутат аталмыш мәселені көтеріп, вице-премьер Роман Склярға депутаттық сауал жолдаған.

«Мұнай экспорттаушы елдің ішкі нарығында бензин мен дизель отыны жетіспей, оның үстіне экспортқа тыйым салуға мәжбүр болуы – ақылға сыймайтын парадокс. Бұл жағдай халықты да, кәсіпкерлер қауымдастығын алаңдатып отыр», – деп жазады депутаттар.

Ірі мұнай өңдеу зауыттарының қуаты жетпейді

Депутаттар...

Ресей Банкі (Орталық банк) негізгі пайыздық мөлшерлемені 21% деңгейінде сақтап қалды. Бұл туралы реттеушінің ресми сайтында жарияланған баспасөз хабарламасында айтылған. Аталған көрсеткіш — Ресей тарихындағы ең жоғары мөлшерлеме және алғаш рет 2024 жылдың қазанында енгізілген. Содан бері бұл деңгей өзгермеген.

«Қазіргі инфляциялық қысым, оның ішінде орнықты факторлар бойынша, біртіндеп төмендеп жатыр, бірақ әлі де жоғары болып қалып отыр. Ішкі сұраныстың өсуі тауарлар мен қызметтер ұсынысының кеңею мүмкіндігінен әлі де айтарлықтай жоғары», — деп атап өтті ОБ.

Сондай-ақ Ресей экономикасы біртіндеп теңгерімді өсу траекториясына қайта оралып келе жатқаны айтылған. Реттеуші инфляция 4%-дық мақсатқа...

Этникалық қазақ Наджибулла Абдул Халил өзін құқық қорғау органдары Қазақстан азаматтығынан айырғанын, енді өзі және отбасына қауіп төніп тұрғанын айтып шағынды. Астанада өткен баспасөз мәслихатында өзі туған Ауғанстанға депортацияланса, ол жақта өлім жазасына кесілетінін айтады. Абдул Халил бұған істі болған бұрынғы ұлттық қауіпсіздік комитетінің төрағасы Кәрім Мәсімовтің әкесінің қатысы бар деп санайды.

KursivMedia тілшісі мәселенің мән-жайын білді.

Бұрынғы әскери ұшқыш

Наджибулла Абдул Халилдің айтуынша, ол бұрын әскери ұшқыш болған, 1986 жылдан Кеңес Одағына Ауғанстандағы терроризм мен экстремизмге қарсы күресте көмектескен. Сол себепті талибан режимі өзін дұшпан санайтынын айтады. Ал Ауғанстаннан 1993 жылы қашып кеткен.

Әуелі Түрікменстанды...

2024 жылы «Freedom Insurance» сақтандыру компаниясының DTP.kz жүйесі арқылы еурохаттамаға 2 845 өтінім келіп түсткен. Ал 2025 жылғы І тоқсанның өзінде 2 217 өтінім қабылданған. Бұл жол-көлік оқиғасын онлайн рәсімдеу қызметі кеңінен таралып жатқанының көрінісі. Бұлай деп «Freedom Insurance» сақтандыру компаниясының басқарма төрағасы Азамат Керімбаев автосақтандыруға арналған медиа-шара барысында мәлім етті.

Еурохаттама қалай жасалады

Іс-шара аясында жол-көлік оқиғасы симуляцияланып, DTP.kz платформасы арқылы еурохаттама рәсімдеудің жанды мысалы көрсетілді.

Платформада сервис толықтай онлайн өтеді. Мұнда нарықтағы жетекші 7 сақтандыру компаниясы топтастырылған.  

Азамат Керімбаев еурохаттама рәсімдеуде ең бастысы жол-көлік оқиғасы салдарынан адам зардап шекпеген болуы қажет екенін...

Кәсіпкер Серік Толықпаевқа тиесілі AITAS холдингі Шымкенттегі «Бозарық» индустриялық аймағында шұжық өндіретін зауыт салады. Кәсіпорын жылына 50 мың тонна өнім шығаруды жоспарлап отыр. Бұл жайлы холдингтің баспасөз қызметі хабарлайды.

«Бұл — Орталық Азияда теңдесі жоқ ауқымды жоба. Ол біздің азық-түлік компаниясына трансформациялану жөніндегі ұзақ мерзімді стратегиямызға сай келеді және Қазақстанның азық-түлік қауіпсіздігі мен экспорттық әлеуетін арттырады. Қазірдің өзінде жер телімі анықталып, жобалық-сметалық құжаттама әзірленіп жатыр. Зауыт толық қуатына 2033 жылы шығарылады деп жоспарланған», — деді AITAS холдингінің негізін қалаушы және инвестор Серік Толықпаев.

Инвестиция көлемі шамамен 18,6 млрд теңгені құрайды. Жобаны екі кезеңмен жүзеге...

Биыл наурыз айында Өзбекстанда жүрілген автокөліктердің бағасы едәуір төмендеді. Көпшіліктің сұранысына ие болған Chevrolet Cobalt көлігінің де құны рекордтық деңгейде төмендеді. Бұл – көлігін жаңартуды жоспарлап жүрген азаматтар үшін жағымды жаңалық болды.

Макроэкономикалық және өңірлік зерттеулер институты мамандарының айтуынша, баға төмендеуінен ең көп «зардап шеккен» модельдердің бірі — Chevrolet Cobalt. Қазір бұл көлікті бұрынғыдан әлдеқайда арзан бағаға сатып алуға болады.

Chevrolet Cobalt қаншалықты арзандады

Орташа есеппен мұндай көліктердің нарықтағы бағасы 12 мың долларды, ал аз жүрілген үлгілері 12,7 мың долларды (6 млн 177 мың) құрайды. Ал қатты тозған көліктерді 11,5 мың долларға (5,9 млн) да табуға болады.

Солтүстік Қазақстан облысы Қызылжар ауданына қарасты Тепличное ауылының тұрғындарын қауіпсіз жерге көшіру туралы шешім қабылданды. Өңірде Есіл өзені арнасынан асты.

Есіл тағы тасыды

СҚО әкімдігінің мәліметінше, эвакуация 25 сәуір күні сағат 15:00-ден 18:00-ге дейін жүргізіледі.

«Азаматтардың өмірі мен денсаулығының қауіпсіздігін қамтамасыз ету мақсатында Кызылжар ауданының Тепличное ауылында алдын ала эвакуация жүргізу туралы шешім қабылданды.

Көлікпен тасымалдауға мұқтаж тұрғындар үшін арнайы көлік және жедел жәрдем қызметтері ұйымдастырылады. Қосымша ақпарат алу үшін +7 7153 82 12 01 нөміріне хабарласуыңызға болады», – деп хабарлады облыстық әкімдік.

Ауыл тұрғындары Бескөл ауылындағы №2 орта мектепке...

Наурыз айында кредиттердің үстемақысы өскенімен, депозиттердің сыйақысы аса көтерілген жоқ. Ұлттық банктің депозит пен кредиттің пайыздық мөлшерлемесіне қатысты статистикасынан осыны байқауға болады.

7 наурызда Ұлттық банк базалық мөлшерлемені 15,25%-дан 16,5%-ға дейін көтергені белгілі. Негізгі көрсеткіш өскен сайын халық пен бизнеске берілетін несие қымбаттап, депозитке салған ақша тиімді болуға тиіс.

Алайда банктер депозит шарттарын сәл ғана өзгертті. Мысалы, заңды тұлғаларға (яғни компаниялар мен ұйымдарға) арналған теңгелік депозиттердің орташа мөлшерлемесі 15% болды. Бұл ақпанмен салыстырғанда 0,8 пайыздық тармаққа жоғары. Жеке тұлғаларға арналған депозит мөлшерлемесі 0,3 пайыздық тармаққа өсіп, 13,6%-ке жетті.

Депозиттердің пайыздары қандай?

Компанияларға арналған депозиттер мынадай мөлшерлемемен ұсынылады:

Қазақстан үкіметі 2024 жылы Парижде өткен XXXIII жазғы Олимпиада және XVII жазғы Паралимпиада ойындарының жеңімпаздары мен жүлдегерлеріне сыйақы беру туралы қаулы қабылдады. Қаулы аясында спортшылар мен олардың бапкерлеріне үкімет резервінен қаржылай сыйақы бағытталды.

Туризм және спорт министрлігінің мәліметінше, жалпы саны 49 спортшы мен 63 жаттықтырушы қаржылай марапатқа ие болады.

Жүлде қоры төмендегідей бөлінген:

Сондай-ақ әрбір жүлдегердің бас, жеке және алғашқы бапкері де...

«Атырау мұнай өңдеу зауыты» ЖШС 1 мамырдан бастап мұнай өңдеу тарифін төмендетеді. Бұл туралы «ҚазМұнайГаз» компаниясының баспасөз қызметі хабарлады.

«Жаңа тариф қосылған құн салығын есепке алмағанда, бір тонна үшін 47 000 теңгені құрайды. Бұл бұрынғы көрсеткішпен салыстырғанда 7 450 теңгеге арзан. Бұған дейін тариф бір тонна үшін 54 450 теңге болған (ҚҚС-сыз)», – деп жазылған компания хабарламасында.

Тарифті төмендету туралы шешім мұнай өндіруші компаниялардың табысын теңестіру үшін қабылданды. Компания хабарлауынша, бұл еліміздегі барлық мұнай өңдеу зауыттарына мұнай жеткізушілер үшін бірдей жағдай жасауға әрі экономикалық ахуалды теңестіруге ықпал етуі қажет. Сонымен қатар, ішкі нарықтағы мұнай өнімдерін...

Президент Қасым-Жомарт Тоқаев ойын бизнесінің жарнамасын шектейтін жаңа заңға қабылдап, бірқатар маңызды бағыттар бойынша өзгерістер енгізді. Бұл өзгерістер екі негізгі блокқа бөлінген.

Бірінші блок – денсаулық сақтау саласы:

Екінші блок – бәс тігу мен жарнамаға қатысты шектеулер:

Үкімет резервінен Ақмола облысы Көкшетау қаласындағы жылу көзінде жөндеу жұмыстарын жүргізу үшін 1,1 млрд теңге бөлінді. Тиісті қаулыға Премьер-Министр Олжас Бектенов қол қойды, деп хабарлайды үкімет баспасөз қызметі.

Қаражат 2025-2026 жылғы жылыту маусымына дайындық пен оны үздіксіз өткізу мақсатында Көкшетау қаласындағы жылу көзінде (РК-2) жөндеу жұмыстарын жүргізу үшін Ақмола облысының бюджетіне аударылды.

«Бұл қаржы «Кокшетау жылу» кәсіпорнының су жылыту пылеугольді қазандығының технологиялық процестерін автоматтандырылған басқару жүйесін және бақылау-өлшеу аспаптары мен автоматикасының далалық деңгейін қайта құру жобасын іске асыруға бағытталады. Сонымен қатар, қазанды агрегаттың жылу беттерін, ауа үрлегіш қондырғылардың корпустарын жөндеуге және технологиялық ресурсы таусылған жабдықтарды...

Шанхай қаласында өтіп жатқан ірі автокөрмеде жаңартылған, бағасы арзан Geely Panda Mini автокөлігін көрсетті. Ол Қытайда сәуірден бастап сатылып жатыр. Суреттерді dongchedi.сом порталы жариялады.

Сұранысқа ие электромобиль моделі алғаш рет екі жыл бұрын саудаға түскен. Бұл жолы өндіруші электрокардың бірнеше жерін өзгерткен.

Geely Panda Mini бағасы

2023 жылы алғаш рет автонарыққа шыққан уақытта шағын ғана көлік сол кезде 40 мың юань немесе шамамен 2,7 млн теңгеге бағаланған еді. Ал осы айда автобазарға шыққан жаңасы бар болғаны 49 900 юань немесе 3,5 млн теңге тұрады.

Бұл жолы Panda Mini автокөлігінің артқы жағына аэродинамиканы жақсартатын қанатша қосылды. Сол арқылы электрокардың автономды...

24 мамырдан бастап мемлекеттік тұрғын үй кезегі толығымен «Отбасы банкінің» құзырына өтеді. Бұл өзгерістен кейін жүйе қалай жұмыс істейді? Үй кезегінде тұрғандар тізімді қалай көре алады? Осы жөнінде  білуге тиісті ақпараттарды ұсынамыз.

Krisha.kz мәліметінше, 24 мамырға дейін үй кезегінде тұрғандар қолданыстағы тізімнен қазіргі статусын көре алады. Қажет болса, деректерді түзетуіңіз өте маңызды.

24 мамырға дейін не істеу керек

Мемлекеттік тұрғын үй кезегінде тұрған барлық азаматқа өздерінің тізімде бар-жоғын тексеру өте маңызды.

Ол үшін kezekte.kz сайтына кіріп, келесі деректерді енгізіңіз:

ЭЦҚ қажет емес.

Егер тізімнен өзіңізді таппасаңыз

Жапонияда EXPO 2025 Osaka аясында өткен Women Tech Global Summit халықаралық саммитінде Қазақстандық Women in Tech чаптері «Жыл чаптері» аталымында бас жүлдеге ие болды. Бұл марапат әлемнің 60-тан астам еліндегі өкілдіктер арасындағы ең белсенді әрі серпінді дамып жатқан чаптерге табысталады.

Қазақстан саммитке ең үлкен делегациямен — 25 қатысушымен қатысты. Делегацияны Freedom Holding Corp. компаниясының CEO-сы Тимур Турлов бастап барды. Холдинг чаптердің ресми серіктесі және Орталық Азия аймағынан бірінші болып Osaka Gender Protocol — цифрлық экономикада әйелдердің рөлін қолдауға арналған халықаралық бастамаға қосылды.

Women in Tech Kazakhstan 2024 жылғы қыркүйекте құрылған. Осы уақыт аралығында 15-тен астам іс-шара өткізіліп, 40 мыңнан астам...

Әлеуметтік желілерде Димаш Құдайбергеннің атынан жасалған жалған видеолар тарап жатыр. Алаяқтар жасанды интеллект (ЖИ) технологиясын пайдаланып, әншінің дауысын және бет әлпетін қолданып отыр. Алаяқтар Димашты ақша табуға арналған қосымшаларды жарнамалап жатқандай етіп көрсеткен.

Әншінің әкесі Қанат Айтбаев бұл видеолардың жалған екенін ресми түрде мәлімдеді. Оның айтуынша, Димаштың бұл бейнежазбаларға ешқандай қатысы жоқ.

Қанат Айтбаев барша халықты сақ болуға шақырып, күдікті сілтемелерге кірмеуді және жалған ақпаратқа сенбеуді сұрады.

Еске сала кетейік...

2025 жылдың наурыз айында Қазақстан халқының доллар сатып алуы айтарлықтай азайған. Ұлттық банк мәліметінше, айырбастау пункттеріндегі доллар сатып алу көлемі ақпанмен салыстырғанда 57%-ға, яғни 73,8 млрд теңгеге дейін төмендеген. Ал 2024 жылғы наурызбен салыстырғанда 53%-ға аз.

Халық рубльді сатып жатыр

Наурызда ресей рубліне деген сұраныс та айтарлықтай төмендеді. Халық рубльді сатып алудан гөрі, сатуға бейім болған. Нәтижесінде рубльдің нетто-сатылымы – 18,9 млрд теңгені құрады. Бұл ақпан айындағы –12,4 млрд теңгеден де көп.

Валюта нарығындағы жалпы белсенділік төмендеді

Ұлттық банктің мәліметі бойынша, айырбастау пункттеріндегі қолма-қол шетел валютасымен жасалатын операциялар көлемі де айтарлықтай азайған. Мәселен, доллар...

Астанада министрліктер үйінің жанында ер адамды көлік қағып кетті. Оқиға бүгін таңертең Достық көшесінде болған.

Полицияның мәліметінше, Nissan жүргізушісі жолды белгіленбеген жерден кесіп өткен жаяу жүргіншіні қағып кеткен. Ер адам №2 қалалық ауруханаға жеткізілді, дәрігерлер оған қажетті көмек көрсетіп жатыр.

Медицина қызметкерлерінің хабарлауынша, зардап шеккен азамат қабылдау бөлімінде бейінді мамандардың тексеруінен өткен. Оған жеңіл ми шайқалуы диагнозы қойылды. Қазір жағдайы тұрақты.

Осыған дейін Астанада 38 жастағы жүргізушісі әл-Фараби көшесіндег...

Президент Қасым-Жомарт Тоқаев Еуропалық футбол қауымдастықтары одағының (UEFA) президенті Александер Чеферинді Ақордада қабылдады. Кездесу барысында Қазақстан мен UEFA арасындағы әріптестік, отандық футболды дамыту және халықаралық ынтымақтастық мәселелері сөз болды.

Президент еліміздегі футболдың бұқаралық сипат алып келе жатқанын атап өтіп, бұл салаға UEFA тарапынан көрсетіліп жатқан қолдауға жоғары баға берді. Бүгінде елімізде 1 млн астам адам футболмен айналысады. Бұл – спортпен шұғылданатын азаматтардың 13 пайызын құрайды.

Мемлекет басшысы футбол экожүйесін дамытудың маңыздылығына тоқталып, келесі басым бағыттарды атап өтті:

Apple корпорациясы АҚШ-та сатылатын iPhone смартфондарының көп бөлігін 2026 жылдан бастап Үндістанда шығарады деп жазды Bloomberg.

Осылайша америкалық компания Қытайдағы өндірісін біртіндеп Үндістанға көшіріп жатыр. Себебі АҚШ Бейжіңге қарсы баж салығын көтергені мәлім.

Apple Құрама Штаттарда бір жылда 60 миллионнан аса iPhone сатады. Өнімдердің дені шетелде шығарылады. Вашингтон мен Бейжің арасы салқындаған уақытта корпорация баж салығын төлеу арқылы қосымша шығынға батқысы келмейді.

Үндістан өндіріс орталығына айналуға ұмтылады

Компания Үндістанда бір жылда 22 млрд доллардың iPhone смартфондарын шығарған. 2025 жылғы наурызда өндіріс 60%-ға артты. Енді Apple смартфондарының 20%-ын немесе әрбір бесінші айфонды осы елде шығарып отыр. Дегенмен ірі өндіріс...