Жаңалықтар

Алтын өндірушілер алтын құймаларының бағасы бір жыл ішінде 10%-ға қымбаттап, рекордтық көрсеткіштерге көтеріледі деп болжайды. Бұл жайлы Вloomberg жазды.

Алтын өндірушілер бағалы металдар өнеркәсібі саласына зерттеу жүргізген. Зерттеуде алтын бағасы келесі жылы рекордтық деңгейге көтерілетіні айтылған.

Майамиде өткен Лондон құймалар нарығы қауымдастығының жиынында сала мамандары келесі жылдың қазан айының соңына қарай алтын бағасы бір унция үшін 2,917,40 долларға дейін көтерілетінін айтқан. Бұл қазіргі көрсеткіштен шамамен 10%-ға жоғары.

Болжам конференцияға қатысқан сарапшылар арасында жүргізілген сауалнама нәтижесінде құрылған. Сонымен бірге зерттеу барысында сала трейдерлерінің, мұнай өңдеушілер мен тау-кен компанияларының болжамдары да негізге алынған.

сонывмен бірге зерттеуде алдағы...

15 қазан күні Алматының орталық стадионында Қазақстан мен Шотландияның жастар құрамалары Еуропа чемпионатына іріктеу аясында кездесті. Бұл тартысты ойын 3:2 есебімен Қазақстанның жеңісімен аяқталды деп хабарлайды Қазақстан футбол федерациясы.

Федерацияның мәліметінше, Қазақстан құрамасына Айбар Абдулла (30-минутта), Әділбек Жұмаханов (66-минутта) және Ян Труфанов (74-минутта) гол соқты. Жанкүйерлер үшін ерекше сәттерге толы ойын Қазақстан құрамасына маңызды 3 ұпай сыйлады.

Соған қарамастан Қазақстан құрамасы өз тобында бесінші орында тұр. Топ көшбасшысы Испания құрамасы 28 ұпаймен алда келеді.

Алдыңғы ойында, Қазақстан жастары Испаниядан 4:3 есебімен жеңілген еді.

Қашаған мұнай-газ кен орнының операторы North Caspian Operating Company (NCOC) консорциумы QazaqGaz ұлттық газ компаниясының жаңа газ өңдеу нысандары салынып, нәтижесінде мұнай өндірісі артады деген болжамын жоққа шығарды. Инвесторлар QazaqGaz жоспардан артта қалып келе жатқан өз жобаларына назар аударуы керек деп санайды. Бұл туралы S&P Global жазады.

QazaqGaz бас директоры Санжар Жаркешов Қашағанды кеңейту жобасына сәйкес, мұнай өндіру көлемін тәулігіне 25 мың баррельге өсіруге мүмкіндік барын айтқан. Қашаған – Қара теңіздегі Новороссийск портынан экспортталатын CPC Blend мұнайын ірі жеткізуші. CPC Blend қазіргі кезде Brent мұнайына жақын бағада сатылып жатыр.

QazaqGaz газ өңдеу қуаттылығын арттыру жобасына қатысып, қуаттылығы...

ЕуроОдақ Иран әуе компанияларына санкция салған соң, Тегеран Еуропаға ұшатын бүкіл рейстерін тоқтатты. Бұл туралы Иран әуе тасымалдаушылары қауымдастығының директоры Мақсуд Асади Самани мәлімдеді.

«Еуропаға біздің елден Iran Air компаниясының ғана ұшақтары ұшатын. Енді ЕуроОдақтың Iran Air-ге салған санкцияларын ескере отырып, бұдан кейін бірде-бір Иран ұшағы Еуропаға ұшпайды», – деді Мақсуд Асади

Самани Иран әуе компанияларының Еуропаға ұшатын рейстері үлкен сұранысқа ие болғанын, бірақ енді рейстердің Түркия немесе БАӘ -дегі транзит арқылы ұшатынын айтты.

Euronews агенттігінің хабарлауынша, жаңа шектеу белгілі бола салып, бірнеше сағат өткен соң Иран әуе компаниясы жолаушыларға Еуропаға бүкіл...

16 қазан күні Қазақстанның 5 қаласында ауа сапасы нашарлайды. Бұл туралы «Қазгидромет» мамандары хабарлайды.

Петропавл, Павлодар, Өскемен, Ақтөбе және түнде Атырау қалаларында қолайсыз метеорологиялық жағдай салдарына ауа сапасы төмендейді.

Ауа райына келсек, Петропавл, Павлодар қаласында көшпелі бұлт шыққанымен, жауын-шашынсыз. Түнде және таңертең тұман түседі. Батыстан, оңтүстік-батыстан жел соғады, күші 2-7 м/с. Ауа температурасы түнде 5-7 градус аяз, күндіз 5-7 градус жылы.

Бұл күнгі метеорологиялық жағдай қала атмосферасында ластаушы заттардың жиналуына ықпал етеді.

«Қазгидромет» болжамына сәйкес, Қазақстанның басым бөлігінде жауын-шашын мен қар жауады.Орталық облыстарда қарлы боран, шығыс пен оңтүстік, республиканың оңтүстік-шығысындағы таулы аудандарда көктайғақ болжанады. Синоптиктер ел...

Қазақстан импортындағы Ресей Федерациясының үлесі – 29,5%. Жыл басынан бері сегіз айда құны 111,2 млрд доллар тауар тасымалдаған. Өткен жылдағы кезеңмен салыстырғанда Ресейден келетін тауар көлемі 2,3%-ға артық.

РФ жіберетін мына тауар топтары импорттың 85%-ын құрайды:

Data Hub сегіз айлық көрсеткіш бойынша 3-4 жылда Ресей импорты айтарлықтай өскенін көрсеткен. Мәселен, 2021 жылғы есеппен салыстырғанда...

2024 жылдың 15 қазанында «Freedom Bank Kazakhstan» АҚ Тәжікстандағы банктік қызметке лицензия алды. Бұл туралы Freedom Holding Corp бас директоры Тимур Турлов мәлімдеді.

«Бүгін еншілес банк Freedom Kazakhstan Тәжікстандағы банктік қызметке лицензия алды! @aidos_zhumagulov_b (Айдос Жұмағұлов, Freedom Bank директорлар кеңесінің мүшесі – ред. ескертпесі) және оның бүкіл ұжымын құттықтаймыз!», – деп жазды Тимур Турлов Instagram парақшасында.

Freedom Bank-тің Тәжікстанда еншілес банк ашу туралы жоспары 2024 жылдың қаңтарында белгілі болды. 12 сәуірде Қаржы нарығын реттеу және дамыту агенттігі Тәжікстанда жабық акционерлік қоғамның еншілес ұйымын құруға рұқсат берді.

Freedom Bank директорлар кеңесінің мүшесі Айдос Жұмағұлов тамыз айында...

Қырғызстанда бейіт айналасын таспен, мәрмәрмен, металмен қоршауға, мазар тұрғызуға тыйым салынды. Бұдан былай қорымда ағаш қоршау орнатуға рұқсат беріледі. Оның өзінде 70 сантиметрден аспауға тиіс.

14 қазан күні Қырғызстан Президенті Садыр Жапаров «Қырғыз Республикасының «Жерлеу және жаназа ісі туралы» заңын іске асыру жөніндегі шаралар туралы» Жарлыққа қол қойды.

Мұсылмандар жерленетін зиратта тастан, граниттен, мәрмәрден, металдан ескерткіш, мүсін, құлпытас қоюға және қоршаулар орнатуға тыйым салынады. Аталған заңның 22-бабына сәйкес тарихи-мәдени маңызы бар жерлеу рәсіміне бұл тыйымның қатысы жоқ.

Қырғызстан Мүфтияты бастамасымен осыған байланысты пәтуа да шығарылады.

«Сонымен қатар қазіргі қырғыз қоғамында марқұмадарды жерлеген кезде даңғазаға жол беру...

Пәкістанның Исламабад қаласында Шанхай ынтымақтастық ұйымына мүше мемлекеттердің үкімет басшылары кеңесінің отырысы өтті. Премьер-Министр Шахбаз Шариф пен Қазақстан үкіметінің басшысы Олжас Бектенов экономика саласындағы байланысты нығайту мәселесін талқылады.

2024 жылдың қыркүйегіне дейін Пәкстанға ауыл шаруашылығы тауары экспортын екі есе көбейтті. Республика негізінен дәнді-дақылдар мен көкөністерді тасымалдайды. Алдағы уақытта 2 млн тонна дәнді-дақыл жеткізбек.  

Сегіз айда екі елдің тауар айналымы 16%-ға артты. Импорт пен экспорт  көлемі 40 млн доллар шамасында.

«Қазақстан Пәкістан нарығына жалпы құны 490 млн доллардан асатын 85 тауар түрі бойынша жеткізу көлемін арттыруға, оның ішінде жеткізілетін мұнай-химия, металлургия, химия, фармацевтика салаларының, сондай-ақ тамақ өнеркәсіб...

2029 жылға дейін мемлекеттік қызмет толық цифрландырылады. Сол кезде рейтингісі төмен шенеуніктердің жалақысы да кемиді. 2025 жылдан бастап мемқызметкерлер жұмысына онлайн баға беріліп отырады.

ҚР Жоғарғы аудит палатасы жанындағы Тиімділікті талдау және бағалау ғылыми-зерттеу орталығының ғылыми жобалар жетекшісі Бауыржан Боқаевтың айтуынша, қазіргі кезде мемлекеттік аппарат жұмысын толық цифрландыру бағытында зерттеу жүргізілуде. Аталған орталықтың ұйымдастыруымен дөңгелек үстелде мемлекеттік қызметкерлер, ұлттық және халықаралық сарапшылар, үкіметтік емес ұйым мүшелері мемлекеттік жүйені жетілдіру жайын талқылады.

«Басты тақырып қоғам сұранысына тиімді жауап беретін мобильді мемлекеттік басқару жүйесін құруға бағытталған мемлекеттік қызметтің жаңа моделін құру жайында болды. Модель мемлекеттік аппараттың ашықтығы мен...

Bloomberg Ресейдің бюджетті толықтыру мақсатымен рубльді әлсіретуді қарастырып жатқанын хабарлады. Бұл шындыққа айналса, рубль өзімен бірге теңгені де ілестіріп кетуі ғажап емес.

Ұлттық Банктің төрағасы Тимур Сүлейменов 11 қазандағы мәлімдемесінде бұл жайында ашып айтқан болатын. Ол Қазақстанның негізгі екі сауда серіктесінің бірі – Ресейде инфляция қарқынын сырттан келетін қауіп-қатердің бірі деп атады.

Рубльдің әлсіреуінің теңгеге әсері күшті екені анық. Қазақстан Ресей импортына барынша тәуелді. Импортпен бірге инфлияция да табалдырықтан аттауы ғажап емес.

Бір жағынан алғанда, Bloomberg жаңалық ашып жатқан жоқ. Ресейдің ғылым академиясының Халық шаруашылығы болжамы институты сәуір айында жарық көрген баяндамасында алғаш рет түйткіл туралы айтқан еді. Онда «90-шы...

Қазақстанның туризм және спорт министрлігі футболдан ұлттық құраманың бас бапкері Станислав Черчесовтің мемлекеттік тілге қатысты әзіліне жауап берді. Министрлік тиісті талап хатты федерацияға жолдаған.

Әлеуметтік желіде Черчесовке қазақ тілінде сұрақ қойған азаматқа бас бапкер: «Сен французша сөйлеп тұрсың ба?», – деп сөзін бөлген.

Министрлік осы бейнежазбаға байланысты федерацияға хат жолдап, Черчесовке мемлекеттік тілдің маңызын түсіндіруді талап еткен. 

«Хатта мемлекеттік тілдің мәртебесі Қазақстан Республикасының Конституциясы мен «Тіл туралы» Заңына сәйкес жоғары тұратыны және оған барлық азаматтың құрмет көрсетуі керек екені айтылған», – делінген министрлік хабарламасында.

Министрлік бұл талапты барлық федерацияға қоятынын атап өтіп, елдегі ұлтты...

«Хуторлық Хасанға» қатысы бар деген ақпарат тарағаннан кейін, Алматы облысы Талғар ауданы әкімдігінің аппарат басшысы Аслан Қасымбаев қызметінен босатылды. Бұл туралы Талғар ауданы әкімдігі хабарлады.

Бұдан бөлек, аудан әкімі Танат Айдарбеков пен орынбасары Айбек Бидаевқа «сөгіс» жарияланған.

Айта кетейік, осыған дейін Талғардағы 16 жасар Шерзат Болаттың өлімінен кейін, аудандағы «Хуторлық Хасан» деген атпен танымал Хасан Қасымбаевқа қатысты қауесет әңгімелер таралып, оның аудан әкімі аппаратының басшысы Аслан Қасымбаевтың бауыры деген ақпарат болған. KursivMedia тілшісі осы ақпаратқа байланысты аудан әкімінің орынбасары Айбек Бидаевтан сұраған. Ол ақпаратты растамады, бірақ жоққа да шығармаған.

Қасымбаев 1982 жылы Алматы облысында дүниеге келген, Орталық Азия университетін...

Hyundai Motor India компаниясының алдағы IPO-сына инвесторлар қызығушылығы басылып қалды. Әйтпесе, аталған IPO ел тарихындағы ең ірі оқиға болуы керек еді.

Hyundai Motor-дың Үндістандағы бөлімшесінің акциялары осы аптада бейресми нарықта тек 60 рупийге ғана қымбаттады, ал бастапқы баға 1960 рупий (23,3 доллар) болды. Екі апта бұрынғы бағасы 1000 рупий еді.

Бейресми нарықта инвесторлар биржаға шыққанға дейін акциялармен алдын ала келісімдер жасайды. Hyundai Motor India-ның IPO-дағы жағдайы Life Insurance Corp. of India-ның 2022 жылғы 2,7 млрд долларлық IPO-сымен ұқсас. Life Insurance акциялары биржада дебют алдында арзандап, кейін бірінші күні-ақ құлдыраған болатын.

IPO бойынша трейдер Горав Тхакер бастапқы эйфорияның жоғалғанын және Таяу...

Елдегі жедел жәрдем көліктерінің 60%-ға жуығы тозған. Бұл жайлы Қазақстан Парламенті Мәжілісінің Әлеуметтік-мәдени даму комитетінің жиынында комитет төрағасы Асхат Аймағамбетов айтты.

Норматив бойынша 10 мың халыққа бір бригада болуы керек. Ал статистикаға сәйкес, елде 379 жедел жәрдем бригадасы жетпейді. Бұл – 3,8 млн халық жедел жәрдем көрсету қызметімен қамтылмаған дегенді білдіреді.

«Елдегі жедел жәрдемнің өзіне жедел жәрдем керек. Неге десеңіз, бұл мәселеге қатысты жағдай өте қиын. Санитарлық көліктердің тозуы 59%-ға жуық. Мұндай көрсеткішпен елдегі жедел жәрдем қызметі қалай жұмыс істеп жатыр деген сұрақ туындайды», – деді депутат.

Комитет төрағасы жедел жәрдем көліктерін...

Мектеп оқушыларының күзгі каникулға шығуына санаулы күн қалды. Оқу-ағарту министрлігінің дерегінше, балалар бірінші тоқсанды аяқтап, 28 қазаннан 3 қарашаға дейін демалысқа шығады. Демек, каникул уақыты – толық жеті күн.  

Министрлік балалардың демалысына қатысты ұсыным беріп отыр. «Біртұтас тәрбие» бағдарламасы шеңберінде бірқатар шаралардың жоспарын алға тартты. Ондағы мақсат – балалардың каникул кезіндегі бос уақытын тиімді жұмсау. Сонымен қатар, жеке тұлғасының қасиеттерін дамыта түсу.

Жоспарда сан алуан тақырып бар. Мәселен, отансүйгіштік, турашылдық және жауапкершілік сынды адами құндылықтарға баса мән берілген. Мектеп ішінде демалыс кезінде кітап оқуға үгіттеу шарасы, қауіпсіздік дәрістері, өнер және жәрмеңке ұйымдастырылмақ.

Әрине, басты міндет – қауіпсіздікке баса назар...

«Қазатомөнеркәсіп» Қытайға ірі көлемде уран жеткізуге келісім жасады. Ұлттық компания Қытайдың CNNC Overseas және CNUC компанияларын U3O8 уран оксидімен қамтамасыз етпек.

Әңгіме CNNC Overseas Limited және China National Uranium Corporation Limited компанияларына нарықтық талаптар бойынша табиғи уран концентраттарын жеткізу туралы болып отыр.

Бұған орай 2024 жылдың 18 қазанында компания акционерлерінің кезектен тыс жалпы жиналысы өтпек. Акционерлер онда дайындалып жатқан мәмілені қарастырмақ. Қазақстан заңнамасы бойынша, бұл – маңызды рәсім. Өйткені осы мәміленің құны, CNNC Overseas және CNUC алдындағы «Қазатомөнеркәсіп» қарызымен қоса алғанда, ұлттық компания активтерінің теңгерімдік құнының жартысынан асады.

Бұл екі компания Қытайдың әскери және азаматтық ядролық бағдарламаларын бақылайтын China National...

«Астана Моторс» құрамындағы HAVAL ресми дистрибьюторы жаңа H5 және H9 жол талғамайтын көліктерінің жаңа буынын ұсынды. Бұл екі модель Қытай нарығын бағындырып, енді Қазақстан нарығында үлкен сұранысқа ие.

Havаl H9 — жеті орындық, жол талғамайтын көлігі 218 ат күші бар 2 литрлік турбо-бензинді қозғалтқышпен жабдықталған.

Салонның дизайны мен функционалдығы жоғары деңгейде, мультимедиялық экран мен физикалық батырмалары HAVAL H9 көлігінің стилін ерекшелендіріп көрсетеді. Жүргізушіге ыңғайлы басқару жүйесі, 6 қауіпсіздік жастығы, 360° шолу камералары, панорамалық төбе, үш аймақты климаттық бақылау — барлығы қауіпсіздік пен жайлылықты қамтамасыз етеді.

Havаl H5 — қуатты және кең рамалық жол талғамайтын көлік. 200 ат күш...

Алматы қаласында «Наурыз» ипотекалық бағдарламасы бойынша тұрғын үй сертификаттарына өтінім қабылдау басталды. Бұл туралы қала әкімдігі хабарлады.

Әкімдік бөлген қаражат белгіленген талаптарға сәйкес келетін азаматтарға бастапқы жарнаның бір бөлігін жабуға бағытталады. Әр сертификаттың номиналы 1,5 миллион теңгеге дейін және қайтарымсыз әрі тегін беріледі.

Әкімдіктің мәліметінше, тұрғын үй сертификаттарын алушылар келесі санаттағы азаматтарды қамтиды:

1. 1 және 2 топтағы мүгедектер
2. Мүгедек балалары бар отбасылар.
3. Ата-анасының қамқорлығынсыз қалған жетім балалар.
4. Көпбалалы отбасылар.

Сонымен қатар тұрғын үй сертификатын алу үшін өтініш берушілердің отбасының орташа табысы бір отбасы мүшесіне 3,1 ең төменгі күнкөріс деңгейінен аспауы керек (қазіргі уақытта бұл 134 561,7 теңге...

Атом электр станциясының құрылысына мемлекет қазынасынан қаржы бөлінбейді. Үкімет ірі халықаралық қаржы консорциумдарынан қарыз тартуды жоспарлап отыр. Ұлттық экономика министрі Нұрлан Байбазаров осы мақсатта жобалық қаржыландыруға жүгінгелі отырғанын жеткізді.

«Атом электр станциясын салу – Қазақстандағы ең ірі инвестициялық жоба. Бұл жұмысқа енді ғана кірісіп жатырмыз. Қазір жобаны жобалық қаржыландыру тәсілін қарастырып жатырмыз. Ол жердегі мемлекеттің қатысы белгілі бір экономикалық жағдай жасау болады», – деді Байбазаров.

Министр АЭС құрылысы – коммерциялық жоба болатынын, өзін-өзі ақтауы керек екенін айтты. Жобалық қаржыландыру деген – болашақ жоба түсімінен төленетін несие есебіне қаржыландыру әдісі. Егер АЭС салынса, кредиторлар жобаны...

Кореялық автокөлік өндіруші салондағы жылдамдықты басқа да ақпартты көрсететін экрандармен жабдықталған аспаптар тақталарынан бас тартып жатыр. Оларды алдыңғы әйнекке орнатылатын үлкен голограммалар алмастырады.

Hyundai немістің Zeiss линза және оптика өндірушісімен бірлесіп, болашақ көліктерге арналған голографиялық дисплей технологиясын ұсынды. Бұл дисплейлер Hyundai Mobis зауытында, Оңтүстік Кореяның Кенгидо провинциясында өндіріледі.

Алдыңғы әйнектегі голограммалар басқа автокөліктерде де кездеседі. Мысалы, осындай шағын экрандар «Мерседес» S-класс көліктерінде де бар. Алайда Hyundai бүкіл аспаптар тақтасын толығымен голограммамен алмастыратын алғашқы компания болады. Яғни мұндай көліктің салонында ешқандай дәстүрлі экрандар болмайды.

Барлық ақпарат, соның ішінде жылдамдық, таксометр, жанармай деңгейі, навигатор, қозғалыс режимдері, дөңгелектердің қысымы және басқа...

Ұлттық қордан трансферттер көлемін азайту тек 2-3 жылдан кейін қарастырылады. Бұл жайлы Үкімет сағатынан кейін өткен брифингте Ұлттық экономика және Қаржы министрлері айтты.

Журналистер жыл басынан бері мұнай өндірісінің көлемі 0,3%-ға төмендегенін, алдағы жылдарда «Ұлттық қорға мұнай өндірісінен түсетін қаражат азайып кетуі мүмкін бе?» деп сұрады.

Ұлттық экономика министрі Нұрлан Байбазаров мұнай өндіру көлемі осы жылы белгілі бір шектеулерге байланысты азайғанын, бірақ алдағы жылдары өндіріс төмендемейтінін жеткізді. Ал осы жылғы мұнай өндіру көлеміне ОПЕК+ шектеулері,су тасқыны мен мұнай кен орындарында жүргізілген жоспарлы жөндеу жұмыстары әсер еткен.

Министрлік басшысы 9 айда 4%-дық көрсеткішке басқа секторлардың көмегімен жеткенін, егер...

Алматы облысы прокуроры Берік Адамов жәбірленуші тараптың ашық сот өткізу туралы талабына қолдау білдіретінін айтты.

«Жәбірленуші тарап жағынан ашық сот процесін өткізу туралы көп әңгіме айтылып жатыр. Прокуратура сот процесін ашық, онлайн режимде өткізуге өтініш беретін болады», – деді прокурор.

Берік Адамовпен бірге, Ішкі істер министрінің бірінші орынбасары Бауыржан Аленов Талғардағы 16 жасар Шерзат Болаттың өліміне қатысты қылмыстық істің тергеу барысы туралы айтып берді.

Тергеу департаментінің бастығының орынбасары Самат Айызов «Қамажай» дүкеніндегі үш камерадағы бейнежазбаны көрсетіп, оқиғаның қалай өрбігенін көрсетті. Бейнежазбада қайғылы оқиға болған күні Шерзаттың әкесі дүкенде сатушы болып тұрған. Күдіктілердің бірі келіп, ек...

Алматы облысы Талғар ауданындағы кісі қолынан қайтыс болған Шерзат Болаттың ісіне байланысты күдіктілер саны артты. Енді 7 адам емес, 10 азамат күдікке ілінген. Бұл туралы Қонаев қаласындағы баспасөз мәслихатында Алматы облысының прокуроры Берік Адамов айтты.

Берік Адамовтың сөзінше, қазір 10 адам күдікті ретінде, тағы 2 адам куәгер ретінде қаралып жатыр. Күдікке ілінген 10 адамның үстінен екі бап бойынша қылмыстық іс қозғалған: «Адам өлтіру» фактісі және «Бұзақылық» фактісі.

Тергеу департаменті бастығының орынбасары Самат Айысовтың айтуынша, күдікке ілінген азаматтар арасында бұрын істі болғандар бар. Айысов олардың «Бұзақылық» бойыншы істі болғанын атап өтті.

Ішкі істер министрінің бірінші орынбасары Бауыржан Әленов күдіктілердің қатарында пробациялы...