Жаңалықтар

Түркияның оппозициялық Халықтық-республикалық партиясы (ХРП) қамауға алынған Ыстанбұл мэрі Экрем Имамоғлуды ресми түрде президенттікке ұсынды. Партия ішіндегі праймеризге 15 миллион түрік азаматы қатысып, 13,2 миллион сайлаушы Имамоғлуды қолдап дауыс берді. Ол жалғыз үміткер болды.

ХРП төрағасы Өзгүр Өзел Түркияның қазіргі президенті Режеп Тайып Ердоғанды кезектен тыс президенттік сайлау өткізуге және сол сайлауда Экрем Имамоғлумен бәсекеге түсуге шақырды.

Ыстанбұлдағы жаппай наразылықтар

Ондаған мың оппозиция жақтастары Ыстанбұл мэриясының алдында жиналып, Ердоғанның саяси қарсыласына қатысты қозғалған істі саяси қудалау деп есептейтіндерін білдіріп, наразылыққа шықты. Associated Press агенттігінің хабарлауынша, митинг барысында Өзгүр Өзел: «Имамоғлу бір жағынан түрмеде отыр, ал екінші жағынан президенттікке жол...

Наурыз мейрамының соңғы демалыс күндерінде елде қолайсыз ауа райы болады. Оңтүстік өңірлерде күн күркіреп, қатты жаңбыр жауады, ал тау бөктерінде су тасқыны қаупі бар. Солтүстік және шығыс аймақтарда боран, көктайғақ және жел екпіні 28 м/с-қа дейін жетуі мүмкін. Бұл туралы «Қазгидромет» хабарлады.

Мегаполистердегі ауа райы

Астана: 24-25 наурыз күндері ауа райы құбылмалы болады. Кей уақыттарда қар жауып, бұрқасын мен көктайғақ болуы мүмкін. Түнде -6…-13°C, күндіз -3…+2°C-қа жетеді. Солтүстік-батыстан соққан желдің жылдамдығы кей күндері 20 м/с-қа дейін күшейеді.

Алматы: жаңбыр мен қар жауып, тұман түсуі ықтимал. Түнде 0…+9°C, күндіз +3…+15°C. Найзағай кезінде жел екпіні 20 м/с-қа дейін күшею...

Робототехника қарыштап дамып жатыр. Өмірдің барлық дерлік саласына еніп кеткен десек, артық емес. Өндірістен бастап, медицинаға дейін қазір жасанды интеллект арқылы көп мәселесін шешіп жатыр. Нақтылық, автоматизация жағынан мұның оң тұсы өте көп. Әйтсе де, осы орайда көп мәселенің басы қылтиятыны да жасырын емес. Кейбірі этикаға қатысты проблеманы көтерсе, енді бірі қауіпсіздік ақсап, жұмыссыздық жайлауы мүмкін деп дабыл қағады. Олай болса, заманауи робототехникамен бетпе-бет келіп жатқан мәселелерге тоқталайық.

1. Жаппай автоматтандырудың адамдарға кері әсері бар

Жасанды интеллектіге қатысты ең үлкен қауіп қандай десе, ойланбастан «адамдардың орнын басып, жұмыссыз қалдыруы мүмкін» деп жауап беретін боларсыз. Расында қазірдің өзінде автоматтандырылған...

Қарбалас жұмыс аптасынан шаршағанда, аз ғана дамылдап, қиялымызда таңғажайып саяхатқа шығып, бүкіл әлемді шарлап кеткіміз келеді. Осындай күйді сағынсаңыз, демалыс күндері көруге саяхат жайлы фильмдер топтамасын ұсынамыз. Бұл фильмдерден кейін әлемде үнемі жақсылық пен мейірім үстемдік құрады деген балалық сеніміңіз қайта оянып, тез арада саяхатқа шығуға құлшынысыңыз оянады. Ал саяхатшы кейіпкерлердің ерекше хикаялары көзіңізге жас үйіріп, жүрегіңізді елжіретері сөзсіз.

Big Miracle, 2012

Үлкен ғажайып

Все любят китов

Бұл — 1988 жылы болған шынайы оқиға негізінде түсірілген фильм. Аляскадағы Пойнт-Барроу деп аталатын шағын қалашықта жұмыс істейтін журналист Адам Карлсон қалың мұздан ашық мұхитқа шыға алмай, тұзаққа түскен киттерді көред...

Оңтүстік Корея билігі елдің оңтүстігі мен оңтүстік шығысында орман өртеніп, салдарынан төрт адам құтқарушы қаза тауып, жүздеген адам үйлерін тастап кетуге мәжбүр болғаннан кейін, төтенше жағдай жариялады. Бұл туралы Bloomberg басылымы хабарлады.

Өрт сөндірушілер жұма 21 наурыздан бастап, оңтүстіктегі Санчхон округінде басталған өртпен күресіп жатыр. Бұл өрт Оңтүстік Кореяның оңтүстігіндегі үш түрлі аймаққа тараған. 22 наурыз кешке Санчхондағы өрттің 25%-ы ауыздықталған. Салдарынан Санчхонның 260-қа жуық тұрғыны эвакуацияланған. Бұдан бөлек, оңтүстік-шығыстағы Ульсан қаласы мен оған жақын орналасқан Кёнсан провинциясының 620-ға жуық тұрғыны қауіпсіз жерге көшірілген.

Еске сала кетсек, Kursiv.Media басылымы осыған дейін Оңтүстік Кореяда өрт болып, салдарынан 4 құтқарушыны...

Көлік қауіпсіздігі – сатып алушылар үшін ең маңызды факторлардың бірі. АҚШ-тың Жол қауіпсіздігі сақтандыру институты (IIHS) 2025 жылдың ең сенімді көліктерін анықтап, оларға Top Safety Pick және Top Safety Pick+ марапаттарын тағайындады.

Бұл рейтингтер автокөліктердің апаттық сынақтардағы көрсеткіштеріне негізделген. Осы ретте Kursiv.Мedia тілшісі 2025 жылдың ең қауіпсіз көліктерін, IIHS-тің 2025 жылғы жаңа краш-тест нәтижелерін талдады.

IIHS марапаттары нені білдіреді?

IIHS жыл сайын әртүрлі санаттағы ондаған көлікті сынақтан өткізіп, олардың жүргізуші, жолаушылар және жаяу жүргіншілерге қаншалықты қауіпсіз екенін анықтайды. 2025 жылы Top Safety Pick+ марапатына ие болу үшін көлік мынадай талаптарға сай болуы керек:

Башқұрттың Ay Yola музыкалық тобы жазған Homay әні тез танымл бола бастады.

Ay Yola тобы өз репертуарындағы әндерді этникалық музыкамен әрлеп, ескі мен заманауи аспаптардың дыбысын үйлестіреді. Дәл осы ерекшелік аталмыш әннің Башқұртстаннан тыс жерлерде танымал болуына жол ашқан.

Топтың бұл әні әлеуметтік желіде небәрі бір тәулік ішінде танымал болып, «вирусты трекке» айналып үлгерді. Әлеуметтік желі қолданушылар тректі жоғары бағалаған. Әсіресе, түркі тілдес елдер арасында бұл туындыны ұнатқандар көп.

Әлеуметтік желі пайдаланушылары «Түркілер, алға!», «Башқұрт халқы, алға!» «Керемет, Башқұртстанға барғым келеді», «Әнді көтеріп, хит қылайық, қазағым», «Бұл топты Алматыға концертке шақырайық!» деген сынды пікірлер көбейді.

Күн жылып, кейінгі жылдары көп ұйымдастрыла бастаған фесттер маусымы қайта басталды. Осы аптада еліміздің әр өңірінде осындай музыкалық фестивальдер өткелі тұр. Жекелеген шығармашылық кештер де жоқ емес. Kursiv. Мedia аптадағы ең қызық концерттер тізімін жинады.

Dizzy Nauryz Fest 

Алматы қаласы

24 наурыз

Фестивальдер маусымының шымылдығын Әз Наурыз мейрамының құрметіне орай ұйымдастырылып отырған Dizzy Nauryz Fest музыкалық фестивалі ашқалы тұр. 24 наурыз күні алматылықтар Наурыз тойын тойлауды жалғастырса болады.

24 наурызда Event Space Forum-да Наурыз мерекесіне арналған музыкалық фестиваль өтеді. Dizzy Nauryz Day – бұл көктем мезгілін жан тербейтін музыка мен қуатты атмосферамен қарсы алуға мүмкіндік беретін әрі Алматыны...

Қазақстан Республикасының Ыстанбұл қаласындағы Бас консулдығы Түркияда тұратын қазақстандықтарға үндеу жариялады.

Консулдық қалыптасқан жағдайға байланысты халық көп жиналатын орындарға бармауға, шерулер мен митингілерге қатысудан бас тартуға, күшейтілген қауіпсіздік шараларын сақтауға шақырды.

Сонымен қатар қырағылық пен сақтық танытып, жаңалықтарды қадағалап отыруға, биліктің нұсқаулықтарын орындауға үндеді. Қазақстан азаматтары Түркиядағы дипломатиялық өкілдіктерімен байланыста болуы керек.

«Әеуметтік желілерде демонстрациялар (митингтер) туралы ақпаратты және ағымдағы оқиғаларға қатысты жеке бағалар мен пікірлерді таратудан бас тартуға аса назар аударамыз», – делінген консулдық хабарламасында.

Қазақстанның Түркиядағы шетелдік өкілдіктерінің жедел желі телефондары:

23 наурыз, жексенбі күні, Израильдің әуе шабуылы кезінде Газаның оңтүстігінде ХАМАС ұйымының саяси жетекшісі Салах әл-Бардавил қаза тапты. Бұл туралы Reuters басылымы хабарлады.

Газаның Хан Юнис ауданына жасалған әуе шабуылы кезінде Салах әл-Бардавил әйелімен бірге қаза тапқаны айтылады.

Бір жарым жылдан астам уақытқа созылған соғыс 2 ай тыныштықтан кейін қайта жалғасты. Израиль атысты тоқтату келісімнен бас тартып, Газа аумағына тағы да әскери операциялар бастады.

23 наурызда әуеден жүргізілген шабуыл кезінде Рафах пен Хан Юниске жасалған соққылардан кем дегенде 18 бейбіт тұрғынның қаза тапқаны айтылады. Ал сейсенбі күні Израильдың ауқымды әуе шабуылы кезінде қауіпсіз орындарға кетіп үлгермеген...

Түркияда ереуілдер әлі басылмады. 323 адам сенбі, 22 наурыз күні қамауға алынған. Бұл туралы DW басылымы хабарлады.

«Түркияда Ыстанбұл мэрі мен оппозиция жетекшілерінің бірі Экрем Имамоғлының тұтқындалуына қарсы наразылықтар жалғасуда. Сенбі күні тағы 323 наразылық білдіруші тұтқынға алынды. Полиция ереуілдеушілеріге қарсы су атқыштар мен көзден жас ағызатын газ қолданған», – деп хабарлайды басылым.

323 дамның тұтқындалғанын елдің Ішкі істер министрі Әли Ерликая хабарлаған. Министр Ыстанбұлдың Сарачан ауданында ереуілдеушілердің полицейлермен қақтығысып, құзырлы орган қызметкерлеріне қарсы қышқыл сұйықтықтар шашқанын мәлімдеген. Ал ереуілдеушелер өздеріне қарсы травматикалық қару қолданылғанын айтқан.

Қамауға алынған Имамоғлының өзінен полиция сенбі күн...

Құтқарушылар Алматы облысының тауларында адасып кеткен бес балықшыны тапты. Бұл туралы Төтенше жағдайлар министрлігінің баспасөз қызметі хабарлады.

ТЖМ мәліметінше 22 наурыз күні кешке Алматы облысының Төтенше жағдайлар департаментінің пультіне 5 адамның жоғалып кеткен туралы ақпарат келіп түскен.

22 наурыз күні таңертең ерте бес адам Ұзын-Қарғалы өзенінің бойындағы Қарғалы ауылының тауларына балық аулауға барған. Таңертең кеткен олар кешке дейін оралмаған.

Тек бір адам өздігінен таудан түсіп, қалған төрт адам – бір ересек және үш жасөспірімнің қайда екендігі белгісіз болған.

«3 бірлік техника, 2 ұқышсыз ұшу аппараты, 2 кинологиялық есеп және 2 спутниктік телефон арқылы...

Оңтүстік Кореяда орман өрті тоқтамай жатыр. Yonhap басылымының хабарлауынша, жойқын өрт салдарынан адам қаза тапқан.

«Елдің Оңтүстік-Шығыс аймақтарындағы орман өртінің зардабы жойқын. Қатты жел салдарынан өрт күшейіп, кемінде төрт адам қайтыс болды, алты адам жарақат алды, шамамен 1500 адам эвакуацияланды», – деп хабарлайды агенттік елдің апаттарға қарсы күрес органдарына сілтеме жасап.

Қазақ тапқандар орман өртін сөндіруге барған орманшылар екені айтылады. Импичмент жарияланған президент Юн Сок Ёль орманшылардың қазасына байланысты көңіл айтқан.

«Мен орман өртімен күресу кезінде қайғылы қаза тапқан төрт өрт сөндіруші мен мемлекеттік қызметкерлердің қазасына қайғыра көңіл...

Бүгін Қазақстанда Наурызнаманың ең соңғы күні – Тазару күні атап өтіледі. Бұл күні өңірлерде аулалар мен үйлерде тазарту науқаны жүреді.

Тазару күні – жаңа өмірге қадам басуды, қыстан көктемге өтуді білдіреді. Бүгін елдің барлық аймағында экологиялық акциялар ұйымдастырылады.

Бұл күнде тұрғын үй, аулалар тазаланып, табиғатқа қамқорлықпен қараған жөн. Тазару күні азаматтарға қоршаған ортаны қорғау туралы түсінікті кең таратып, қоғамда экологиялық мәдениетті дамытуға бағытталған.

«Наурыз мерекесі ертеден табиғат тазалығын сақтауды үндейді. Мерекенің мәні – көктемнен қысқа көшу, табиғаттың жаңа өмір бастауы осының нышаны», – деп түсіндірілген әкімдікер таратқан ақпаратта.

Айта кетсек, елде Наурыз мерекес...

2025 жылғы 23 наурызға қараған түні футболдан Қазақстан құрамасы әлем чемпионаты-2026 іріктеу кезеңіндегі алғашқы кездесуін өткізеді. Біздің құрама сырт алаңда Уэльс командасымен кездеседі. Матч Кардифф қаласында өтеді және елорда уақытымен 00:45-те басталады. Ойынның тікелей көрсетілімі «Qazsport» телеарнасы көрсетеді

Қарсылас — Уэльс құрамасы

Уэльс құрамасы бұл матчқа Ұлттар лигасы турнирінен кейін алғаш рет шығайын деп отыр. Соңғы алты ойында бұл команда жеңіліс көрмеген — үш жеңіс, үш тең ойын. Осындай тұрақты нәтижелер олардың бүгінгі кездесу алдында фаворит саналатынына себеп болып отыр.

Қазақстан құрамасының дайындығы

Али Алиев жаттықтыратын Қазақстан құрамасы іріктеу кезеңі басталар алдында үш жолдастық матч...

Желілік маркетиң (MLM) – жеңіл жолмен ақша табуды ғана көздейтін, ісінен гөрі бос сөзі көп бизнес түрі. Бүгінде бұл әжептәуір индустрияға айналған. Ішінде табыс табуға расында көмектесетіндері бар. Бірақ статистикаға қарасақ, қатысушылардың 90%-дан астамы ақыры салған ақшасын ала алмай, тақырға отырады екен. Бүгінгі материалымызда MLM-компаниялар қалай жұмыс істейтінін, олардың белгілері қандай екенін, қаржы пирамидасының қармағына түсіп қалмау үшін не істеу керек екенін айтамыз.

Желілік маркетиң қалай жұмыс істейді?

Бұл модельді MLM (multilevel marketing — көпдеңгейлі маркетиң) деп атайды. Мұнда сауда бірнеше сатыдан тұрады. Әр жаңа қатысушы компанияның не өнімнің дистрибьюторына айналады да, әр сатқанынан өзіне белгілі бір пайызын...

ERG компаниялар тобы Александр Машкевичтің қайтыс болғанын растады. Компания ақпаратына сүйенсек, ол 2025 жылдың 22 наурызында өмірден өткен.

«2025 жылы наурыздың 22-і күн танымал кәсіпкер әрі қоғам қайраткері Eurasian Resources Group (ERG) негізін қалаушылардың бірі – Aлександр Антонович Машкевич 72 жасында дүниеден озғанын қайғыра хабарлаймыз», – делінген компания ақпаратында. 

Бұған қоса, оның 2014 – 2024 жылдар аралығында Eurasian Resources Group директорлары кеңесіне төрағасы әрі ұзақ жылдар бойы «Еуразиялық банк» директорлары кеңесінің төрағасы болғанын жазған.

«ERG-дің еңбек ұжымы Aлександр Антонович Машкевичтің қазасына байланысты оның отбасына қайғыра көңіл айтады», – делінген хабарламада.

Toyota компаниясы спорт көлігі ретінде 1978 жылдан бері шығып келген Supra моделін соңғы рет таныстырды. Соңғы модельді тек 300 данасы ғана шыққан.

Айта кетейік, осыған дейін 2002 жылы Toyota бұл көлік түрін шығаруды тоқтатып, кейіннен 2019жылдан бастап қайта жарық көре бастаған. 2025 жылы модельді шығару толық тоқтамақ. Көліктің соңғы түрі A90 атауымен 300 дана тиражбен шыққан.

Toyota GR Supra A90 Final edition көлігі тек Жапония мен Еуропа нарығына арналып шығады. Көліктің құны 142 800 еуро (қазіргі курспен 77 961 660 теңге) болмақ. Жаңа модельде 3,0 литрлік b58 қозғалтқыш болады. 

Қазақстандағы Еуразиялық банк пен ENRC компаниясының тең иесі Александр Машкевич қайтыс болды. Ақпаратты Kursiv.Media тілшісіне миллиардер компаниясына жақын екі бірдей дереккөз растады.

Екі жыл бұрын бұқаралық ақпарат құралдарында Машкевичтің денсаулығына қатысты ақпарат пайда болған. Nege.kz деректеріне сәйкес, 2023 жылдың сәуірінде миллиардердің миына ота жасалған. Алайда бұл ақпаратқа қатысты ERG түсініктеме беруден бас тартқан.

Машкевич деген кім?

Александр Антонович Машкевич 1954 жылы Бішкек қаласында дүниеге келген. 1990-жылдары Кеңес өкіметі ыдыраған тұста Қазақстандағы жекешелендіруді пайдаланып, металлургия саласына қаржы құйып бастаған.

1994 жылы Патох Шодиев және Алиджан Ибрагимовпен бірге Eurasian Natural Resources Corporation  (ENRC) компаниялар тобын құрған. 2005 жылы компания Лондон биржасына шығып, 2010 жылы Машкевичтің байлығы...

Алматыда 5000-нан астам адам Абай әндерін шырқап, қойылым қойып, өлеңдерін оқыды. Шара 22 наурыз күні сағат 9:00-де Абай даңғылы бойында – Абай алаңында басталды. 5000-нан астам адам Назарбаев даңғылы бойымен тізіліп тұрған.

«Олардың қатарында Байқадамов атындағы мемлекеттік хор капелласының артистері, П. Чайковский атындағы Алматы музыкалық колледжінің студенттері, Құрманғазы атындағы Қазақ ұлттық консерваториясының жас музыканттары, танымал әншілер, қала тұрғындары мен меймандары болды», – делінген Алматы әкімдігінің хабарламасында.

Сағат 10:00-де мыңдаған адам «Көзімнің қарасы» және «Желсіз түнде жарық ай» әндерін шырқады. Сағат 10:30-да «Жаңа ғасыр» театры мен «Алатау» дәстүрлі өнер театры арнайы қойылымдар көрсетті.

Астана-Қарағанды учаскесінде жеке компанияның жолаушылар пойызы өртенді. Бұл туралы «Қазақстан Темір жолы» ұлттық компаниясының баспасөз қызметі хабарлады.

«22 наурызда сағат 11.13 шамасында Астана-Қарағанды темір жолының  учаскесінде Алматыдан Қостанайға шыққан «Түрксіб Астана» жеке тасымалдау компаниясының  №44 жолаушылар пойызында өрт шыққан», – делінген хабарламада.

Ақпаратқа сүйенсек, пойыз жолаушылары мен қызметкерлері зардап шекпеген, вагон пойыздан ажыратылған.

Оқиға орнына Астана станциясынан өрт сөндіру пойызы жіберілген. Өрт теміржолшылар мен ТЖД күштерімен өшірілген.

«Оқиғаның себептері мен жағдайлары анықталуда», – делінген хабарламада.

Әлем аралаудың тағы бір ерекше форматы — фестивальдерге бару. Мұндай саяхат жергілікті халықтың мәдениетімен тереңірек танысуға, барған еліңізді ең көрнекі, мың бояулы күйінде танып-білуге, мерекелік көңіл-күй сезінуге, ең жарқын естеліктер жинап қайтуға мүмкіндік береді. Сондықтан фестивальсүйер оқырмандарымызға көктемде болатын ең жарқын шаралар легін ұсынамыз:

Сонгкран

13-15 сәуір, Таиланд

Cонгкран — тай жаңа жылы. Жылда Таиландтың ұлттық мерекесі есебінде аталатын ауқымды фестивальге миллиондаған адам қатысады. Фестивальді басқаша «су соғысы» (water battle) деп атайды. Өйткені бұл күні жергілікті халық та, туристер де жаппай көшеге шығып, бір-бірінің үстіне су шашып ойнайды. Бұл үрдіс ежелгі барлық сәтсіздіктерді өткен жылда қалдырып, жаңа жылға...

АҚШ президенті Дональд Трамп бұрынғы вице-президент Камала Харрис пен бұрынғы Мемлекеттік хатшы Хиллари Клинтонды және өзге де Демократиялық партия өкілдерін құпия ақпаратты білу құқығынан айырды деп хабарлайды Reuters.

Айта кетейік, Клинтон 2016 жылы, Харрис 2024 жылы Трамптың президенттік сайлаудағы қарсыласы болған. Екі сайлауда да Трамп жеңіске жеткен.

«Бұл азаматтарды құпия ақпараттан хабардар ету Ұлттық қауіпсіздік мүдделеріне сәйкес келмейді деп есептеймін», – делінген Трамп қол қойған меморандумда.

Reuters жазуынша, бұл шешім елдің саяси өміріне өзгеріс енгізбеуі мүмкін. Алайда Трамптың саяси қарсыластарынан кек алып жатқанының бір көрінісі бола алады.

Трамп меморандум Нью-Джерси штатының Бедминстер қаласындағы гольф...

Ұлытау облысының орталығы Жезқазған қаласындағы әкімдіктің алдындағы алаңда Наурыз мерекесіне орай сахнаны безендіріп жүрген ер азамат сахнаның биік мұнарасынан құлап, реанимацияға түсіп қайтыс болған. Бұл туралы «Патриот Қарағанды» басылымы жазды.

Басылым ақпаратына сүйенсек, 14 наурызда 1970 жылғы Жанис-Лаурис Вильчинскас есімді азамат мұнараға плакат ілу кезінде 3 метр биіктіктен құлап, 4 күн реанимацияда жатып, ми жарақатынан ауруханада қайтыс болған.

Аталған факті бойынша Ұлытау облыстық полиция департаменті тергеу жұмыстарын бастап кеткен.

«Патриот» басылымы Жезқазған қалалық Мәдениет басқармасына жүгінгенімен, ведомство азаматтың өлімін алаңдағы жұмыстармен байланыстырмауды сұрап, оның ауруханада қайтыс болғанын атап өткен.

Айта кетейік, Семейде Жаңа жылға орай шырша орнатып жүрген мектеп...