Жаңалықтар

Қазақстанда соңғы жылдары кәсіпкерлікке бет бұрған спортшылар саны артып келеді. Бұл үрдіс – тек табысты инвестиция жасау емес, спорттан кейінгі өмірін жаңа бағытта жалғастырудың амалы. Kursiv Media отандық спорттың жұлдыздары бизнеске қалай келгенін және нақты қандай жобалармен айналысып жатқанын ұсынады.

Геннадий Головкин: кәсіпкерлік пен спортты ұштастырған чемпион

Кәсіпқой бокстағы аңызға айналған есімдердің бірі – Геннадий Головкин өзінің мансабы барысында ғана емес, одан кейін де ерекше іскерлік шешімдерімен көзге түсіп жүр. Оның бизнестегі жолы стратегиялық инвестициялар мен халықаралық брендтермен серіктестіктерден басталды.

2016 жылы Головкин Қарағанды облысында көмір өңдеуге арналған өндірістік зауытқа инвестиция салды. Бұл жоба «KAZ Феррит» және «Самұрық-Қазына...

Армения президенті Никол Пашинян мен Әзербайжан президенті Ильхам Әлиев Абу-Даби қаласында келіссөз жүргізіп жатыр. Бұл туралы екі елдің ресми сайттары хабарлады.

Әзербайжан президентінің баспасөз қызметі келіссөз басталғанын мәлімдеп, бірнеше сурет жариялады. Солардың бірінде көрші екі елдің президенттері қол алысып тұр.

Біріккен Араб Әмірліктерінің астанасында бейбіт келіссөз жүріп жатқанын Армения премьер-министрінің баспасөз хатшысы Назели Багдасарян да растады. Жергілікті Armenpress басылымы Абу-Дабидегі келіссөздерден видео жариялады.

Абу-Дабидегі келіссөздер барысында екі ел бейбіт келісімге отыруға тырысады. Армения мен Әзербайжанның осы мәселе бойынша келіссөз жүргізіп жатқанына бірнеше жыл болды.

Бейбіт келісім әзірге жарияланған жоқ. Бірақ құжаттың 17 ережеден тұратыны мәлім. Онда Армения...

Жарты жыл ішінде Солтүстік өңірлерге 2202 адам қоныс аударған. Ал жыл соңына дейін жұмыс күші тапшы аймақтарға 10 мыңға жуық адамды көшіру жоспарланып отыр. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

«2025 жылғы 1 шілдедегі жағдай бойынша ерікті қоныс аудару шеңберінде жұмыс күшінің ұтқырлығын арттыру үшін жұмыс күші артық өңірлерден жұмыс күші тапшы өңірлерге 2 202 адам, оның ішінде 1 091 қандас және 1 111 қоныс аударушы көшіп келді. Осы жылдың соңына дейін 9 653 адамды көшіру жоспарлануда», – делінген баспасөз хабарламасында.

Министрлік тарапынан барлық қоныс аударушыларға тиіст...

Қазақстан қаржыгерлер қауымдастығы жүргізген шілде айындағы сауалнама нәтижесіне сәйкес, сарапшылар алдағы бір жылда базалық мөлшерлеме төмендеп, доллар бағамының өседі деп болжам жасап отыр.

Болжам бойынша, бір жылдан кейін базалық мөлшерлеме 14,75%-ға дейін төмендеуі мүмкін. Бұған дейін бұл көрсеткіш 15,5% деңгейінде болатыны айтылған еді.

Сарапшылар мұндай түзетуді инфляциялық күтулердің қайта қаралуымен байланыстырады. Егер бұл болжам расталса, экономикадағы нақты мөлшерлеме 4,35% болады. Қазіргі таңда бұл көрсеткіш 4,7% деңгейінде тұр.

Сонымен қатар доллар қымбаттауы ықтимал. Сарапшылардың айтуынша, тамыз айының басында бір доллар 523,4 теңге құрайды (қазір – 519,2 ₸/$). Ал келер жылдың шілдесіне қарай бағам 548,5 теңгеге дейін көтерілуі ықтимал...

Биыл күзде Астанада алғаш рет Backstreet Boys тобы концерт береді. Әлемге әйгілі  топтың концертіне билеттерді сату 14 шілдеде басталады.

Backstreet Boys поп-тобының елордадағы концерті 21 қыркүйекте өтеді. Сахнаға топтың бастапқы құрамындағы бес мүшесі толық шығады: Ник Картер, Эй Джей Маклин, Хауи Доро, Кевин Ричардсон және Брайан Литрелл.  

Концерттік бағдарлама барысында әлемдік чарттарда танымал болған басты хиттер орындалады. Атап айтқанда  I Want It That Way, Everybody (Backstreet’s Back), As Long As You Love Me, Show Me The Meaning of Being Lonely, Shape of My Heart, сондай-ақ соңғы альбомдарынан жаңа әндер ұсынылады.

 «Backstreet Boys тобының әлемдік турымен...

Перизат Қайрат Астанадағы сот процесінде өзін тергеу изоляторы қызметкерлері соққыға жыққаны туралы айтты. Астана полициясы бұл мәлімдемеге жауап берді.

«9 маусымда тергеудегі Қайрат прокуратура органдарына арыз түсіріп, мекеме қызметкері камера есігін күштеп жапқан кезде оны есік арасына қысып, дене жарақатын келтіргенін мәлімдеген. Бұл арыз бойынша жинақталған материалдар Астана қаласы полиция департаментіне жолданып, қазір сотқа дейінгі тергеп-тексеру амалдары жүргізіліп жатыр», – делінген ақпаратта.

Тергеу аясында мекеменің бейнебақылау камераларындағы жазбалар зерделеніп, қызметкерлер мен куәлардан жауап алынды.

«Алғашқы тергеу әрекеттерінің нәтижесі бойынша Перизат Қайрат мәлімдегендей, камера есігін жабу кезінде мекеме қызметкерлерінің оған...

Президент Қасым-Жомарт Тоқаев АҚШ президент Дональд Трамптың кедендік баж салығына қатысты хатына жауап берді. Бұл туралы Ақорда хабарлады.

«Қасым-Жомарт Тоқаев Дональд Трамптың Қазақстаннан импортталатын тауарларға баж салығын салу туралы хатына жауап жолдады», – делінген Ақорда хабарламасында.

Тоқаев Трампқа берген жауабында екі елдің сауда проблемасына қатысты ортақ мәмілеге қол жеткізе алатынына сенім білдірген.

Мемлекет басшысы Қазақстан мен Америка Құрама Штаттарының бұрыннан келе жатқан сенімді сауда әрі инвестициялық серіктес екенін ескере келе, бұл орайда әділ де түсінікті, өзара тиімді сауда байланыстарын дамытуға бейіл екенін атап өткен.

«Қазақстан Президенті сауда...

10 шілдеде биткоин алғаш рет 112 мың доллар межені еңсеріп, жаңа рекорд тіркеді. Бірақ қазір BTC шамамен 111 мың доллардан саудаланып жатыр.

Bitcoin криптовалютасының құны бейсенбіде 3,1%-ға көтеріліп, 112 009 доллар болды. Ал бір жылдық өсімі 20%-ға дейін көтерілді.

Bloomberg агенттігі биткоин өсімін «спекулятивті импулс» деп атады. Оған мысал ретінде сәрсенбі күні Nvidia компаниясының нарықтағы құнының 4 трлн долларға жеткенін келтірді. Бұған қоса, S&P 500 индексі де өзінің ең жоғарғы көрсеткішіне жақындай түскен.

Агенттіктің мәліметінше, АҚШ президенті Дональд Трамп жаңа баж салықтарын жариялап жатқан уақытта, тез ақша табуды қалаған инвесторлар қаржы нарығындағы тартысқа қосылған. Криптовалюта нарығындағы...

Шымкентте адам өлтіріп, мәйітін қорлаған деген 19 жастағы жігіт пен оның серігіне қатысты үкім оқылды. Сот Нұрсұлтан Тойлыбай «Адам өлтіру» және «Өлген адамдардың мәйiттерiн және олар жерленген жерлердi қорлау» бабымен кінәлі деп танып, 22 жылға бас бостандығынан айырды. Ал онымен бірге істі болған 18 жастағы Дінмұхаммед Сейітбек «Қылмысты жасырып қалу» бабымен айыпталып, 1 жыл 4 айға бас бостандығы шектелді. Істі Шымкент қалалық қылмыстық істер жөніндегі мамандандырылған ауданаралық соты қарады.

Қалалық соттың мәліметінше, ІІІ топ мүгедегі Тойлыбай кінәсін ішінара мойындап, шын өкінетінін жеткізген. Ал оның серігі Сейітбек кінәсін толық мойындаған. Екі сотталушы да бұрын-соңды істі болмаған.

Қайғылы оқиға биыл...

Қазақстан биыл мұнай өндіру көлемін бұрынғы деңгейде сақтап қалмақ. Бұл туралы Энергетика министрі Ерлан Ақкенженов «Интерфакс» агенттігіне берген сұхбатында мәлімдеді. Министрдің айтуынша, 2025 жылдың соңына дейін еліміз мұнай өндіруді көбейтуді де, азайтуды да жоспарлап отырған жоқ.

Министр Ақкенженов маусым айына қатысты нақты деректер әлі жарияланбағанын айта отырып, жыл соңына дейін өндіріс көлемі тұрақты күйінде қалатынын жеткізді. Яғни, қазіргі уақытта өндіріліп жатқан шамамен 1,8 миллион баррель/тәулік көлемі сақталады.

ОПЕК+ шектеулері Қазақстанға әсер етпейді ме?

ОПЕК+ ұйымы бірнеше жылдан бері мұнай нарығындағы тепе-теңдікті сақтау үшін қатысушы елдерге өндіріс көлеміне белгілі бір шектеу қойып келеді. Қазақстан да осы келісімге мүше.

LiveGood қаржы пирамидасына қатысты іс сотқа жолданды. Бұл туралы Қаржы мониторингі агенттігі хабарлады.

Тергеуді агенттіктің Маңғыстау облысы бойынша департаменті жүргізген. Іс қаржы пирамидасының құрылымдық бөлімшесін басқару, заңсыз кәсіпкерлікпен айналысу және қылмыстық жолмен алынған ақшалай қаражатты заңдастыру фактілері бойынша жүргізілді.

«LiveGood» компаниясы дәрілік заттар мен биологиялық белсенді қоспаларды сату түріндегі желілік маркетинг ретінде көрініп, шын мәнінде салымшыларды тарту арқылы кепілдендірілген табыс уәде етіп отырған», – делінген ақпаратта.

Оның ішінде өнімді сатып алу міндетті болмаған. Қатысушылардың табысы тікелей түрде жазылу құны 50 АҚШ долларынан басталатын жаңа адамдарды тартуға байланысты болған.

Салдарынан 80-нен астам азамат қаржы пирамидасыны...

Ауылда тұратын 9-сынып оқушысы Іңкәрдің арманы – әлемді аралап, дүниенің түкпір-түкпірінен достар тауып, кәсіп ашу. Сондықтан да болашақта туризм маманы болғысы келеді. Бірақ бұл арманына жету үшін шет тілдерін жетік білуі шарт екен.

Іңкәр мектепте ағылшын тілі пәні негізінен грамматиканы жаттаумен шектелетінін айтты. Практика жоқтың қасы. 

–  Сабақта мәтін аударамыз, сөз жаттаймыз. Бірақ ағылшын тілінде сөйлеп үйренуге жағдай жоқ. Мұғалімдер үйретуге тырысып, талпынса да практика жетіспейді. Кейде ағылшын тілінің сөздерін дұрыс айта алмай жатады, – деді Іңкәр.

Ол тілді YouTube пен Duolingo платформалары арқылы өз бетінше үйреніп жүр. Алайда ауылда интернет жылдамдығы өте баяу, онлайн...

Қазақстанда алғаш рет жүк тасымалдаушы дронға сертификат берілді. Жобаны Freedom Holding Corp. басшысы Тимур Турлов пен кәсіпкер Алексей Ли қолға алған еді.

«Біз Қазақстанда алғаш рет жүк тасымалдайтын ұшқышсыз ұшу аппаратына сәйкестік сертификатын алдық. Бұл біз үшін жай ғана формалдылық емес, дронмен жеткізу қызметін заңдастыру мен кеңейту жолындағы маңызды қадам», – деп жазды Алексей Ли.

Оның айтуынша, бұл сертификат «біздің техниканың қауіпсіздік талаптарына сай екенін және нақты жағдайда қолдануға жарамды екенін» көрсетеді. Қазір дрондар қызметімен айналысатын зертхана командасы жеткізу маршруттарын жасап, логистикалық инфрақұрылым құруды ретке келтіріп жатыр.

Жүк тасымалдайтын дрондарды басқару...

Nvidia компаниясының нарықтағы құны 4 трлн доллардан асты. Бұған дейін мұндай жетістікке бүкіл әлемдегі ешбір компания жеткен емес. Бұл туралы Reuters хабарлады.

Микрочип дайындаумен айналысатын Nvidia акцияларының құны 2,5%-ға өсіп, 164 долларға дейін өсті. Себебі әлемде жасанды интеллект саласына қажетті технологияға сұраныс жоғары.

Компанияның нарықтағы құны алғаш рет 2023 жылғы маусымда 1 трлн долларға жеткен. Сол кезде Nvidia бір жылдан аз уақыттың ішінде капиталын екі есе өсіре алған. Мұндай жетістікпен Apple, Microsoft секілді гиганттар да мақтана алмайды.

Microsoft капиталы жөнінен әлемдегі екінші компания — 3,75 трлн доллар. Оның акциясы шамамен 500 доллар тұрады.

2025 жылғы сәуірде АҚШ президенті Дональд...

Жоғарғы cот алимент өндіріп алуға қатысты нормативтік қаулысына өзгеріс енгізді. Бұл туралы Конституциялық сот хабарлады.

Осылайша құжаттан ата-ананың материалдық немесе отбасылық жағдайының өзгеруі алимент мөлшерінің өзгеруі туралы талапты қанағаттандыру үшін сөзсіз негіз болып табылмайтындығы туралы ережелер алынып тасталды.

Демек бұрын сот алимент төлеушінің табысы азайса немесе басқа балалары дүниеге келсе де, алимент мөлшерін азайтудан бас тарта алатын.

«Бұл түзетулер Конституциялық соттың қорытынды шешімін орындау үшін қабылданды. Ол жерде Конституциялық сот Жоғарғы соттың бұл нормативтік қаулысы алимент сомасы алиментті төлеушінің жалақысының және өзге де кірісінің жартысынан асатын кезде оны өндіру ережелері толық көлемде түсіндірмейді деп көрсеткен...

Қазақстандық актриса әрі әнші Жанар Айжанова Оңтүстік Кореяның танымал актері Им Шиванмен түскен суреттері мен видеосын әлеуметтік желіде жариялап, қазақстандық желі қолданушыларын тәнті етті. Аталған видео 2022 жылы Пусанда өткен халықаралық кинофестиваль кезінде түсірілген.

«Кальмар ойынының» жұлдызы – қарапайым әрі сыпайы

Видеода Жанар Айжанова өзін комедиялық актриса әрі әнші ретінде таныстырады. Оның айтуынша, Им Шиван Қазақстаннан келген әртіспен кездескеніне таңғалған. Жазба сипаттамасында Айжанова оңтүстіккореялық жұлдызды «өте жақсы әрі қарапайым адам» деп атап, әзілдеп «Қазақстанға қонаққа келуге уәде берді» дейді. Сонымен қатар, қос әртістің де кино мен музыканы қатар алып жүргенін ерекше атап өткен.

TikTok-тағы видео...

Қазақстандық жас теннисші Әмір Омарханов Уимблдон турнирінің ширек финалына өтті. 17 жастағы қазақ спортшысы мен ресейлік Егор Плешивцев жұбы сәрсенбі күні жеңіске жетті.

Әмір мен Егор жастар арасындағы турнирдің ең мықты екінші жұбы Якопо Вазами/Тимофей Дерепаскодан басым түсті. Матч 6:3, 6:2 есебімен аяқталды.

Енді Омарханов/Плешивцев жартылай финалға өту үшін Криш Тьяги/Доиг Коннор жұбымен кездеседі. Ойын бейсенбі, 10 шілдеде өтеді.

Өкінішке қарай, қазақ теннисшілері Заңғар Нұрланұлы мен Дамир Жалғасбай жұбы 1/8 финалдағы кездесуде жеңіліп қалды. Олар 3:6, 6:4, 8:10 есебімен Джаггер Лич/Оливер Бондинг жұбына есе жіберді.

Осылайша, Уимблдон-2025 ірі турнирінде Қазақстаннан жалғыз ғана Әмір Омарханов қалды. Қалған теннисшілер жарыс жолын...

АҚШ президенті Дональд Трамп 9 шілде күні кешке мыс импортына 50% баж салығын енгізетінін жариялады. Салықтың бұл түрі 2025 жылғы 1 тамыздан бастап күшіне енеді.

Құрама Штаттар билігі осылайша елдің тау-кен саласындағы үстемдігін нығайтуды көздейді.

Трамптың мәлімдеуінше, мыс металы сым, ұшақ, кеме, қару-жарақ, аккумулятор, радар жүйесі, әуе қорғанысы жүйесі және гипердыбыс қаруын өндіруге қажет.

«Мыс – Қорғаныс министрлігі үшін қажетті материалдар дайындауға керек екінші металл. Біздің ақымақ «басшылар» осы саланы неге кенжелетіп тастады? 50% тариф Байден әкімшілігінің ақылға қонымсыз шешімдерінің күшін жояды. Америка қайтадан мыс өндірісінде басымдыққа ие болады. Бұл біздің алтын ғасырымыз!», – деп...

АҚШ-та өтіп жатқан клубтар арасындағы әлем чемпионатының екінші жартылай финалында тартысты ойын бола қоймады. Еуропаның қазіргі чемпионы – Францияның «Пари Сен-Жермені» испаниялық «Реалды» 4:0 есебімен ойсырата жеңіп, финалға жолдама алды. Енді париждіктер шешуші матчта ағылшындық «Челсимен» бақ сынасады.

ПСЖ (Франция) – Реал (Испания) – 4:0 (3:0)
Гол авторлары:
Фабиан Руис (6, 24), Усман Дембеле (9), Гонсалу Рамуш (87)

Бұл екі команданың Еурокубоктағы жолы соңғы рет 2021/22 жылғы Чемпиондар лигасында тоғысқан еді. Ол кезде «Реал» Парижде 0:1 есебімен ұтылып, Мадридте 3:1 есебімен реванш алған болатын. Бірақ үш жылда көп нәрсе өзгерді: Месси АҚШ-қа кетті, Мбаппе «Реалға» ауысты, ал ПСЖ тізгінін Луис Энрике алды...

Бүгінгі Қазақстан қаржы нарығын Тимур Турлов есімінсіз елестету мүмкін емес. Ол – жай ғана кәсіпкер емес,  технология, жаһандық трендтер мен әлеуметтік жауапкершілік тоғысқан жаңа экономикалық дәуірдің өкіліне айналған тұлға.

1987 жылдың 13 қарашасында Мәскеуде дүниеге келген Тимур Турлов мектеп жасынан бастап инвестицияға қызығушылық танытқан. Бұл қызығушылық оны осы салаға алып келді.

«Freedom» философиясының пайда болуы

2008 жылы әлемдік қаржы дағдарысы басталған тұста Турлов өзінің жеке инвестициялық компаниясын – Freedom Finance-ты құрды. Бұл батыл шешім еді, бірақ тарих көрсеткендей, дәл осындай өтпелі кезеңдерде мықты компаниялар дүниеге келеді. Ол алғашқы күннен бастап клиенттерге жаһандық нарықтарға, соның ішінде АҚШ-тағы IPO-ға тікелей...

Түркістан облысында 6 мыңнан аса кәсіпорын бар. Оның 225-і жоғарғы тәуекелді кәсіпорын қатарына кірген. Дені жұмысшылардың міндетті әлеуметтік төлемдерін төлемеген. Жұмысшылардан еңбек жағдайларына қанағаттанбау және жалақы қарызы туралы шағымдар да түскен. Мысалы, облыста бір мекеменің 44 жұмысшысына 101 млн теңге көлемінде еңбекақы қарызы бар. Бұл туралы Мемлекеттік еңбек инспекциясы комитетінің Түркістан облысы бойынша департаменті басшысы Амангелді Әліш Түркістан өңірлік коммуникация қызметінде өткен брифингте айтты.

Амангелді Әліштің айтуынша, Түркістан облысында 6112 кәсіпорын бар. Оның 225-і – жоғарғы, 366-ы – орташа тәуекелді кәсіпорындар санатына кірген. Ал қалған 5521 кәсіпорында тәуекел анықталмаған.

«Тәуекелі жоғары 225 мекемеге толық талдау жұмыстары...

Қазақстанда қарыздар мен микрокредиттерге қатысты сақтандыру келісімдері бойынша сақтандыру агенттеріне төленетін комиссия мөлшері 10%-дан аспауы тиіс. Бұл туралы Қаржы нарығын реттеу және дамыту агенттігі хабарлады.

Өзгерістер 2025 жылғы 30 Маусымда Президент Қасым-Жомарт Тоқаев қол қойған «Қаржы қызметтерін тұтынушылардың құқықтарын қорғау туралы» заң аясында күшіне енеді.

Қазіргі кезде:

Жаңа өзгерістерден кейін:

Жылу желілерін жөндеуге байланысты Алматыдағы Абай даңғылы бір түнге жартылай жабылады. 

Алматы әкімдігінің мәліметінше, 11 шілде күнгі сағат 23:00-ден бастап 12 шілде күні сағат 08:00-ге дейін Абай даңғылы бойымен батыс бағытта, нақтырақ айтқанда, Назарбаев даңғылынан Абылай хан даңғылына дейінгі аралықта көлік қозғалысы жартылай шектеледі. Шығыс бағыттағы қозғалыста өзгеріс жоқ.

«Уақытша шектеулер жылумен жабдықтау желілерін алдағы жылыту маусымына дайындау аясында 1988 жылы пайдалануға берілген магистральдық құбыр желісін жөндеу жұмыстарының қауіпсіздігін қамтамасыз ету мақсатында енгізіліп отыр»,–делінген хабарламада.

Айта кетейік, 10 шілдеге дейін Мамыр көшесінде Абай даңғылынан Медеубеков көшесіне дейінгі аумақта құрылыс-монтаж жұмыстары жүргізіліп жатыр. Жөндеу жұмыстары...

Еуропаның 12 қаласында он күнге созылған аптап ыстықтан шамамен 2300 адам қайтыс болды. Бұл туралы Reuters ғалымдардың зерттеуіне сүйене отырып хабарлады.

Еуропада екі аптаға созылған ыстық күндер шілденің басында ғана сәл басылды. Әсіресе Батыс Еуропа күннің күрт ысуынан қатты зардап шекті. Испанияда ауа температурасы 40 градустан асып түссе, Францияда ормандар өртенді. Оның зардаптары енді ғана мәлім болып жатыр.

Лондондағы екі ғылыми мекеме ғалымдары бірлесіп жүргізген зерттеу бойынша, он күнде қайтыс болған 2300 адамның ішінде 1500 адамның ажалы климаттың өзгеруіне, күннің шамадан тыс ысуына байланысты болған.

«Климаттың өзгеруі жазғы күндерді одан сайын ысыта түсті. Енд...