Жаңалықтар

Әйгілі актер әрі ережесіз жекпе-жек шебері Еркебұлан Тоқтар  алты айға ММА-дан шеттетілді. OCTAGON лигасы осындай шешім шығарды.

Vesti.kz  ақпаратына қарағанда, бұған оның қоғамдық тәртіп пен келісімшарт ережесін бұзғаны түрткі болып отыр.

Оқиға қалай болды?

Бұдан бірнеше күн бұрын Алматыда Еркебұлан Тоқтар мен оның өзбекстандық қарсыласы Одилхон Камоловпен көшеде төбескен еді. Қырғи-қабақ спортшылар сөзге келіп қалып, Тоқтар Одилханның бетінен шапалақпен бір тартып қалған еді. Төбелес басталған кезде күзетшілер араға түсіп, әзер ажыратып алған-ды.

Бұл қос жауынгердің ел назарын бұру үшін жоспарлаған әрекеті екені белгілі болды. Бұған қарамастан OCTAGON лигасы екеуін де алты айға шеттетуді ұйғарып отыр.

2024 жылы қазақстандық фильмдер кинопрокаттан 22 млрд теңгеден аса қаржы жинаған. «Бұл сома 2023 жылмен салыстырғанда 30%-ға артық», – дейді Top Pro Cinema  орталығының бас директоры Александр Аксютиц. Биыл да миллиард жинап үлгерген фильмдер бар. Олардың артында қандай кинокомпаниялар тұр және қанша салық төлейді? Kursiv.Media анықтап көрді.

«Өнер қырандары»

Әуелі осы жылы миллиард жинап үлгерген «Молда» фильмінен бастайық. Бұрынғы бандиттік өмірінен қашып, жан тыныштығын мешіттен тапқан жігіттің оқиғасы жайлы фильмді «Өнер қырандары» түсірген. Басты рөлде – Мадияр Серікбаев. «Өнер қырандары» шығармашылық ұжымының және дәл сондай атпен белгілі жауапкершілігі шектеулі серіктестіктің иесі де өзі.

«Өнер қырандары» ЖШС...

Қазақстанда мектепке мұғалім болып жұмысқа орналасу үшін директорға немесе басқарма қызметкеріне «заңсыз сыйақы» беру керек болады. Ал жұмысынан шығып қалмас үшін жалақысының бір бөлігін беруге мәжбүр. Осындай деректер келтірген депутат Темір Қырықбаев білім саласындағы жемқорлық фактілерін тексеруді талап етті.

Жемқорлықпен айланысқан директорлар…

Мәжілісмен 2023 жылдың басынан бері білім беру саласында 303 қылмыстық іс тіркелгенін, жалпы шығын 17,5 млрд теңгені құрағанын атап өтті. Көп қаржы жымқыру фактісі, әсіресе, Жетісу, Түркістан, Қызылорда, Алматы облысында және Алматы қаласында анықталған. Депутат осы аймақтарда қаржылық бақылау әлсіз деп санайды.

 «Деректі терең талдайтын болсақ, 249 адам жауапкершілікке тартылған. Оларды...

2025 жылғы қаңтар-ақпан айларында республикалық бюджет табысы 3,6 трлн теңге болды. Алайда Үкімет екі айда 4,3 трлн теңге жинауды көздеген. Салық көп жиналғанына қарамастан, жоспар бар болғаны 83,7%-ға орындалды.

Қаржы министрлігінің есебінде осындай мәлімет жарияланды.

Салық артығымен жиналды

Мұндай жағдай салықтың аз жиналуынан емес, Ұлттық қордан трансферт аз жасалуына байланысты болып отыр.

Өйткені биыл қаңтар-ақпан айларында билік жоспарды 3,1%-ға асыра орындап, көздеген 2,23 трлн теңгенің орнына 2,3 трлн теңге жинаған.

Корпоративті табыс салығы бойынша жоспар 4,1%-ға артық орындалса, көптен бері биліктің бас ауруына айналған қосылған құн салығы (ҚҚС) 3,1%-ға аз жиналған. 

Салықтан тыс түсімдер, соның ішінде мемлекет...

Кореялық танымал «Игра в кальмара» (Squid Game) сериалының екінші маусымы Netflix платформасында жарық көрген сәттен бастап рекордтық қаралым жинап, әлем көрермендерінің назарын өзіне аударды. Алайда бұл жолы сериал тек драмасы мен шиеленісімен емес, ондағы балалық шақтан таныс ойындарымен қазақстандық көрермендердің қызу талқысына түсті. Тіпті кей ойындар қазақтың ұлттық ойындарына қатты ұқсайтыны айтылып, әлеуметтік желілерде кеңінен тарады.

«Бисогчики» – «Асық ату»

Сериалдың төртінші сериясында кейіпкерлер командаларға бөлініп, бес түрлі балалық ойыннан тұратын жарысқа қатысады. Соның бірі – «Бисогчики» (ұшатын тас). Бұл ойында ойыншылар алыстағы тасты немесе белгіні дәлдеп, басқа таспен ұрып құлатуы керек.

Қазақстандық көрермендер бұл ойынды бірден «Асы...

25 наурыз күні АҚШ-тың заң шығару органы – Конгрестің ондаған мүшесі ел президенті Дональд Трампқа хат жазып, құрамына Азаттық радиосы кіретін АҚШ Ғаламдық медиа агенттігін (USAGM) жабуды көздейтін жарлығын жоюға үндеді. Бұл туралы Азаттық радиосы хабарлады.

Өкілдер палатасы мүшелерінің айтуынша, жарлық USAGM-ге қарайтын Азаттық радиосы секілді ұйымдарға залал келтіріп, АҚШ қарсыластары – Ресей, Қытай, Иран және Солтүстік Корея елдеріне көмек болмақ.

Конгрестің 40-тан астам мүшесі қол қойған хатта USAGM-нің жабылуы АҚШ-тың әлемдегі беделі мен ықпалына соққы болатыны айтылған.

«Тікесін айтқанда, Гаванадан Каракасқа дейін және Минскіден Тегеранға дейін миллиондаған адам жабық әрі шектеулі ортада қалып қояды. Олар...

Қазақстанда сотталғандар саны көбейіп барады. Түрмелер мен тергеу изоляторларында орын тапшылығы бар. Сондықтан алдағы уақытта рақымшылық туралы заң қабылдануы мүмкін. Мұндай пікіріді Мәжіліс депутаты  Абзал Құспан айтты.

Мәжілісменнің айтуынша, депутаттар бұған дейін сотталғандарға рақымшылық жасау туралы ІІМ-ге сауал жолдаған.

«Ішкі істер министрлігі депутаттармен келісетіні жайлы және оларға жеңілдік, яғни рақымшылық жасауға байланысты өздерінің позицияларын білдірді. Жақын арада шешімін табады деп ойлаймын. Әйел адамдар ғана емес, басқа да әлеуметтік аз қорғалған азаматтарды да қамтиды деп ойлаймын» – деп мәлімдеді депутат мәжіліс кулуарында. 

Абзал Құспан алдағы уақытта рақымшылық туралы заң қабылдануы мүмкін екенін айтады. Өйткені түзеу мекемелерінде сотталғандар саны жыл сайын көбейіп...

2025 жылы Қазақстан әуе кеңістігі кем дегенде үш мәрте бұзылды. Қорғаныс министрлігі «арандатпауды» ескертсе, әскери шолушы көк аспанды қорғауға бюджеттің бүкіл қаражаты жетпейді деп есептейді.

Биыл республиканың батыс өңіріне үш мәрте белгісіз ұшу аппараты құлап түсті. Мамандар олардың бәрін Ресей дрондарына ұқсатса, ресми билік әлі күнге дейін тұшымды жауап берген жоқ.

«Арандатудың қажеті жоқ»

Республикада әуе қорғанысы қауіпсіздігіне қатысты сұрақ көп. Дегенмен қорғаныс министрлігінің өкілі бүгін де журналистердің жұмбақ дрондарға қатысты сауалына ашық жауап бермеді.

«Құзыретті органдар тергеу жүргізіп жатыр. Одан Қорғаныс министрлігі де тыс қалған жоқ. Әуе қорғанысымыз әрдайым біздің қарауымызда», – дейд...

Мәдениет және ақпарат министрі Аида Балаева «Қазақфильм» киностудиясы төңірегінде айтылып жүрген әңгімелерге қатысты пікір білдірді.

Ол «Қазақфильм» жерінің сатылуы жөніндегі ақпарат негізсіз қауесет екенін айтады.

«Қазақфильмге» тиесілі жерлер киностудия иелігінде қала береді. Жер сатылған жоқ және тек кинематография мүддесі үшін пайдаланылуда» деді ол.

Балаева сондай-ақ киностудияны Астанаға көшіреді деген әңгіме де қауесет екенін, елордаға «Қазақанимация» бірлестігін көшіру мүмкіндігі қарастырылып жатқанын атап өтті.

«Қазақанимация» өндірістік база емес, анимациялық контент жасауға тапсырыстарды бөлетін құрылым. Сондықтан оның Астанаға көшуі саланың жұмысына еш кедергі келтірмейді. Өкінішке қарай, кейінгі бес жылда елімізде сапалы анимациялық фильмдер...

Түрік сериалдары адамды рухани тұрғыдан аздырады. Адамның санасын улап, өміріне, мінез-құлқына жағымсыз әсер етеді.

Қазақстандық психологтар осындай тұжырым жасап, дабыл қағып отыр. Өйткені телехикаялар жүйкеге жүк түсіріп қана қоймай, мидың қалыптасуына да әсер етеді екен.

«Кімге күйеуге тисем, сол өле береді«

Психолог Лимана Құттыбекқызының пікірінше, телеарналардағы сериалдардың ықпалы мықты. Сараптама жасап, адам санасына қалай ықпал етуін анықтау қажет.

«Кейбір сериалдарда адам жанын ауыртатын, санасына жүк түсіретін сөздер бар. Жарнамасы жасалған кезде ол сөздер қайталанып жатады. Адамның миына құрт секілді, вирус тәрізді отырып алады да, кәдімгідей қауіпті жағдайға әкеліп соғуы мүмкін. Мәселен, түріктің «Бауырлар»  телехикаясыны...

Қытайлық Xiaomi BMW компаниясының қызметкерлерін белсенді түрде жұмысқа тартып жатыр. Қытайдан тыс елдерде автокөлік бренді әлі ұсынылмағанымен, жуырда ғана автомобиль нарығына шыққан IT-алпауыт экспортқа көлік шығару туралы ойлана бастаса керек.

Шетелдегі сатылым 2027 жылы басталады

Брендті Қытайдан тыс елдерде сатылымға шығару 2027 жылға жоспарланған.Алайда дайындық қазірдің өзінде жүріп жатыр: Xiaomi өздерінің Еуропадағы зерттеу орталығына мамандар жинауды бастады және BMW қызметкерлерін белсенді түрде өзіне шақыруда. Reuters агенттігінің мәліметінше, кейбірі бұл ұсынысты қабылдап үлгерген.

Xiaomi-дің Еуропадағы зерттеу орталығын BMW-ден шыққан Рудольф Диттри басқарады. Оған BMW және осы концернге қарасты Rolls-Royce компаниясында жұмыс істеген Душан Сарак қосылады. Сонымен қатар, қытайлы...

26 наурыз бүкіл әлемде эпилепсия сырқатына қоғамның назарын аударуға бағытталған «Күлгін күн» (Purple Day) ретінде атап өтіледі. Бұл күні ауру туралы және одан зардап шегетін адамдарға алғашқы көмек туралы ақпарат таратылды.

Эпилепсия деген не

Денсаулық сақтау министрлігі эпилепсияны үлкен ми қыртысындағы шамадан тыс нейрондық разрядтардан туындайтын моторлық, сезімтал, вегетативті, ойлау немесе психикалық функциялардың бұзылуының қайталанатын, негізінен қоздырылмайтын ұстамалармен сипатталатын созылмалы ми ауруы ретінде сипаттайды.

Қарапайым тілмен айтқанда, эпилепсия ми жүйесінде бұзылыстан туатын ұстама немесе дененің құрысу ауруы.

Аурудың себептері

Эпилепсияның төмендегідей себептері бар:

Астана қаласы қылмыстық істер жөніндегі ауданаралық сотында бұрынғы мәдениет және спорт вице-министрі Ерлан Қожағапановқа қатысты сот процесі жалғасып жатыр.

26 наурызда өткен сот отырысында қорғау тарапы Сыбайлас жемқорлыққа қарсы іс-қимыл агенттігі төрағасы орынбасарының мәлімдемесіне шүйлікті деп хабарлайды KursivMedia.

Бұған дейін агенттік төрағасының орынбасары Дархан Құрақбаев Сенат кулуарында Ерлан Қожағапановтың 12 жылға сотталуы мүмкін екенін айтқан.

«Бізде кiнәсiздiк презумпциясы деген жоқ. Оның орнына сотталушы өзінің кінәлі емес екенін өзі дәлелдеуге міндетті деген принцип пайда болды. (…) Бұл – сотқа жасалып жатқан қысым. 12 жылға сотталуым мүмкін екен. Ал маған тағылған айып бойынша 7 жылға дейінгі мерзімге...

2025 жылы қазақстандықтар наурыздың 21-25 аралығында, яғни бес күн қатарынан демалып, мерекені ерекше қуанышпен қарсы алды. Еліміздің барлық өңірінде мерекелік концерттер, ұлттық дәстүрді дәріптеген шаралар ұйымдастырылды.

Өткен жылдан бастап Наурызды онкүндік форматта тойлау дәстүрге айналды – «Наурызнама» деп аталған он күндік мереке 14 наурызда басталып, әр күні ерекше атаумен өткізілді. Мәселен, онкүндік Көрісу күнінен (Амал мерекесі) басталып, одан кейін Шаңырақ күні, Қайырымдылық күні, Жаңару күні, Ұлттық тағамдар күні, Ұлттық киім күні, Спорт күні, негізгі мереке Ұлыстың ұлы күні (21-22 наурыз), соңынан Тазару күні сынды тақырыптармен жалғасты.

Өңірлердегі мерекелік шаралар

Астана қаласында «Наурызнама» онкүндігі 14 наурызда бастау алып...

Ораза айт — мұсылмандар үшін маңызды мереке. Отыз күн бойы ауыз бекітіп, парызын өтеген соң тойланады. Бұл күн таңда жамағатпен айт намазын оқудан басталып, әрмен қарай жақындармен арқа-жарқа болып дастархан басында жиналумен жалғасады. Негізі айт үш күн тойланады. Бірақ ресми мереке күні ретінде бекітілмегендіктен, жұмыс күні саналады. Айтқа байланысты демалыс Құрбан айттың алғашқы күнінде беріледі. Ораза айтты мұсылман қауымы қалай өткізуі керек, қандай амалдар жасаған жөн — осы туралы айтайық.

Ораза айттың шығу тарихы

Ид әл-Фитр және Ораза айт — араб тілінен аударғанда «ауыз ашар мейрамы» дегенді білдіреді. Бұл мереке мұсылмандар ораза ұстап, тәні мен жанын тазартып, айналасындағыларға...

АҚШ Алматы қаласында бас консулдық ғимаратын салу үшін Қазақстаннан жер телімін 49 жылға 25,3 млн долларға жалға алады. Консулдық Жамақаев, Алдар Көсе көшелері мен Әл-Фараби және Сейфуллин даңғылдарының арасында салынады. Бұл туралы СІМ вице-министрі Ақан Рахметуллин айтты.

Бүгін, 26 наурызда, Мәжіліс «Америка Құрама Штаттарының үкіметіне Алматы қаласында консулдық мекеме ғимаратын салу үшін жер телімін жалға беру туралы» заң жобасын қарастырды.

«БҰҰ Бас Ассамблеясының 74-ші сессиясына қатысқаннан кейін Мемлекет басшысы АҚШ-тың Алматыдағы консулдық ғимаратын ашуды тапсырды. Осы тапсырманы орындау үшін 2024 жылғы 27 қыркүйекте Нью-Йоркте АҚШ-қа жер телімін жалға беру туралы келісімге қол қойылды. Құжатқа сәйкес...

Ресейде Instagram мен Facebook сияқты әлеуметтік желілердегі жарнамаға тыйым салу туралы шешім қабылданды. Заң осы жылдың күзіне қарай күшіне енеді. РФ Мемлекеттік Думасының сайтында бұл шешім тыйым салынған ресурстардың иелеріне кіріс көзін жабу мақсатында қабылданғаны атап көрсетілген. Тиісінше, ресейлік блогерлер де қосымша табыстан айырылады.

«Заң шетелдік немесе халықаралық ұйымдардың, Ресей аумағында қызметі жағымсыз деп танылған қоғамдық немесе діни бірлестіктердің, сондай-ақ сот шешімі бойынша таратылған немесе қызметіне тыйым салынған өзге ұйымдардың ақпараттық ресурстарында, сонымен қатар қолданыстағы заңнамаға сәйкес қолжетімділігі шектелген ресурстарда жарнама таратуға тыйым салады», – делінген хабарламада.

РБК-ның ADinBlog-қа сілтеме жасап жазуынша, өткен жылы...

Әлемнің ірі энергетика трейдерлерінің бірқатары санкциядан толық босаған Ресейге қайта оралуға дайын екенін мәлімдеді.

Алпауыт компаниялар не дейді?

«Санкциялар біз қайта оралатындай жұмсарса, неге бармасқа? Бұл біздің жұмысымыз», – дейді Gunvor Group бас директоры Торбьёрн Торнквист Bloomberg агенттігіне берген сұхбатында.

Әлемдегі ең ірі энергетика трейдерінің Алматы қаласында да кеңсесі бар. Компания кейінгі үш жылда Ресей мұнайы мен металын сатуға қатысты ұсыныстар мен келісімдерден бас тартып келген.

«Санкциялар аяқталса, біз Ресейге қайта оралып, шикізат саласында орын алуға талпынар едік», – дейді Mercuria Energy Group Ltd бас директоры...

Экология және табиғи ресурстар министрі Ерлан Нысанбаев Үкіметте өткен баспасөз мәслихатында киіктердің санын реттеуге байланысты қандай жұмыс істелетіні туралы сұраққа жауап берді.

Нысанбаев министрлік ғалымдардың ұсынысын күтіп отырғанын жеткізді.

«Ғалымдар мәселені зерттеп, зерделеп жатыр. Қазіргі уақытта киік пен адам арасында конфликтті көріп отырмыз. Бұл жерде ғылыми көзқарас қажет. Соған сай таразыланған шешім қабылдаймыз. Мәселе Орман шаруашылығы комитетінің қарауында жатыр», – деді ол.

Министр киік санын реттеу «Караль» тәсілі (қоршауға қамау) немесе ату арқылы жүзеге асырылатынын жеткізді.

Жиында министр Іле-Алатау ұлттық саябағының 20 мың гектарға жуық жері министрліктен, әкімдікке, яғни «Медеу» мемлекеттік өңірлік табиғи саябағының теңгеріміне...

АҚШ-та ірі саяси жанжал тұтанды. The Atlantic бас редакторы Джеффри Голдбергті қателесіп Signal қосымшасындағы шенеуніктердің топтық чатына қосып жіберген. Ол жерде АҚШ-тың жоғары лауазымды тұлғалары Йемендегі хуситтер базаларына жасалатын шабуыл жоспарының егжей-тегжейін талқылаған.

Журналисті чатқа Трамптың ұлттық қауіпсіздік жөніндегі көмекшісі Майк Уолтц қосқан. Politico басылымы ол отставкаға кетуі мүмкін деп жазады.

«Жартысы оның бұл жағдайдан аман қалмауы керек және аман қалмайды деп есептейді», – дейді Politico-ға сұхбат берген дереккөз.

Ал екінші бір сарапшы Уолтц президентті ыңғайсыз жағдайға қалдырмас үшін өзі қызметтен кетуі тиіс. Бұл жағдайға қатысты Трамп Уолтцпен сөйлесіп үлгерген. Бірақ президент әкімшілігі оны...

Мақсұт Нәрібаев атындағы университетінде жұмыс істеген белгілі саясаттанушы Екатерина Шульманға Ресей Ішкі істер министрлігінің мәліметі бойынша іздеу жарияланды. Алайда, Шульманмен Қазақстандағы жоғары оқу орны – MNU еңбек шартын тамыз айында үзген.

«Екатерина Шульман өткен оқу жылынан бері Maqsut Narikbayev University-де ассоциирленген профессоры емес. Онымен жасалған еңбек шарты 2024 жылғы 1 тамызда бұзылған», – делінген MNU хабарламасында.

Іздеу салу себебі ретінде қылмыстық іс қозғалуы көрсетілген. Алайда Шульман нақты не үшін іздеу жарияланғанын өзінің YouTube арнасында түсіндіріп өтті.

«Қандай бап бойынша іздеуге жарияланғаны маған беймәлім. Кейбір бақылаушылар бұл «жөнсіз ұйыммен...

Қазақстан мұнайының 80%-ы айдалатын Каспий құбыр желісі консорциумы (КҚК) Ресей мен Украинаның шабуылдауға болмайтын нысандар тізіміне енді.

Ресей мен Украинаның энергетика жүйесінде шабуылдауға болмайтын нысандары тізімі Кремль сайтында 25 наурызда жарияланды. Онда нақты нысандардың атауы көрсетілмеген, бірақ бес түрлі сипаты атап көрсетілген.

Сонымен, жауласушы екі ел арасында мына нысандарға шабуылдауға болмайды:

2025 жылғы 18 наурызда...

2026 жылғы футболдан әлем чемпионатының іріктеу кезеңінде Қазақстан құрамасы алғашқы жеңісіне жетті. 26 наурызға қараған түні Лихтенштейн астанасы Вадуц қаласындағы «Райнпарк» стадионында өткен матчта Қазақстан құрамасы алаң иелерін 2:0 есебімен тізе бүктірді.

Есеп бірінші таймның соңында ашылды – Максим Самородов ұлттық құрама сапындағы төртінші голын соқты.

Одан кейін 1 таймның қосымша уақытында 34 жастағы қорғаушы Александр Марочкин Қазақстан құрамасы сапындағы алғашқы голын соғып, есепті еселеді. Бұл Марочкиннің ұлттық құрамадағы 51-матчы болды.

Айта кетейік, Қазақстан құрамасы әлем чемпионатына іріктеу ойындарында соңғы рет 2013 жылдың 6 қыркүйегінде жеңіске жеткен еді. Ол кезде Астанада өткен кездесуде Фарер аралдарын 2:1 есебімен жеңген.

Одан кейінг...

Соңғы жылдары Қазақстандағы инвестициялық белсенділік қарқын алып келеді. 2024 жылы негізгі капиталға салынған инвестиция көлемі 19,4 трлн теңгеге жетіп, өткен жылмен салыстырғанда 7,5%-ға артқан. Бұл – экономикадағы оң серпіннің айқын көрінісі. Бірақ бұл сандардың артында не жатыр? Қай салаға көбірек қаржы құйылды? Инвесторлар қай жаққа бет бұрды? Осы сұрақтарға бірге үңіліп көрейік.

Инвестиция қайдан келді?

2024 жылғы инвестициялардың негізгі көзі – жеке сектор. Нақтырақ айтсақ, негізгі капиталға салынған инвестицияның 64,4%-ы (12,5 трлн теңге) кәсіпорындар мен жеке компаниялардың өз қаржысынан құралған. Бұл бизнес ортадағы сенімнің жоғары екенін және кәсіпкерлердің болашаққа деген үмітінің зор екенін көрсетеді.

Мемлекеттік қолдау да айтарлықтай – 4,1 трлн теңге немесе жалпы инвестицияның 21,1%-ы бюджет есебінен...