Жаңалықтар

6 қазан күні жалпыұлттық референдум өтті. Халық АЭС құрылысына байланысты сауалға жауап берді. Астана қаласының Алматы ауданы № 2 учаскеде «Еркіндік қанаты» ҚҚ байқаушылары рефрендум барысын бақылаған.

Учаскелік  референдум комиссиясы Қазақстан Республикасының сайлау туралы заңнамасын бұзғаны үшін ғимараттан қоғамдық қор атынан тіркелген байқаушыны шығарып жіберді. Оған қоса №354 учаскелік референдум комиссиясы да «Еркіндік қанаты» белсендісіне қатысты осындай шара қолданған.

Ұйым мүшелері Астана қаласының мамандандырылған ауданаралық әкімшілік сотына шағым түсірді. Олар комиссия шешіміне наразы екенін айтты.

Бірақ Астана әкімшілік соты комиссия шешімі заң талаптарына сай қабылданған деп есептейді. Іс материалдары негізінде екі байқаушының өзі кінәлі деп таныды.

Миллиардер Илон Масктың анасы Мэй Маск балаларының диетолог болып, өзімен бірге жұмыс істегенін қалағанын, алайда кейін оларға мамандық таңдауға мүмкіндік бергенін айтады.

«Маған салса, балаларымның бәрін диетолог етіп, менің кабинетімде жұмыс істегенін қалар едім. Мен Торонто университетінде жұмыс істегендіктен, олар кез келген медициналық мамандықта тегін оқи алатын еді. Бірақ олардың қалауы басқаша болды», – дейді Мэй Маск Алматыда өткен Орталық Азиялық әйелдердің BeWoman форумында. 

Оның сөзінше, әсіресе, Илон Маск мүлдем басқа жұмыс істегісі келген. Ол PayPal компаниясын сатқаннан кейін, анасына ракета, күннен қуат алатын панельдер немесе электромобиль құрастырғысы келгенін айтқан. Мэй Маск баласының қазір осы жұмыстың бәрін...

17 қазан күні Президентке Премьер-министр Олжас Бектенов есеп берді. Бектенов өндіріс саласында өсім бар екенін айтты. 14 облыста өңдеу саласы жақсы нәтиже көрсеткен. Бюджет түсімі 14,9 трлн теңгені құраған. 

Үшінші тоқсанда басқа елдермен тауар айналымы 91,7 млрд долларға жетті. Сыртқы нарыққа тауар шығару 3,3%-ға артты.

Қаңтардан тамыз айына дейін мына салаларда өсім байқалған:

Бектенов заңсыз иеленген активтерді қайтару бойынша жұмыс жүргізіп жатқандарын айтты. Соның есебінен әлеуметтік бағдарламаларды іске қосу, мәдениет, спорт нысандарын салу қолға алынған.

«Жыл...

2024 жылдың 6 айында «Отбасы банкте» 48 мыңнан астам білім депозиті ашылған. Бұл туралы Сенаттағы баспасөз алаңында банктің басқарма төрағасы Ләззат Ибрагимова айтты.

Басқарма төрағасының сөзінше осы кезге дейін қазақстандық 6 банк білім депозитін ашуды ұсынғанымен, жалпы саны 13 мың ғана депозит ашылған. Ал «Отбасы банкте» жарты жыл ішінде 48 мыңнан астам білім беру депозиті ашылып үлгерген. Банк төрағасы бұл тұтынушыларды тұрғын үймен қатар, балалардың білімі де алаңдататынын көрсетеді деп есептейді.

«Бұл депозит бойынша 5 жыл ішінде теңгемен 12% жылдық үстеме беріледі. Оған қоса, мемлекеттік сыйақы бар. Оның көлемі – 5%, ал әлеуметтік осал топтар үшін...

Шымкентте 200-ден астам автокөліктің иесі жарқын шоу бағдарламасымен және дрифтпен өнер көрсетті. KursivMedia шараға қатысып, автосүйер қауымның назарын аударатын ерекше көліктерге шолу жасап қайтты.

Ұйымдастырушылардың айтуынша, бұл шараның басты мақсаты тюнинг пен автоспорт саласындағы отандастарымыздың жетістіктерін көрсету. Тюнинг жобаларының көрмесі ортақ қызығушылықтары бар адамдардың танысуына мүмкіндік жасайды.

Шымкенттегі бұл автошоу қала тұрғындары мен қонақтары үшін ерекше мереке болды. Келушілер дрифт шоуынан, тюнингтелген көліктерден және автоспорттың басқа да қызықты сәттерін тамашалады. Мұндай шаралар Қазақстандағы автомәдениеттің дамуына ықпал етеді және автокөлік әуесқойлары арасында достық байланыстарды нығайтуға көмектеседі.

Толығырақ біздің YouTube арнамыздан көре аласыз.

Конституциялық сот бейбіт жиын өткізуге шектеулердің Ата заңға сәйкестігін тексеру үшін арнайы отырыс өткізді. Қазақстан азаматынан «Бейбіт жиналыстарды ұйымдастыру және өткізу тәртібі туралы заңға» қатысты осындай шағым келіп түскен.

Өтініш иесінің пікірінше, бұл – конституцияға қайшы. Осы даулы нормалар азаматтардың конституциялық құқығын бұзады. Себебі, бұл заң атқарушы органдарға шексіз еркіндік береді. Азаматтардың конституциялық құқығын жүзеге асыруына кедергі жасауға түрткі болып отыр.

Нақтырақ айтсақ, аталған нормалар бойынша, бұқаралық  шаралар немесе құрылыс жұмыстары жасалып жатса, жергілікті билік азаматтарға бейбіт жиналыс өткізуге рұқсат бермеуге құқылы. Сонымен қатар, билік органдары жиынның орнын, уақытын қалауынша өзгерте алады.

Отырысқа өтініш иесінің өкілдерінен бөлек, парламент депутаттары, бас...

Ресейлік Wildberries негізін қалаушы Татьяна Ким өз компаниясы Russ компаниялар тобымен біріккеннен кейін капитализация артқанын айтты.

Алматыда өтіп жатқан BeWoman Орталық Азиядағы әйелдері форумына келген Татьяна Ким Russ компаниялар тобымен бірігу дұрыс шешім болғанына көз жеткізгенін айтты. Оның сөзінше, екі компания «РВБ» жауапкершілігі шектеулі бірлестігі болып біріккеннен кейін капитализациясының өскен.

«Russ тобымен бірігіп РВБ компаниясына айналғаннан кейін де, өсімнің қарқынды екенін бақылап отырмын. Жалпы РВБ капитализациясы да, жеке Wildberries капитализациясы да артып келеді. Дегенмен бұл уақытша процесс деп ойлаймын, алдағы жылы бірқалыпқа түсіп қалатын шығар», – деді Ким.

Бұған қоса, ол өз өмірінде болып жатқан...

Toyota әйгілі спорткөлігі Supra моделінің жаңа нұсқасын ұсынбақ. Жақында компания Supra көлігін 2026 жылдан бастап Аустралияның суперкарлар чемпионатына қатыстыру туралы келісімге келді.

Toyota-ның Аустралиядағы сату, маркетинг және франчайзинг операциялары бойынша вице-президенті Шон Хэнлидің айтуынша, Supra автокөлік нарығында өз орнын сақтайды және жаңа буыны әзірленіп жатыр. Сондықтан Toyоta жанкүйерлері Supra моделінің жоғалмайтынына сенімді бола алады.

Биыл Toyоta Supra және оған ұқсас BMW Z4 үлгілерінің өндірісі 2026 жылға дейін тоқтатылуы мүмкін деген ақпарат тараған еді. Бұл екі көлік Австриядағы Magna Steyr зауытында құрастырылады. BMW Z4 өндірісі шынымен тоқтауы мүмкін, алайда Toyota Австралиядағы өкілі Хэнлидің айтуынша, Toyota Supra өндірісін тоқтату жоспары жо...

«Отбасы банк» 2025 жылдан бастап мемлекеттік ипотекалық бағдарламалардың алғашқы жарнасын 10%-ға дейін азайтуы мүмкін. Бұл жайлы Сенат кулуарында «Отбасы банк» АҚ Басқарма Төрағасы Ләззат Ибрагимова мәлімдеді.

«Алғашқы жарнаны 10%-ға дейін түсіру мәселесін біз Құрылысшылар қауымдастығымен бірлесіп талқылап жатырмыз. Алғашқы жарна тұрғын үйді толық аяқтап, сатуға ұсынатын компаниялар үшін азаюы мүмкін. Өздеріңіз білесіздер, қазір тұрғын үйге мұқтаж жандар ипотекаға үй алған соң, ол баспанаға жөндеу жұмыстарын жүргізу үшін тағы несие рәсімдеуге мәжбүр. Бұл «ноу-хау» елде кең етек жайып барады. Сондықтан жөндеу жұмыстарын құрылысшлар есебінен жүргізіліп, азаматтардың қарыздық жүктемесін азайтуды көздеп отырмыз», – деді банк өкілі.

Сенат төрағасы Мәулен Әшімбаев журналистердің сауалына орай қазақстандық шенеуніктердің Дубайдағы мүліктеріне қатысты пікір білдірді.

«Бұл сауалды Бас прокуратурадағы заңсыз активтерді қайтару жөніндегі комитеттің төрағасына қойыңыздар. Ол жан-жақты жауап береді деп есептеймін», – деді Сенат төрағасы.  

Мәулен Әшімбаевтың сөзінше, Бас Прокуратураның Активтерді қайтару жөніндегі комитетінің төрағасы Нұрдәулет Сүйіндіков мұның бәрі жұмыс бабында қаралатынын айтқан.

«Ол активтердің заңсыз жолмен алынғаны анықталса, тізімге енгізіледі немесе олардың қайдан алынғаны туралы нақты жұмыстар жүргізілетін болады. Әрі қарай заң аясында тиісті шешімдер қабылданады. Барлығы заң аясында болады», – деді Сенат төрағасы.

Мәулен Әшімбаевтың пікірінше, Дубайдағы...

Қазақстанда тауарлар мен қызметтер ақысының өсу көрсеткіші жағынан Ресейден де алға шығып кетті. Еуразиялық экономикалық комиссияның мәліметінше, 2024 жылдың қаңтар-қыркүйек айларында Қазақстандағы инфляция 8,7%-ды құрады. Атап айтқанда, ЕАЭО елдері арасында бұл мән Ресейде 8,3%, Беларусьте 5,8%, Қырғызстанда 4,8% құрады.

Осы уақыт аралығында елімізде ақылы қызметтердің бағасы қатты өскен. Ақылы қызметтер жыл ішінде 13,6%-ға қымбаттаған. Ал, Ресейде – 11,6%, Қырғызстанда – 9,3%, Беларусьте-5,6%, Арменияда-3,6% құрады. Осылайша, қаңтар-қыркүйек аралығында Қазақстанда ақылы қызметтерге бағаның өсуі Одаққа каіретін басқа елдермен салыстырғанда ең жоғары болып отыр.

Алайда қыркүйек айында Қазақстанда азық-түлік тауарларының бағасы Ресей мен Беларусь елдерімен салыстырғанда қатты қымбаттаған жоқ. Өсім...

Баспанаға кезегінде тұрған адамдардың бірыңғай республикалық электрондық базасы «Отбасы банкке» беріледі. Соның негізінде банк «Тұрғын үймен қамтамасыз ету орталығы» бірыңғай электрондық деректер базасын құрады. Бұл жайлы Сенат отырысында депутат Ләззат Рыспекова айтты.

Сенатта «Қазақстан Республикасының кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы» Қазақстан Республикасының Заңы талқыланды.

«Заң аясында жергілікті атқарушы органдар жүргізетін, 647 мың адамнан тұратын кезек күту тізімдерінің қолданыстағы бірыңғай республикалық электрондық базасы «Отбасы банкі» акционерлік қоғамына беріледі. Бұл ретте «Отбасы Банкі» «Тұрғын үймен қамтамасыз ету орталығы» бірыңғай электрондық деректер базасын жасайды, онда сол немесе...

Тоқаев Astana Think Tank форумында Мәскеу мен Киев арасындағы жанжалға қатысты өз көзқарасын ашық айтты. Ол Германия канцлері Шольцпен кездесуі кезінде айтқан ойын тағы да қайталады.

«Ресей әскери тұрғыдан жеңілмейді. Ресейдің әскери қуаты күшті. Путиннің саясатын халқы қолдап отыр», – деді Тоқаев.

Президенттің пікірінше, бұл соғысты тоқтатудың бірден-бір жолы – дипломатия. Сондықтан Бразилия және Қытай ұсынған қақтығысты бейбіт реттеу жоспарын қолдау керек.

Тоқаевтың сөзіне қарағанда, дүниежүзінде жік-жік болып бөліну үрдісі байқалады. Халықаралық ұйымдардың беделі түскен. Осының салдарынан орта державалардың маңызы күшейген. Мұндай жағдайда олар тараптар арасында араағайын бола алады.

Президенттің пікірінше, еліміз өз міндеттемесін қалтқысыз...

Қазақстандағы микроқаржы ұйымдарының (МҚҰ) портфеліндегі 3 ай бойы төленбеген борыш көлемі артып барады. 2024 жылдың басынан 1 қыркүйекке дейін NPL 90+ үлесі 56,1% өсіп, 76,7 млрд теңгеден 119,8 млрд теңгеге жеткен.

Ұлттық Банктің статистикасына сүйенсек, МҚҰ-ның жиынтық портфелі жыл басынан 2 12,3%-ға өсіп, 1,4 трлн теңгені құрады. Бұл ретте портфельде төлем мерзімі 90 күннен кешіктірілген несие үлесі 1,5 есе артқан. Яғни проблемалық несие көлемі жиынтық несие портфелімен салыстырғанда айтарлықтай жылдам өсіп барады.

1,4 трлн теңге шағын несиенің 1,2 трлн теңгесін жеке тұлғалар алған. Алған қарызын 3 ай бойы өтемей жүргендердің қатары көбейді. МҚҰ портфеліндегі жеке тұлғалар алған...

Ауыл шаруашылығы министрлігі қант өндірісін арттыру үшін бұрын айналымнан шығарылған егістіктерге қант қызылшасын егуді көздеп отыр. Алдағы жылдары қант қызылшасы оңтүстік өңірлерде ғана емес, сонымен бірге Орталық Қазақстанда да егіле бастайды. Атап айтқанда, министрлік Ертіс-Қарағанды каналы бойындағы айналымнан шыққан егістік жерлерге қант қызылшасын салуды жоспарлап отыр. Бұл жайлы KursivMedia редакциясына Ауыл шаруашылығы министрлігі хабарлады.

Үкімет Қазақстанның қант импортына тәуелділігін төмендетуді көздеп отыр. Сауда және интеграция министрі Арман Шаққалиев қант өндірісін 70-80% ұлғайтып, сәйкесінше, импорт көлемін 20-30%-ға төмендету көзделгенін мәлімдеді. АШМ Шаққалиев айтқан көлемге қалай жететінін түсіндірді.

Ауыл шаруашылығы министрлігі азық-түлік қауіпсіздігін қамтамасыз етуге бағытталған қант саласын дамыту жөніндег...

Қазақстан Шанхай ынтымақтастық ұйымы бюджетіне төлейтін жарнасын бекітті. Бұрын Қазақстан бұл ұйымға төлейтін үлес жарнасы 17,6 % еді. Енді 15,2% болды.

«2017 жылғы 1 желтоқсанындағы Шанхай ынтымақтастық ұйымының бюджетін қалыптастыру және орындау тәртібі туралы келісімге өзгерістер енгізу туралы хаттама жобасы мақұлдансын», – делінген Президент Қасым-Жомарт Тоқаевтың жарлығында.

ШЫҰ-ға мүше-мемлекеттердің үлес жарнасының көлемі мынадай:

Беларусь – 5,8%, Үндістан – 5,9%, Иран – 5,8%, Қазақстан – 15,2%, Қытай –17,6%, Қырғызстан – 7,6%, Пәкістан  – 5,9%, Ресей – 17,6%, Тәжікстан – 6%. Өзбекстан – 12,6%.

Премьер-министр Олжас Бектеновке Қазақстан атынан хаттамаға қол қою тапсырылды. Сондай-ақ өзгерістер мен...

Астана мен Алматыда «Қос шаһар кубогы» атты шахматтық медиа-турнирі өтеді. Бұл туралы Қазақстан шахмат федерациясы хабарлады.

Федерацияның мәліметінше, аталмыш турнир дүниежүзілік ақпарат күніне орай өткізіледі. Сайыс 2024 жылғы 30 қараша, сенбі күні Алматы және Астана қалаларында бір мезгілде өтеді. Әр қаладан медиа саласында жұмыс істейтін шахмат әуесқойлары (БАҚ қызметкерлері, азаматтық журналистер, блогерлер) офлайн жекпе-жекте үздіктерді анықтайды.

Содан кейін қалалық кезеңдердің әрқайсысының жеңімпаздары «Қос шаһар кубогына» ие болу үшін онлайн жекпе-жекте бір-бірімен ойнайды. Алматы мен Астанада екінші орын алған қатысушылар турнирдің күміс және қола жүлдегерлерін анықтайды.

Ұйымдастырушылардың айтуынша, турнирдің жалпы қоры 1 млн теңгені құрайды. 1-орынға 500 000 тг, 2-орынға...

Мәдениет және ақпарат министрлігі елдегі танымал әлеуметтік желілерді бұғаттамайтынын мәлімдеді. Бұл жайлы министрліктің KursivMedia редакциясына берген жауабында айтылған.

Балалар арасындағы суицидтің көбейіп кетуіне байланысты депутаттар елдегі әлеуметтік желілерді бұғаттауды сұраған. Министрлік бұл мәселені әлеуметтік платформалармен бірлесе жұмыс жүргізе отырып, шешуді көздеп отыр.

«Қазақстанда әлеуметтік желілерге кіруді толығымен шектеу мәселесі қарастырылып жатқан жоқ. Себебі министрлік онлайн-платформалар әкімшілігімен бірлесіп, кәмелетке толмағандардың өміріне, денсаулығына және қауіпсіздігіне қауіп төндіретін заңсыз контентті шектеу шараларын қазірдің өзінде қолға алып жатыр. Платформалар осы мәселелерді шешу үшін сындарлы диалогқа дайын»,  – делінген министрлік жауабында.

Министрлік жауабында Telegram, TikTok және Meta платформаларыны...

Қазақстанда 2030 жылға дейін сутегі энергетикасын дамыту тұжырымдамасы бекітілді. Энергетика министрі Алмасадам Сәтқалиев бекіткен құжатта алдағы 5 жылда елімізде сутегі энергетикасын дамыту жоспары жазылған.

Тұжырымдаманы Энергетика, Өнеркәсіп және құрылыс, Экология және табиғи ресурстар, Ғылым және жоғары білім, Сыртқы істер министрлігі бірігіп әзірледі.

Қазіргі кезде жаңартылатын энергия көздерінен алынатын қуат үлесі – 6%. Тұжырымдамада сутегі энергетикасын дамытуда Қазақстанның әлеуеті жоғары екені жазылады.

Қазақстанда үлкен газ қоры бар. Ал газ сутегі энергетикасын дамытуда қажет негізгі шикізат бола алғанымен, газды бумен түрлендіру әдісі арқылы сутегі энергиясын алу өте қымбатқа түседі.

Сондықтан министрлік күн және жел сынды жаңартылатын энергия көздерін дамыту су...

Орталық сайлау комиссиясы бюджет жүктемесін азайту үшін саяси партияларды қаржыландыру қағидасын өзгертеді. Бұл жайлы «Ашық НҚА» порталына талқылауға шығарылған құжатта жазылған.

«Жобаның нақты мақсаты – республикалық бюджетке жүктемені азайту», – делінген құжат түсіндірмесінде.

Қолданыстағы заңнамаға сәйкес саяси партияларды қаржыландыру ең аз жалақы мөлшерімен есептелетін. Ал енді қаржыландыру көлемін АЕК-пен есептеу ұсынылып отыр.

Құжатқа сәйкес, саяси партиялардың қызметін қаржыландыруға бөлінетін бюджет қаражатының мөлшері тиісті жылға арналған республикалық бюджет туралы заңда, соңғы сайлаудың қорытындылары бойынша Парламент Мәжілісінде өкілдік ететін саяси партияларға дауыс беру кезінде берілген әрбір сайлаушы дауысы үшін ең төменгі есептік көрсеткішт...

Economic Freedom of the World жариялаған жылдық индекс бойынша, Қазақстан экономикалық бостандық жөнінен екінші санаттағы елдердің қатарында тұр. 2022 жылғы дерек бойынша, 68-орын бұйырған Қазақстан Гондурастан төмен, Монғолиядан жоғары орналасыпты. Екінші санатта Италия, Польша, Оңтүстік Африка Республикасы, Балқан түбегі елдері, Сауд Арабиясы, Мексика, Моңғолия және Оңтүстік Америкадағы бірнеше елдер бар.

БРИКС-тің іргетасы – Бразилия, Ресей, Үндістан, Қытай секілді алпауыт елдер үшінші санатқа жатқызылып отыр.  

Экономикалық еркін елдердің реті бойынша санамаласақ, Гонконг, Сингапур, Швейцария, Жаңа Зеландия, АҚШ, Дания, Ирландия Канада Австралия және Люксенбург елдері көш бастап тұр. Аталған елдерден бөлек, бұл санатқа Батыс Еуропа мен Скандинавия елдері жатқызылған.

Economic Freedom...

Қазақстан үшін шетелдік тікелей инвестициялар экономикалық өсудің маңызды драйвері, әсіресе, мұнай, газ және тау-кен өнеркәсібі сияқты салаларда. Елге инвестиция тарту және оларды тиімді пайдалану шетелдік инвесторларға төленетін кірістердің көлеміне тікелей әсер етеді. Сонымен қатар бұл елдің халықаралық беделі мен экономикалық тұрақтылығына ықпал етеді.

Жалпы шетелдік тікелей инвесторларға төленетін кірістер ел экономикасының сыртқы секторына және оның инвестициялық тартымдылығына қатысты маңызды көрсеткіш.

Нидерланд инвесторлары Қазақстанда  1,6 млрд долларға жуық табыс тапқан

Биылғы жылдың І жартыжылдығында Нидерланд 1,6 млрд, АҚШ 1,0 млрд доллар табыс тапқан. Сондай-ақ еуропалық елдер: Люксембург ($418,2 млн), Ұлыбритания ($380,6 млн), Франция ($377,1 млн) және Швейцария ($310,2 млн...

Алматы қаласындағы Құрманғазы – Байтұрсынов қиылысына жақын орналасқан, сегіз қабатты тұрғын үйде өрт шықты. Бұл туралы Алматы Төтенше жағдай департаменті хабарлады.

Қалалық ТЖД мәліметінше, өрт сегізінші қабаттағы пәтерден басталған.

“17 қазанда сағат 11:58-де Алматы қаласының ТЖД күштері мен құралдары шақырту бойынша Алмалы ауданы, Кашгарская көшесі, 69 мекенжайы бойынша жіберілді. Келген сәтте 8 қабатты тұрғын үйдің шатыры мен пәтер отқа оранғаны анықталды. ТЖД құрамынан 25 адам және 6 бірлік техника жұмыс істеп жатыр. Күштер мен құралдар күшейтіліп отыр. Қазіргі сәтте өрттің таралу қауіпі жойылды», – делінген хабарламада.

Өскемен қаласының ішкі саясат бөлімі «Халық үніне құлақ асaтын мемлекет» тұжырымдамасын насихаттайтын фильм түсіруге 5,3 млн теңгелік тендер жариялады.

Фильм 10 минуттық болып, қазақ және орыс тілдерінде дайындалуы қажет.

Фильмнің басты мақсаты – көпшілікке «Халық үніне құлaқ асатын мемлекет» тұжырымдамасы аясында жұмыс істеп жатқан институттар туралы ақпарат беру, азаматтарды белсенді диалогқа шақыру және билікпен өзара байланыс орнату. Сонымен қатар фильмде осы жүйенің жетістіктері мен прогрессі, Өскемен тұрғындарының пікірлері көрсетілуі керек.

Айта кетейік, «Халық үніне құлақ асатын мемлекет» идеясы Қазақстан президенті 2019 жылғы Жолдауында алғаш рет айтылған болатын. Бұл тұжырымдама Үкімет пен қоғам арасында ашық және айқын байланыс орнатуды...