Жаңалықтар

Астанадағы автобус апатының салдарынан қос аяғынан кесіп жастаған 8 жастағы Алуа Бекен жаңа оқу жылында үйден оқиды. Бұл туралы кулуарда Оқу-ағарту министрі Ғани Бейсембаев мәлім етті.

Оның сөзінше, баланың оқуын жалғастыру мәселесі оңалту шараларының нәтижесіне байланысты болмақ.

«Қолданыстағы заңға сай, бала үйден оқиды. Одан кейін оңалту нәтижесіне қарай, сабақты мектепте жалғастыру мүмкіндігін қарастыруға болады. Трагедия жуырда ғана болғандықтан, алда ұзақ процесс күтіп тұр. Әзірге нақты айту қиын. Бірінші кезекте баланың псиикалық және физикалық саулығына алаңдамуымыз керек, академиялық көмек одан кейінгі сатыда», – дейді ол.

2 маусымда Астанада жолаушы автобусы ақпараттық тақта тіреуіне соғылған. Жол апатынан...

Министрліктер заң жобасын өздері әзірлеудің орнына, Парламентке хат жазу арқылы шешуді әдетке айналдыра бастады. Осылай деген Мәжіліс төрағасы Ерлан Қошанов министрлер кабинетінің жұмысын сынға алды.  

Түзетулер жалпы отырыс өтетін күні келіп түседі

«Конституция бойынша, депутаттармен қатар Үкіметтің де заңға бастамашылық етуге құқы бар. Алайда заң жобасын өздері әзірлеу орнына, министрліктер мәселені депутаттардың түзетулері арқылы немесе Парламентке хат жазу арқылы шешуді әдетке айналдыра бастады. Үкімет регламенті бойынша, түзетулерді заң жобасын Мәжілісте талқылау кезеңінде енгізу туралы норма бар. Бірақ министрліктер тарапынан ол нормаға тым жиі жүгіну орын алып отыр. Кейде ондай түзетулер тіпті жалпы отырыс өтетін...

Қытай гей-эротика жазып жүрген қыздарға қарсы қатаң шара қолданып жатыр. Олар енді он жылға дейін түрмеге отыруы мүмкін.

ВВС ақпаратына қарағанда, таяуда Pingping Anan Yongfu лақап атымен танымал жазушы қыз ұсталды. Ол соңғы сегіз айда Weibo әлеуметтік платформасына осындай шығарма жазып жүріпті.

Бұл гей-эротика жанры Қытайда өте танымал.

11 жасынан жаза бастағандар да бар

Адвокаттарының айтуынша, Қытай гей-эротика жазып жүрген жасы 20-лардың үстіндегі 30 авторды ұстаған. Олардың дені кепілдікпен бостандыққа шығып, сотты күтіп жүрсе, кейбірі темір тордың арғы жағында отыр.

Олардың біразы 18 жасқа толған соң, қолына қалам алса, кейбірі 11 жасынан бастап осы тақырыпты жазуға...

Иран парламенті Starlink интернетін қолдануға тыйым салды. Енді Илон Масктің SpaceX компаниясы ұсынған қызметті тұтынған иран азаматына дүре соғылады. Құжатты Isna иран агенттігі жариялады.

Депутаттар билік мақұлдамаған интернет және коммуникация құралдарын қолдануға, сатып алуға, сатуға, импорттауға, өндіруге және таратуға тыйым салды. Мұндай құрылғы арасында Starlink спутникті интернеті де бар.

Парламент қабылдаған заңға сәйкес, тәртіп бұзғандар жазаланады. Оларға айыппұл салынып, дүре соғылады. Екі жылға сотталып та кетуі мүмкін.

Jerusalem Post мәліметінше, Иранда шашамен 20 мың Starlink терминалы бар. Оның бағасы қара базарда 2 мың доллардан асады.

Израиль мен Иран арасындағы қарулы жанжал кезінде Тегеран бүкіл елде интернетті өшіріп...

Егер азаматтар КАСКО сақтандыруын қолданса, көлігін сатқан кезде ол полисті жаңа иесіне беруге болмайды. Ол дербес құжат, үшінші тұлғаға бермеу керек деп ескертеді Қаржы нарығын реттеу және дамыту агенттігінен.

«Қазақстанда автокөлік сатылған жағдайда КАСКО полисін көліктің жаңа иесіне беруге болмайды. Себебі бұл сақтандыру компаниясы мен сақтандырылған тұлға арасындағы оның сақтандыру тарихын, көлік жүргізу өтілін және басқа да жеке өлшемдерін ескеріп жасалатын дербес шарт», – деп түсіндіреді агенттіктен.

Ондай жағдайда көлік құралын сатушының алдында екі нұсқа бар: ерікті автосақтандыру шартын бұзу және пайдаланылмаған кезең үшін сақтандыру сыйлықақысының бір бөлігін қайтару немесе егер шарт талаптарында көзделген болса, басқа...

1 шілдеден бастап екінші деңгейлі банктер, шетелдік банктердің филиалдары, Қазақстанның Даму банкі және «Қазпошта» АҚ Ұлттық банкке қазақстандықтардың банк шоттары мен салымдары бойынша бірқатар есепті ұсынуға міндетті болады. Бұл туралы Ұлтты банктің арнайы қаулысында жазылған.

Бұл талап жалақы картасы иелерінен бастап, депозит ашқандар және қаражат аударымын жасайтын азаматтарға дейін – бәріне қатысты болмақ.

Ұлттық банк қандай ақпарат алады?

Жаңартылған ереже бойынша, қаржы ұйымдары келесі есептерді ұсынады:

KursivMedia тілшісі бұрынғы және қазіргі Оқу-ағарту министріне педагогтерді еркінен тыс кәсіподақтарға мүше етуге байланысты не істеуге болатынын сұрады.

Мұғалімдерді мәжбүрлеп кәсіподаққа кіргізу, қызметтен тыс жұмысқа жегу жағдайлары әлі де тыйылар емес. Ұстаздар заңсыздыққа шағымданайын десе, мектеп директоры тарапынан қудалауға ұшырай ма деп қауіптенеді.

Алайда қос шенеунік те мұндай жағдайдың жолын кесудің жалғыз жолы шағымдану екенін айтады.

Экс-министр, қазіргі депутат Асхат Аймағамбетов «Педагог мәртебесі туралы» заңға сай ұстаздардың құқығы заң бойынша қорғалғанын атап өтіп, олардың құқығы әркез сақтала бермейтінін жасырмады.

Ол педагогтер қызметтен тыс жұмысқа жегу жағдайлары бойынша өзіне де жүгініп жататынын жеткізіп, мұндайда тиісті министрлікке, прокуратураға шағымдануға болатынын айтты.

Сондай-а...

Шымкенттегі сумен жабдықтау және су бұру нысандары мемлекет меншігіне қайтарылды. Бұл туралы Қаржы мониторингі агенттігі хабарлады.

2004 жылдан бастап 22% үлесі мемлекетке тиесілі Шымкенттегі сумен жабдықтау нысандарын «Су ресурстары – Маркетинг» ЖШС басқарған.

Агенттіктің Шымкент бойынша департаменті қаржылық талдау жүргізіп, нәтижесінде компанияда серіктес құрылымдармен байланысты күмәнді қаржы операциялар және шығын анықталған.

Сумен жабдықтау саласындағы заң бұзушылықтар, оның ішінде Су кодексінің талаптарына сәйкес келмеуі, жекешелендіру кезінде процедуралық ауытқулар және тиімсіз басқару фактілерінің анықталуына байланысты, материалдар нысандарды мемлекет меншігіне қайтару үшін әкімдікке жолданды.

Шымкент мамандандырылған ауданаралық экономикалық соты сумен жабдықтау және су бұру нысандарын жекешелендіруді жарамсыз деп тану және оларды бастапқы жағдайына...

Түркия екі күннен бері елдің батысындағы Измир провинциясында тұтанған өртпен алысып жатыр. Төрт ауылдың тұрғындары қауіпсіз жерге көшірілді. 345 үй өрттен зардап шекті деп хабарлады Reuters.

Орман шаруашылығы министрі Ибрагим Юмаклының айтуынша, провинциядағы Куюджак және Доғанбей аудандарында орман өртеніп жатыр. Дүйсенбіге қараған түні күшейген желден өрт одан сайын өршіп, өңір тұрғындарының өміріне қауіп төндірді. Соған байланысты төрт ауылдың адамдарын қауіпсіз жерге көшіруге тура келді.

Мыңнан аса адам ормандағы өртті сөндіруге тырысты. Тікұшақтар, өрт сөндіру ұшақтары және басқа да техника тартылды.

Дегенмен өрт сөндірушілердің тілсіз жауды жеңуге күші жетер емес. Мәліметтерге қарағанда, Доғанбей ауданында 345 үй өрттен зардап шеккен...

Ұлыбритания қазақстандық компанияларға Ресейге салынған санкцияларға қатысты ескерту жасады. Оны «арнайы нұсқаулық» деп атаған.

Бұл жадынамада Ресейге қарсы британдық санкцияларды айналып өткісі келетіндердің қандай жағдайға душар болатыны нақты көрсетілген.

Санкцияға ілігуі мүмкін

Бір қызығы, Ұлыбритания үкіметі қазақстандық бизнестің атын-атап, түсін түстеп, арнайы нұсқаулық жариялап отыр. Арнайы үндеу жасап отыр. Онда Британияның Ресейге салған санкцияларына ілігуге себеп болатын әрекеттер жіпке тізіп көрсетілген.

Құжатта Ұлыбритания санкциясына іліккен тұлғалармен және Ресеймен іскерлік байланыс орнату барысында абай болуға шақырған. Қазақстан заңнамасына сәйкес шектеулер бар екені және бұл шектеулерді бұзған жағдайда қандай қауіп-қатерге тап болатыны айтылған.

Сонда, не істемек?

Ұлыбритания...

Мәжілістің ІІІ сессиясы аяқталды. Бұл туралы қос палатының бірлескен отырысында Мәжіліс тқрағасы Ерлан Қошанов айтты.

«Осы сессияда депутаттар 2 мыңнан астам адамды қабылдады. Кейбір депутаттар күніне 100 адамға дейін қабыллдаған. Депутаттар азамттардың 30 мыңнан астам хатын қарады. Келесі сессияда осы тәжірибені жалғастырамыз», – деді Қошанов.

Пала төрағасы сессия барысында барлық 6 парламенттік фракция бірлесе ауқымды жұмыс атқарғанын, әр депутаттың көзқарасы әралуан болғанымен мемлекеттік саясат, халық мүддесі мен реформаларының принципті мәселелері бойынша ортақ ұстаным қалыптастырғанын атап өтті.

«Келесі сессияда мемлекет басшысының маңызды тапсырмалары бойынша жұмысты жалғастырамыз. Осымен VIII...

Сенатор Марат Қожаев интимдік қызметтер ұсынатын «Kyzdar.net» сайты неліктен әлі күнге дейін бұғатталмағаны жөніндегі сұраққа жауап берді.

Оның сөзінше, бұл бағыттағы жұмыс жалғасып жатыр. Алайда Ішкі істер министрінің экс-орынбасары ретіндегі тәжірибесіне сүйеніп, заманауи жүйелердің мүмкіндігі бұл жұмысты қиындатып отырғанын атап өтті.

«Мысалы, Kyzdar.net дегендегі нүктені алып тастаса, бұғатталмаған жаңа ресурс пайда болады. Яғни бұғатты айналып өту жолы өте көп. Егер біз жаппай жабатын болсақ, бірінші кезекте сөз еркіндігінің шектелгелі туралы өздеріңіз наразылық білдіресіздер», – деді ол кулуарда журналистер сұрағына жауап беріп.

Бұған дейін, ІІМ желідегі жезөкшелікке қарсы күресте шарасыз екенін мойындағандай болған. Министрлік мәліметінше...

Egov-ты ресейлік «ГосТех» алмастырмайды және оның қатысы да болмайды. Журналистердің қойған сұрағына цифрлық даму министрі Жасұлан Мадиев осылай деп уәде берді.

«Кім осы ақпаратты шығарып жүргенін білмеймін. Бірақ egov жұмыс істей береді. Онымен ешқандай ресейлік компания айналыспайды», – деді министр парламент кулуарында.

Оның сөзінше, қазір отандық платформаны дайындалып жатыр және оған ресейлік компанияның қатысы болмайды. Жаңа жүйе платформалық шешім негізінде әзірленеді. Әу бастан киберқауіпсіздік талаптарын ескереді.

«Платформалық шешім – бұл дұрыс бағыт. Неге десеңіз, ол ақпараттық жүйелерді микросервис архитектурасына негіздеп жасауға мүмкіндік береді. Яғни, бір рет жасалған микросервистерд...

Мәжіліс депутаты Бақытжан Базарбек жасандық интеллект арқылы мемлекеттік қызметтерді цифрландыру аясында мемлекеттік аппаратты қысқарту керегін мәлімдеді.

Оның сөзінше, 2026 жылдан бастап бюджет шығындарын қысқартпаса, мемлекет қарыз қыспағында қалуы мүмкін.

«2026 жылдан бастап мемлекеттік аппаратты біртіндеп қысқартуымыз керек. Одан үкімет қорқады, қорықпау керек. Біз біртіндеп Самұрық-Қазына қорының, Бәйтерек ұлттық компаниясының, министрліктердің әкімшілік аппаратын дереу қысқартуымыз керек. Министрліктерді біріктіруіміз керек. Аз халқы бар Қазақстанға осыншама министрлік қажет емес. Су министрлігі мен Экология министрлігін, Қаржы мен Ұлттық экономика министрліктерін, Индустрия министрлігі мен Көлік және Құрылыс министрліктерін қоса салуға болады. Әр министрдің 6 орынбасары бар. Оларды қысқартып, 2-еуін қалдыру керек...

Үкімет резервінен Шығыс Қазақстан облысының жылу желілерін жөндеу және қалпына келтіруге 2,5 млрд теңгеден астам қаражат бөлінді. Тиісті қаулыға Премьер-министр Олжас Бектенов қол қойған.

Құжатқа сәйкес, қаражат Риддер қаласы мен Қасым Қайсенов атындағы кентте жылу желілерін жөндеуге бағытталады. Негізгі бөлігі Риддердің қатты тозған 5,9 км жылу желісін күрделі жөндеуге жұмсалады.

Сондай-ақ, Ұлан ауданы, Қ. Қайсенов кентінде ұзындығы 9 км жылу желілерін қайта жаңғыртудың екінші кезеңін аяқтауға 113 млн теңге бөлінеді.

Облыстағы жылу желілерінің орташа тозу деңгейі 55%-дан асады, ал кейбір елді мекендерде 75%-дан жоғары. Желілер 30 жылдан бері күрделі жөндеусіз жұмыс істеп келеді.

Биыл мамыр айында Риддер қаласындағы...

Алматы әкімі Дархан Сатыбалды қаланың су станцияларының жұмысымен танысты. Бұл туралы Алматы әкімдігінің баспасөз қызметі хабарлады.

«Алматы қаласының әкімі Дархан Сатыбалды мегаполистің сумен жабдықтау жүйесін дамыту және жаңғыртуға бағытталған инженерлік инфрақұрылымның маңызды нысандарын аралады», – делінген әкімдік хабарламасында.

Әкім бірқатар салынып жатқан жаңа құрылыс нысандарындағы жұмыс ьарысын тексерген. Атап айтқанда Ақсай өзеніндегі су қоймасын, Нұрлытау шағын ауданындағы су жинақтау кешенін, Нұр Алатау шағын ауданындағы резервтік гидротехникалық құрылғылардың жұмысымен танысқан.

Сонымен бірге әкім Наурызбай ауданының Таужолы шағынауданындағы су тарту станциясының құрылысымен танысқан. Стнацияның құрылыс-монтаж жұмыстары 2025 жылдың қарашасында аяқталуы керек. Ірі жоба Наурызбай және...

Шымкент қаласы Еңбекші ауданы полиция басқармасы жергілікті полиция қызметі бөлім бастығының орынбасары полиция капитаны Ерлан Жұмановтың үстінен қылмыстық іс қозғалды. Мұны қалалық полиция департаменті растады. 

Әлеуметтік желіде Ерлан Жұмановтың үстінен әріптесі арыз түсіргені, оның үстінен «Зорлау» бабымен қылмыстық іс қозғалғаны жөнінде хабар тарады. Бейресми мәлімет бойынша, арызданушы жүкті болып қалған. 

«Әйелдің арызы бойынша полициямен қылмыстық іс қозғалды. Қазіргі таңда оқиғаның барлық мән-жайын анықтауға бағытталған тергеу іс-шараларының кешені жүргізілуде. Алдын ала мәліметтер бойынша, арызданушы мен арызда көрсетілген ер адам бұрын жақын қарым-қатынаста болған», – деді Курсивке қалалық полиция департаментінің баспасөз қызметі. 

Полиция «тергеу аяқталғаннан кейін тиісті процессуалды шешім...

АҚШ-та 15 жылдан кейін алғаш рет ату жазасы орындалды. Оңтүстік Каролинада 67 жастағы Брэд Сигмон түрмеде атылды.

67 жастағы Брэд Сигмон 2001 жылы өзінің бұрынғы нақ сүйерінің ата-анасы –  Дэвид және Глэдис Кларк өлтіргені үшін өлім жазасына кесілген болатын.

Оқты өзі таңдаған

2001 жылы сотталушы қызымен қарым-қатынасын үзген соң, ол екеуін қатыгездікпен өлтірген.

Ол ату жазасын өз еркімен таңдапты. Сотталушы өлім инъекциясы мен электрлік орындықты қабылдаудан бас тартқан.

Оңтүстік Каролина штатының түзеу мекемелері басқармасы бұл туралы ресми түрде әлеуметтік желіде хабарлады.

Сигмон арнайы бөлмеге кіргізіліп, орындыққа отырғызылған. Қарулы атушылар қабырғадағы арнайы тесік арқылы оқ атқан. Сотталған адамны...

Америкалық Forbes журналы «байлыққа өз күшімен жеткен» 50 әйелдің тізімін жариялады. Бұл тізімге ресейлік кәсіпкер, Wildberries онлайн-ритейлерінің негізін қалаушы Татьяна Ким де енді. Ол 18-орыннан көрінді. Forbes оның байлығын 4,6 млрд доллар деп бағалап отыр.

Мұғалімдіктен миллиардерлікке

Forbes Татьяна Кимді «ең жас self-made миллиардерлердің бірі» деп атап өткен. Қазіргі таңда Ким – 49 жаста, және бұл тізімдегі 50 жасқа толмаған екі әйелдің бірі. Екіншісі – Австралиялық Canva платформасының негізін қалаушы Мелани Перкинс. 38 жастағы кәсіпкер тізімде 13-орында тұр.

Ким бұрын ағылшын тілі пәнінің мұғалімі болған. 2004 жылы ол күйеуі Владислав Бакальчукпен бірге Wildberries компаниясын құрды. Бұл...

Жасанды интеллект бағытын одан әрі дамыту үшін Meta инвесторлардан 29 млрд доллар тартпақшы. Financial Times жазуынша, қазір компания ірі институционалды инвесторлармен келіссөздер жүргізіп жатыр.

Олардың қатарында Apollo Global Management, KKR, Brookfield, Carlyle және Pimco атты инвесторлар да бар. Meta өзіне қажет 29 млрд доллардың үш млрд-ын активтерді жүзеге асыру арқылы алады, ал қалған бөлігі несие түрінде беріледі. Алған қаржыны АҚШ аумағында деректер өңдеу орталығын салуға жұмсамақшы.

Бұл аяқ асты келген шешім емес. Осыған дейін тоқсандық есеп беру жиынында Meta басшылығы биыл компанияның капиталды шығындарын 64 млрд-тан 72 млрд-қа көбейтпекші екенін мәлімдеген.

Бұған дейін компанияның машинамен оқыту инженерлері көбірек...

«Верный Капитал» тобы 2014 жылдан бері басқарып келе жатқан RG Gold алтын өндіруші компаниясын сату туралы келісімге қол қойды. Осы уақыт ішінде кен орнын дамыту бойынша ауқымды жұмыстар жүргізілді: өндірістік инфрақұрылым салынды, жаңғырту бағдарламалары іске қосылды, жабдықтар мен геологиялық барлауға негізгі инвестициялар жүзеге асырылды. 

2018 жылдан бастап RG Gold-ты дамытудағы топтың стратегиялық серіктесі Resource Capital Funds (RCF) тікелей инвестициялармен айналысатын американдық компания болып табылады. Бірлескен күш-жігердің арқасында, персоналдың қауіпсіздігін қамтамасыз етуге және өндірістің тиімділігін төмен операциялық шығындармен арттыруға мүмкіндік беретін жоғары технологиялық жабдықтарды қолдана отырып, кәсіпорынның өндірістік қуаты кеңейтілді. Соңғы 10 жылда RG Gold-тың ресурстық базасы JORC стандарты бойынша үш есеге – 7,6 миллион унцияға дейін артты.

RG Gold-ты сату туралы келісімге алтын мен түсті металдарды өндіруге...

Қазақстан мен Ресей шекарасында жүк көліктерінің кептелісі пайда болған. Бұл туралы Ресей басылымдары жазып жатыр.

Қай елге өту қиын?

Ресейлік БАҚ-тардың хабарлауынша, Қазақстан шекарасынан Ресей аумағына кіру қиындаған. Сондай-ақ Қазақстанға өтетін бағатты да кептеліс пайда болған. Мәселен, «Теплое» автомобиль өткізу пунктінде көлік аз болғанымен, бір сағатта тек 9 көлік өтіп үлгеріп жатқаны айтылады. Ал «Маштаково» өткізу бекетінде – ұзын көлік кезегі. Мұнда Ресейден Қазақстанға өте алмай тұрған көліктер көп.

Әсіресе, Орск – Әлімбек өткізу бекетінде Қазақстаннан Ресейге өте алмай тұрғандар көп. Бұл өткізу бекетінен тек жүк көліктері ғана емес, қарапайым жеңіл көліктег...

Ресейде әзілкеш Ньургун Атаковқа қатысты әкімшілік іс қозғалғаны туралы ақпарат тарады. Оның қазір Қазақстанда тұратыны ретінде белгілі. Оған қатысты Ресейдің әкімшілік құқық бұзушылық туралы кодексінің 20.3.1-бабына сәйкес ұлтаралық араздықты қоздыру және адам қадір-қасиетін қорлау фактісі бойынша іс қозғалған. Бұл туралы Якутия.инфо хабарлады.

Редакция таратқан ақпаратқа сәйкес, іс маусымда екі рет Якутск қалалық сотына түскен, алайда сот процестік құқық бұзушылықтар бар екенін көрсетіп, полицияға екі рет қайтарған.

Атаков сахнада орыс тілі мен орыс халқына, басқа да ұлттарға қатысты дөрекі сөйлеген.

Алайда әзілкеш бұл жағдайға қатысты пікір білдірмеді.

Айта кетейік, Атаков үш жыл бұрын Алматыға көшіп келген. Мұнда стендап-артист ретінде шығармашылы...

Көлік министрі қызметіне Нұрлан Сауранбаев тағайындалды. Жарлыққа Қазақстан президенті қол қойды.

Айта кетейік, 2025 жылдың 8 маусымынан бері бұл қызмет бос тұрды. Сол күні Қасым-Жомарт Тоқаевтың жарлығымен Марат Қарабаев Көлік министрі лауазымынан босатылды.

Нұрлан Сауранбаев туралы не белгілі

Нұрлан Сауранбаев 1967 жылы Жамбыл қаласында туған. Киров атындағы Қазақ мемлекеттік университетін, Мұнай өнеркәсібін оқыту орталығын (Италия) бітірген. Мамандығы бойынша экономист, мұнай әкімшілендіру магистрі.

Ол 2010-2011 жылдары «Самұрық-Қазына» ҰӘҚ» АҚ басқарма төрағасы орынбасарының кеңесшісі; басқарушы директоры болды.

2011-2014 жж. – индустрия және жаңа технологиялар вице-министрі.

2014-2016 жж. – қорғаныс министрінің орынбасары.

2016-2017 жж. – ЭКСПО-2017 халықаралық мамандандырылған көрмесін дайындау және...