Жаңалықтар

Алматы облысында орналасқан «Лукойл Лубрикантс Орталық Азия» мотор майлары зауыты жеке меншігіндегі автожолынан айырылуы мүмкін. Бұл туралы Алматы облысының мамандандырылған экономикалық сотында қаралып жатқан іс материалдарынан белгілі болды.

2025 жылғы қаңтарда Талғар ауданының жер қатынастары бөлімі сотқа талап арыз түсірді. Мекеме «Лукойл Лубрикантс Орталық Азия» зауытынан жер телімін мемлекет меншігіне қайтаруды талап етеді.

Жалпыға ортақ пайдаланылатын автожолдар жеке меншікте бола алмайды.Мұндай жерлер тек үкіметтің шешімімен инвесторға сатылған жағдайда ғана жеке меншікке берілуі мүмкін деп түсіндіреді аудандық жер қатынасты бөлімінің мамандары.

Даулы автожол ұзындығы – 0,5 шақырым. Ол ауыл шаруашылық мақсатындағы жерлерді жекеменшік иелерінен сатып алу арқылы салынған.

Компания...

20 наурызда, Талдықорғанда Балалар Кубогы – 2025 шахмат турнирінің 1-кезеңі – Т. М. Қарипбаев мемориалы басталды. Бұл жарысқа 7-14 жас аралығындағы 228 жас шахматшы қатысып жатыр.

Балалар Кубогы – 2025: ережелер мен кезеңдер

Балалар Кубогы – 2025 Қазақстан шахмат федерациясы (KazChess) ұйымдастыратын ересектер арасындағы Кубокпен қатар өтетін көп кезеңді турнир. Биылғы маусымда 6 кезең және финалдық турнир қарастырылған, ал әр кезеңнің жүлде қоры 3 миллион теңгені құрайды. Финал 20-30 қараша аралығында Алматыда өтеді.

Турнирдің алғашқы кезеңі – Т. М. Қарипбаев мемориалы 20-26 наурыз аралығында Жетісу облысының үстел теннисі орталығында өтеді.

Турнир форматы

Жарыс швейцариялық жүйе бойынша...

Бұрынғы әділет министрі Марат Бекетаевтың ісі сотқа жолданды. Сыбайлас жемқорлыққа қарсы іс-қимыл агенттігі экс-министрге қатысты тергеуді аяқтап, іс материалдарын 3 наурызда сотқа жолдаған. Бекетаевқа және басқа да адамдарға қатысты алаяқтық, аса ірі мөлшерде ұрлау және кәсіпкерлік қызметке заңсыз қатысу фактісі бойынша қылмыстық іс қозғалғаны айтылды. Алайда іс бойынша нақты қанша адам бар екені әлі белгісіз. KursivMedia экс-министр Бекетаевқа қатысты деректерді жинақтады.

Марат Бекетаевтың қызмет жолы

Марат Бекетаев Шымкент қаласында туған, 48 жаста. Қазақ мемлекеттік заң институтын заңгер мамандығы бойынша тәмамдаған, Лондон экономика және саяси ғылымдар мектебінде оқыған. Қызмет жолын 2001 жылы сыртқы саясатқа қатысты органдарда бастаған. Одан мемлекеттік...

Қазақстанда таралған деректер тізілімі құрылады. Бұл туралы Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетінің төрағасы Руслан Әбдіқалықов мәлімдеді.

Бұл тізілім көмегімен азаматтар өзінің жеке деректері таралған-таралмағаны жөнінде ақпарат алады.

«Біз әрбір азамат өзінің белгілі бір деректерін, аты-жөнін, телефон нөмірін немесе электрондық поштасын енгізе алатын база құрамыз. Жүйе осы деректер бойынша әлемде ақпараттың таралуының болған-болмағаны жөнінде мәлімет береді. Бұл реттеуші ретінде бізге маңызды. Ал азаматтарға бұл қанша деректің таралғанын түсіну үшін қажет», – деді комитет өкілі.

Сонымен қатар әрбір азамат өзінің жеке жеректерінің таралып кеткенін анықтаса, деректердің таралуына жол берген компаниядан өтемақы...

Қазақстандағы Beeline брендіне ие VEON телекоммуникациялар тобы 2024 жылғы кірісі 14,6% болғанын жариялады.

Холдинг, бейсенбі, 20 наурыз күні 2024 жылдың қорытындысына қатысты есебін жариялады.

«2024 қаржы жылында кірістің базалық өсімі 14,6% болды. Кіріс көлемі Украинаға жасалған кибершабуыл, Бангладештегі саяси тәртіпсіздік және Қазақстанда TNS+-ті деконсолидациялау секілді жайттарды ескере отырып қайта есептелді» деп жазылған жылдық есепте.

Айта кетерлік жайт, Қазақстанның бәсекелестікті қорғау және дамыту агенттігі «байланыс операторлары тарифтерді келісіп көтерді» деп күдіктеніп, Beeline-нан бағаны арзандатуды талап еткен. «Тарифті түсірмейміз» деп Tele2, Altel мен Beeline мемлекеттік органның үстінен сотқа шағым түсіріп отыр.

Бір күн бұрын агенттікт...

Осы 20-26 наурыз аралығында 5-6 ақпанда жасалған камералдық бақылау туралы ескертулерді орындау мерзімі аяқталады. Салық органдарынан ескерту алған тұлғалар тезірек табыс бойынша есептерін өткізуі керек. Бұл туралы Маңғыстау облысы бойынша Мемлекеттік кірістер департаменті хабарлады.

Бұған дейін салық органдары екінші деңгейлі банктерден жеке кәсіпкерлер мен заңды тұлғалардың POS-терминалдар мен QR-төлемдер арқылы алған табысы туралы мәліметтерді алған еді. Ол деректерді 2023 жылғы бақылау-кассалық машиналар (БКМ) көрсеткіштері мен салықтық декларациялармен салыстырылып тексерілді. Нәтижесінде «Табысты төмендету» бойынша бұзушылықтар анықталып, ескертулер жасалды.

Кәсіпкерлер не істеуі керек?

Енді сондай ескерту алған кәсіпкерлер заңбұзушылықпен келіссе, ескертуде көрсетілгендей түзетілген салықтық есептілікті тапсыру қажет. Егер келіспесе, қағаз...

АҚШ президенті Дональд Трамп АҚШ пен бүкіл әлемде Наурыз мерекесін атап өтіп жатқан адамдарды көктемнің шуақты мерекесімен құттықтады.

Трамп құттықтауында Наурыз мейрамы парсы халқы үшін көктемнің басталуын және парсы Жаңа жылын білдіретіні атап өтілген.

«Бұл ежелгі дәстүр өткен жылдың игіліктерін еске алып, алдағы көктемді жаңарған рухпен, үміт пен оптимизммен қарсы алуға мүмкіндік береді.

Парсы халқы өзінің жарқын мәдениетімен және математика, ғылым, құқық, технология, өнер сынды салалардағы ерекше дарынымен қоғамға баға жетпес үлес қосып келеді.

АҚШ атынан баршаңызға осы тамаша мерекеде мол бақыт пен игілік тілеймін.
Наурыз құтты болсын!» делінген Трамп құттықтауында.

Наурыз – парсы мен түрк...

Қаңтар-ақпан айларында банктер 448,8 млрд теңге таза пайда тапқан. Бұл туралы Ұлттық банктің арнайы статистикасында жазылған.

Қазақстанда 21 екінші деңгейлі банк жұмыс істейді. Қаржы ұйымдарының таза пайдасы бір айда 228 млрд теңгеден 448,8 млрд теңгеге жеткен. 2024 жылдың қаңтар-ақпан айларымен салыстырғанда бұл көрсеткіш 15%-ға артық.

Бұл есепте жалпы банк секторының пайдасы көсетілген. Әр банктің жеке-жеке қанша табыс тапқаны туралы есеп ай соңында жарияланады.

2025 жылдың қаңтар айында отандық банктер 228,5 млрд теңге таза пайда тапқан. Оның жартысынан көбі екі ірі қаржы ұйымы – Halyk Bank пен Kaspi Bank-ке тиесілі. Halyk Bank бір айда 83,4 млрд теңге таза пайда...

20 наурыздан бастап еліміздің барлық кинотеатрында «Жошы хан. Ұлы Ұлыстың билеушісі» деректі-көркем фильмі жарыққа шығады. Бұл туралы Алматыда өткен тұсаукесерде фильм сценарийінің авторы белгілі журналист және продюсер Майя Бекбаева хабарлады.

«Жошы хан. Ұлы Ұлыстың билеушісі» фильмі осы жылы Мая Бекбаева «Арман ПВ» баспасымен шығарған кітаптың негізінде түсірілген.

ҚР Президент телерадио кешенінің қолдауымен түсірілген фильмде Алтын Орда мемлекетінің негізін қалаушы, қазақ хандарының арғы атасы Жошы ханның өмірі туралы баяндалады. Авторлар әртүрлі елдердің мұрағаттарын ақтарып, Шыңғыс ханның тұңғышы қазақ даласын билеуге қалай келгенін, Ұлы Ұлысты қалай құрғанын, сол Ұлыстың негізінде Қазақ хандығы құрылғанын анықтаған.

«Шыңғыс ханның балаларыны...

Мәдениет және спорт министрлігінің бұрынғы вице-министрі  Ерлан Қожағапанов 12 жылға сотталуы мүмкін. Бұл туралы Сенат кулуарында Сыбайлас жемқорлыққа қарсы күрес агенттігі төрағасының орынбасары Дархан Құрақбаев айтты.

«Сот жүріп жатыр. Аяқталуға жақын қалды деп ойлаймын. Тағылған айып бойынша оған 7 жылдан 12 жылға дейін жаза қарастырылуы мүмкін. Сот барлық мән-жайды ескере отырып үкім шығарады деп сенем. Сот ашық өтіп жатыр», – деп мәлімдеді агенттік өкілі.

Айта кетсек, Ерлан Қожағапановқа қатысты тергеу 5 қаңтарда аяқталған болатын. Агенттіктің мәліметінше, шенеунік мердігер ұйымның басшысымен алдын-ала сөз байласып, 1 млрд теңгеге жуық қаржы жымқырды деп айыпталып отыр.

Сенат кулуарында журналистер былтырғы су тасқыны кезінде қатаң сөгіс алған Су және ирригация министрі Нұржан Нұржігітовтен биылғы тасқын маусымына қалай дайындалып жатқанын сұрады.

Нұржігітов былтырғы тасқынның қорытындысы бойынша тұжырымдама, кешенді жоспар секілді жүйелі шешімдер қабылданғанын атап өтті.

«Бірінші кезекте жаңа су қоймаларын салу, істеп тұрғандарын жөндеуден өткізу, 14 мың шақырымнан астам ирригация жүйесін қалпына келтіру секілді жұмыстар жасалды. Одан бөлек өңірлерде коммуналдық меншіктегі мекемелер құрылды. Мыңнан астам адам жұмысқа тұрды, 800-ден астам гидротехникалық құрылыстар теңгерімге алынды. Көп факторлы зерттеу жұмыстары жүргізіледі», – деді ол.

Министр сондай-ақ Tasqyn ақпараттық жүйесі іске қосылғанын, оның негізінде ел аумағы...

Sergek компаниясы өткен жылдың статистикасына сүйене отырып, Алматы қаласындағы жолдардың жүктемесі Наурыз мерекесі кезінде айтарлықтай артатынын болжады.

2024 жылдың 20 наурызында қала көшелеріндегі көлік қозғалысының қарқындылығы 19-36%-ға артқан.

Ең үлкен өсім: Шығыс айналма жол учаскесінде – 36%, Әл-Фараби даңғылының шығыс бөлігінде – 31%

Дегенмен, көлік қозғалысының артуы күні бойы біркелкі таралып, қарбалас сағаттарда үлкен кептелістер тудырмаған.

Sergek ұсынатын кеңестер

Наурыз мерекесі кезінде қала тұрғындары мен қонақтары көлік қозғалысының қарқындылығын ескеріп, сапарын...

Неміс автокомпаниясының бас директоры Ола Каллениус биыл жазда саудаға түсетін жаңа CLA электромобиль седанын таныстырып, Tesla-ны Еуропа автонарығынан түпкілікті ығыстырып шығаруды көздейтінін мәлімдеді. Mercedes-Benz CLA бағасы мен басты ерекшелігі қандай?

Германияның басты автокомпаниясы 2025 жылы жалғыз дана электромобиль шығарады. Жоғары технологияға негізделген Mercedes-Benz CLA седаны Илон Масктің Tesla-сын Еуропа елдері сатып алудан бас тартып жатқан уақытта нарыққа түседі.

Инновацияда Mercedes-ке теңесер ешкім жоқ

Mercedes-Benz америкалық миллиардерден көңілі қалған тұтынушыларға өз өнімін өткізуге тырысады. Мәселен, биыл ақпан айында Германияда Tesla саудасы бірден 76%-ға төмендеді. Саясатқа араласқалы бері Маск немістерге жақпайтын бірнеше өткір мәлімдеме жасап үлгерген.

Bloomberg мәліметінше, Римдег...

АҚШ Федералды резерв жүйесі (ФРЖ) екі күндік отырыстың қорытындысы бойынша негізгі пайыздық мөлшерлемені 4,25–4,5% деңгейінде сақтады. Бұл шешім қаңтардағы отырыста қабылданған ұстаныммен сәйкес келеді.

Қазір АҚШ экономикасы өсіп келеді, жұмыссыздық деңгей төмен. Еңбек нарығы тұрақты. Бірақ инфляция деңгейі әлі де жоғары, экономикалық болжамдарда белгісіздік күшейіп жатыр. Сондықтан ФРЖ облигациялар мен ипотекалық құнды қағаздарды сату қарқынын бәсеңдету туралы шешім қабылдады. Болжам бойынша:

ФРЖ-ның келесі отырысы...

Ақтауда 22 наурыз күні «Kazakh Record» атты ауқымды фестиваль өтеді. Өңір тұрғындары қазақтың ұлттық киімін киген 5000 адамды жинап, осы арқылы Гиннестің әлемдік рекордын орнатуды жоспарлап отыр.

Ұйымдастырушылар жетістікті ресми түрде тіркеп қана қоймай, Қазақстанның мәдени байлығын көрсетуді, дәстүрлердің сұлулығын айшықтап, қоғамды біріктіруді мақсат етеді.

«Kazakh Record» фестиваліне қатысу шарттары:
– 16 жастан асқан кез келген адам қатыса алады;
– Ресми сайтта тіркелу қажет;
– Бекітілген каталогқа сәйкес ұлттық киім дайындау керек.

Қатысушылар қайда жиналады

Тұрғындар 22 наурыз күні таңертең теңіз жағасындағы алаңда (15-шағын аудан, 68-үй) жиналады. Қауіпсіздік тексерісінен кейін, қатысушыларға арнайы білезік таратылады. 11:00 Гиннестің рекордтар кітабының өкілдері қатысатын ресми тіркеу...

Редакцияға келіп түскен ақпаратқа сәйкес, Сәтбаева көшесінің бойындағы жұмыс істемей тұрған қонақүйде өрт шыққан. Нақты мекенжайы – Көктем-3, 22 шағын аудан.

Алматы төтенше жағдайлар департаменті KursivMedia редакциясына өрттің,ғимараттың екінші қабатындағы құрылыс қоқсытарынан шыққанын хабарлады. Ғимарат жаңадан салынған.

«20 наурыз күні сағат 11:36-да Алматы қаласы Төтенше жағдайлар департаментінің күштері мен құралдары Бостандық ауданы, ықшамауданы мекенжайына жіберілді. Көктем-3, 22 мекенжайына өрт сөндірушілер бес минутта жетті. Салынып жатқан ғимараттың екінші қабатында құрылыс қалдықтары өртенгені анықталды», – деп хабарлады қалалық ТЖД.

Өрт сөндірілген. Жалпы от шарпыған аудан 10 шаршы метрді құраған.

«Ұсталмаған ұры емес». Экс-шенеуніктердің Дубайдағы қымбат виллаларына қатысты бірде-бір іс қозғалмаған.

Бұл туралы Сенат дәлізінде Сыбайлас жемқорлыққа қарсы күрес жөніндегі агенттік төрағасының орынбасары Дархан Құрақбаев мәлімдеді.

«Ескеруге алынды»

Оның айтуынша, билік органдары тергеліп жатқан істер бойынша әрекет етіп жатыр. Бірақ экс-шенеуніктердің шетелдегі қымбат виллалары туралы БАҚ-тағы зерттеу материалға қатысты бірде-бір іс қозғалмаған.

Әңгіме Azattyq ТV зерттеу материалы туралы болып отыр.  Онда Назарбаев әулетінен өзге, Нығматулин, Пішембаев, Елубаевтың, басқа да тұлғалардың және олардың туыстарының атында қымбат виллалар бар екені көрсетілген еді.

«Бұл материалдарды шұғыл бөлімшелер ескеруге алған. Олар талданып жатыр. Жұмыс жасалу үстінде...

Қазақстан Даму Банкі (ҚДБ) мен Испанияның ірі қаржы институты – Banco Santander 400 млн еуроға экспорттық қаржыландыру туралы келісімге қол қойды. Бұл қаржы елдегі инфрақұрылым және энергетика жобаларына жұмсалады.

Құжат Мадридте өткен Қазақстан-Испания іскерлік кеңесінің 8-отырысы аясында рәсімделген.

Бұл келісім Қазақстанға халықаралық экспорттаушылардың қатысуымен стратегиялық маңызды жобаларды іске асыруға мүмкіндік береді. Қаражат инфрақұрылымды жаңғыртуға, жаңа технологияларды енгізуге және халықаралық инвестициялық ынтымақтастықты нығайтуға бағытталмақ.

Айта кетейік, ҚДБ соңғы жылдары халықаралық қаржы ұйымдарынан белсенді түрде несие тартып жатыр, оның ішінде қарыз алудағы басымдық Қытай банктерінен еуропалық кредиторларға ауысқан.

Бұған дейін ҚДБ мен Еуропа инвестициялық банкі (EIB Global) инфрақұрылым мен жаңартылатын энергия көздерін...

Алматыда Наурыз мейрамын атап өту аясында ауқымды челлендж өтті. 20 наурыз күні сағат 11:00-де қаланың сегіз ауданында мыңдаған оқушы республикалық акцияға қатысып, домбырамен күй орындады деп хабарлады қалалық білім басқармасы.

Ұлттық киім киген жас музыканттар «Адай», «Балбырауын» және «Ерке сылқым» күйлерін орындап, қаланың көшелерін қазақтың күйімен тербетті.

«Челлендждің басты мақсаты – өскелең ұрпақтың рухани-адамгершілік құндылықтарын қалыптастыру, ұлттық музыкалық мұраны сақтау және насихаттау. Музыкалық флешмоб еліміздің әр қаласын ұлттық аспаптың күмбірімен біріктіріп, жас домбырашылардың дәстүрлі музыкаға деген сүйіспеншілігін көрсетті», – делінген хабарламада.

Биыл екінші жыл қатарынан Наурыз мейрамы жаңаша форматта тойланып жатыр. Осы ретте Оңтүстік...

«Пара алды» деп айыпталған Алматы Су коммуналдық мекемесі департаментінің басшысы Мақсат Жолдыбаевтың жазасы шартты емес. Бұл туралы сенат кулуарында Сыбайлас жемқорлыққа қарсы қызмет төрағасының орынбасары Дархан Құрақбаев мәлім етті.

Оның айтуынша, кей баспасөз беттерінде департамент басшысы 5 жылға шартты жазаға кесілгені туралы ақпарат шыққан. Алайда оның жазасы кейін шарттыдан, қамауға алуға өзгертілген.

«Баспасөз беттерінде ол 5 жыл шартты жазаға кесілді деген ақпарат тарады. Алайда ол кәсіпкерлерден 75 млн теңге пара алмақ болды деген күдікке ілінген. Осыған орай прокуратура шағымы бойынша аппеляциялық шешім шығып, үкім 5 жылға бас бостандығынан айыру жазасына ауыстырылып, ол сот залында қамауға алынды...

Telegram ай сайынғы белсенді қолданушылар саны бір миллиардтан асып, әлемдегі ең танымал екінші мессенджер атанды. Бұл туралы қосымшаның негізін қалаушы Павел Дуров хабарлады. 2024 жылы Telegram 547 млн доллар пайда тапқан.

Дуровтың сөзінше, Телеграмдағы ай сайынғы қолданушылар саны бойынша WhatsApp-тан кейінгі екінші орынға шықты. 2024 жылы компания кірісі 1 млрд доллардан асқан. Ал қолма-қол ақша резервтері 500 млн доллардан көп дейді желінің негізін қалаушы.

2023 жылы Телеграм табысы 342 млн долларға жеткенімен, 173 млн долларға шығынға батқан еді.

Дуров телеграм 2026 жылы IPO-ға шығуды жоспарлап отырғанын да айтты. Инвесторлар компания активін 30 млрд доллар деп бағалап отыр.

Павел Дуровты...

Нұрлан Нығматулиннің ағасы Арғын Нығматулин Қазақстанда жоқ. Сыбайлас жемқорлыққа қарсы күрес агенттігі төрағасының орынбасары Дархан Құрақбаев жемқорлық фактісі бойынша күдіктінің тергеу басталғанға дейін елден кетіп қалғанын айтты.

Сенат кулуарында журналистер Арғын Нығматулинге қатысты қозғалған іске бауырлары Ерлан мен Нұрлан Нығматулиннің қатысы бар-жоғын нақтылады.

«Антикор Нығматуллинге қарсы тергеу жүргізіп жатқан жоқ. Бұл іске басқа орган жауапты. Біз тек іздестіру жүргіземіз. Біз оның Қазақстанда жоқ екенін білеміз. Ол тергеу басталғанға дейін елден кетіп қалған», – деді агенттік өкілі.

Айта кетейік, Мәжілістің бұрынғы спикері Нұрлан Нығматулиннің ағасы Арғын Нығматулинге Сыбайлас жемқорлыққа қарсы күрес агенттігі іздеу жариялаған болатын.

Қылмысты...

Биыл бірінші сыныпқа өтініш қабылдау 1 сәуірде басталып, 2025 жылдың 31 тамызына дейін жалғасады деп хабарлады ҚР Оқу-ағарту министрлігінің баспасөз қызметі.

ҚР «Білім туралы» Заңына сәйкес, 1-сыныпқа ата-анасының өтініші бойынша балалар 6 жастан бастап қабылданады. Құжаттарды мемлекеттік egov.kz электрондық үкіметі, жергілікті атқарушы органдардың ақпараттық жүйелері арқылы, сондай-ақ қағаз нұсқада 1 сәуір – 31 тамыз аралығында тапсыруға болады.

Қазақстан азаматтары үшін жалпы білім беретін орта мектепке қабылдауға қажетті құжаттар тізімі:

1) ата-ананың немесе заңды өкілінің өтініші;
2) №065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты;
3) өлшемі 3х4 см сурет (2 дана)

Шетел азаматтары үшін:
Ата-аналар немесе басқа заңды...

TikTok үшінші жыл қатарынан Наурыз мерекесіне арналған ауқымды онлайн-фестиваль өткізіп, қазақстандықтарды бір алаңға жинайды.

TikTok платформасы Қазақстанның түкпір-түкпірінен келген пайдаланушыларды біріктіріп, ұлттық мәдениетті насихаттауға мүмкіндік беретін #Наурыз2025 онлайн-фестивалін бастады. Қазақстандықтар арнайы хэштег арқылы мерекелік көңіл-күймен бөлісіп, ұлттық дәстүрлерді дәріптей алады.

Жоба ҚР Мәдениет және ақпарат министрлігі, ҚР Ғылым және жоғары білім министрлігі, ҚР Туризм және спорт министрлігі, сондай-ақ «Kazakh Tourism» ұлттық компаниясының қолдауына ие.

TikTok алғаш рет мерекелік интерактивті аймақтар орнатады

Биылғы фестивальдің басты ерекшелігі – еліміздің ірі қалаларында TikTok-тың арнайы мерекелік аймақтары орнатылуы. Астана, Алматы және Шымкент қалаларындағы халық көп жиналатын орындарда TikTok пайдаланушылары үшін...