Жаңалықтар

Астана халықаралық қаржы орталығы (АХҚО) Tabys инвестициялық мобильді қосымшасының 49% акциясын Teniz Capital Brokerage LTD брокеріне сатқанын хабарлады.

Мәміленің нақты құны белгісіз. Бірақ қосымшаның қалған үлесі қаржы орталығының өзінде қала береді.

Осы келісім арқылы енді инвестициялық қосымшаға AIX-та листингтен өткен акциялар мен облигациялар, басқа да қаржы құралдары қосылады. Tabys-тың бас директоры Жарас Мұсабековтің түсіндіруінше, алдымен инвесторлар арасында ең танымал қаржы құралдарын қоспақшы.

Қосымшаны бақылау құқығы АХҚО-да қалады, ал клиенттердің шоттары бұрынғыдай AIX-тың Орталық бағалы қағаздар депозитарийінде (AIX CSD) сақталады.

Tabys-ты сатып алған Teniz Capital Brokerage LTD – АХҚО-да тіркелген Teniz Capital Investment Banking-тің еншілес құрылымы. Ол ...

2025 жылдың сәуір айында қазақстандықтар үшін қосымша ресми мерекелік демалыс күндері қарастырылмаған. Яғни, бұл айда мемлекеттік немесе ұлттық мерекелер жоқ. Сондықтан бес күндік жұмыс аптасы бар азаматтар сәуірде 20 жұмыс күні және 10 демалыс күнімен шектеледі.

Дегенмен, сәуір айында ел ішінде маңызы бар бірқатар бейресми мереке бар.

Астана сотында бұрынғы мәдениет және спорт вице-министрі Ерлан Қожағапановтан жауап алынды. Ол «SUCCESS K» стратегиялық коммуникациялар агенттігінің бас директоры Ләззат Көккөзовамен бірге 2018 жылы Петропавлда Қазақстан мен Ресейдің 15-ші өңіраралық ынтымақтастық форумы көрмесін ұйымдастыру кезінде 1 млрд теңгені жымқырды деп айыпталып отыр. 2025 жылдың 27 наурызында Қожағапанов қылмыстық іске қатысты өз ұстанымын айтты, деп хабарлайды Kursiv.Media.

Ерлан Қожағапановтың айтуынша, дау шыққан іс-шара – Нұрсұлтан Назарбаев президент ретінде қатысқан соңғы форум. Оны өткізуге сол кездегі Мәдениет және спорт министрі аса мән бергенін айтты.

«Форум 2018 жылы өтті. Назарбаев 2019 жылы отставкаға кетті. Демек, бұл – Назарбаев пен Ресей...

Туризм және спорт вице-министрі Серік Жарасбаевқа Сенат кулуарында спорт саласындағы діни радикализммен күрес мәселесіне қатысты сұрақ қойылды.

Журналистердің бірі министрлік спорттағы діни радикализммен күрес жүргізу үшін жол картасын қабылдағанын атап өтіп, оны жүзеге асыру барысы қалай болатынын сұрады.

«Акредиттелген спорт федерацияларын терроризмге, экстремизмге қарсы шараларды міндеттеу нормасын енгізіп жатсыздар. Бұл қалай жүзеге асады? Спортшыларға сақал қоюға, уағыз айтуға тыйым саласыздар ма?»,– деп сұралды вице-министрден.

Серік Жарасбаев спортшылардың бет-әлпетіне назар аударудан бұрын, радикалды діни ағымдарға қосылып кетпеу бойынша түсіндіру жұмыстары жүргізілетінін атап өтті.

«Профилактикалық жұмыстарға теологтар, дін комитетінің қызметкерлері жұмылдырылады. Түсіндіру жұмысын жүргізу...

Бас прокуратура порнографиялық каналға тіркелген 8 мыңнан астам адамның педофилияға қатысы бар-жоғын тексереді. Бұл туралы Бас прокуратураның баспасөз қызметі хабарлады.

Баспасөз қызметінің мәліметінше, Түркістан облысының прокуратурасы «Telegram» әлеуметтік желісіне талдау жүргізген. Нәтижесінде порнографиялық сипаттағы арнаны анықтаған. Ол арнада кәмелетке толмағандардың қатысуымен фото және бейне материалдары жарияланған. Бұдан кейін құзырлы орган арнайы қаулы шығарып, жедел-іздестіру іс-шараларын бастап кеткен.

«Тексеру барысында «Telegram» желісінде 2500 теңгеге порнографиялық бейнероликтер, оның ішінде кәмелетке толмағандар мен мектеп оқушыларына қатысты материалдар ұсынылғаны анықталды», – делінген баспасөз хабарламасында.

Бұл арнада барлығы 8012 жазылушы тіркелген. Олардың дені Қазақстан мен ТМД елдерін...

Қазақстан, Қытай және Ресей Ертіс өзенімен жүк тасу мәселесін талқылайды. Көлік министрлігінің есебінше, осы өзенмен бір жылда 2,5 млн тонна жүк тасуға болады.

Ертіс өзенімен жүк тасу – болашағы бар жоба

Үш елдің өкілдері болашақта Ертіспен жүк тасу мәселесін талқылағалы жатқанын ТАСС агенттігі хабарлады.

«Жақында Қазақстанда осы елдің, Ресей және Қытай өкілдерінің кездесуі өтеді. Онда Ертіс өзенімен нақты қандай жүк тасуға болатыны талқыланады», – дейді Ресейдің Обь-Ертіс бассейні әкімшілігі басшысының орынбасары Константин Жулин.

Оның айтуынша, кездесу нақты қай күні өтетіні әзірге белгісіз – тараптар уақытын келісіп жатыр.

Совет одағы кезінде Ертіс...

Елдегі денсаулық сақтау жүйесі өткен жылы мемлекет бөлуі тиіс 500 млрд теңгеден қағылды. Осының нәтижесінде мыңдаған адам уақытында медициналық көмек ала алмай қалды. Емханаларда ұзын-сонар кезек мәселесі күрделеніп, дәрі-дәрмекке қол жеткізу де қиындай түсті. Депутат Асхат Аймағамбетов Телеграм арнасында осындай мәлімдеме жасады.

МӘМС-тің игілігін көрмеді…

«МӘМС жүйесінде әрбір азамат ай сайын жалақысынан 2% жарна төлейді.Жұмыс беруші де әр қызметкері үшін қосымша 3% аударады. Бұдан бөлек, 15 санаттағы азаматтар бар: зейнеткерлер, балалар, студенттер және тағы басқалар. Олар үшін жарнаны мемлекет төлеуі тиіс. Заң бойынша — орташа жалақының 2%-ы көлемінде», – деп жазды мәжілісмен Телеграм арнасында.

Депутат...

Қазақстанға ресми кіріп жатқан Қытай брендтерінің автомобильдеріне негізінен 5 жыл немесе 150 мың шақырым кепілдік береді. Ал 5 жыл өткен соң не болатыны жалпақ жұртқа әзірге бәймелім. Жолдарымыздағы көліктерге әлі бес жыл тола қоймады. Алайда қытай көліктері Ресей нарығына ертерек кірген. Kursiv.Мedia солардың тәжірибесіне сүйеніп, мәселенің мәнісін анықтауға тырысады

Көлік шанағы шіри бастауы мүмкін

Ресейде шанағына коррозияға қарсы өңдеу жасалмаған қытай көліктерінде 2 жылдан кейін коррозия ошағы пайда болып, шіри бастаған жағдайлар тіркелген. Шірік кей көліктерде ұсақ тас тиген тұстарда пайда болса, кей жағдайларда бұл металл сапасының нашарлығымен, Ресей жолдарына себілетін реагенттермен байланысты. Сарапшылар мұндайда көлікт...

Телеграм-арналарда танымал қазақстандық кәсіпкер Мұхтар Жәкішев экс-премьер-министр Кәрім Мәсімовтің коттеджін сатып алғаны жайлы ақпарат тарады. Мәсімовтің құны бір млрд болатын үйі бұған дейін бірнеше рет аукционға шығып, өтпей қалған еді.

Kursiv.Media осы жайлы кәсіпкер Жәкішевтің өзіне хабарласты.

«Жалған ақпарат және сандырақ» , – деді ол бұл жаңалыққа қатысты

Сондай-ақ кәсіпкердің Дубайдан құны 1,5 млн доллар болатын пәтер сатып алғаны жайлы ақпарат тарады. Пәтер аумағы 240 шаршы метрді құрайды, жеке бассейні мен фитнес орталығы да бар көрінеді.

«Бұл да сандырақ. Менің алты қызым бар, неге тек біреуіне ғана алуым керек...

Қазақстан зейнетақы қорының хабарлауынша, кейінгі бір жылда зейнетақы активтері шамамен 4,18 трлн теңгеге артты. Сөйтіп ел азаматтарының зейнетақы жинағы 22,68 трлн теңгеден асты.

Қор мәліметінше, міндетті зейнетақы жарналары есебінен қалыптасқан зейнетақы жинақтары 2025 жылғы 1 наурызда 21,71 трлн теңге болды. 12 айдағы өсімі – 21,4%.

Міндетті кәсіптік зейнетақы жарналары есебінен түзілген зейнетақы жинақтары – 650,69 млрд теңге. Кейінгі бір жылда ең үлкен өсімді (42,8%) ерікті зейнетақы жарналары бойынша жинақтар көрсетті. Оның көлемі – 8,14 млрд теңге.

Салымшылардың зейнетақы шоттарына 2024 жылдан бастап түсе бастаған жұмыс берушінің міндетті зейнетақы жарналары 310,13 млрд теңгеден асты.

Зейнетақы жинағы, жарнасы және төлемдер

2025 жылдың қаңтар-ақпан айларында...

Ауыл шаруашылығы министрлігі елдің барлық су айдындарында суға түсуге тыйым салған. Министрлік облыс тұрғындарына су айдындарын еркін пайдалануға шектеу енгізген. Қарапайым адамдарды құқы қорғалып, министрліктің негізсіз шешім қабылдағанын Бас прокуратураның баспасөз қызметі хабарлады.

«Абай облысының прокуратурасы азаматтардың су пайдалану құқығын шектейтін нормативтік құқықтық актіде заң бұзушылықты анықтады. Заңдылықтың мониторингі барысында Қазақстан Республикасының Конституциясына және Су кодексіне қайшы келетін Ауыл шаруашылығы министрлігі Ортақ су пайдаланудың Үлгілік қағидаларын қабылдағаны белгілі болды», – делінген прокуратура хабарламасында.

Прокуратураның мәліметінше, АШМ елдегі барлық су айдынында, ескерту белгілерінің бар-жоғына қарамастан, суға түсуге толықтай тыйым салған. Тіпті бұрын суға түсуге...

Қазақстан мұсылмандары діни басқармасы 2025 жылғы Ораза айт намазының уақытын жариялады. Биыл Ораза айт 30 наурыз, жексенбі күні аталып өтеді.

Айт намазы еліміздің барлық мешітінде таңғы уақытта оқылады. ҚМДБ-ның ресми мәліметіне сәйкес, айт намазы әр өңірде жергілікті уақытпен келесідей басталады:

Айт намазынан бұрын жамағат Ораза айтқа арналған уағыз тыңдайды. Діни басқарма...

Алматыдағы микроқаржы ұйымдары (МҚҰ) өздерінен несие алған азаматтарды мәжбүрлеп, тағы да бірнеше рет қарыз алуға міндеттеген. Алты МҚҰ-ның осындай заңсыз әрекеттерінен 30 млрд теңге шығын келген деп хабарлайды Қаржы мониторингі агенттігінің Алматы қаласы бойынша департаменті.

Қазір департамент «Creditum» МҚҰ, «Sofi Finance» МҚҰ, «Hava Finance» МҚҰ, «SF Offline» МҚҰ, «POS Credit» МҚҰ, «Сәлем Кредит» МҚҰ-ға қатысты тергеу жүргізіп жатыр. Олар төлемді кешіктірген қарыз алушыларды «KOKE.KZ», «TENGO.KZ», «HAVA.KZ» платформалары арқылы серіктес компаниялармен кепілдік шарттарын жасауға мәжбүрлеген.

Мәселен, бір азамат 120 мың теңге несие алған. Кепілдік шарттарын жасағандықтан ол қарыздың үстіне...

Түркияда ең ірі қала басшысын қолдау акциясы жалпыұлттық наразылыққа ұласты. Халық наразылығы 19 наурызда Ыстанбұл әкімі Экрем Имамоғлу ұсталған күні басталды.

Түркияда халық наразылығына не себеп?

Президент Реджеп Ердоғанның басты саяси қарсыласы Экрем Имамоғлу өткен аптада қамауға алынған. Оған жемқорлық жасады, терроршы топтарға көмектесті деген айыптар тағылған.

Содан бері елдің белсенді азаматтары, әсіресе, студенттер, ықпалды саясаткердің суретін ұстап, күнде көшеге шығып жатыр.

Халық талабы не?

Бір аптаның ішінде елде жүздеген адам ұсталды. Биліктің қудалауынан сескенген азаматтардың бірқатары наразылық акцияларына маска киіп келеді.

Жалпыхалықтың наразылық акциясының тағы бір айрылмас бөлігі – Түркия туы. Бұған қоса, елд...

Қазақстанда кәсіби спорт клубтарын, әсіресе футбол командаларын мемлекеттік бюджет есебінен шектен тыс қаржыландыру мәселесіне шектеу қойылады. Бұл туралы Туризм және спорт вице-министрі Серік Жарасбаев мәлімдеді.

Вице-министрдің айтуынша, Үкімет ойын түрлеріне арналған клубтарды қаржыландыруға нақты лимиттер белгілеу мәселесін қарастыруда. Бұл бастама – мемлекет қаржысын тиімді әрі әділ пайдалану мақсатында қолға алынған.

«Біз бюджеттен футбол, хоккей және басқа ойын клубтарын қаржыландыруға нақты шектеулер қоямыз. Сондай-ақ ойыншылардың жалақысына да лимит енгізіледі. Қазіргі таңда кейбір спортшылар негізсіз жоғары жалақы алып отыр. Мұндай жағдайды бақылауға аламыз», – деді Жарасбаев.

Сондай-ақ, жаңа заң жобасы аясында, шетелдік спортшылар – легионерлер – мемлекеттік...

Енді әлем чемпиондары мен Олимпиада және Паралимпиада чемпиондарының жаттықытырушыларына мемлекеттік бюджеттен қаражат төленуі мүмкін. Тиісті заң Сенатта талқыланып, екінші оқылымда мақұлданды.

Заңға сәйкес, жоғары жетістіктер спортына жататын басым спорт түрлері бірінші кезектегі тәртіппен қаржыландырылады, спорттың ойын түрлері бойынша кәсіби спорт клубтарын ұстауға лимиттер белгіленеді. Ал республикалық және өңірлік спорт федерацияларын ұлттық спорт федерацияларына өзгертіледі. Заңның бір ерекшелігі Қазақстан Республикасының азаматтығы жоқ спортшыларға яғни легионерлерді бюджет қаражаты есебінен қаржыландыруға тыйым салынады.

Заң спортшылардың мамандандырылған медициналық көмек көрсетуді көздейді. Бұл орайда спортшылардың жаттықтырушылары да назардан тыс қалмайды. Яғни талқыланып жатқан заңға сәйкес спортшылар мен жаттықтырушыларға да Мемлекеттік әлеуметтік қолдау...

2022 жылдың ақпанында Украинаға басып кірмес бұрын Ресейге халықаралық банктерден 12 млрд доллардан астам қолма-қол ақша келген. Бұл жайлы Жемқорлық пен ұйымдасқан қылмысты зерттеу орталығы (OCCRP) мен Paper Trail Media зерттеуінен белгілі болды. Қаражат Аустрияның Raiffeisen Bank International (RBI), АҚШ-тың Brink’s және Bank of America банктері арқылы Мәскеу жіберілген.

Ең көп қаржы жіберген – Аустриялық RBI, жалпы сомасы 10 млрд доллар ақша жөнелткен. Brink’s компаниясы 64 жөнелтілім жасап, 1,3 млрд доллар аударды. Ал Bank of America бір ай ішінде 798 млн доллар аударған. Барлық қаражат Мәскеудегі TBSS компаниясы арқылы қабылданды. Қазір бұл компанияға қарсы санкция салған.

Қолма-қол ақша 11 қаңтардан...

Қазақстан атом электр станциясын (АЭС) салу бойынша серіктестермен келіссөздерді жалғастырып жатыр. Атом энергиясы агенттігінің басшысы Алмасадам Сәтқалиев Оңтүстік Кореяның Korea Hydro & Nuclear Power (KHNP) компаниясының делегациясымен кездесті.

Қазір агенттік АЭС құрылысына ядролық технологиялар жеткізушіні таңдап жатыр. Оңтүстік Кореялық компания соған үміткерлердің бірі. KHNP компаниясының бас директоры Чухо Уанг бұл жобаға қатысуға қызығушылық танытып отыр. Атом энергетикасы саласындағы технологиялары мен әзірлемелерін ұсынуға дайын екенін мәлімдеді.

Агенттік мәліметінше, KHNP компаниясымен кездесу АЭС салуға қажетті ядролық технологиялар жеткізушілермен келіссөздердің соңғы кезеңі болды.

Ал АЭС-ті салатын вендор-ел бойынша жұмыс әлі жалғасып жатыр. Қазақстанда АЭС-ті Ресей, Оңтүстік Корея, Қытай және Франция компаниялары...

27 наурыз – барша театр қызметкерлері кәсіби мерекесін – Дүниежүзілік театр күнін атап өтеді.

Мәдениет министрлігінің мәліметінше, елімізде 70 театр жұмыс істейді, оның 57-сі – мемлекеттік. Атап айтқанда, 11 республикалық, 46 өңірлік театр бар. Соңғы төрт жылда бес жаңа мемлекеттік театр ашылып, бұл салаға тың серпін берілді.

Президент Қасым-Жомарт Тоқаев IV Ұлттық құрылтайда:

«Қазақстанда театр өнеріне қызығушылық артып келеді. Зал көрерменге толы, қойылымдардың премьерасына билеттер екі-үш апта бұрын сатылып кетеді. Сахна өнеріне құштар жандардың арасында жастардың көп болуы көңілге ерекше қуаныш ұялатады», – деп атап өтті.

Қазақ театрлары тек отандық көрерменге ғана...

Таразда 5 кәсіпкер «Айша бибі» кесенесінің аумағын заңсыз иемденіп алған. Заңсыз сауда жүргізген кәсіпкерлер сот арқылы жер телімін босатуға міндеттелді.

«Ежелгі Тараз ескерткіштері» тарихи-мәдени қорық-музейі Жамбыл облысының бес тұрғынының үстінен жерді пайдаланудағы кедергілерді жою туралы сотқа талап қоюмен жүгінген. Музей-қорықтың иелігінде «Айша-Бибі» кесенесі бар, оған 2 гектар жер учаскесі тұрақты жер пайдалану құқығы берілген , – деп хабарлады Жоғарғы соттың баспасөз қызметі.

Аталған жер телімі ерекше қорғалатын табиғи аумақ ретінде танылып, онда бірнеше техникалық ғимарат салынған. Кейіннен бес кәсіпкер бұл ғимараттарды заңсыз иемденіп, кесене аумағында сауда жүргізе бастаған.

«Мұражай-қорық кәсіпкерлерден...

TikTok қожайыны Чжан Имин алғаш рет Қытайдың ең бай адамдары тізімінде көш бастады. Оның дәулеті 57,5 ​​млрд долларға жетті деп хабарлайды Bloomberg.

Ең бай қытай

Техномагнат су сатумен айналысатын Чжун Шаньшань мен Tencent Holdings қожайыны Ма Хуатэннен басып озды.

Енді Чжан Имин Азиядағы дәулетті үш адамның қатарына қосылды. Оның алдында үндістандық миллиардерлер Мушек Амбани мен Гутама Адани ғана тұр.

41 жастағы кәсіпкердің ByteDance компаниясы Қытайда жасанды интеллект саласындағы алдыңғы қатарда келе жатыр. Оның Doubao чатботын 75 млн адам белсенді түрде қолданады.

Ал TikTok әлеуметтік желісінің 1 миллиардтан аса қолданушысы бар.

Чжан Имин империясын құру

Қатарлық Lesha Bank қазақстандық Bereke Bank-тің капиталын ұлғайтып, сатуы мүмкін. Бұл туралы Lesha Bank бас директоры Мохаммед Исмаил Әл-Эмади банктің ресми сайтындағы сұхбатында мәлімдеді.

Lesha Bank-тің бас директоры Bereke Bank-ті сатып алудағы мақсаттарын түсіндірді. Ол аталған қаржы ұйымын АҚШ-та Lesha Bank иеленген элиталық жылжымайтын мүлікпен салыстырды.

«Bereke Bank-ті сатып алу – банктің жүзеге асырған тағы бір трансшекаралық мәмілесі. Біз соңғы бірнеше жыл ішінде АҚШ-тың жылжымайтын мүлік нарығында маңызды объектілерді сатып алу арқылы айтарлықтай із қалдырдық. Әрбір осындай қадам мұқият жоспарланып, инвестициялық кезең ішінде салынған қаражатты қайтаруға және болашақта капитал өсімін қамтамасыз етуге бағытталды», – деп...

Қарғын суға байланысты елдің үш өңірінде жол жабылды. Бұл туралы «ҚазАвтоЖолдың» баспасөз қызметі хабарлады.

«2025 жылғы 27 наурыз сағат 08:00 жағдай бойынша еріген қар суларының салдарынан 3 облыстағы 3 республикалық маңызы бар автомобиль жолдарында көлік қозғалысына шектеу қойылды», – делінген баспасөз хабарламасында.

Мына өңірлердің жол учаскелерінде көлік қатынасына шектеу енгізілген:

27 наурызда Қазақстанның бірнеше қаласында атмосфералық ауаның ластануына әкелетін қолайсыз метеорологиялық жағдайлар (ҚМЖ) қалыптасады, бұл туралы «Қазгидромет» хабарлады.

Атап айтқанда, Көкшетау, Павлодар, Өскемен, Семей, Атырау, Ақтөбе, Ақтау, Алматы қалаларында, сондай-ақ түнгі уақытта Астана қаласында ҚМЖ тіркелуі мүмкін.

Қолайсыз метеорологиялық жағдайлар — бұл атмосфералық ауадағы зиянды заттардың шоғырлануына ықпал ететін қысқа мерзімді табиғи факторлардың (жылы ауа райы, әлсіз жел, тұман, инверсия) үйлесімі. Мұндай жағдайлар кезінде елді мекендердегі ауа сапасы нашарлап, халық денсаулығына кері әсер етуі мүмкін.

Ауа сапасының нашарлауына ықпал ететін негізгі фактор — синоптикалық жағдайдың болжамы: желдің бағыты мен жылдамдығы, жауын-шашын, ылғалдылық және ауа температурасы.

Мамандар мұндай күндер...